Tag: کراچی

پاکستان اسٹاک ایکسچینج (پی ایس ایکس) میں کاروباری ہفتے کے دوسرے روز بھی تیزی کا رجحان جاری ہے۔

ذرائع کے مطابق پاکستان اسٹاک ایکسچینج میں 100انڈیکس میں 600 پوائنٹس سے زائد اضافہ ہوا جس کے بعد 100 انڈیکس ایک لاکھ 42 ہزار 430 کی ریکارڈ سطح پر پہنچ گیا ہےاب تک کے کاروبار کے دوران 100 انڈیکس ایک لاکھ 42 ہزار 721 کی بلند ترین سطح پر بھی پہنچا۔

واضح رہے گزشتہ روز بھی پاکستان اسٹاک ایکسچینج (پی ایس ایکس) میں زبردست تیزی دیکھی گئی تھی، جہاں کے ایس ای-100 انڈیکس میں 900 پوائنٹس سے زائد اضافہ ریکارڈ کیا گیا تھاکاروبار کے ابتدائی اوقات میں انڈیکس 864.92 پوائنٹس اضافے کے ساتھ 1 لاکھ 41 ہزار 899.90 کی سطح پر پہنچا تھا، جو 0.61 فیصد کا نمایاں اضافہ تھاگزشتہ روز کاروبار کے اختتام پر 100 انڈیکس ایک لاکھ 42 ہزار 52 پوائنٹس کی بلندی پر بند ہوا تھا۔

کراچی میں واقع امریکی قونصل خانہ کو شہر کے اعلیٰ درجے کے ہوٹلوں کو ہدف بنانے کے خطرے کی اطلاع ملی ہے۔

امریکی محکمہ خارجہ نے کہا ہے کہ امریکی حکومت کے اہلکاروں کے لیے کراچی کے اعلیٰ درجے کے ہوٹلوں کے دوروں پر عارضی طور پر پابندی عائد کر دی گئی ہے، کیوں کہ انہیں خطرے کی اطلاع موصول ہوئی ہے۔

’روئٹرز‘ کی رپورٹ کے مطابق سیکیورٹی الرٹ میں کہا گیا ہے کہ کراچی میں واقع امریکی قونصل خانہ کو شہر کے اعلیٰ درجے کے ہوٹلوں کو ہدف بنانے کے خطرے کی اطلاع ملی ہے کراچی میں امریکی قونصل خانے نے سرکاری امریکی عملے کے ان ہوٹلوں کے دوروں پر عارضی طور پر پابندی لگا دی ہے، وہ بعض اوقات بیرونی ممالک کے مخصوص علاقوں، جیسے کہ سیاحتی مقامات، ہوٹلوں، بازاروں، شاپنگ مالز اور ریستورانوں کو سرکاری امریکی اہلکاروں کے لیے خطرات کی بنیاد پر ممنوع قرار دے دیتا ہے۔

لکی مروت:مارٹر گولا پھٹنے سے پانچ بچے جاں بحق،11 شدید زخمی،حالت تشویش ناک

سیکیورٹی الرٹ میں امریکی حکام کو ان علاقوں اور ہجوم سے دور رہنے، کم پروفائل رکھنے اور ان جگہوں پر چوکنا رہنے کی ہدایت کی گئی ہے جو سیاحوں اور مغربی ممالک کے شہریوں میں مقبول ہیں،محکمہ خارجہ نے اس وقت پاکستان کے لیے سفری ہدایت نامہ جاری کر رکھا ہے، جس میں امریکی شہریوں کو خبردار کیا گیا ہے کہ وہ دہشت گردی اور ممکنہ مسلح تصادم کے خطرے کے پیش نظر پاکستان کا سفر کرنے سے گریز کریں۔

بھارت کو ایشیائی کھیلوں کی سیاست میں بڑا دھچکہ، پاکستان کی سفارتی فتح

کراچی:سندھ رینجرز اور پولیس نے مشترکہ آپریشن کے دوران علیحدگی پسند کالعدم جماعت سے تعلق رکھنے والے 2ملزمان کو گرفتار کر لیا گیا۔

تفصیلات کے مطابق سندھ رینجرز اور سندھ پولیس کی جانب سے خفیہ معلومات کی بنیاد پر بن قاسم تھانے کے علاقے میں مشترکہ آپریشن کیا گیا، آپریشن علیحدگی پسند کالعدم جماعت سے تعلق رکھنے والے شرپسند ملزم عطاء اللہ شر کی موجودگی کی اطلاع پر عمل میں لایا گیا۔

آپریشن کے نتیجے میں علیحدگی پسند کالعدم جماعت سے تعلق رکھنے والے 2ملزمان زاہد علی مگسی اور عبدالغفور کو گرفتار کر لیا گرفتار ملزمان کے قبضے سے ایک موبائل فون برآمد کر لیا گیا گرفتار ملزمان 27 اپریل اور 22 جون 2025 کو دوران احتجاج سرکاری املاک اور گاڑیوں کو نقصان پہنچانے میں ملوث ہیں۔

شیخ حسینہ نےعوامی مظاہروں کے دوران براہ راست فائرنگ کی اجازت دی،تحقیقاتی رپورٹ میں تہلکہ خیز انکشافات

ترجمان کے مطابق ملزمان 27اپریل اور 22 جون 2025 کو احتجاج کے دوران کاٹھور لنک روڈ پرپولیس کی گاڑی کو آگ لگانے میں ملوث ہیں۔ ملزمان کے مزید 6ساتھی قانون نافذ کرنے والے اداروں کے ہاتھوں پہلے ہی گرفتار ہو چکے ہیں،گرفتار ملزمان کو مع برآمد شدہ سامان مزید قانونی کاروائی کے لیے پولیس کے حوالے کر دیا گیا ہے۔

جنگ میں ناکامی کے بعد بھارتی فوج میں نئی بریگیڈ کی تشکیل

کراچی:سندھ کے سینئر وزیر شرجیل انعام میمن نے کہا ہے کہ سرمایہ کاری کے فروغ کے لیے اسپیشل اکنامک زونز قائم کیے ہیں،یلو لائن بی آر ٹی کراچی کا ایک اسٹریٹیجک اور وژنری منصوبہ ہے جس کا مقصد عوام کو تیز، سستی اور محفوظ سفری سہولت دینا ہے۔

عالمی بینک کے اعلیٰ سطحی وفد نے یلو لائن بی آر ٹی منصوبے کے سائٹ آفس اور جام صادق پل کے قریب جاری تعمیراتی کام کا دورہ کیا، اس موقع پر شرجیل میمن نے وفد کو یلو لائن بی آر ٹی کے حوالے سے تفصیلی بریفنگ دی شرجیل انعام میمن نےکہا کہ یہ منصوبہ شاہراہِ نورجہاں سے کورنگی انڈسٹریل ایریا اور لانڈھی تک محیط ہوگا جس سے روزانہ لاکھوں افراد مستفید ہوں گے یلو لائن نہ صرف شہریوں کی نقل و حرکت کو بہتر بنائے گی بلکہ معاشی سرگرمیوں کو بھی فروغ دے گی، ہم چاہتے ہیں کہ منصوبہ عالمی معیار کے مطابق مکمل ہو، اس میں سہولتوں کو عالمی شہروں جیسا بنایا جا رہا ہے۔

مون سون بارشوں کا نیا اسپیل کل سے شروع ہو گا

شرجیل انعام میمن نے کہا کہ ہم چاہتے ہیں کہ یلو لائن بی آر ٹی میں صرف الیکٹرک بسیں چلیں تاکہ یہ منصوبہ مکمل طور پر ماحول دوست ہو، ہم نے پاکستان میں پہلی بار ای وی بسیں اور خواتین کے لیے پنک بس سروس متعارف کروائیں جو اب کامیابی سے چل رہی ہیں، ای وی بسوں سے ماحولیاتی آلودگی میں کمی آئے گی، فیول اخراجات میں بھی خاطر خواہ بچت ہوگی،ہم خواتین کو بااختیار بنانے کے لیے ای وی اسکوٹر اسکیم لا رہے ہیں، اب تک 8 ہزار سے زائد خواتین نے درخواست دی ہے، ایک فوڈ چین کمپنی بھی تربیت میں ہمارے ساتھ کام کر رہی ہے تاکہ خواتین کو مکمل طور پر تیار کیا جائےیہ صرف ٹرانسپورٹ نہیں، یہ سماجی انقلاب کی بنیاد ہے۔

ہم افغانستان کےخیرخواہ ہیں، ان کی ترقی اورخوشحالی چاہتے ہیں، اسحاق ڈار

شرجیل میمن نے کہا کہ کراچی سرکلر ریلوے اور کراچی تا سکھر ہائی اسپیڈ ریل منصوبے پر بھی کام جاری ہے، سرمایہ کاری کے فروغ کے لیے ہم نے اسپیشل اکنامک زونز قائم کیے ہیں جہاں سرمایہ کاروں کو دس سال تک ٹیکس چھوٹ دی گئی ہے، ڈالر کی قدر میں اضافے کی وجہ سے تعمیراتی لاگت میں فرق ضرور آیا ہے، لیکن حکومت اس چیلنج سے نمٹنے کے لیے پرعزم ہے۔

پاکستان نے بھارت کے 7 طیارے گرائے، انیل چوہان کا اعتراف

کراچی میں قائد آباد کے علاقے میں پیش آنے والے افسوسناک ٹریفک حادثے میں 5 سالہ بچہ جاں بحق جبکہ خواتین اور بچوں سمیت 8 افراد زخمی ہو گئے۔

قائد آباد میں ایک تیز رفتار کار بےقابو ہو کر سڑک کنارے موجود راہگیروں پر چڑھ دوڑی، جس کے نتیجے میں کار سوار افراد سمیت کل 8 افراد زخمی ہو گئے۔ریسکیو ذرائع کا کہنا ہے کہ زخمیوں میں خواتین اور بچے بھی شامل ہیں، جنہیں فوری طور پر طبی امداد کے لیے جناح اسپتال منتقل کیا گیا۔ریسکیو حکام کے مطابق زخمیوں میں شامل 5 سالہ بچہ عقیل دوران علاج زخموں کی تاب نہ لاتے ہوئے جاں بحق ہو گیا۔

عینی شاہدین کے مطابق کار ڈرائیور سڑک عبور کرنے والے ایک شخص کو بچانے کی کوشش کر رہا تھا کہ اسی دوران گاڑی بے قابو ہو کر راہگیروں پر چڑھ گئی۔پولیس نے حادثے کی تحقیقات شروع کر دی ہیں اور ڈرائیور سے واقعے کی تفصیلات حاصل کی جا رہی ہیں۔

ایشیا کپ ہاکی: سیکیورٹی خدشات کے باعث پاکستان کا بھارت نہ جانے کا فیصلہ

خاتون و مرد قتل کیس میں قبائلی سردار دو روزہ ریمانڈ پر پولیس کے حوالے

اسلام آباد میں موسلادھار بارش، گاڑیاں سیلابی ریلے میں بہہ گئیں

کراچی کے علاقے موچکو میں 17 جولائی کو کاؤنٹر ٹیررازم ڈیپارٹمنٹ (سی ٹی ڈی) اور حساس اداروں کی مشترکہ کارروائی میں دو خطرناک دہشتگرد ہلاک کر دیے گئے۔ کارروائی کے دوران خودکش جیکٹ، اسلحہ اور دیگر دھماکہ خیز مواد بھی برآمد کر لیا گیا۔

تفصیلات کے مطابق ہلاک دہشتگردوں میں سے ایک کی شناخت طاہر کے نام سے ہوئی ہے، جو بم اور خودکش جیکٹ تیار کرنے کا تربیت یافتہ ماہر تھا۔ سی ٹی ڈی حکام کے مطابق طاہر خیبرپختونخوا میں متعدد دہشتگرد کارروائیوں میں ملوث رہا ہے اور اس کی گرفتاری پر کے پی حکومت کی جانب سے 20 لاکھ روپے انعام بھی مقرر کیا گیا تھا۔ طاہر کا تعلق کالعدم تنظیم فتنہ الخوارج سے بتایا گیا ہے۔سی ٹی ڈی انچارج کے مطابق دوسرے ہلاک ہونے والے دہشتگرد کا نام کاشف ہے، جس کے بارے میں معلومات حاصل کرتے ہوئے حیران کن انکشاف ہوا کہ وہ پہلے ہی افغانستان میں ہلاک ہو چکا ہے، تاہم اس کا قومی شناختی کارڈ پاکستان میں اب بھی استعمال کیا جا رہا تھا۔

سی ٹی ڈی حکام نے کاشف کی فیملی سے رابطہ کیا تو انہوں نے تصدیق کی کہ وہ بھی فتنہ الخوارج کا رکن تھا اور اس کی تدفین افغانستان میں کی گئی تھی۔ اس کے شناختی کارڈ کے پاکستان میں استعمال کی تحقیقات جاری ہیں، اور اس کی مکمل شناخت کے لیے دیگر صوبوں سے بھی مدد طلب کی گئی ہے۔ترجمان سی ٹی ڈی کا کہنا ہے کہ کارروائی انٹیلیجنس معلومات کی بنیاد پر کی گئی، جس میں دہشتگردوں کے ایک ٹھکانے کو نشانہ بنایا گیا۔ کارروائی کے دوران دہشتگردوں کی فائرنگ کا بھرپور جواب دیا گیا جس کے نتیجے میں دونوں مارے گئے۔ جائے وقوعہ سے ایک خودکش جیکٹ، دستی بم، خودساختہ دھماکہ خیز مواد اور جدید اسلحہ بھی برآمد ہوا۔

تجزیہ کاروں کے مطابق کراچی میں دہشتگردی کی روک تھام کے لیے یہ کارروائی اہم پیش رفت قرار دی جا رہی ہے، جب کہ سی ٹی ڈی اور حساس ادارے دیگر ممکنہ سہولت کاروں کی گرفتاری کے لیے مزید چھاپے بھی جاری رکھے ہوئے ہیں۔

آر ایس ایس سے منسلک کانوریوں کا بھارتی فوجی پر بہیمانہ تشدد، مودی حکومت خاموش

بلوچستان میں پسند کی شادی کرنے والے جوڑے کا سفاکانہ قتل، ویڈیو وائرل