Tag: کراچی شہر

ایف آئی اے کراچی زون میں تبادلے و تقرریاں کردی گئیں۔

باغہی ٹی وی کی رپورٹ کے مطابق کمرشل بینک سرکل سے انسپکٹرمحمد ثنااللہ تبادلے کے بعد اینٹی منی لانڈرنگ سرکل تعینات کردیا گیا جبکہ سب انسپکٹرآصف رضا اینٹی کرپشن سرکل سے کمرشل بینک سرکل تعینات کردیاگیا ہے۔سب انسپکٹرسید علی مظفر کمرشل بینک سرکل سے اینٹی منی لانڈرنگ سرکل جبکہ سب انسپکٹر نعمان اکبر اسٹیٹ بینک سرکل سے کمرشل بینک سرکل تعینات کردیاگیا۔احکامات ڈائریکٹر ایف آئی اے کراچی زون نعمان صدیقی کے دستخط سے جاری کیے گئے.واضح رہے کہ یہ تقرر و تبادلہ معمول کا حصہ ہیں.

کراچی دھماکہ، خودکش بمبار کی سہولت کاری میں ملوث خاتون سمیت دو افراد گرفتار

کراچی کے جناح انٹرنیشنل ائیرپورٹ سگنل کے قریب ہونے والے خودکش دھماکے کی تفتیش میںپیش رفت، پولیس نے خودکش بمبار شاہ فہد کی سہولت کاری میں ملوث خاتون سمیت دو افراد کو گرفتار کر لیا.
پولیس ذرائع کا کہنا ہے کہ تفتیشی حکام نے ملیر میں چھاپہ مار کارروائی کے دوران خودکش بمبار شاہ فہد کے قریبی عزیز کو حراست میں لیا ہے جو کہ خودکش بمبار کا مبینہ سہولت کار بتایا جا رہا ہے جس کی نشاندہی پر ایک خاتون کو بھی گرفتار کر لیاگیا۔حملہ آور شاہ فہد نے حملے سے قبل گرفتار شخص کے گھر میں قیام کیا تھا۔تفتیشی ذرائع کے مطابق خودکش دھماکے کی منصوبہ بندی میں خاتون بھی ملوث ہے۔ خاتون سمیت دو افراد کو سی سی ٹی وی فوٹیج کی مدد سے گرفتار کیا گیا.
تفتیش کے دوران دہشت گرد کے بیک اپ پر موجود ایک اور گاڑی کا بھی انکشاف ہوا جبکہ بیک اپ پر موجود گاڑی سے بنائی گئی ویڈیو بھی تفتیشی اداروں کو مل گئی جس میں حملہ آور کی گاڑی کو دیکھا جا سکتا ہے۔دھماکے میں استعمال کی گئی گاڑی کی ویڈیو حملے سے قبل بنائی گئی تھی جبکہ مبینہ ساتھی نے صدر میں قائم ہوٹل میں خودکش حملہ آور سے ہوٹل میں ملاقات بھی کی تھی۔دریں اثناءکراچی میں چینی انجینئرز پر خودکش حملے کا مقدمہ تھانہ سی ٹی ڈی میں درج کرلیا گیا۔حملے سمیت متعدد پہلوو¿ں پر تفتیش جاری ہے۔حملہ آوروں کے ساتھ رابطے میں رہنے والے افراد کی جانچ پڑتال بھی کی جاری ہے۔ایف آئی آر کے متن کے مطابق دھماکے میں چینی باشندوں کو نشانہ بنایا گیا تھا۔ حملے کی ذمہ داری بی ایل اے نے قبول کی تھی۔ دھماکے کا مقصد پاکستان اور چین کے تعلقات کو خراب کرنا ہے۔حملہ آوروں کی گاڑی شہر میں کہاں کہاں گئی تفتیشی اداروں نے روٹ میپنگ شروع کردی۔ شہر کے مختلف علاقوں سے سی سی ٹی وی فوٹیجز جمع کی جارہی ہیں۔یاد رہے کہ سات اکتوبر کوکراچی کے جناح انٹرنیشنل ایئرپورٹ کے قریب دھماکے میں 3 غیر ملکی جاں بحق جبکہ 17 شہری زخمی ہوگئے تھےجبکہ واقعہ میں تین گاڑیاں اور چار موٹر سائیکلیں بھی تباہ ہوگئی تھیں۔ایئرپورٹ سگنل کے قریب آئل ٹینکر زور دار دھماکے سے پھٹ گیا جس کی آواز دور تک سنی گئی تھی۔ اطراف میں رہنے والے لوگ گھروں سے باہر نکل آئے۔ رینجرز اور پولیس نے موقع پر پہنچ کر علاقے کو گھیرے میں لے لیاتھا۔ ائیرپورٹ دھماکے میں زخمی ہونے والوں میں خاتون، پولیس اور رینجرز اہلکار بھی شامل تھے۔تحقیقاتی اداروں نے ابتدائی تفتیش مکمل کرلی تھی۔ قافلہ قریب پہنچتے ہی دہشت گرد نے کار غیرملکیوں کی گاڑی سے ٹکرا دی گئی تھی۔ خودکش حملہ آور قافلے کے نکلنے کا انتظار کررہاتھا۔ کار میں ممکنہ طور پر بارود تھا جس سے گاڑی مکمل تباہ ہوگئی تھی۔ کار کی نمبر پلیٹ، چیسس نمبر حاصل کرنے کی کوشش کی جارہی ہے۔ جائے وقوعہ کے قریب جھاڑیوں سے ایک دھڑ ملا ہے۔ پولیس ذرائع کا کہنا دھڑ ممکنہ طور پر خودکش بمبار کا ہوسکتا ہے۔ سیکیورٹی اداروں نے جائے وقوعہ کو سیل کرکے تحقیقات شروع کر دیں تھیں۔

کراچی خودکش دھماکے کی تفتیش میں بڑی پیش رفت، سہولتکار گرفتار

پاسبان ڈیموکریٹک پارٹی کراچی کے چیف آرگنائزر طارق چاندی والا نے کہا ہے کہ کراچی کے عوام کو بجلی کے بلوں میں مسلسل اضافے کے بوجھ سے بچایا جائے۔

باغی ٹی وی کی رپورٹ کے مطابق طارق چاندی والا ن نے کہا کہ ایک طرف تو روزمرہ زندگی کے اخراجات بڑھ رہے ہیں، اور دوسری طرف بجلی کے بلوں میں یہ اضافہ لوگوں کی مشکلات کو بڑھا رہا ہے۔بجلی کے بلوں میں ہونے والے مسلسل اضافے کا مسئلہ کراچی کے شہریوں کے لئے بہت بڑی تشویش کا باعث ہے۔حکومت اور متعلقہ ادارے اس مسئلے کی سنگینی کو سمجھتے ہوئے فوری حل تلاش کریں۔ پی ڈی پی کے رہنما نے مطالبہ کیا کہ حکومت اور ادارے عوام کو جھوٹے وعدوں سے بہلانے کے بجائے ٹھوس اقدامات کریں۔ بجلی کی قیمتوں میں فوری کمی کی جائے تاکہ عوام پر مالی بوجھ کم ہو سکے۔کم آمدنی والے صارفین کے لیے سبسڈیز متعارف کروائی جائیں تاکہ ان کے بلوں میں کمی ہو۔ایڈجسٹمنٹ کی پالیسیوں میں شفافیت لائی جائے تاکہ صارفین کو سمجھ میں آئے کہ ان کے بل میں اضافہ کیوں ہو رہا ہے۔ بجلی کی چوری روکنے کے لئے سخت اقدامات کیے جائیں، تاکہ ان کا اثر باقاعدگی سے بل ادا کرنے والے صارفین پر نہ پڑے۔ متبادل توانائی کے منصوبوں کو فروغ دیا جائے تاکہ بجلی کی پیداوار میں اضافہ ہو اور قیمتیں کم ہوں۔ ماہانہ اور سہ ماہی ایڈجسٹمنٹ کے اس بوجھ کا اثر بالخصوص کم آمدنی والے صارفین پر زیادہ پڑتا ہے۔

حکومت نمبرز پورے کرنے کے لیے ایم این ایز کو ہراساں کر رہی ہے، شیخ وقاص اکرم

کراچی خودکش دھماکے کی تفتیش میں بڑی پیش رفت، سہولتکار گرفتار

سلامتی کونسل کی کراچی میں دہشت گرد حملے کی شدید مذمت

جمعیت علماء اسلام کے سربراہ مولانا فضل الرحمان کی ہدایت پر جے یوآئی سندھ کے اعلی سطح وفد نے چینی قونصلیٹ کراچی کا تعزیتی دورہ کیا اور چینی قونصل جنرل یانگ یونڈونگ سے ملاقات کی ۔

باغی ٹی وی کی رپورٹ کے مطابق جے یوآئی رہنماؤں نے کراچی ایئرپورٹ دھماکے میں چینی باشندوں کی ہلاکت پر اظہار افسوس کیا ۔وفد میں مولانا عبد الکریم عابد ، قاری محمد عثمان،مولانا محمد غیاث ، مولانا سمیع الحق سواتی، حاجی عبدالغفار بھٹو ودیگر بھی شامل تھے۔علامہ راشد محمود سومرو نے کہا کہ کراچی ایئرپورٹ پر چینی انجینئرز کے قافلے پر حملے میں چینی شہریوں کی ہلاکت سے دلی دکھ ہوا ۔ایسے بزدلانہ حملوں سے پاک چائنا دوستی کو کمزور نہیں کیا جاسکتا۔ چینی باشندوں پر حملہ سفاکیت کی انتہا ملوث عناصر کو جلد کیفرِ کردار تک پہنچایا جائے۔ پاک چائنا دوستی لازوال اور ہمالیہ سے بلند ہے ، اس پر آنچ نہیں آنے دیں گے ۔ انہوںنے کہا کہ مولانا فضل الرحمن کے حکم پر جے یوآئی وفد سانحے پر اظہار افسوس کررہا ہے ۔ چین کے باشندوں کے تحفظ کے لیے ہر ممکن وسائل بروئے کار لائے جائیں۔ علامہ راشد محمود سومرو نے چینی قونصل خانے میں رکھی گئی تعزیتی کتاب میں مولانا فضل الرحمن کی طرف سے تعزیتی تاثرات بھی درج کئے ۔

کراچی خودکش دھماکے کی تفتیش میں بڑی پیش رفت، سہولتکار گرفتار

سلامتی کونسل کی کراچی میں دہشت گرد حملے کی شدید مذمت

حیدرآباد یونین آف جرنلسٹس (ورکرز) نے روزنامہ 92 اسلام آباد اور کراچی کے دفاتر بند کرنے کی مذمت کی ہے.

حیدرآباد یونین آف جرنلسٹس (ورکرز) کے سینئر نائب صدر آفتاب رند، جنرل سیکریٹری امجد اسلام، خازن راناحمبل، جوائنٹ سیکریٹری ندیم اختر ایف ایس سی ممبران عبداللہ سروہی، عمران پاٹولی، اراکین گورننگ باڈی جاوید چنہ، غلام قادر توصیفی، عاشق ساند،آصف شیخ و دیگر ممبران نے روزنامہ 92 اسلام آباد اور کراچی کے دفاتر بند کرکے ان میں کام کرنے والے عامل صحافیوں کو بیروزگار کئے جانے کی مذمت کرتے ہوئے وفاقی وزیر اطلاعات ، صوبائی وزیر اطلاعات او ردیگر اعلی حکام سے مطالبہ کیا ہے کہ اس صورتحال کا نوٹس لیں ، صحافیوں کو اور صحافتی اداروں کو تحفظ فراہم نہ کیا گیا تو پھر پی ایف یو جے (ورکرز) ملک گیر احتجاج کرنے پر مجبور ہوگی۔انہوں نے کہاکہ بدقسمتی سے پرنٹ میڈیا سے جس طرح عامل صحافیوں کی چھانٹی کی جارہی ہے اس کے بعد صحافیوں کا مستقبل ہر آنے والے دن کے ساتھ غیر محفوظ ہوتا جارہا ہے۔زندگی کا بیشتر حصہ اخبارات میں گزارنے والے صحافی ، فوٹو گرافر اور دیگر شعبوں سے وابستہ افراد خود کو غیر محفوظ سمجھ رہے ہیں۔ انہوں نے کہاکہ محکمہ اطلاعات صحافتی اداروں کو دیئے جانے والے اشتہارات ان اداروں میں کام کرنے والے صحافیوں کی ملازمتوں کو مستقل رکھے جانے سے مشروط کریں کیونکہ جس طرح اداروں میں ڈان سائزنگ کی جارہی ہے وہ انتہائی تشویشناک ہے۔ ایک طرف تو حکومت یہ کہتی ہے کہ وہ صحافتی اداروں کو اشتہارات کی صورت میں مالی وسائل فراہم کررہی ہے تو دوسری جانب اداروں سے صحافیوں اور دیگر عملے کو فارغ کئے جانے کا نوٹس بھی نہیں لیا جارہا ہے۔ انہوں نے کہاکہ ہم یہ سمجھتے ہیں کہ صحافت ملک کا چوتھا ستون ہے اور اس کو نقصان پہنچا کر ملک اور جمہوریت کو مضبوط ومستحکم نہیں بنایاجاسکتا۔ محکمہ اطلاعات ان ڈمی اخبارات کو کمیشن کے عیوض دیئے جانے والے اشتہارات کا بھی نوٹس لے جو اپنے کوٹہ سے زیادہ اشتہارات لیتے ہیں لیکن کسی صحافی کو ملازمت فراہم نہیں کررہے ہیں۔

پاکستان سے لبنان کے لیے پہلی امدادی کھیپ روانہ

کراچی کے گیسٹ ہائوسز اور ہوٹلوں میں تابڑ توڑ چھاپے، درجنوں گرفتار

متحدہ عرب امارات کی دہشت گرد حملے کی مذمت، پاکستان سے اظہار یکجہتی، چین سے تعزیت کا اظہار

کراچی ائیرپورٹ کے نزدیک دہشتگردی کی مذمت کرتے ہیں، امریکا

کراچی ائیرپورٹ کے قریب خود کش حملے کے بعد پولیس متحرک نظر آرہی ہے، پولیس کے اسپیشلائزڈ یونٹ ٹیم نے صدر کے مختلف رہائشی ہوٹلوں اور گیسٹ ہائوسز میں چھاپے مارے ہیں۔

باغی ٹی وی کی رپورٹ کے مطابق پولیس اہلکاروں نے رہائشی ہوٹلوں میں مقیم افراد کے کوائف کی جانچ پڑتال اور کمروں کی تلاشی لی اور چند مشتبہ افراد کو حراست میں لے لیا گیا۔پولیس حکام نے بتایا کہ کوائف مکمل ہوئے تو مشتبہ افراد کو چھوڑ دیا جائے گا، ہوٹلز اور گیسٹ ہائوس میں مرحلہ وار چیکنگ ہوگی۔ پولیس کے مطابق خود کش بمبار فہد صدر کے ایک ہوٹل میں ٹھہرا تھا، جیو فینسنگ کے بعد سندھ اور بلوچستان سے متعدد افراد کو حراست میں لے لیا گیا ہے۔واضح رہے حملے کے بعد سندھ پولیس نے مسافر خانوں کی چیکنگ کے لیے سپیشل ونگ قائم کر دیا ہے.

کراچی ائیرپورٹ کے نزدیک دہشتگردی کی مذمت کرتے ہیں، امریکا

کراچی ائیرپورٹ کے نزدیک دہشتگردی کی مذمت کرتے ہیں، امریکا

امریکی صحافی کے سخت سوالات: پریس کانفرنس میں امریکا کی دوہری پالیسی بے نقاب

صدر پاکستان سنی تحریک محمد ثروت اعجاز قادری نے کہا ہے کہ عالمی برادری مظلوم فلسطینیوں کے قتل عام اور اسرائیلی جارحیت کو روکنے کے لیے اقدامات کرے۔

باغی ٹی وی کی رپورٹ کے مطابق محمد ثروت اعجاز قادری نے ایوان صدر میں آل پارٹیز کانفرنس میں شرکت کے بعد کراچی واپسی پر ایئرپورٹ پر میڈیا سے گفتگو کرتے ہوئے کہا کہ جس طرح ملک بھر میں یوم فلسطین منایا گیا ہے اسی حوالے سے ایوان صدر میں مظلوم فلسطینیوں سے اظہار یکجیتی کے لیے اے پی سی کا انعقاد کیا گیا تھا۔تمام مذہبی اور سیاسی جماعتوں نے متفقہ طور پر فلسطینیوں کی بھرپور حمایت کا اعلان کیا۔اسرائیلی جارحیت کی اب مذمت کرنے سے کام نہیں چلے گا۔تمام اسلامی مملکت کے سربراہان کو فلسطین کا مسئلہ حل کرنے کے لیے کھل کر سامنے آنا پڑے گا۔کھلی دہشت گردی کر کر ہزاروں فلسطینیوں کو شہید کر دیا ہے۔لاکھوں بچے خواتین بزرگ جوان فلسطینی زخمی حالت میں ہیں۔علاج معالجے کی وہاں کوئی سہولت نہیں ہے۔نہ ہی کوئی امداد پہنچانے کا ذریعہ ہے۔امدادی کیمپوں پر بھی اسرائیل زمینی اور فضائی حملے کر کے زخمیوں کو مزید زخمی کر رہا ہے۔ثروت اعجاز قادری کا مزید کہنا تھا کہ شام لبنان اور ترکی جس طرح شہید فلسطینیوں کے بچوں کی پرورش کے لیے آگے بڑھے ہیں اسی طرح پاکستانی حکومت کو بھی اس کار خیر میں حصہ لینا چاہیے۔یہ وقت مظلوم فلسطینیوں کے زخموں پر مرہم رکھنے کا ہے۔تمام اسلام دشمن عناصر اب کھل کر اسرائیل کی حمایت کر رہے ہیں اور اسے ہر طرح کی امداد بھی پہنچا رہے ہیں۔افرین ہیں مظلوم اور نیت فلسطینیوں پر کہ وہ پھر بھی اپنے موقف پر ڈٹے ہوئے ہیں۔تمام مسلم ممالک کو اب اگے بڑھ کر اسرائیل کے ہاتھ کو روکنا ہوگا۔اسرائیل باتوں سے نہیں منہ توڑ جواب دینے سے ہی خاموش ہوگا۔

اسلام آباد ہائی کورٹ میں آئینی ترمیم کے ڈرافٹ کی سماعت کل ہوگی