Baaghi TV

Tag: پی ٹی آئی

  • سوشل میڈیا صارفین نے عمران خان کو جھوٹا قرار دے دیا

    سوشل میڈیا صارفین نے عمران خان کو جھوٹا قرار دے دیا

    چیئرمین تحریک انصاف عمران خان کو اپنا ایک اور بیان واپس لینا پڑ گیا-

    باغی ٹی وی : سابق وزیراعظم عمران خان نے سوشل میڈیا پر الزام لگایا کہ کراچی سے ان کے ایم پی اے ملک شہزاد اعوان پر پارٹی چھوڑنے کے لیے دباؤ ڈالا گیا، انکار پر ان کے ٹرک جلا کر تباہ کردیئے گئے اپنے ثبوت کے طور پر عمران خان نے سوشل میڈیا پر ویڈیو بھی ڈال دی ، جو کہ نوشہرہ میں ڈپو آئل میں آگ لگنے کی تھی –

    سوشل میڈیا صارفین نے کہا کہ ویڈیو ایک سال پرانی ہے، نوشہرہ آئل ڈپو میں آگ لگنے کی ہے، پرانی تصویریں بھی لگائیں ، تاہم صارفین کی تنقید پر عمران خان نے ٹوئٹ ڈیلیٹ کر دیا یہی ٹوئٹ اور الزام پی ٹی آئی کے آفیشل ٹوئٹر ہینڈل سے بھی لگایا گیا البتہ کچھ دیر بعد وہاں سے بھی ٹوئٹ ڈیلیٹ کر دیا گیا۔

    سوشل میڈیا صارفین نے ڈیلیٹ کی جانے والی ٹویٹ کے اسکرین شاٹ شیئرکرتے ہوئے عمران خان کو شدید تنقید کا نشانہ بنایا اور سوشل میڈیا صارفین نے چیئرمین پی ٹی آئی کو جھوٹا قرار دے دیا۔

    واضح رہے کہ 9 مئی کے پرتشدد واقعات کے بعد سے اب تک تحریک انصاف کے درجنوں رہنما اور ٹکٹ ہولڈر جماعت سے علیحدگی اختیار کرچکے ہیں اور یہ سلسلہ تاحال جاری ہے-

  • مشکل کی اس گھڑی میں خیبر پختونخوا کی قیادت عمران خان کے ساتھ کھڑی ہے، پرویز خٹک

    مشکل کی اس گھڑی میں خیبر پختونخوا کی قیادت عمران خان کے ساتھ کھڑی ہے، پرویز خٹک

    پاکستان تحریک انصاف (پی ٹی آئی) کے سینئر رہنما اور سابق وفاقی وزیر پرویز خٹک نے کہا ہے کہ مشکل کی اس گھڑی میں خیبر پختون خوا کی قیادت عمران خان کے ساتھ کھڑی ہے۔

    باغی ٹی وی : نجی ٹی وی چینل سے گفتگو کرتے ہوئے انہوں نے کہا کہ وہ تحریک انصاف کسی صورت نہیں چھوڑیں گےملک میں معاشی بے روزگاری اور امن و امان کی صورتحال سنگین ہے۔ اس وقت گرینڈ مذاکرات کی اشد ضرورت ہے، ہمیں ملک کا سوچنا ہوگا۔

    عمران خان کارکنوں کو ذاتی مقاصد کیلئے استعمال کرتے ہیں،شرجیل میمن

    پرویز خٹک کا کہنا تھا کہ جلد حکومتی ارکان سے بات چیت کرکے ملک اور قوم کی بہتری کیلئے اہم فیصلے کریں گے امید ہے پاکستان ڈیموکریٹک موومنٹ (پی ڈی ایم) حکومت مذاکرات کے سلسلے کو آگے بڑھائے گی۔

    دوسری جانب مسلم لیگ ن کے رہنما اور وزیر دفاع خواجہ آصف کا کہنا ہےکہ دفاع کے جذبےکو اقتدار کے بھوکے سیاستدان چیلنج کر رہے ہیں، نواز شریف نے جو کہا اس کی تائید کرتا ہوں، عمران خان اب دفاعی طور پر ملک کو کمزورکرنے کی کوشش کر رہا ہے۔

    قصورکا بریانی جلسہ لال حویلی کا کچھ نہیں بگاڑ سکتا،شیخ رشید

    وفاقی وزیر کا کہنا تھا کہ جو لوگ چھوڑ کر جا رہے ہیں وہ عمران خان کی غلطیوں کا بوجھ نہیں اٹھا پا رہے، رانا ثنااللہ نے جو کہا وہ سو فیصد درست ہے، 14 ماہ میں جو غلطیاں کی ہیں وہ خودکی ہیں، مزید لوگ بھی اسےچھوڑیں گے، مذاکراتی ٹیم بنائی ہےاس میں مزید نام دیں تاکہ اگریہ چھوڑ گئے تو اس کا متبادل تو ہوگا۔

    واضح رہے کہ گزشتہ روز چیئرمین پی ٹی آئی عمران خان کی جانب سے حکومت کے ساتھ مذاکرات کیلئے پی ٹی آئی کی 7 رکنی مذاکراتی کمیٹی تشکیل دی گئی تھی۔ کمیٹی میں پی ٹی آئی کے وائس چیئرمین شاہ محمود قریشی، پرویز خٹک، اسد قیصر، حلیم عادل شیخ، عون عباس بپی، مراد سعید اور حماد اظہر کا نام شامل کیا گیا تھا۔

    صدارتی ترکیہ میں صدارتی انتخابات کےدوسرے مرحلے میں ووٹنگ جاری

  • عمران خان کا یہ کہنا غلط ہے کہ پردہ دار بشریٰ بی بی کا سیاست سے کوئی لینا دینا نہیں،فردوس عاشق اعوان

    عمران خان کا یہ کہنا غلط ہے کہ پردہ دار بشریٰ بی بی کا سیاست سے کوئی لینا دینا نہیں،فردوس عاشق اعوان

    پاکستان تحریکِ انصاف (پی ٹی آئی) کی منحرف رہنما فردوس عاشق اعوان نے کہا ہے کہ بشریٰ بی بی کی سیاست میں مداخلت عمران خان کو بند گلی میں لے گئی۔

    باغی ٹی وی: ایک نجی چینل سے بات کرتے ہوئے فردوس عاشق اعوان نے انکشاف کیا ہے کہ عمران خان کا یہ کہنا غلط ہے کہ پردہ دار بشریٰ بی بی کا سیاست سے کوئی لینا دینا نہیں بشریٰ بی بی حکومتی معاملات میں مداخلت کرتی تھیں، میڈیا مینجمنٹ کرتی تھیں، پنجاب کے معاملات میں ان کی مداخلت کی تفصیل بہت طویل ہے۔

    دہائیوں کے انتظار ختم،مسلسل کوششوں کے بعد چین مسافر طیارہ بنانے میں کامیاب

    فردوس عاشق اعوان نے مزید کہا کہ سلیم صافی اور حامد میر کے پروگرام میں جانے والے پر بشریٰ بی بی فون کر کے ڈانٹ ڈپٹ کرتی تھیں کہ آپ وہاں گئے کیوں؟بشریٰ بی بی کہتی تھیں کہ ان لوگوں یعنی حامد میر اور سلیم صافی کو بین کرو، ان کے پروگرام میں نہیں جانا ہے۔

    واضح رہے کہ فردوس عاشق اعوان تحریک انصاف کے ان رہنماؤں میں شامل ہیں جنہوں نے اپنی راہیں پارٹی سے جا کر لی ہیں فردوس عاشق اعوان کا کہنا تھا کہ 9 مئی کو جو کچھ ہوا پوری قوم نے دیکھا، ایک منظم سازش کے ذریعے زمان پارک سے منصوبہ بندی کی گئی جس کا مقصد قومی اداروں کی تضحیک کرنا تھا۔

    بابر اعظم اور محمد رضوان ہارورڈ یونیورسٹی پروگرام کے لیے امریکا روانہ

    ان کا کہنا تھاکہ زمان پارک سے بیرونی ایجنڈے پر سازش تیار کی گئی، سازش کا مقصد غیر ملکی آقاؤں کو خوش کرنا تھا، سیاسی اختلافات کو ذاتی دشمنی اور عداوت میں بدل دیا گیا گھر گھر میں پولرائزیشن کردی گئی، وزیراعظم ہاؤس کو ایک مخصوص ٹولے نے اپنی آماجگاہ بنایا شہدا کی قربانیوں کو بھلایا نہیں جا سکتا، 9 مئی کے واقعات کی آزادانہ اور منصفانہ انکوائری کرائی جائے اور ملوث افراد کو عبرت ناک سزا دی جائے۔

    سابق رکن صوبائی اسمبلی اور پی ٹی آئی رہنما نے پارٹی کو خیرباد کہہ دیا

    فردوس عاشق اعوان نے کہا کہ سیاست میں ایسا ماحول اور منظر کبھی نہیں دیکھا، 9 مئی کے واقعات کی مذمت کرتی ہوں، دہشت گرد اور شر پسند کارروائیوں کی وجہ سے پی ٹی آئی سے الگ ہو رہی ہوں، میرا سیاسی سفر جاری رہے گاایک مخصوص ٹولے نے اداروں کی بے توقیری کی، عمران خان اور پاکستان ساتھ ساتھ نہیں چل سکتے، عمران خان کا ایجنڈا ملک کے لیے زہر قاتل بن گیا ہے عمران خان سب سے پہلے دوستوں کے لیے دشمن بنتے ہیں، پی ٹی آئی آج بند گلی میں جا چکی ہے، پی ٹی آئی کو بند گلی میں پہنچانے والے لاتعلقی کا اعلان کر کے سرخرو نہیں ہوسکتے۔

    عمران خان کارکنوں کو ذاتی مقاصد کیلئے استعمال کرتے ہیں،شرجیل میمن

  • عمران خان کارکنوں کو ذاتی مقاصد کیلئے استعمال کرتے ہیں،شرجیل میمن

    عمران خان کارکنوں کو ذاتی مقاصد کیلئے استعمال کرتے ہیں،شرجیل میمن

    وزیراطلاعات سندھ شرجیل انعام میمن کا کہنا ہے کہ پیپلزپارٹی نے پورے سندھ کے حقوق کیلئے آواز اٹھائی، اور سب سے زیادہ ترقیاتی فنڈز کراچی کیلئے جاری ہوئے۔

    باغی ٹی وی : کراچی میں پریس کانفرنس پیپلزپارٹی کے رہنما اور صوبائی وزیر شرجیل میمن کا کہنا ہے کہ عمران خان نے وفاقی حکومت سے مذاکرات کیلئے کمیٹی بنائی ہے، جب کہ ان کی مذاکراتی کمیٹی روپوش ہے، پی ٹی آئی چیئرمین پہلے تو کہتے تھے مر جاؤں گا ڈاکوؤں سے مذاکرات نہیں کروں گا، آج مذاکرات کیلئے کیوں بھیک مانگ رہے ہیں-

    قصورکا بریانی جلسہ لال حویلی کا کچھ نہیں بگاڑ سکتا،شیخ رشید

    انہوں نے کہا کہ کارکن جیلوں میں ہیں لیکن عمران خان کو کوئی پروا ہ نہیں، وہ کارکنوں کو ذاتی مقاصد کیلئے استعمال کرتے ہیں، اب وہ انٹرنیشنل لابی سےرابطے میں ہیں اور این آراوحاصل کرنا چاہتے ہیں عمران خان اپنے خاندان کیلئےاین آراو مانگ رہے ہیں حکومت نے ان لوگوں کےنام ای سی ایل پرڈال دیئے ہیں، ان کو ملک سے فرارہونے کا موقع نہیں دیں گے-

    سابق رکن صوبائی اسمبلی اور پی ٹی آئی رہنما نے پارٹی کو خیرباد کہہ دیا

    رہنما پی پی پی نے کہا کہ کیپٹل ہل حملے کے ماسٹرمائنڈ کو 18 سال قید سنائی گئی ہے، جناح ہاؤس پرحملہ کرنے والوں کو سزا کیوں نہیں ہوسکتی، 9مئی کو حکومت اور اداروں نے صبر کا مظاہرہ کیا، عمران خان کو عدلیہ سے ریلیف مل رہا ہے، ایسا تحفظ آج تک کسی کو نہیں ملا، کہا گیاعمران خان صاحب مذمت کر لیجئے گا، ملزم آپ کے سامنے کھڑا ہے پھر بھی ضمانت دے رہے ہیں۔

    جناح ہاؤس لاہور پر حملے کی مرکزی ملزمہ خدیجہ شاہ کی جیل میں طبیعت خراب …

    صوبائی وزیر کا کہنا تھا کہ ایم کیو ایم اپنی پارٹی کے اختلافات کی وجہ سے سندھ حکومت پر تنقید نہ کرے بلکہ اپنے اختلافات پارٹی کے اندر نمٹائے، جب وزیراعلیٰ سندھ نے مردم شماری کا مسئلہ اٹھایا تھا اس وقت یہ لوگ سو رہے تھے پیپلزپارٹی نے پورے سندھ کے حقوق کیلئے آواز اٹھائی، اور سب سے زیادہ ترقیاتی فنڈز کراچی کیلئے جاری ہوئے، اس شہر میں علاج کی بہترین سہولیات موجود ہیں، سندھ بھر سے لوگ علاج کرانے یہاں آتے ہیں۔

    شام میں سعودی سفارت خانہ دوبارہ کھولنے پر تبادلہ خیال، تکنیکی ٹیم دمشق پہنچ …

  • سابق رکن صوبائی اسمبلی اور پی ٹی آئی رہنما نے پارٹی کو خیرباد کہہ دیا

    سابق رکن صوبائی اسمبلی اور پی ٹی آئی رہنما نے پارٹی کو خیرباد کہہ دیا

    رہنماؤں کی جانب سے پی ٹی آئی چھوڑنے کا سلسلہ آج بھی جاری ہے-

    باغی ٹی وی: سابق رکن صوبائی اسمبلی ملک خرم علی خان نے بھی تحریک انصاف کو خیر باد کہہ دیا،اسلام آباد میں پریس کانفرنس کرتے ہوئے سابق رکن صوبائی اسمبلی ملک خرم علی خان کا کہنا تھا کہ جو پی ٹی آئی ہم نے جوائن کی تھی یہ وہ نہیں ہےمجھے اس بار ٹکٹ نہیں دیا گیا پھر بھی پارٹی کا ساتھ نہیں چھوڑا، لیکن 9 مئی کے واقعات پر افسوس ہوا اور سوچنے پر مجبور ہوگیا۔

    قصورکا بریانی جلسہ لال حویلی کا کچھ نہیں بگاڑ سکتا،شیخ رشید

    ملک خرم علی نے پی ٹی آئی چھوڑنے کا اعلان کرتے ہوئے کہا کہ ہمارے لئے سب سے اہم پاکستان کے ادارے ہیں، سیاست کوچلاناہے تو سب سے پہلے پاکستان کو مضبوط کرنا ہے، اداروں کو کمزورکرنے والوں کے ساتھ نہیں چل سکتے، تمام دوستوں سے مشاورت کےبعد علیحدگی کافیصلہ کیا۔

    شام میں سعودی سفارت خانہ دوبارہ کھولنے پر تبادلہ خیال، تکنیکی ٹیم دمشق پہنچ …

    واضح رہے کہ 9 مئی کے پرتشدد واقعات کے بعد سے اب تک تحریک انصاف کے درجنوں رہنما اور ٹکٹ ہولڈر جماعت سے علیحدگی اختیار کرچکے ہیں-

  • آئین اور عدالتی فیصلوں کی کھلم کھلا خلاف ورزیاں کی گئیں،عمران خان

    آئین اور عدالتی فیصلوں کی کھلم کھلا خلاف ورزیاں کی گئیں،عمران خان

    چیئرمین تحریک انصاف عمران خان نے رانا ثنااللہ کی پریس کانفرنس پر ردعمل د یا ہے-

    باغی ٹی وی: وزیرداخلہ رانا ثنااللہ کی پریس کانفرنس پر شدید ردعمل کا اظہار کرتے ہوئے سماجی رابطے کی ویب سائٹ ٹویٹر پر اپنی ٹویٹ میں تحریک انصاف کے چیئرمین عمران خان کا کہناتھاکہ اگر کسی کو جیلوں میں خواتین کے ساتھ بدسلوکی کیےجانے کی اطلاعات پر کوئی شک تھا تو اب اس سند یافتہ (سرٹیفائیڈ) مجرم کی اس پریس کانفرنس کے بعد سارے شکوک و شبہات دور ہو جانے چاہیے۔


    عمران خان نے کہا کہ یہ شخص یقینی طور پر ان خوفناک کہانیوں کو (ایک سازش کے جواز میں) چھپانے اور قبل از وقت ان کا پردہ چاک کرنے کی آڑ میں ذمہ داری سے فرار کی کوششیں کررہا ہے، جو عنقریب منظرِ عام پر آنے والی ہیں۔

    چئیرمین پی ٹی آئی نے کہا کہ نہایت واجب الاحترام خواتین کو آج سے پہلے ریاست نے کبھی اس طرز کی بدسلوکی اور ہراسگی کا نشانہ نہیں بنایا جیسے پر امن احتجاج کے اپنے بنیادی حق کے استعمال کی پاداش میں انہیں اس فسطائی حکومت کی جانب سے بنایا جا رہا ہے۔


    عمران خان نے رہنماؤں کے گھروں پر چھاپوں پر ردعمل دیتے ہوئے کہا کہ عمر ایوب اور شہزاد اکبر جو اس وقت ملک میں نہیں ہیں ان کے گھروں میں بھی رات کے وقت چھاپے مارے گئے آج ہم تاریک دور میں رہ رہے ہیں، جس میں آئین اور عدالتی فیصلوں کی کھلم کھلا خلاف ورزیاں کی گئیں، بغیر وارنٹ کے گھروں کو توڑا گیا اور توڑ پھوڑ کی گئی، میڈیا کو دبایا گیا اور ہمارے بنیادی حقوق کا تحفظ کرنے والا کوئی نہیں۔


    عمران خان نے کہا کہ حکام کی جانب سے علی نواز اعوان کی رہائشگاہ کو منہدم کرنے اور ان کے گھر کے مرکزی دروازے کو گرانے کیلئے کی جانے والی افسوسناک اور نہایت بزدلانہ کارروائی ہوئی جس کی شدید مذمت کرتا ہوں علی نواز کی ضعیف والدہ اور ان کی ہمشیرہ جن کا شمار خصوصی افراد میں ہوتا ہے، معذوری کے باعث اس رہائش گاہ میں مقیم ہیں۔

    چیئرمین پی ٹی آئی نے مزید کہا کہ اب تک کے اقدامات سے یہ تو ثابت ہوتا ہے کہ پی ڈی ایم سرکار اخلاقیات نام کی کسی شے سے واقف نہیں مگر کم از کم اللہ کے غضب سے تو ڈرے، جسے یہ اپنے ان فسطائی اقدامات کے ذریعے دعوت دے رہے ہیں۔

  • جناح ہاؤس لاہور پر حملے کی مرکزی ملزمہ خدیجہ شاہ کی جیل میں طبیعت خراب ہوگئی

    جناح ہاؤس لاہور پر حملے کی مرکزی ملزمہ خدیجہ شاہ کی جیل میں طبیعت خراب ہوگئی

    لاہور: جناح ہاؤس لاہور پر حملے کی مرکزی ملزمہ فیشن ڈیزائنر خدیجہ شاہ کی جیل میں طبیعت خراب ہو گئی۔

    باغی ٹی وی: 9 مئی کو جناح ہاؤس لاہور پر حملے کی مرکزی ملزمہ اور شناخت پریڈ کے لئے کوٹ لکھپت جیل میں قید ملزمہ خدیجہ شاہ کی طبیعت خراب ہو گئی جیل ذرائع کے مطابق خدیجہ شاہ 30 تاریخ تک جوڈیشل ریمانڈپرجیل میں ہے، تاہم وہ گزشتہ 2 روز سے پیٹ کی تکلیف میں مبتلا ہیں –

    قصورکا بریانی جلسہ لال حویلی کا کچھ نہیں بگاڑ سکتا،شیخ رشید

    ذرائع کے مطابق جیل حکام نےخدیجہ شاہ کی ملاقات اور گھر سےکھانا دینے پرپابندی لگارکھی ہے،خدیجہ شاہ اور پی ٹی آئی رہنما یاسمین راشد کو ایک ہی بیرک میں بندکیاگیاہے۔

    پولیس حکام کا کہنا ہے کہ خدیجہ شاہ سابق مشیر خزانہ سلمان شاہ کی صاحبزادی اور سابق آرمی چیف آصف نواز جنجوعہ کی نواسی ہیں اور وہ مشہور فیشن برانڈ ”ایلان“ کی کریٹو ڈائریکٹر بھی ہیں اور ان کے خلاف جناح ہاؤس پر حملے کےتمام ثبوت پولیس نےحاصل کر لئے ہیں، ملزمہ 9 مئی کو فون کرکے لوگوں کو بلاتی رہی تھیں۔

    صدارتی ترکیہ میں صدارتی انتخابات کےدوسرے مرحلے میں ووٹنگ جاری

    خدیجہ شاہ کو 2 خواتین سمیت 24 مئی کو لاہور کی انسداد دہشت گردی عدالت میں پیش کیا گیا، انسداد دہشتگردی عدالت کی جج عنبر گل نے سماعت کی، تفتیشی افسر نے عدالت کو بتایا کہ ملزمہ پر جناح ہاؤس پر جلاؤ گھیراؤ اور حملے کا کیس ہے، ملزمہ کو شناخت پریڈ کے لئے ساتھ لے جانے کی اجازت دی جائے جس کے بعد عدالت نے انہیں 7 دن کے لیے شناخت پریڈ پر جیل بھیجنے کا حکم دیا تھا اور 29 مئی کو شناخت پریڈ کا عمل مکمل کرنے کا حکم دیتے ہوئے 30 مئی کو شناخت پریڈ رپورٹ طلب کرلی۔

    اسلام آباد اورگردونواح میں زلزلے کے جھٹکے

  • قصورکا بریانی جلسہ لال حویلی کا کچھ نہیں بگاڑ سکتا،شیخ رشید

    قصورکا بریانی جلسہ لال حویلی کا کچھ نہیں بگاڑ سکتا،شیخ رشید

    راولپنڈی: سربراہ عوامی مسلم لیگ شیخ رشید کا کہنا ہے کہ ووٹ مانگنے والے پارٹیاں چھوڑ رہے ہیں لیکن ووٹ دینے والے ابھی بھی نہیں بدلے۔

    باغی ٹی وی: سماجی رابطے کی ویب سائٹ ٹویٹر پر اپنی ٹویٹ میں سابق وزیرداخلہ شیخ رشید کا کہنا تھا کہ سیاسی جماعت کوئی شوگر فیکٹری نہیں ہوتی عوام کےدلوں میں ہوتی ہےآج جون لیگ فصل بورہی ہےکل اُسےکاٹے گی قصورکا بریانی جلسہ لال حویلی کا کچھ نہیں بگاڑ سکتا یوم تکبیرکےایٹمی دھماکوں پرراجہ ظفر الحق گوہرایوب اور خود شیخ رشیدکوکریڈیٹ دیتاہوں باقی ساری کابینہ نواز شریف سمیت دھماکوں کی مخالف تھی-


    شیخ رشید کا کہنا تھا کہ ملک میں جاری سیاسی اورانسانی خقوق کی پامالی پر بین الاقوامی حلقوں ادروں میں تشویش ،بہت سے اقوام متحدہ کے ذیلی اور اعلی ادارے جیلوں اور حالات کا جاہزہ لینے کےلے اعلی سطح پر دورہ کر سکتے ہے-

    شیخ رشید کا کہنا تھا کہ جن کا جینا مرنا پاکستان میں ہے اُن کے کے نام ای سی ایل میں ڈالے جارہے ہیں، اور جن کی جائیدائیں اور اولاد پاکستان سے باہر ہے ان سزا یافتہ مفرور مجرموں کو سفارتی پاسپورٹ جاری کئے جارہے ہیں، ایسے لوگ جب اقتدار سے باہر ہوتے ہیں تو تو پرائیوٹ جہازوں کے ذریعے بیرون ملک بھاگ جاتے ہیں، ان کے نام ای سی ایل میں ڈالنے چاہئے۔

    سابق وفاقی وزیر نے کہا کہ قصور کا بریانی جلسہ لال حویلی کا کچھ نہیں بگاڑ سکتا، آج ن لیگ جو فصل بو رہی ہے کل اُسے کاٹنا پڑے گا، 13جماعتی ٹولاعوام میں نفرت کا نشان بن چکا ہے، ان جماعتوں کے لیڈر نیلامی میں اورعوام پریشانی میں ہیں، کوئی پی ڈی ایم کے چوروں کے ساتھ کھڑا نہیں ہوسکتا، سیاسی جماعت کوئی شوگر فیکٹری نہیں ہوتی عوام کے دلوں میں ہوتی ہے، ووٹ مانگنے والے پارٹیاں چھوڑ رہے ہیں، ووٹ دینے والے ابھی نہیں بدلے۔

    شیخ رشید کا کہنا تھا کہ اداروں سےدرخواست ہےکہ9مئی کی غیرجانبدارتحقیقات کرائی جائیں جو بھی ملوث ہےاُسےسخت سزادی جائےلیکن کس کےکہنےپرپولیس خواب خرگوش سوئی رہی یہ سب سےاہم ترین سوالیہ نشان ہےاس کی بھی تحقیقات ہو کوئی بھی محب وطن پاکستانی اپنی فوج کے خلاف نہیں ہوسکتا-

  • عمر ایوب اور شہزاد اکبر کے گھر چھاپہ

    عمر ایوب اور شہزاد اکبر کے گھر چھاپہ

    پاکستان تحریک انصاف کے رہنما عمر ایوب نے کہا ہے کہ اسلام آباد پولیس نے رات ساڑھے 12 بجے بغیر وارنٹ ان کے گھر پر چھاپہ مارا ہے۔

    باغی ٹی وی : سماجی رابطے کی ویب سائٹ ٹوئٹر پر اپنی ٹوئٹ میں کہاکہ شالیمار تھانے کی پولیس نے رات ساڑھے 12 بجے بغیر وارنٹ ان کے گھر پر چھاپہ مارا ہے اور میری پارک کی ہوئی ٹویوٹا ہائی لکس ٹوئن کیبن ماڈل 2011 چوری کر لی۔

    جہانگیر ترین نے پارٹی کا نام فائنل کر لیا


    عمر ایوب نے کہا کہ اسلام آباد پولیس غیر قانونی تلاشی اور اب گاڑیوں کی چوری میں ملوث ہے۔ عدلیہ کے ارکان، سرکاری ملازمین اور سفارت کاروں کو اپنی گاڑیوں کا خیال رکھنا چاہیے کیونکہ پولیس نے اس انتہائی مہنگائی کے دور میں اپنی تنخواہیں بڑھانےکے لیے گاڑیاں چوری کرنے کا سہارا لیا ہے مجھے اپنی چوری شدہ گاڑی کے لیے ایف آئی آر کہاں درج کرانی چاہیے؟ کیا میں چوروں سے چوروں کو پکڑنے کا کہوں؟-

    افغان طالبان اور ایرانی فورسز کے درمیان جھڑپ، 3 افراد ہلاک


    دوسری جانب سابق مشیرداخلہ و احتساب شہزاد اکبر نے کہا کہ سب جانتے ہیں کہ میں ملک میں نہیں ہوں 25 سے 30 پولیس اور رینجرز اہلکاروں نے ان کے گھر صبح ایک بجے پر چھاپہ مارا ہےانہوں نے دعویٰ کیا کہ اہلکار دروازہ توڑ کر گھر میں داخل ہوئے اور ان کے چھوٹے بھائی کو لے گئے۔

    عمران خان سمجھ رہے تھے بہت اسمارٹ پولیٹکس کر رہے ہیں،فیصل واوڈا

  • ایجنسیوں نے پی ٹی آئی کی نئی منصوبہ بندی ناکام بنا دی ،رانا ثنااللہ

    ایجنسیوں نے پی ٹی آئی کی نئی منصوبہ بندی ناکام بنا دی ،رانا ثنااللہ

    وفاقی وزیر داخلہ رانا ثنا اللہ نے انکشاف کیا ہے کہ ملک کی ایجنسیوں نے ایک گفتگو پکڑی ہے جس میں دو طرح کی منصوبہ بندی کی جارہی تھی اور اس پر آج رات ہی عمل ہونا تھا۔

    باغی ٹی وی: پریس کانفرنس میں رانا ثنا اللہ نے کہا کہ ملک کی ایجنسیوں نے ایک گفتگو پکڑی ہے جس میں دو طرح کی منصوبہ بندی کی جارہی تھی اور اس پر آج رات ہی عمل ہونا تھا گفتگو پی ٹی آئی کے کسی ایک رہنما کے گھر چھاپے سے متعلق ہے اور دوسرا ڈرامہ یہ تھا کہ ریپ ایکٹ کیا جائےمقصد تھا کہ ریپ ایکٹ کا الزام قانون نافذ کرنےوالے اداروں پر لگایاجائے اور ریپ ایکٹ کا معاملہ عالمی سطح پر لاکر تحریک انصاف کیخلاف زیادتی کا پراپیگنڈہ کیا جاسکے۔


    انہوں نے کہا کہ منصوبہ بنایا گیا کسی پی ٹی آئی رہنما کے گھر چھاپے کے دوران فائرنگ بھی ہو، انھوں نے اب انتہائی گھٹیاڈرامہ رچانے کی منصوبہ بندی کی ہے، عمرانی فتنے کا مقصد تھا کہ لوگوں کو گمراہ کیاجائے، یہ ڈرامہ آج رات کیے جانے کا امکان تھا لیکن ایجنسیوں نے بروقت اسے ناکام بنایا، اسی لئے ضروری سمجھا کہ اس شیطانی پلان سے قوم کو آگاہ کیا جائے-

    فیصل آباد میں عوامی اجتماع سے خطاب کرتے ہوئے 9 مئی کئے واقعات سے متعلق رانا ثنا اللہ نے کہا کہ پی ٹی آئی رہنماؤں کو یہ خوف کہ جو مقدمے بنے ان پر انہیں سزا نہ ہو جائے جناح ہاؤس میں قائد اعظم رہتے رہےحملہ آؤر وہاں سے لیپ ٹاپ اور دیگر چیزیں اٹھا کر لے گئےعمران خان کی گرفتاری کے خلاف پرتشدد احتجاج کے دوران لوٹ مار کے تمام ثبوت موجود ہیں، یہ کہتے تھے عمران کی گرفتاری ریڈ لائن ہوگی جس کا مطلب تھا ہم فوج کے خلاف احتجاج کریں گے وزیر آباد حملے میں عمران خان نے اپنے قتل کا الزام فوج کے سینئر آفسر پر لگایا، انہوں نے نفرت کا بیج نوجوان نسل کے ذہنوں میں بویا اور اب کہہ رہے ہیں جلدی سے جلدی مذاکرات کرو۔

    خیبرپختونخوا میں پی ٹی آئی رہنماؤں کی گروپ بندی شروع

    وزیر داخلہ نے کہا کہ تمہارے ساتھ بات چیت کریں تو شہدا کی فیملیز ہمیں نہیں چھوڑیں گی؟ لانگ مارچ کے دوران کسی نے عمران سے کہا کہ شہباز شریف نے مذاکرات کا کہا ہے جس پر انہوں جواب دیا تمہاری اوقات کیا ہے جو مجھے مذاکرات کا کہو۔

    رانا ثنا اللہ نے کہا کہ جو کہتے تھے ہم اسلام آباد آرہے ہیں، رانا ثنا تمہیں چھپنے کی جگہ نہیں ملےگی جس پر میں نےکہاتھا آؤ تمہیں بھاگنے کا راستہ نہیں ملے اور آج وہ ٹی وی پر آکر کہتے ہیں 8 دن قید تنہائی کاٹی ہے اور پی ٹی آئی کو چھوڑ رہا ہوں جب کہ کوئی کہتا ہے 12 دن جیل کاٹی ہے، اب سیاست کو ہی خیرباد کہہ رہا ہوں حوصلہ کرو، اب اپنے کئے پر کھڑے ہو-

    عمران خان سمجھ رہے تھے بہت اسمارٹ پولیٹکس کر رہے ہیں،فیصل واوڈا

    انہوں نے کہا کہ ملک میں الیکشن کی آمد ہے، نظر آرہا ہے مسلم لیگ ن حکومت بنائے گی۔