Baaghi TV

Tag: پی سی بی

  • بابر اعظم اور محمد رضوان نےغیر قانونی کمپنیوں کی کروڑوں روپے کی پیشکش ٹھکرا دی

    بابر اعظم اور محمد رضوان نےغیر قانونی کمپنیوں کی کروڑوں روپے کی پیشکش ٹھکرا دی

    اسلام آباد: قومی کرکٹ ٹیم کے کپتان بابر اعظم اور وکٹ کیپر بلے باز محمد رضوان نے غیر قانونی کمپنیوں کی جانب سے کروڑوں روپے کی پیشکش کو ٹھکرا دیا ہے۔

    باغی ٹی وی: دی نیوز کے مطابق بابر اعظم نے 250 ملین روپے کے سالانہ کنٹریکٹ سے انکار کیا جبکہ محمد رضوان نے صرف ایک سروگیٹ بیٹنگ کمپنی کے 100 ملین روپے کے سالانہ معاہدے سے انکار کیا کیوں کہ اس طرح کی اسپانسرشپس اور معاہدے قانون کے خلاف ہیں۔

    جبکہ پاکستان کرکٹ بورڈ (پی سی بی) نے قواعد کی صریح خلاف ورزی کرتے ہوئے ڈیفا نیوز کی طرح ایک سروگیٹ بیٹنگ اسپانسر کے طور پر اسپانسرشپ کو قبول کر لیا جس نے مبینہ طور پر نا صرف پاکستان میں تمام ڈیجیٹل پلیٹ فارمز پر کام کرنے کے لیے 150 سے زائد غیر قانونی سروگیٹ بیٹنگ سائٹس اور ایپس کے لیے فلڈ گیٹ کھول دیا بلکہ مبینہ طور پر پی ایس ایل کی کچھ فرنچائزز نے انفرادی سطح پر کھلاڑیوں کو شرٹ کے لوگو قبول کرنے اور ان غیر قانونی جوا کھیلنے والی کمپنیوں کو تصویر کے حقوق دینے پر مجبور کیا۔

    ٹیم کی ناقص کارکردگی، سری لنکن کرکٹ بورڈ کو فارغ کر دیا گیا

    واضح رہے کہ ملتان سلطانز کے کپتان محمد رضوان نے گزشتہ پی ایس ایل ٹورنامنٹ کے دوران اپنی کٹ پر ایک کمپنی کا لوگو لگانے سے انکار کر دیا تھا۔

    دوسری جانب ایک بیٹنگ کمپنی کی جانب سے بابر اعظم کو بھیجی گئی ای میل میں کہا گیا ہے کہ کمپنی کھلاڑی کے سوشل میڈیا پلیٹ فارم سے بہت متاثر ہوئی ہے اور اس فرد کے ساتھ کام کرنا چاہتی ہے۔

    تاہم بابر اعظم کی انفرادی اسپانسرشپس کی ذمہ دار کارپوریشن نے جواب میں کہا ’’شکریہ۔ بطور مسلمان ہم کسی بھی بیٹنگ یا سروگیٹ بیٹنگ برانڈز کی حمایت نہیں کرتے رابطہ کرنے کا شکریہ۔ اچھا دن گزاریں اسی قسم کی پیشکش محمد رضوان کو بھی کی گئی تھی جس کا جواب بھی وہی تھا۔

    پی سی بی نے بابر اعظم اور محمد رضوان کے امیج رائٹس ان کی مرضی کے خلاف ان بیٹنگ کمپنیوں کو دیے۔ ذرائع نے کہا کہ بابر، رضوان اور دیگر نے واضح طور پر ایسی کمپنیوں سے معاہدہ کرنے سے انکار کر دیا ہے پھر بھی پی سی بی نے پی ایس ایل فرنچائزز کے ساتھ مل کر ان کے امیج کے حقوق ہمیں دیئے ہیں۔

    سری لنکا کا بنگلادیش کو جیت کے لیے 280 رنز کا ہدف

    ذرائع نے کہا کہ پاکستان سپر لیگ کی کچھ فرنچائزز نے بھی کھلاڑیوں کو ان سروگیٹ بیٹنگ کمپنیوں کے لوگو کو کسی بھی قیمت پر پہننے پر مجبور کیا جو ان کھلاڑیوں کے آزادی اظہار اور آزادی کے حقوق کی صریح خلاف ورزی ہے۔

    پی سی بی کا ضابطہ اخلاق یا قواعد واضح طور پر بیان کرتا ہے کہ خدمات/ مہم بیٹنگ، جوا، تمباکو، شراب، غیر قانونی منشیات، ہتھیار، فحش گوئی سے منسلک کسی بھی سرگرمی (تجارتی یا دوسری صورت میں) کی حمایت نہیں کرے گی جو پاکستانی قانون یا پی سی بی کی پالیسیوں کی خلاف ورزی کرتی ہو۔

    ترجمان پی سی بی نے دی نیوز کو بتایا کہ وزارت اطلاعات و نشریات کی جانب سے ʼسروگیٹ بیٹنگ کمپنیوں کے خلاف زیرو ٹالرنس نوٹیفکیشن کے بعد سے اب تک اس طرح کے کسی اسپانسر کو شامل نہیں کیا گیا ہےڈیفا نیوز ایک خبر رساں ادارہ ہے۔ ہمارے قانونی اور تجارتی محکموں نے اس کی کاغذی کارروائی کی جانچ کی اور جوے کے اندیشے کے ساتھ کسی مشترکا ملکیتی حصص کی نشاندہی نہیں کی گئی۔

    سچن ٹنڈولکر کا ویرات کوہلی کو پیغام

  • ذکا اشرف کو 3 ماہ کی توسیع مل گئی

    ذکا اشرف کو 3 ماہ کی توسیع مل گئی

    اسلام باد: ذکا اشرف کی سربراہی میں قائم پاکستان کرکٹ بورڈ (پی سی بی) کی منیجمنٹ کمیٹی کی مدت میں 3 ماہ کی توسیع کردی گئی۔

    باغی ٹی وی : ذرائع وزیراعظم ہاؤس کے مطابق وفاقی کابینہ نے بذریعہ سرکولیشن سمری منیجمنٹ کمیٹی کی مدت بڑھانے کی منظوری دی، سمری میں پی سی بی منیجمنٹ کمیٹی کے اختیارات محدود ہونے کا خصوصی حوالہ دیا گیا ہے سمری کے مطابق منیجمنٹ کمیٹی روزمرہ کے امور نمٹائےگی،تاہم منیجمنٹ کمیٹی کو کسی تعیناتی کا اختیار نہیں ہوگا۔

    واضح رہے کہ ذکا اشرف کی 4 ماہ کی مدت آج ختم ہوگئی ہے، قبل ازیں جمعہ کو چیئرمین پی سی بی مینجمنٹ کمیٹی کے مستقبل سے متعلق وزارت بین الصوبائی رابطہ کی طرف سے سمری نگران وزیراعظم انوار الحق کاکڑ کو موصول ہوئی تھی،سمری میں کہا گیا تھا کہ موجودہ مینجمنٹ کمیٹی کے چیئرمین ذکا اشرف کی مدت کل پوری ہورہی ہے اور ان کے مستقبل سے متعلق وزیراعظم اپنی رائے سےآگاہ کریں۔

  • ذکا اشرف مشکل میں ،عہدے کا غلط استعمال،سنگین الزامات لگ گئے

    ذکا اشرف مشکل میں ،عہدے کا غلط استعمال،سنگین الزامات لگ گئے

    چیئرمین پی سی بی ذکا اشرف مشکل میں پھنس گئے، پی سی بی منیجمنٹ کمیٹی کے رکن نے ذکا اشرف کے خلاف عہدے کے غلط استعمال سمیت دیگر الزامات لگائے ہیں

    کھیلوں کی خبروں بارے معروف ویب سائٹ کرک انفو نے رپورٹ کیا ہے کہ پی سی بی مینجمنٹ کمیٹی کے رکن ذوالفقار ملک کی جانب سے ذکا اشرف کے خلاف مینجمنٹ کمیٹی کو ایک ای میل بھیجی گئی ہے، اس ای میل کی کاپیاں پی سی بی کے پیٹرن ان چیف وزیراعظم پاکستان اور وزارت بین الصوبائی رابطہ کو بھی بھیجی گئی ہیں.

    چیئرمین پی سی بی ذکا اشرف کے خلاف پی سی بی منیجمنٹ کمیٹی کے رکن کی جانب سے ای میل میں کہا گیا ہے کہ ذکا اشرف بورڈ کے روز مرہ کے معاملات کو چلانے کے اپنے مقررہ قانونی تقاضے پورے کرنے میں ناکام رہے ہیں، انہوں نے وزارت بین الصوبائی رابطے کے احکامات کو نظر اندازکیا اور بورڈ کے انتخابات نہیں کروائے جس کے تحت بورڈ کے مستقل چیئرمین کا انتخاب ہونا تھا،ای میل میں مزید کہا گیا کہ ذکا اشرف نے اپنے سرٹیفکیٹس بھی فراہم نہیں کیے جو چیئرمین پی سی بی کے لیے لازمی ہیں،انہوں نے اپنے بیٹے چوہدری محمد خان کو بورڈ کے معاملات میں غیر قانونی مداخلت کی اجازت دی، ای میل میں‌مزید کہا گیا کہ ذکا اشرف نے پی سی بی الیکشن کمشنز کے آفس کا اپنے مخالفین کے خلاف غلط استعمال کرتے ہوئے ریجنز کے بوگس انتخابات کروائے، ذکا اشرف کے حالیہ دور میں کچھ سنگین غلط کاریاں اور غیر قانونی چیزیں نوٹ کیں جسے ریکارڈ پر لانا ضروری سمجھتا ہوں اس ای میل کے ذریعے موجودہ دور میں مینجمنٹ کمیٹی کے زیادہ تر ممبران کی منظوری کے بغیر کیے گئے غیر قانونی اور غلط فیصلوں سے خود کو الگ کرنا چاہتا ہوں

    پی سی بی کی مینجمنٹ کمیٹی کے رکن ذوالفقار کا ای میل میں مزید کہنا تھ کہ ذکا اشرف نے کچھ ایسے طویل المدتی فیصلے کیے جس کا انہیں اختیار نہیں تھا جیسےچیف سلیکٹر کی 3 سال کے لیے 25 لاکھ روپے ماہانہ پر تعیناتی، متعدد ڈائریکٹرز، کنسلٹنٹس، آفیشلز، دیگر کمیٹیوں کی تعیناتی، متعدد پراجیکٹس کی منظوری، بڑے پیمانے پر اخراجات، لیگل کونسلر کی مہنگے داموں تعیناتی اور متعدد حکام کو عہدے سے ہٹانا مینجمنٹ کمیٹی کے دائرہ کار کی صریح خلاف ورزی ہے

    دوسری جانب ذکا اشرف کی کرسی خطرے میں نظر آ رہی ہے، ذکا اشرف کی مدت ختم ہو رہی ہے وہ توسیع چاہتے ہیں تاہم شاہد آفریدی یا نجم سیٹھی کو پی سی بی کا چیئرمین بنایا جا سکتا ہے، ذکا اشرف کی مینجمنٹ کمیٹی کی معیاد 5 نومبرکو ختم ہورہی ہے تاہم موجودہ چیئرمین کرکٹ بورڈ مینجمنٹ کمیٹی اس کی توسیع کے لئے کوشاں ہے،کئی اہم شخصیات چیئرمین بننے کے لئے کوشاں ہیں،گزشتہ دن شاہد آفریدی کی بھی نگران وزیراعظم انوارالحق کاکڑ سے ملاقات ہوئی جس کے بعد یہ بھی کہا جا رہا ہے کہ شاہد آفریدی متوقع چیئرمین ہو سکتےہیں یا انہیں پی سی بی میں اہم ذمہ داری دی جا سکتی ہے،

    دوسری جانب چیئرمین پی سی بی مینجمنٹ کمیٹی ذکا اشرف کے حوالہ سے سمری نگران وزیراعظم انوار الحق کاکڑ کو بھجوا دی گئی ہے، سمری وزیراعظم ہاؤس میں موصول ہو گئی،وزارت بین الصوبائی رابطہ نے وزیراعظم انوار الحق کاکڑ کو چیئرمین پی سی بی کے مستقبل سے متعلق سمری بھیجی گئی ،سمری میں کہا گیا کہ موجودہ مینجمنٹ کمیٹی کے چیئرمین ذکا اشرف کی مدت کل پوری ہورہی ہے اور ان کے مستقبل سے متعلق وزیراعظم اپنی رائے سےآگاہ کریں، چیئرمین مینجمنٹ کمیٹی کی تعیناتی کا نوٹیفکیشن 5 جولائی کو جاری ہوا جس کی مدت 4 ماہ تھی

    انضمام الحق مکر گئے،انڈیا کے ساتھ گٹھ جوڑ،ڈالروں کی بارش

    مولانا یوسف جمیل کا ویڈیو پیغام آیا ہے جس میں انہوں نے کہا ہے کہ عاصم جمیل نے خود کشی ہی کی ہے

    اسرائیل پر حملہ کی اصل کہانی مبشر لقمان کی زبانی

    ڈنڈا تیار، کورٹ مارشل کی گونج،پی آئی اے بند، مبشر لقمان نے کہانی کھول دی

    جو کام حکومتیں نہ کر سکیں،آرمی چیف کی ایک ملاقات نے کر دیا

  • انضمام الحق مکر گئے،انڈیا کے ساتھ گٹھ جوڑ،ڈالروں کی بارش

    انضمام الحق مکر گئے،انڈیا کے ساتھ گٹھ جوڑ،ڈالروں کی بارش

    باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ چور کی داڑھی میں تنکا ہے، انضمام کہے کہ جو میں نے اسکی کمپنی نکالی وہ غلط ہے،دیکھیں پاکستان کرکٹ بورڈ میں تباہ کن کرپشن ہوئی، تین طریقوں کی کرپشن ہوئی، منیجمنٹ الگ کرپشن کر رہی ہے، کرپشن کے کئی طریقے ہوتے ہیں، سی او وہ ایک ایک مہینے کے لئے ٹور پر چلا جاتا ہے اور ٹی اے ڈی اے لے رہا ہے تو وہ بھی ایک کرپشن ہے کنٹریکٹ، ٹی وی رائٹس میں بھی کرپشن ہوئی، دوسری لیول کی کرپشن کھلاڑی کر رہے ہیں،تیسری ان کے اپنے کچھ مل کر کر رہے ہیں، سٹیڈیم کے اندر اور باہر، پی ایس ایل کے اندر جو یہ کر رہے ہیں وہ بھی غلط ہے،چڑیل عجیب سی تھیوریز دے رہی ہے، وہ کہتی ہے کہ اوپر سارے پیسےکھاتے ہیں، ایشیا کپ پاکستان نے سری لنکا کے کہنے پر کروایا؟ کس کے کہنے پر، انڈیا میں کون ہے جس کو خوش کیا گیا،اسکا ٹکٹ بھی ڈالر میں رکھا گیا، سری لنکا تو دیوالیہ پن سے ابھی نکل رہی ،کیا عام عوام روز ڈالر میں ٹکٹ خرید کرسٹیڈیم بھرے گی؟ انڈیا میں کس کس کو خوش کر نے کے لئے یہ کیا گیا، میں سمجھتا ہوں ملک مفاد میں غبن کر رہے ہیں تو ذاتی مفاد پر کام کر رہے ہیں، اب جو کمیٹی بنی وہ بھی بیکار ہے، یہ پی سی بی کی انٹرنل ہے،یہ کیا کرے گی، اس کی تحقیقات کے لئے جے آئی ٹی ہونی چاہئے.تا کہ لوگوں کو پتہ چلے جن کے لئے ہم دعائیں کرتے ہیں وہ کتنے بڑےمجرم ہیں

    مبشر لقمان کا کہنا تھاکہ سیاسی ہماری چھری کے نیچے آ جاتے ہیں، باقی ہمیں لفٹ نہیں کرواتے، بیورو کریٹ ہمارے شو میں نہیں آتے، ریٹائرڈ ججز نہیں آئیں گے، جو آئیں گے وہ صرف تجزیہ دیں گے، خود میڈیا مالکان بھی نہیں آئیں گے، وہ بڑ ے آرام سے کامیڈی شو بنواتے ہیں، ہر ایک کے پتلے بنواتے ہیں، ڈمی بنواتے ہیں ،ذرا میڈیا مالکان کا پتلا بنوائیں پھر پتہ چلے کہ واقعی مذاق ہے، یہ عجیب کلیمز ہیں.

    مبشر لقمان کا کہنا تھا کہ آصف زرداری کے جملے، نواز شریف کو وزیراعظم نہیں بننے دوںگا، اس پر تفصیل سے بات کرنے کی ضرورت ہے، میں کئی بار کہہ چکا ہوں کہ پی پی اور پی ٹی آئی کا اتحاد ہو سکتا ہے اب ہو سکتا ہے یہ الیکشن سے قبل ہو جائے، مولانا فضل الرحمان سے پی ٹی آئی وفد کی ملاقات ہوئی،پی ٹی آئی والے کے پی میں بھی اتحاد چاہتے ہیں، نواز شریف چار سال بعد واپس آئے،حقیقت یہ ہے کہ نواز شریف سے کسی کو ہمدردی نہیں ہے، نواز شریف نے جو تقریر کی آ کر وہ کافی بیک فائر ہوئی ہے جس میں انہوں نے والدہ، بیگم کی موت کا تذکرہ کیا، افسوس ہے، اللہ رحم کرے،انہوں نے ہیلی کاپٹر میں شہباز شریف کے ساتھ آئے اور سٹیج پر گلے مل مل کر روہے ہیں، ایسے ملے جیسے پتہ نہیں کیا ہو گیا، میاں صاحب کا امیج کافی ہرٹ ہوا ہے، اگر پہلے اچھا تھا تو اب کم اچھا ہے، اب نواز شریف کی ان پاپولیرٹی کا لیول بے انتہا شوٹ کر گیا ہے، اسکے بعد عدالتوں نے جس طرح انصاف دینا شروع کیا، لندن میں ہائی کمیشن نے پروٹوکول دیا، ایئر پورٹ پر سلامیاں، عدالت جاتے ہیں تو نیب پہلے سے پہنچ جاتا ہے جس کو عدالت نے بلایا ہی نہیں ہوتا،یہ جس آسانی سے کام ہو رہے ہیں یہ میاں صاحب کی مقبولیت کو مزید کم کر رہے ہیں اور لوگ ہر طرف ڈیل کی باتیں‌کر رہے ہیں،

    مولانا یوسف جمیل کا ویڈیو پیغام آیا ہے جس میں انہوں نے کہا ہے کہ عاصم جمیل نے خود کشی ہی کی ہے

  • انضمام الحق نے استعفیٰ دے دیا

    انضمام الحق نے استعفیٰ دے دیا

    قومی کرکٹ ٹیم کے چیف سلیکٹر انضمام الحق نے استعفیٰ دے دیا ہے، انھوں نے اپنا استعفیٰ چئیرمین پاکستان کرکٹ بورڈ ذکا اشرف کو ارسال کر دیا۔ انضمام الحق چئیرمین پی سی بی سے ملنے آئے تھے لیکن ملاقات نہ ہو سکی

    انضمام الحق کا کہنا تھا کہ بورڈ سے کال آئی ہم نے پانچ لوگوں کی کمیٹی بنادی ہے ، میں نے کہا ٹھیک ہے پہلے کمیٹی تحقیقات کرلے ، میں یہ سمجھتا ہوں سلیکٹر کا عہدہ جج والا ہوتا ہے ،ٹیم سلیکٹ کرتا ہوں اگر کوئی سوال اٹھے گا تو بہتر ہے سائیڈ پر ہوجاوں ،تحقیقات کے بعد پی سی بی سے بیٹھ کر بات کرنے کو تیار ہوں ، بغیر تحقیق کے باتیں کرنے سے تکلیف ہوتی ہے ،پی سی بی سے کہا ہے آپ اس معاملے کی تحقیقات کریں ،میرا پلیئر ز ایجنٹ کمپنی سے کسی قسم کا تعلق نہیں ہے ،

    واضح رہے کہ چیف سلیکٹر انضمام الحق پلیئرز ایجنٹ کی برطانوی کمپنی کے شیئر ہولڈرتھے،پی سی بی نے معاملے کا نوٹس لیا تھا،انضمام الحق ہی نے کھلاڑیوں سے مذاکرات کر کے انھیں تاریخ میں پہلی بار آئی سی سی کی آمدنی سے بھی شیئر دلایا جبکہ تنخواہوں میں بھی 202 فیصد تک اضافہ کرایا تھا،انضمام الحق ،محمد رضوان اور پلیئرز کے ایجنٹ ایک ہی کمپنی ’’یازو انٹرنیشنل لمیٹیڈ‘‘ کے مالکان میں بھی شامل ہیں،

    انضمام الحق رواں برس، سات اگست کو دوسری بار قومی کرکٹ ٹیم کے چیف سیلکٹر تعینات ہوئے تھے،پی سی بی سینئر اور جونیئر سلیکشن کمیٹی کے سربراہ انضمام الحق پاکستان کرکٹ بورڈ سے ناخوش تھے اور پاکستان کی انڈر 19 ٹیم کے ہیڈ کوچ کی تقرری پر اختلافات پیدا ہو گئے تھے،

    انضمام الحق کیسے مال بنا رہے تھے؟ مبشر لقمان نے انکشاف کر دیا
    سینئر صحافی و اینکر پرسن مبشر لقمان نے اپنے وی لاگ میں انکشاف کرتے ہوئے کہا تھا کہ صرف سیاستدان نہیں بکاؤ بلکہ جس کو ملک عزت دیتا ہے وہ سب بکاؤ ہے، کرکٹ ٹیم کیسی ہے؟ بڑا سادہ ہے، ساؤتھ افریقہ کے میچ میں کیا ہوا، ساؤتھ افریقہ کی ٹیم وہ ٹیم ہے جسکے ساتھ آخری وکٹ تک پھنسا کر بیٹھے تھے، حالانکہ اس کی پرفارمننس دیکھیں،کیسی ہے، اسکی وجہ کیا ہے، انضمام الحق اور بابر اعظم ان دونوں کی لالچ ، پیسے کی بھوک نہ ختم ہونے والی ہے، کہنے کو یہ لوگ اللہ والے ہیں حرکیتں دیکھیں تو ملک کو چھریاں مار رہے ہیں، آج میرے پاس ثبوت ہیں ورلڈ‌کپ سے کچھ عرصہ پہلے انضمام، بابر، رضوان نے کس طرح پی سی بی کو بلیک میل کیا، سنٹرل کنٹریکٹ میں انکو چالیس لاکھ ہر کھلاڑی کو مل رہا ہے، انضمام الحق نے یو کے میں کمپنی بنائی اور اس کمپنی کی تفصیل موجود ہے، اسکا رجسٹرڈ ایڈریس بھی ہمارے پاس ہے، اسکا کنٹری ریجن یونائیٹڈ کنگڈم دیا گیا ہے، تین مین پارٹنر انضمام، محمد رضوان، اور طلحہ رحمانی ہیں، اسکے سیکرٹری انضمام کے بھائی انتصار الحق ہے، کمپنی یازو انٹرنیٹشنل سپورٹس منیجمنٹ کا کام کرتی ہے.جو بھی کھلاڑی اس کمپنی کے ساتھ ہے اسکو کنٹریکٹ ملیں گے،ایک ایوریج ایڈورٹائزمنٹ کا کنٹریکٹ 25 سے 30کروڑ کا ہے، کم سے کم تین لاکھ ڈالر کا ہے، یازو انٹرنیشنل سارے کھلاڑیوں سے اسکا کمیشن لیتی ہے 30 فیصد،انکو گارنٹی یہ دی جاتی ہے کہ یہ پلیئر ٹیم میں کھیلے گا، کیونکہ چیف سیلکٹر انضمام ہے اور کپتان بابر اعظم جب یہ دونوں ڈیل کریں گے تو اسی طرح ہو گا، عماد نے انکار کیا ، کمپنی کے ساتھ سائن نہیں کئے تو وہ ٹیم سے آؤٹ ہو گیا،انہوں نے طے کر لیا تھا ٹیم میں وہی کھیلے گا جو کمپنی کے ساتھ کنٹریکٹ کرے گا،

    ایک اور وی لاگ میں مبشر لقمان کا کہنا تھا کہ انضمام الحق، بابر اعظم، رضوان یہ پاکستانی ٹیم کو تباہ کرنے میں شامل ہیں، انکی لالچ کتنی ہے سیاستدانوں کی کرپشن کو بھول جائیں گے جب انکا پتہ چلے گا، انضمام الحق نے اصل گیم کیا کی، ورلڈ کپ میں شکست ہارنے کے دو لوگ انضمام اور بابر مجرم ہیں، کھیل نے انکو عزت دی لیکن یہ اسکے حقدار نہیں ہیں. انضمام الحق نے یوکے میں کمپنی کھولی، رضوان بھی اسکا پارٹنر ہے، انضمام کا بھائی کمپنی سیکرٹری ہے، بابراعظم، شاداب، حسن علی نے کنٹریکٹ کیا، ان ساروں نے جب ایکا ہو گا تو انضمام نے چابی دی اور کہا کہ ہمارے پاس موقع ہے ہم ورلڈ کپ سے پہلے ارب پتی بن سکتے ہیں،

  • ذکا اشرف کی تقرری کے خلاف درخواست پر جواب طلب

    ذکا اشرف کی تقرری کے خلاف درخواست پر جواب طلب

    لاہور ہائیکورٹ میں چیئرمیں پاکستان کرکٹ بورڈ ذکا اشرف کی تقرری کے خلاف درخواست پر سماعت ہوئی،

    عدالت نے الیکشن کمیشن آف پاکستان ،فیڈرشن وزرارت بین الصوبائی امور اور ذکا اشرف کو نوٹس جاری کرتے ہوے جواب طلب کرلیا،جسٹس شکیل احمد نے شہری حافظ سکند ہمایوں کی درخواست پر سماعت کی،درخواست گزار کی طرف سے چوہدری آصف شہزد ایڈووکیٹ پیش ہوئے

    وکیل درخواست گزار نے کہا کہ ذکا اشرف سیاسی جماعت کے راہنما ہیں، ذکا اشرف اسپورٹس کی کوالیفیشن پر پورا نہیں اترتے، انکو سیاسی بنیادوں پر چیرمین مینجمنٹ کمیٹی پی سی بی لگا دیا گیا پاکستان کرکٹ بورڈ ائین کے تحت یہ تقرری نہین ہو سکتی ،الیکشن کمیشن نےپہلے ہی سیاسی تقرریاں ختم کرنے کا حکم دے رکھا ہے، عدالت ذکا اشرف کی تقرری کالعدم قرار دے،

    ،نجم سیٹھی کا کہنا ہے کہ انڈین میڈیا نے اس حوالے سے غلط خبریں چلائی

    پی سی بی نے کھلاڑیوں کو این او سی دینے کے لیے شرط رکھ دی

    پی سی بی کے بورڈ آف گورننس کے لئے دو اراکین کی منظوری دی گئی

  • بابر اعظم کا ٹیم کیلئے سوشل میڈیا پر پیغام

    بابر اعظم کا ٹیم کیلئے سوشل میڈیا پر پیغام

    حیدر آباد،دکن: قومی ٹیم کے کپتان بابر اعظم نے ورلڈکپ میں سری لنکا کے خلاف شاندار کامیابی کے بعد سوشل میڈیا پر بیان جاری کیا ہے-

    باغی ٹی وی: گزشتہ روز راجیو گاندھی انٹرنیشنل اسٹیڈیم حیدرآباد میں سری لنکا کیخلاف پاکستان نے ریکارڈ ساز جیت درج کی تھی، اس میچ میں آئی لینڈرز نے مقررہ 50 اوورز میں 9 وکٹوں کے نقصان پر 344 رنز بنائے، کوشال مینڈس 122 اور سمارا وکرما 108 رنز بناکر نمایاں رہےہدف کے تعاقب میں قومی ٹیم نے 4 وکٹوں کےنقصان پر 49 ویں اوور میں 345 رنز کا پہاڑ جیسا ٹارگٹ حاصل کرلیا، عبداللہ شفیق نے 113 جبکہ محمد رضوان 131 رنز بناکر ناٹ آؤٹ رہے۔

    حیدرآباد،دکن:بابر اعظم نے گراؤنڈ سٹاف کو اپنی شرٹ تحفے میں دیدی

    پاکستانی بیٹنگ کی خاص بات ورلڈکپ میں اپنا پہلا میچ کھیلنے والے عبد اللہ شفیق اور وکٹ کیپر محمد رضوان کی شاندار سنچریاں تھیں جن کی بدولت گرین شرٹس نے اتنا بڑا ہدف کامیابی سے حاصل کیا اور محمد رضوان کو شاندار بلے بازی کا میچ کا بہترین کھلاڑی بھی قرار دیا گیا، پاکستان نے سری لنکا کی جانب سے دیا گیا 345 رنز کا ہدف صرف 4 وکٹوں کے نقصان پر پورا کر کے ورلڈکپ کی 48 سالہ تاریخ کا سب سے بڑا ٹوٹل 10 گیندوں قبل حاصل کر لیا۔

    عبد اللہ شفیق اور محمد رضوان نے کونسے ریکارڈ توڑے

    https://x.com/babarazam258/status/1711819818025058790?s=20
    میچ کے بعد قومی ٹیم کے کپتان بابر اعظم نے سوشل میڈیا پر جاری بیان میں لکھا کہ میرے لڑکوں کی کمر پر تھپکی جو کبھی بھی نا نہیں کہتے، محمد رضوان اور عبد اللہ شفیق نے خطرناک بولنگ کے بعد جیت کی بنیاد رکھی۔

    عبداللہ شفیق بھارت میں ورلڈ کپ کے دوران سنچری بنانے والے پہلے پاکستانی بن گئے

  • بابراعظم نے پاکستان کرکٹ کو ایک معیار دیا ہے،رمیز راجا

    بابراعظم نے پاکستان کرکٹ کو ایک معیار دیا ہے،رمیز راجا

    حیدرآباد ،دکن:سابق چیئرمین پاکستان کرکٹ بورڈ (پی سی بی ) رمیز راجا کا کہنا ہے کہ جب بابر اعظم جیسے کلاسیکل بیٹسمین پاکستان میں پیدا ہوتے ہیں تو ہم بے حد پرجوش ہوجاتے ہیں-

    باغی ٹی وی: بھارت میں ورلڈکپ کے دوران ایک شو میں میزبان نے رمیز راجا سے سوال کیا کہ آپ کو بابر اتنے پسند ہیں کہ آپ نے انہیں شادی کرنے کا کہہ دیا؟ اس پر رمیز راجا نے بتایا کہ میں نے ان سے محبت کا اظہار کیا تھا کیوں کہ میں ان کی اتنی تعریفیں کررہا تھا،بابر اعظم کو دیکھ کر ایسا محسوس ہوتا ہے جیسے کوئی خزانہ نکل آیا ہو ، بابر نے ٹیم کے اتار چڑھاؤ کو دیکھتے ہوئے اس ٹیم کو سنبھالا ہوا ہے، 28 سال کی عمر میں بابر نے اتنی کامیابی حاصل کرلی ہے کہ آج پاکستان بھارت سے کڑا مقابلہ کرسکتا ہے اس کا زیادہ تر کریڈٹ بابر اعظم کو ہی جاتا ہے۔

    بھارتی ٹیم کا اہم کھلاڑی اسپتال داخل،پاکستان کیخلاف میچ میں شرکت مشکوک

    انہوں نے کپتان بابر اعظم کو پاکستان میں اتنی اہمیت ملنے کی وجہ ان کی کم عمری میں کامیاب کپتانی کو قرار دیتے ہوئے کہا کہ بابراعظم نے پاکستان کرکٹ کو ایک معیار دیا ہے، ان کا شمار دنیا کے نامی گرامی بیٹسمینوں میں کیا جاتا ہے،جب بابر اعظم جیسے کلاسیکل بیٹسمین پاکستان میں پیدا ہوتے ہیں تو ہم بے حد پرجوش ہوجاتے ہیں کیوں کہ بیٹرز پروڈیوس کرنے میں پاکستان کوئی بہت اچھی تاریخ نہیں رکھتا اگرچہ بھارت یہ تاریخ رکھتا ہے شاید یہی وجہ ہے کہ بھارتی کسی نئے بلے باز کو دیکھ کر زیادہ پرجوش نہیں ہوتے۔

    ورلڈکپ: سری لنکا کا پاکستان کیخلاف ٹاس جیت کر بیٹنگ کا فیصلہ

  • فاسٹ بولرز نسیم شاہ ، محمد حسنین اور احسان اللہ کی فٹنس کے بارے میں اپ ڈیٹ

    فاسٹ بولرز نسیم شاہ ، محمد حسنین اور احسان اللہ کی فٹنس کے بارے میں اپ ڈیٹ

    پاکستان کرکٹ بورڈ نے فاسٹ بولرز نسیم شاہ ، محمد حسنین اور احسان اللہ کی فٹنس کے بارے میں اپ ڈیٹ جاری کیا ہے۔

    ستمبر کے پہلے ہفتے میں احسان اللہ کی لاہور کے ایک نجی اسپتال میں سرجری ہوئی تھی،انگلینڈ کے ڈاکٹر نےلاہورمیں آکر احسان اللہ کی سرجری کی تھی،احسان اللہ کی کہنی کو چار ہفتے کے لیے براس کے ذریعے محفوظ رکھا گیا،ڈاکٹر اور فزیو روزانہ انہیں دیکھ رہے ہیں ان کی حالت بہتر ہے،احسان اللہ کا براس پانچویں ہفتے میں ہٹادیا جائے گا، براس ہٹائےجانے کےبعداحسان اللہ این سی اے میں ری ہبلیٹیشن کریں گے، محمد حسنین اگست میں ٹخنے کی تکلیف میں مبتلا ہوگئے تھے، تیرہ ستمبر سے انگلینڈ میں محمد حسنین کا ری ہیب جاری ہےایشیا کپ کے دوران انجرڈ ہونےوالی نسیم شاہ کی بھی انگلینڈ میں سرجری ہوگئی،نسیم شاہ کے کندھے کی سرجری ہوئی ہے،ابتدائی طور پر دو فزیو تھراپسٹ نسیم شاہ کی ری ہیب کے لئے موجود رہیں گے، پنسیم شاہ کی کنڈیشن کو مسلسل مانیٹر کیا جاتا رہے گا ،رواں ماہ ڈاکٹر نسیم شاہ کا معائنہ کریں گے،

  • پی سی بی اور مڈل سیکس کاؤنٹی کے درمیان ایم او یو سائن

    پی سی بی اور مڈل سیکس کاؤنٹی کے درمیان ایم او یو سائن

    مڈل سیکس کاؤنٹی کرکٹ کلب کے چیف ایگزیکٹو آفیسر اینڈریو کارنیش، مڈل سیکس کاؤنٹی کرکٹ کلب کے ڈائریکٹر ایلن کولمین اور مڈل سیکس کاؤنٹی کرکٹ کلب کے نمائندے محسن وڑائچ نے لاہور میں پاکستان کرکٹ ہیڈ کوارٹرز کا دورہ کیا اور پاکستان کرکٹ بورڈ کے ساتھ مفاہمت کی یادداشت پر دستخط کیے جبکہ اس دو روزہ دورے کے دوران کارنیش کی قیادت میں وفد نے پی سی بی مینجمنٹ کمیٹی کے چیئرمین ذکا اشرف اور دیگر پی سی بی حکام سے ملاقات یں کیں اور کرکٹ کے فروغ، ترقی اور ترقی سمیت کرکٹ سے متعلق باہمی دلچسپی کے امور پر تبادلہ خیال کیا۔ مڈل سیکس کے وفد نے نیشنل کرکٹ اکیڈمی کا بھی دورہ کیا جہاں انہوں نے پی سی بی حکام کو پریزنٹیشن دی۔


    جاری اعلامیہ کے مطابق مزید بات چیت کے بعد دونوں فریقین نے ایک مفاہمت نامے پر دستخط کیے۔ ایم او یو میں فریقین نے باہمی دلچسپی کے متعدد شعبوں میں باہمی تعاون کے معاہدے میں داخل ہونے میں دلچسپی کا اظہار کیا گیا۔ جبکہ ایم او یو کے کچھ اہم نکات جن میں ٹی 10 لیگ تیار کرنے اور مشترکہ طور پر شروع کرنے کے لئے فریقین کے مابین شراکت داری قائم کرنا۔ دونوں فریق اس لیگ میں مساوی ایکویٹی پارٹنر ہوں گے جو باہمی اتفاق رائے کے تصور، کاروباری منصوبہ بندی، مالیاتی تخمینوں اور انتظامی ڈھانچے سے مشروط ہوں گے۔
    مزید یہ بھی پڑھیں؛
    ورلڈکپ؛ بھارت کو بڑا دھچکہ
    توہین عدالت کیس، سی سی پی او لاہور کی عدالت طلبی
    آئی سی سی کرکٹ ورلڈ کپ،پاکستان کا پہلا میچ آج،مدمقابل ٹیم کے ہارنے کی تاریخ
    اٹک سے اڈیالہ جیل منتقلی؛ پی ٹی آئی وکلا کے اعتراضات پر چیف جسٹس عامر فاروق کی اہم ابزرویشن
    اور ایچ بی ایل پی ایس ایل کی ٹیموں اور مڈل سیکس کاؤنٹی کرکٹ کلب کے زیر انتظام ٹیموں کے درمیان پاکستان اور برطانیہ میں نمائشی میچوں کے انعقاد کے امکانات تلاش کرنا۔ علاوہ ازیں تربیت اور تعلیمی پروگراموں کا اہتمام کرنا ، بشمول کوچز ، تجزیہ کاروں ، امپائر اور کیوریٹرز / گراؤنڈمین کے لئے کورسز تک محدود نہیں ہے اور اس طرح کی تربیت اور تعلیم میں جدید ترین ٹکنالوجیوں پر توجہ مرکوز کرنا۔ مڈل سیکس پاکستان قومی خواتین ٹیم سمیت پی سی بی کے تحت کام کرنے والی خواتین کرکٹ ٹیموں کے لئے تربیتی پروگراموں کی تیاری اور نگرانی کے لئے بھی کام کرے گی، معاہدے پر دستخط کی تقریب میں چیئرمین مینجمنٹ کمیٹی ذکا اشرف سمیت اس موقع پر پی سی بی کے سی او او سلمان نصیر، ڈائریکٹر انٹرنیشنل عثمان واہلہ اور کمشنر پی ایس ایل نائلہ بھٹی بھی موجود تھیں۔