Tag: کراچی

کراچی کے جناح اسپتال میں گزشتہ روز ایک خاتون کے ہاں پیدا ہونے والے چھ جڑواں بچوں میں سے بچ جانے والے پانچ بچے بھی انتقال کر گئے۔

باغی ٹی وی : جناح اسپتال کراچیمیں کالاپل کی رہائشی خاتون حنا زاہد کے ہاں ایک ساتھ چھ جڑواں بچے پیدا ہوئے تھے جن میں سے ایک مردہ حالت میں تھا جبکہ پانچ بچے زندہ تھے گائنی وارڈ کی انچارج ڈاکٹر عائشہ وارث کے مطابق تمام بچے نارمل ڈلیوری سے پیدا ہوئے جن میں تین بیٹے اور دو بیٹیاں زندہ تھیں۔

کراچی میں خاتون کے ہاں ایک ساتھ 6 بچوں کی پیدائش

ڈاکٹر عائشہ کا کہنا ہے کہ انہوں نے زچہ بچوں کو انتہائی نگہداشت کی ضرورت کے پیش نظر قومی ادارہ صحت برائے اطفال منتقل کرنے کا کہا تھا تاکہ بچوں کو انکیوبیٹر میں انتہائی نگہداشت میں رکھا جاسکے بچوں کا وزن انتہائی کم تھا جس کے باعث تمام بچے انتقال کر گئے۔

دوسری جانب قومی ادارہ صحت برائے اطفال کے ڈائریکٹر ڈاکٹر ناصر سلیم کے مطابق جناح اسپتال میں خاتون کے ہاں جڑواں پیدا ہونے والے بچے پیدائش کے وقت سے ہی انتہائی تشویشناک حالت میں تھے بچے 300 سے 350 گرام وزن کے لگ بھگ تھے، ایسے بچوں کے زندہ رہنے کی شرح دنیا بھر میں انتہائی کم ہے۔

ملک بھرمیں سیلا ب سےجاںبحق افراد کی تعداد ایک ہزار486 ہوگئى

ڈاکٹر ناصر نے بتایا کہ دو بچوں کا انتقال جناح اسپتال میں ہی ہوگیا تھا جبکہ مزید 2 بچے جناح اسپتال سے این آئی سی ایچ منتقل کرنے کے دوران انتقال کر گئے تھے، باقی دو بچوں کو ادارہ قومی ادارہ صحت برائے اطفال کی ایمرجنسی میں ڈاکٹر حیات بوزدار کے زیر علاج رکھا گیا تھااور اب ان دونوں بچوں کا بھی انتقال ہو گیا ہے۔

ڈرگ ریگولیٹری اتھارٹی آف پاکستان (ڈریپ) نے کراچی میڈیسن مارکیٹ میں چھاپہ مار کر بخار کی ڈھائی لاکھ سے زائد گولیاں برآمد کر لیں۔

باغی ٹی وی : تفصیلات کے مطابق ڈرگ ریگولیٹری اتھارٹی کا بخار ادویات کی ذخیرہ اندوزی کے خلاف ملک بھر میں کریک ڈاون جاری ہے اور ڈرگ ریگولیٹری اتھارٹی حکام نے بخار کی دوا ذخیرہ کرنے والے ڈرگ ڈیلر کے خلاف کارروائی کا آغاز کردیا ہے۔

عمران خان کے قافلے کی گاڑی میں آگ لگنے کے واقع کی تحقیقات شروع

ڈریپ نے کراچی کی میڈیسن مارکیٹ میں چھاپہ مار کارروائی کی کے دوران ذخیرہ کی گئی بخار کی دوا کی 2 لاکھ سے زائد گولیاں تحویل میں لے لیں، ذخیرہ اندوزی کے باعث بازار سے دوا کی مصنوعی قلت پیدا ہوگئی تھی۔

کراچی ڈریپ کی ٹیم نے جے ار لیب پلاث نمبر ایف 516 پر چھاپا مارا، جس کے دوران نیوٹرا سیوٹیکل پروڈکٹس کی ناقص ماحول میں تیار کی گئی دوا قبضے میں لی گئی۔

ترجمان وزارت صحت کے مطابق ذخیرہ اندوزی سے مارکیٹ میں بخار کی گولیوں کی مصنوعی قلت پیدا کی گئی تھی، سندھ کے ڈرگ انسپکٹرز نے لاہور سے آنے والی جعلی ادویات کی کھیپ پکڑ لی ادویات میں جان بچانے والے اینٹی بائیوٹک دوا بھی شامل ہے۔

کراچی میں خاتون کے ہاں ایک ساتھ 6 بچوں کی پیدائش

پروڈکٹس بغیر فارم سیون اور ٹیکنیکل افراد کی غیر موجودگی تیار کی جارہی تھی۔ چیف ایگزیکٹو آفیسر ڈریپ نے کہا کہ ایک دوا پرومول جو کہ پیرا سیٹامول کے مشابہ ہے بنا رہے تھے، خدشہ ہے پیرا سیٹامول کی قلت کا فائدہ اٹھا کر جعلی پیرا سیٹا مول بنائی جارہی تھی۔

انہوں نے بتایا کہ اس دوا کے نمونے لیکر لیبارٹری بجھوا دیئے ہیں،مزید براں ان میں ملوث افراد کیخلاف گھیرا تنگ کیا جارہا ہے ،ملوث افراد کے خلاف ڈریپ ایکٹ کے تحت کاروائی عمل میں لائی جائے گی۔

وفاقی وزیر صحت ڈاکٹر عبدالقادر پٹیل نے کہا کہ جو مافیا ان گھناؤنے کاروبار میں ملوث ہے ان کے خلاف کاروائی کی جائے گی،عوام کی زندگیوں سے کھیلنے کی ہرگز اجازت نہیں دی جا سکتی ہے،پورے ملک میں نیشنل۔ٹاسک فورس کاروائیاں کر رہی ہے، عوام کو معیاری ادویات کی فراہمی کیلئے موثر اقدامات کو یقینی بنارہے ہیں۔

یاد رہے کہ چیف جسٹس پشاور ہائیکورٹ قیصر رشید خان نے ڈریپ حکام کو 3 ہفتوں تک مارکیٹ میں بخار میں استعمال ہونے والی ادویات کی فراہمی یقینی بنانے کا حکم دیا ہے۔

اسلام آباد سمیت ملک کے تمام بڑے شہروں میں ڈینگی کے وار جاری، مریضوں میں اضافہ

کراچی میں خاتون نے ایک ساتھ 6 بچوں کو جنم دیا ہے جن میں چار بیٹے اور دو بیٹیاں شامل ہیں، ایک بچہ مردہ حالت میں پیدا ہوا 25 سالہ خاتون کی پہلے بھی ایک اولاد ہے-

باغی ٹی وی : کراچی کے علاقے کالاپل کی رہائشی حنا زاہد کو اللہ تعالیٰ نے ایک ساتھ 6 جڑواں بچوں سے نوازا ہے، یہ جناح اسپتال کی مریضہ تھیں اور جناح اسپتال کی گائنی وارڈ میں چیک کے لیے آتی تھیں جناح اسپتال کے شعبہ گائنی کی ڈاکٹر عائشہ وارث نے بچوں کی زچگی کی۔

ڈاکٹر عائشہ وارث کا کہنا ہے کہ بیک وقت 6 بچوں کی پیدائش اتوار کی رات ہوئی، جن میں سے ایک بچہ مردہ حالت میں پیدا ہوا ہے اور پانچ بچے زندہ ہیں بچے نارمل ڈلیوری کے ذریعہ پیدا ہوئے ہیں، ان بچوں میں سے تین بیٹے اور دو بیٹیاں زندہ ہیں اور جب وہ پیدا ہوئے تو نارمل تھے اور رو رہے تھے۔

ڈاکٹر عائشہ کا کہنا تھا کہ بچوں کو نیونیٹل کیئر کی ضرورت تھی جس پر بچوں کو قومی ادارہ صحت برائے اطفال شفٹ کردیا ہے جہاں بچوں کو انکیو بیٹر میں رکھا گیا ہے۔

خاتون حنا نظام جڑواں بچوں کی پیدائش پر بہت خوش ہیں، انہوں نے اپنے ایک وڈیو پیغام میں جڑواں بچوں کی پیدائش پر اللہ کا شکر ادا کیا ہے اور جناح اسپتال خصوصا ڈاکٹر عائشہ وارث کا شکریہ ادا کیا ہے ان کا کہنا تھا کہ ڈاکٹر عائشہ نے بہت اچھے سے ان کا کیس ہینڈل کیا ہے اور وہ بہت خوش ہیں، اللہ ان کو بہت ترقی دے۔

کراچی :صوبہ سندھ میں اپنی خدمات انجام دینے والے ڈی جی رینجرزسندھ،میجر جنرل افتخار حسن چوہدری کے اعزاز میں سندھ پولیس کی جانب سے الوداعی ظہرانہ دیا گیا۔

آئی جی سندھ غلام نبی میمن نے ڈی جی رینجرز سندھ کی سی پی او آمد پر انکا پرتپاک استقبال کیا اور انھیں خوش آمدید کہتے ہوئے بحیثیت ڈی جی رینجرز سندھ،صوبے میں استحکام امن، جرائم کیخلاف اٹھائے جانیوالے مجموعی اقدامات میں ہر سطح پر پولیس سے تعاون سمیت سیلاب سے متاثرہ علاقوں میں ریسکیو ورکنگ پر انھیں اور انکی پوری ٹیم کی کارکردگی کو سراہا اور تعریف کی۔

اس موقع پر میجر جنرل افتخار حسن چوہدری نے اپنے تاثرات بیان کرتے ہوکہا کہ بطور ڈی جی رینجرز سندھ میری ہمیشہ سے یہ کوشش رہی کہ میں قیام امن جیسے اقدامات کو سندھ پولیس،قانون نافذ کرنیوالے دیگر اداروں واسٹیک ہولڈرز کے تعاون سے تقویت اور فروغ دوں جسکا مقصد حقیقی معنوں میں پرامن معاشرے کی تشکیل اور شہریوں میں احساس تحفظ کے شعور کو اجاگر کرنا تھا۔الحمدااللہ میری تمام تر ترجیحات میں سندھ پولیس کے علاوہ قانون نافذ کرنیوالے دیگر اداروں سمیت تمام اسٹیک ہولڈرز میرے شانہ بہ شانہ تھے جس پر میں باالخصوص سندھ پولیس اور دیگر تمام اسٹیک ہولڈرز کا تہہ دل سے مشکور و ممنون ہوں۔

ان کا کہنا تھا کہ میں نے سندھ پولیس کو ایک متحد اور ڈسپلن فورس کی حیثیت سے شہریوں کے تحفظ جیسے اقدامات سمیت امن وامان کی صورتحال پر کنٹرول کے حوالے سے ہراول دستے کے طور پر ہمیشہ مستعد اور الرٹ پایا۔اپنے تمام تر اقدامات میں پولیس ہمیشہ قابل فخر،لائق تعریف اور ستائش ہے۔

الوداعی ظہرانے کے اختتام پر سندھ پولیس کی جانب سے آئی جی سندھ نے سابقہ ڈی جی رینجرز سندھ کو یادگاری شیلڈ بھی پیش کی۔

سینٹرل پولیس آفس کراچی میں منعقدہ سادہ سی تقریب میں ایڈیشنل آئی جی سی ٹی ڈی،ایڈیشنل آئی جی فائنانس اینڈ ویلفیئر،ایڈیشنل آئی جی کراچی،ایڈیشنل آئی جی آئی اے بی/ اسٹیبلشمنٹ کے علاوہ ہیڈکوارٹرز سندھ،ٹی اینڈ ٹی، انویسٹی گیشن/سی بی، اسٹیبلشمنٹ،آئی ٹی، ٹریننگ،آرآرایف/اسپیشل برانچ، ساؤتھ،ایسٹ،ویسٹ، ٹریفک کراچی،سی آئی اے کراچی،ایس اینڈ ای ایس ڈی کراچی،ایس پی یو/ سی پیک،ایڈمن/ایس آر پی،سی ٹی ڈی اور ڈرائیونگ لائنسنس برانچ،کے ڈی آئی جیز نے بھی شرکت کی۔

آرمی چیف جنرل قمر جاوید باجوہ نے کانجو اور سوات کا دورہ کیا

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

اسلام آباد:سیلاب سے گزشتہ 24 گھنٹوں کے دوران ملک بھر میں مزید 54 افراد جان کی بازی ہار گئے جس سے جاں بحق ہونے والوں کی مجموعی تعداد 1481 ہوگئی ہے، زخمیوں کی تعداد 12 ہزار 700 سے تجاوز کر گئی۔

این ڈی ایم اے کی تازہ ترین رپورٹ کے مطابق سندھ میں 44، بلوچستان میں مزید 8 اور آزاد کشمیر میں 2 مزید افراد سیلاب سے جاں بحق ہوئے، سیلاب اور بارشوں سے مجموعی طور پر سب سے زيادہ 638 اموات سندھ میں ريکارڈ کی گئیں، بلوچستان میں 278، خيبرپختونخوا میں 303، پنجاب میں 191، آزاد کشمیر میں 48 اور گلگت بلتستان میں 22 افراد زندگى کى بازى ہار گئے۔

دوسری جانب ملک بهر میں 11 لاکھ 85 ہزار 481 گھروں کو جزوى نقصان پہنچا جبکہ 5 لاکھ 69 ہزار 800 گھر مکمل تباہ ہو ئے، 390 پل اور 12 ہزار 418 کلومیٹر سڑکیں بھی متاثر ہوئیں، ملک بھر میں 9 لاکھ 8 ہزار 137مويشی بھی سیلابی ریلوں میں بہہ گئے۔

ادھر کراچی کے مختلف علاقوں میں منگل کو ہونے والی بارش نے جل تھل کردیا۔ دو روز کے دوران کئی ملی میٹر بارش نے شہر کا حلیہ بگاڑ دیا۔محکمہ موسمیات کی جانب سے منگل کو بھی بارش کی پیش گوئی کی گئی تھی۔دوپہرکے وقت نیوکراچی، گلشن معمار، ناظم آباد، سعدی ٹاؤن، نارتھ کراچی میں بارش رپورٹ کی گئی۔سپرہائی وے، موسمیات، بفرزون، نیشنل اسٹیڈیم کے اطراف بارش نے موسم خوشگوار بنادیا۔لیاقت آباد ،فیڈرل بی ایریا،ناظم آباد،گلزارہجری، بہادرآباد،طارق روڈ،شارع فیصل میں بھی بارش کا ہوئی۔

گزشتہ روز سب سے زیادہ 46 ملی میٹر بارش صدر میں ہوئی۔ ائیرپورٹ پر 34.2 ملی میٹر، یونی ورسٹی روڈ پر29.7 ملی میٹر بارش ریکارڈ کی گئی۔گلشن حدید میں 27 ملی میٹر، فیصل بیس پر 26 ملی میٹر، مسرور بیس پر24ملی میٹر،قائد آباد میں 17.5 ملی میٹر،نارتھ کراچی میں 15.2 ملی میٹر،جناح ٹرمینل پر 14.4ملی میٹر بارش ہوئی۔

آرمی چیف جنرل قمر جاوید باجوہ نے کانجو اور سوات کا دورہ کیا

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

کراچی: کراچی کے مختلف علاقوں میں دوسرے روز بھی آندھی اور گرج چمک کے ساتھ موسلادھار بارش ہوئی جس سے ایک بار پھر سڑکیں زیر آب آگئیں۔کراچی کے مختلف علاقوں میں موسلادھار بارش کی وجہ سے ٹریفک کی روانی متاثر ہوئی جس سے شہریوں کو کافی مشکلات کا سامنا کرنا پڑا۔کراچی ٹریفک پولیس کا کہنا ہے کہ شاہراہ فیصل سے ایئرپورٹ جانے والے راستے میں سڑک پر پانی جمع ہونے کی وجہ سے رکاوٹ ہوگئی ہے۔

اسی طرح ملیر اور کورنگی کی اہم سڑکوں پر بھی بارش کے پانی کی وجہ سے ٹریفک کی روانی متاثر ہوئی۔تین ہفتوں کے وقفے کے بعد شہر قائد میں گزشتہ روز بھی موسلادھار بارش کے بعد سڑکیں زیر آگئی تھی جبکہ مختلف علاقوں میں بجلی منقطع ہونے کے ساتھ ساتھ گھنٹوں تک ٹریفک کی روانی بھی معطل رہی جس سے شہریوں کو شدید مشکلات کا سامنا کرنا پڑا۔

گزشتہ روز ایک گھنٹے سے زائد جاری رہنے والی موسلادھار بارش سے کئی نشیبی علاقوں کی سڑکیں زیر آب آگئی تھیں، مختلف علاقوں سے شہریوں نے یہ بھی شکایات کیں کہ بارش شروع ہوتے ہی بجلی چلی گئی جس کو بحال ہونے میں کئی گھنٹے لگ گئے۔قبل ازیں، محکمہ موسمیات نے کراچی کے بعض علاقوں میں آج بھی گرج چمک کے ساتھ بارش کی پیش گوئی کی تھی۔

محکمہ موسمیات نے ایک بیان میں کہا تھا کہ ’کراچی میں آج موسم گرم اور مرطوب رہنے کے ساتھ دوپہر سے شام کے درمیان چند مقامات پر گردوغبار/گرج چمک کے ساتھ بارش کا امکان ہے‘۔واضح رہے کہ گزشتہ روز کراچی میں بارش اور تیز ہواؤں کے نتیجے میں کرنٹ لگنے کے مختلف واقعات میں 3 افراد جاں بحق ہوگئے تھے۔

تقریباً 3 ہفتوں کے وقفے کے بعد گزشتہ روز شہر میں بارش ہوئی جس سے سڑکیں زیر آب آگئیں اور بجلی کی بندش کے ساتھ ساتھ مختلف علاقوں میں گھنٹوں ٹریفک جام ہوگیا۔تازہ ترین پیش گوئی میں محکمہ موسمیات نے کہا کہ بھارتی گجرات کے اوپر کم دباؤ وسطی بھارت پر موجود کم دباؤ میں ضم ہوگیا جس کی وجہ سے سندھ کے کچھ حصوں میں بارش کا امکان ہے۔

محکمہ موسمیات کے مطابق تھرپارکر، عمرکوٹ، بدین، سانگھڑ، خیرپور اور میرپورخاص میں چند مقامات پر وقفے وقفے سے 15 ستمبر تک تیز آندھی کے ساتھ بارش کا سلسلہ جاری رہنے کا امکان ہے۔اسی طرح حیدرآباد، ٹنڈو الہیار، مٹیاری، جامشورو، ٹنڈو محمد خان، سجاول اور ٹھٹہ کے اضلاع میں آج اور کل بھی اسی طرح بارش متوقع ہے۔

گزشتہ روز محکمہ موسمیات نے کراچی میں سب سے زیادہ بارش پرانے ایئرپورٹ کے علاقے میں 32.2 ملی میٹر یا 1.26 انچ ریکارڈ کی، اس کے بعد یونیورسٹی روڈ پر 28.3 ملی میٹر، پی اے ایف مسرور بیس پر 24 ملی میٹر، پی اے ایف فیصل بیس پر 25 ملی میٹر، گلشن حدید میں 23 ملی میٹر، قائد آباد میں 17.5 ملی میٹر، جناح ٹرمینل میں 13.2 ملی میٹر، کیماڑی میں 11.5 ملی میٹر، سرجانی ٹاؤن میں 10.6 ملی میٹر، سعدی ٹاؤن میں 10.4 ملی میٹر، ڈی ایچ اے فیز 2 میں 8.7 ملی میٹر، ناظم آباد میں 3.2 ملی میٹر اور کورنگی میں 3.4 ملی میٹر بارش ریکارڈ کی۔

وقفے وقفے کے ساتھ مسلسل ایک گھنٹے سے زائد جاری رہنے والی بارش کے سبب کئی نشیبی علاقے اور اہم سڑکیں زیر آب آگئی تھیں، کئی علاقوں میں مکینوں نے شکایت کی کہ بارش کی پہلی بوند کے ساتھ ہی بجلی کی فراہمی معطل ہوگئی اور کئی گھنٹوں بعد بحال ہوئی۔

آرمی چیف جنرل قمر جاوید باجوہ نے کانجو اور سوات کا دورہ کیا

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔