Baaghi TV

Tag: کراچی

  • مجھے ایڈز کے مریضوں والے وارڈ میں بند رکھا گیا ہے،حلیم عادل شیخ

    مجھے ایڈز کے مریضوں والے وارڈ میں بند رکھا گیا ہے،حلیم عادل شیخ

    انسداددہشت گردی عدالت، کراچی میں نو مئی کے واقعات کے درج مقدمات کا معاملہ ، پی ٹی آئی سندھ کے صدرحلیم عادل شیخ انسداددہشتگردی عدالت میں پیش ہوئے

    سماعت کے دوران حلیم عادل شیخ پھٹ پڑے،حلیم عادل شیخ کا عدالت میں کہنا تھا کہ قانون کے مطابق جیل میں جو سہولت فراہم کرنی چاہئے وہ نہیں دی جارہی ، مجھے ایڈز کے مریضوں والے وارڈ میں بند رکھا گیا ہے، ہم انسان ہیں قانون جو حق دیتا ہے اس کے مطابق سہولیات ملنی چاہیں،ہم سب ضمیر کے قیدی ہیں، ہمار لیڈر بھی سزا بھگت رہا ہے، میں آج پریس کانفرنس کردوں، اپنے ضمیر کا سودا کردوں تو کل رہا ہو جاوں گا،جن لوگوں نے اپنے ضمیر کا سودا کیا وہ آرام سے بیٹھے ہیں،میرے خلاف کئی مقدمات درج ہیں، وکلا اور فیملی سے ملاقات کی اجازت نہیں ہے،آخر کب تک ہمیں بے گناہ بند رکھیں گے؟ 8 فروری کے بعد بالاخر ہمیں جیلوں سے رہا کرنا پڑے گا،ہم ملک کے قانون،نظام اور اداروں کے ساتھ کھڑے ہیں،

    عدالت نے حلیم عادل شیخ کو جیل میں ملنے والی سہولیات کی تفصلات طلب کرلیں،عدالت نے کیسز کی مزید سماعت 13 فروری تک ملتوی کردی

    سندھ میں لڑکیوں سے برہنہ پریڈ ،اجتماعی زیادتی واقعہ پر عدالت نے نوٹس لے لیا

    لڑکیوں سے برہنہ پریڈ کروانے کے دو ملزم عدالت پیش

    لڑکیوں سے برہنہ پریڈ،اجتماعی زیادتی کا واقعہ، ایم ایل او پر بھی لگ گیا گھناؤنا الزام

    برہنہ پریڈ،اجتماعی زیادتی کیس، متاثرہ لڑکیاں عدالت پیش،بیان ریکارڈ کروا دیا

    برہنہ پریڈ،اجتماعی زیادتی کیس،لڑکیوں نے ڈر کے مارے گاؤں چھوڑ دیا

  • پاکستان کی معیشت کااصل مسئلہ

    پاکستان کی معیشت کااصل مسئلہ

    پاکستان کی معیشت کااصل مسئلہ

    پاکستان کی معیشت کوغیر قانونی طریقوں سے ناقبلِ تلافی نقصان ہو رہا ہے۔ چند حقائق درج ذیل ہیں۔

    ڈیزل کی چوری
    کسٹمز انٹیلیجنس کے حالیہ انٹیلیجنس بیسڈ آپریشن کے نتیجے میں نان ڈیوٹی پیڈ ڈیزل کی چوری پکڑی گئی.*پارکو کی نان کسٹم پیڈ زیر زمین لائن سے ایک آئل مل میں سرنگ بنا کر ڈیزل چوری کر کے مارکیٹ میں فروخت کیا جا رہا تھا۔کسٹمز انٹیلی جنس کی خفیہ اطلاعات کی بناء پر مشتبہ صنعتی احاطے کی مانٹرنگ کی جارہی تھی۔ کاروائی کے نتیجے میں پورٹ قاسم کے قریب خوردنی تیل والی آئل مل انتظامیہ ڈیزل کی چوری میں ملوث پائی گئی۔ کاروائی کے دوران حیران کن انکشاف ہوا کہ آئل مل کی انتظامیہ نے خفیہ سرنگ کے ذریعے سفید پائپ لائن نکالی۔ دریافت ہونے والی خفیہ سرنگ کی لمبائی 174 فٹ ہے جہاں سے ڈیزل چوری کیا جا رہا تھا۔موقع واردات سے 65 ہزار لیٹر ڈیزل برآمد ہوا جس کی مالیت تقریبا 20 ملین روپے ہے.مزید تفصیلات کے مطابق پارکو کی سفید پائپ لائن میں دو انچ کے پائپ کو کلیمپ کے ذریعے جوڑا گیا تھا اور ہائی پریشر کے وقت میں دو سے تین گھنٹے کے دورانیہ میں پورا کنٹینر بھر لیا جاتا تھا۔ ملزمان سے تفتیش کے بعد معلوم ہوا کہ اس جگہ پہلے 12 کنٹینر ڈیزل نکال کر بیچا جا چکا ہے۔پارکو کی یہ لائن جہاں سے چوری کی جا رہی تھی وہ تقریبا ایک ہزار کلومیٹر طویل ہے، اور اگر چوری اتنی آسانی سے کی جا رہی تھی تو اس بات میں پھر کوئی شبہ نہیں رہتا کہ متعدد جگہوں پر کلیمپس لگا کر ڈیزل کی چوری کی جا رہی ہے۔

    ٹریڈ بیس منی لانڈرنگ
    کسٹم انٹیلیجنس سمگلنگ کے روک تھام کے ساتھ ساتھ مختلف غیر قانونی کاموں کی روک تھام پر سرتوڑ محنت کر رہی ہے۔جیسا کہ منی لانڈرنگ کے خلاف بھی کسٹمز سرگرم عمل ہے۔ پاکستان میں ٹریڈ بیسڈ منی لانڈرنگ بہت بڑے پیمانے پر ہو رہی ہے۔ اس طریقہ واردات کی مدد سے بین الاقوامی تجارتی نظام کے ذریعے غیر قانونی فنڈز کو قانونی حیثیت دی جاتی ہے۔ٹریڈ بیس منی لانڈرنگ مختلف طریقوں سے کی جاتی ہے جیسا کہ درآمد شدہ یا برآمد شدہ سامان کی غلط قیمت مقدار اور معیار بتایا جاتا ہے، سامان اور سروسز کی اوور یا انڈر انوائسنگ کی جاتی ہے،اگر سامان کی اوور انوائسنگ کر کے امپورٹ کریں گے تو ہمارے ذخائر سے ڈالر زیادہ خرچ ہوں گے یا اگر انڈر انوائسنگ کر کے سامان ایکسپورٹ کیا جائے گا تو ہمارے ذخائر میں کم ڈالرز کا اضافہ ہوگا۔ گزشتہ چھ ماہ میں درآمد اور برآمد شدہ اشیاء کی اوور اور انڈر انوائسنگ کی مد میں 32 ملین ڈالر پکڑے گئے ہیں، ایک ایسا ہی قابل ذکر کیس یہ ہے کہ کاغذات میں ایک الیکٹرانک کنٹینر کو کیٹ لیٹر سینڈ ڈیکلیئر کیا گیا بتاتے چلیں کہ کیٹ لٹر سینڈ پر ڈیوٹی دو لاکھ بنتی ہے اور الیکٹرانکس پر ڈیوٹی پانچ کروڑ بنتی ہے۔ اب اس سے اندازہ لگایا جا سکتا ہے کہ کس طرح بڑے پیمانے پر غبن کر کے ملکی معیشت کو ٹھیس پہنچائی جا رہی ہے۔پاکستان کی امپورٹ پالیسی ایکٹ کے مطابق انڈیا سے ہرطرح کے درآمدات پر پابندی ہے۔ پابندی ہونے کے باوجود انڈیا سے درآمدات جاری ہیں، کئی اشیاء جیسا کہ سلفیورک کھاد اور سوتی دھاگہ وغیرہ انڈیا سے براستہ دبئی پاکستان میں درآمد ہو رہا ہے۔ اس معاملے میں بھی غلط بیانی کی جاتی ہے کہ یہ سامان تھائی لینڈ سے درآمد کیا گیا ہے لیکن کاغذات کی جانچ پڑتال کے بعد معلوم ہوتا ہے کہ تمام اشیا دبئی سے درآمد کی گئی ہیں جبکہ دبئی میں ان اشیا کی پروڈکشن نہیں ہوتی، جو کہ صاف ظاہر کرتا ہے کہ دبئی صرف روٹ کے طور پر استعمال ہو رہا ہے۔کراچی میں مختلف مارکیٹوں میں چھاپوں کے دوران سمگل شدہ کپڑا بھی ملا ہے۔ جس کے بعد 17 اقسام کے کپڑے کی برآمد پر پابندی لگا دی گئی ہے، یہ پابندی افغان ٹرانزٹ ٹریڈ ایگریمنٹ کے غلط استعمال کو روکنے کے اقدامات کا حصہ ہے۔

    اصل حقیقت کیا ہے
    یہ تمام وہ پہلو ہیں جو پاکستان کی معیشت اور مالی استحکام کے لیے انتہائی خطرناک ہیں۔معصوم پاکستانی عوام کو ہمیشہ چھوٹے چھوٹے اور جھوٹے مسائل اور ایشوز میں پھنسا کر بھٹکایا گیا ہے۔ تاکہ جو اصل غور طلب معاملات ہیں ان کی جانب عوام کا دھیان نہ جائے۔ہر معاملے میں فوج پر انگلی تو اٹھائی جاتی ہے لیکن حقیقت سے کبھی پردہ نہیں اٹھایا جاتا۔ کبھی یہ حقیقت منظر عام پر نہیں آئی کہ پاکستان کے مختلف اداروں کے شہداء کے گھرانوں کو حکومتی خزانے سے مدد فراہم کی جاتی ہے جبکہ پاک فوج اپنے شہداء کے گھرانوں کو خود ریوینیو جمع کر کے مدد فراہم کرتی ہے۔ صرف یہی نہیں بلکہ ٹیکس کی مد میں کروڑوں روپے سالانہ جمع کراتی ہے۔وچنے کی بات یہ بھی ہے کہ یہ تمام تفصیلات اور کاروائیاں اب منظر عام پر کیوں آ رہی ہیں؟ اب ہی کیوں ان کے خلاف ایکشن لیا جا رہا ہے؟س کا بہت آسان جواب یہ ہے کہ موجودہ حکومت ایک غیر سیاسی حکومت ہے جب روایتی سیاسی جماعتیں حکومت میں آتی ہیں تب ان تمام سرگرمیوں کی خود سرپرستی کرتی ہیں اور عوام کو دوسرے بے معنی معاملات میں الجھا کر رکھتی ہیں تا کہ عوام کا پیسہ کھا سکیں۔ چونکہ موجودہ حکومت غیر سیاسی ہے نہ صرف ان تمام کاروائیوں کی روک تھام چاہتی ہے بلکہ قانون نافذ کرنے والے اداروں کو ان کی روک تھام میں مکمل سپورٹ کر رہی ہے۔ بہرحال اب بہت اشد ضرورت ہے کہ ہم اصل حقائق کو پہچانیں اور ان تمام کاروائیوں کے خلاف آواز اٹھائیں اور ان کی روک تھام میں اپنا کردار ادا کریں۔

  • کراچی میں دہشتگردوں کا بڑا نیٹ ورک بے نقاب،اہم کمانڈرز سمیت 17 دہشتگرد گرفتار

    کراچی میں دہشتگردوں کا بڑا نیٹ ورک بے نقاب،اہم کمانڈرز سمیت 17 دہشتگرد گرفتار

    کراچی: سیکیورٹی فورسز اور قانون نافذ کرنے والے اداروں نے کراچی میں تحریک طالبان پاکستان (ٹی ٹی پی) کے دہشتگردوں کا بڑا نیٹ ورک بے نقاب کرتے ہوئے اہم کمانڈرز سمیت 17 دہشتگرد گرفتار کرلیے۔

    باغی ٹی وی : سیکیورٹی ذرائع کے مطابق گرفتار دہشت گرد 2007 تا 2014 تک ٹی ٹی پی نیٹ ورک کا حصہ تھے اور سنگین جرائم میں قانون نافذ کرنے والے اداروں کو مطلوب تھے، دہشتگرد کراچی میں دہشتگردانہ کارروائیوں کی منصوبہ بندی کر رہے تھے ، جنہیں انٹیلی جنس ایجنسیز نے کارروائی کرتے ہوئے کراچی سے گرفتار کرلیا۔

    دہشتگردوں کو افغانستان سے ٹی ٹی پی کی قیادت کی سرپرستی میں منظم کیا گیا تھا، گرفتار دہشت گرد سوات اور مالاکنڈ میں سیکورٹی فورسز اور این جی اوز پر حملوں میں ملوث تھے، اس کے علاوہ ٹارگٹ کلنگ اور قانون نافذ کرنے والے اداروں پر حملوں میں بھی ملوث تھے یہ نیٹ ورک بھتہ خوری اور اغوا برائے تاوان کے ذریعے فنڈز اکھٹا کرتا تھا، اس نیٹ ورک نے مدرسے میں خودکش بمباروں کو بھی پناہ دی تھی، جنہیں دہشتگردی کی مختلف سرگرمیوں میں استعمال ہونا تھا۔

    دفع 144 کی خلاف ورزی پر لاہور میں گرفتاریاں شروع

    سیکیورٹی حکام کا کہنا ہے کہ اس سلسلے میں بھتہ خوری سے بچنے کے لئے بہترین اقدامات کیے جا رہے ہیں، فورسز اور قانون نافذ کرنے والے اداراے دہشت گردوں کے عزائم خاک میں ملانے کے لئے پر عزم ہیں۔

    انتخابات میں سوشل میڈیا پر شرپسندی پھیلانے والوں کی مانیٹرنگ کا فیصلہ

    ملک کے بالائی علاقوں میں بارش کا امکان

  • بیوی کے ساتھ جبری جنسی تعلق قائم کرنے پر شوہر کو 3 سال قید اور جرمانے کی سزا

    بیوی کے ساتھ جبری جنسی تعلق قائم کرنے پر شوہر کو 3 سال قید اور جرمانے کی سزا

    کراچی:سیشن عدالت نے شوہر کو بیوی کے ساتھ جبری جنسی تعلق قائم کرنے پر 3 سال قید اور جرمانے کی سزا سنا دی۔

    باغی ٹی وی: تفصیلات کے مطابق میریٹل ریپ کے الزام میں خاتون نے عدالت میں درخواست دائر کی کہ اس کا شوہر زبردستی جنسی تعلق قائم کرتا رہا ، سیشن عدالت میں میریٹل ریپ کیی درخواست پر سماعت ہوئی-

    خاتون نے دوران سماعت گواہی دیتے ہوئے کہا کہ اس کی شادی جولائی 2022 میں ہوئی جس کے بعد شوہر مسلسل جبری طور پر ازدواجی تعلق قائم کرتا رہا اپنی ساس کو بھی اس حوالے سے شادی کے 2 ماہ بعد بتایا تاہم انہوں نے یہ بات نظر انداز کر دی۔

    سونے کی کان میں حادثہ 70 سے زائد کارکن ہلاک

    دوران سماعت خاتون کے وکیل نے اپنے دلائل میں کہا کہ 2021 میں زنا باالجبر کے قانون میں ترمیم کی گئی تھی کہ پاکستان پینل کوڈ کے سیکشن 375 کے تحت کسی بھی عورت کیساتھ اس کی مرضی کے بغیر جنسی تعلق قائم کرنا زیادتی ہے۔

    نیب نے پشاور میں پی ٹی آئی دور میں بھرتی ہونے والے …

    عدالت نے دونوں جانب سے وکلا کے دلائل سننے کے بعد تعزیرات پاکستان کی دفعہ 377 کے تحت 3 سال قید کی سزا سنا دی جبکہ 3 ہزار روپے جرمانے کا حکم بھی سنایا۔ جرمانہ ادا نہ کرنے کی صورت میں مزید ایک ماہ کی سزا بڑھا دی جائے گی۔

    امریکا میں خاتون ٹیچر کا 17 سالہ طالبعلم کے ساتھ جنسی تعلقات کا اعتراف

  • بینکوں سے کیش نکلوا کر لے جانے والوں کو لوٹنے والا گروہ گرفتار

    بینکوں سے کیش نکلوا کر لے جانے والوں کو لوٹنے والا گروہ گرفتار

    کراچی: پولیس نے بینکوں سے رقم نکلوا کے لے کر جانے والے شہریوں کو لوٹنے والے گینگ کے دو کارندوں کو گرفتار کرلیا۔

    باغی ٹی وی:ایس پی ایس آئی یو عرفان سموں کا کہناتھا کہ ایس آئی یو نےدونوں ملزمان کوگلشن اقبال میں ایرو کلب کےقریب سروس روڈ سے گرفتار کرلیا، جو بینکوں سے رقم لے کر نکلنے والے لوگوں سے اسلحے کے زور پر لوٹ مار کرتے تھےملزمان کا ایک ساتھی بینکوں کے اندر سے کیش لے کر نکلنے والےشہریوں کی نشاندہی باہر بیٹھے اپنے ساتھیوں کو کرتا تھا جو مناسب مقام پر ان کو لوٹتے تھے، ابتدائی تفتیش میں ملزمان نے جوہرآباد، نیو کراچی، سہراب گوٹھ، ناگن چورنگی، گلشن اقبال، لانڈھی، سچل، کورنگی اور دیگر علاقوں میں کئی وارداتوں کا انکشاف کیا ہے اور گرفتار ملزمان سے دو پستول ملے ہیں۔

    بابری مسجد کے بعد گیان واپی مسجد سے متعلق عدالت کے فیصلےسے مسلمانوں …

    پاکستانی روپے کے مقابلے میں ڈالرکی قدر میں مزید کمی

    گوہر اعجاز کو وزیرداخلہ کا اضافی چارج مل گی،نوٹیفکیشن جاری

  • بیروزگاری سے تنگ شوہر نے بیوی اور تین بچوں کو قتل کرکے خودکشی کرلی

    بیروزگاری سے تنگ شوہر نے بیوی اور تین بچوں کو قتل کرکے خودکشی کرلی

    کراچی: شہر قائد میں بے روزگاری سے تنگ شوہر نے بیوی اور تین کم سن بچوں کو قتل کرکے خودکشی کرلی۔

    باغی ٹی وی : پولیس کے مطابق میاں بیوی اور 3 بچوں کی لاشیں وائرلیس گیٹ شارع فیصل کے فلیٹ سے ملیں خاتون اور 3 بچوں کی لاشیں فرش پر تھیں، شوہر کی لاش پنکھے سے لٹکی ہوئی ملی، متوفی شخص نے اپنی بیوی اور 3 بچوں کو تیزدھار آلے سے ذبح کیااطلاع ملنے پر پولیس جائے وقوع پہنچ گئی اور مزید تفتیش جاری ہے-

    ابتدائی تحقیقات کے مطابق گھر کے سربراہ احسن رضا رضوی نامی شخص نے اپنی بیوی ندا رضوی اور تین بچوں جبرائیل، میکائیل اور بچی اُم ہانی کو قتل کر کے خودکشی کی ہے پڑوسیوں کے مطابق احسن کافی عرصے سے بے روزگار اور مہنگائی سے شدید پریشان تھا۔

    آرکٹک میں زومبی وائرسز کسی نئی عالمی وبا کا باعث بن سکتے ہیں،ماہرین

    ایس ایس پی ملیر طارق الہی مستوئی موقع پر پہنچے اور پولیس نے تفتیش کا عمل شروع کیا لاشوں کو اسپتال منتقل کردیا گیا اور پوسٹ مارٹم رپورٹ کے بعد مزید کارروائی کی جائے گی، ایس ایس ملیرطارق مستوئی نے میڈیا کو بتایا کہ کرائم سین یونٹ عملہ شواہد جمع کررہا ہےبچوں کی لاشوں پرتیز دھارآلے کے وار کے نشان موجود ہیں، فلیٹ سے ایک تحریری نوٹ بھی ملاہے جس میں ایک لیپ ٹاپ کا ذکر تھا، پولیس نے لیپ ٹاپ تحویل میں لے لیا ہے۔

    دوسری جانب لاشوں کے قریب سے احسن رضا کا مبینہ خط ملا ہے، مبینہ خط میں احسن رضا نے بیوی اور بچوں کے قتل کا اعتراف کیا ہے، مبینہ خط میں احسن نے قتل کے بعد خودکشی کرنے کا بھی ذکر کیا۔

    ایرانی وزیر خارجہ کا 29 جنوری کو پاکستان کا دورہ متوقع

    نگران وزیر اعلی پنجاب پی سی بی کے چئیر مین بن گئے

  • شدید دھند، متعدد پروازیں منسوخ، کئی تاخیر کا شکار

    شدید دھند، متعدد پروازیں منسوخ، کئی تاخیر کا شکار

    دھند اور خراب موسم، کراچی کا فلائٹ شیڈول آج بھی متاثر ہوا ہے

    کراچی سے دبئی جانے والی ایمریٹس اور ایئربلیو کی پروازیں اڑان نہ بھرسکیں ،کراچی سے سکھر جانے والی پی آئی اے کی پرواز پی کے – 531 معطل ہوئی ہے،کراچی سے لاہور جانے والی ایئر بلیو کی پرواز پی اے – 401 معطل ہوئی ہے،کراچی سے اسلام آباد جانے والی پی آئی اے کی فلائٹ پی کے – 301 تاخیر کا شکارہے،فلائٹ 11 بج کر 55 منٹ کی بجائے 3 بجے روانہ ہو گی،کراچی سے اسلام آباد جانے والی ایئر سیال کی پرواز پی ایف – 122 معطل ہوئی ہے،کراچی سے لاہور جانے والی ایئر سیال کی فلائٹ پی ایف – 142 معطل ہوئی ہے،کراچی سے اسلام آباد جانے والی ایئر بلیو کی پرواز پی اے – 201 بھی معطل ہوئی ہے

    کراچی سے لاہور جانے والی پی آئی اے کی فلائٹ پی کے – 303 معطل ہوئی ہے،کراچی سے اسلام آباد جانے والی ایئر سیال کی فلائٹ پی ایف – 124 تاخیر کا شکار ہوئی،پرواز 6 بجے کی بجائے 6 بج کر 45 منٹ پر اڑان بھرے گی،کراچی سے القسیم جانے والی پی آئی اے کی پرواز پی کے – 170بھی معطل ہوئی ہے،کراچی سے اسلام آباد جانے والی سیرین ایئر کی فلائٹ ای آر – 505 معطل ہوئی ہے،کراچی سے لاہور جانے والی ایئر سیال کی پرواز پی ایف – 146 اڑان نہ بھرسکی،کراچی سے اسلام آباد جانے والی ایئر سیال کی فلائٹ پی ایف – 126 معطل ہوئی ہے .

    شدید دھند، پی آئی اے کی پروازوں کےشیڈول اور آمد رفت میں تبدیلیاں
    موسم کی خرابی کی وجہ سے پی آئی اے کی پروازوں کےشیڈول اور آمد رفت میں تبدیلیاں متوقع ہیں، ترجمان پی آئی اے کے مطابق پشاور اور اسلام میں دھند اور موسم کی خرابی کے پیش نظر پی آئی اے کی پروازوں کے شیڈیول اور آمد و رفت میں تبدیلی کی جا رہی ہے۔ پی آئی اے کال سینٹر مسافروں کو اس سلسلے میں آگاہ بھی کر رہی ہے ۔ آج کی پروازین پی کے 283 پشاور – دبئی ، پی کے 214 دبئی – کراچی تاخیر سے روانہ ہونگی جبکہ پی کے 240 کویت – اسلام آباد اب کویت – لاہور آپریٹ ہوگی۔ پی کے 264 ابوظہبی- اسلام آباد اب ابوظہبی- لاہور روانہ ہو گی ۔ پی کے 234 دبئی – اسلام آباد اور پی کے 235 اسلام آباد – دبئی ری روٹ کر دی گئی ہے اور اب لاہور – دبئی لاہور آپریٹ ہوگی۔ مسافروں سے درخواست ہے کہ اپنی پرواز سے قبل پی آئی اے کال سینٹر پر رابطہ کریں ۔

     ایئر انڈیا کی پرواز میں پانی ٹپکنے کی ویڈیو سوشل میڈیا پر وائرل

     سول ایوی ایشن اتھارٹی (سی اے اے) مدد کیلئے سامنے آگئی

    پی آئی اے کی نجکاری کے عمل کو جلد از جلد تکمیل تک پہنچانے کی ہدایت

    پائلٹس کی ابتدائی 8 سے 10 ماہ کی تربیت پر 15000 سے 20000 ڈالر کا خرچ

    پاکستان کی قومی ایئر لائن پی آئی اے کو مجموعی طور پر 383 بلین کا خسارہ ہے 

    سپریم کورٹ نے پی آئی اے کو نئی 205 پروفیشنل بھرتیوں کی اجازت دیدی

    بھارتی طیارے کی کراچی ایئر پورٹ پر ہنگامی لینڈ نگ ہوئی ہے

    لاہور ائیرپورٹ پر دھند کے باعث فضائی آپریشن متاثر ہوا ہے

    پرواز میں تاخیر، مسافر نے پائلٹ کو تھپڑ مار دیا

  • کراچی سے کالعدم تحریک طالبان کا مطلوب دہشتگرد گرفتار

    کراچی سے کالعدم تحریک طالبان کا مطلوب دہشتگرد گرفتار

    کراچی کے علاقے اتحاد ٹاؤن سے کالعدم تحریک طالبان کے مطلوب دہشت گرد کو گرفتار کر لیا گیا۔

    گرفتار دہشت گرد عبدالغفار عرف امجد کے قبضے سے بارودی مواد برآمد کیا گیا ہے۔ملزم نے ساتھیوں سمیت 2011 میں عبداللّٰہ شاہ غازی کے مزار پر حملے کی کوشش کا اعتراف کیا ہے۔ملزم کراچی میں دہشت گردی کا نیٹ ورک منظم کرنے کے ارادے سے آیا تھا، ملزم کے دیگر ساتھیوں کی گرفتاری کے لیے چھاپے مارے جا رہے ہیں

    گرفتار ملزم ٹی ٹی پی کے دہشت گرد کمانڈر محمدعلی عرف مفتی خالد کا قریبی ساتھی ہے،ملزم عبد الغفار پولیس کو مطلوب اور عبداللہ شاہ غازی کے مزار پر خودکش حملے میں ملوث تھا،گرفتار دہشت گرد نے دوران تفتیش انکشاف کیا کہ حملہ آوروں میں ابو صالح، زوجہ ابو صالح کا تعلق چیچنیا،داؤد عرف حسن کا تعلق آذربائیجان سے تھا،حملہ آور شعیب اور عتیق تعلق کراچی سے تھے،حملے کے لئے عبداللہ شاہ غازی مزار کی طرف جا رہے تھے جہاں پر پولیس نے ملزمان کو روکنے کی کوشش کی۔ پولیس اور ملزمان کے درمیان فائرنگ کے تبادلے کے دوران ملزم کے ساتھیوں نے اپنے آپ کو خودکش جیکٹس سے اڑا دیا۔ دھما کے باعث دو پولیس اہلکار شہید ہوئے جبکہ واقعے کے بعد ملزم عبد الغفار عرف امجد عرف عرفان فرار ہوگیا تھا،

    ترجمان سندھ رینجرز کے مطابق ملزم عبد الغفار خیبرپختونخوا میں روپوش ہوگیا تھا، ملزم دوبارہ کراچی میں دہشت گردی کا نیٹ ورک منظم کرنے کے ارادے سے آیا تھا۔ملزم کے دیگر ساتھیوں کی گرفتاری کے لیئے چھاپے مارے جارہے ہیں،

    شہداء فورم کا فوجی عدالتوں کی بحالی کا مطالبہ

    سپریم کورٹ، فوجی عدالتوں میں سویلین کا ٹرائل کالعدم قرار

    سپریم کورٹ،فوجی عدالتوں سے متعلق درخواستیں، فل کورٹ تشکیل دینے کی استدعا مسترد

    جناح ہاؤس لاہور میں ہونیوالے شرپسندوں کے حملے کے بارے میں اہم انکشافات

    سیاسی مفادات کے لئے ملک کونقصان نہیں پہنچانا چاہئے

  • کلینٹن اور جہانگیر کوارٹرز کی خالی زمین پر بلند عمارتیں بنانے پر اتفاق

    کلینٹن اور جہانگیر کوارٹرز کی خالی زمین پر بلند عمارتیں بنانے پر اتفاق

    کراچی: سندھ ہائیکورٹ نے کراچی کے علاقے اسکیم 33 میں بجنور کو آپریٹو ہاؤ سنگ سوسائٹی کی زمین پر قبضہ ختم کروانے کیلئے مقامی انتظامیہ، پولیس اور رینجرز کو مشترکہ حکمت عملی بنانے کی ہدایت کردی۔

    باغی ٹی وی: سندھ ہائیکورٹ میں کراچی کے علاقے اسکیم 33 میں بجنورکوآپریٹو ہاؤ سنگ سوسائٹی کی زمین پر قبضہ ختم کرانے سے متعلق سماعت ہوئی،ڈپٹی کمشنر، ایس ایس پی ایسٹ اور رینجرز ونگ کمانڈر عدالت میں پیش ہوئے، دوران سماعت عدالت نے ایس ایس پی اور ڈی سی ایسٹ سے استفسار کیا بتائیں تجاوزات کے خلاف آپریشن کہاں پہنچا ؟-

    ڈی سی ایسٹ نے جواب دیا کہ ہمارے پاس مشینری نہیں ہے، استدعا کی کہ کے ایم سی کے ڈائریکٹر انکروچمنٹ کو حکم دیں ہمیں مشینری فراہم کریں، عدالت نے ڈی سی، ایس ایس پی، اور رینجرز سمیت دیگر فریقین کو کہا کہ آپ سب آپس میں ملیں، بیٹھیں جائزہ لیں کہ کیسے قابضین کے خلاف کارروائی کرنی ہے قابضین ایسے نہیں جائیں گے، قابضین کو ہٹانے کیلئے آپ کو فورس استعمال کرنی ہوگی، بعد ازاں عدالت نے13 فروری تک پیشرفت رپورٹ طلب کرلی۔

    8 ارب روپے سے زائد مالیت کی چرس برآمد

    دوسری جانب سندھ اور وفاقی حکومت نے کلینٹن اور جہانگیر کوارٹرز کی خالی زمین پر بلند و عالی شان عمارتیں بنانے پر اتفاق کرلیا، نگراں وزیراعلیٰ سندھ جسٹس (ر) مقبول باقر کی زیرصدارت وفاقی سیکریٹری ہائوسنگ کے ساتھ ویڈیو لنک اجلاس میئر کراچی مرتضیٰ وہاب، چیئرمین پی اینڈ ڈی شکیل منگنیجو، سیکریٹری بلدیات منظور شیخ، کمشنر کراچی سلیم راجپوت، سیکریٹری پی پی پی یونٹ اسد ضامن اور ایم سی کراچی افضل زیدی نے شرکت کی۔

    متحدہ عرب امارات نے 2 ارب ڈالر کا قرض رول اوور کر دیا

    ترجمان کے مطابق اجلاس میں سندھ اور وفاقی حکومت نے کوارٹرز کے پراجیکٹس پر مل کر کام کرنے پر اتفاق کیا، اس پراجیکٹ پر سندھ اور وفاقی حکومت ایم او یو پر دستخط کریں گے نگران وزیراعلیٰ سندھ نے اجلاس سے خطاب میں کہا کہ ان پرانے کوارٹرز میں وفاقی حکومت کے ملازمین رہتے تھے، ملک کا دارالخلافہ اسلام آباد منتقل ہونے کے بعد بھی لوگ انہی کوارٹرز میں رہ رہے ہیں، ہم چاہتے ہیں کہ ان کوارٹرز کی خالی زمین پر ہائی رائزز بنائیں تاکہ شہر کی خوبصورتی میں اضافہ ہو، ہائی رائز بلڈنگ بنانے سے پرانے رہائشیوں کو بھی فلیٹس ملیں گے اور کچھ فروخت کیے جائیں گےوفاقی سیکریٹری ہائوسنگ نے کہا کہ وفاقی حکومت بھی ان کوارٹرز کی جگہ ہائی رائزز عمارتیں بنانا چاہتی ہے۔

    ملک بھر میں سونے کی فی تولہ قیمت میں کمی

  • لاپتہ شہریوں کو عدالت میں پیش کریں ورنہ خود پیش ہوں،عدالت

    لاپتہ شہریوں کو عدالت میں پیش کریں ورنہ خود پیش ہوں،عدالت

    سندھ ہائیکورٹ میں لاپتہ افراد کیس کی سماعت ہوئی،

    سندھ ہائیکورٹ کے جسٹس نعمت اللہ پھلپوٹو نے سماعت کی، سرکاری وکیل اور تفتیشی افسر عدالت میں پیش ہوئے، سرکاری وکیل نے کہا کہ جے آئی ٹیز اجلاس اور تحقیقات میں دونوں شہریوں کی جبری گمشدگی ثابت ہوچکی ہے، عدالت نے استفسار کیا کہ شہری اتنے عرصے سے لاپتہ ہیں کچھ توکریں، تحقیقات میں کیا سامنے آیا؟تفتیشی افسر نے عدالت میں کہا کہ حافظ فرحان قادری پہلے بھی لاپتہ ہوا تھا اور 2020 میں دوبارہ لاپتہ ہوگیا، اس حوالے سے مدینہ کالونی تھانے میں دو مقدمات درج ہیں، عدالت نے مفرور قرار دیا ہے،

    جسٹس نعمت اللہ نے ریمارکس دیتے ہوئے کہا کہ کچھ بھی ہو لاپتہ شہریوں کو اب عدالت میں پیش کرنا ہوگا،عدالت نے سیکرٹری داخلہ کو حکم دیا کہ لاپتہ شہریوں کو عدالت میں پیش کریں ورنہ خود پیش ہوں، جن شہریوں کی جبری گمشدگی ثابت ہوچکی ہے انہیں ہر صورت عدالت میں پیش کیا جائے

    بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

    50 ہزار میں بچہ فروخت کرنے والی ماں گرفتار

    ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

    تعلیمی ادارے میں ہوا شرمناک کام،68 طالبات کے اتروا دیئے گئے کپڑے

    خاتون پولیس اہلکار کے کپڑے بدلنے کی خفیہ ویڈیو بنانے پر 3 کیمرہ مینوں کے خلاف کاروائی