Tag: کراچی

کراچی : ضلع وسطی میں ناجائز تجاوزات کے خاتمے کےحوالےسے ڈپٹی کمشنر و ایڈمنسٹریٹر طحہ سلیم کی صدارت میں خصوصی اجلاس منعقد کیا گیا جس میں تجاوزات کے خلاف سپریم کورٹ کے احکامات پر سختی سےعمل کرنے کا فیصلہ کیا گیا اور ناجائزتجاوزات کے پشت پناہ قبضہ مافیہ سے آہنی ہاتھوں سے نمٹنے کی ہدایت کی گئی-

باغی ٹی وی : اجلاس میں ضلع وسطی کے اسسٹنٹ کمشنرز،شعبہئ انسدادِ تجاوزات کے افسران کے علاوہ کے ایم سی، کے ڈی اے، ایس بی سی اے،رینجرز اور پولیس کے افسران نے شرکت کی۔ اجلاس میں طے کیا گیا کہ ضلع وسطی میں تجاوزات کے خاتمہ کے لئے سپریم کورٹ کے احکامات پر سختی عمل کیا جائے اورکسی بھی جگہ پرخصوصی طور پربرساتی نالوں اورفٹ پاتھوں پر تجاوزات کو تعمیر ہونے سے قبل ہی ختم کردیا جائے تاکہ شہر کی صورت بگاڑنے اور شہریوں کی زندگیوں کے لئے خطرہ بننے والی تجاوزات کسی صورت پنپنے نہ پائیں۔

سانحہ فیصل آباد،ڈسٹرکٹ پریس کلب قصور کی مذمت

اس موقع پریہ بھی طے کیاگیا کہ ناجائز تجاوزات کی تعمیر میں ملوّث افراد اوراُن کے پشت پناہ قبضہ مافیہ سےآہنی ہاتھوں سےنمٹا جائےاس سلسلے ضلع وسطی کے شعبہ انسدادِ تجاوزات کو کے۔ایم۔سی، کے ڈی اے، ایس، بی سی اے، اورقانون نافذ کرنے والے اداروں رینجرز اور پولیس کا تعاون حاصل رہے گا۔

واضح رہے کہ گذشتہ روزایمینٹی۔A-4۔ST.فیڈرل بی ایریا بلاک 19، نزد پاور ہاؤس پر قائم تجاوزات کے خلاف آپریشن کے دوران سرکاری عملے کو قبضہ مافیہ اور تجاوزات قائم کرنے والوں کی جانب سے مزاحمت کا سامنا کرنا پڑا تھا تاہم قانون نافذ کرنے والے اداروں کی مدد سے اس مسئلے سے نمٹ لیا گیا۔

ملیر ندی میں ڈوبنے والی گاڑی مل گئی،4 بچوں سمیت 7 افراد لاپتہ

مزکورہ آپریشن کی نگرانی سیکرٹری کےڈی اے شمس الحق صدیقی،اینٹی انکروچمنٹ سیل کےایڈیشنل ڈائریکٹر جمیل احمد بلوچ اور اسسٹنٹ کمشنر گلبرگ دادن لاشاری کررہے تھے۔دوسری جانب شہر میں کئی مقامات پر عمارتوں کےگرنے کی اطلاع بھی تجاوزات قائم کرنے والوں اور شہری انتظامیہ کے لئے خطرہ کی گھنٹی ہے اس لئے ضروری ہے کہ ایسی تمام تجاوزات کوختم کردیا جائے کہ جو عوام کی زندگی کے لئے خطرہ اور عوامی فلاہ و بہبود کے کاموں خصوصاً بارش کے پانی کی نکاسی اور کوڑے کرکٹ کی صفائی میں رکاوٹ کا سبب بنتی ہیں۔

اسحاق ڈار کی سینیٹر شپ سے نااہلی کی درخواست، فریقین کو جواب جمع کرانے کی ہدایت

کراچی: ملیر ندی میں ڈوبنے والی گاڑی مل گئی، لیکن اس میں سوار 7 افراد لا پتا ہیں لواحقین کے مطابق گاڑی میں ڈرائیور اور 4 بچوں سمیت 7 افراد سوار تھے۔

باغی ٹی وی : کراچی کے علاقے ملیر میں لنک روڈ پر ندی میں ڈوبنے والی سفید رنگ کی کار ریسکیو نے تلاش کر لی لیکن گاڑی میں کسی شخص کی لاش موجود نہیں تھی گزشتہ رات ہونے والی بارش کے بعد ایم نائن لنک روڈ پر ملیر ندی کا سیلابی پانی آ گیا تھا سیلابی پانی کو پار کرنے کے دوران گاڑی سیلابی ریلے میں بہہ کر ندی میں جا گری تھی۔

ریسکیو حکام کے مطابق کار میں میاں بیوی اور ان کے 4 بچوں سمیت ڈرائیور بھی سوار تھا، کار سوار افراد کی لاشیں پانی کے بہاؤ سے آگے بہہ گئی ہوں گی، جن کی تلاش کے لیے ریسکیو آپریشن جاری ہے-

واقعے کو تقریباً 12 گھنٹے ہو چکے ہیں، آدھی رات کو اندھیرے کے باعث ریسکیو آپریشن روک دیا گیا تھا، صبح ہوتے ہی آپریشن دوبارہ شروع کر دیا گیا، اور اس دوران ط گاڑی تو مل گئی لیکن اندر کوئی موجود نہیں تھا۔

ایدھی ذرائع کے مطابق گاڑی میں سوار خاندان کا تعلق حیدر آباد سے ہے کراچی سے حیدر آباد جا رہے تھے۔

لنک روڈ پر حادثے کا شکار ہونے والی مذکورہ کار کے ڈرائیور کے بھائی حافظ عبدالحئی نے کہا کہ میرا بھائی حیدر آباد آ رہا تھا کہ ایک فیملی نے کہا کہ ہمیں بھی لے جائیں قائد آباد سے میاں بیوی اور ان کے 4 بچوں کو لے کر بھائی حیدر آباد آ رہا تھا، تاہم شام 6 بجے کے بعد بھائی سے دوبارہ رابطہ نہیں ہوا۔

دوسری جانب ملیر ندی میں پانی کی سطح کم ہونے کے بعد ایم نائن لنک روڈ پر ٹریفک بحال کر دیا گیا ہے سپر ہائی وے سے نیشنل ہائی وے تک ہیوی ٹریفک کی آمد و رفت بحال ہو گئی ہے کئی گھنٹے سڑک بند ہونے کے باعث لنک روڈ پر ٹریفک کا دباؤ ہے۔

ادھر کراچی میں جاری حالیہ بارشوں کے باعث کورنگی کاز وے اور کراسنگ روڈ پر سیلابی صورت حال ہے، ایک بڑا ریلا روڈ پر گزر رہا ہے، جس سے قریبی آبادی مہران ٹاؤن میں پانی داخل ہونے کا خدشہ ہے۔

ٹریفک پولیس نے کورنگی کازوے اور کراسنگ مکمل طور پر ٹریفک کے لیے بند کر دیے ہیں، جب کہ مہران ٹاؤن میں حفاظتی اقدامات کے لیے انتظامیہ سے رابطہ کیا گیا ہے۔

کراچی میں بارش کی پیشگوئی کے بعد سندھ حکومت کا آج تمام تعلیمی اداروں میں چھٹی کا اعلان کردیا، کراچی کے مختلف علاقوں میں شدید بارش کا سلسلہ وقفے وقفے سے جاری ہے اور 19 اگست تک شدید بارشوں کی پیش گوئی کی گئی ہے.

کراچی میں مزید بارش کی پیش گوئی کے بعد سندھ حکومت نے آج تمام تعلیمی اداروں میں چھٹی کا اعلان کردیا۔کراچی کے مختلف علاقوں میں شدید بارش کا سلسلہ وقفے وقفے سے جاری ہے اور 19 اگست تک شدید بارشوں کی پیش گوئی کی گئی ہے۔

وزیرتعلیم سندھ کے مطابق وزیراعلیٰ سندھ مراد علی شاہ نے محکمہ تعلیم کو چھٹی دینے کی ہدایت دی ہے۔ بارش کے باعث کراچی میں انٹربورڈ نے آج ہونے والے تمام امتحانات ملتوی کردیے ہیں۔ کراچی انٹر بورڈ کی جانب سے جاری بیان میں کہا گیا ہے کہ آج کے تمام امتحانات ملتوی کردیے گئے ہیں، ملتوی پرچے 25 اگست کو ان ہی امتحانی مراکز پر شیڈول اور وقت پر لیے جائیں گے۔اعلامیے کے مطابق عملی امتحانات ری شیڈول کرنے کیلئے کالجوں کو ہدایت جاری کردی گئی ہیں۔

کراچی میں بارشوں سےعلاقوں میں سوئی سدرن گیس کی لائنیں بیٹھ گئیں۔

باغی ٹی وی : تفصیلات کے مطابق اہل علاقہ کا کہنا ہے کہ کئی علاقوں میں گیس کی لیکج کی شکایات ہیں تو کہیں گیس کی لائنوں میں پانی بھر جانے سے گھریلو صارفین کو گیس نہیں مل رہی۔

کراچی کے مختلف علاقوں میں بارش کا سلسلہ جاری

کراچی کے علاقے گلستان جوہر بلاک 17، محمود آباد ،کشمیر کالونی ،اختر کالونی، صدر، آئی آئی چندریگر روڈ، سٹی ریلوے کالونی اور لیاری کے مختلف علاقوں کو گیس کی بندش کا سامنا ہے۔

اہل علاقہ کا کہنا ہے کہ سوئی سدرن گیس کے دفاتر میں شکایات درج کروانے کے باوجود فالٹ ٹھیک نہیں کیے جا رہے اور نہ ہی کوئی سنوائی ہورہی ہے مہنگائی کے دور میں ہوٹل سے کھانے کیسے کھائیں-

کراچی چڑیا گھرمیں دانتوں کی تکلیف میں مبتلا ہتھنیوں کی سرجری

دوسری جانب شہر میں آج بھی تیز بارش کا امکان ہے اور محکمہ موسمیات نے شہریوں کو خبردار کیا ہےشہر کے کئی علاقوں میں بارش کا سلسلہ جاری ہے جب کہ گلشن حدید، ائیر پورٹ کےاطراف میں تیز بارش ہورہی ہےاس کےعلاوہ کارساز، کالا پُل،کیماڑی، گلستان جوہر، فیڈرل بی ایریا، طارق روڈ اور پی ای سی ایچ ایس میں بھی تیز بارش کا سلسلہ جاری ہےملیر الفلاح اور ملیر ہالٹ کے علاقے میں بوندا باندی ہورہی ہے۔

محکمہ موسمیات نے خبردار کیا ہے کہ شہر میں آج بھی تیز بارش ہوگی جب کہ یہ سلسلہ کل تک جاری رہے گا۔کشمیر،سندھ،مشرقی بلوچستان میں موسلادھار بارش متوقع ہے بالائی وجنوبی پنجاب، جنوبی خیبرپختونخوامیں بھی موسلادھار بارش کاامکان ہے۔

خیبرپختونخوا: پولیو ٹیم پرنامعلوم مسلح افراد کا حملہ،2 پولیس اہلکار جاںبحق

کراچی :شہر قائد میں ایک بار پھر طوفانی بارشوں کا سلسلہ شروع ہوگیا ہے اور یہ بھی اطلاعات ہیں کہ بارشوں کا یہ سلسلہ 19 اگست تک جاری رہے گا،ادھر کراچی میں منگل کو بارش کا آغاز گلشن معمار، پورٹ قاسم، گلشن حدید اور اطراف کے علاقوں سے ہوا جس کے بعد شہر کے دیگر علاقوں کو بھی بتدریج بارش شروع ہوگئی۔

کراچی بارشیں: پاک فوج کے جوان خدمت میں‌مصروف : شاہراہ فیصل پر انڈر پاس کلیئر

محکمہ موسمیات کے مطابق شہر میں دن بھر وقفے وقفے سے کہیں ہلکی اور کہیں تیز بارش کا سلسلہ جاری رہے گا۔ رواں برس موسم برسات میں غیر معمولی بارشوں کے باوجود انتظامیہ بدستور صرف دعوے ہی کرتی نظر آرہی ہے۔ شہر کی تمام اہم سڑکیں دور افتادہ علاقوں کے کچے راستوں کا منظر پیش کررہی ہیں۔ جگہ جگہ گڑھوں اور کھلے مین ہولز کی بدولت عوام کو شدید مشکلاتے کا سامنا ہے۔

دوسری جانب محکمہ موسمیات نے بھارتی ریاست راجستھان میں موجود ہوا کے کم دباؤ کی بدولت منگل کی شام سے بارشوں کے نئے سلسلے کی پیش گوئی کی ہے۔محکمہ موسمیات کا کہنا ہے کہ مون سون کے نئے اسپیل سے کراچی سمیت سندھ کے بیشتر اضلاع میں 19 اگست جب کہ بلوچستان کے شمال مشرقی اور ساحلی اضلاع میں 20 اگست موسلادھار بارشوں کا امکان ہے، جس سے نشیبی علاقے زیر آب اور مقامی برساتی ندی نالوں میں طغیانی آسکتی ہے۔

کراچی بارشیں:عروہ حسین حکومت کے خلاف بولنے والوں برہم

ادھرکراچی میں سرجانی ٹاؤن گرین بس سٹاپ کے قریب چار منزلہ بلڈنگ گر گئی جس کے نتیجے میں ایک شخص جاں بحق جبکہ 10 افراد زخمی ہو گئے ہیں۔

کراچی بارشیں، شہری برقی آلات کے استعمال میں احتیاط کریں اور کھمبوں سے دور رہیں، کے…

تفصیلات کے مطابق کراچی کے علاقے سرجانی ٹاؤن میں گرین بس سٹاپ کے قریب واقع چار منزلہ عمارت اچانک منہدم ہوگئی جس کے ملبے تلے متعدد افراد دب گئے۔

ریسکیو ٹیموں نے موقع پر پہنچ کر 11 افراد کو زخمی حالت میں ملبے سے نکالا، زخمیوں کو بعد ازاں ہسپتال منتقل کر دیا گیا جن میں سے ایک شخص ہسپتال میں دم توڑ گیا، علاقہ مکینوں کا کہنا ہے کہ اب بھی کئی افراد ملبے تلے دبے ہوئے ہیں۔ریسکیو ذرائع کا کہنا ہے کہ مزید عمارت گرنے والے ملبے تلے دبے بچ جانے والوں کی تلاش کے لیے جائے وقوعہ پر آپریشن جاری ہے۔

کراچی : چڑیا گھر میں دو ہتھنیوں مدھو بالا اور نورجہاں کا آج ہونےوالا دانتوں کاعلاج ملتوی ہو گیا تاہم اب ہتھنیوں کے دانتوں کی سرجری کل ہو گی۔

باغی ٹی وی : کراچی کے چڑیا گھر کی ہتھنیاں دانتوں کی تکلیف میں مبتلا ہو گئی ہیں، جنہیں اس تکلیف سے نجات دلانے کے لیے روٹ کینال کیا جائے گا کراچی چڑیا گھر کی 16 سالہ مدھو بالا اور 17سالہ نور جہاں نامی ہتھنیوں کا روٹ کینال ہوگا دونوں ہتھنیاں دانتوں کی تکلیف میں مبتلا ہیں۔

چڑیا گھر انتظامیہ کے مطابق موسم کے باعث دو سرجنز کی کراچی آمد میں تاخیر ہوئی فور پاز ٹیم کے مطابق سرجری اب بدھ کے روز صبح 10 بجے پرفارم کی جائے گی۔

آسٹریا سے آنے والے انٹرنیشنل فور پاز نامی تنظیم کے ڈاکٹرز روٹ کینال آپریشن کریں گے مدھو بالا کا دانت گل چکا ہے، جس کا آپریشن آج کیا جانا تھاغیر ملکی ڈاکٹرزکی ٹیم نے دونوں ہتھنیوں کامعائنہ کر لیا ہےڈاکٹرز نے بتایا کہ دونوں ہتھنیوں کے دانتوں کا انفیکشن خطرناک مرحلے تک پہنچ گیا ہے اور وہ مسلسل درد میں مبتلا ہیں۔

واضح رہے کہ کراچی میں چار ہاتھی ہیں جن میں سونو اور ملکہ جو سفاری پارک میں رہتے ہیں جبکہ دو ہتھنیاں نورجہاں اور مدھو بالا چڑیا گھر میں ہیں۔

قبل ازیں گزشتہ برع نومبر میں انکشاف ہوا تھا کہ کراچی کے چڑیا گھر میں مدھوبالا اور نورجہاں ہتھنیوں کے دانت غائب ہوگئےتھے جن کے بارے میں انتظامیہ بھی لاعلم تھی فور پاوز نامی بین الاقوامی این جی او کے ماہرین سفاری پارک پہنچے جہاں انہوں نے دونوں ہاتھیوں کے رہن سہن کا جائزہ لیا بلکہ کچھ ٹیسٹ بھی کیے تھے جس پر پتہ چلا تھا کہ سونو کہلانے والا ہاتھی ہتھنی نکلی جبکہ ہتھنیوں کے ناخنوں میں فنگس بھی پایا گیا تھا اور ناخن بڑنے ہونے پر بھی نہیں کاٹے گئے تھے-

فور پاوز نامی بین الاقوامی این جی او نے کراچی چڑیا گھر کا بھی دورہ کیا تھا جس پر انکشاف ہوا تھا کہ 17 سالہ نورجہاں کے دانت ٹوٹ گئے ہیں جس سے وہ شدید تکلیف میں ہے اور اسے فوری علاج کی ضرورت ہے اس کے ساتھ ہی 16 سالہ مدھو بالا بھی عمر پوری ہونے کے باوجود اب تک بالغ نہیں ہو پارہی اور وجہ دیکھ بھال کا ٹھیک نہ ہونا جبکہ اطراف میں موجود شورو غل ہے جس سے دونوں ہاتھی ذہنی دباؤ کا شکار بھی ہیں۔

اس حوالے سے چڑیا گھر انتظامیہ کا کہنا تھا کہ ہتھنیوں کے دانت گنا اور درختوں کی شاخیں کھانے سے جھڑ گئے ہیں۔دوسری جانب سندھ ہائیکورٹ میں این جی او نے اپنی سفارشات بھی جمع کروائیں تھیں جس میں ہتھنیوں میں خون کی کمی کا بھی بتایا گیا تھا-

کراچی :روشنیوں کے شہر کراچی میں پاکستان کے 75ویں یومِ آزادی کے موقع پر ملک کی پہلی الیکٹرک کار کی رونمائی کردی گئی۔پاکستان کی 75ویں سالگرہ پر، ڈائس فاؤنڈیشن(DICE) نے ملک کی پہلی نور ای سیونٹی فائیو( Nur-E 75 ) متعارف کرا دی ہے۔

’’میڈان پاکستان الیکٹرک کار‘‘اوورسیز پاکستانیوں کا کمال:انقلاب آگیا

الیکٹرک گاڑی کوڈائس فاؤنڈیشن نے تیار کیا جو پاکستانی تارکین وطن کی طرف سے چلائی جانے والی امریکہ میں قائم ایک غیر منافع بخش تنظیم ہے، گاڑی کو تیار کرنے میں مقامی تعلیمی اداروں اور صنعت کی مدد بھی حاصل کی گئی ہے۔پاکستان کی پہلی الیکٹرک کار کا نام Nur-E رکھا گیا ہے جبکہ الیکٹرک کار کمپنی کا نام (JaXari ) ایک 12ویں صدی کے سائنسدان اسماعیل الجزری کے نام پر رکھا گیا ہے۔

اس الیکٹرک کار کی اہم خصوصیات میں 5 سیٹیں ہیں، رفتار کی بات کی جائے تو یہ کار 107ایچ پی 80 کے ڈبلیو ہے، ویل/ ٹائروں کا سائز آر 16 205/55، چارجنگ 7 سے 8 گھنٹے ہے جبکہ فاسٹ چارجنگ دو گھنٹے میں ہوجاتی ہے۔

 پاکستان میں پہلی دفعہ کوریا سے امپورٹ کی جانے والی الیکٹرک کاریں حادثے کا شکار

گاڑی کی قیمت کا فیصلہ ابھی کمپنی کی جانب سے نہیں کیا گیا مگر امکان ہے جلد ہی اس کی قیمت بھی سامنے آجائے گی۔نقاب کشائی کی تقریب آج شام 4.00 بجے شروع ہوئی اور پروٹو ٹائپ کو چمک دھمک سے دکھایا گیا۔

تیز بارش آندھی کے باوجود کے الیکٹرک کی زبردست کارکردگی سامنے آگئی

Nur-E ابھی ابتدائی مرحلے میں ہے لیکن یہ پاکستانی آٹو موٹیو انڈسٹری کی طرف سے اٹھایا جانے والا ایک عظیم اور اپنی نوعیت کا پہلا اقدام ہے۔ DICE فاؤنڈیشن تجارتی طور پر پروٹو ٹائپ تیار کرنے کے لیے کافی سرمایہ کاری کرنےکا ارادہ رکھتی ہے، جس میں 3 سال لگ سکتے ہیں۔