Tag: کراچی شہر

سندھ حکومت نے مزدوروں کی کم سے کم اجرت 37 ہزار روپے کرنے کی منظوری دیدی۔

باغی ٹی وی کی رپورٹ کے مطابق وزیراعلیٰ مراد علی شاہ کی زیر صدارت صوبائی کابینہ کا اجلاس ہوا جس میں بہتر پولیسنگ بھِی اہم ایجنڈا تھا جس کے تحت سندھ بھر کے 407 پولیس تھانوں کو براہ راست بجٹ کے علاوہ ایس ایچ اوز کو خصوصی فنڈز جاری کرنے کا اختیار دے دیا گیا۔فیصلے کے تحت صوبے میں مختلف کیٹیگریز کے تھانوں کیلئے علیحدہ علیحدہ بجٹ ہوگا، کراچی ڈویڑن میں اے کیٹیگری کے 37 تھانوں کو ایک کروڑ 52 لاکھ روپے کا بجٹ دیا گیا ہے جبکہ ایس ایچ اوز کو ایک ماہ میں 2 لاکھ روپے کا بجٹ خرچ کرنے کا اختیار ہو گا۔اجلاس میں سندھ پبلک سروس کمیشن کے ضوابط میں بھی ترمیم کی منظوری دی گئی جس کے تحت کمیشن مستقبل میں خالی اسامیوں کیلئے ویٹنگ لسٹ ترتیب دے سکے گا۔اجلاس میں تھرپارکر میں این جی او ہیلپ کے تعاون سے 9 ڈسپینسریز چلانے اور محکمہ صحت کی 731 مختلف اسامیاں ختم کرنے کی منظوری بھی دی گئی۔سندھ کابینہ کے اجلاس میں یہ مطالبہ بھی کیا گیا کہ بجلی کی تقسیم کار کمپنیوں کو عوام پر بھاری جرمانے کرنے سے روکا جائے۔

دنیا کے آلودہ ترین شہروں میں پاکستان کے دو شہر شامل

دنیا کے آلودہ ترین شہروں میں پاکستان کے دو شہر شامل

وائس ایڈمرل محمد فیصل عباسی نے کمانڈر کراچی اور ریئر ایڈمرل عبدالمنیب نے کمانڈر پاکستان فلیٹ کی کمانڈ سنبھال لی۔

باغی ٹی وی کی رپورٹ کے مطابق وائس ایڈمرل محمد فیصل عباسی نے پاک بحریہ کے فلیٹ کی کمانڈ ریئر ایڈمرل عبدالمنیب اور ریئر ایڈمرل محمد سلیم نے وائس ایڈمرل محمد فیصل عباسی کو کمانڈر کراچی کی کمان سونپی۔پاک بحریہ کی جانب سے جاری اعلامیہ کے مطابق وائس ایڈمرل محمد فیصل عباسی پاکستان نیوی وار کالج لاہور، نیول کمانڈ کالج امریکہ اور نیشنل ڈیفنس یونیورسٹی اسلام آباد سے فارغ التحصیل ہیں۔ وائس ایڈمرل محمد فیصل عباسی ایک شاندار بحری کیریئر رکھتے ہیں جس میں مختلف کمانڈ اینڈ اسٹاف تقرریوں کا وسیع تجربہ شامل ہے۔ان کی اہم تقرریوں میں ڈپٹی چیف آف نیول اسٹاف آپریشنز، ڈائریکٹر جنرل نیول انٹیلی جنس اور کمانڈر پاکستان فلیٹ شامل ہیں۔ان کی گراں قدر خدمات کے اعتراف میں انھیں ہلال امتیاز (ملٹری) سے نوازا گیا۔ریئر ایڈمرل عبدالمنیب پاکستان نیوی وار کالج لاہور، نیول کمانڈ کالج امریکہ اور نیشنل ڈیفنس یونیورسٹی اسلام آباد سے فارغ التحصیل ہیں۔رئیر ایڈمرل عبدالمنیب ایک شاندار بحری کیریئر رکھتے ہیں جس میں مختلف کمانڈ اینڈ اسٹاف تقرریوں کا وسیع تجربہ شامل ہے۔ان کی اہم تقرریوں میں ڈپٹی چیف آف نیول اسٹاف آپریشنز، ڈائریکٹر جنرل C4I اور ڈائریکٹر جنرل نیول انٹیلی جنس شامل ہیں۔ان کی گراں قدر خدمات کے اعتراف میں انھیں ہلال امتیاز (ملٹری) سے نوازا گیا۔

کراچی کے مختلف علاقوں میں رات گئے کومبنگ آپریشن، 10 ملزمان گرفتار

پاکستان ریلوے نے موسم سرما کا ٹائم ٹیبل جاری کر دیا

چینی شہریوں کو ہرممکن فول پروف سیکیورٹی دی جائے گی، کراچی پولیس چیف

ایئر پورٹ سگنل کے قریب خودکش حملے میں ہلاک ہونے والے دو چینی انجینئرز کی میتیں چین روانہ کردی گئی ہیں۔

باغی ٹی وی کی رپورٹ کے مطابق کراچی میں جناح انٹرنیشنل ائیرپورٹ کے قریب بم دھماکے میں ہلاک ہونے والے دو چینی انجینئرز کی میتیں بیجنگ روانہ کردی گئیں۔اولڈ ٹرمینل سے دونوں میتیں چین روانہ کی گئیں، گورنرسندھ کامران ٹیسوری اور وزیراعلی مراد علی شاہ بھی اس موقع پر ائیرپورٹ پہنچے جبکہ پولیس، رینجرز اور دیگر اداروں کے اعلی افسران بھی موجود تھے۔دونوں چائنیزکی ہلاکت پرایک منٹ کی خاموشی اختیار کی گئی، گورنر اور وزیراعلی سندھ نے دونوں چائنیز کے اہل خانہ اور چینی حکومت سے اظہارافسوس بھی کیا۔یاد رہے اتوار کو کراچی میں جناح انٹرنیشنل ایئرپورٹ کے قریب سگنل پر خوفناک دھماکے میں تین غیر ملکی افراد جان سے گئے تھے جبکہ چار پولیس اور دو رینجرز اہلکاروں سمیت سترہ افراد زخمی ہوگئے تھے۔

چینی شہریوں کو ہرممکن فول پروف سیکیورٹی دی جائے گی، کراچی پولیس چیف

پاکستان کی فضائی حدود سے اوورفلائنگ کرنے والی پروازوں میں اضافہ

پاکستان پوسٹ 27 شہروں میں آج کی ڈاک آج ہی تقسیم کر رہا ہے

کراچی پولیس چیف نے چینی باشندوں اور انجینئرز کی سیکیورٹی کو ہر ممکن فول پروف بنانے کیلیے سینئر افسران کو اہم ہدایت جاری کردی۔

باغی ٹی وی کی رپورٹ کے مطابق کراچی پولیس چیف جاوید عالم اوڈھو نے سندھ بوائز اسکاوٹس آڈیٹوریم میں ماتحت افسران سے خصوصی خطاب کیا ، اس موقع پر ڈی ائی جی ایڈمن ، ڈی آئی جی سی آئی اے ، ڈی ائی جی ٹریفک ، تینوں زونل ڈی ائی جیز ، ڈی ائی جی انویسٹی گیشن ، ضلعی ایس ایس پیز ، ایس پیز انویسٹی گیشن ، ایس ایس پیز اے وی ایل سی ، ایس آئی یو ، اے وی سی سی ، ایس ایچ اوز ، ایس آئی اوز اور ٹریفک کے سیکشن آفیسرز (ایس اوز)نے شرکت کی۔
اس موقع پر کراچی پولیس چیف نے افسران سے خطاب کرتے ہوئے پولیس کی کارکردگی کو سراہا اور انہیں جرائم اور دہشت گردی کے خلاف موثر حکمت عملی کو مرتب کرنے کی ہدایات جاری کیں۔کراچی پولیس چیف نے چائنیز کی سیکیورٹی کو ہر ممکن طور پر فول پروف بنانے کی تاکید کرتے ہوئے سینئر افسران کو پابند کیا ہے کہ وہ سیکیورٹی انتظامات کا مکمل جائزہ لیں گے اور وہاں پر موجود افسران و اہلکاروں کو مکمل آگاہی بھی فراہم کرینگے۔کراچی پولیس چیف نے شہر میں کرائم کے خاتمے کے لیے کومبنگ آپریشن اور پیٹرولنگ میں اضافے سمیت دیگر آپریشنل کاروائیوں کے ساتھ ساتھ شہر کے اندرونی و خارجی راستوں پر اسنیپ چیکنگ اور ناکہ بندی میں اضافہ اور انٹیلیجنس نیٹ ورک کو متحرک کرنے کے کی بھی ہدایات جاری کیں۔

پاکستان کی فضائی حدود سے اوورفلائنگ کرنے والی پروازوں میں اضافہ

ایم کیو ایم پاکستان کے زیرِ اہتمام حیدرآبادمیں یوتھ کنونشن کا انعقاد

جرمن سائنسدانوں کے وفد کا آئی سی سی بی ایس جامعہ کراچی کا دورہ

پاکستان کی فضائی حدود سے اوورفلائنگ کرنے والی پروازوں میں اضافہ ہوگیا۔

باغی ٹی وی کی رپورٹ کے مطابق پاکستان کے شمالی علاقہ جات سمیت کراچی فلائٹ انفارمیشن ریجن میں اوور فلائنگ کرنے والی پروازوں میں اضافہ ہوا ہے اور پروازوں کی تعداد 750 سے زائد ہوگئی ہے۔پروازوں میں اضافہ ایران کی فضائی حدود بند ہونے سے ہوا،عام دنوں میں پاکستانی فضائی حدود سیاوور فلائنگ کرنے والی یومیہ پروازوں کی تعداد 700 ہوتی ہے۔واضح رہے کہ اوورفلائنگ وہ پروازیں کہلاتی ہیں جن کی منزل کسی اورملک کا ہوائی اڈہ ہوتا ہے،مگروہ اپنے مقررہ ایئرپورٹ تک رسائی کے لیے کسی دوسرے ملک کی فضائی حدود استعمال کرتی ہیں۔ذرائع کے مطابق موجودہ صورتحال کے پیش نظر کچھ مزید ایئرلائنز نے بھی پاکستانی فضائی حدود استعمال کرنے کی اجازت طلب کی ہے، اوور فلائنگ کرنے والی پروازوں کی تعداد میں اضافے سے سول ایوی ایشن کی آمدنی میں بھی اضافہ ہوا ہے،اوور فلائنگ کرنے والی پروازیں سی اے اے کو ڈالرز میں ادائیگی کرتی ہیں۔

ایم کیو ایم پاکستان کے زیرِ اہتمام حیدرآبادمیں یوتھ کنونشن کا انعقاد

پاکستان پوسٹ 27 شہروں میں آج کی ڈاک آج ہی تقسیم کر رہا ہے

میئر کے انتخاب کیخلاف درخواستوں کی سماعت پر 18اکتوبر تک ملتوی

پاکستان پوسٹ صارفین کی سہولت کے لئے ملک بھر کے 27 شہروں میں آج کی ڈاک آج ہی تقسیم کی سہولت فراہم کر رہا ہے جسے کاروباری برادری کی طرف سے بھرپور پذیرائی حاصل ہوئی ہے ۔

باغی ٹی وی کی رپورٹ کے مطابق پاکستان پوسٹ کے حکام نےبتایا کہ پاکستان پوسٹ ملک گیر قومی اداررہ ہے جو ملک بھر کے چھوٹے بڑے شہروں، قصبوں اور دیہات میں صارفین کو پیشہ ورانہ خدمات کے ساتھ ساتھ الائیڈ سروسز فراہم کر رہا ہے ۔ہآج کی ڈاک آج ہی کے دن ترسیل کے تحت 5 سے 20 کلو گرام کے سامان کی ترسیل کی سروس فراہم کر رہا ہے ۔ انہوں نے کہا کہ ابتداء میں اسلام آباد ، لاہور ، کراچی ، پشاور اور کوئٹہ سمیت ایک دو بڑے شہروں میں سامان و پارسل کی ترسیل آزمائشی بنیادوں پر شروع کی گئی جسے کاروباری برادری میں بھرپور پذیرائی حاصل ہوئی ۔ پوسٹل حکام نے بتایا کہ اس وقت یہ سہولت 27 بڑے شہروں میں یہ سہولت فراہم کی جارہی ہے ۔ انہوں نے کہا کہ اس حوالے سے یہ سروس دیگر کوریئر کمپنیوں کے عمقابلے میں ارزاں ترین سروس فراہم کر رہی ہے ۔ پاکستان پوسٹ مستقبل میں یہ سہولت ملک کے دیگر شہروں کے لیے بھی شروع کرے گی جس سے گھریلو اور کاروباری دونوں صارفین کو بااعتماد سروس گھر کی دہلیز پر میسر آئے گی۔

جرمن سائنسدانوں کے وفد کا آئی سی سی بی ایس جامعہ کراچی کا دورہ

میئر کے انتخاب کیخلاف درخواستوں کی سماعت پر 18اکتوبر تک ملتوی
رینجرز اور کسٹمز کی مشترکہ چیکنگ، بھاری تعداد میں گٹکا ماوا اور سفینہ گٹکا برآمد

جرمنی کے سائنسدانوں پر مشتمل تین رکنی وفد نے یونیورسٹی ہاسپٹل آف ٹیوبنجن جرمنی کے معروف سائینسدان پروفیسرڈاکٹر تھامس اِفنر کی سربراہی میں بین الاقوامی مرکز برائے کیمیائی و حیاتیاتی علوم(آئی سی سی بی ایس)جامعہ کراچی کا دورہ کیا اور ادارے کے انفرااسٹرکچر اور یہاں کی سائینسی اور تحقیقی سرگرمیوں کی تعریف کی۔

باغی ٹی وی کی رپورٹ کے مطابق آئی سی سی بی ایس جامعہ کراچی کی ڈائریکٹر پروفیسرڈاکٹر فرزانہ شاہین نے بین الاقوامی مرکز کے دیگر آفیشل کے ہمراہ جرمنی کے سائینسدانوں کی ادارے میں آمد کا خیر مقدم کیا۔ جرمنی کے سائینسدانوں کے وفد میں پروفیسر تھامس اِفنرکے علاوہ پروفیسرڈاکٹر ڈینیل ساوٹر اور ڈاکٹر سنبلا شیخ بھی شامل تھے۔انٹر نیشنل پروگرام کی کوارڈینیٹرپروفیسر ڈاکٹر عصمت سلیم اور ڈاکٹر اقبال قریشی نے اس دورے کو منظم کیا۔جرمنی کے سائینسدانوں کے دورے کا مقصد آئی سی سی بی ایس جامعہ کراچی کے نیشنل انسٹیٹیوٹ آف وائرولوجی میں ہونے والی تحقیقی سرگرمیوں سے متعلق آگاہی کا حصول اور تعاون کے مواقع تلاش کرنا تھا۔ بعد ازاں پروفیسر تھامس اِفنر نے وفد کے ہمراہ پروفیسر فرزانہ شاہین کے ساتھ ایک اجلاس میں شرکت کی۔ اجلاس میں پروفیسر فرزانہ شاہین نے ایک پریزینٹیشن کے دوران آئی سی سی بی ایس جامعہ کراچی میں ہونے والے سائینسی اور تحقیقی سرگرمیوں کے متعلق تفصیلات سے آگاہ کیا۔
اجلاس میں نیشنل انسٹیٹیوٹ آف وائرولوجی کے اسٹاف اورڈاکٹر پنجوانی سینٹر برائے مالیکیو لر میڈیسن اور ڈرگ ریسرچ,جامعہ کراچی کے فیکلٹی ممبران نے بھی شرکت کی۔ اجلاس میں گفتگو کے دوران پروفیسر فرزانہ شاہین نے وائرولوجی کے میدان میں تعاون کے ممکنہ عنوانات پر روشنی ڈالی۔ انھوں نے کہا وائرس اور پھیلے ہوئے وائرل انفکیشن سے متعلق تازہ ترین معلومات کے ساتھ اپ ڈیٹ رہنامقامی اور وبائی امراض کے دوران وائرل کے پھیلاو کو روکنے کے لیے اہم ہے۔انھوں نے جرمن سائینسدانوں کو بتایا کہ وبائی امراض سے متعلق مختلف باہمی تعاون کے منصوبے جاری ہیں اور جلد ہی نئے منصوبے شروع کیے جائیں گے۔ پروفیسر فرزانہ شاہین نے آئی سی سی بی ایس اور بالخصوص نیشنل انسٹیٹیوٹ آف وائرولوجی کی ترقی میں پروفیسر تھامس افنر کے تعاون کو سراہا۔ جرمن ماہرین نے تحقیقی مرکز میں تحقیق کے معیار کو بلند کرنے کے لے قیمتی تجاویز بھی پیش کیں۔فیکلٹی ممبران اور طالبِ علموں سے ملاقاتوں کے علاوہ جرمن ماہرین نے بین الاقوامی مرکز کے دیگر سائینسی و تحقیقی سہولیات کا بھی جائزہ لیا۔ اس کے علاوہ پروفیسرڈاکٹر ڈینیل ساوٹر نے پریون امراض، ابھرتے ہوئے وائرسوں کی ابتدااور ارتقا پرکلیدی لیکچر دیے جس میں پاکستانی محققین نے بے حد دلچسپی کا اظہار کیا۔

میئر کے انتخاب کیخلاف درخواستوں کی سماعت پر 18اکتوبر تک ملتوی

رینجرز اور کسٹمز کی مشترکہ چیکنگ، بھاری تعداد میں گٹکا ماوا اور سفینہ گٹکا برآمد

سندھ ہائی کورٹ نے براہ راست میئر کے انتخاب کیخلاف درخواستوں کی سماعت پر 18اکتوبر تک ملتوی کردی ہے ۔

باغی ٹی وی کی رپورٹ کے مطابق سندھ ہائیکورٹ میں براہ راست میئر کے انتخاب کیخلاف درخواستوں کی سماعت ہوئی۔ درخواستگزاورں کے وکیل راجہ قاسط نے دلائل دیتے ہوئے کہا کہ یونین کمیٹی کی سطح پر الیکشن پہلے ہوتے ہیں۔چیئرمین ٹی ایم سی، میئر یا ڈپٹی میئر کے لئے بطور یوسی چیئرمین کامیاب ہونا ضروری ہے۔ لوگل گورنمنٹ ایکٹ میں ترمیم سے پہلے منتخب ہونا ضروری تھا۔ الیکشن کے اعلان کے وقت جو قوانین موجود تھے، انتخابات کے وقت بھی وہی قوانین ہوتے ہیں۔ میئر بننے کے بعد الیکشن لڑنے سے انتخابی عمل پر اثر انداز ہوسکتے ہیں۔ عدالت نے ریمارکس دیئے کہ آپ کا اعتراض ہے کہ براہ راست انتخاب سے اسکروٹنی کا عمل بائی پاس کیا گیا براہ راست میئر کے انتخاب کے بعد جب یوسی چیئرمین کے الیکشن لڑیں گے تو اسکروٹنی کا عمل بھی مکمل ہوجائے گا۔
راجہ قاسم ایڈوکیٹ نے موقف دیا کہ میں انتخابی عمل پر اثر انداز ہونے کا گواہ ہوں۔ چیف جسٹس نے ریمارکس دیئے کہ آپ کو پھر کٹہرے میں آنا ہوگا۔ وکیل گواہ نہیں ہوسکتا۔ درخواستگزار کے وکیل نے موقف دیا کہ پورا کراچی اس بات کا گواہ ہے۔ اگر ترمیم کی ضرورت تھی تو اگلے انتخابات کے لئے کردی جاتی۔ ایک شخص کو فائدہ دینے کے لئے ترمیم کی گئی۔ چیف جسٹس نے ریمارکس دیئے کہ میئر نے یوسی چیئرمین کا الیکشن کب لڑا تھا سرکاری وکیل نے موقف اپنایا کہ 5 نومبر 2023 میئر نے یوسی الیکشن لڑا۔
سرکاری وکیل نے موقف دیا کہ 15 جون 2023 کو لوکل گورنمنٹ کے الیکشن ہوئے۔ چیف جسٹس نے ریمارکس میں کہا کہ اگر کسی کا اعتراض بنتا تھا تو وہ پارٹی کے اراکین کا بنتا تھا۔ ان کی موجودگی میں کسی اور کو لاکر میئر بنانے پر انکا اعتراض بنتا تھا۔ وہ تمام لوگ نا صرف خاموش رہے اور ووٹ بھی دیئے۔ کسی پارٹی رکن نے اس پر اعتراض نہیں کیا۔ وکیل درخواستگزار نے موقف دیا کہ جماعتی بنیاد پر الیکشن ہوئے۔
پارٹی کی قیادت نے فیصلہ کیا، کوئی رکن کیا اعتراض کرے گا۔ عدالت نے ریمارکس دیئے کہ منتخب رکن عوام کی آواز ہوتا ہے۔ درخواستگزار کے وکیل نے موقف دیا کہ اگر دیگر امیدواروں کو پتہ ہوتا تو وہ بھی الیکشن نہیں لڑتے۔ عدالت نے ریمارکس دیئے کہ یہ قانونی دلیل تو نہیں ہے۔ درخواستگزار کے وکیل نے موقف دیا کہ اگر کوئی منتخب فرد میئر بنتا تو ہم عدالت ہی نا آتے۔ہمارا اعتراض ہی یہ ہے کہ ایک چہیتے شخص کو لاکر میئر بنا دیا گیا ہے۔ مرتضی وہاب کے کاغذات نامزدگی پر جو رہائشی پتہ درج ہے وہ موجود ہی نہیں۔ بیرسٹر حیدر وحید وکیل مرتضی وہاب نے موقف دیا کہ چلیں ابھی سماعت کے بعد انکے گھر چلتے ہیں۔ عدالت نے درخواستوں کی مزید سماعت 18 اکتوبر تک ملتوی کردی۔

رینجرز اور کسٹمز کی مشترکہ چیکنگ، بھاری تعداد میں گٹکا ماوا اور سفینہ گٹکا برآمد