Tag: کراچی پولیس

کراچی کے علاقے اورنگی ٹائون میں خاتون اور بچوں پر سفاکانہ حملے کا ملزم گرفتار کر لیا گیا۔

ایس ایس پی ویسٹ کے مطابق گرفتار ملزم سمیر علی خاتون کے شوہر کا کزن ہے۔انہوں نے بتایا کہ ملزم نے 3 روز قبل خاتون اور 2 بچوں کو تیز دھار آلے سے زخمی کیا تھا، سات سال کا زخمی بچہ دم توڑ گیا تھا۔ایس ایس پی ویسٹ کے مطابق ملزم نے دست درازی میں مزاحمت پر خاتون اور بچوں پر حملہ کیا تھا۔ پولیس کے مطابق واقعے کا مقدمہ اورنگی تھانے میں زخمی خاتون کے شوہر کی مدعیت میں درج کیا گیا ہے، جس میں قتل کی دفعات شامل کی گئی ہیں۔مدعی کے مطابق زخمی بیوی نے بتایا تھا کہ میرا ماموں زاد سمیر گھر آیا تھا، اس نے اہلیہ سے زیادتی کی کوشش کی اور مزاحمت پر استری سے اہلیہ کو زخمی کر دیا، سمیر نے میرے بیٹے کے سر پر استری ماری جس سے وہ جاں بحق ہو گیا جبکہ گرفتار ملزم سے تفتیش شروع کردی گئی ہے۔

چاہتے ہیں کہ دعوے کم اور کام زیادہ کر کے دکھائیں،شرجیل میمن

کراچی ریلوے عملے کی مبینہ لاپرواہی ،ٹرینوں کا نظام درہم برہم

کراچی کے علاقے ولی ٹائون میں کارروائی کے لیے جانے والے تھانہ اسٹیل ٹائون کے انسپکٹر کو مبینہ طور پر اغوا کرلیا گیا۔

باغی ٹی وی کی رپورٹ کے مطابق اسٹیل ٹائون تھانے کے انسپکٹر حبیب اللہ شاہانی کو چھالیہ ودیگر غیرقانونی اشیا کی اطلاع ملی تھی جس پر وہ بتائی گئی جگہ پر پہنچے تو جھگڑا ہوگیا۔پولیس حکام نے بتایا کہ جھگڑے کے بعد مسلح ملزمان انسپکٹر حبیب اللہ کو اغوا کرکے لے گئے۔پولیس حکام کے مطابق کارروائی کے لیے جانے والے انسپکٹر اکیلے تھے جن کی تلاش جاری ہے، پولیس کی بھاری نفری گودام کے اطراف میں موجود ہے۔بعدازاں حب چوکی کے قریب ملزمان انسپکٹر حبیب اللہ شاہانی کو پھینک کر فرار ہوگئے.پولیس واقعے کی تفشیش میں مصروف عمل ہے.

بھارت بے پناہ وسائل کے باوجود کشمیریوں کو زیر کرنے میں ناکام ہوچکا ہے، غلام محمد صفی

ایم ڈی کیٹ کا دوبارہ انعقاد ،بد انتظامی و نا اہلی کی انتہا ہے ، منعم ظفر خان

پشاور:ٹشو پیپرز اورڈائپرز کی فیکٹری میں لگی آگ پر تاحال قابو نا پایا جا سکا

سندھ پولیس نے پنجاب میں بڑی کارروائی کرتے ہوئے 5 روز قبل ملیر جیل سے فرار ہوئے قیدی کو ڈیرہ غازی خان میں چھاپہ مار کر گرفتار کرلیا۔

پولیس کے مطابق فرار ہونے والے قیدی نے ملیر جیل کے باتھ روم میں لگی لوہے کی جالی کاٹی۔ اور دیوار پر چڑھنے کے لیے ہاتھ سے بنی رسی کا استعمال کیا تھا۔ڈی آئی جی جیل خانہ جات نے قیدی کے فرار ہونے پر بڑا ایکشن لیتے ہوئے 7 اہلکاروں کو معطل کیا تھا۔معطل اہلکاروں میں محکم دین، خادم حسین، اکرم، وحید، قائم خان، شہزاد اور ندیم شامل ہیں۔اس کے بعد کراچی کی شاہ لطیف پولیس نے خفیہ اطلاع پر ڈیرہ غازی خان میں کارروائی کی اور فرار قیدی کو گرفتار کر لیا۔پولیس نے بتایا کہ قیدی جاوید کو زخمی حالت میں گرفتار کیا گیا۔ جیل کی دیوار سے کودنے کے دوران قیدی کی ٹانگ ٹوٹ گئی تھی۔ ملزم کراچی سے فرار ہونے کے بعد پنجاب پہنچ گیا تھا۔پولیس کے مطابق 5 روز قبل ملیر جیل کراچی سے سنگین جرم میں ملوث محمد جاوید قیدی فرار ہو گیا تھا۔ جسے سائٹ سپرہائی وے پولیس نے اغوا کیس میں گرفتار کیا تھا۔

وزیراعلیٰ سندھ سے سپریم کورٹ بار کے وفد کی ملاقات

شاہ لطیف پولیس نے منشیات سپلائی و فروخت کا بین الصوبائی نیٹ ورک بے نقاب کردیا۔

باغی ٹی وی کی رپورٹ کے مطابق پولیس نے منشیات سپلائی و فروخت کرنے والے انتہائی مطلوب ملزمان سمیت 2 خواتین کو بھی گرفتار کر لیا۔پولیس نے شاہ لطیف ٹاؤن میں نیشنل ہائی وے کے قریب سے 2 ملزمان اور 2 ملزمہ کو گرفتار کیا۔گرفتار ملزمان کی شناخت نصیر، جاوید، ملزمہ بلقیس اور خالدہ کے نام سے ہوئی۔ملزمان کے قبضے سے 10 کلو سے زائد آئس، 15 کلو چرس، 2 کلو افیون اور سپلائی میں استعمال ہونے والی وائٹ کرولا گاڑی بھی برآمد ہوئی۔گرفتار ملزمان اندرون سندھ سمیت کراچی شہر کے مختلف خفیہ علاقوں میں منشیات سپلائی و فروخت کا کام کرتے تھے۔شاہ لطیف پولیس کی جانب سے گرفتار ملزمان کا مزید کرمنل ریکارڈ چیک کیا جا رہا ہے۔ملزمان کے خلاف مقدمہ درج کر کے مزید تفتیش کا آغاز کر دیا گیا ہے۔

کراچی ایئرپورٹ پر 23 ملین کے ضبط شدہ سامان کی چوری کا انکشاف

کراچی،ملائیشیا ے بریانی سینٹر کو بھتے کی کال کرانیوالا ملزم گرفتار

سندھ ہائیکورٹ کا میئر کراچی کے براہ راست انتخاب سے متعلق درخواست پر تحریری حکم جاری

کراچی میں بریانی سینٹر سے بھتہ مانگنے والے ملزم کو پولیس نے گرفتار کرلیا۔

باغی ٹی وی کی رپورٹ کے مطابق ایس ایس پی اسپیشل انویسٹی گیشن یونٹ شعیب میمن نے اس حوالے سے پریس کانفرنس میں بتایا کہ کراچی کے مختلف علاقوں میں دکانداروں، بالخصوص مشہور بریانی شاپس، کو بھتہ وصولی کے لیے ملائیشیا سے دھمکیاں موصول ہو رہی تھیں جن کے خلاف مختلف تھانوں میں درخواستیں بھی دی جا رہی تھیں اور مقدمات بھی ہو رہے تھے۔ ایس آئی یو نے ٹیکنیکل بنیادوں پر کارروائی کرتے ہوئے فراز نامی ملزم کو اس وقت رنگے ہاتھوں گرفتار کیا جب وہ ایک دکاندار سے بھتے کے 1 لاکھ روپے وصول کر چکا تھا۔ اس ملزم نے دوران تفتیش حیرت انگیز انکشافات کیے ہیں۔ ملزم فراز کے مطابق وہ ملائیشیا میں مقیم بھتہ گینگ کی خاتون لیڈر صبوری اور اس کے شوہر حماد کے لیے کام کرتا ہے۔ رشتے میں بھتہ گینگ کی خاتون لیڈر صبوری گرفتار ملزم کی بہن ہے۔ ملزمان کا طریقہ واردات یہ ہے کہ کراچی میں موجود ملزمان پہلے ان دکانوں، بریانی شاپس کی ریکی کرتے ہیں جن کا کام زیادہ چلتا ہے۔ اس کی باہر اور اندر سے ویڈیو بنا لی جاتی ہے اور ملائیشیا میں صبوری اور حماد کو بھیجی جاتی ہے۔ بھتہ خور گروہ کے سرغنہ مذکورہ دکاندار کو اس کی دکان کی ویڈیو بھیجتے ہیں اور بتاتے ہیں کہ بھتہ دو ورنہ تمہاری جان کو نقصان ہو سکتا ہے۔ ملزمان 20 لاکھ سے لے کر پارٹی کی ساکھ کے حساب سے بھتہ طلب کرتے ہیں۔ بھتے کی رقم پنجاب میں موجود ساتھی کے اکاؤنٹ میں ٹرانسفر کی جاتی ہے جو اس رقم کو ملائیشیا میں پہنچانے کا کام کرتا ہے۔ ملزمان شاہ فیصل، دہلی کالونی، لیاقت آباد، جوہرآباد اور گلبرگ سمیت مختلف علاقوں میں بھتہ خوری کر چکے ہیں۔ ملائیشیا میں موجود صبوری کے ساتھی پہلے بھی گلبرگ اور لیاقت آباد میں بھتہ وصولی کے کیس میں ایس آئی یو کے ہاتھوں ہی گرفتار ہو چکے ہیں۔ ان ملزمان کو جیسے ہی پتہ چلا کہ اسپیشلائزڈ یونٹ نے ان کا اہم ساتھی گرفتار کیا ہے تو ان کی جانب سے فوری طور پر جن سے بھی بھتہ طلبی کی گئی تھی ان کو "سوری” کے میسج بھی کیے گئے کہ ہم سے غلطی ہو گئی، ہمیں معاف کر دیں۔ ایسے عناصر شہریوں کے ڈر سے کھیلتے ہیں۔ شہر میں بھتہ خوری کے واقعات نہ ہونے کے برابر ہیں۔ کیس صرف وہی حل نہیں ہوتے جو رپورٹ نہیں کروائے جاتے۔ شہریوں سے بھی درخواست ہے کہ ایسے عناصر کے خلاف فوری رپورٹ کروائیں۔ ملزم کے ملائیشیا میں مقیم بہن، بہنوئی بھتے کے لیے کال کرتے تھے۔ایس ایس پی نے کہا ہے کہ کراچی سے ملزم کو گرفتار کیا گیا جبکہ ملائیشیا سے دیگر ملزمان کی گرفتاری کے لیے کارروائی جاری ہے۔شعیب میمن نے بتایا کہ بھتہ وصولی کے لیے بینک اکاؤنٹ لاہور سے استعمال ہو رہے تھے۔

سندھ ہائیکورٹ کا میئر کراچی کے براہ راست انتخاب سے متعلق درخواست پر تحریری حکم جاری

باغی ٹی وی:کراچی کے علاقے اورنگی ٹاؤن ساڑھے 8 نمبر میں گھر سے خاتون سمیت 2 بچے زخمی حالت میں ملے ہیں۔

ریسکیو ذرائع کے مطابق تینوں زخمی افراد کے گلے کٹے ہوئے ہیں۔ذرائع نے بتایا ہے کہ تینوں زخمیوں کو تشویش ناک حالت میں اسپتال منتقل کیا گیا۔پولیس کا کہنا ہے کہ چھری کے وار سے شدید زخمی ہونے والا ایک بچہ اسپتال میں دم توڑ گیا، جاں بحق بچہ کی شناخت سبحان کے نام سے ہوئی ہے۔زخمی بچی کی شناخت علیزہ اور خاتون کی شناخت رمشاہ کے نام سے ہوئی۔پولیس کے مطابق زخمیوں کے جسم پر چھریوں کے وار کیے گئے ہیں۔پولیس کا کہنا ہے کہ زخمیوں کے گلے اور جسم پر مختلف حصوں پر زخموں کے نشان ہیں۔

گورنر ہاؤس سندھ میں نوکری کا جھانسہ دے کر خواتین کو ہراساں کرنیوالا ملزم گرفتار

ڈاکٹر شاہنواز کی ہلاکت، پوسٹ مارٹم رپورٹ سامنے آگئی