Tag: چین

چینی وزارت خارجہ نے مشرق وسطیٰ میں جاری کشیدگی کے پیش نظر خبردار کیا ہے کہ اگر فوری اقدامات نہ کیے گئے تو جنگ پورے خطے میں پھیل سکتی ہے۔

چینی وزارت خارجہ کے ترجمان گو جیاکُن نے عالمی برادری پر زور دیا ہے کہ وہ موجودہ جنگ کے اثرات کو عالمی معیشت تک پہنچنے سے روکنے کے لیے مزید اقدامات کرےانہوں نے اس بات کی نشاندہی کی کہ خلیجی خطہ اور اس سے ملحقہ پانیوں کا شمار دنیا کے اہم تجارتی راستوں میں ہوتا ہے۔

گو جیاکُن نے کہا کہ چین فریقین پر زور دیتا ہے کہ وہ صورتِ حال کو بار بار بگڑنے سے روکیں، جنگ کے پھیلاؤ سے سختی سے اجتناب کریں، اور سیاسی حل کے راستے پر واپس آئیں،چین نے عالمی برادری پر زور دیا ہے کہ وہ موجودہ صورتحال کو مزید خراب ہونے سے روکنے کے لیے فوری اور سنجیدہ اقدامات کرے تاکہ خلیج میں کشیدگی کم کی جا سکے اور دنیا ایک نئے بحران سے محفوظ رہے۔

روس ایرانی عوام کی مدد کے لیے تیار ہے،پیوٹن

چینی بیان میں ایک بار پھر سیاسی مذاکرات اور سفارتی ذرائع سے مسائل کے حل پر زور دیا گیا ہے اور فریقین کو تلقین کی گئی ہے کہ وہ تحمل سے کام لیں اور خطے کے استحکام کو اولین ترجیح دیں۔

واضح رہے کہ گزشتہ روز ایران کی 3 مرکزی جوہری تنصیبات پر امریکی حملوں کے بعد خطے میں کشیدگی میں تیزی سے اضافہ ہوا ہے، اسرائیل نے امریکی حملے کے بعد آج دوسرے روز بھی فردو جوہری مرکز پر حملہ کیا ہے جبکہ وسطی تہران پر متعدد تنصیبات کو نشانہ بنانے کا بھی دعویٰ کیا ہے، ایران نے بھی آج اسرائیل پر بڑے بیمارے پر میزائل حملے کیے ہیں۔

چاہت خان کی اپنے ذومعنی اور نامناسب گانوں پر انوکھی منطق

چین کے صدر شی جن پنگ اور روسی ہم منصب ولادیمیر پیوٹن کے درمیان ٹیلیفونک رابطہ ہوا ہے-

چین کے خبر رساں ادارے ’شہنوا‘ کے مطابق شی جن پنگ نے ولادیمیر پیوٹن سے گفتگو کرتے ہوئے کہا کہ چین مشرق وسطیٰ میں امن کی بحالی کے لیے تمام فریقوں کے ساتھ بات چیت اور ہم آہنگی کو فروغ دینے کے لیے تیار ہے، اور تعمیری کردار ادا کرتا رہے گا بین الاقوامی برادری کو ماحول کو ’ٹھنڈا‘ کرنے کے لیے کوششیں کرنی چاہئیں، بات چیت اور مذاکرات ہی مسائل کے حل کا بنیادی راستہ ہیں۔

صدر شی جن پنگ نے متحارب فریقین پر زور دیا کہ بین الاقوامی قوانین کی سختی سے پابندی کریں اور معصوم شہریوں کو نقصان پہنچانے سے مکمل گریز کریں، ایران-اسرائیل کشیدگی کے دوران شہریوں کی حفاظت اولین ترجیح ہونی چاہیے، متحارب فریقین، خاص طور پر اسرائیل، فوری طور پر جنگ بندی کرے،جنگ بندی کی فوری ضرورت ہے، اور طاقت کا استعمال بین الاقوامی تنازعات کے حل کا درست طریقہ نہیں۔

روسی صدر نے بھی قیام امن کے لیے چین کے مؤقف کو سراہتے ہوئے اسرائیل اور ایران کے درمیان امن کی کوششوں کی حمایت کی، ’دی ٹیلیگراف‘ کے مطابق روس صدارتی محل کریملن سے جاری بیان میں کہا گیا ہے کہ آج ہونے والی ٹیلیفونک گفتگو میں ولادیمیر پیوٹن اور شی جن پنگ نے ایران پر اسرائیلی حملوں کی شدید مذمت کی ہے۔

کریملن کے ایک معاون نے صحافیوں کو بتایا کہ دونوں رہنماؤں نے ’اسرائیلی اقدامات کی شدید مذمت کی جو اقوام متحدہ کے چارٹر اور بین الاقوامی قوانین کی دیگر دفعات کی خلاف ورزی ہیں،اس بات پر اتفاق پایا گیا کہ ایران کے جوہری پروگرام سے متعلق اسرائیلی اور مغربی خدشات کا حل فوجی طریقے سے ممکن نہیں، اور صرف سفارت کاری کے ذریعے ہی کامیابی حاصل کی جا سکتی ہے،چینی صدر شی جن پنگ نے پیوٹن کو یہ بھی بتایا کہ وہ ایران کے حوالے سے روس کی ثالثی کی کوششوں کی حمایت کرتے ہیں۔

چینی وزارت خارجہ کے ترجمان گو جی آکون نے کہا ہے کہ ایران میں مقیم چینی شہریوں کو محفوظ مقامات پر منتقل کر دیا گیا ہے جبکہ اسرائیل سے بھی متعدد افراد کو بحفاظت نکالا گیا ہے۔

سرکاری خبررساں ایجنسی کے مطابق، گو جی آکون نے بتایا کہ چین کی وزارت خارجہ، ایران میں چینی سفارتخانے اور قونصل خانوں کی باہمی ہم آہنگی اور ہمسایہ ممالک کے تعاون سے اب تک 791 چینی شہریوں کا ایران سے انخلا مکمل کیا جا چکا ہے۔گو جی آکون نے کہا کہ چند چینی شہریوں کو اسرائیل سے بھی کامیابی سے نکالا گیا ہے اور اس عمل میں تعاون کرنے والے تمام ممالک کا شکریہ ادا کیا گیا ہے۔

ترجمان کے مطابق، مزید ایک ہزار سے زائد شہریوں کے محفوظ انخلا کا عمل جاری ہے، جبکہ آذربائیجان اور ترکمانستان میں قائم چینی سفارتخانوں اور قونصل خانوں نے بارڈر پر معاون ٹیمیں تعینات کر دی ہیں تاکہ چینی شہریوں کو سرحد عبور کرنے، عارضی رہائش اور چین واپسی میں مدد فراہم کی جا سکے۔

انہوں نے یقین دہانی کرائی کہ وزارت خارجہ اور متعلقہ سفارتی ادارے چینی شہریوں کی حفاظت کے لیے ہر ممکن اقدامات جاری رکھیں گے۔

جنگ رکوائی تو کشمیر کا مسئلہ بھی امریکا ہی حل کرے،خواجہ آصف کا دوٹوک مؤقف

پاسداران انقلاب کا اسرائیلی دفاعی نظام تباہ کرنے کا دعویٰ

بھارت نے ایران میں کشمیری طلبہ کو تنہا چھوڑ دیا، کوئی مدد نہیں ملی

فیلڈ مارشل عاصم منیر اور امریکی صدر ٹرمپ کی وائٹ ہاؤس میں اہم ملاقات

فیلڈ مارشل عاصم منیر اور امریکی صدر ٹرمپ کی وائٹ ہاؤس میں اہم ملاقات

سوشل میڈیا پر پاکستان سے متعلق امریکی جاسوسی کا دعویٰ جھوٹا قرار

عالمی سروے: کراچی دنیا کا چوتھا بدترین رہائشی شہر قرار

آٹو انڈسٹری میں چین پر انحصار نے بھارت کے لیے خطرے کی گھنٹی بجادی، بھارت کی الیکٹرک گاڑیوں کی تیاری متاثر ہو گئی ہے اور صنعت میں ہلچل مچ گئی ہے ای وی موٹرز کے لیے درکار نایاب میگنٹس کی سپلائی معطل کر دی گئی ہےجبکہ بھارت کی روایتی گاڑیوں کی پیداوار بھی پابندی سےمتاثر ہوئی ہے۔

نایاب دھاتوں میں چین کی اجارہ داری ہے اور بھارت کے پاس کوئی متبادل نہیں بھارتی آٹو انڈسٹری میں شور مچ گیا ہے اور حکومت سے فوری مداخلت کا مطالبہ کیا جا رہا ہے بھارتی کارخانوں کی بندش کے خدشے کے ساتھ ساتھ روزگار پر بھی منفی اثرات سامنے آ رہے ہیں۔

چین کی پابندی سے مودی سرکار کے میک ان انڈیا دعوے کو بڑا جھٹکا لگا ہے اس اقدام سے بھارت میں گاڑیوں کی قیمتوں میں ممکنہ اضافہ متوقع ہے جبکہ بھارت کی صنعتی خودمختاری پر بھی سوالیہ نشان لگ گیا ہے ایک بار پھر بھارتی صنعت غیر ملکی رحم و کرم پر ہے۔

بہاولپور: ڈی ایچ اے میں تین موٹرسائیکلیں ٹکرا گئیں، ایک جاں بحق،3زخمی

چین کی پابندی سے بھارت کا صنعتی خواب چکنا چور ہو گیا ہے بھارت کی الیکٹرک گاڑیوں اور روایتی آٹو پروڈکشن کا دار و مدار انہی نایاب دھاتوں پر ہے اور چین دنیا بھر میں ان دھاتوں کا سب سے بڑا سپلائر ہے بھارت کی آٹو انڈسٹری کی سپلائی چین متاثر ہوئی ہے، پیداوار سست ہو گئی ہے، اور روزگار پر منفی اثرات سامنے آنے لگے ہیں۔

عید پر نہانے کے دوران دریائے سندھ میں 3 لڑکے ڈوب گئے، 2 کی تلاش جاری

نائب وزیراعظم اسحاق ڈار نے 19 مئی کو ہونے والے اپنے دورہ چین کے حوالے سے کہا ہے کہ یہ دورہ مکمل طور پر دوطرفہ نوعیت کا تھا، اس دوران چین کے حکام کے ساتھ اہم ملاقاتیں ہوئیں۔

اسحاق ڈار نے کہا کہ دورہ چین کے دوران ہونے والی دونوں، دوطرفہ اور سہ فریقی ملاقاتیں غیر رسمی نوعیت کی تھیں اور ان میں خطے کی صورتحال، باہمی تعاون اور سیکیورٹی امور پر تبادلہ خیال ہوا بھارتی الزامات اور حالیہ جارحیت کے تناظر میں نائب وزیراعظم نے دعویٰ کیا کہ چین نے پاکستان کی بھرپور حمایت کی، اور چینی وزارت خارجہ کی جانب سے اگلے ہی روز پاکستان کے مؤقف کی تائید میں مثبت بیان جاری کیا گیا۔

اسحاق ڈار نے کہا کہ بھارت کی طرف سے پھیلائے گئے جھوٹے الزامات کے جواب میں پاکستان نے ایک مؤثر سفارتی حکمتِ عملی اپنائی پاکستان کا اعلیٰ سطحی وفد بلاول بھٹو زرداری کی سربراہی میں امریکہ، برطانیہ اور برسلز روانہ کیا گیا، جبکہ دیگر سفارتی ٹیمیں بھی متحرک ہوئیں نائب وزیراعظم کے مطابق پاکستانی وفد اس وقت واشنگٹن میں موجود ہے جہاں دوست ممالک کو حقائق سے آگاہ کیا جا رہا ہے۔

انہوں نے کہا کہ دنیا کے بیشتر ممالک نے پَہلگام واقعے کی تحقیقات میں تعاون کی پاکستانی پیشکش کو سراہا ہے اور بھارت کی جھوٹ پر مبنی الزام تراشی کو مسترد کیا ہے بھارت کی یہ روایت رہی ہے کہ وہ جھوٹے دعووں کے ذریعے دنیا کی توجہ ہٹانے کی کوشش کرتا ہے، جیسا کہ ایف-16 طیارہ گرانے کا دعویٰ بھی جھوٹا ثابت ہوا تھا۔

اسحاق ڈار نے زور دیا کہ دنیا بھر میں پاکستانی سفیروں نے بھی مؤثر انداز میں حقائق پیش کیے اور آج پوری دنیا پاکستان کے مؤقف کو تسلیم کر رہی ہے یہ سب کچھ ہماری مربوط، منظم اور کامیاب سفارتکاری اور ٹیم ورک کا نتیجہ ہے روس کو نظر انداز کرنے کے الزامات کی بھی تردید کرتے ہوئے اسحاق ڈار نے کہا کہ روس کے ساتھ رابطہ موجود ہے اور کسی قسم کی غفلت نہیں برتی گئی وزیراعظم کے معاون خصوصی طارق فاطمی نے روسی وزیر خارجہ سمیت کئی اہم عالمی رہنماؤں سے ملاقاتیں کی ہیں۔

اسحاق ڈار نے بھارت کی عالمی سطح پر پھیلائی گئی جھوٹ پر مبنی مہم پہ کہا کہ وقت نے ثابت کیا پاکستان سچ کہہ رہا تھا اور بھارت دنیا کو گمراہ کرنے کی ناکام کوشش کر رہا تھا بھارت کے تقریباً 4 سے 5 درجن افراد پر مشتمل وفود اس وقت دنیا بھر میں گھوم رہے ہیں، لیکن ان کی مہم عالمی برادری کو قائل کرنے میں ناکام رہی ہے۔

اسحاق ڈار نے کہا کہ بھارت کا پاکستان کا ایف-16 طیارہ گرانے کا دعویٰ بھی پہلے ہی بے نقاب ہو چکا ہے، اور اب حالیہ الزامات میں بھی بھارت کی سبکی ہوئی ہے پوری دنیا پاکستان کی کامیاب سفارت کاری کو ٹیم ورک کا نتیجہ قرار دے رہی ہے اور پاکستانی سفیروں نے بیرون ممالک میں حقیقت سے دنیا کو آگاہ کر دیا ہے۔

انہوں نے کہا کہ بھارت کا خطے میں بالادستی کا دعویٰ زمین بوس ہو چکا ہے، اور اب دہلی میں سیاسی حلقوں میں ماتم کی کیفیت ہے، جہاں ایک دوسرے پر الزامات کی بوچھاڑ جاری ہے۔ اسحاق ڈار نے دعویٰ کیا کہ قومی سلامتی کے معاملے پر پوری پاکستانی قوم متحد ہے، اور یہی اتحاد دشمنوں کے لیے واضح پیغام ہے۔

اسحاق ڈار کا کہنا تھا کہ پاکستان کی سفارتی فتح کے بعد ترکیہ اور آذربائیجان میں عوام خوشی سے سڑکوں پر نکل آئے، جو اس بات کا مظہر ہے کہ پاکستان کی سچائی اور وقار کو عالمی سطح پر تسلیم کیا جا چکا ہے پاکستان نے عالمی برادری کو صاف الفاظ میں بتایا ہے کہ ہم جنگ نہیں چاہتے، لیکن اگر جنگ مسلط کی گئی تو منہ توڑ جواب دینے کی بھرپور صلاحیت رکھتے ہیں، سفارتی محاذ پر بروقت اور مربوط حکمت عملی کے باعث بھارت کا غرور خاک میں ملا دیا گیا ہے۔

امریکی وزیر دفاع پیٹ ہیگستھ نے خبردار کیا ہے کہ چین انڈو پیسفک خطے میں طاقت کا توازن بدلنے کے لیے ممکنہ فوجی کارروائی کی تیاری کر رہا ہے، جس سے پورے ایشیا میں عدم استحکام پیدا ہو سکتا ہے، تاہم امریکا خطے میں اپنی موجودگی برقرار رکھے گا۔

غیر ملکی خبر رساں ادارے کے مطابق سنگاپور میں سالانہ سکیورٹی کانفرنس ’شنگریلا ڈائیلاگ‘ سے خطاب کرتے ہوئے امریکی وزیر دفاع نے کہا کہ چین کا خطرہ "حقیقی اور فوری” نوعیت کا ہے، اور بیجنگ نہ صرف تائیوان پر حملے کی صلاحیتیں تیار کر رہا ہے بلکہ اصل کارروائی کی مشقیں بھی کر چکا ہے۔

پیٹ ہیگستھ نے بیجنگ پر الزام لگایا کہ وہ سائبر حملوں، ہمسایہ ممالک کو ہراساں کرنے، اور متنازع جنوبی بحیرہ چین میں زمینوں پر غیر قانونی قبضہ کر کے انہیں عسکری اڈوں میں تبدیل کر رہا ہے، جو عالمی تجارت اور انسانی جانوں کے لیے خطرہ ہے۔ امریکا خطے میں اپنے اتحادیوں اور شراکت داروں کے ساتھ مل کر چین کی جارحیت کو روکنے کے لیے خود کو دوبارہ منظم کر رہا ہے اور ایشیائی ممالک کو بھی اپنے دفاع کو فوری طور پر مضبوط بنانا ہوگا۔

چین کا سخت ردعمل: امریکا اشتعال انگیزی کر رہا ہے
ادھر سنگاپور میں چینی سفارت خانے نے پیٹ ہیگستھ کی تقریر کو سخت تنقید کا نشانہ بناتے ہوئے اسے "اشتعال انگیز” قرار دیا اور واشنگٹن پر خطے میں کشیدگی بڑھانے، مسائل پیدا کرنے اور تصادم کو ہوا دینے کا الزام لگایا۔چینی وفد کی قیادت پیپلز لبریشن آرمی نیشنل ڈیفنس یونیورسٹی کے ریئر ایڈمرل ہو گانگ فینگ کر رہے ہیں، جنہوں نے اپنے خطاب میں کہا کہ چند ممالک جان بوجھ کر تقسیم اور تنازع پیدا کر رہے ہیں تاکہ خطے کو غیر مستحکم کیا جا سکے۔

یاد رہے کہ امریکا اور چین کے درمیان تجارتی، سیکیورٹی اور تکنیکی محاذ پر کشیدگی عروج پر ہے۔ ڈونلڈ ٹرمپ کے دور سے شروع ہونے والی تجارتی جنگ اب جدید ٹیکنالوجی اور خطے میں فوجی اثر و رسوخ کی جنگ میں بدل چکی ہے، جہاں فلپائن، جاپان اور جنوبی کوریا جیسے امریکی اتحادی ممالک کا کردار اہم ہوتا جا رہا ہے۔

ماہرین کا کہنا ہے کہ جنوبی بحیرہ چین اور تائیوان آئندہ برسوں میں امریکا اور چین کے درمیان ممکنہ تنازع کا مرکز بن سکتے ہیں، جس کے اثرات پوری دنیا پر پڑ سکتے ہیں۔

اسرائیل نے عرب وزرائے خارجہ کا مغربی کنارے کا دورہ روک دیا

پاکستان بھارت جنگ ہوئی تو میرے پاس کچھ نہیں ہوگا، ڈونلڈ ٹرمپ

دبئی میں بھارتی ایونٹ میں شاہد آفریدی کی شرکت پر بھارتی صحافی سیخ پا

مودی حکومت قوم کو گمراہ کر رہی ہے، بھارتی اپوزیشن کی تنقید