Tag: کراچی

کراچی:آئی جی سندھ کی ذیرصدارت ہونیوالے ایک اہم اجلاس میں حیدرآباد،میرپور خاص،شہیدبینظیرآباد پولیس رینج اور انکے اضلاع میں امن وامان کی مجموعی صورتحال،پولیس کو درپیش جنرل ایشوز کے حل پر تجاویز و مشاورت سمیت منشیات، گٹکا ماوا کے خلاف مشترکہ پولیس ایکشن کی حکمت عملی و لائحہ عمل کو مذید سخت اور موثر بنانے جیسے اقدامات کا تفصیلی جائزہ لیا گیا اورمذید ضروری احکامات دیئے گئے۔

آئی جی سندھ نے کہا کہ تھانہ جات میں مفرور و اشتہاری ملزمان کے مکمل کوائف پر مشتمل ڈیجیٹل ریکارڈ ترتیب دیا جائے اور تھانہ جات کی اپ ڈیشن جیسے امور و معاملات کو بھی جملہ تفصیلات کی روشنی میں یقینی بنایا جائے۔

آئی جی سندھ اس بات پر زور دیا کہ منشیات فروشی، قتل، ڈکیتی،موٹر سائیکلز/کار لفٹنگ/اسنیچنگ و دیگر جرائم کے خلاف ہر سطح پر غیر جانبدارانہ اقدامات پولیس کی یقینی کامیابی کی ضمانت ہے۔انہوں نے مذید کہا کہ منشیات،گٹکا ماوا اور دیگر نشہ آور اشیاء کا استعمال انکی خرید و فروخت معاشرے کے لیئے ناسور اور جرائم کو پروان دینے کا سبب بھی ہیں لہذٰا آنیوالی نسلوں کی بقاء اور خوشحالی کے لیئے ضروری ہیکہ اس ناسور کو جڑ سے ختم کیا جائے۔

آئی جی سندھ نے کہا کہ حکومت سندھ ہمیں تمام تر مالیاتی اور انتظامی امور میں سپورٹ کررہی ہے ایسے میں ضرورت اس امر کی ہیکہ آپریشنل امور کے ساتھ ساتھ انویسٹی گیشن کے شعبے کو بھی مذید بہتر اور اپ گریڈ کیا جائے کیونکہ مقدمات میں نامزد یا مطلوب ملزمان کی گرفتاری کے بعد جو تفتیش تحقیق اور چھان بین کا مرحلہ آتا ہے اسکی کامیابی یا ناکامی کا انحصار کیسز کے جملہ تفتیشی، تحقیقاتی امور و پہلوؤں پر ہوتا ہے۔

آئی جی سندھ نے اجلاس کو ہدایات دیں کہ حیدرآباد کی طرز پر پر میرپورخاص اور شہیدبینظیرآباد میں بھی کرائم سین یونٹ کا قیام عمل میں لایا جائے جسکا مقصد کیسز کی ابتدائی تفتیش کے جملہ امور کو بروقت کرنیکے علاوہ جائے وقوعہ پر دستیاب شواہد کو درست طور پر اکٹھا کرنا اور محفوظ بنانا ہے۔

ان کا کہنا تھا کہ عوام دوست ماحول کا فروغ اور شہریوں سے دوستانہ تعلقات ہی دراصل نظریہ کمیونٹی پولیس کا فلسفہ ہے۔جس پر عمل پیرا ہوکر ناصرف پولیس کی نیک نامی بلکہ جرائم کے خلاف یقینی کامیابی کی راہیں استوار کی جاسکتی ہیں۔

اجلاس میں حیدرآباد میرپورخاص،شہید بینظیرآباد کے ڈی آئی جیز،آپریشن،ایڈمن کے اے آئی جیز کے علاوہ ضلعی ایس ایس پیز،حیدرآباد، میرپورخاص، شہیدبینطیرآباد اور متعلقہ اے ایس پیز نے بھی شرکت کی۔

کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

خیبرپختونخوا حکومت کا ہیلی کاپٹر جلسوں میں استعمال کیا جا رہا ہے،وفاقی وزیر اطلاعات

سائٹ کے صنعتکاروں کی پراجیکٹ اسٹیئرنگ کمیٹی کا اجلاس باربارمنسوخی کی مذمت،وزیراعلیٰ سندھ سےنوٹس لینےکامطالبہ
سی ای ٹی پی، 65۔ ایم جی ڈی منصوبوں پر جلد عمل درآمد کے احکامات جاری کیے جائیں، ریاض الدین
سی ای ٹی پی کے لیے زمین موجود،فوری کام شروع کیاجاسکتاہےمگرسندھ حکومت غیرمعینہ مدت تک مؤخرکررہی ہے،سلیم پاریکھ

سائٹ ایسوسی ایشن آف انڈسٹری (سائی) کراچی کے صدر ریاض الدین اور چیف کوآرڈینیٹر سلیم پاریکھ نے صنعتی زونز میں کمبائنڈ ایفلوئنٹ ٹریٹمنٹ پلانٹس (سی ای ٹی پی) اور 65۔ ایم جی ڈی پانی سپلائی کے پروجیکٹ اسٹیئرنگ کمیٹی کے تیسرے اجلاس کو بار بار ملتوی کرنے کی شدید الفاظ میں مذمت کی ہے۔ مذکورہ اجلاس 21نومبر2022 کو 5ویں بار ملتوی کیا گیا ہے۔ایک بیان میں سائٹ کے صدر نے کہا کہ دونوں منصوبوں کی اہمیت کو نظر انداز نہیں کیا جا سکتا۔سی ای ٹی پی نہ صرف برآمدات کی تعمیل بلکہ ماحول دوستی کے لیے بھی اہم ہے۔اسی طرح پانی کی فراہمی کراچی میں پانی کی قلت کا شکار صنعتوں کی لائف لائن ہے۔

چیف کوآرڈینیٹر سائٹ ایسوسی ایشن سلیم پاریکھ نے بتایا کہ پراجیکٹ اسٹیئرنگ کمیٹی صنعتی زونز میں سی ای ٹی پی کے قیام اور 65۔ ایم جی ڈی اضافی پانی سپلائی کے منصوبوں پر پیش رفت کا جائزہ لینے کے لیے حکومت سندھ نے تشکیل دی ہے۔سی ای ٹی پی کے لیے زمین پہلے ہی دستیاب ہے لہٰذا فوری طور پر کام شروع کیا جا سکتا ہے تاہم سندھ حکومت کی جانب سے اسے غیر معینہ مدت تک مؤخر کیا جا رہا ہے۔

سائٹ ایسوسی ایشن پہلے ہی چیئرمین پلاننگ اینڈ ڈیولپمنٹ بورڈ کو خط لکھ چکی ہے جس میں کہا گیا ہے کہ اس اجلاس میں جن منصوبوں کو حتمی شکل دی جائے گی وہ پورے کراچی شہر کے لیے انتہائی اہمیت کے حامل ہیں تاہم اب 8 اکتوبر 2019 کو آخری (دوسری) میٹنگ کے انعقاد کو 3 سال ہو چکے ہیں۔اس طرح کا غیر سنجیدہ رویہ محکمہ پلاننگ کی جانب سے شہر کی بہتری کے لیے کام کرنے کے لیے آمادگی کی کمی کو ظاہر کرتا ہے۔

صدر ریاض الدین نے کہا کہ غیر معمولی تاخیر کی وجہ سے منصوبے کی لاگت ہر سال بڑھ رہی ہے اور بالآخر حکومتی خزانے پر اضافی مالی بوجھ ڈال رہی ہے۔سائٹ کے رہنماؤں نے وزیر اعلیٰ سندھ سید مراد علی شاہ سے معاملے کا فوری نوٹس لینے اور دونوں منصوبوں پر جلد عمل درآمد کا حکم دینے کا مطالبہ کیا ہے جو برآمدات کے ساتھ ساتھ عام طور پر صنعتوں کی لائف لائن کے لیے بھی اہم ہیں۔

کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

خیبرپختونخوا حکومت کا ہیلی کاپٹر جلسوں میں استعمال کیا جا رہا ہے،وفاقی وزیر اطلاعات

وہ کون ہے جس نے احسان فراموش عمران خان کیلیے ملک کی بقا کی خاطر سب کچھ کیا؟

کراچی: گورنر سندھ کامران ٹیسوری نے کہا ہے کہ مولا جٹ جیسا گورنر بن کر کام بھی ویسا ہی ہوگا-

باغی ٹی وی : ایڈمنسٹریٹر کراچی مرتضٰی وہاب کے ہمراہ عباسی شہید اسپتال کے دورے کےموقع پر گفتگو کرتے ہوئے گورنر سندھ کامران ٹیسوری کا کہناتھا کہ اس سے قبل عباسی شہید اسپتال کا دورہ کیا تو شعبہ ایمرجنسی اور آپریشن تھیٹر کے متاثر ہونے کا سن کر بہت افسوس ہوا،عہد کیا تھا کہ متعلقہ حکام سے بات کروں گا-

گوجرہ : پنجاب فوڈ اتھارٹی کا چھاپہ ،ناقص مرچ اور ہلدی برآمد،دکاندار گرفتار،جیل منتقل

کامران ٹیسوری نے کہا کہ اسپتال کے مسائل کے حل کیلئے پیپلز پارٹی سے بات کی تعاون پر وزیراعلیٰ کا شکریہ ادا کروں گا، ایڈمنسٹر یٹر کراچی مرتضیٰ وہاب نے یقین دلایا ہے کہ توقع سے بڑھ کر کام کروں گا۔

کامران ٹیسوری کا کہنا تھا کہ ایڈمنسٹریٹر کراچی نے 80 فیصد باتیں یہیں حل کردی ہیں،حالات مزید بہتری کی طرف جائیں گے،فنڈز کے متعلق دو روز بعد پیشرفت دیکھیں گے،مولا جٹ جیسا گورنر بن کر کام بھی ویسا ہی ہوگا۔

دوسری جانب اس موقع پر ایڈمنسٹریٹر کراچی بیرسٹر مرتضی وہاب نے کہا کہ متحد ہو کر ان تمام مسائل کو حل کریں گے،صحت کا معاملہ محکمہ صحت سندھ کے پاس ہونا چاہئے، گڈاپ جیسے دور دراز علاقے کے لوگوں کو اتنی دور نہیں آنا پڑے،میونسپل خدمات بلدیاتی ادارے کریں اور صحت کی صحت کے ادارے کریں-

ان کا کہنا تھا کہ عباسی شہید اسپتال کو جلد سیٹلائیٹ سینٹرز کے ساتھ منسلک کیا جائےگا اس کیلئے انتظامیہ سے بات چیت جاری ہے مچھر کالونی کے معاملے میں کابینہ کے فیصلے کے مطابق لواحقین کو پیسے دیئے جائیں گے،کراچی میٹروپولیٹن یونیورسٹی کا بل جلد اسمبلی سے پاس کروایا جائے گا۔

سرکاری نمبر پلیٹس والی گاڑیوں میں لینڈ مافیا اکرم درانی کی مسلح افراد کےہمراہ زمین پرقبضےکی کوشش

کراچی: کھلے سمندر میں شکار پر جانے والے ماہی گیروں کی چاندی ہوگئی، لاکھوں روپے مالیت کی نایاب سوا مچھلی جال میں پھنس گئی۔ذرائع کے مطابق کراچی کے علاقے ابراہیم حیدری کے ماہی گیروں کی قسمت اچانک چمک اٹھی، کھلے سمندر میں شکار کے دوران ماہی گیروں کے جال میں لاکھوں روپے مالیت کی سوا مچھلی پھنس گئی۔

ترجمان کوسٹل میڈیا سینٹر کمال شاہ کےمطابق ابراہیم حیدری کے ماہی گیروں کے جال میں کھلے سمندر میں شکار کے دوران بھاری بھرکم سوا مچھلی پھنس گئی۔

ترجمان کا کہنا تھا کہ یہ مچھلی شکار کے دوران قسمت والوں کو ملتی ہے کیوں کہ سوا نسل کی مچھلی انتہائی نادر و نایاب تصور کی جاتی ہے اور سمندر میں شاذونادر ہی ملتی ہے۔

ماہرین آبی حیات کے مطابق سوا مچھلی کے پیٹ سے ملنے والی چربی انتہائی قیمتی ہے، جس سے جراحی کے بعد اعضاء کو سینے والادھاگہ بنتا ہے، سوا سندھی زبان کا لفظ ہے جبکہ اس مچھلی کو بلوچی میں کِر(KIR) پکاراجاتا ہے، جس کا وزن 30 سے 40 کلو بھی ہوسکتا ہے۔

ماہرین آبی حیات کا کہنا تھا کہ مچھلی کےاعضاء میں شامل اس کا سوئیم بلیڈر(پوٹا) انتہائی اہم تصور کیا جاتا ہے، اس پوٹے کوچینی کسی خاص دعوت کے موقعے پرانتہائی اہم مہمانوں کو تناول کرنے کےلیے پیش کرتے ہیں جب کہ اس پوٹے کو سکھا کرشان وشوکت کےلیے گھروں کی زینت بناتے ہیں اور اس پوٹے کو جسمانی بیماریوں خاص طور پر جوڑوں کے عارضے میں دوا کے طور پر بھی استعمال کیا جاتا ہے۔

پاک فوج ملکی سلامتی کی ضامن۔ شہدا کی قربانیوں پر فخر
پاکستانی طلبا و طالبات نے 14 ممکنہ نئے سیارچے دریافت کرلیے
ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

کراچی: سندھ حکومت نے گیارہویں اور بارہویں کے سالانہ امتحانات 2022 کے نتائج جاری نہ کرنے کا سختی سے نوٹس لیتے ہوئے تمام بورڈز کو ایک ہفتہ میں نتائج جاری کرنے کی ہدایت کر دی۔

وزیر تعلیمی بورڈ اسماعیل راہو نے محکمہ جامعات و بورڈز کو فیصلہ پر سختی سے عمل درآمد کروانے کی ہدایت کر دی۔ اسماعیل راہو کی جانب سے عملدرآمد نہ کروانے والے ذمہ داران کے خلاف سخت قانونی کارروائی کی وارننگ دی گئی۔

محمد اسماعيل راہو نے سالانہ امتحانات کے نتائج جاری نہ کرنے پر تین بورڈز پر سخت ناراضگی کا اظہار کیا جبکہ انٹرمیڈیٹ بورڈ کراچی، حیدرآباد اور میرپورخاص کو احکامات جاری کر دیے گئے۔
وزیر تعلیمی بورڈ اسماعیل راہو کا کہنا ہے کہ بارہویں جماعت کے نتائج کے اعلان کے لیے 15 ستمبر 2022 کی تاریخ مقرر کی گئی تھی اس لیے نتائج میں تاخیر ناقابلِ برداشت ہے، ذمہ داری بورڈز کے چیئرمین اور کنٹرولر پر عائد ہوتی ہے۔

صوبائی وزیر کا کہنا تھا کہ ہزاروں طلباء اعلیٰ تعلیم کے لیے نتائج کا بے چینی کے ساتھ انتظار کر رہے ہیں، سرکاری اور نجی شعبے کی جامعات نے داخلوں کے لیے انٹری ٹیسٹ مکمل کر لیے ہیں اور جامعات داخلوں کے مرحلے کو آگے بڑھانے کے لیے بورڈز کے نتائج کا انتظار کر رہی ہیں۔

پاک فوج ملکی سلامتی کی ضامن۔ شہدا کی قربانیوں پر فخر
پاکستانی طلبا و طالبات نے 14 ممکنہ نئے سیارچے دریافت کرلیے
ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا