Baaghi TV

Tag: پیپلز پارٹی

  • بلاول نے سانحہ ماڈل ٹاؤن کے ذمہ داران کو سزا دینے کا مطالبہ کر دیا

    بلاول نے سانحہ ماڈل ٹاؤن کے ذمہ داران کو سزا دینے کا مطالبہ کر دیا

    پیپلز پارٹی کے چیئرمین بلاول زرداری نے منہاج القرآن سیکرٹریٹ کا دورہ کیا، اور پاکستان عوامی تحریک کے مرکزی رہنماؤں سے ملاقات کی،

    اس موقع پر خرم نواز گنڈا پور کے ہمراہ میڈیا سے بات چیت کرتے ہوئے بلاول زرداری کا کہنا تھا کہ ماڈل ٹاؤن کے واقعہ پر بھی مجھے بتایا گیا، جہاں جہاں پر حملہ کیا گیا تھا وہاں پر داغ موجود ہیں، جو بھی ذمہ دار ہو اسے سزا ملنی چاہیے، ہم جو وعدہ کرتے ہیں اس کو پورا کرتے ہیں، پیپلز پارٹی کے منشور کے دس نکات ہیں ہم پاس منصوبہ ہے، ہم عملدرآمد کی کوشش کریں گے، سیلاب کے بعد ہم سندھ میں بیس لاکھ گھر بنا رہے ہیں، کام شروع ہو چکا، خواتین کو مالکانہ حقوق دے رہے ہیں، اگر سندھ میں 20 لاکھ گھر بنانے کا منصوبہ شروع کر سکتے ہیں تو مشکل نہیں کہ ملک میں 30 لاکھ گھر بنائیں،

    بلاول زرداری کا کہنا تھا کہ نئے سال بڑوں کی لیگیسی پورا کرنا چاہتے ہیں، پاکستان کو ماڈل ریاست بنانا چاہتے ہیں،پاکستان کا اصل پرامن چہرہ سامنے لانا چاہتے ہیں،پرامن طریقہ سے نفرت کی سیاست کا خاتمہ چاہتے ہیں، فوکس عوام کی خدمت ہو ذاتی ایجنڈا نا ہو، سفر کا آغاز جو بڑوں نے کیا تھا اسے آگے لے کر جائیں گے،ہم مل کر محنت کریں گے, ہمارا نظریہ ایک ہے، پوری دنیا میں ملک اور مذہب کا اصل چہرہ لائیں گے، چند روز میں منشور پر پوری ٹاک کا سوچ رہا ہوں، انتخابی مہم تو کب سے شروع ہے، کچھ جماعتیں دوسری طرف دیکھ رہے ہیں، ہم عوام کی طرف دیکھ رہے ہیں،

    بلاول زرداری تحریک منہاج القرآن کے ممبر بن گئے
    چیئرمین پاکستان پیپلزپارٹی بلاول بھٹو زرداری تحریک منہاج القرآن کے ممبر بن گئے،بلاول بھٹو زرداری نے منہاج القرآن سیکریٹریٹ میں ممبر شپ فارم پر دستخط کئے،نور اللہ صدیقی ترجمان منہاج القرآن کا کہنا ہے کہ بلاول بھٹو کو منہاج القرآن کا تاحیات ممبر بنایا گیا ہے، بینظیر بھٹو شہید بھی تحریک منہاج القرآن کی تاحیات رکن تھیں،بینظیر بھٹو نے ڈاکٹر طاہر القادری کی دعوت پر تحریک منہاج القرآن کی رکنیت حاصل کی تھی

    عمران خان پربجلیاں، بشری بیگم کہاں جاتی؟عمران کےاکاونٹ میں کتنا مال،مبشر لقمان کا چیلنج

    سمیرا ملک نے آزاد حیثیت میں انتخابات میں حصہ لینے کا اعلان کیا

    مسلم لیگ ن نے عمران خان کی اہلیہ بشریٰ بی بی کے سابق دیور احمد رضا مانیکا کو بھی ٹکٹ جاری کر دیا

    عام انتخابات، آصفہ انتخابی مہم چلانے کے لئے میدان میں آ گئیں

    صارفین کا کہنا ہے کہ "تنظیم سازی” کرنے والوں‌کو ٹکٹ سےمحروم کر دیا گیا

    عام انتخابات، پاکستان میں موروثی سیاست کا خاتمہ نہ ہو سکا،

    بلاول کی ماڈل ٹاؤن کے شہداکی یادگار پر حاضری،پھول چڑھائے
    قبل ازیں پاکستان پیپلزپارٹی کے چیئرمین بلاول بھٹو زرداری کی منہاج القرآن سیکریٹریٹ آمدہوئی،بلاول بھٹو زرداری نے 2014 میں ماڈل ٹاؤن میں شہید ہونے والے 14 جبکہ اسلام آباد میں شہید ہونے والے منہاج القرآن کے نو شہداء کی یادگار پر حاضری دی، بلاول بھٹو زرداری نے منہاج القرآن سیکریٹریٹ میں یادگارِ شہدا پر پھول چڑھائے،چیئرمین بلاول بھٹو زرداری نے تحریک منہاج القرآن کی رکنیت سازی کا فارم بھی پُر کیا، بلاول بھٹو زرداری نے منہاج القرآن سیکریٹریٹ میں 24 گھنٹے ذکر و اذکار کے مقام گوشہ درود کا دورہ بھی کیا، بلاول بھٹو زرداری کی پاکستان عوامی تحریک کے سیکریٹری جنرل خرم نواز گنڈاپور، سینئر نائب صدر راجہ زاہد محمود اور نائب صدر میاں زاہد الاسلام سے ملاقات ہوئی، بلاول بھٹو زرداری سے پاکستان عوامی تحریک کے سیکریٹری اطلاعات نوراللہ صدیقی، سیکریٹری کوآرڈینیشن عارف چوہدری اور ڈپٹی سیکریٹری کوآرڈینیشن سردار عمر دراز خان کی ملاقات ہوئی،بلاول بھٹو زرداری سے پاکستان عوامی تحریک کے نائب ناظم اعلی ایڈمنسٹریشن جواد احمد، صدر عوامی لائرز فورم نعیم الدین چوہدری اور سیکریٹری جنرل راشد چوہدری ایڈووکیٹ کی ملاقات ہوئی، بلاول بھٹو زرداری سے پاکستان عوامی تحریک وسطی پنجاب کے صدر میاں ریحان مقبول اور جنرل سیکریٹری میاں کاشف محمود کی ملاقات ہوئی، بلاول بھٹو زرداری کے ہمراہ پی پی پی پی کے سیکریٹری جنرل نیر بخاری، وسطی پنجاب کے جنرل سیکریٹری حسن مرتضی، این اے 127 کے کمپئن انچارج ذوالفقار علی بدر اور قاسم گیلانی موجودتھے،

    سماعت سے محروم بچوں کے والدین گھبرائیں مت،آپ کا بچہ یقینا سنے گا

    تمام امیدواران کو الیکشن کا برابر موقع ملنا چاہئے

    عام انتخابات کے دن قریب آئے تو تحریک انصاف کی مشکلات میں اضافہ 

     این اے 15سے نوازشریف کے کاغذات نامزدگی منظور

    نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

    پیپلز پارٹی کی ایک کارنر میٹنگ میں اپنے ہی جیالوں کو دھمکی

  • عام انتخابات، آصفہ بھٹو انتخابی مہم چلانے کے لئے میدان میں آ گئیں

    عام انتخابات، آصفہ بھٹو انتخابی مہم چلانے کے لئے میدان میں آ گئیں

    عام انتخابات، آصفہ انتخابی مہم چلانے کے لئے میدان میں آ گئیں

    آصفہ بھٹو زرداری سانگھڑ پہنچ گئیں،پیپلز پارٹی کے جیالوں نے آصفہ بھٹو زرداری کا استقبال کیا آصفہ بھٹو زرداری پر پھول کی پتیاں نچھاور کی گئیں آصفہ بھٹو زرداری نے ہاتھ ہلا کر کارکنوں کا شکریہ ادا کیا ، آصفہ بھٹو زرداری نے مختصر خطاب کیا اور فلگ شگاف نعرے بلند کیے ،

    آصفہ زرداری کا کہنا تھا کہ بلاول بھٹو زرداری نے آپ کو منشور دیا ہے، پیپلزپارٹی کو ووٹ دے کر کامیاب کریں .تیر پر مہر لگا کر پیپلزپارٹی کے امیدواروں کو کامیاب کریں,آصفہ بھٹو زرداری کی سیکورٹی کے لئے پولیس کی بھاری نفری تعینات کی گئی تھی،آصفہ بھٹو زرداری کے ہمراہ شازیہ مری نوید ڈیرو،عاجز دھامرہ پارس ڈیرو جہانگیر جونیجو علاؤ الدین جونیجو علی حسن ہنگورجو رانا راشد راجپوت رخسانہ شر اور جو بھی موجود تھے

    آصفہ زرداری الیکشن 2024 میں خود الیکشن نہیں لڑ رہی تا ہم وہ امیدواروں کی انتخابی مہم چلائیں گی، آصف زرداری نے آصفہ کو سیاست میں لانے کا اعلان کیا تھا ،امید کی جا رہی تھی کہ آصفہ الیکشن لڑیں گی تاہم آصفہ کے کہیں سے بھی کاغذات نامزدگی جمع نہیں کروائے گئے.31 مارچ 2022کو سابق صدر آصف زرداری نے کہا تھا کہ آصفہ بھٹو کو اگلے انتخابات میں پارلیمانی سیاست میں لے کر آؤں گا،تاہم ایسا نہ ہو سکا

    آصفہ بھٹو زرداری سابق صدر آصف علی زرداری کے تین بچوں میں سب سے چھوٹی ہیں۔ ان کی پیدائش 3 فروری 1993 کو لندن میں ہوئی تھی تاہم اب وہ اپنی فیملی کے ساتھ پاکستان میں مقیم ہیں اور سیاسی سرگرمیوں میں حصہ لیتی رہتی ہیں۔آصفہ بھٹو زرداری گزشتہ کچھ سالوں سے خواتین کے حقوق کے حوالے سے کام کرتی آرہی ہیں تاہم ان کی سیاست میں باضابطہ انٹری پی ڈی ایم کے ملتان جلسے سے ہوئی تھی جس میں انہوں نے اپنے سیاسی کریئر کی پہلی تقریر کی تھی

    آصفہ نے لانگ مارچ کی قیادت بھی کی تھی اور کراچی سے اسلام آباد بلاول کے ہمراہ تھیں،راستے میں ڈرون سے زخمی بھی ہوئی تھیں.

     الیکشن کمیشن کو تمام شکایات پر فوری ایکشن لیکر حل کرنے کا حکم

    کاغذات نامزدگی جمع کرانے کے وقت میں 2 دن کا اضافہ 

    ن لیگ کے محسن رانجھا نے پی ٹی آئی والوں پر پرچہ کٹوا دیا .

    نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

    عام انتخابات کے دن قریب آئے تو تحریک انصاف کی مشکلات میں اضافہ 

  • کچھ قوتوں نےسوچاتھاکہ وہ پیپلزپارٹی کوختم کردیں گے،بلاول

    کچھ قوتوں نےسوچاتھاکہ وہ پیپلزپارٹی کوختم کردیں گے،بلاول

    فیصل آباد: پاکستان پیپلز پارٹی کے چئیرمین بلاول بھٹو زرداری کا کہنا ہے کہ گھر گھر جاکر بتائیں آپ کی تنخواہ اور آمدنی کوڈبل کریں گے، پی پی کی حکومت بنے گی تو 300 یونٹ بجلی غریبوں کو مفت ملےگی –

    باغی ٹی وی: تاندلیانوالہ میں جلسے سے خطاب کرتے ہوئے بلاول بھٹو نے کہا کہ خوشی محسوس ہورہی ہے پنجاب میں موجود ہوں وہ سمجھتے تھے ذوالفقار علی بھٹو اور بے نظیر کو شہید کرکےغریب کی آواز بند کردیں گے، سب کو پیغام دینا چاہتا ہوں ہم ڈرنے والے نہیں، پورے پاکستان کو بتائیں گے کہ پنجاب میں جیالے زندہ ہیں۔

    بلاول بھٹو نے کہا کہ مہنگائی تاریخ کی بلند ترین سطح پر پہنچ چکی ہے ہم پنجاب میں سیاسی جماعتوں کامقابلہ کرکے دکھائیں گے، ان سے اپنا حق چھینیں گےاشرافیہ کی جماعتوں کو اس صوبے اور ملک پرمسلط کیا گیا، جب بھی یہ حکومت میں آتے ہیں ظلم کرتے ہیں، ملکی معاشی ابتر حالات تاریخی سطح پر پہنچ چکے ہیں، کوئی جیل سے بچنے اور کوئی جیل سے نکلنے کیلئے الیکشن لڑرہا ہے، پیپلز پارٹی عوام کیلئے الیکشن لڑرہی ہے۔

    بلاول بھٹو نے کہا کہ پنجاب کے سیاستدان جب بھی بیمار ہوتے ہیں لندن جاکےعلاج کراتے ہیں، اب آپ میری حکومت بنائیں تو ان سیاستدانوں کو دور نہیں جانا پڑے گا، ہم ان سیاستدانوں کیلئے دل کے علاج کا بندوبست کرلیں گے۔

  • بلاول سے پنجاب کے تاجروں، صنعتکاروں کی ملاقات

    بلاول سے پنجاب کے تاجروں، صنعتکاروں کی ملاقات

    چیئرمین پی پی پی بلاول بھٹو زرداری کی گلبرگ میں سابق صدر لاہور چیمبر آف کامرس شہزاد علی ملک اور رہنما یونائیٹڈ بزنس گروپ مومن علی ملک کی رہائش گاہ آمدہوئی

    بلاول بھٹو زرداری نے پنجاب بھر کے تاجر رہنماؤں، صنعت کاروں اور کاروباری طبقے کے نمائندوں سے ملاقات کی،بلاول اور پنجاب کے صنعت کاروں اور تاجر رہنماؤں کے درمیان ملکی معیشت کی بہتری کے حوالے سے تبادلہ خیال کیا گیا، بلاول بھٹو زرداری نے پنجاب کے صنعت کاروں اور تاجر رہنماؤں کے سامنے اپنا معاشی پلان رکھ دیا، بلاول بھٹو زرداری نے پنجاب کے صنعت کاروں اور تاجر رہنماؤں کو پبلک پرائیوٹ پارٹنر شپ کے ماڈل کی افادیت اور مستقبل کے منصوبوں سے آگاہ کیا، بلاول بھٹو زرداری کو پنجاب کے صنعت کاروں اور تاجر رہنماؤں کی جانب سے معیشت کی بہتری کے لئے تجاویز دی گئیں

    بلاول بھٹو زرداری سے یونائیٹڈ بزنس گروپ کے پیٹرن انچیف ایس ایم تنویر اور صدر وفاقی ایوان صنعت و تجارت عاطف اکرام شیخ کی ملاقات ہوئی، بلاول بھٹو زرداری سے ایوان صنعت و تجارت کے نائب صدور امان پراچہ، ذکی اعجاز، عبدالمہیمن خان اور سابق صدر وفاقی ایوان صنعت و تجارت میاں ادریس کی ملاقات ہوئی، بلاول بھٹو زرداری سے دین ٹیکسٹائل کے ڈائریکٹر شیخ نبیل اور ایس ایم عمران، لاہور چیمبر آف کامرس کے صدر کاشف انور کی بھی ملاقات ہوئی، بلاول بھٹو زرداری سے لاہور چیمبر آف کامرس ایگزیکٹو کمیٹی کے اراکین فریحہ یونس، ہارون اروڑا اور ڈاکٹر شاہد رضا کی ملاقات ہوئی،بلاول بھٹو زرداری سے روشن پیکجز کے سی ای او طیب اعجاز اور رائس ایکسپورٹر ایسوسی ایشن آف پاکستان کے پیٹرن انچیف پیر نظام حسین کی ملاقات ہوئی،بلاول سے عامر عطاء باجوہ، منظور الحق ملک، رؤف مختار، احمد چنائے، دارو خان، ظفر بختاوری ودیگر کی بھی ملاقات ہوئی،بلاول سے سہیل ملک، کریم عزیز ملک، محمد زمان، جواد حسین کاظمی، خاور رشید، نصیر احمد خان، میاں طارق مصباح، عدنان صادق لون، میاں مصباح الرحمان، فاروق افتخار، شہزاد علی ملک ، شیخ محمد آصف، خالد مصباح، عزیزالرحمان چن، رحمان عزیز چن، شیخ محمد ابراہیم، ذیشان خلیل، شہزاد اعظم خان، اکبر خان ودیگر کی بھی ملاقات ہوئی.

    سماعت سے محروم بچوں کے والدین گھبرائیں مت،آپ کا بچہ یقینا سنے گا

    تمام امیدواران کو الیکشن کا برابر موقع ملنا چاہئے

    عام انتخابات کے دن قریب آئے تو تحریک انصاف کی مشکلات میں اضافہ 

     این اے 15سے نوازشریف کے کاغذات نامزدگی منظور

    نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

    پیپلز پارٹی کی ایک کارنر میٹنگ میں اپنے ہی جیالوں کو دھمکی

  • بلاول چاہتے ہیں انکا ہاتھ پکڑ کر اقتدار میں بٹھا دیا جائے، احسن اقبال

    بلاول چاہتے ہیں انکا ہاتھ پکڑ کر اقتدار میں بٹھا دیا جائے، احسن اقبال

    مسلم لیگ ن کے رہنما، سابق وفاقی وزیر احسن اقبال نے حلقہ پی پی 54 کے دورہ کے موقع پر میڈیا سے گفتگو کرتے ہوئے کہا ہے کہ پنجاب میں مسلم لیگ ن کی ٹکٹ کی اجراء کے لیے انٹرویوز کا عمل مکمل ہو چکا ہے۔

    احسن اقبال کا کہنا تھا کہ پارٹی لیڈر شپ اسی ہفتے پنجاب میں ٹکٹ جاری کر دے گی۔انتخابات ہر صورت 8 فروری کو منعقد ہونےچاہیے. پاکستان میں اگرانتخابات کا التوا ہوتا ہے تو اس کے نتیجے میں بے یقینی میں اضافہ ہوگا۔ الیکشن ملتوی ہونے سے پاکستان کی معاشی بحالی کی سرگرمیاں متاثر ہو سکتی ہیں۔ سرمایہ کار کم ازکم اگلے پانچ سال کے لیے ایک مستحکم حکومت چاہتے ہیں۔سرمایہ کار چاہتے ہیں ملک کی معاشی پالیسیوں میں تسلسل ہو ۔ہماری معاشی پالیسیوں کے تحت سرمایہ کاری ہوگی ملک میں استحکام ہوگا۔اس وقت پاکستان کے معاشی حالات کا تقاضا ہے کہ جلد از جلد انتخابات کے نتیجے میں ایک مستحکم اور مضبوط حکومت قائم ہو۔مسلم لیگ ن وہ جماعت ہے جس کے پاس پلان ہے ٹیم ہے جس کے پاس تجربہ بھی ہے۔مسلم لیگ کے پاس ماضی کی کارگردگی بھی ہے۔ بحرانوں سے نکلنےمہنگائی بے روزگاری کو ختم کرنے کے لیے مسلم لیگ ن کا اقتصادی پروگرام پاکستان کو آگے لے جائے گا ۔

    احسن اقبال نے بلاول بارے بات کرتے ہوئے کہا کہ بلاول بھٹو صاحب چاہتے ہیں کہ ان کا ہاتھ پکڑ کر اقتدار میں بٹھا دیا جائے۔بلاول بھٹو کے بیانات کو سنجیدہ نہیں لینا چاہیے ۔بلاول کے والد محترم نے کہا ہے کہ وہ ابھی انڈر ٹریننگ ہے۔بلاول وقت کے ساتھ میچور ہو نگے انہیں اپنی ٹریننگ پر توجہ دینی چاہیے۔

    سماعت سے محروم بچوں کے والدین گھبرائیں مت،آپ کا بچہ یقینا سنے گا

    تمام امیدواران کو الیکشن کا برابر موقع ملنا چاہئے

    عام انتخابات کے دن قریب آئے تو تحریک انصاف کی مشکلات میں اضافہ 

     این اے 15سے نوازشریف کے کاغذات نامزدگی منظور

    نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

    پیپلز پارٹی کی ایک کارنر میٹنگ میں اپنے ہی جیالوں کو دھمکی

  • آٹھ فروری کے بعد نو فروری بھی آئیگی،پیپلز پارٹی امیدوار کی دھمکی

    آٹھ فروری کے بعد نو فروری بھی آئیگی،پیپلز پارٹی امیدوار کی دھمکی

    عام انتخابات 2024 آٹھ فروری کو ہونے ہیں، الیکشن کے لئے انتخابی مہم جاری ہے، امیدوار جہاں جلسے ،کارنر میٹنگز کر رہے ہیں وہیں ووٹر سے ووٹ بھی مانگے جا رہے ہیں، ایسے میں سانگھڑ سندھ سے پیپلز پارٹی کے امیدوار کی ویڈیو وائرل ہوئی ہے جس میں وہ پیپلز پارٹی کی ایک کارنر میٹنگ میں اپنے ہی جیالوں کو دھمکی دے رہے ہیں.

    سانگھر میں پی پی کے امیدوار علی حسن نے کارنر میٹنگ میں جیالوں‌سے خطاب کیا، انہوں نے ووٹ مانگے ، ساتھ دھمکی بھی دے ڈالی علی حسن کا کہنا تھا کہ پارٹی امیدوار کو ہی کامیاب کروائیں ورنہ ان کے ساتھ حساب ہوگا، ورکرز اور جیالے مہربانی کرکے سیدھے ہو جائیں، پارٹی امیدوار کے ساتھ چلیں اور پیپلز پارٹی کے امیدواروں کو کامیاب کروائیں، نہیں تو 8 کے بعد 9 فروری بھی آئے گی، پھر ان کے ساتھ جو حساب ہوگا وہ پورا سانگھڑ دیکھے گا

    پیپلز پارٹی امیدوار کی دھمکی پر الیکشن کمیشن کا نوٹس،
    سوشل میڈیا پر ضلع سانگھڑ سے پیپلز پارٹی کے پی ایس 41 کے امیدوار امیدوار علی حسن ہنگورجو کی وائرل ہونے والی ویڈیو کا الیکشن کمیشن نے نوٹس لے لیا ہے اور اس سلسلے میں ڈسٹرکٹ مانیٹرنگ آفیسر سے رپورٹ طلب کی گئی ہے، ویڈیو میں الیکشن کمیشن آف پاکستان کے ضابطہ اخلاق کی خلاف ورزی کرتے ہوئے ضلع سانگھڑ سے پی ایس 41 کے امیدوار علی حسن عوام اور کارکنان کو دھمکیاں دیتے دکھائی دے رہے تھے

    سماعت سے محروم بچوں کے والدین گھبرائیں مت،آپ کا بچہ یقینا سنے گا

    تمام امیدواران کو الیکشن کا برابر موقع ملنا چاہئے

    عام انتخابات کے دن قریب آئے تو تحریک انصاف کی مشکلات میں اضافہ 

     این اے 15سے نوازشریف کے کاغذات نامزدگی منظور

    نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

  • امریکی سفیر کی زرداری ہاؤس آمد، بلاول سے ملاقات

    امریکی سفیر کی زرداری ہاؤس آمد، بلاول سے ملاقات

    پاکستان میں امریکی سفیر ڈونلڈ بلَوم نےپیپلزپارٹی کے چیئر مین بلاول زرداری سے اہم ملاقات کی ہے

    ملاقات کے حوالے سے امریکی سفارتخانہ کے قائم مقام ترجمان تھامس منٹگمری نے اپنے جاری بیان میں کہا ہے کہ پاکستان کے وسیع تر سیاسی شراکت داروں کے ساتھ اپنی ملاقاتوں کے تسلسل میں ریاست ہائے متحدہ امریکہ کے سفیر ڈونلڈ بلَوم نے پاکستان پیپلز پارٹی کے چیئرمین بلاول بھٹو زرداری سے ملاقات کی، ملاقات کا مقصد آزادانہ ، منصفانہ اور شمولیت پر مبنی انتخابات کی اہمیت سمیت موجودہ سیاسی اُمورپر تبادلہ خیال کرنا تھا۔ فریقین نے امریکہ اور پاکستان کے درمیان تجارتی اور سرمایہ کاری تعلقات کی اہمیت اور یو ایس پاکستان گرین الائنس فریم ورک میں پیشرفت کے موضوعات پر بھی گفتگو کی،

    دوسری جانب پیپلز پارٹی کی جانب سے جاری اعلامیہ میں کہا گیا ہے کہ پاکستان پیپلزپارٹی کے چیئرمین بلاول بھٹو زرداری سے ملاقات کے لئے امریکی سفیر ڈونلڈ بلوم کی زرداری ہاؤس آمدہوئی، بلاول بھٹو زرداری اور امریکی سفیر ڈونلڈ بلوم کے درمیان دوطرفہ تعلقات میں فروغ کے حوالے سے بات چیت ہوئی، بلاول بھٹو زرداری اور امریکی سفیر ڈونلڈ بلوم کے درمیان پاکستان اور امریکا کے درمیان تجارتی تعلقات میں فروغ پر بھی تبادلہ خیال کیا گیا

    امریکہ بہادر کا فیصلہ آگیا، کاکڑ اور ہمنوا پریشان

    ہوشیار۔! آدھی رات 3 بڑی خبریں آگئی

    بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

  • واحد نکتہ یہی ہے اس وقت عدلیہ آزاد نہیں تھی، ہم کیسے اس مشق میں پڑیں کہ بنچ آزاد نہیں تھا؟،جسٹس منصور

    واحد نکتہ یہی ہے اس وقت عدلیہ آزاد نہیں تھی، ہم کیسے اس مشق میں پڑیں کہ بنچ آزاد نہیں تھا؟،جسٹس منصور

    اسلام آباد: سپریم کورٹ میں ذوالفقار علی بھٹو کی پھانسی کے خلاف صدارتی ریفرنس پر سماعت جاری ہے-

    باغی ٹی وی : چیف جسٹس قاضی فائز عیسیٰ کی سربراہی میں 9 رکنی لارجر بنچ ریفرنس کی سماعت کر رہا ہے،بنچ میں جسٹس سردار طارق، جسٹس منصور علی شاہ، جسٹس یحییٰ آفریدی، جسٹس امین الدین، جسٹس جمال مندوخیل، جسٹس محمد علی مظہر، جسٹس حسن اظہر رضوی اور جسٹس مسرت ہلالی شامل ہیں۔

    پاکستان پیپلز پارٹی کے چیئرمین بلاول بھٹو زرداری بھی کمرہ عدالت میں موجود ہیں، جبکہ کیس کی کارروائی براہ راست نشر کی جارہی ہےسماعت شروع ہوئی تو سینیٹر رضا ربانی روسٹرم پر آگئے، جس پر چیف جسٹس نے استفسار کیا کہ کیا آپ عدالتی معاون ہیں؟رضا ربانی کہا کہ میں عدالتی معاون نہیں لیکن بختاور اور آصفہ کا وکیل ہوں، ہم نے کیس میں فریق بننے کی درخواست جمع کرائی ہے،جس پر چیف جسٹس نے کہا کہ ٹھیک ہوگیا، اس درخواست کو دیکھتے ہیں۔

    اس کے بعد عدالتی معاون بیرسٹر صلاح الدین احمد روسٹرم پر آگئے،بیرسٹر صلاح الدین نے کہا کہ میری اہلیہ نواب احمد قصوری کی نواسی ہیں، عدالت فریقین سے پوچھ لے کہ میری معاونت پر کوئی اعتراض تو نہیں، چیف جسٹس نے کہا کہ اہلیہ نے اعتراض اٹھایا ہے تو پھر بڑا سنجیدہ معاملہ ہے۔

    وکیل فاروق ایچ نائیک نے کہا کہ ذوالفقار علی بھٹو کے ورثا کو بیرسٹر صلاح الدین پر اعتراض نہیں، وکیل خواجہ حارث نے کہا کہ میرے والد ڈی جی ایف ایس ایف مسعودمحمود کےبھٹو کیس میں وکیل تھےاگر میرےاوپر بھی کسی کو اعتراض ہو تو بتا دیں، جس پر چیف جسٹس نے کہا کہ آپ پر کسی فریق کو اعتراض نہیں آپ فئیر ہیں اس کا یقین سب کو ہے، عدالتی معاون مخدوم علی خان نے عدالت کو کہا کہ ہم نے کچھ متعلقہ مواد جمع کرایا ہے۔

    اس کے بعد احمد رضا قصوری روسٹرم پر آئے تو چیف جسٹس نے انہیں بات کرنے سے روک دیا اور کہا کہ آپ اپنی نشست پر بیٹھ جائیں، پہلے عدالتی معاون کو بات مکمل کرنے دیں، آپ کو ان کی کسی بات پراعتراض ہے تو لکھ لیں، عدالتی معاون نے بتایا کہ اس صدارتی ریفرنس میں چار سوالات پوچھے گئے ہیں۔

    چیف جسٹس نے کہا کہ سب سے پہلے آپ آئین کا آرٹیکل 186 پڑھیں جس کے تحت یہ ریفرنس بھیجا گیا، کیا ہمارے پاس صدارتی ریفرنس کو نہ سننے کا آپشن ہے؟، جس پر مخدوم علی خان نے کہا کہ آئینی طور پر تو عدالت کے پاس ریفرنس پر رائے دینے کے علاوہ کوئی آپشن نہیں، مگر صدارتی ریفرنس میں پوچھا گیا سوال مبہم ہو تو عدالت کے پاس دوسرا آپشن موجود ہوگا۔

    جسٹس منصورعلی شاہ نے کہا کہ اگر عدالت کی رائے ہو کہ سوال مبہم ہے تو بھی عدالت کے پاس آپشن رائے دینا ہی ہوگا، مخدوم علی خان نے کہا کہ عدالت کے سامنے یہ ایک منفرد کیس ہے، چیف جسٹس نے اسی کیس میں ایک انٹرویو کا ٹرانسکرپٹ بھی طلب کر رکھا ہے۔

    جسٹس محمد علی مظہر نے کہا کہ بنیادی طور پر اس ریفرینس کی بنیاد سابق جج نسیم حسن شاہ کا انٹرویو ہے، جس پر چیف جسٹس نے کہا کہ انٹرویو کا ٹرانسکرپٹ مجھے بھیجا گیا جو وقت کی کمی کے باعث میں نہیں پڑھ سکا اس کے بعد مخدوم علی خان نے سید شریف الدین پیرزادہ کا خط پڑھ کر سنایا اور کہا کہ ذوالفقارعلی بھٹو کی بہن نے صدر مملکت کو رحم کی اپیل کی تھی، ذوالفقار علی بھٹو نے بذات خود کوئی رحم کی اپیل دائر نہیں کی تھی-

    عدالتی معاون مخدوم علی خان نے کہا کہ ذوالفقار علی بھٹو کو چار تین کے تناسب سے پھانسی کی سزا دی گئی، بعد میں ایک جج نے انٹرویو میں کہا کہ میں نے دباؤ میں فیصلہ دیا، عدالت کے سامنے سوال بھٹو کی پھانسی پر عمل کا نہیں ہے، بدقسمتی سے ذوالفقار علی بھٹو کی پھانسی ریورس نہیں ہو سکتی، عدالت کے سامنے معاملہ اس کلنک کا ہے۔

    جس پر بینچ میں شامل جسٹس میاں محمد علی مظہر نے کہا کہ اگر اس کیس میں عدالت نے کچھ کیا تو کیا ہر کیس میں کرنا ہو گا؟اس پر وکیل مخدوم علی خان نے کہا کہ اس ریفرنس کی بنیاد جسٹس نسیم حسن شاہ کا انٹرویو تھا۔

    چیف جسٹس قاضی فائز عیسٰی نے ریمارکس دئیے کہ ہمیں ٹی وی چینل کے ڈائریکٹر نیوز نے انٹرویو کی کاپی بھیجی ہے، انٹرویو شاید ہارڈ ڈسک میں ہے، سربمہر ہے ابھی کھولا نہیں، چیف جسٹس کی اسٹاف کو انٹرویو کی کاپی ڈی سیل کرنے کی ہدایت کردی۔

    جسٹس منصور علی شاہ نے استفسار کیا کہ ہمارے سامنے قانونی سوال کیا ہے؟ کیا ایک انٹرویو کی بنیاد پر سپریم کورٹ کے فیصلے کا دوبارہ جائزہ لے کر رائے دے دیں؟ کیا عدالت ایک انٹرویو کی بنیاد پر انکوائری کرے؟ انٹرویو ایک جج کا تھا جبکہ بنچ میں دیگر ججز بھی تھے، کیا ہم انٹرویو سے متعلقہ لوگوں کو بلا کر انکوائری شروع کریں؟

    انہوں نے مزید کہا کہ ہم صرف ایک انٹرویو کی ویڈیو دیکھ کر تو نہیں کہہ سکتے کہ یہ ہوا تھا، آرٹیکل 186 کے تحت عدالت صرف قانونی سوالات پر رائے دے سکتی ہے، جسٹس محمد علی مظہر نے کہا کہ یہ بھی بتا دیں بھٹو ریفرنس میں آخر قانونی سوال پوچھا کیا گیا ہے؟

    چیف جسٹس نے کہا کہ جسٹس نسیم حسن شاہ کا پورا انٹرویو نہیں سن سکتے متعلقہ پارٹ لگا دیں، جس پر فاروق ایچ نائیک نے کہا کہ میں نے جو سی ڈی جمع کرائی اس میں صرف وہی حصہ ہے جو ذوالفقار علی بھٹو سے متعلق ہے، اس کے بعد عدالت نے فاروق ایچ نائیک کی جانب سے جمع کرائی گئی سی ڈی لگانے کی ہدایت کی۔

    چیف جسٹس نے کہا کہ عدالت اس وقت ایک شخص کی عزت اور تاریخ کی درستگی دیکھ رہی ہے، عدالت بہتر مثال قائم کرنا چاہتی ہے،جسٹس منصور علی شاہ نے کہا کہ واحد نکتہ یہی ہے اس وقت عدلیہ آزاد نہیں تھی، ہم کیسے اس مشق میں پڑیں کہ بنچ آزاد نہیں تھا؟

    جسٹس یحییٰ آفریدی نے کہا کہ ایک جج کے انٹرویو سے پوری عدالت کے بارے یہ تاثر نہیں دیا جاسکتا کہ تب عدلیہ آزاد نہیں تھی، دوسرے ججز بھی تھے جنہوں نے اپنے نوٹس لکھے اور اختلاف کیا، چیف جسٹس نے کہا کہ اس کیس میں ایک جج کی رائے کو نظرانداز نہیں کرسکتےذوالفقار علی بھٹو کیس میں بنچ کا تناسب ایساتھا کہ ایک جج کی رائےبھی اہم ہےایک جج کےاکثریتی ووٹ کے تناسب سے ایک شخص کو پھانسی دی گئی، جج صاحب کا یہ انٹرویو کب لیا گیا؟ نوٹ کرلیں 3 دسمبر 2003 کو یہ انٹرویو چلایا گیا۔

    ویڈیو دیکھنے کے بعد چیف جسٹس نے کہا کہ فاروق نا ئیک صاحب آپ نے جو ویڈیو فراہم کی وہ غیر متعلقہ ہے، پریشر والی بات کا آپ کی ویڈیو میں کہیں ذکر نہیں، جس پر فارق ایچ نائیک نے کہا کہ یہ انٹرویو یوٹیوب سے ڈیلیٹ کر دیا گیا ہے،عدالت نے جیو ٹی وی کی فراہم کردہ ویڈیو کی کاپی فاروق ایچ نائیک کو دینے کی ہدایت کردی۔

    معاون مخدوم علی خان نے کہا کہ یہ فیصلہ انصاف سے زیادتی ہے، جس پر چیف جسٹس نے کہا کہ کیا اس میں سپریم کورٹ قصور وار ہے؟ یا پھر پراسیکیوشن اور اس وقت کا مارشل لاء ایڈمنسٹریٹر؟

    دوران سماعت جسٹس مسرت ہلالی نے کہا کہ میری نظر میں ہمیں اپنی تاریخ کو درست کرنا چاہیے، کلنک ایک خاندان پر نہیں لگا بلکہ اداروں پر بھی لگ چکا ہے، جس پر مخدوم علی خان نے کہا کہ آپ نے بالکل درست بات کی ہے،چیف جسٹس نے معاون مخدوم علی خان کو کہا کہ آپ تحریری معروضات بھی جمع کرا دیں، چیف جسٹس نے استفسار کیا کہ اس کیس کو انتخابات کے بعد نہ رکھ لیں؟ کیا ہم اگلی سماعت عام انتخابات کے بعد کریں؟

    جس پر فاروق ایچ نائیک نے کہا کہ ہم چاہتے ہیں کہ الیکشن سے قبل سماعت دوبارہ ہو، جتنی جلد ہو سکے عدالت دوبارہ سماعت کرے، جسٹس جمال مندوخیل نے کہا کہ نائیک صاحب پہلے ہی دو الیکشنز گزر چکے ہیں،بعد ازاں سپریم کورٹ نے ذوالفقار علی بھٹو کیس میں صدارتی ریفرنس پر سماعت فروری کے تیسرے ہفتے تک ملتوی کر دی-

  • بھٹو پھانسی کیخلاف صدارتی ریفرنس،پیپلز پارٹی نے جواب جمع کروا دیا

    بھٹو پھانسی کیخلاف صدارتی ریفرنس،پیپلز پارٹی نے جواب جمع کروا دیا

    سپریم کورٹ،سابق وزیراعظم ذوالفقار بھٹو کی سزائے موت کے خلاف صدارتی ریفرنس کا معاملہ،پاکستان پیپلز پارٹی نے 108 صفحات پر مشتمل تحریری جواب سپریم کورٹ میں جمع کروا دیا

    تحریری جواب بلاول بھٹو زرداری کی جانب سے وکیل فاروق ایچ نائیک نے سپریم کورٹ میں جمع کروایا،تحریری جواب میں مختلف کتابوں کے حوالہ جات موجود ہیں،تحریری جواب میں سابق چیف جسٹس نسیم حسن شاہ کے انٹرویو کی تفصیلات شامل ہیں،تحریری جواب میں سابق چیف جسٹس نسیم حسن شاہ کے انٹرویو کی یو ایس بی اور سی ڈی بھی جمع کروا دی گئی ،تحریری جواب میں انٹرویو کی انگریزی اور اردو میں ٹرانسکرپٹ بھی جمع کروائی گئی،

    چیف جسٹس قاضی فائز عیسیٰ کی سربراہی میں 9 رکنی لارجر بینچ 8 جنوری کو ذوالفقار بھٹو صدارتی ریفرنس کیس کی سماعت کرے گا,9 رکنی لارجر بینچ میں جسٹس سردار طارق، جسٹس منصور علی شاہ، جسٹس یحییٰ آفریدی، جسٹس امین الدین، جسٹس جمال مندوخیل، جسٹس محمد علی مظہر، جسٹس حسن اظہر رضوی اور جسٹس مسرت ہلالی شامل ہیں۔

    واضح رہے کہ سابق صدر آصف زرداری نے اپریل 2011 میں صدارتی ریفرنس سپریم کورٹ میں دائر کیا تھا، جس کے بعد ذوالفقار بھٹو سے متعلق صدارتی ریفرنس پر اب تک سپریم کورٹ میں 6 سماعتیں ہوچکی ہیں، اس وقت سپریم کورٹ کے چیف جسٹس افتخار محمد چوہدری نے اپنی سربراہی میں 11 رکنی لارجر بینچ تشکیل دیا تھا جس نے 3 جنوری 2012 سے 12 نومبر 2012 تک کیس کی 6 سماعتیں کیں لیکن کوئی فیصلہ نہ دیا، صدارتی ریفرنس پر آخری سماعت 9 رکنی لارجر بینچ نے کی تھی، اب تقریباً 11 برس کے طویل عرصے بعد ریفرنس دوبارہ سماعت کے لیے مقرر کیا گیا

    بھٹو صدارتی ریفرنس کی گزشتہ سماعت کا تحریری حکمنامہ جاری 

    ہمارا بھٹو تو واپس نہیں آئے گا، ہمیں امید ہے غلط فیصلے کو غلط کہا جائے گا

    سپریم کورٹ کے ہاتھ 40 برسوں سے شہید ذوالفقار علی بھٹو کے لہو سے رنگے ہوئے

    خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی

    سپریم کورٹ نے سابق وزیر اعظم ذوالفقار بھٹو صدارتی ریفرنس کی گزشتہ سماعت کا تحریری حکمنامہ جاری کیا تھا،جس میں کہا گیا تھا کہ عدالتی معاونین کی تقرری کیلئے چیئرمین پیپلز پارٹی بلاول بھٹو کی درخواست منظورکر لی گئی، تحریری حکمنامہ میں کہا گیا کہ صدارتی ریفرنس میں خالد جاوید خان، صلاح الدین احمد اور زاہد ابراہیم بطور عدالتی معاون مقررکئے گئے ہیں،یاسر قریشی اور ریما عمر کوبھی عدالتی معاون کے طور پر مقرر کیا جاتا ہے،عدالتی معاونین کا تقرر آئینی اور قانونی امور میں شرکت کے لیے کیا گیا ہے، سپریم کورٹ کے سابق جج جسٹس منظور احمد ملک اور پشاور ہائی کورٹ کے سابق جج جسٹس اسد اللہ خان چمکنی کو عدالتی معاون مقررکیا جاتا ہے،دونوں معزز سابق جج صاحبان آئینی و قانونی امور میں وسیع تجربہ رکھتے ہیں،عدالت دونوں سابق جج صاحبان کے تجربے سے استفادہ حاصل کرنا چاہتی ہے، دونوں سابق جج صاحبان زبانی یا تحریری طور پر عدالت کی معاونت کرسکتے ہیں،

  • پیپلز پارٹی نے سندھ اور بلوچستان کے امیدواروں کا اعلان کر دیا

    پیپلز پارٹی نے سندھ اور بلوچستان کے امیدواروں کا اعلان کر دیا

    پیپلز پارٹی نے الیکشن میں سندھ اور بلوچستان سےقومی اور صوبائی اسمبلیوں کیلئے امیدواروں کے ناموں کا اعلان کر دیا

    بلاول زرداری دو سیٹوں، لاڑکانہ سے قومی اسمبلی کے حلقہ این اے 194 اور این اے 196 قمبر شہدادکوٹ سے جبکہ آصف علی زرداری شہید بے نظیرآباد سے قومی اسمبلی کے حلقہ این اے 207 سے الیکشن میں حصہ لیں گے۔سابق ایم این اے خورشید شاہ این اے 201 سکھر، شازیہ مری این اے 209 سانگھڑ، نفیسہ شاہ خیرپور کی جنرل نشست این اے 202 سے میدان میں اتریں گی جبکہ شکارپور میں قومی اسمبلی کیلئے غوث بخش مہر کے بیٹے شہریار مہر کو ٹکٹ جاری کیا گیاْ۔

    کراچی سے قومی اسمبلی کے حلقہ این اے 230 آغا رفیع اللہ، این اے 231 سے عبدالحکیم بلوچ، این اے 242 کیماڑی سے عبدالقادر مندوخیل اور این اے 243 سے عبدالقادر پیٹل الیکشن میں حصہ لیں گے، نبیل گبول کراچی سے این اے 239 اور جام عبدالکریم جوکھیو این اے 229 سے انتخابات لڑیں گے،قومی اسمبلی کے حلقہ این اے 227 دادو سے عرفان لغاری، این اے 228 سے رفیق احمد جمالی پیپلز پارٹی کے امیدوار ہونگے۔

    صوبائی اسمبلی کیلئے بھی امیدواروں کے نام فائنل کردیے گئے ہیں، سابق وزیراعلیٰ سندھ مراد علی شاہ پی ایس 77 جام شورو، فریال تالپور پی ایس 10 لاڑکانہ، شرجیل انعام میمن پی ایس 61 حیدرآباد اور نثار شاہ پی ایس 25 سکھر سے الیکشن میں حصہ لیں گے۔اسپیکر سندھ اسمبلی آغا سراج درانی پی ایس 9 شکارپور، امتیاز شیخ پی ایس 7 شکارپور، سردار شاہ پی ایس 49 عمر کوٹ، تیمور تالپور پی ایس 51 عمر کوٹ، سعیدغنی پی ایس 105 کراچی اور نجمی عالم پی ایس 110 کراچی سے الیکشن لڑیں گےسابق صوبائی وزیر عذرا پیچوہو پی ایس 36 شہید بے نظیر آباد اور جام خان شورو پی ایس 60 حیدرآباد سے الیکشن لڑیں گے۔

    پاکستان پیپلزپارٹی نے بلوچستان میں قومی اسمبلی اور صوبائی اسمبلی سے امیدواروں کے ناموں کا بھی اعلان کردیا ہے، بی اے پی اور پی ٹی آئی سے پاکستان پیپلز پارٹی میں شامل ہونے والی تمام سابق اراکین اسمبلی کو پارٹی ٹکٹس مل گئے۔

    پاکستان پیپلزپارٹی کے نوٹیفکیشن کے مطابق این اے 251 سے عبدالباقی مردان زئی، این اے 252 سے اسرار ترین، این اے 254 سے غلام فرید رئیسانی، این اے 256 سے عبدالرحمان زہری، این اے 257 سے عبدالوہاب بزنجو، این اے 259 سے ملک شیر گورگیج پی پی پی کے امیدوار ہونگے۔قومی اسمبلی کے حلقہ این اے 261 سے سابق وزیر اعلیٰ بلوچستان ثنا اللہ زہری، این اے 262 سے محمد رمضان اچکزئی، این اے 263 سے روزی خان کاکڑ، این اے 264 سے جمال رئیسانی، این اے 265 سے خان محمد ترین اور این اے 266 سے نذر محمد کاکڑ پی پی پی کے امیدوار ہونگے۔

    اسی طرح بلوچستان اسمبلی کے حلقے پی بی 1 شیرانی سے عبدالرحمان، پی بی 8 سے سرفراز ڈومکی، پی بی 9 سے نصیب اللہ مری، پی بی 10 ڈیرہ بگٹی سے سرفراز بگٹی، پی پی پی کے امیدوار ہونگے۔بلوچستان کی صوبائی اسمبلی کے حلقہ پی بی 13 نصیر اباد سے صادق عمرانی، پی بی 16 جعفرآباد سے چنگیز جمالی، پی بی 18 خضدار سے ثنا اللہ زہری، پی بی 19 خضدار ٹو سے شکیل درانی، پی بی 21 حب سے علی حسن زہری کو پارٹی ٹکٹ دیا گیا ہے۔بلوچستان کے حلقہ پی بی 23 آواران سے سابق وزیر اعلیٰ عبدالقدوس بزنجو، پی بی 25 کیچ سے ظہور بلیدی، پی بی 32 چاغی سے عارف جان محمد حسنی اور پی بی 45 کوئٹہ سے علی مدد جتک پی پی پی کے امیدوار ہونگے

    تمام امیدواران کو الیکشن کا برابر موقع ملنا چاہئے

    عام انتخابات کے دن قریب آئے تو تحریک انصاف کی مشکلات میں اضافہ 

    ٹکٹوں کی تقسیم،ن لیگ مشکل میں،امیدوار آزاد لڑیں گے الیکشن

    کسی بھی امیدوار کے تجویز ،تصدیق کنندہ کی ہراسگی برداشت نہیں ہوگی،عدالت

     این اے 15سے نوازشریف کے کاغذات نامزدگی منظور

    نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

    الیکشن کمیشن کا فواد حسن فواد کو عہدے پر برقرار رکھنے کا فیصلہ