Tag: کراچی پولیس آفس

کراچی کے علاقے شاہ لطیف ٹاؤن میں پولیس نے کارروائی کرتے ہوئے رکشہ گینگ کے سرغنہ سمیت4 انتہائی مطلوب ملزمان گرفتار کر لیے۔

ایس ایس پی کراچی کے مطابق گرفتار ملزمان کی شناخت رحیم بخش،صابر ، عاشق ،آصف کے نام سے ہوئی، ملزمان سے 8 موبائل فون، دو پستول، رکشہ برآمد ہوا ہے۔ایس ایس پی نے بتایا کہ ملزمان کا ساتھی آصف مختلف مقامات سے سواریاں اٹھاتا تھا، مسافر کے پاس کیش اور قیمتی سامان کی اطلاع گینگ سرغنہ کو کوڈ ورڈ میں دیتا تھا۔ایس ایس پی کے مطابق ملزم رحیم بخش 18 سال سے زائد جیل میں سزا کاٹ کر آیا ہے، ملزم نے ساتھی سمیت کورٹ سے فرار ہوتے وقت پولیس اہلکار کو شہید کیاتھا،گرفتار ملزمان کے خلاف مقدمہ درج کرلیا گیا جبکہ مزید کرمنل ریکارڈ چیک کیا جارہا ہے۔

وزیراعظم کل دفاعی نمائش آئیڈیاز2024 کاافتتاح کریں گے

سپارکو کی جدید ریزولو آر اینڈ ڈی لیب کا کراچی میں ا فتتاح

ہوٹل میں آتشزدگی کے باعث ویمنز نیشنل ون ڈے کپ ملتوی

کراچی میں فائرنگ کے مختلف واقعات میں خاتون سمیت چار افراد زخمی ہوگئے۔

باغی ٹی وی کی رپورٹ کے مطابق فائرنگ کے واقعات کلفٹن ساحل، کورنگی، پاک کالونی اور گولیمار کے علاقے میں پیش آئے۔پولیس کے مطابق سی ویو عبدالستار روڈ پر فائرنگ سے ارم نامی لڑکی زخمی ہوگئی۔ فائرنگ کا واقعہ گاڑی کے اندرپیش آیا، ابتدائی معلومات کے مطابق لڑکی اپنے دوستوں کے ساتھ گاڑی میں سوار تھی کے اتفاقیہ گولی چلنے سے لڑکی زخمی ہوئی۔پولیس نے فائرنگ کے الزام میں عمر نامی شخص کو حراست میں لے لیا ہے، عمر زخمی لڑکی کا دوست ہے جسکا اسلحہ اور گاڑی پولیس نے تحویل میں لے لی ہے۔ واقعے کی تمام پہلوں سے تحقیقات جاری ہے۔دوسری جانب کورنگی میں پولیس نے جی پی او چوک کے قریب مبینہ مقابلے میں 100 سے زائد وارداتوں میں ملوث ملزم عاصم عرف ٹانگہ کو زخمی حالت میں گرفتار کرلیا ہے۔ملزم نے ساتھیوں کے ساتھ سو سے زائد وارداتیں کرنے کا انکشاف کیا ہے۔زخمی ملزم کا گروہ چھ ملزمان پر مشتمل ہے ملزم اپنے ساتھیوں کے ساتھ لانڈھی، کورنگی، ملیر، گلشن اقبال ڈیفنس سمیت بیشتر علاقوں میں وارداتیں کرتا تھا۔پولیس کا کہنا ہے کہ ملزم کے دیگر ساتھیوں کی معلومات حاصل کرلی ہے۔ پولیس نے دعوی کیا ہے کہ گروہ کے دیگر ساتھیوں کو جلد گرفتار کر لیا جائے گا۔ادھر رات گئے پاک کالونی میں شادی کی تقریب میں جھڑے پر فائرنگ سے تین افراد زخمی ہوگئے۔زخمیوں کی شناخت عامر امان اللہ اور شہزاد کے نام سے ہوئی ہے۔پولیس کا کہنا ہے کہ فائرنگ کا واقعہ شادی کی تقریب میں جھگڑے کے دوران پیش آیا تاہم مزید تفتیش جاری ہے گولیمار سر سید کالج کے قریب مبینہ پولیس مقابلے میں ایک ملزم محمود زخمی حالت میں گرفتار ہوا، سرجانی ٹان سیکٹر سیون بی جمعرات بازار کے قریب عوام کے تشدد سے دو ڈاکو زخمی ہوگئے جنہیں پولیس کے حوالے کر دیا گیا۔

کراچی کو پانی فراہم کرنے والی لائن 40 سال بعد تبدیل

کراچی پولیس نے مختلف کاروائیوں کے دوران اسٹریٹ کرائم میں ملوث 8 ملزم گرفتار کر لیے۔

باغی ٹی وی کی رپورٹ کے مطابق تھانہ کورنگی پولیس کا جی پی او چوک کے قریب پولیس مقابلہ ہوا .2 ملزمان شہریوں سے اسلحہ کے زور پر لوٹ مار کر رہے تھے۔موٹرسائیکل گشت پر موجود اہلکار واردات دیکھتے ہوئے موقع پر پہنچے۔
گرفتار ملزمان کے قبضے سے اسلحہ اور چھینا گیا سامان برآمدہوا۔ملزمان نے پولیس اہلکاروں کو دیکھ کر فائرنگ شروع کردی۔فائرنگ کے تبادلے میں زخمی سمیت دو ملزمان گرفتار کر لیا گیا۔ملزمان فیکٹری سے نکلنے والے شہریوں کو لوٹتے تھے۔ملزمان کورنگی کے رہائشی اور متعدد وارداتوں میں مطلوب ہیں۔ پولیس مقابلے کے نتیجے میں ملزم فرحان زخمی حالت میں گرفتار ہوا۔زخمی ملزم کا دوسرا ساتھی جہانگیر اندھیری گلی میں چھپا ہوا تھا۔دونوں ملزمان کو گرفتار کر لیا گیا ہے۔ملزمان کے خلاف پولیس پر فائرنگ اور سندھ آرمز ایکٹ کی دفعات کے تحت مقدمات درج کر لیے گئے دوسری کاروائی میں قائدآباد پولیس نے موٹرسائیکل لفٹنگ میں ملوث ملزمان کو گرفتار کرلیا۔پولیس نے خفیہ اطلاعات کی بنیاد پر مہران ہائی وے کے قریب سے 2 ملزمان کو گرفتار کیا۔گرفتار ملزمان کی شناخت بلال اور اسماعیل کے نام سے ہوئی۔گرفتار ملزمان کے قبضے سے 1 عدد چوری شدہ موٹرسائیکل برآمد ہوئی۔ملزمان کے قبضے سے برآمد ہونے والی موٹرسائیکل تھانہ شاہ فیصل کی حدود سے سرقہ شدہ ہے۔گرفتار ملزمان موٹرسائیکل چوری کرنے کی کئی واردتوں میں بھی ملوث ہیں۔گرفتار ملزمان کا مزید کرمنل ریکارڈ چیک کیا جارہا ہے۔قائدآباد پولیس کی جانب سے گرفتار ملزمان کے خلاف مقدمہ درج کر کے مزید تفتیش کا آغاز کر دیا گیا ہے۔تیسری کاروائی شرافی گوٹھ پولیس نے اسٹریٹ کرائمز کی متعدد وارداتوں میں ملوث ملزم کو گرفتار کرلیا۔پولیس نے خفیہ اطلاعات کی بنیاد پر کاروائی کرتے ہوئے کے ائی اے روڈ کے قریب سے ملزم کو گرفتار کیا۔گرفتار ملزم نے کچھ دن قبل تھانہ شرافی گوٹھ اور سکھن کے علاقے میں اسلحے کے زور پر ہونے والی کئی واردتوں میں ملوث ہونے کا اعتراف کیا ۔گرفتار ملزم کی شناخت امان ولد عبد الرحمن کے نام سے ہوئی۔ملزم کے قبضے سے 1 عدد 30 بور پسٹل بمعہ رائونڈز اور کیش برآمد ہوا۔گرفتار ملزم کے قبضے سے برآمد ہونے والے اسلح کو فرانزک کیلئے روانہ کیا جارہا ہے۔گرفتار ملزم پہلے بھی کئی مقدمات میں گرفتار ہو کر جیل جا چکا ہے۔پولیس کی جانب سے گرفتار ملزم کے خلاف مقدمہ درج کر کے مزید تفتیش جاری ہے۔چوتھی کاروائیانوسٹی گیشن ڈسٹرکٹ کیماڑی ساؤتھ زون کراچی کی تفتیشی ٹیم تھانہ اتحاد نے تکنیکی بنیاد پر کامیاب کاروائی کے دوران مغوی خاتون کو بازیاب کر کے ملزم کو گرفتارکر لیا۔ خاتون شاہدہ زوجہ زوہیب کے اغواء کا مقدمہ الزام نمبر 538/2024 بجرم دفعہ 496A تھانہ اتحاد ٹاؤن میں درج کیا گیا تھا۔ تفتیشی ٹیم نے SIO تھانہ اتحاد ٹاؤن سب انسپکٹر ناصر خان کی سربراہی میں تکنیکی بنیادوں پر کاروائی کرتے ہوئے مغویہ کو بحفاظت بازیاب کر کے ملزم رضوان ولد فتح محمد کو گرفتارکر لیا۔ پانچویں کاروائی نیو کراچی پولیس کا اسٹریٹ کریمنل کہ ساتھ سیکٹر 11 جے نزد ڈبہ اسکول مین روڈ کے قریب پولیس نے 2 اشخاص کو رکنے کا اشارہ کیا تو ملزمان نے پولیس پر فائرنگ شروع کردی پولیس کی جوابی فائرنگ سے ایک ملزم زخمی ہالت میں گرفتار ہوگیا ملزم کا دوسرا ساتھی فائرنگ کرتے ہوئے موقع سے فرار ہو گیاملزم عادی جرائم پیشہ ہیں اس سے قبل بھی تھانہ سچل کی حدود سے پولیس مقابلے کے دوران زخمی ہوکر گرفتار ہو چکا ہے۔ گرفتار ملزم کی شناخت (1) فدا محمد عرف عبداللہ ولد بشیر احمد، ملزم کہ قبضے سے ایک پسٹل 30 بور بمعہ 4 گولیاں اور موٹر سائیکل نمبری KJI 3479 میکر سپر پاور برآمد ہوئی۔ برآمدہ موٹر سائیکل کا بذریعہ CPLC ریکارڈ چیک کیا گیا تو موٹر سائیکل نمبری بالا تھانہ سمن آباد کی حدود سے چھینی ہوئی پائی گئی جسکا مقدمہ الزام نمبر 261/2024 بجرم دفعہ 381 تھانہ سمن آباد میں درج ہے ۔فرار ساتھی کی تلاش شروع کردی گئی،زخمی ملزم کو برائے علاج معالجہ عباسی ہسپتال روانہ کیا گیا۔

کراچی، مزاحمت پرڈاکوؤں کی فائرنگ سے 2 افراد زخمی

کوٹری اسٹیشن پرسکھرایکسپریس بڑے حادثے سے بال بال بچ گئی

شرجیل میمن نے 26ویں ترمیم کو بلاول بھٹو کا دور اندیش اقدام قرار دیا

الیکٹرک گاڑیوں کی فروخت میں کمی، عالمی سطح پر ای وی انقلاب مشکلات کا شکار

کراچی پولیس کی ایڈیشنل آئی جی کراچی جاوید عالم اوڈھو کے احکامات کے مدنظر پولیس کی انسداد جرائم کے خلاف کامیاب کاروائیوں کی ہفتہ وار رپورٹ منظر عام پر آ گئی.

باغی ٹی وی کی رپورٹ کے مطابق گزشتہ ہفتے کے دوران شہر میں انسداد جرائم کے دوران ڈاکوؤں سے ضلعی پولیس کے 21 مقابلے ہوئے، فائرنگ کے تبادلے میں 03 ڈاکو ہلاک جبکہ 21 زخمی ڈاکوؤں سمیت 25 ملزمان کو گرفتارکیا گیا، گرفتار ملزمان سے 23 مختلف اقسام کا غیر قانونی اسلحہ اور 10موٹر سائیکلیں برآمد کی گئیں۔پولیس نے گزشتہ ہفتے کے دوران کراچی کے ایسٹ، ویسٹ اور ساوتھ ذونز میں مجموعی طور پر 651 سے زائد ملزمان کو گرفتار کیا۔پولیس کیجانب سے منشیات کیخلاف جاری مہم کے دوران مختلف علاقوں سے لاکھوں روپے مالیت کی 75 کلو 678 گرام چرس، 10 کلو 660 گرام آئس/کرسٹال اور ہیروئین برآمد کی گئی۔گرفتار ملزمان سے شہریوں سے لوٹ مار اور دیگر وارداتوں میں استعمال شدہ 113 سے زائد مختلف اقسام کا غیر قانونی اسلحہ بمعہ ایمونیشن برآمد کیا گیا۔کراچی پولیس نے مختلف علاقوں میں کارروائیاں کرتے ہوئے مجموعی طور پر چھینی و چوری شدہ 46 موٹرسائیکلیں اور 05 گاڑی برآمد کی۔کراچی پولیس کیجانب سے جرائم کے خاتمے، امن وامان کی بحالی اور عوام کے تحفظ کیلئے کئے جانے والے اقدامات جاری رہینگے۔

کراچی:اسٹیل ٹائون انسپکٹر کے اغوا کا مقدمہ درج، چھالیہ کے گودام سیل ، ملزم گرفتار

ناکام احتجاجی مظاہرے، بلوچ یکجہتی کمیٹی غیور بلوچوں کو بہکانے میں مکمل ناکام

اے این ایف کی کارروائیاں،17 ملزمان گرفتار،97 کلو سے زائد منشیات برآمد

قائداعظم ٹرافی ،کراچی بلوز نے کوئٹہ کو 9 وکٹوں سے ہرادیا

کراچی میں بریانی سینٹر سے بھتہ مانگنے والے ملزم کو پولیس نے گرفتار کرلیا۔

باغی ٹی وی کی رپورٹ کے مطابق ایس ایس پی اسپیشل انویسٹی گیشن یونٹ شعیب میمن نے اس حوالے سے پریس کانفرنس میں بتایا کہ کراچی کے مختلف علاقوں میں دکانداروں، بالخصوص مشہور بریانی شاپس، کو بھتہ وصولی کے لیے ملائیشیا سے دھمکیاں موصول ہو رہی تھیں جن کے خلاف مختلف تھانوں میں درخواستیں بھی دی جا رہی تھیں اور مقدمات بھی ہو رہے تھے۔ ایس آئی یو نے ٹیکنیکل بنیادوں پر کارروائی کرتے ہوئے فراز نامی ملزم کو اس وقت رنگے ہاتھوں گرفتار کیا جب وہ ایک دکاندار سے بھتے کے 1 لاکھ روپے وصول کر چکا تھا۔ اس ملزم نے دوران تفتیش حیرت انگیز انکشافات کیے ہیں۔ ملزم فراز کے مطابق وہ ملائیشیا میں مقیم بھتہ گینگ کی خاتون لیڈر صبوری اور اس کے شوہر حماد کے لیے کام کرتا ہے۔ رشتے میں بھتہ گینگ کی خاتون لیڈر صبوری گرفتار ملزم کی بہن ہے۔ ملزمان کا طریقہ واردات یہ ہے کہ کراچی میں موجود ملزمان پہلے ان دکانوں، بریانی شاپس کی ریکی کرتے ہیں جن کا کام زیادہ چلتا ہے۔ اس کی باہر اور اندر سے ویڈیو بنا لی جاتی ہے اور ملائیشیا میں صبوری اور حماد کو بھیجی جاتی ہے۔ بھتہ خور گروہ کے سرغنہ مذکورہ دکاندار کو اس کی دکان کی ویڈیو بھیجتے ہیں اور بتاتے ہیں کہ بھتہ دو ورنہ تمہاری جان کو نقصان ہو سکتا ہے۔ ملزمان 20 لاکھ سے لے کر پارٹی کی ساکھ کے حساب سے بھتہ طلب کرتے ہیں۔ بھتے کی رقم پنجاب میں موجود ساتھی کے اکاؤنٹ میں ٹرانسفر کی جاتی ہے جو اس رقم کو ملائیشیا میں پہنچانے کا کام کرتا ہے۔ ملزمان شاہ فیصل، دہلی کالونی، لیاقت آباد، جوہرآباد اور گلبرگ سمیت مختلف علاقوں میں بھتہ خوری کر چکے ہیں۔ ملائیشیا میں موجود صبوری کے ساتھی پہلے بھی گلبرگ اور لیاقت آباد میں بھتہ وصولی کے کیس میں ایس آئی یو کے ہاتھوں ہی گرفتار ہو چکے ہیں۔ ان ملزمان کو جیسے ہی پتہ چلا کہ اسپیشلائزڈ یونٹ نے ان کا اہم ساتھی گرفتار کیا ہے تو ان کی جانب سے فوری طور پر جن سے بھی بھتہ طلبی کی گئی تھی ان کو "سوری” کے میسج بھی کیے گئے کہ ہم سے غلطی ہو گئی، ہمیں معاف کر دیں۔ ایسے عناصر شہریوں کے ڈر سے کھیلتے ہیں۔ شہر میں بھتہ خوری کے واقعات نہ ہونے کے برابر ہیں۔ کیس صرف وہی حل نہیں ہوتے جو رپورٹ نہیں کروائے جاتے۔ شہریوں سے بھی درخواست ہے کہ ایسے عناصر کے خلاف فوری رپورٹ کروائیں۔ ملزم کے ملائیشیا میں مقیم بہن، بہنوئی بھتے کے لیے کال کرتے تھے۔ایس ایس پی نے کہا ہے کہ کراچی سے ملزم کو گرفتار کیا گیا جبکہ ملائیشیا سے دیگر ملزمان کی گرفتاری کے لیے کارروائی جاری ہے۔شعیب میمن نے بتایا کہ بھتہ وصولی کے لیے بینک اکاؤنٹ لاہور سے استعمال ہو رہے تھے۔

سندھ ہائیکورٹ کا میئر کراچی کے براہ راست انتخاب سے متعلق درخواست پر تحریری حکم جاری