لاہور: آئی سی سی چیئرمین گریگ بارکلے اور چیف ایگزیکٹو جیف ایلا ڈائزلاہور میں دو د ن گزارنے کے بعد دبئی واپس روانہ ہوگئے۔

باغی ٹی وی: ذرائع کے مطابق حکام پاکستان سے ورلڈکپ کھیلنے کی یقین دہانی حاصل نہ کرسکےتاہم نجم سیٹھی نے ورلڈ کپ میں شرکت کوایشیا کپ کے حوالے سے بھارتی رویے سے مشروط کردیا ہے۔

چیئرمین آئی سی سی دو روزہ دورہ لاہور پہنچ گئے

پاکستان کرکٹ بورڈ کے چیئرمین نجم سیٹھی اور دیگر افسران نے منگل کو آئی سی سی کےچیئرمین اور چیف ایگزیکٹیوکےسامنےایشیا کپ، ورلڈکپ اور چیمپئنز ٹرافی2025 کے معاملات پر اپنا موقف بھرپور انداز میں پیش کیا۔

ورلڈ کپ کیلئے بھارت جانے کے معاملہ پر پی سی بی نے اپنا موقف دہراتے ہوئے کہا ہے کہ اس پر اپنی حکومت کی ہدایات پر عمل کریں گے۔اگلے ہفتے آئی سی سی ورلڈ کپ کے شیڈول کا اعلان کررہا ہے۔

دوسری جانب آئی سی سی نے پاکستان کو انٹرنیشنل ٹورنامنٹس کےلیے پرامن ملک قرار دے دیاانٹرنیشنل کرکٹ کونسل کے اعلیٰ عہدیداروں نے پاکستان میں ایشیا کپ اور چیمپئینز ٹرافی 2025 کے انعقاد کے لیے سیکیورٹی اور انتظامات کا جائزہ لیا۔

پاکستان فٹبال فیڈریشن کے انتخابی عمل کا چترال سے آغاز کردیا گیا

چیئرمین آئی سی سی گریگ بارکلے اور چیف ایگزیکٹو جیف ایلر ڈائس نے سیف سٹیز اتھارٹی کا دورہ کیا اور کیمروں سے سرویلنس کا معائنہ کیااس موقع پرپی سی بی کے مینجنگ ڈائریکٹر محمد کامران خان نے ایشیا کپ کے لیے سیکیورٹی انتظامات کے حوالے سے بریفنگ دی۔

پی سی بی حکام کی جانب سے آئی سی سی وفد کو پاکستان دورہ کرنے والی ٹیموں کو دی جانے والی سیکیورٹی کی ویڈیوز دکھائیں اور ائیرپورٹ، اسٹیڈیم روٹس، ہوٹلز، پارکنگ اورپولیس فورس کےانتظامات کےحوالےسے بھی بریفنگ دی آئی سی سی وفد کو جدید ٹیکنا لو جی کے استعمال و قانون نافذ کرنے والے اداروں کے باہمی اشتراک سے متعلق آگاہ کیاچیئرمین آئی سی سی گریگ بارکلےنےشہر بھر میں نصب کیمروں سے روٹس کو مانیٹر کیا اور سیکیورٹی پر اطمینان کا اظہار کیا۔

بابر اعظم اور محمد رضوان ہارورڈ یونیورسٹی پروگرام کے لیے امریکا روانہ

چیئرمین آئی سی سی نے کہا کہ سیف سٹی لاہور کا انفراسٹرکچر دنیا کے بہترین سسٹمز میں سے ہے جبکہ پاکستان انٹرنیشنل سیریز اور ٹورنامنٹ کے لیے پرامن ملک ہے اور امید کرتے ہیں مستقبل میں پاکستان بڑے ٹورنامنٹس کی میزبانی کرے گا۔

بھارت نے ایشیا کپ 2023ء میں پاکستان کے ہائبرڈ ماڈل کو تسلیم کرنے کی رضا مندی کا اظہار کیا ہے۔

باغی ٹی وی: بھارتی میڈیا کی رپورٹ کے مطابق بھارت کا کرکٹ بورڈ ہائبرڈ ماڈل کو مشروط طور پر قبول کرے گا جس میں بھارت نے شرط رکھی ہے کہ ورلڈکپ میں شرکت کیلئے پاکستان کو تحریر ی یقین دہانی کرانا ہوگی۔

بھارت میں ورلڈ کپ جیت کر آئیں،بھارتی کرکٹ بورڈ کیلئے بڑا طمانچہ ہو گا،شاہد آفریدی

اس حوالے سے بی سی سی آئی باضابطہ اعلان 27 مئی کے اجلاس کے بعد کرے گا، اس ماڈل کے تحت ایشیا کپ کے مقابلے بھارت نیوٹرل وینیو پر کھیلے گا اور نیوٹرل وینیو یو اے ای یا سری لنکا ہو سکتا ہے۔

بھارت کے فیصلے کے بعد ہی ایشین کرکٹ کونسل ایشیا کپ کے باضابطہ شیڈول کا اعلان کرے گا۔

نیوزی لینڈ کی پاکستان کو وائٹ بال کرکٹ سیریز کی پیشکش

واضح رہے کہ آئی سی سی ورلڈ کپ کی میزبانی بھارت کر رہا ہے جبکہ ایشیا کپ کی میزبانی پاکستان کے پاس ہے، بھارت کے ایشیا کپ میں پاکستان آنے سے انکار پر پاکستان نے بھی انڈیا میں ورلڈ کپ نہ کھیلنے کا سخت موقف اختیار کیا ہے، تاہم دونوں بورڈز کے درمیان پاکستان کی جانب سے تجویز کیے جانے والے ہائبرڈ ماڈل پر بات چیت جاری ہے۔

ایشیا کپ:ہائبرڈ ماڈل منصوبے بے بھارت کو مشکل میں ڈال دیا

پاکستان کرکٹ بورڈ کی مینجمنٹ کمیٹی کے چیئرمین نجم سیٹھی نے کہا ہے کہ اگر حکومت نے کہا کہ آپ ورلڈ کپ کھیلنے جائیں تو ہم ضرور جائیں گے۔

باغی ٹی وی : غیر ملکی میڈیا سے گفتگو کرتے ہوئے انہوں نے کہا کہ ورلڈ کپ کے لیے بھارت جانے کا فیصلہ شاہد آفریدی نے نہیں کرنا،ورلڈ کپ کے لیے بھارت جانے کا فیصلہ جے شاہ اور میرا بھی نہیں ہے، سیکیورٹی کی بنیاد پر ہی ان فیصلوں کا انحصار ہوتا ہے،یہ فیصلہ اُس جانب بھارتی حکومت اور اِدھر پاکستانی حکومت کا ہے اگر حکومت نے کہا کہ آپ ورلڈ کپ کھیلنے جائیں تو ہم ضرور جائیں گے۔

پاکستان نے ایشیاکپ کے لیے دوسرا ہائبرڈ ماڈل پیش کردیا

نجم سیٹھی نے کہا کہ ایشین کرکٹ کونسل کے سربراہ جے شاہ کی درخواست پر میں نائب صدر پنکج کھمجی سے ملا، ہائبرڈ ماڈل پر مثبت ردِ عمل سامنے آیا، جے شاہ کو بریفنگ کا بتایاانہوں نے کہا کہ مجھے کہا گیا کہ 15 مئی کو بتائیں گے لیکن میں ابھی فیصلے کا منتظر ہوں-

نجم سیٹھی نے کہا کہ سری لنکا کا اے سی سی پر دباؤ ہے کہ نیوٹرل وینیو سری لنکا کو بنایا جائے میزبان پاکستان ہے، گیٹ منی میزبان کا حق ہے، سری لنکا میں گیٹ منی کم ملے گی، اگر سری لنکا کا فیصلہ ہو اور ہمیں معاوضہ ٹھیک ملے تو بات ہو بھی سکتی ہے۔

ایشیا کپ:ہائبرڈ ماڈل منصوبے بے بھارت کو مشکل میں ڈال دیا

انہوں نےکہا کہ ایشیا کپ ضرور ہوگا نہ ہوا تو 3 ملکی ٹورنامنٹ کا پلان تیار ہےآئی سی سی کے اجلاس میں ریونیو شیئرنگ کے فار مو لے پر بات کی جائے گی مکی آرتھر پاکستان کرکٹ سے واقف ہیں، نئی سلیکشن کمیٹی کے سربراہ ہارون رشید ہی رہیں گے، کمیٹی کے اراکین میں مکی آرتھر، گرانٹ بریڈبرن اور حسن چیمہ ہوں گے، حسن چیمہ ڈیٹا کے ماہر ہیں اور سلیکشن کمیٹی ڈیٹا پر بھی انحصار کرے گی۔

ایشیا کپ: بنگلہ دیش نے یو اے ای میں میچز کے انعقاد کی مخالفت کردی

لاہور: پاکستان کرکٹ بورڈ (پی سی بی) کے چیئرمین نجم سیٹھی نے کہا ہے کہ ایشیا کپ سے متعلق فیصلہ ایک دو روز میں متوقع ہے۔

باغی ٹی وی : چئیرمین پی سی بی نے کہا کہ پاکستان نے ایشیاکپ کے لیے دوسرا ہائبرڈ ماڈل پیش کردیا ہے جس کے تحت پاکستان میں ٹورنامنٹ کے 5 میچزلازمی کرانا ہوں گے گر 5 میچز پاکستان میں نہیں ہوتے تو پھر ہمارا واضح پیغام موجود ہے،ایسا نہیں ہوسکتا سارے کے سارےمیچز باہر ہوں، ہائبرڈ ماڈل پر عمل کرنا ہوگا۔

پاکستان نے بھارت کےساتھ نیوٹرل وینیو پر ٹیسٹ سیریز کیلئے گرین سگنل دیدیا

انہوں نے کہا کہ بھارت کا معاملہ آتا ہے تو ہمیں بھی بی سی سی آئی کی طرح حکومت سے اجازت لینی پڑتی ہے، 2016 میں بھی ہم نے حکومت کی اجازت کے بعد ٹیم کو بھیجا تھا،حکومت کہے گی کہ سیکیورٹی ایشو ہے تو پھر ہائبرڈ ماڈل کو دیکھنا ہو گا۔

ایشیا کپ: سری لنکا اور بنگلہ دیش نئے ہائبرڈ ماڈل کے تحت کھیلنے کو تیار

قبل ازیں چیئرمین نجم سیٹھی نے کہا تھا کہ پاک بھارت ٹیسٹ سیریز آسٹریلیا، انگلینڈ اور جنوبی افریقا میں ہوسکتی ہے۔ پاک بھارت سیریز کے لیے پہلا آپشن انگلینڈ اور دوسرا آسٹریلیا ہوگااگر آسٹریلیا میں ہاؤس فُل ہوسکتا ہے تو ٹھیک ہے یہ بڑا اچھا ہوگا۔ بھارت کے ساتھ ٹیسٹ سیریز کیلئے دبئی ہمیں سستا پڑے گا۔ آسٹریلیا کو بھی ہم نے نیوٹرل وینیو کے طورپر ریڈار پر رکھا ہے۔

نجم سیٹھی نے بھارت کو زیادہ حصہ دیئے جانے پر آئی سی سی سے وضاحت …