Tag: پوپ لیو

دنیا بھر کے اربوں کیتھولک مسیحیوں کے روحانی پیشوا پوپ لیو بھی بینکوں کے ہیلپ لائن نمائندوں کے رویے سےمحفوظ نہ رہ سکے، حال ہی میں ایک دلچسپ واقعہ سامنے آیا ہے جہاں بینک کے کسٹمر سروس نمائندے نے پوپ لیو کی شناخت بتانے پر فون ہی کاٹ دیا۔

پوپ لیو کے دیرینہ دوست ریورنڈ ٹام میکارتھی کی جانب سے سوشل میڈیا پر شیئر کی گئی ایک ویڈیو تیزی سے وائرل ہو رہی ہے میکارتھی نے الینوائے میں ایک تقریب کے دوران بتایا کہ گزشتہ سال اپنی پاپائیت کے دوسرے ہی مہینے میں پوپ لیو (جن کا پیدائشی نام رابرٹ فرانسس پریوسٹ ہے اور ان کا تعلق شکاگو سے ہے) نے اپنے بینک کو فون کیا ، وہ اپنے فون نمبر اور پتے کی تفصیلات میں تبدیلی کروانا چاہتے تھے۔

رپورٹ کے مطابق پوپ لیو نے باقاعدہ اپنا سوشل سیکیورٹی نمبر فراہم کیا اور سیکیورٹی سے متعلق تمام سوالات کے درست جوابات بھی دیے، لیکن اس کے باوجود خاتون نمائندہ نے روایتی جواب دیتے ہوئے کہا ’محترم معذرت چاہتی ہوں، ریکارڈ کے مطابق ان تبدیلیوں کے لیے آپ کو ذاتی طور پر بینک آنا ہوگا،پوپ نے جواب دیا کہ ’میرے لیے بینک آنا ممکن نہیں ہوگا، کیا ہم اسے فون پر تبدیل نہیں کرسکتے؟‘ تاہم جب بار بار کی درخواست کا کوئی اثر نہ ہوا تو انہوں نے اپنا آخری کارڈ کھیلتے ہوئے پوچھا ’کیا اس سے کوئی فرق پڑے گا اگر میں آپ کو بتاؤں کہ میں ’پوپ لیو‘ بات کر رہا ہوں؟‘ یہ سنتے ہی کسٹمر سروس نمائندہ نے اسے کوئی مذاق سمجھا اور فوراً فون کاٹ دیا۔

میکارتھی نے کہا کہ کیا آپ تصور کرسکتے ہیں کہ وہ خاتون اب اس حوالے سے جانی جائیں گی کہ انہوں نے خود پوپ کا فون کاٹ دیا تھا؟‘ بعد ازاں ویٹیکن کے ایک عہدیدار نے خود بینک جا کر یہ معاملہ حل کرایا-

امریکی وزیر خارجہ مارکو روبیو نے جمعرات کو ویٹیکن میں پوپ لیو چہارم سے ملاقات کی، ملاقات میں ایران جنگ، مشرقِ وسطیٰ کی صورتِ حال، امن اور دیگر عالمی امور پر تبادلہ خیال کیا گیا۔

’این بی سی نیوز‘ کے مطابق اس ملاقات کو واشنگٹن اور ویٹی کن کے درمیان حالیہ کشیدہ تعلقات کے تناظر میں اہم قرار دیا جا رہا ہے، بند کمرے میں ملاقات دو گھنٹے سے زائد جاری رہی اور اس دوران مشرقِ وسطیٰ کی صورتِ حال، ایران جنگ، مغربی نصف کرہ کے معاملات اور مذہبی آزادی سمیت مختلف امور پر گفتگو کی گئی۔

امریکی محکمہ خارجہ کے ترجمان ٹومی پگٹ نے کہا کہ ملاقات نے امریکا اور ویٹی کن کے درمیان مضبوط تعلقات اور امن و انسانی وقار کے مشترکہ عزم کو اجاگر کیا یہ ملاقات ایک ایسے وقت میں ہوئی جب صدر ڈونلڈ ٹرمپ اور پوپ لیو کے درمیان ایران جنگ کے معاملے پر لفظی کشیدگی بڑھ چکی ہے۔

امریکی محکمہ خارجہ کے ترجمان ٹومی پگٹ نے کہا کہ ملاقات نے امریکا اور ویٹی کن کے درمیان مضبوط تعلقات اور امن و انسانی وقار کے مشترکہ عزم کو اجاگر کیا یہ ملاقات ایک ایسے وقت میں ہوئی جب صدر ڈونلڈ ٹرمپ اور پوپ لیو کے درمیان ایران جنگ کے معاملے پر لفظی کشیدگی بڑھ چکی ہے۔

ٹرمپ نے گزشتہ ہفتوں کے دوران پوپ لیو پر سخت تنقید کرتے ہوئے انہیں خارجہ پالیسی کے لیے نقصان دہ اور جرائم کے معاملے میں کمزور قرار دیا تھا کہا تھا کہ وہ ایسا پوپ نہیں چاہتے جو ایران کو جوہری ہتھیار رکھنے کی اجازت دینے کا حامی ہو اس کے جواب میں پوپ لیو نے واضح کیا کہ کیتھولک چرچ ہمیشہ سے تمام جوہری ہتھیاروں کے خلاف آواز اٹھاتا آیا ہے اور ان کا مؤقف صرف امن اور انجیل کی تعلیمات پر مبنی ہے پوپ نے کہا کہ وہ ٹرمپ انتظا میہ سے خوفزدہ نہیں اور امن کے لیے اپنی اپیلیں جاری رکھیں گے۔

ویٹی کن کے سیکریٹری آف اسٹیٹ کارڈینل پیٹرو پیرولین نے بھی ٹرمپ کے بیانات پر تنقید کرتے ہوئے کہا کہ پوپ پر اس انداز میں حملے کرنا غیر معمولی بات ہے ٹرمپ نے اس ہفتے بھی اپنے مؤقف کو دہراتے ہوئے کہا کہ پوپ ایران کے جوہری پروگرام کے خطرات کو سنجیدگی سے نہیں لے رہے۔

پوپ لیو نے حالیہ مہینوں میں ایران جنگ، عالمی عسکریت اور طاقت کے استعمال پر کھل کر تنقید کی ہے انہوں نے دنیا کو چند آمرانہ ذہن رکھنے والے رہنماؤں کے باعث تباہی کے دہانے پر قرار دیا تھا واضح رہے کہ پوپ لیو چہارم امریکا میں پیدا ہونے والے پہلے پوپ ہیں اور وہ گزشتہ ایک برس سے ویٹی کن کی قیادت کر رہے ہیں ان کے دور میں امریکا اور ویٹی کن کے تعلقات ایران جنگ، امیگریشن پالیسی اور عالمی تنازعات پر اختلافات کے با عث کشیدگی کا شکار رہے ہیں۔

پوپ لیو نے جوہری ہتھیاروں کی حمایت سے متعلق الزامات کو مسترد کرتے ہوئے واضح کیا ہے کہ کلیسا ہمیشہ سے ایسے ہتھیاروں کے خلاف رہا ہے، اور ان پر تنقید کرنے والوں کو سچ بولنا چاہیے۔

پوپ لیو نے روم کے قریب کاستیل گاندولفو میں صحافیوں سے گفتگو کرتے ہوئے کہا کہ کلیسا کا مشن امن اور انجیل کی تبلیغ ہے‘اگر کوئی مجھ پر تنقید کرنا چاہتا ہے تو حقیقت کی بنیاد پر کرے، کیونکہ کلیسا برسوں سے جوہری ہتھیاروں کے خلاف آواز اٹھاتا رہا ہے، دنیا کو تنازعات کے بجائے امن کی طرف بڑھنا چاہیے، اور مذہبی و سیاسی قیادت کو ذمہ داری کا مظاہرہ کرنا ہوگا۔

یہ بیان انہوں نے ڈونلڈ ٹرمپ کے حالیہ سخت بیانات کے ردعمل میں دیا، جن میں ٹرمپ نے دعویٰ کیا تھا کہ پوپ لیو ایران سے متعلق مؤقف کے باعث ‘کیتھولک افراد کو خطرے میں ڈال رہے ہیں، ٹرمپ نے ایک انٹرویو میں کہا تھا کہ پوپ ایران کے جوہری پروگرام کو نظر انداز کر رہے ہیں، اور یہ مؤقف ‘خطرناک’ ہے –

دونوں شخصیات کے درمیان ایران جنگ کے معاملے پر کشیدگی میں حالیہ دنوں میں اضافہ دیکھنے میں آیا ہے ادھر امریکی وزیر خارجہ مارکو روبیو کی پوپ لیو سے ویٹیکن میں ملاقات متوقع ہے، جسے دونوں فریقین کے درمیان بڑھتی کشیدگی کم کرنے کی کوشش قرار دیا جا رہا ہے اس ملاقات میں ‘کھل کر بات چیت’ ہونے کا امکان ہے۔

تجزیہ کاروں کا کہنا ہے کہ ٹرمپ اور ویٹیکن کے درمیان اختلافات ذاتی نوعیت اختیار کرتے جا رہے ہیں، جس سے سفارتی ماحول متاثر ہو رہا ہے بعض مبصرین کے مطابق آنے والے عرصے میں یہ کشیدگی عالمی سیاست پر بھی اثر انداز ہو سکتی ہے۔

پوپ لیو نے کہا ہے کہ جنگیں اور وسائل کی لوٹ مار انسانیت کے مستقبل کی چوری ہیں-

پوپ لیو نے ویٹی کن میں اتوار کو خطاب کرتے ہوئے کہا ہے کہ جنگیں چھیڑنے اور زمین کے وسائل پر قبضہ کرنے والے دراصل انسانیت کے پُرامن مستقبل کو چھین رہے ہیں چرنوبل ایٹمی حادثے کی 40ویں برسی کے موقع پر اپنے ہفتہ وار خطاب میں پوپ لیو نے خبردار کیا کہ ایٹمی توانائی کا استعمال انتہائی ذمہ داری اور دانشمندی کے ساتھ ہونا چاہیے ، چرنوبل کا سانحہ آج بھی انسانیت کے اجتماعی شعور پر ایک گہرا اثر رکھتا ہے اور یہ جدید طاقتور ٹیکنالوجی کے خطرات کی یاد دہانی ہے۔

انہوں نے کہا کہ دنیا میں مختلف شکلوں میں چور موجود ہیں، جن میں وہ لوگ بھی شامل ہیں جو جنگوں کو ہوا دیتے ہیں، وسائل کو لوٹتے ہیں یا برائی کو فروغ دیتے ہیں، اور اس طرح سب سے ایک پُرامن مستقبل چھین لیتے ہیں،پوپ نے امید ظاہر کی کہ عالمی سطح پر فیصلے کرتے وقت عقل اور ذمہ داری کا مظاہرہ کیا جائے گا تاکہ ایٹمی طاقت کو صرف امن اور انسانی بھلائی کے لیے استعمال کیا جا سکےچرنوبل کا سانحہ دنیا کا بدترین ایٹمی حادثہ تھا جس کے اثرات آج بھی محسوس کیے جاتے ہیں۔

کیتھولک مسیحیوں کے مذہبی پیشوا پوپ لیو نے الجزائر کے دورے کے دوران ایک جامع مسجد کا دورہ کیا، جہاں انہوں نے مسجد میں داخل ہونے سے قبل احتراماً اپنے جوتے اتارے۔

پوپ لیو کے اس اقدام کو بین المذاہب احترام اور ہم آہنگی کی ایک اہم مثال قرار دیا جا رہا ہے، دورے کے دوران انہوں نے مختلف مذاہب کے درمیا ن باہمی احترام، رواداری اور امن کے فروغ پر زور دیا کہا کہ خدا کی قربت حاصل کرنے کا مطلب صرف عبادت تک محدود نہیں بلکہ ہر انسان کا احترام کرنا اور بقائے باہمی کو اپنانا بھی ضروری ہے، دنیا میں امن اسی وقت ممکن ہے جب انسان ایک دوسرے کو سمجھنے اور قبول کرنے کا رویہ اختیار کریں،پوپ لیو نے اس موقع پر تمام اقوام کے لیے دعا بھی کی اور امید ظاہر کی کہ دنیا میں امن، انصاف اور ایک دوسرے کو معاف کرنے کا جذبہ فروغ پائے گا-

تجزیہ کاروں کے مطابق یہ دورہ بین المذاہب ہم آہنگی کے فروغ اور عالمی سطح پر امن کے پیغام کو تقویت دینے کی ایک مثبت پیش رفت ہے۔

قبل ازیں پوپ لیو نے دنیا بھر میں مقدس مذہبی مقامات پر بڑھتے ہوئے تشدد اور بے حرمتی کے واقعات پر گہری تشویش کا اظہار کیا تھا، پوپ لیو نے اپنے پیغام میں کہا تھا کہ عبادت گاہوں اور مقدس مقامات پر ہونے والا غیر انسانی اور بے مقصد تشدد انتہائی افسوسناک اور خطرناک رجحان ہے مختلف خطو ں میں مذہبی اور سیاسی کشیدگی کے باعث مساجد، گرجا گھر اور دیگر عبادت گاہیں بھی عدم تحفظ کا شکار ہو رہی ہیں، جو عالمی امن کے لیے باعث تشویش ہے مقدس مقامات کا احترام تمام مذاہب کی مشترکہ ذمہ داری ہے اور ان پر حملے انسانیت کے لیے نقصان دہ ہیں-

ایران کے چیف مذاکرات کار اور پارلیمنٹ کے اسپیکر محمد باقر قالیباف نے کیتھولک مسیحیوں کے روحانی پیشوا پوپ لیو کو خراج تحسین پیش کیا ہے-

اپنے بیان میں محمد باقر قالیباف نے کہا کہ وہ پوپ لیو کی جانب سے بے خوفی سے اپنے موقف پر قائم رہنے کے عمل کی تکریم کرتے ہیں،پوپ کی جا نب سے ادا کیے گئے یہ الفاظ کہ مجھے خوف نہیں، اسرائیل اور امریکا کے جنگی جرائم کی مذمت کے ساتھ یہ الفاظ گونج رہے ہیں پوپ لیو کا ’مجھے خوف نہیں‘ کہنا ایسا نعرہ ہے جو اس راستے کو روشن کرتا ہے جو بے گناہوں کے قتل عام پر خاموش رہنے سے انکار کرنیوالوں کا رستہ ہےپوپ کی قیادت کروڑوں افراد کو متاثر کرتی ہے، یہ روشنی دکھانے پر پوپ کا شکرگزار ہوں۔

واضح رہے کہ پوپ لیو نے ایران امریکا جنگ بندی کی اپیل کی تھی جس کےبعد امریکی صدر ڈونلڈ ٹرمپ نے پوپ لیو کو شدید تنقید کا نشانہ بنایا ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر ایران جنگ سے متعلق پوپ لیو کے بیان پر اپنے ردِعمل کا اظہار کیا ہے۔

اُنہوں نے لکھا ہے کہ پوپ لیو جرم کے معاملے میں کمزور اور خارجہ پالیسی کے معاملے میں خوفناک ہیں مجھے ایسا پوپ نہیں چاہیے جو یہ سمجھتا ہو کہ ایران کا جوہری ہتھیار رکھنا ٹھیک ہے یا جو امریکا کے وینزویلا پر حملہ کرنے کو خوفناک عمل سمجھے، صحافیوں سے گفتگو کرتے ہوئے یہ بھی کہا کہ میں پوپ لیو کا مداح نہیں ہوں۔

پوپ لیو نے امریکی صدر ڈونلڈ ٹرمپ کے بیان پر ردِعمل دیتے ہوئے کہا ہے کہ تنقید کے باوجود جنگ کے خلاف آواز اٹھاتے رہیں گےمیں کسی بحث میں پڑنا نہیں چاہتا، تاہم جنگ کے خلاف کھل کر بولتا رہوں گا مسائل کے منصفانہ حل کے لیے امن، مکالمے اور ممالک کے درمیان کثیرالجہتی تعلقات کو فروغ دینا ضروری ہے دنیا بھر میں بڑی تعداد میں لوگ تکلیف میں ہیں اور بے گناہ افراد مارے جا رہے ہیں، اس لیے ضروری ہے کہ کوئی کھڑا ہو کر یہ کہے کہ مسائل کا بہتر حل بھی ممکن ہےپوپ لیو نے اس عزم کا اظہار کیا کہ عالمی سطح پر امن کے قیام اور تنازعات کے حل کے لیے اپنی کوششیں جاری رکھوں گا۔

ایک برطانوی ڈاکیومنٹری ساز نے دعویٰ کیا ہے کہ پوپ لیو اس برس خلائی مخلوق کے ساتھ پہلے ممکنہ رابطے کی صورت میں ان سے متعلق خطاب کی تیاری کر رہے ہیں۔

یو ایف او محقق مارک کرسٹوفر لی کے دعوے کے مطابق انہوں نے ویٹیکن کے خفیہ آرکائیوز تک رسائی حاصل کر لی ہے اور وہ تاریخی پُراسرار وقوعات کی تحقیقات کر رہے ہیں جو ممکنہ طور پر انسانیت کے خلائی مخلوق کے ساتھ رابطے پر روشنی ڈال سکیں گے،کیتھولک چرچ پہلے ہی خلائی زندگی کے سامنے آنے پر مذہبی اور روحانی نتائج سے متعلق سوچ رہا ہے۔

مارک کرسٹوفر لی نے بتایا کہ انہیں ویٹیکن کے خفیہ آرکائیوز تک رسائی دی گئی ہے اور وہ ایسے پُر اسرار مظہر، روحانی رابطے یا کوئی بھی ایسی چیز جو زمین سے باہر کسی زندگی سے انسان کے ممکنہ رابطے پر روشنی ڈال سکتی ہے، سے متعلق تاریخی حوالہ جات کو دیکھیں گے۔

فرانسیسی خاتون اول کو ٹرانسجینڈر قرار دینے والے 2 خواتین سمیت 10 افراد مجرم قرار

وینزویلا کے عوام کے ساتھ کھڑے رہیں گے،ترک صدر

بھارتی وفد نے مجھےخالدہ ضیاء کا جنازہ پڑھنے سے روکنے کی کوشش کی،سردار ایاز صادق

رومن کیتھولک چرچ کے سربراہ پوپ لیو چہاردہم نے اپنے پہلے کرسمس کے خطبے میں خاص طور پر غزہ کی سنگین انسانی صورتحال کو افسوسناک قرار دیا۔

ویٹیکن کے سینٹ پیٹرز باسیلیکا میں کرسمس کی خصوصی عبادت کے دوران تقریباً 26 ہزار افراد سے خطاب کرتے ہوئے پوپ لیو چہاردہم نے کہا کہ جنگوں نے دنیا بھر میں ملبہ اور کھلے زخم چھوڑ دیے ہیں جس میں سب سے زیادہ متاثر شہری آبادی ہو رہی ہےہم غزہ کے اُن پناہ گزین خیموں کو کیسے بھول سکتے ہیں جو ہفتوں سے بارش، تیز ہواؤں اور سردی کی زد میں ہیں؟

اپنے خطاب میں پوپ لیو نے یورپ میں ضرورت مند افراد کے ساتھ یکجہتی اور قبولیت کی بھی اپیل کی، جسے مبصرین بڑھتے ہوئے مہاجر مخالف رجحانات کی طرف اشارہ قرار دے رہے ہیں دعائیہ تقریب میں پوپ نے روس اور یوکرین سے بھی اپیل کی کہ وہ تقریباً چار سال سے جاری جنگ کے خاتمے کے لیے براہِ راست مذاکرات کی ہمت دکھائیں، فریقین بین الاقوامی برادری کے تعاون سے خلوص، احترام اور براہِ راست مکالمے کا راستہ اختیار کریں۔

پوپ لیو کا پہلا کرسمس خطبہ: غزہ کی سنگین انسانی صورتحال کو افسوسناک قرار دیا

پوپ کا یہ بیان ایسے وقت میں سامنے آیا ہے جب حالیہ دنوں میں غزہ میں شدید بارشوں نے حالات مزید خراب کر دیے ہیں،اقوام متحدہ کے بقول جنگ کے دوران غزہ کی تقریباً پوری آبادی بے گھر ہوچکی ہے 13 لاکھ سے زائد افراد کو فوری پناہ کی ضرورت ہےدرجہ حرارت میں شدید کمی کے باعث ٹھٹھرتی سردی نے پناہ گزین خیموں میں مقیم بچوں، خواتین اور بزرگوں کے لیے شدید خطرات پیدا کردیئے ہیں۔

قبل ازیں پوپ لیو چہاردہم نے گزشتہ ماہ ویٹیکن میں فلسطینی صدر محمود عباس سے ملاقات بھی کی تھی جس میں غزہ کے لیے فوری انسانی امداد کی فراہمی اور فلسطین کے دو ریاستی حل پر اتفاق کیا گیا تھا۔

بنگلہ دیش: عثمان ہادی کے قاتل کو بھارت فرار کرانے والا ملزم گرفتار

واضح رہے کہ شگاگو سے تعلق رکھنے والے نے پوپ ’لیو چہاردہم‘ کا اصل نام رابرٹ پریوسٹ ہے وہ مئی 2025 میں کیتھولک چرچ کی تاریخ کے پہلے امریکی پوپ بنے۔

کیتھولک مسیحیوں کے روحانی پیشوا پوپ لیو نے کہا ہے کہ وہ امریکا میں جاری پارٹی سیاست کا حصہ نہیں بنیں گے اور اس حوالے سے امریکی پادری خود اپنے فیصلے کرنے میں آزاد ہیں۔

غیر ملکی خبر رساں ادارے کے مطابق پوپ لیو نے اپنے بیان میں کہا کہ انہیں امریکا میں ہونے والی بعض سیاسی سرگرمیوں پر تشویش ضرور ہے لیکن وہ بطور مذہبی پیشوا کسی بھی سیاسی جماعت کے ساتھ نہیں جڑیں گےامریکا میں مقیم پادری خود طے کرسکتے ہیں کہ وہ ٹرمپ انتظامیہ سے کس طرح تعلقات رکھیں۔

دوسری جانب پوپ لیو نے مصنوعی ذہانت کی مدد سے اپنی شخصیت کا ورژن بنانے کے منصوبے کو بھی مسترد کردیا انہوں نے کہا کہ مذہبی قیادت انسانی وجود اور اقدار سے جڑی ہے، مشین یا مصنوعی ذہانت سے اس کی نقل نہیں بنائی جاسکتی۔

واضح رہے کہ اس سے قبل سابق پوپ فرانسس نے امریکی پادریوں کو ایک خط میں تارکین وطن سے متعلق ٹرمپ انتظامیہ کی پالیسی پر کھل کر مخالفت کی تھی-

ویٹیکن: کیتھولک عیسائیوں کے روحانی پیشوا پوپ لیو نے غزہ کی سنگین صورتِ حال پر شدید تشویش کا اظہار کرتے ہوئے ایک مرتبہ پھر فوری جنگ بندی کا مطالبہ کیا ہے۔

اپنے بیان میں پوپ لیو نے کہا کہ وہ غزہ کے بے سہارا عوام کے ساتھ دلی ہمدردی رکھتے ہیں جو مسلسل خوف اور غیر انسانی حالات میں زندگی گزارنے پر مجبور ہیں، کے عوام ایک بار پھراپنی زمینوں سے بے دخل کیے جا رہے ہیں اورانہیں ایسے حالات میں دھکیلا جا رہا ہے جو کسی طورقابلِ قبول نہیں۔

پوپ لیو نے عالمی برادری کومخاطب کرتے ہوئے کہا کہ اب وقت آ گیا ہے کہ سب مل کراس جنگ کے خاتمے کے لیے عملی اقدامات کریں،پوپ لیو نے مغویوں کی رہائی پر بھی زوردیا اور کہا کہ انسانی جانوں کو یرغمال بنانا عالمی انسانی قوانین کی سنگین خلاف ورزی ہے، غزہ جنگ کا واحد پائیدارحل سفارتی اور سیاسی مذاکرات ہیں، جن کے ذریعے نہ صرف جنگ بندی ممکن ہے بلکہ خطے میں دیرپا امن قائم ہو سکتا ہے۔

اپنے پیغام میں پوپ نے عالمی طاقتوں اوراقوامِ متحدہ پرزوردیا کہ وہ بین الاقوامی انسانی قوانین کی مکمل پاسداری یقینی بنائیں اورفوری طورپرایسے اقدامات کریں جن سے غزہ کے عوام کو ریلیف پہنچایا جا سکے۔