Tag: کراچی

سابق وزیر اعظم و پیپلز پارٹی کے بانی ذوالفقار علی بھٹو کی پوتی، میر مرتضیٰ بھٹو کی بیٹی اور معروف مصنفہ فاطمہ بھٹو ماں بن گئی ہیں، فاطمہ بھٹو کے ہاں بیٹے کی پیدائش ہوئی ہے

سماجی رابطے کی ویب سائٹ ٹویٹر پر پوسٹ کرتے ہوئے فاطمہ بھٹو نے بیٹے کی پیدائش کا اعلان کیا، ساتھ نام بھی بتا دیا، فاطمہ بھٹو کا کہنا تھا کہ "ہمیں بیٹے کی پیدائش کا اعلان کرتے ہوئے خوشی ہو رہی ہے”بیٹے کا نام میر مرتضیٰ بیرا رکھا ہے”. فاطمہ بھٹو نے بیٹے کا نام اپنے مرحوم والد کے نام سے منسوب کرتے ہوئے میر مرتضیٰ بیرا رکھا ،

فاطمہ بھٹو نے اپنے والد کے نام سے منسوب بیٹے کے نام کے حوالے سے لکھا کہ میں اپنے بیٹے کو ایک ایسا نام دینا چاہتی تھی جو اسے اس وقت ہمت اور مہربانی سے نوازے جب وہ دنیا میں اپنا راستہ بنا رہا ہو، میں اپنے بیٹے کا ایک ایسا نام رکھنا چاہتی تھی جو اس کی زندگی کے لیے مشعل راہ بنے، اس کے ساتھ ہی یہ نام اس کے لیے محبت اور طاقت کی ڈھال بن جائے، ایک ایسا نام، جس کے بارے میں وہ یہ جانتا ہو کہ اسے اس کی والدہ کی دل کی گہرائیوں سے دیا گیا ہے، جو اسے زندگی بھر تحفظ کا احساس دلائے، میں اپنے بیٹے کو ایک ایسا نام دینا چاہتی تھی جو اسے ایک دلکش اور بےخوف و نڈر بنائے، اسے اپنے وطن سے محبت اور خوشیاں سب ایک ساتھ اور برابر عطا کرئے اور جب کبھی میں نے اس حوالے سے سوچا کہ ایسا کون سا نام ہوسکتا ہے جس میں یہ تمام خوبیاں ہوں تو ہمیشہ میرے ذہن میں اپنے پیارے والد کا نام ہی آیا،

Graham and I are so happy to share the news of the birth of our baby boy. We wanted to give our son a name that would bestow him with courage and kindness as he makes his way through the world. I wanted a name that would act as an inspiration to him in his life but also one that… pic.twitter.com/VJg3yT1oCA

— fatima bhutto 🇵🇸🇱🇧 (@fbhutto) March 16, 2024

واضح رہے کہ فاطمہ بھٹو اور امریکی شہری گراھم بیرا (جبران) کے نکاح کی مختصر تقریب گزشتہ برس 28 اپریل کو خاندانی گھر 70 کلفٹن میں ان کے دادا پیپلز پارٹی کے بانی ذوالفقار علی بھٹو کی لائبریری میں منعقد ہوئی تھی، جس میں عزیز اور اقارب اور قریبی دوستوں نے شرکت کی تھی،

خیال رہے کہ فاطمہ بھٹو لکھاری، شاعرہ اور کالم نگار ہیں جو پاکستان، امریکہ اور برطانیہ کے مختلف اخباروں میں کالم بھی لکھتی ہیں۔فاطمہ بھٹو 29 مئی 1982ء کو افغان دار الحکومت کابل میں اس وقت پیدا ہوئیں، جب ان کے والد میر مرتضیٰ بھٹو جلا وطنی کی زندگی گزار رہے تھے. 2010 میں لکھی جانے والی ان کی غیرافسانوی کتاب خون و شمشیر کے گیت ان کے خاندان کے متعلق ہے۔ فاطمہ بھٹو دا نیوز، دا گارڈین کے علاوہ دیگر ادارے کے لیے لکھتی رہتی ہیں۔

علاوہ ازیں فاطمہ بھٹو سابق صدر اور سابق وزیراعظم پاکستان ذوالفقار علی بھٹوکی پوتی جبکہ سابق وزیراعظم پاکستان بے نظیر بھٹو کی بھتیجی ہیں جبکہ ان کی والدہ فوزیہ فصیح الدین بھٹو افغان وزارت خارجہ اہلکار کی بیٹی تھیں۔ سوتیلی والدہ غنویٰ بھٹو 2021 میں پاکستان پیپلز پارٹی (شہید بھٹو) کی چیئر پرسن ہیں۔فاطمہ بھٹو کے والد میر مرتضیٰ بھٹو 1996ء میں اپنی بہن بینظیر بھٹو کے دور حکومت میں قتل ہوئے۔ فاطمہ کی پیدائش کے وقت ان کے والد ضیاء الحق کے آمرانہ دور میں جلاوطنی کی زندگی گزار رہے تھے۔ ان کے والدین کے درمیان شادی کے تین سال بعد ہی طلاق ہو گئی۔ طلاق کے بعد فاطمہ بھٹو اپنے والد کے ساتھ کئی ملکوں میں مقیم رہیں۔ 1989 میں فاطمہ کے والد کی ملاقات غنوی بھٹو سے ہوئی جو ایک لبنانی بیلے رقاصہ تھیں اور شام میں جلاوطنی کی زندگی گزار رہی تھیں۔ فاطمہ بھٹو غنوی کو اپنی حقیقی والدہ کی طرح سمجھتی ہیں، ان کے سوتیلے بھائی ذوالفقار علی بھٹو جونیئر سان فرانسسکو میں ایک فنکار ہیں۔

فاطمہ بھٹو کے الزامات پر سندھ حکومت کا ردعمل

ملک میں معاشی بحران کی وجہ سے شادی کی تقریب کو انتہائی سادہ رکھا،فاطمہ بھٹو

انسانی حقوق پر شور مچانے والے موقع پرست کہاں ہیں؟،سیلاب پر مغرب کی خاموشی مایوس کن ،آج پاکستان ہے کل اس کی جگہ آپ ہوں گے،فاطمہ بھٹو

فاطمہ بھٹو پرانے پاکستان کی واپسی پر ناخوش

دعا کرتے ہیں کہ ایسی ناانصافی دوبارہ نہ ہو ،فاطمہ بھٹو کا صدارتی ریفرنس رائے پر ردعمل

وزیراعلیٰ سندھ سید مراد علی شاہ نے کہا ہے کہ سینیٹ الیکشن میں ہم جنرل پر9 ،لیڈیزپر تین ،ٹیکنوکریٹ پر تین امیدوار کھڑے کررہے ہیں،

وزیراعلیٰ سندھ سید مراد علی شاہ نے میڈیا سے بات چیت کرتے ہوئے کہا کہ امید ہے اپنے امیدوار کامیاب کروائیں گے، سینیٹ کے سیکریٹ ووٹ ہوتے ہیں، کوئی بھی رکن خفیہ ووٹ پارٹی کے خلاف دے سکتا ہے، بجٹ ہو یا اوپن ووٹ میں تو کوئی پارٹی پالیسی کے خلاف نہیں جاسکتا،آج جنرل ، ٹیکنوکریٹ ، خواتین اور اقلیت پر کاغذات نامزدگی جمع کرائے ہیں ، پارٹی قیادت پیر کو ٹکٹیں جاری کرے گی،وزیر اعظم اور وزیر اعلیٰ کے ووٹ پر خلاف نہیں جاسکتے،اسپیکر ، صدر پاکستان اور سینیٹ میں پابندی نہیں ہوتی ہے، 12 میں سے 12 نشستیں ملنے کی خواہش ہے،خواتین ، ٹیکنوکریٹ اور اقلیت میں کسی اور نے کاغذات نامزدگی جمع نہیں کرائے ہیں،ہم نے کئی افسران کو تبدیل کرنا ہے ، جہاں جہاں بہتر افسر مل جاتا ہے، ان کو تبدیل کریں گے ،وزیر داخلہ کے تجویز پر تقرریاں اور تبادلے کیے ہیں، امن وامان کی صورتحال جلد بہتر ہوگی.

آصفہ بھٹونوابشاہ پہنچ گئیں،جیالوں کا رقص،این اے 207 سے لڑیں گی الیکشن

سینیٹ میں خواتین کی نشست پر صنم جاوید کو الیکشن لڑوانے کا فیصلہ

سینیٹ میں بلوچستان کی گیارہ خالی نشستوں کے انتخابات کا شیڈول

سینیٹ انتخابات، اسلام آباد سے پیپلز پارٹی امیدوار یوسف رضا گیلانی کامیاب

سماعت سے محروم بچوں کے لئے بڑی خوشخبری

سماعت سے محروم بچوں کے والدین گھبرائیں مت،آپ کا بچہ یقینا سنے گا

دوسری جانب پیپلز پارٹی نے آئندہ سینیٹ انتخابات کیلئے اپنے نامزد امیدواروں کے نام جاری کردیے ہیں،سندھ سے جنرل نشستوں پر کاظم شاہ، اشرف جتوئی، مسرور احسن، ندیم بھٹو، سرفراز راجر اور دوست علی جاسیر امیدوار ہیں،ٹیکنوکریٹ کی نشستوں پر بیرسٹر ضمیر گھمرو اور سرمد علی امیدوار ہوں گے، خواتین کی نشستوں پر قرۃ العین مری اور روبینہ قائم خانی امیدوار ہوں گی،اقلیتی نشست پر سندھ سے پونجو بھیل امیدوار ہوں گے، بلوچستان سے پی پی کے امیدواروں میں ایمل ولی خان پی پی پی اور اے این پی کے مشترکہ امیدوار ہوں گے،اسی طرح جان محمد بلیدی پی پی پی اور این پی کے مشترکہ امیدوار ہوں گے، دیگر دو امیدواروں میں میر چنگیز خان جمالی اور سردار عمر گورگیج شامل ہوں گے،ٹیکنوکریٹ کی نشست پر بلال مندوخیل امیدوار ہوں گے، صوبے سے خواتین امیدواروں میں عشرت بروہی اور کرن بلوچ کے نام شامل ہیں، خیبرپختونخوا سے روبینہ خالد پی پی کی امیدوار ہوں گی جبکہ پنجاب سے فائزہ احمد ملک سینیٹ کی امیدوار ہوں گی، اسلام آباد سے رانا محمود الحسن پی پی پی کے امیدوار ہوں گے

کراچی” پولیس نے ڈکیتی کے الزام میں ایس ایچ او زمان ٹاؤن اور 2 اہلکاروں کو باضابطہ طور پر گرفتار کرلیا –

باغی ٹی وی :نجی خبررساں ادارے کو ایس ایس پی انویسٹی گیشن امیر مسعود مگسی نے بتایا کہ چھالیہ کے بیوپاری سے لوٹے گئے ایک کروڑ18 لاکھ روپے میں سے 50 فیصد رقم پولیس نے کئی گھنٹے کی جدوجہد کے بعد برآمد کرلی ہے اور مقدمہ درج کرکے ایس ایچ او زمان ٹاون راؤ رفیق اوردواہلکاروں کوباضابطہ طورپرگرفتارکرلیا ہےجبکہ ایس ایچ او کے مخبر کی تلاش میں چھاپے مارے جارہے ہیں۔

ایس ایس پی کے مطابق متاثرہ شخص بھی سہراب گوٹھ اور اس کے اطراف مبینہ طورپر منشیات کا دھندہ کرتا ہے اور اس کا پورا گروپ ہے، مخبرظفرکی اطلاع پرزمان ٹاؤن پولیس اسٹیشن کےتھانیدارراؤ رفیق کے حکم پرایک ٹیم نے سہراب گوٹھ سے ایک شخص سے ایک کروڑ18 لاکھ روپے چھین لیے تھے،تاہم مخبر ظفر نیت خراب ہونے پر اہلکاروں کو موبائل سمیت چھوڑ کر فرار ہوگیا تھا اہلکاروں کو موبائل چلانا نہیں آتی تھی جس کی وجہ سے وہ ایکسپریس وے پر کھڑے تھے کہ ضلع ایسٹ کے پولیس اہلکارپہنچ گئے،پوچھ گچھ پرانہوں نے تسلی بخش جواب نہیں دیا جس پرانہیں تھانےمنتقل کردیا گیا۔

ایس ایس پی نے بتایا کہ اگلے دن متاثرہ شخص بھی سچل تھانے پہنچ گیا جہاں اس نے بھانڈا پھوڑتے ہوئے بتایا کہ کل رات مجھ سے زمان ٹاؤن پولیس کے اہلکار رقم سے بھرا ہوا تھیلا چھین کر لے گئے تھے، جس کے بعد معاملہ اعلی افسران تک پہنچ گیا اوربڑے پیمانے پر تحقیقات کی گئی توانکشاف ہوا کہ رقم چھیننے کے واقعے میں ایس ایچ او زمان ٹاؤن اور اس کا مخبر بھی شامل ہے مخبرکی گرفتاری اوررقم کی برآمدگی کے لیے کوششیں جاری ہیں۔

سندھ ہائیکورٹ، لڑکی سمیت 9 لاپتہ افراد کی بازیابی سے متعلق درخواستوں کی سماعت ہوئی

عدالت نے پولیس تحقیقات پر عدم اطمینان کا اظہار کر دیا،لاپتہ افرادکی بازیابی سے متعلق تحقیقات میں خاطر خواہ پیش رفت نہ ہونے پر عدالت نے اظہار برہمی کیا،عدالت نے ڈی آئی جی انوسٹی گیشن کو ذاتی حیثیت میں طلب کرلیا، عدالت مئمتعلقہ حکام کو 5 اپریل کو پیش رفت رپورٹس پیش کرنے کا حکم دے دیا، عدالت نے شرافی گوٹھ کے علاقے سے لاپتہ مریم، فیصل، علی کی بازیابی کے لیے اقدامات کرنے کا حکم دے دیا،عدالت نےعبداللہ، حماد، مختار، عرفان اور دیگر کی بازیابی کا حکم بھی دیا،عدالت نے وفاقی سیکرٹری داخلہ اور دیگر سے بھی جواب طلب کرلیا

سماعت سے محروم بچوں کے لئے بڑی خوشخبری

سماعت سے محروم بچوں کے والدین گھبرائیں مت،آپ کا بچہ یقینا سنے گا

ریاست مدینہ کی جانب حکومت کا پہلا قدم،غریب عوام کی دعائیں، علی محمد خان نے دی اذان

وفاقی حکومت کی طرف سے پاکستان بیت المال کو سماعت وگویائی سے محروم بچوں کے لیے فنڈز نہ مل سکے ،

سماعت سے محروم بچے چلا رہے ہیں ریسٹورینٹ، صدر مملکت بھی وہاں پہنچ گئے، کیا کہا؟

ویلڈن پاک فوج، سماعت سے محروم افراد سننے اور بولنے لگے

چلڈرن ہسپتال کا کوکلیئر امپلانٹ کے تمام اخراجات برداشت کرنے کافیصلہ،ڈاکٹر جاوید اکرم

ٹھٹہ: تحصیل کھاروچھان کے ماہی گیروں نے کیٹی بندر کے قریب کھلے سمندر میں 300 سے زائد نایاب مچھلی سوا کا شکار کرلیا۔

باغی ٹی وی: کوسٹل میڈیا سینٹر ابراہیم حیدری کے ترجمان کمال شاہ نے بتایا کہ کھارو چھان کے ماہی گیر حنیف کاتیار کی کشتی نے بڑی تعداد میں سمندر سے سوا مچھلی کا شکار کرلیا،کیٹی بندر کے قریب میں کھلے سمندر سے 300 سے زیادہ نایاب سوا مچھلی ماہی گیروں کے جال میں پھنسی، اس مچھلی کی قیمت کروڑوں روپے بتائی جارہی ہے، یہ نایاب اور قیمتی مچھلی ہے، لٹنے اور اغوا ہونے کے ڈر سے اکثر ماہی گیر اس مچھلی کی فروخت اکثر خفیہ رکھتے ہیں۔

سعودی عرب میں یہودی ٹوپی اتروانے پر امریکی کمیشن نے دورہ منسوخ کر دیا

سیالکوٹ:میونسپل کارپوریشن کے نام پر شہریوں کو بلیک میل کرنیوالا نوسربازگرفتار

ٹائی ٹینک جیسا بحری جہاز بنانے کی تیاریاں

کراچی کے نیشنل بینک میں انوکھا واقعہ پیش آیا جب اسٹیٹ بینک نے مس پرنٹنگ والے کرنسی نوٹ بھیج دیئے ایک سائیڈ سے پرنٹ نوٹوں کی ویڈیوسوشل میڈیا پر وائرل ہوئی تاہم اب اسٹیٹ بینک نے نیشنل بینک کو مس پرنٹنگ والے نئے کرنسی نوٹ فراہم کرنے پر وضاحتی بیان جاری کردی ہے۔

باغی ٹی وی :ویڈیومیں یہ انکشاف سامنے آیا کہ نئےنوٹوں میں ایک سائیڈپرپرنٹ اور دوسرا سادہ ہے، بینک مینیجر نے ویڈیو میں بتایا کہ آج صبح جو کیش آیا ہے ،نئے نوٹوں میں ایک سائیڈ پر پرنٹ اور دوسرا سادہ ہے، آج ہی سارے نئے نوٹ آئے ہیں، جن میں سے نہ جانے ایک ہزار کے نوٹوں کی کتنی گڈیاں صارفین کو چلی گئیں، ایک صارف نے ایک جانب پرنٹ اور ایک سائیڈ خالی والے کرنسی نوٹ واپس کیے تو علم ہوا، صارف کی شکایت کے بعد مزید بنڈل چیک کیے تو ایسے مزید نوٹ ملے، کرنسی نوٹوں کے پیکٹ میں دو دو نوٹ اسی طرح جڑے ہوئے ہیں۔

سیالکوٹ:ضلعی انتظامیہ نے اشیائے خوردونوش کی قیمتوں کا از سر نو تعین کر دیا

ترجمان نیشنل بینک کے مطابق ویڈیو کے حوالے سے آپریشن ڈپارٹمنٹ کو مطلع کردیا گیا، ادھر ترجمان اسٹیٹ بینک کا کہنا ہے کہ متعلقہ ڈپارٹمنٹ کو ویڈیو بھیج دی ہے، تفصیلات آنے پر میڈیا سے شیئر کریں گے۔

صدر مملکت آصف زرداری کراچی پہنچ گئے

تاہم اب اسٹیٹ بینک کے ترجمان نور احمد نے بیان جاری کرتے ہوئے کہا کہ اس معاملے کی چھان بین شروع کر دی گئی ہے،نجی ٹی وی کے مطابق ترجمان اسٹیٹ بینک نور احمد کا کہنا تھا کہ کرنسی نوٹ میں مس پرنٹنگ شاذونادر ہوتی ہے، نوٹ پر مس پرنٹنگ بڑے پیمانے پر نہیں ہوئی، شہری گھبرائیں نہیں، مس پرنٹنگ والے نوٹ تبدیل کرانے جاسکتے ہیں، شہری متعلقہ بینک برانچ اور اسٹیٹ بینک سے مس پرنٹنگ والے کرنسی نوٹ تبدیل کرا سکتے ہیں۔

21 منزلہ ارفع کریم ٹاور ٹو،وزیراعلیٰ نے منظوری دے دی

پاک بحریہ نے پاکستان میری ٹائم سیکیورٹی ایجنسی کے ساتھ مل کر مشترکہ سرچ اینڈ ریسکیو آپریشن میں کشتی الاسد کے 14 لاپتہ ماہی گیروں میں سے 10 کے جسد خاکی کو سمندر سے ڈھونڈ نکالا۔

سرچ اینڈ ریسکیو آپریشن کا آغاز 05 مارچ 2024 کو کیا گیا تھا۔ حادثے کو کئی دن گزر جانے اور خراب سمندری صورتحال کے باوجود 10 لاپتہ ماہی گیروں کے جسد خاکی آج کامیابی کے ساتھ کھلے سمندر سے نکال لیے گئے۔ماہی گیروں کی کشتی الاسد 45 افراد کے عملے کے ساتھ 5 مارچ کو خراب موسم کی وجہ سے ہجامڑو کریک کے قریب ڈوب گئی تھی۔ سرچ آپریشن میں پاک بحریہ اور پی ایم ایس اے کے متعدد اثاثے بشمول ہوائی جہاز، ہیلی کاپٹرز، بحری جہاز اور سپیڈ بوٹس نے حصہ لیا۔ پی ایم ایس ایس رحمت نے سرچ آپریشن پر تعینات یونٹوں سے اطلاع موصول ہونے پر 10 لاپتہ ماہی گیروں کے جسد خاکی تلاش کیے اور سمندر سے نکالے۔ لاپتہ ماہی گیروں کے جسد خاکی کو مزید کارروائی کے لیے متعلقہ سول حکام کے حوالے کر دیا گیا ہے۔

پاک بحریہ اور پی ایم ایس اے کی جانب سے کامیاب سرچ اینڈ ریسکیو آپریشن اس عزم کا غماز ہے کہ پاک بحریہ سمندر میں ہر قسم کی ناگہانی آفت سے نبردآزما ہونے کے لیے تیار ہے۔

کراچی: پاکستان کسٹمز پوسٹ کلئیرنس آڈٹ نارتھ نے جعلی مینوفیکچرنگ یونٹ کی آڑ میں ایک ارب 8 کروڑ روپے مالیت کی ٹیکس چوری کا سراغ لگا کر جعلی یونٹ کے خلاف مقدمہ درج کر لیا ہے۔

باغی ٹی وی : نجی خبررساں ادارے سے گفتگو کرتے ہوئے ڈائریکٹر پی سی اے نارتھ سمیع الحق نے بتایا کہ مذکورہ فرم نے فاٹا/پاٹا ریجن کے لیے سیلزٹیکس اور ایڈیشنل سیلز ٹیکس کی چھوٹ کا فائدہ اٹھاتے ہوئے 3 ارب 70کروڑ روپے مالیت کا خام مال درآمد کیا، اس کمپنی کی جانب سے درآمدہ ہونے والے مختلف اقسام کے فیبرکس کی ویلیوایڈیشن کرکے فاٹا/پاٹا میں فروخت کرنے کے بجائے مقامی مارکیٹ میں فروخت کردیا گیا۔

ڈائریکٹر پی سی اے نارتھ کے مطابق کسٹمز کلئیرنس آڈٹ کے دوران اس بات کی نشان دہی ہوئی کہ خیبر فیبرکس ایمبرائیڈ ری فاٹا اور پاٹا کے نام پر دی گئی ٹیکس مراعات کا غلط استعمال کرنے میں ملوث پائی گئی ہے،فاٹا اور پاٹا کی اس مینوفیکچرنگ یونٹ کے نام پر 3.7 ارب روپے مالیت کی 174 گڈز ڈیکلریشنز کے ذریعے 4 ہزار 63 میٹرک ٹن مختلف ٹیکسٹائل فیبرکس درآمد کی گئیں، جن میں پولیسٹر ٹولے نیٹ، پولیسٹر آرگینزا وون فیبرکس اور کمبلوں میں استعمال ہونے والے پرنٹڈ و ڈائیڈ بائل فیبرکس شامل ہیں۔

ڈائریکٹر پی سی اے نارتھ کے مطابق ان مصنوعات کی فاٹا اور پاٹا کے لیے ٹیکس ترغیبات کا فائدہ اٹھاتے ہوئے درآمد کنندہ نے 72کروڑ روپے کی سیلز ٹیکس، 12کروڑ 62 لاکھ روپے کی ایڈیشنل سیلزٹیکس اور 23کروڑ 55لاکھ روپے کی انکم ٹیکس کی چوری کی، چھاپے کے دوران اس بات کا بھی انکشاف ہوا کہ باڑہ بازار میں قائم ٹیکسٹائل ملز دراصل ایک گھر ہے جس میں فیکٹری کے نام پر دو سلائی مشینیں اور فیبرکس کے صرف 4 رول موجود تھے،مذکورہ درآمد کنندہ کو قانونی لین دین ثابت کرنے کا بھرپور موقع بھی فراہم کیا گیا-

کراچی، افسوسناک حادثہ پیش آیا ہے،کھلےسمندر میں ماہی گیروں کی کشتی ڈوب گئی ہے

ترجمان کوسٹل میڈیا سینٹر کمال شاہ کا کہنا تھا کہ کشتی حجاموکری کےقریب کھلے سمندرمیں ڈوب گئی،کشتی میں 30 ماہی گیرسوارتھے، ماہی گیروں کاتعلق ابراہیم حیدری سےہے جو مچھلی کے شکار پر گئے تھے، ٹیموں کو ماہی گیروں کی تلاش کیلئے روانہ کیا گیا، ٹیموں نے پہنچ کر 30 ماہی گیروں کو تلاش کر لیا،سیکیورٹی ذرائع کا کہنا ہے کہ خوش قسمت ماہی گیروں کو دوسری لانچ کے ذریعے ابراہیم حیدری لایا جا رہا ہے

واضح رہے حجامڑو کریک کراچی اور ٹھٹھہ کا درمیانی علاقہ ہے جبکہ کراچی سے کشتی کے ڈوبنے کا مقام پانچ گھنٹے کی مسافت پر ہے