Baaghi TV

Tag: کاروبار

  • ڈالر 290 سے نیچے آگیا

    ڈالر 290 سے نیچے آگیا

    ملکی تبادلہ منڈیوں میں روپے کے مقابلے ڈالر مسلسل 15ویں کاروباری روز سستا ہوگیا ہے اور کاروباری ہفتے کے دوسرے روز کی ابتداء پر ایک روپے 26 پیسے کمی کے بعد ڈالر کی خرید و فروخت 289 روپے 60 پیسے میں جاری ہوئی جبکہ کرنسی ڈیلرز کے مطابق اوپن مارکیٹ میں منگل کے روز ڈالر ایک روپے سستا ہوا ہے جس کے بعد امریکی کرنسی کی قیمت خرید 289 اور قیمت فروخت 292 روپے میں جاری ہے۔

    تاہم واضح رہے کہ گزشتہ روز انٹر بینک میں ڈالر کی قیمت 90 پیسے کمی سے 290 روپے 86 پیسے ریکارڈ کی گئی تھی اور اوپن مارکیٹ میں بھی روپے کی قدر میں بہتری ریکارڈ کی گئی تھی، ڈالر کے مقابلے روپے کی قیمت خرید اور فروخت 50 پیسے اضافے کے بعد بالترتیب 290 اور 293 پر بند ہوئی تھی۔
    جبکہ دوسری جانب پاکستان اسٹاک ایکسچینج (پی ایس ایکس) میں بھی آج کاروبار میں تیزی رجحان جاری ہے، پی ایس ایکس 100 انڈیکس ٹریڈنگ کے پہلے سیشن میں 78 پوائنٹس اضافے کے بعد 46 ہزار 472 پر پہنچ گیا ہے، 100 انڈیکس گزشتہ روز 46 ہزار 393 پوائنٹس پر بند ہوا تھا۔

    دوسری جانب انٹربینک اوراوپن مارکیٹ میں ڈالرکی مسلسل گراوٹ سےاشیاخوردونوش کی قیمتوں میں بھی نمایاں کمی آنا شروع ہو گئی اور جن اشیا کی قیمت میں نمایاں کمی ہوئی ان میں مختلف برانڈ کے گھی شامل ہیں، صوفی برانڈ کے مشہور گھی کی قیمت میں 35 روپے فی کلو گرام تک کی دیکھی گئی ہے۔ جس کی فی کلو قیمت 510 روپے ہوا کرتی تھی جو اب 475 روپے تک آگئی ہے،جبکہ دوسرے کئی برانڈ کے گھی کی قیمت میں بھی 20 روپے تک کمی ہوئی ہے۔

    اسی طرح چینی جو 200 روپے فی کلوگرام فروخت ہوتی رہی ہے مگر گزشتہ ایک ہفتے سے زائد عرصے کے دوران چینی 155 روپے سے 180 روپے فی کلو گرام تک مارکیٹ میں مل رہی ہے۔ آٹے کا 20 کلو کا تھیلا 2800 روپے اور کہیں 2850 روپے تک بکتا رہا اب 2700 روپے سے 2750 روپے تک فروخت ہو رہا ہے۔

  • ترکیہ؛ شرح سود میں مسلسل چوتھی بار اضافہ

    ترکیہ؛ شرح سود میں مسلسل چوتھی بار اضافہ

    ترکیہ کے مرکزی بینک نے شرح سود میں 5 فیصد کا اضافہ کر دیا ہے۔ اس اضافے کے بعد ترکیہ میں شرح سود 25 سے بڑھ کر 30 فیصد تک پہنچ گئی ہے۔ جبکہ واضح رہے کہ مئی 2023 میں دوبارہ منتخب ہونے کے بعد سے صدر رجب طیب اردوان کی حکومت کی جانب سے معیشت کو بہتر بنانے کے لیے روایتی معاشی پالیسیوں پر عملدرآمد کیا جا رہا ہے۔

    جبکہ ترکیہ کی جانب سے جون سے ستمبر کے دوران شرح سود میں مجموعی طور پر 21.5 فیصد اضافہ کیا گیا ہے اور وہ 8.5 سے چھلانگ لگا کر 30 فیصد پر پہنچ گئی ہے۔ مرکزی بینک کی جانب سے جاری بیان کے مطابق بڑھتی مہنگائی اور قیمتوں کے عدم استحکام کو کنٹرول کرنے کے لیے سخت مالیاتی پالیسیوں پر عملدرآمد جاری رہے گا۔
    ترکیہ نے مہنگائی کی روک تھام کے لیے شرح سود میں ڈرامائی اضافہ کر دیا

    تاہم بیان میں بتایا گیا کہ اگست میں مہنگائی کی شرح 58.94 فیصد تک پہنچ گئی تھی جو توقعات سے زیادہ ہے۔ خیال رہے کہ ترکیہ میں مارچ 2021 میں شرح سود 19 فیصد تھی جس میں بتدریج کمی کی گئی اور یہ مارچ 2023 میں 8.5 فیصد تک پہنچ گئی تھی، مگر اس کے ساتھ ساتھ مہنگائی کی شرح میں اضافہ ہوا تھا۔ مئی میں ترکیہ میں مہنگائی کی شرح 40 فیصد کے قریب تھی جبکہ رواں سال کے دوران ڈالر کے مقابلے میں لیرا کی قدر میں 30 فیصد کمی آئی ہے۔

    یہی وجہ ہے کہ جون سے شرح سود میں اضافہ کیا جا رہا ہے اور اب تک مسلسل 4 بار ایسا کیا گیا۔
    ترکیہ نے شرح سود میں مزید اضافہ کرکے اسے ساڑھے17 فیصد کردیا شرح سود میں جون میں 6.5 فیصد، جولائی میں 2.5 فیصد جبکہ اگست میں 7.5 فیصد اضافہ کیا گیا تھا۔ جبکہ خیال رہے کہ حالیہ مہینوں میں امریکا اور یورپی یونین کی جانب سے بھی مہنگائی کی روک تھام کے لیے شرح سود میں مسلسل اضافہ کیا گیا ہے۔

  • ڈالر کے مقابلے میں روپے کی قدر میں اضافہ جاری

    ڈالر کے مقابلے میں روپے کی قدر میں اضافہ جاری

    ملک میں ڈالر کے مقابلے میں روپے کی قدر میں اضافے کا سلسلہ جاری ہے اور انٹربینک میں آج ڈالر ایک روپے 11 پیسے سستا ہو کر 296.85 روپے ہے۔ انٹربینک میں گزشتہ روز ڈالر 297.96 روپے پر بند ہوا تھا جبکہ انٹربینک میں رواں ہفتے ڈالر 6 روپے ایک پیسہ سستا ہوا ہے، دوسری جانب اوپن مارکیٹ میں ڈالر کا بھاؤ 298 روپے برقرار ہے۔

    دوسری اسٹیٹ بینک نے نیا پاکستان سرٹیفکیٹس کی شرح منافع میں اضافہ کر دیا ہے جبکہ اسٹیٹ بینک کی جانب سے جاری اعلامیے میں کہا گیا ہےکہ تین ماہ کے ڈالر بلز کا منافع 125 بیسز پوائنٹس بڑھا کر 8.25 فیصد کردیا گیا ہے اور تین ماہ کے برطانوی پاؤنڈ بلز کا منافع 175 بیسز پوائنٹس بڑھا کر 7.25 فیصد جب کہ تین ماہ کے یورو این پی سیز کا منافع 225 پوائنٹس بڑھا کر 6.25 فیصد کردیا گیا ہے۔

    مرکزی بینک کے مطابق 6 ماہ کے ڈالر این پی سیز کا منافع 130 بیسز پوائنٹس بڑھا کر 8.5 فیصد، 12 ماہ کے این پی سیز کا منافع 150 بیسز پوائنٹس بڑھا کر 9 فیصد، 6 ماہ کے پاؤنڈ اسٹرلنگ این پی سیز کا منافع 150 بیسز پوائنٹس بڑھا کر 7.50 فیصد جب کہ 12 ماہ کے پاؤنڈ اسٹرلنگ این پی سیز کا منافع 100 بیسز پوائنٹس بڑھا کر 8 فیصد کیا گیا ہے۔ اسٹیٹ بینک کے مطابق6 ماہ کے یورو این پی سیز کا منافع 200 بیسز پوائنٹس بڑھا کر 6.5 فیصد، 12 ماہ کے یورو این پی سیز کا منافع 200 بیسز پوائنٹس بڑھا کر 7 فیصد، 3 اور 5 سال کے اسٹرلنگ اور یورو این پی سیز کا منافع 7.5 اور 6.5 فیصد برقرار ہے۔

    اسٹیٹ بینک کے مطابق پاکستانی روپے کے 3 ماہ کے این پی سیز کا منافع 6 فیصد بڑھا کر 21 فیصد، 6 ماہ کے روپے این پی سیز کا منافع 600 بیسز پوائنٹس بڑھا کر 21.25 فیصد اور 12 ماہ کے روپے این پی سیز کا منافع 600 بیسز پوائنٹس بڑھا کر 21.50 فیصد کیا گیا ہے علاوہ ازیں اس کے علاوہ 3 سالہ روپے این پی سیز کا منافع 350 بیسز پوائنٹس بڑھا کر 17.5 فیصد اور 5 سالہ روپے این پی سیز کا منافع 150 بیسز پوائنٹس بڑھا کر 15 فیصد کیا ہے۔ اسٹیٹ بینک کے مطابق اوورسیز پاکستانی ڈالر این پی سیز میں کم از کم ایک ہزار ڈالر کی سرمایہ کرسکتے ہیں جب کہ 3 اور 5 سال کے این پی سیز کا منافع 8،8 فیصد برقرار ہے۔

    پاکستان اسٹاک ایکسچینج میں آج کاروبار کا مثبت دن رہا، پاکستان اسٹاک ایکسچینج میں کاروباری دن میں 100 انڈیکس 392 پوائنٹس کے بینڈ میں رہا تاہم کاروبار کے اختتام پر ہنڈریڈ انڈیکس 103 پوائنٹس اضافے سے 45753 پر بند ہوا، 100 انڈیکس کی آج بلند ترین سطح 46093 رہی، حصص بازار میں سوا 22 کروڑ شیئرز کا کاروبار 11 ارب روپے میں ہوا جبکہ مارکیٹ کیپٹلائزیشن 11 ارب روپے بڑھ کر 6772 ارب روپے ہے۔

  • ملک میں سونے کی قیمت میں مزید کمی

    ملک میں سونے کی قیمت میں مزید کمی

    لاہور: ملک میں سونے کی قیمتوں میں کمی کا سلسلہ جاری ہے۔

    باغی ٹی وی :تفصیلات کے مطابق آج سونے کی فی تولہ قیمت میں 500 روپے کی کمی ہوئی،آل پاکستان جیمز اینڈ جیولرز ایسوسی ایشن کے مطابق 500 روپے کی کمی کے بعد سونے کی فی تولہ قیمت 2 لاکھ 12 ہزار روپے ہوگئی جبکہ 10 گرام سونا 428 روپے کی کمی کے بعد ایک لاکھ 81 ہزار 756 روپے ہے عالمی صرافہ بازار میں سونے کا ریٹ 4 ڈالر کمی کے بعد 1919 ڈالر فی اونس رہا۔

    دوسری جانب ایف آئی اے کی پی زون کی ہنڈی حوالہ میں ملوث ملزمان کے خلاف کاروائیاں جاری ہیں،ڈائریکٹر کے پی زون نثار خان تنولی کی ہدایت پر ہنڈی حوالہ اور کرنسی کی سمگلنگ میں ملوث عناصر کے خلاف کریک ڈاون جاری ہے، گزشتہ 3 ماہ کے دوران کے پی زون نے حوالہ ہنڈی اور کرنسی کی غیر قانونی ایکسچینج میں ملوث عناصر کے خلاف 109 چھاپہ مار کاروائیاں کیں-

    3 ماہ کے دوران67 کروڑ 95 لاکھ روپے سے زائد ملکی و غیر ملکی کرنسی برآمد

    چھاپوں کے نتیجے میں 109 مقدمات درج کئے گئے جبکہ 127 ملزمان کو گرفتار کیا گیا۔چھاپہ مار کاروائیاں پشاور، ایبٹ آباد، ڈی آئی خان، نوشہرہ، سوات، مردان، بٹخیلہ، کوہاٹ کے مختلف علاقوں اور طورخم بارڈر پر کی گئی۔چھاپوں کے دوران 67 کروڑ 95 لاکھ روپے سے زائد مالیت کی ملکی و غیر ملکی کرنسی برآمد کی گئی۔

    گرفتار ملزمان یو اے ای، سعودی عرب و دیگر ممالک سے ہنڈی حوالہ کے نیٹ ورکس کے ساتھ رابطے میں تھے۔ملزمان کی گرفتاری کے لئے قانون نافذ کرنے والے اداروں کی معاونت بھی حاصل کی گئی۔گرفتار ملزمان بغیر لائسنس کرنسی کی ایکسچینج میں ملوث تھے-

    اسلام آباد میں دن دیہاڑے فائرنگ سے میاں بیوی قتل

  • زر مبادلہ کے سرکاری ذخائر میں 7 کروڑ ڈالر کی کمی

    زر مبادلہ کے سرکاری ذخائر میں 7 کروڑ ڈالر کی کمی

    کراچی: اسٹیٹ بینک آف پاکستان کی جانب سے زرمبادلہ کے ذخائر سے متعلق ہفتہ وار رپورٹ جاری کر دی گئی-

    باغی ٹی وی: اسٹیٹ بینک آف پاکستان کی جانب سے زرمبادلہ کے ذخائر سے متعلق ہفتہ وار رپورٹ جاری کی گئی ہے جس میں گزشتہ ہفتے کے اعداد و شمار شامل کیے گئے ہیں اسٹیٹ بینک آف پاکستان کے مطابق گزشتہ ہفتہ کے دوران زر مبادلہ کے سرکاری ذخائر 7 ارب 77 کروڑ 93 لاکھ ڈالر کی سطح پر آگئے،مجموعی ذخائر کی مالیت یکم ستمبر کو 13 ارب 12 کروڑ 68 لاکھ ڈالر ریکارڈ کی گئی، کمرشل بینکوں کے پاس 5 ارب 34 کروڑ 74 لاکھ ڈالر کے ذخائر موجود ہیں۔

    قبل ازیں گزشتہ روز اسٹیٹ بینک آف پاکستان نے جولائی 2023 کے اختتام تک حکومت پاکستان کے قرض کی تفصیلات جاری کیں اسٹیٹ بینک کا کہنا تھا کہ جولائی 2023 میں پاکستان کا قرض 907 ارب روپے بڑھا، جولائی کے اختتام پر حکومت کا قرض 61 ہزار 700 ارب روپے تھا، ایک ماہ میں حکومت کا قرض ڈیڑھ فیصد بڑھا، مرکزی بینک کے اعلامیہ کے مطابق حکومت کے مجموعی قرض میں 39 ہزار ارب مقامی جبکہ حکومت کا بیرونی قرض 22 ہزار 73 ارب روپے ہےڈالر کی قیمت بڑھنے سے پاکستان کے واجب الادا غیر ملکی قرض میں مزید اضافہ ہو گیا ہے۔

    جولائی 2023 میں پاکستان کا قرض 907 ارب روپے بڑھا،اسٹیٹ بینک

    چند روز قبل وزارت خزانہ کی رپورٹ میں بتایا گیا تھا کہ مارچ 2023 تک پاکستان کے غیر ملکی قرضوں میں 3 ارب 60 کروڑ ڈالر کمی ہوئی لیکن ڈالر کی قیمت بڑھ گئی جس کی وجہ سے پاکستان کا واجب الادا غیر ملکی قرضہ 6 ہزار ارب روپے مزید بڑھ گیا ہے۔

    انٹر بینک اور اوپن مارکیٹ میں ڈالرمزید سستا

  • سونے کی قیمت میں ہزاروں روپے کی کمی

    سونے کی قیمت میں ہزاروں روپے کی کمی

    کاروباری ہفتے کے چوتھے روز ملک میں سونے کی قیمت میں ہزاروں روپے کی کمی ہوئی ہے۔

    باغی ٹی وی: سندھ صرافہ بازار ایسوسی ایشن کے مطابق سونے کی فی تولہ قیمت 5 ہزار800 روپےکی کمی کے بعد 2 لاکھ 16 ہزار500 روپے ہوگئی اس کے علاوہ 10 گرام سونے کی قیمت 4 ہزار 972 روپے کی کمی کے بعد ایک لاکھ 85 ہزار 614 روپے ہوگئی۔

    دوسری جانب رواں ماہ فی کلو آٹے کی قیمت میں 15 سے 20 روپے کی کمی آئے گی آٹا درآمدکنندگان نے کہا ہے کہ روس سے گندم کے 3 جہاز جلد کراچی پہنچ رہے ہیں، پہلا جہاز 60 میٹرک ٹن گندم لیکر 15 ستمبر کو کراچی پہنچے گا درآمد کنند گان کے مطابق دوسرا جہاز 23 سے 25 ستمبر کو کراچی پہنچے گا، جہاز پہنچنے سے ملک بھر میں فوری طور پر گندم اور آٹے کی قیمت نیچے آئے گی۔

    سوات اور گرد و نواح میں زلزلہ

    روسی گندم کراچی پہنچ کر فی کلو آٹے کی قیمت 100 روپے پڑے گی، یہ گندم آنے سے پورا سال وافر مقدار میں گندم دستیاب ہوگی، اس وقت اوپن مارکیٹ میں گندم 125 روپے اور آٹا 160 روپے فی کلو ہے۔

    روسی گندم کراچی پہنچ کر فی کلو آٹے کی قیمت 100 روپے پڑے گی، یہ گندم آنے سے پورا سال وافر مقدار میں گندم دستیاب ہوگی، اس وقت اوپن مارکیٹ میں گندم 125 روپے اور آٹا 160 روپے فی کلو ہے۔

    انٹر بینک اور اوپن مارکیٹ میں ڈالرمزید سستا

  • انٹر بینک اور اوپن مارکیٹ میں ڈالرمزید سستا

    انٹر بینک اور اوپن مارکیٹ میں ڈالرمزید سستا

    کراچی: انٹر بینک اور اوپن مارکیٹ میں امریکی ڈالر مزید سستا ہو گیا۔

    باغی ٹی وی : اوپن مارکیٹ میں بھی امریکی ڈالر 5 روپے کی مزید کمی کے بعد 307 روپے پر آ گیا جبکہ انٹربینک میں ڈالر 304 روپے 94 پیسے پر بند ہوا، آج انٹر بینک میں امریکی ڈالر پاکستانی روپے کے مقابلے میں 2 روپے 4 پیسے سستا ہوا گزشتہ روز انٹربینک میں امریکی ڈالر 306 روپے 98 پیسے پر بند ہوا تھا انٹر بینک میں ڈالر کی بلند ترین اختتامی قیمت 307 روپے 10 پیسے تھی جو 5 ستمبر کو ریکارڈ ہوئی تھی۔

    واضح رہے کہ حکومت نے ڈالر کی اسمگلنگ اور حوالہ ہنڈی کی روک تھام کے لیے کریک ڈاؤن شروع کر رکھا ہے جس کے بعد سے امریکی ڈالر کی قیمت میں واضح کمی دیکھنے میں آ رہی ہے۔

    سوات اور گرد و نواح میں زلزلہ

    دوسری جانب خیبر پختونخوا میں فیڈرل انوسٹی گیشن ایجنسی(FIA)نے لاء انفورسمنٹ ایجنسز کے ہمراہ پشاور سمیت دیگر شہروں میں ڈالرز اور دیگر غیر ملکی کرنسی کے غیر قانونی کاروبار اور سمگلنگ میں ملوث مافیا کے خلاف کریک ڈاٶن شروع کردیا ہے۔

    نجی خبررساں ادارے کے مطابق جمعرات کے روز ایک کاررواٸی میں ایف اٸی اے نے مقامی پولیس کے ہمراہ پشاور کے غیرملکی کرنسی کےمشہورمارکیٹ چوک یادگار میں 200 دکانوں کو سیل کردیا ہے ایف آئی اے نے گزشتہ چند دنوں میں پشاور اور صوبے کے دیگر شہروں میں مختلف کاررواٸیوں میں درجنوں افراد کو ڈالرز اور غیر ملکی کرنسی کے کاروبار میں مبینہ طور پر ملوث ہونے پر گرفتار کرکے ان سے ریکوری کی ہے۔

    پشاور میں ریسکیو1122 کی موٹر سائیکل ایمبولینس سروس کا آغاز

    ایف آئی اے کمرشل بینکنگ سرکل پشاور کے حکام کے مطابق ایف آئی اے نے پولیس کے تعاون سے 15اگست سے 2ستمبر تک مختلف کاررواٸیوں میں ڈالرز اور حوالہ ہنڈی کے غیر قانونی کاروبار میں ملوث افراد کو گرفتار کرکے ان سے 100 ملین روپے مالیت کی غیر ملکی کرنسی اور ڈالرز برآمد کئے ہیں۔

    ایف آئی اے کمرشل بینکنگ سرکل پشاور کے ڈیٹا کے مطابق گزشتہ دو سالوں میں کے پی میں ڈالرز مافیا سے 1ارب 71کروڑ روپے مالیت کے ڈالرز اوردیگر غیر ملکی کرنسی برامد کرکے 547افراد گرفتار کئے ہیں کےپی میں غیر ملکی کرنسی کے غیرقانونی کاروبار کے زیادہ تر کیسز کا تعلق مڈل ایسٹ افغانستان اور دبئی سے ہیں ڈالرز کی زیادہ تر سمگلنگ افغانستان کو ہوتی ہے طورخم بارڈر پر ایف ائی اے کا کردار صرف امیگریشن تک ہے جب کہ بارڈر پر ڈالرز کی سمگلنگ روکنے کا کام کسٹم ڈیپارٹمنٹ کا ہے۔

    ایشیا کپ:تمام میچز پاکستان میں نہ کرانے کی بڑی وجہ براڈ کاسٹرز کی ہچکچاہٹ تھی، …

  • سعودی عرب کا تیل کی یومیہ پیداوار میں مزید توسیع کا اعلان

    سعودی عرب کا تیل کی یومیہ پیداوار میں مزید توسیع کا اعلان

    ریاض: سعودی عرب نے تیل کی پیداوار میں 10 لاکھ بیرل یومیہ کٹوتی میں مزید 3 ماہ کی توسیع کا اعلان کردیا۔

    باغی ٹی وی: سعودی وزارتِ توانائی کے مطابق سعودی عرب خام تیل کی یومیہ پیداوار میں دسمبر تک رضاکارانہ کٹوتی کرے گا، اکتوبر، نومبر اور دسمبر میں خام تیل کی پیداوار تقریباً 90 لاکھ بیرل یومیہ ہوگی، پیداوارمیں کٹوتی کا ماہانہ جائزہ لیا جائے گا تاکہ کٹوتی کو گہرا کرنے یا پیداوار بڑھانے پر غور کیا جا سکے۔

    عرب میڈیا کی ایک رپورٹ میں سرکاری ذرائع کا حوالہ دیتے ہوئے واضح کیا گیا ہے کہ پیداوار میں یہ کٹوتی مملکت کی جانب سے اپریل میں اعلان کردہ رضاکارانہ کمی کے علاوہ ہے جو دسمبر 2024 کے آخر تک جاری رہے گی، تیل کی پیداوار کی یہ کمی مملکت کی جانب سے اپریل میں اعلان کردہ رضاکارانہ کمی کے علاوہ ہے۔

    سعودی سفیر تہران پہنچ گئے

    سعودی وزارتِ توانائی نےاس بات کا بھی اعادہ کیا کہ اس اضافی رضاکارانہ کٹوتی کا مقصد تیل کی منڈیوں میں استحکام اور توازن کی حمایت میں مدد کے لیے اوپیک پلس کے اختیارکردہ احتیاطی کوششوں کومضبوط بنانا ہے۔

    برطانوی خبررساں ادارے روئٹرز کے مطابق اوپیک پلس دنیا میں قریباً 40 فی صد خام تیل کو پمپ کرتا ہے یہ تیل برآمد کرنے والے ممالک کی تنظیم (اوپیک) اور روس کی سربراہی میں اتحادی ممالک پر مشتمل ہے-

    سعودی عرب اور ایران عالم اسلام اور اس خطے کے دو بااثر ممالک ہیں ،ایرانی …

  • دنیا بھر میں کرپشن کے معاشی اخراجات 2 ٹریلین ڈالر سے زائد ہیں،مجید عزیز

    دنیا بھر میں کرپشن کے معاشی اخراجات 2 ٹریلین ڈالر سے زائد ہیں،مجید عزیز

    کاروباری اداروں کا سیاسی فیصلوں پر اثر انداز ہونے کے ارادے سےعطیات دینا بدعنوانی ہے،صدرجی سی این پی
    میری ٹائم انڈسٹری پاکستان میں کرپشن، نامناسب طریقوں کی نشاندہی اورحل کےموضوع پر گول میز اجلاس سے خطاب

    گلوبل کومپیکٹ نیٹ ورک پاکستان کے صدر مجید عزیز نے کہا ہے کہ کاروبار میں بدعنوانی ایک عالمی مسئلہ ہے اور دنیا بھر میں کرپشن کے معاشی اخراجات 2 ٹریلین ڈالر سے زیادہ ہیں۔پاکستانی میں بدعنوانی اور نامناسب طریقے اب ادارہ جاتی ہیں جو معاشی ترقی میں رکاوٹ ہیں اور وسیع پیمانے پر بدعنوانی کا نتیجہ ناکارہ معیشت کی صورت میں نکلتا ہے۔ یہ بات انہوں نے میری ٹائم اینٹی کرپشن نیٹ ورک (ایم اے سی این) ڈنمارک کے تعاون جی سی این پی کے زیر اہتمام ”میری ٹائم انڈسٹری پاکستان میں کرپشن، نامناسب طریقوں کی نشاندہی اور اس کا حل“ کے موضوع پر گول میز اجلاس کی صدارت کرتے ہوئے 11 چیمبرز اور ایسوسی ایشنز، میری ٹائم انڈسٹری کے صارفین اور اسٹیک ہولڈرز سے خطاب کر رہے تھے۔اجلاس سے (ایم اے سی این) ڈنمارک کے میتھیاس باک،سینئر ایڈوائزر برائے جی سی این پی تنویر احمد اورکنسلٹنٹ محمد اکرم نے بھی خطاب کیا۔اجلاس میں پیفا، کیو آئی سی ٹی، کسٹم ایجنٹس، شپنگ لائنز، اسٹیویڈورس، کارگو ہینڈلنگ، پریگمیا، پی ایچ ایم اے، کیو ایف ایس ٹرمینل، کے سی سی آئی، آئی سی سی آئی، پیپر مرچنٹس کے نمائندوں اور عہدیداروں نے شرکت کی۔

    مجید عزیز کا کہنا تھا کہ جن کے پاس صوابدیدی یا فیصلہ سازی کے اختیارات ہوتے ہیں وہ یا تو بدعنوانی کے ارتکاب پر مجبور ہوتے ہیں یا اپنے عہدوں سے فائدہ اٹھاتے ہیں۔انہوں نے مشورہ دیا کہ بدعنوانی کے خلاف زیرو ٹالرنس اور ایک متحد قوت کے طور پر کام کرنا چاہیے۔بدعنوانی اس وقت بھی ہوتی ہے جب کاروباری ادارے سیاسی فیصلوں پر اثر انداز ہونے کے ارادے سے سیاسی عطیات دیتے ہیں تاکہ پالیسیوں میں تبدیلی یا قوانین میں ترمیم ہو۔

    میری ٹائم اینٹی کرپشن نیٹ ورک ڈنمارک کے میتھیاس باک نے بذریعہ زوم اجلاس سے خطاب میں مشورہ دیا کہ اسٹیک ہولڈرز مل بیٹھ کر معیاری آپریٹنگ طریقہ کار تیار کریں اور غلط طریقوں کے خلاف ایک مضبوط رکاوٹ بننے کے لیے ایک مستحکم پلیٹ فارم وضع کریں۔معاشی ترقی اور لاگت میں کمی کے لیے کرپشن کا خاتمہ ضروری ہے نیز کارکردگی کی شفافیت اور کوششوں پر اتفاق رائے کو فروغ دینا دیانت کو یقینی بنائے گا اور انہیں غیر ضروری دباؤ کے چیلنجز سے آزاد کرے گا۔

    ایم اے سی این کے سینئر ایڈوائزر برائے جی سی این پی تنویر احمد نے بتایا کہ جی سی این پی نے ایف آئی اے کے ساتھ اجلاس کے بعد ایک تفصیلی خط متعلقہ ڈائریکٹر کو دیا گیا تھا۔جی سی این پی نے تجویز پیش کی کہ پرانے ایس او پیز موجودہ تقاضوں کے مطابق فرسودہ ہو چکے ہیں لہٰذا ایف آئی اے کو چاہیے کہ وہ آئی ایل او میری ٹائم کنونشن کا مطالعہ کرے اور اس کے مطابق ایس او پیز میں ترمیم کرے۔ایم اے سی این کے کنسلٹنٹ محمد اکرم کا کہنا تھا کہ جی سی این پی اور ایم اے سی این باقاعدگی سے سیمینارز اور انفرادی مشاورتی اجلاس منعقد کر رہے ہیں اور فائدہ مند حل تلاش کرنے میں پوری صلاحیت کے ساتھ کام کر رہے ہیں۔انہوں نے بتایا کہ 22 ستمبر کوقومی کانفرنس منعقد ہوگی جس میں ایم اے سی این ڈنمارک کے میتھیاس باک دیگر ممالک میں کیے گئے تازہ ترین مثبت اقدامات اور اقدامات پر تفصیلی روشنی ڈالیں گے۔

    اجلاس میں اسٹیک ہولڈرز کے درمیان ایک مفصل معلوماتی اور سیرحاصل بحث کے دوران باالخصوص ڈی ٹینشن چارجز اور ڈیمریج چارجز کے حوالے سے متعدد تجاویز پیش کی گئیں۔اجلاس میں شپ ایجنٹس ایڈوائزری بورڈ کے قیام پر اتفاق رائے ہوا جو تمام تنازعات اور بندرگاہ کی سرگرمیوں کا مرکزی نقطہ ہو گا۔شپنگ کمپنیوں پر نظر رکھنے کے لیے مانیٹرنگ باڈی بنانے پر بھی زور دی گیا۔شرکاء نے یہ بھی شکایت کی کہ کسٹمز اور پورٹ حکام یکطرفہ طور پر قواعد و ضوابط میں تبدیلی کرتے ہیں جس کے نتیجے میں بدعنوانی اور غلط طریقے جنم لیتے ہیں۔کراس اسٹفنگ کے مسائل پر روشنی ڈالتے ہوئے کہا گیا کہ اگر ٹرانزٹ ٹریڈ کے لیے کراس اسٹفنگ کی اجازت ہے تو اسے عام کارگو کے لیے کیوں نہیں کیا جانا چاہیے؟ مزید برآن کسٹمز میں بدعنوانی کے خاتمے کے لیے حکومت کی جانب سے شفاف پالیسیوں کی ضرورت ہے۔شرکاء نے لیبر یونینز، ورکرز کا استعمال اور بندرگاہوں میں غیر مجاز افراد کے داخلے کے خلاف متعدد شکایات کیں

    پائلٹس کے لائسنس سے متعلق وفاق کے بیان کے مقاصد کی عدالتی تحقیقات ہونی چاہیے، رضا ربانی

    کراچی طیارہ حادثہ کی رپورٹ قومی اسمبلی میں پیش، مبشر لقمان کی باتیں 100 فیصد سچ ثابت

    ایئر انڈیا: کرو ممبرزکیلیے نئی گائیڈ لائن ’لپ اسٹک‘ ’ناخن پالش‘ خواتین کے لیے اہم ہدایات

    پاکستان کی قومی ایئر لائن پی آئی اے کو مجموعی طور پر 383 بلین کا خسارہ ہے 

    سپریم کورٹ نے پی آئی اے کو نئی 205 پروفیشنل بھرتیوں کی اجازت دیدی

    اگرکوئی پائلٹ جعلی ڈگری پر بھرتی ہوا ہے تو سی اے اے اس کی ذمے دارہے،پلوشہ خان

    پائلٹس کی ابتدائی 8 سے 10 ماہ کی تربیت پر 15000 سے 20000 ڈالر کا خرچ

  • اسٹاک ایکسچینج میں اچانک 700 سے زائد پوائنٹس گر گئے

    اسٹاک ایکسچینج میں اچانک 700 سے زائد پوائنٹس گر گئے

    پاکستان اسٹاک ایکسچینج (پی ایس ایکس) میں اچانک 700 سے زائد پوائنٹس گر گئے ہیں جبکہ اسٹاک ایکسچینج 100 انڈیکس میں کاروباری روز کے ابتداء میں 200 پوائنٹس کی کمی ہوئی تھی جس کے بعد اتار چڑھاؤ کرتے درمیانی روز میں 100 انڈیکس 700 پوائنٹس سے زیادہ گر گیا ہے۔

    جبکہ کاروبار کے اختتام تک اسٹاک ایکسچینج 100 انڈیکس 708 پوائنٹس کمی سے کئی روز بعد واپس 46 ہزار 770 کی سطح پر آگیا ہے، تاہم واضح رہے کہ گزشتہ روز اسٹاک مارکیٹ 47 ہزار 478 پوائنٹس پر بند ہوا تھا۔

    جبکہ دوسری جانب ملک میں روپے کے مقابلے امریکی کرنسی کی قیمت میں بھی اضافے کا سلسلہ جاری ہے اور ملکی تبادلہ مارکیٹوں میں ایک روپے 91 پیسے اضافے کے بعد 303 روپے 90 پیسے جب کہ اوپن مارکیٹ میں ڈالر 3 روپے مہنگا ہو کر 318 روپے کی بلن ترین سطح پر پہنچ گیا ہے۔

    جبکہ اسٹیٹ بینک آف پاکستان کی جانب سے سماجی رابطے کی ویب سائٹ ایکس پر جاری کردہ اعداد و شمار کے مطابق کاروباری روز کے دوسرے روز انٹربینک میں امریکی کرنسی کی قدر میں ایک روپیہ پانچ پیسے کا اضافہ ریکارڈ کیا گیا تاہم منگل کے روز انٹربینک میں ڈالر کی قیمت 302.00 روپے سے بڑھ کر 303.05 کی سطح پر پہنچ گئی۔

    کرنسی ڈیلرز کے مطابق اوپن مارکیٹ میں ڈالر تاریخ میں پہلی بار 319 روپے کا ہوگیا، دوسری جانب امریکی کرنسی کے علاوہ یورو کی قیمت 327 روپے، ملائیشین رنگٹ 65 روپے ، سعودی ریال کی قیمت 80 روپے اور بھارتی کرنسی کی قیمت 3 روپے ریکارڈ کی گئی۔

    ادھر کاروباری ہفتے کے دوسرے روز بھی ملک میں سونے کی قیمت میں معمولی اضافہ ہوا ہے اور سندھ صرافہ بازار ایسوسی ایشن کے مطابق سونے کی فی تولہ قیمت 500روپے کے اضافے سے 2 لاکھ 33 ہزار 500 روپے ہو گئی جبکہ اس کے علاوہ 10 گرام سونے کی قیمت 429 روپے اضافہ سے 2 لاکھ 189 روپے ہوگئی ہے۔