Tag: کراچی

سال 2022 میں اسپیشل سیکیورٹی یونٹ کی کارکردگی رپورٹ

سال2022 میں سیکیورٹی اینڈ ایمرجنسی سروسز ڈویژن کے ماتحت اسپیشل سیکیورٹی یونٹ نے متعدد سنگ میل عبور کیے۔ ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد اور ان کے ماتحت افسران نے امن و امان کے نفاذ اور عوام کی خدمت کے لیے کوئی کسر نہیں چھوڑی۔سال 2022 میں اسپیشل سیکیورٹی یونٹ کی جانب سے اٹھائے گئے اقدامات کی کارکردگی رپورٹ جاری کی گئی ہے

ایس ایس یوکی جانب سے کیے گئے کامیاب آپریشنز

سال 2022 کے دوران اسپیشل سیکیورٹی یونٹ نے دیگر قانون نافذ کرنے والے اداروں کے ہمراہ چھاپہ مارکاروائیوں میں 23 ملزمان کو گرفتار کیااور ان کے قبضے سے 47 موبائل فونز، 07 لیپ ٹاپ، 03 ڈی وی آر، مصنوعی زیورات سے لدے09 ٹرک، موٹر سائیکلیں اور دیگر قیمتی سامان برآمد کیا۔اس کے علاوہ خفیہ اطلاع پر ایس ایس یو کمانڈوز نے میمن گوٹھ میں جوئے کے اڈے پر کامیاب چھاپہ مارا، جس کے نتیجے میں 105 ملزمان کو گرفتار کرکے 22 موٹر سائیکلیں اور دیگر جوئے کا سامان برآمد کیاگیا۔

آئیڈیاز 2022 میں پہلی بار شرکت؛ بہترین اسٹال کا ایوارڈ جیتا

سیکیورٹی اینڈ ایمرجنسی سروسز ڈویژن کے اسپیشل سیکیورٹی یونٹ نے سندھ پولیس کی جانب سے کراچی ایکسپو سینٹر میں 15سے 18 نومبر 2022 تک منعقد ہونے والے بین الاقوامی دفاعی نمائش اور سیمینار (آئیڈیاز) 2022 کے 11ویں ایڈیشن میں شرکت کی۔ بین الاقوامی نمائشی تقریب میں سندھ پولیس کی یہ پہلی شرکت تھی۔ ایس ایس یو کے ڈسپلے نے ایونٹ میں بہترین اسٹال کا ایوارڈ جیتا۔

یوم پاکستان پریڈ اور ڈائمنڈ جوبلی کی تقریبات میں شرکت

اسپیشل سیکیورٹی یونٹ (SSU) کے خصوصی دستوں نے 23 مارچ 2022 کو 82 ویں یوم پاکستان پریڈ اور اسلام آباد میں یوم آزادی کی ڈائمنڈ جوبلی کی تقریب میں شرکت کی۔ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے انتظامات اور اہلکاروں کی تیاریوں کا جائزہ لینے کے لیے پریڈ گراؤنڈ اسلام آباد کا دورہ بھی کیا۔

کرکٹ میچوں کے دوران فول پروف اور موثر حفاظتی انتظامات

سیکیورٹی اینڈ ایمرجنسی سروسز ڈویژن کے تحت اسپیشل سیکیورٹی یونٹ (SSU) نے کرکٹ کے متعدد مقابلوں کے دوران فول پروف سیکیورٹی انتظامات فراہم کیے اوران کاپرامن انعقاد یقینی بنایا۔آسٹریلیا اور انگلینڈ کی کرکٹ ٹیموں کا ایک دہائی کے بعد پاکستان کا دورہ کامیابی سے مکمل ہوا۔

فلڈ ریلیف آپریشن

آئی جی سندھ غلام نبی میمن کی ہدایت پر ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد کو فلڈ ریلیف آپریشنز کا فوکل پرسن مقرر کیا گیا۔ایس ایس یو ہیڈ کوارٹرز میں فلڈ کرائسز مینجمنٹ سینٹر قائم کیا گیاجو چوبیس گھنٹے فعال رہا۔فلڈ ریلیف کیمپوں کا قیام، سیلاب سے متاثرہ علاقوں میں راشن کی تقسیم، دادو اور کنڈیارو میں مفت گرینڈ میڈیکل کیمپس، فلاحی تنظیموں کو رضاکار اور سیکیورٹی کی فراہمی، سیلاب متاثرین کے لیے رہائشی کیمپوں میں ناشتے کی تقسیم، سیلاب متاثرین کو اسٹیڈیم لانے اور سیلاب متاثرین کی ان کے گھروں کو محفوظ واپسی ریلیف آپریشن کے قابل ذکر اقدامات تھے۔

شوٹنگ مقابلوں میں شاندار کارکردگی

ایس ایس یو کمانڈوز نے پاکستان نیوی شوٹنگ رینج، پی این ایس بہادر، کراچی میں منعقدہ شوٹنگ مقابلے کی مختلف کیٹیگریز میں 04 سونے، 07چاندی اور 05 کانسی کے تمغے حاصل کیے اور شاندار کارکردگی کا مظاہرہ کرتے ہوئے ایس ایس یو اور سندھ پولیس کا نام روشن کیا۔اسپیشل سیکورٹی یونٹ کے کمانڈوز نے اسلام آباد میں چوتھے پولیس شہداء میموریل شوٹنگ مقابلے میں 08 میڈلز حاصل کئے۔سیکورٹی ڈویژن ہیڈ کوارٹرز میں یوم آزادی کی ڈائمنڈ جوبلی تقریبات کے موقع پر منعقدہ یوم آزادی شوٹنگ مقابلے میں بھی SSU کمانڈوز نے نمایاں پوزیشن حاصل کیں۔

ایس ایس یوکمانڈوز کی کرائم ہاٹ سپاٹ پر تعیناتی

کراچی میں بڑھتے ہوئے اسٹریٹ کرائم کی وارداتوں کے پیش نظر وزیراعلیٰ سندھ سید مراد علی شاہ اور اس وقت کے ایڈیشنل آئی جی کراچی غلام نبی میمن کی ہدایات پر بڑی تعداد میں ایس ایس یو کمانڈوز بمعہ موٹرسائیکل اسکواڈز کوشہر کے مختلف کرائم ہاٹ اسپاٹ اور حساس مقامات پر تعینات کیا گیا۔ شہریوں کے جان و مال کے تحفظ کے لیے کراچی کے تمام اضلاع میں اسپیشل سیکیورٹی یونٹ کے کمانڈوز تعینات کیے گئے۔

ڈی آئی جی ڈاکٹر مقصود احمد کا کوریا اور دبئی کی نمائشوں میں شرکت

ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے GITEX (گلف انفارمیشن ٹیکنالوجی نمائش)کی سالانہ نمائش میں شرکت کی۔ نمائش دبئی ورلڈ ٹریڈ سینٹر، دبئی، متحدہ عرب امارات میں منعقد ہوئی۔ ڈاکٹر مقصود احمد نے دبئی پولیس جنرل ہیڈ کوارٹرز کا بھی دورہ کیا اور سمارٹ سیف سٹی کمانڈ اینڈ کنٹرول سینٹر کا مشاہدہ کیا۔ دبئی پولیس کے جنرل ڈپارٹمنٹ آف آپریشنز کے ڈائریکٹر میجر جنرل ڈاکٹر محمد الرزوقی نے ڈاکٹر مقصود احمد کو دبئی میں آرٹیفیشل انٹیلی جنس سیکیورٹی پروٹوکول کے بارے میں بتایا جو انسانی مداخلت کے بغیر ایک مربوط سیکیورٹی نظام کے طور پر کام کرتے ہیں۔ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد کو کوریا پولیس ورلڈ ایکسپو 2022 میں شرکت کے لیے مدعو کیا گیا تھا جسےK-COPبھی کہا جاتا ہے جس کی میزبانی کورین نیشنل پولیس ایجنسی اور انچیون میٹروپولیٹن سٹی نے جنوبی کوریا کے شہر انچیون میں 77ویں پولیس کے قومی دن پر کی تھی۔ جنوبی کوریا کے صدریون سک ویول ایکسپو کے مہمان خصوصی تھے۔

ایس ایس یو S.W.A.T ٹیم کی یو اے ای S.W.A.T چیلنج میں شرکت

اسپیشل سیکیورٹی یونٹ کی اسپیشل ویپنز اینڈ ٹیکٹکس (S.W.A.T) ٹیم نے دبئی پولیس کی جانب سے الروایہ رینج میں یواے ای S.W.A.T چیلنج 2022 کے بین الاقوامی ایڈیشن میں شرکت کی اور اپنی پیشہ ورانہ مہارتوں کا مظاہرہ کیا۔ایس ایس یوہیڈکوارٹرزمیں یوم شہدائے پولیس منایا گیا4 اگست یوم شہدائے پولیس کے موقع پر ایس ایس یو کمانڈوز کے خصوصی دستے نے پولیس کے شہداء کو گارڈ آف آنر پیش کیا۔ ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے سینئر افسران کے ہمراہ یادگار شہدا پر پھولوں کی چادر چڑھائی اورفاتحہ خوانی کی۔

ڈی آئی جی ڈاکٹر مقصود احمد کی جانب سے افطار ڈنر کا اہتمام

ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے ایس ایس یو ہیڈ کوارٹرز میں سیکیورٹی ڈویژن کے شہید پولیس اہلکاروں کے اہل خانہ کے لیے افطار ڈنر کا اہتمام کیا۔

ڈی آئی جی سیکیورٹی ڈاکٹر مقصود احمد کا شہداء کی رہائش گاہوں کا دورہ

ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے شہید ایس ایس یو کمانڈوز فرح مسرت اور زاہد جعفری کے اہل خانہ میں عید کے تحائف تقسیم کرنے کے لیے ان کی رہائش گاہوں کا دورہ کیا۔

میرٹ پر مبنی بھرتی کا عمل

اسپیشل سیکیورٹی یونٹ (SSU) میں کلاس IV عملے BS-01)سے(BS-04کی آسامیوں کے لیے میرٹ کی بنیاد پر بھرتی کا عمل کامیابی سے انجام پایا۔ ڈی آئی جی سیکیورٹی ڈاکٹر مقصود احمد نے کامیاب ہونے والے امیدواروں میں تقرری کے احکامات تقسیم کئے۔مزید برآں، کراچی رینج میں بھرتی کا عمل اسپیشل سیکیورٹی یونٹ ہیڈ کوارٹرز میں مکمل کیا گیا جس میں کراچی رینج میں اعلان کردہ 165 مختلف آسامیوں کے لیے 2400 امیدواروں نے درخواستیں دی تھیں۔

مذہبی اجتماعات کے دوران حفاظتی انتظامات

ایس ایس یو کمانڈوز کی بڑی تعداد نے یوم عاشور، شہدائے کربلا کے چہلم، یوم علی، عید میلاد النبیﷺ، عیدالفطر اور دیگر مذہبی تقریبات کے موقع پر سیکیورٹی کے فرائض سرانجام دیئے۔اس کے علاوہ ایس ایس یو کی جانب سے کراچی میں محرم الحرام کے مرکزی جلوس میں اینٹی ڈرون جیمر کی جدید ترین ٹیکنالوجی بھی استعمال کی گئی۔

کرمنل سائیکولوجی کے بارے میں آگاہی کے حوالے سے ویبنارکا انعقاد

انٹرنیشنل پولیس آرگنائزیشن پاکستان کے صدر ڈی آئی جی سیکیورٹی ڈاکٹر مقصود احمد نے پاکستان کے آئی پی او ممبران کے ساتھ ایس ایس یو کانفرنس ہال میں ایک ویبنار میں شرکت کی جس میں کرمنل سائیکولوجی کا مطالعہ کیا گیا جس کا مقصد مجرموں کے نظریات، خیالات، ارادوں، ردعمل اور مجرمانہ رویے کو بہترطورپر سمجھنے کے لیے آگاہی فراہم کرنا تھا۔

وفود کا ایس ایس یوہیڈکوارٹرزکادورہ
چین کے قونصل جنرل، چینی پولیس کے 11 رکنی وفد، صدر روٹری انٹرنیشنل مسٹر گورڈن آرمیکلنلی اور ان کی اہلیہ ہیتھر میکلنلی، نیشنل انسٹی ٹیوٹ آف مینجمنٹ (NIM)کراچی میں سینئر مینجمنٹ کورس (SMC) میں شرکت کرنے والے وفاقی اور صوبائی حکومتوں کے 35 افسران، کراچی میں 32ویں سینئر مینجمنٹ کورس (SMC) میں زیرتربیت وفاقی اور صوبائی حکومتوں کے گریڈ 19 کے (39) سینئر افسران، ایڈیشنل آئی جی کراچی جاوید عالم اوڈھو، 34ویں مڈکیریئرمینجمنٹ کورس کے زیر تربیت پاکستان کسٹمز اکیڈمی کے افسران، 49ویں اسپیشلائزڈ ٹریننگ پروگرام کے زیر تربیت ASPs اور دیگر مختلف وفود نے سال 2022 کے دوران اسپیشل سیکیورٹی یونٹ ہیڈ کوارٹرز کا دورہ کیااور یونٹ کے پیشہ وارانہ معیار کو سراہا۔

ایس ایس یوکمانڈوزکوفراہم کی گئیں پیشہ وارانہ تربیت

ماضی کی روایت کو برقرار رکھتے ہوئے اسپیشل سکیورٹی یونٹ (SSU) کی جانب سے کمانڈوز کو جدید پیشہ وارانہ تربیت فراہم کرنے کا عمل اس سال بھی جاری رہا۔ کمانڈوزنے ملک کے مختلف تربیتی مراکز سے جدید پیشہ وارانہ تربیت حاصل کی۔ کمانڈوزنے ا سپیشل سروسز گروپ (نیوی) کے اہلکاروں سے بھی08 ہفتوں کے انسداد دہشت گردی کورس کی تربیت حاصل کی۔

ایس ایس یو کمانڈوز کی جانب سے فراہم کی گئی تربیت

کراچی پورٹ ٹرسٹ (کے پی ٹی) کی 21 لیڈی سیکیورٹی گارڈز اور فیڈرل بورڈ آف ریونیو کے 54 اہلکاروں بشمول 40 مرد سپاہی اور 14 لیڈی سپاہی نے اسپیشل سیکیورٹی یونٹ سے دو ہفتوں کی ’سیکیورٹی اویئرنیس اینڈویپن سیفٹی ٹریننگ‘ کامیابی سے مکمل کی۔ SSU کے پیشہ ور اساتذہ کی ٹیم نے اہلکاروں کو تربیت دی۔

سیلف ڈیفنس اور فائر آرمز سیفٹی کورس

ایس ایس یو ہیڈ کوارٹرز میں سال بھر سیلف ڈیفنس اینڈ فائر آرمز سیفٹی کورس کا انعقاد جاری رہا جس میں مختلف سرکاری محکموں کے افسران اور تعلیمی اداروں کے طلباء نے شرکت کی اورمستفیدہوئے۔ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے ایس ایس یو افسران و اہلکاروں کی کارکردگی کو سراہا اور امید ظاہر کی کہ وہ آئندہ سال بھی اسی جوش و جذبے سے اپنی خدمات جاری رکھیں گے۔

رینجرز ہیڈکواٹرمیں ترجمان رینجرز نے صحافیوں کو سالانہ رپورٹ پربریفنگ دی ہے،

 طالب علم بلال قتل کیس کا ملزم جمعہ خان پولیس مقابلے میں ہلاک

ڈکیتی کی 120 سے زائد وارداتوں میں ملوث ملزم گرفتار

پاکستان رینجرز (سندھ)اور پولیس نے انٹیلی جنس معلومات کی بنیاد پر مشترکہ کاروائی کرتے ہوئے کراچی کے علاقے عابد آباد بلدیہ ٹاؤن سے ڈکیتی اوراسٹریٹ کرائم میں ملوث 2ملزمان علی خان اور حسین کو گر فتار کر لیا۔ ملزمان کے قبضے سے 3 عددپسٹل، ایمونیشن اور چوری شدہ موٹر سائیکل بھی برآمد کرلی گئی۔

تفصیلات کے مطابق ملزمان اپنے ساتھیوں کے ہمراہ کراچی کے مختلف علاقوں میں شہریوں سے موبائل فونز اور نقدی چھیننے کی متعدد وارداتوں میں ملوث ہیں۔ ملز م علی خان جرائم پیشہ افراد کو غیر قانونی اسلحہ فراہم کرنے اور چھینے گئے موبائل فونز اور موٹر سا ئیکلوں میں اپنا کمیشن وصول کرنے میں بھی ملوث ہے۔جبکہ ملزم حسین نے اعتراف کیا کہ وہ دوران ڈکیتی عابد وکیل نامی شہری کو گولی مارنے، نقدی، موبائل فون اور لیپ ٹاپ چھیننے میں ملوث ہے۔ ملزم نے اسٹریٹ کرائم اور ڈکیتی کی 120 سے زائد وارداتوں میں ملوث ہونے کا بھی اعتراف کیا ہے۔ ملزمان پیشہ ور ڈکیت ہیں اور متعدد بار گرفتار ہو کر جیل جا چکے ہیں۔ ملزمان کے دیگر ساتھیوں کی گرفتاری کے لیے چھاپے مارے جا رہے ہیں۔

حامد زمان کے خلاف فارن فنڈنگ کیس میں ایف آئی اے تحقیقات سے متعلق رپورٹ

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

اکبر ایس بابر سچا اور عمران خان جھوٹا ثابت ہوگیا،چوھدری شجاعت

ترجمان سندھ رینجرز کے مطابق گرفتارملزمان کوبمعہ اسلحہ، ایمونیشن اور موٹر سائیکل مزید قانونی کاروائی کے لیے پولیس کے حوالے کر دیا گیا ہے۔ عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔

کراچی:شہرقائد میں انسداد دہشت گردی کی خصوصی عدالت نے خاتون کے اغوا و قتل کے 2 مجرموں کو پھانسی کا حکم دے دیا۔ تفصیلات کے مطابق انسداد دہشتگردی کی خصوصی عدالت نے اغوا برائے قتل کا جرم ثابت ہونے پر 2 ملزمان کو 2 مرتبہ سزائے موت کا حکم دے دیا۔

کراچی؛ ڈاکوؤں نے دکاندار اور وہاں موجود دیگر لوگوں کو لوٹ لیا

کراچی سینٹرل جیل میں انسدادہشتگردی کمپلیکس میں خصوصی عدالت نمبر 16 نے اغوا برائے قتل کے مقدمے کا فیصلہ سنادیا۔ عدالت نے 2 ملزمان عباس بنگش اور محبوب اختر کو 2 مرتبہ سزائے موت کا حکم دے دیا۔

عدالت نے ملزمان کو جرم چھپانے اور جعل سازی میں مجموعی طور پر 9 سال قید کی سزا حکم دیا ہے۔ عدالت نے ملزمان کو 2 لاکھ روپے فی کس لواحقین کو دینے کا بھی حکم دیا ہے۔

پولیس کے مطابق ملزمان نے 3 اکتوبر 2020 کو بیوٹی سیلون کی مالکہ 55 سالہ عزیز اختر کو اغوا کیا۔ جعل سازی کے ذریعہ 240 گز کے پلاٹ کے کاغذات بنائے اور بعدازاں قتل کیا۔ واقعہ کا مقدمہ تھانہ اسٹیل ٹاؤن میں درج کیا گیا تھا۔

کراچی پولیس کا منشیات فروشوں کے گرد گھیرا تنگ،ملزم گرفتار

یاد رہے کہ چند دن پہلے پولیس کے ہاتھوں ایک عام شہری قتل ہوگیا تھا ،کراچی کی انسدادِ دہشت گردی کی عدالت نے گلستانِ جوہر میں فائرنگ سے شہری کی ہلاکت کے کیس میں گرفتار 3 پولیس اہلکاروں کو 5 روزہ جسمانی ریمانڈ پر پولیس کے حوالے کر دیاہے۔

سندھ، پنجاب اور بلوچستان کے سرحدی اضلاع میں سال2022 ء کے اختتام پر بھی ڈاکو راج…

کراچی کی انسدادِ دہشت گردی کی عدالت کے منتظم جج کی عدالت میں تینوں گرفتار پولیس اہلکاروں کو پیش کیا گیا۔گرفتار پولیس اہلکاروں میں شہر یار، فیصل اور ناصر شامل ہیں۔پولیس کے مطابق گرفتار تینوں پولیس اہلکاروں کے خلاف گزشتہ رات فائرنگ کر کے نوجوان عامر حسین کو قتل کرنے کا مقدمہ تھانہ شارعِ فیصل میں درج ہے

کراچی پولیس کا منشیات فروشوں کے گرد گھیرا تنگ،ملزم گرفتار
باغی ٹی وی کی رپورٹ کے مطابق شہر قائد کراچی میں جرائم پیشہ عناصر کیخلاف پولیس کی کاروائیاں جاری ہیں،

تھانہ جمشید کواٹر پولیس نے منشیات فروش ملزم کو گرفتار کرلیا۔ایس ایس پی ایسٹ کے مطابق پولیس نے دوران گشت خفیہ اطلاع پر کارواٸی کرکے ملزم کو نشتر روڈ سے گرفتار کرلیا۔ ملزم منشیات فروخت اور سپلاء کرنے میں ملوث ہے۔ گرفتار ملزم کے قبضہ سے 540 گرام منشیات چرس اور زرفروختگی برآمد کی گئی، گرفتار ملزم کی شناخت سید عامر ولد حاجی ملا فتح کے نام سے ہوئی ہے۔ ملزم کے خلاف مقدمہ الزام نمبر 703/22 بجرم دفعہ *6/9 (B) اینٹی نارکوٹکس ایکٹ کے تحت درج کرلیا گیا ہے ملزم کو مزید کارروائی کے لیے تفتیشی افسران کے حوالے کر دیا گیا ہے مزید ملزم کا سابقہ رکارڈ چیک جا رہا ہے.مزید تفتیش جاری ہے

دوسری جانب کراچی میں کالے شیشے ، ہارن ، ہوٹرز فینسی نمبرز پلیٹس کی گاڑیوں والے ہوجائیں ہوشیار ورنہ گرفتار ہوجائیں گے کمشنر کراچی نے محکمہ داخلہ کی ہدایت پر دو ماہ کے لئے 144 نافد کردی قانون کی خلاف ورزی والوں کے خلاف دفعہ 188 پی پی سی کے تحت گرفتاری کرنے کی ہدایت کر دی گئی، کالے شیشے ، ہوٹرز اور پریشر ہارن فروخت کرنے پر بھی پابندی عائد کر دی گئی، وزیر اعلی سندھ مراد علی شاہ نے جعلی نمبرز پلیٹ والوں خلاف سخت کاروائی کا حکم دیا

بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

50 ہزار میں بچہ فروخت کرنے والی ماں گرفتار

ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

تعلیمی ادارے میں ہوا شرمناک کام،68 طالبات کے اتروا دیئے گئے کپڑے

علاوہ ازیں بوٹ بیسن کلفٹن بلاک ٹو میں پولیس مقابلہ ہوا ہے، دو طرفہ فائرنگ کے تبادلے میں دو زخمیوں سمت تین ملزمان گرفتار کر لئے گئے، گرفتار ملزمان گھروں میں ڈکیتی اور اسٹریٹ کرائم کی متعدد وارداتوں میں ملوث ہیں ملزمان رضا خان ،عبدالمنان ،اور تاج محمد انتہائی مطلوب ملزمان ہیں گرفتار ملزمان سے تین پستول برآمد کر لئے گئے، ملزمان کے قبضے سے تین موبائلز فونز دو موٹر سائیکلیں بھی برآمد کر لئے گئے، گرفتار ملزمان کا ایک ساتھی فرار ہو گیا جس کی تلاش کی جا رہی ہے

کراچی: مغرب سے آنے والی ہواؤں کا سلسلہ بلوچستان میں داخل ہونے کے بعد کراچی میں سردی کی شدت کم ہوگئی۔ اطلاعات کے مطابق کراچی شہر میں کم سے کم درجہ حرارت گذشتہ دنوں کے مقابلے میں 3 ڈگری اضافے سے 13 ڈگری سینٹی گریڈ جبکہ زیادہ سے زیادہ 27.1 ڈگری رہا۔

پاکستان کی بڑی ٹیکسٹائل کمپنی نشاط چونیاں بھی بحران کا شکار:آپریشن معطل کرنےکا…

کراچی میں اگلے 3 روز کے دوران موسم خشک اور خنک ریکارڈ ہوسکتا ہے،جمعے کی صبح کراچی کی فضاوں پر دھند چھاسکتی ہے۔

محکمہ موسمیات ارلی وارننگ سینٹر کی پیش گوئی کے مطابق مغربی ہواؤں کا سلسلہ بلوچستان میں بتدریج داخل ہورہا ہے،اس موسمی نظام کے زیر اثرسکھر،لاڑکانہ،قمبرشہداد کوٹ،جیکب آباد،کشمور اور گھوٹکی میں 28 اور 29 دسمبر کے درمیان ان اضلاع میں بارش ہوسکتی ہے۔

الیکشن کمیشن نے حکومت کو آرٹیکل 140 اے میں ترمیم کی سفارش کر دی

گذشتہ کئی روز سے شہر میں بلوچستان کی شمالی مشرقی ہواؤں کے اثرات اور سمندری ہواؤں کی بندش کے سبب درجہ حرارت میں نمایاں کمی کے بعد کم سے کم پارہ 9.9اور زیادہ 26 ڈگری ریکارڈ ہوا،تاہم بلوچستان کی سرد ہواؤں میں کمی کی وجہ سے بدھ کو شہر کا مجموعی درجہ حرارت بڑھ گیا۔

روس کا ایران کوجدید سخوئی ایس یو35 لڑاکا طیارے دینے کا اعلان

چیف میٹرولوجسٹ کراچی سردار سرفراز کے مطابق مغربی ہواؤں کے سلسلے کے تحت کراچی میں بارش کا کوئی امکان نہیں ،تاہم شہر کا مطلع جذوی یا مکمل ابرآلود ریکارڈ ہوسکتا ہے۔

باغی ٹی وی کی رپورٹ کے مطابق شہر قائد کراچی میں جرائم پیشہ عناصر کیخلاف پولیس کی کاروائیاں جاری ہیں

بلال کالونی کی حدود میں پولیس کا اسٹریٹ کرمنلز کے ساتھ مقابلہ ہوا ہے، دو طرفہ فائرنگ کے نتیجے میں 3 ڈکیت زخمی حالت میں گرفتار جن میں سے ایک ڈاکو گولی لگنے سے شدید زخمی ہے ملزمان عوام سے لوٹ مار کر رہیں تھے پولیس موقع پر پہنچ گئی مسلح ملزمان نے پولیس پر فائرنگ شروع کردی دوطرفہ فائرنگ کے تبادلے کے نتیجے میں 3 ڈکیتوں میں ایک گولی لگنے سے زخمی ہوا جبکے دو ڈاکو گر کر زخمی حالت میں گرفتار ہوئے ملزمان کی شناخت ریاض عرف نیاز ولد دلیل (شدید زخمی) بدرالدین ولد غلام رسول اور حمزہ ولد کاشف کے ناموں سے ہوئی ملزمان کے قبضے سے 3 پسٹل موبائل فون موٹر سائیکل برآمد کر لئے گئے، زخمی ڈکیتوں کو طبی امداد کیلئے اسپتال منتقل کردیا گیا ملزمان کے خلاف مقدمات درج کئے جارہے ہیں

دوسری جانب ضلع ملیر پولیس کا موٹرسائیکل چوروں،اسٹریٹ کرمنلز و منشیات فروشوں و 15 پر ڈکیتی کی چھوٹی اطلاع دینے والوں کیخلاف ایکشن سامنے آیا ہے، تھانہ ملیر سٹی پولیس نے آٹھ مقامات پر کارروائی کرتے ہوئے 13 ملزمان کو گرفتار کیا۔گرفتار ملزمان چوری و راہزنی کی متعدد وارداتوں میں ملوث تھے۔گرفتار ملزمان سے غیر قانونی اسلحہ بمعہ ایمونیشن،اعلی کوالٹی کی چرس و ہیروئن، موبائل فونز اور مسروقہ موٹر سائیکلیں برآمد کر لی گئی ہیںَ ملزمان سے برآمد موٹرسائیکلیں تھانہ KIA و ملیر سٹی سے چوری شدہ ہے۔ جس کا مقدمہ شہریوں کی مدعیت میں درج کئے گئے۔گرفتار ملزمان نے ضلع ملیر و کورنگی میں کرنے کا اعتراف کیا۔گرفتار ملزمان عادی مجرم ہیں۔ جنکا نام انتہائی مطلوب ملزمان کی فہرست میں موجود ہے۔ جن سے تقریبا چار کلو اعلی کوالٹی کی چرس و آدھا کلو سے زائد ہیروئن و دس کلو سے زائد تیار گٹا/ماوا اور آتشی اسلحہ و نقد رقم 97000 و موبائل فونز برآمد کئے گئے ہیں، گرفتار ملزمان کا مزید کرمنل ریکارڈ حاصل کیا جا رہا ہے۔گرفتار ملزمان کیخلاف اسلحہ آرڈیننس و کنٹرول آف نارکوٹیکس سبسٹینس ایکٹ و دھوکہ دہی کے تحت مقدمات درج کر لئے گئے ہیں، گرفتار ملزمان میں بدنام زمانہ منشیات فروش عرفان عرف چمہ، تنزیل، صبور اور مقبول جبکہ گٹکا ڈیلر وہاب، عتیق اور غلام مرتضی، اسٹریٹ کریمینل محمد محبوب، ساقب رمضان، وقار و 15 پر ڈکیتی چھوٹی اطلاع دینے والے منظور عباس، محمد حسن اور عادل شامل ہیں۔

جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

غیر ملکی خاتون کے سامنے 21 سالہ نوجوان نے پینٹ اتاری اور……خاتون نے کیا قدم اٹھایا؟

بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

50 ہزار میں بچہ فروخت کرنے والی ماں گرفتار

واٹس ایپ پر محبوبہ کی ناراضگی،نوجوان نے کیا قدم اٹھا لیا؟

غیرت کے نام پر سنگدل باپ نے 15 سالہ بیٹی کو قتل کر دیا

علاوہ ازیں ایس ایس پی ضع ویسٹ فیصل بشیر میمن کے احکامات پر ضلع بھر میں پولیس کا سماج دشمن عناصر کیخلاف کریک ڈاٶن برق رفتاری سے جاری ہے،ترجمان ویسٹ پولیس کا کہنا ہے کہ مومن آباد پولیس نے مشیات فروشوں اور اسٹریٹ کرمنلز کیخلاف کاررواٸی کرتے اورنگی ٹاؤن مومن آباد فقیر کالونی سے افغان باشندوں سمیت پانچ ملزمان کو گرفتار کرلیا،ترجمان ویسٹ پولیس کا کہنا ہے کہ مومن آباد فقیر کالونی میں منشیات فروخت ہونے کی ویڈیو واٸرل اور ایس ایچ او تھانہ مومن آباد زاہد لودھی کو بھی آگاہ کیا گیا تھا جس پر ایس ایچ او مومن آباد زاہد لودھی نے اپنے اسٹاف کے ہمراہ فوری کارروائی کی،سماج دشمن عناصر کے خلاف پولیس کی کاررواٸی کو علاقہ مکینوں نے خوب سراہا

کراچی میں مختلف مقامات پر ڈاکؤوں کی فائرنگ سے 3 افراد زخمی ہوگئے۔

باغی ٹی وی : کراچی کے علاقے لیاقت آباد انڈر پاس کے قریب ڈاکوؤں نے لوٹ مار کی واردات کے دوران مزاحمت کرنے پر فائرنگ کر کے ایک شخص کو زخمی کر دیا اور فرار ہوگئے زخمی ہونے والے شخص کو چھیپا ایمبولینس کے ذریعے عباسی شہید اسپتال منتقل کیا گیا زخمی ہونے والے شخص کی شناخت 22 سالہ اسامہ ولد عرفان اکرم کے نام سے ہوئے ہے اور اس کی حالت تشویشناک ہے۔

کراچی: ڈاکوؤں کے ہاتھوں ایک اور شہری قتل،رواں ماہ ڈکیتی مزاحمت پر قتل ہونے والوں…

دوسری جانب ڈیفنس فیز ٹو لین نمبر تین باربی کیو ریسٹورانٹ کے قریب ڈاکوؤں نے لوٹ مار کی واردات کے دوران مزاحمت کرنے پر فائرنگ کر کے ایک شخص کو زخمی کر دیا اور فرار ہوگئے زخمی ہونے والے شخص کو چھیپا ایمبولینس کے ذریعے جناح اسپتال منتقل کیا گیا جہاں اس کی شناخت 27 سالہ احمد علی ولد تنویر علی کے نام سے کی گئی۔

عالوہ ازیں کورنگی صنعتی ایریا کے علاقے مہران ٹاؤن محمد خان گوٹھ گلی نمبر 4 میں پیش آیا جہاں ڈاکوؤں نے لوٹ مار کے دوران مزاحمت پر فائرنگ کر کے نوجوان کو زخمی کر دیا جسے فوری طبی امداد کے لیے جناح اسپتال لیجایا گیا جہاں اس کی شناخت 22 سالہ فیصان کے نام سے کی گئی ہے۔

دوسری جانب شہر کے مختلف علاقوں میں رینجرز اور پولیس کی مختلف کارروائیوں کے دوران 2 ڈکیت ہلاک جبکہ 4 کو زخمی حالت میں گرفتارکرلیا گیا۔

کوئٹہ میں دستی بم کا دھماکا، متعدد افراد زخمی

سپرہائی وے فقیرہ گوٹھ کے قریب رینجرز اورپولیس کے ساتھ فائرنگ کے تبادلے میں دوروز قبل نجی اسپتال کے سیکیورٹی گارڈ کوفائرنگ کرکے قتل کرنے والا ڈکیت موقع پرہلاک ہوگیا جبکہ اس کے ساتھی کو زخمی حالت میں گرفتارکرلیا گیا،ملزمان کی فائرنگ سے20 سالہ راہ گیر سلطان ولد جعمہ خان بھی زخمی ہوا جسے فوری عباسی شہید اسپتال منتقل کردیا گیا ۔

ملزمان کے قبضے سے پسٹل ، 30راؤنڈ اورایک موٹر سائیکل برآمد ہوئی، زرائع کے مطابق ملزم بلال سہراب گوٹھ سے نادرن بائی پاس کے علاقوں میں ڈکیتی ،اسٹریٹ کرائم اوردیگرسنگین جرائم میں ملوث تھا۔

مطابق ترجمان کے مطابق گرفتار زخمی ملزم کو مزید قانونی کارروائی کے لیے پولیس کےحوالے کردیا گیا ہے ،رینجرز نے عوام سے اپیل کی ہے کہ ایسے عناصر کے بارے میں اطلاع فوری طور پر قریبی رینجرزچیک پوسٹ،رینجرز ہیلپ لائن 1101 یا رینجرزمددگار واٹس ایپ نمبر 03479001111 پر کال یا ایس ایس کے ذریعے دیں، آپ کا نام صیغہ رازمیں رکھا جائے گا۔

رینجرز اور پولیس نے منگھوپیر روڈ سے اسنیپ چیکنگ کے دوران فائرنگ کے تبادلے کے بعد قتل اور ڈکیتی کی واردات میں ملوث ایک ملزم کو زخمی حالت میں گرفتار کر لیا،چیکنگ کے دوران مشتبہ موٹرسائیکل سوار دو مشتبہ افراد کو رکنے کا اشارہ دیا جس پر ملزمان نے فائرنگ کر دی۔

کراچی:ڈکیتی کے دوران مزاحمت پر معروف اداکارہ کا بھائی قتل

ترجمان سندھ رینجرز کے مطابق قانون نافذ کرنے والے اداروں کی جوابی فائرنگ سے ایک ملزم فیصل خان عرف منیجر زخمی حالت میں گرفتار کر لیا گیا جبکہ ملزم کا دوسرا ساتھی فرار ہونے میں کامیاب ہو گیا-

عوامی کالونی ، زمان ٹاؤن اور اورنگی ٹاؤن پولیس نے مبینہ مقابلوں کے بعد 3 ڈاکوؤں کو زخمی حالت میں گرفتار کر کے اسلحہ برآمد کر لیا ، گرفتار ملزمان کے 3 ساتھی فرار ہونے میں کامیاب ہوگئے۔

عوامی کالونی پولیس نے اتوار اور پیر کی درمیانی شب جلیبی چوک کورنگی نمبر6 میں مبینہ مقابلے میں فائرنگ کے تبادلے کے بعد ایک ڈاکو کو ہلاک کر دیا ، ہلاک ہونے والے ملزم کو چھیپا ایمبولینس کے ذریعے جناح اسپتال منتقل کیا گیا، ہلاک ہونے والے ملزم کا ساتھی رات کی تاریکی کا فائدہ اٹھاتے ہوئے موقع سے فرار ہونے میں کامیاب ہوگیا۔

زمان ٹاؤن پولیس نے اتوار اور پیر کی درمیانی شب نورانی بستی قبرستان کے قریب سے مبینہ مقابلے کے بعد ایک ملزم کو زخمی حالت میں گرفتار کر لیا ، زخمی ملزم کو طبی امداد کے لیے جناح اسپتال منتقل کیا گیا، زخمی حالت میں گرفتار ملزم کی شناخت سمیر ولد حق نواز کے نام سے کی گئی ، زخمی حالت میں گرفتار ملزم کے دو ساتھی رات کی تاریکی کا فائدہ اٹھاتے ہوئے موقع سے فرار ہوگئے فرار ہونے والے ملزمان کی شناخت واجد اور ہارون کے نام سے ہوئی-

شدید دھند،ٹریفک حادثات6جاں بحق ،درجنوں زخمی

اورنگی ٹاؤن پولیس نے اتوار اور پیر کی درمیانی شب قبرستان ایم پی آر کالونی سے مبینہ مقابلے کے بعد ایک ملزم کو زخمی حالت میں گرفتار کر لیا ، زخمی ملزم کو طبی امداد کے لیے عباسی شہید اسپتال منتقل کیا گیا زخمی حالت میں گرفتار ملزم کی شناخت 23 سالہ محمد فیصل ولد محمد بشیر کے نام سے کی گئی ، گرفتار ملزم کا ایک ساتھی رات کی تاریکی کا فائدہ اٹھاتے ہوئے موقع سے فرار ہونے میں کامیاب ہوگیا-

علاوہ ازیں نارتھ کراچی کے علاقے محمد شاہ قبرستان کے قریب لوٹ مار کی واردات کے دوران ڈکوؤں نے مزاحمت پر ایک شخص کو فائرنگ کر کے زخمی کر دیا موقع پر موجود افراد نے اپنی جان خطرے میں ڈال کر تعاقب کی اور ایک ڈاکو کو پکڑ کر تشدد کا نشانہ بنا کر سرسید ٹاؤن پولیس کے حوالے کر دیا۔

ڈاکؤوں کی فائرنگ سے زخمی شہری کو فوری طبی امداد کے لیے عباسی شہید اسپتال لیجایا گیا جہاں اس کی شناخت 45 سالہ شاکر کے نام سے ہوئی ہے۔

پولیس کے مطابق پکڑے گئے ڈاکو کی فوری طور پر شناخت نہیں ہو سکی جسے پولیس نے بے ہوشی کی حالت میں طبی امداد کے لیے عباسی شہید اسپتال پہنچایا ہے پکڑے گئے ڈاکو کے قبضے سے اسلحہ اور موٹر سائیکل برآمد ہوئی ہے اس حوالے سے پولیس واقعہ کی مزید تحقیقات کر رہی ہے۔

ملازمت سے فارغ کیوں کیا؟ ملازم نے فیکٹری کےمالک سمیت 3 افراد کو قتل کر دیا