کراچی ائیرپورٹ پر میڈیکل ایمرجنسی کی وجہ سے لینڈنگ کرنے والا بھارتی ائیرلائن کا طیارہ اپنی منزل دوحا جانے کی بجائے واپس پہنچ گیا۔

باغی ٹی وی: سول ایوی ایشن اتھارٹی (سی اے اے) ذرائع کے مطابق انڈیگو ائیر لائن کی دہلی سے دوحا کی شیڈول پرواز 6E1736 پاکستان کی فضائی حدود میں تھی کہ اڑان کے ایک گھنٹے 40 منٹ بعد میڈیکل ایمرجنسی ہوئی اور طیارے میں سوار 60 سالہ نائجیرین شہری کی طبیعت خراب ہوئی –

سی اے اے کے ذرائع کا کہنا ہے کہ پرواز کا مسافر لینڈنگ سے قبل ہی دوران پرواز انتقال کر گیا تھا، بھارتی ائیرلائن کے کپتان نے میڈیکل ایمرجنسی کی اطلاع دی۔

پائلٹ کی جانب سے میڈیکل ایمرجنسی ڈیکلیئر کرنے پر ٹریفک کنٹرولر نے انسانی ہمدردی کی بنیاد پر کراچی ائیر پورٹ پر لینڈنگ کی اجازت دی، طیارے نے رات 12بجے جناح انٹرنیشنل ائیرپورٹ پر لینڈ کیا، مریض کے لیے ہنگامی بنیادوں پر ایمبولینس اور ڈاکٹر فراہم کیا گیا۔

سول ایوی ایشن اور وفاقی وزارت صحت کے ڈاکٹرز نے مسافر کو چیک کیا لیکن 60 سالہ مسافر عبداللہ لینڈنگ سے قبل ہی انتقال کر چکا تھا جس کے بعد مسافر کا ڈیتھ سرٹیفکیٹ جاری کردیا گیا۔

اس تمام مرحلےکےدوران بھارتی ائیرلائن انڈیگوکا ائیربس A320-271N طیارہ لگ بھگ 4 گھنٹے تک کراچی کےجناح انٹرنیشنل ایئرپورٹ پر موجود رہا،صبح 4:06 بجے طیارہ اپنی منزل دوحا کی بجائےدہلی کےلیےروانہ ہوا اور مقامی وقت کے مطابق صبح 6 بجے اندرا گاندھی انٹرنیشنل ائیرپورٹ دہلی پر لینڈ ہوا۔

ایوی ایشن ذرائع کے مطابق میڈیکل ایمرجنسی اور مسافر کے انتقال کی وجہ سے طیارے نے اپنا اگلا سفر ملتوی کیا اور میت کو لواحقین کے حوالے کرنے کے لیے پائلٹ کو طیارہ واپس دہلی لے جانا پڑا۔

کراچی ائیرپورٹ پر ہنگامی لینڈنگ کرنے والے غیر ملکی ائیرلائن کے طیارے کو نقص دور کرکے دبئی روانہ کردیا گیا،فنی خرابی کا شکار طیارہ 52 گھنٹے کراچی ائیرپورٹ پر موجود رہا۔

باغی ٹی وی : ایوی ایشن ذرائع کے مطابق فلائی دبئی کی پرواز ایف زیڈ 334 جناح ائیرپورٹ سے 10 مارچ کی صبح 10:07 بجے دبئی کیلئے روانہ ہوئی تو اڑان کے چند سیکنڈ بعد ہی طیارے کے ایک انجن سے شدید غڑغڑاہٹ کی آوازیں آنے پر پائلٹ نے ائیر ٹریفک کنٹرول کو ہنگامی صورتحال سے آگاہ کیا۔

وفاقی حکومت نے توشہ خانہ کا 2002 سے 2023 کا ریکارڈ پبلک کر دیا

ائیر ٹریفک کنٹرول کی ہدایت پر روانگی کے ٹھیک 11 منٹ بعد پائلٹ نے طیارے کو جناح انٹرنیشنل ائیرپورٹ کراچی پر 10:18 بجے بحفاظت اتار لیا تھا۔ جہاز میں سوار تمام 168 مسافر محفوظ رہے جنہیں 9 گھنٹے بعد متبادل پرواز سے منزل کی جانب روانہ کیا گیا تھا۔

ایوی ایشن حکام کے مطابق بوئنگ 737 طیارے کے انجن کے پنکھے کے تین بلیڈ ٹیڑھے ہوگئے تھے جن کی مرمت کا کام گزشتہ روز مکمل کرلیا گیا تھا۔

پاکستان مخالف بیانیہ؛ میجر (ر) عادل راجہ کی پنشن مکمل طور پر روک دی گئی

رجسٹریشن OK-TVX کا حامل 17 سال پرانا یہ طیارہ پرواز ایف زیڈ 8088 کے طور پر اتوار کی دوپہر 2:08 بجے کراچی سے دبئی کیلئے روانہ ہوگیا۔

پاکستان نیشنل برج ٹرائلز میں مقابلہ کرنے والی ٹیموں کے نام سامنے آ گئے-

باغی ٹی وی:پاکستان برج فیڈریشن کے زیر اہتمام پاکستان نیشنل برج کے ٹرائلز کا آغاز 14 مارچ سے کراچی جمخانہ میں ہو رہا ہے۔ پاکستان برج فیڈریشن کے اس ٹرائل میں 2 ٹیموں کا انتخاب ہو گا جو رواں برس ماہ مئی میں لاہور میں ہونے والے مقابلوں میں شرکت کریں گی ۔

پی ٹی آئی ورکر ظل شاہ کی ہلاکت سے متعلق سوال پر یاسمین راشد گڑبڑا …

پی سی ہوٹل لاہور میں 5 سے 13 مئی تک برج فیڈریشن آف ایشیا اینڈ مڈل ایسٹ چیمپئن شپ کا انعقاد ہو گا جس میں پاکستان ، بنگلہ دیش ، بھارت، متحدہ عرب امارات، اردن، فلسطین ، شام ، کویت ، سری لنکا اور سعودی عرب کی ٹیمیں شرکت کریں گی ۔ لاہور میں منعقدہ چیمپئن شپ میں جو ٹیم کوالیفائی کرے گی وہ رواں برس ورلڈ چیمپین شپ کے لئے مراکش جائے گی

کراچی جم خانہ میں پاکستان نیشنل برج کے ٹرائلز کا آغاز 14 مارچ سے 21 مارچ تک جاری رہے گا ۔ٹرائلز کو ضیا محمود اوپن ٹیم ٹرافی پاکستان نیشنل برج ٹرائلز کا نام دیا گیا ہے-

کندھ کوٹ:ڈاکوؤں کا پولیس چیک پوسٹ پردھاوا،2 اہلکار اغواء

ٹرائلز میں دو ٹیموں کا انتخاب کیا جائے گا۔ ٹرائلز میں کل آٹھ جن میں سے دو لیڈیز، چار سینئرز، اور دو مکسڈ ٹیمیں حصہ لیں گی ان میں سے دو ٹیموں کو برج فیڈریشن آف ایشیا اینڈ مڈل ایسٹ کے مقابلے کے لیے منتخب کیا جائے گا۔

پاکستان برج فیڈریشن کے سیکرٹری احسان قادر کی جانب سے جاری اعلامیہ کے مطابق ٹرائلز کے چیف ڈائریکٹر وہ خود ہوں گے اور انکی معاونت وجاہت سوری کریں گے۔ سینئر صحافی و اینکر پرسن ، پاکستان برج فیڈریشن کے صدر مبشر لقمان ٹرائلز کی افتتاحی تقریب میں شرکت کریں گے۔

ٹرائلز میں شرکت کرنیوالی ٹیموں میں اوپن میں سپیل، تحسین، گلزار بلال، کامران، سعید اختر،اسلام آباد، پوریس، اصغر عباس اور میران شامل ہیں۔ سینئرز میں مائنڈ سپورٹس، سعید اختر، جنجوعہ اور کامران شامل ہیں۔ خواتین میں فاطمہ اور سمیرہ شامل ہیں ۔مکسڈ میں سپیڈ اور سمیرا شامل ہیں-

چوٹی زیریں: ڈی جی کینال ٹریکٹر ٹرالی سانحہ، 10 افراد کی اجتماعی نماز …

کراچی: نیو گوادر ائیر پورٹ کا افتتاح ممکنہ طور پر 23 مارچ کو کیا جائے گا-

باغی ٹی وی: ذرائع کے مطابق گوادر کے نئے ہوائی اڈے کا افتتاح ممکنہ طورپر23مارچ کو کیا جارہا ہےسول ایوی ایشن اتھارٹی نے فضائی آپریشن سے قبل نیو گوادر ایئرپورٹ کی سیفٹی چیکس کا مرحلہ مکمل کرلیا ہے-

گمراہ عناصر بلوچستان کےعوام اورمسلح افواج کےعزم کومتزلزل نہیں کرسکتے،آرمی چیف

ذرائع کے مطابق گوادر کے نئے بین الاقوامی معیار کے ہوائی اڈے کی تعمیر کے بعد فضائی آپریشن کے تناظر میں سی اے اے کی جانب سے حتمی سیفٹی چیکس شروع کیے –

ذرائع کے مطابق سیفٹی چیکنگ کے دوران گوادر انٹرنیشنل ائرپورٹ کے رن وے، ائیرسائیڈ، ٹرمینل بلڈنگ سمیت دیگر کے سیفٹی چیکس کے مرحلے طے کیے گئے،گوادرانٹرنیشنل ائرپورٹ حکومت جلد فضائی آپریشن بحالی کا ارادہ رکھتی ہے-

عمران خان کی تقاریرنشر کرنے پر پابندی کیخلاف اپیل پر فیصلہ محفوظ

فضائی آپریشن سے قبل عالمی سول ایوی ایشن کے معیار کو مدنظر رکھ سی اے اے کے متعلقہ شعبے کی ٹیم فائنل چیک کے پروسیجر کو مکمل کرتی ہے۔

سندھ ہائیکورٹ نے 9 حلقوں پر ضمنی الیکشن کے نوٹیفکیشن پر عملدرآمد روک دیا

کراچی: سندھ ہائیکورٹ نے صوبے میں 16 مارچ کو 9 حلقوں پر ضمنی الیکشن کے نوٹیفکیشن پر عملدرآمد روک دیا۔

باغی ٹی وی : اسلام آباد، لاہور، پشاور اور بلوچستان کے بعد سندھ ہائیکورٹ سے بھی پی ٹی آئی کو ریلیف مل گیا چیف جسٹس سندھ ہائیکورٹ جسٹس احمد علی شیخ کی سربراہی میں دو رکنی بینچ کے روبرو پی ٹی آئی کے 9 رکن قومی اسمبلی کے استعفوں کی منظوری کیخلاف اور ضمنی انتخابات رکوانے سے متعلق درخواستوں کی سماعت ہوئی۔

سندھ ہائیکورٹ میں پی ٹی آئی کے 9 ارکان قومی اسمبلی کے استعفوں کی منظوری کے خلاف درخواستوں پر سماعت ہوئی جس دوران دلائل دیتے ہوئے وکیل نے کہا کہ لاہور، پشاور، اسلام آباد اوربلوچستان میں بھی ایسی ہی درخواستوں پرحکم امتناع مل چکا ہے۔اس دوران آزاد امیدوارقیس منصور شیخ نے فریق بننے کی درخواست کی جس پر عدالت نے نوٹس جاری کردیئے۔

بعد ازاں عدالت نے سندھ میں 16 مارچ کو 9حلقوں پر ضمنی الیکشن کےنوٹی فکیشن پر عملدرآمد روک دیا اور سماعت 25 مارچ تک ملتوی کردی۔درخواست تحریک انصاف کے 9 رکن قومی اسمبلی کی جانب سے دائر کی گئی تھی۔

سماعت کے بعد پی ٹی آئی سندھ کے صدر و سابق وفاقی وزیر علی زیدی نے کہا کہ 11 اپریل کو استعفے دیئے۔ 17 جنوری کو اسپیکر سے استعفے منظور کئے۔ اسپیکر نے اپنی حلف برداری سے قبل کے استعفے منظور کئے۔ اپوزیشن لیڈر کی باری آئی تو استعفے ممظور کرلئے۔ پارٹی نے حکومت پر زور دینے کے لئے استعفی دیئے لاہور، اسلام آباد سمیت دیگر ہائیکورٹس نے حکم امتناع دیا۔ اب سندھ ہائیکورٹ نے بھی حکم امتناع جاری کردیا ہے۔ان کا کہنا تھا کہ ملک کے فیصلے انا کی بنیاد ہر نہیں ہوتے۔ انا پر فیصلے کرنے والے ملک کو ڈبو رہے ہیں۔ جن کو را کا ایجنٹ بتاتے تھے آج گلے میں ہاتھ ڈال کر گھوم رہے ہیں۔ ہم ایم کیو این کے ساتھ الیکشن میں اتحاد میں نہیں تھے۔ الیکشن کے بعد حکومت میں شامل ہوئے۔ ہم نے کسی کے کیسز ختم نہیں کئےعمران خان پر مقدمات کی سینچری ہونے والی ہے-