کراچی: متحدہ قومی موومنٹ (ایم کیو ایم) کے ڈپٹی کنوینر مصطفیٰ کمال کا کہنا ہے کہ دنیا چاند پر پہنچ رہی ہے اور کراچی میں آج بھی گٹروں پر ڈھکن نہیں ہیں-
باغی ٹی وی: کراچی میں تقریب سے خطاب کرتے ہوئے متحدہ قومی موومنٹ (ایم کیو ایم) کے ڈپٹی کنوینر مصطفیٰ کمال کا کہنا ہے کہ ایم کیو ایم، جی ڈی اے کے ساتھ مل کر اگلی حکومت بنائے گی، دونوں جماعتیں مل کر پہلے بھی حکومت بنا چکی ہیں بار بار قرض لے کر ہم پاکستان کو نہیں چلا سکتے،دنیا چاند پر پہنچ رہی ہے اور کراچی میں آج بھی گٹروں پر ڈھکن نہیں ہیں اگرسندھ نہیں چلے گا تو پاکستان نہیں چلےگا انتخابات سے پہلے نگراں حکومت کی بیوروکریسی کوغیر جانبدار نظر آنا چاہئے،الیکشن آزادانہ اور شفاف دکھنے بھی چاہئے، ایسا بندہ لائیں جس کا جھکاؤ کسی پارٹی کی جانب نہ ہو۔
جاپان بھی چاند پر مشن بھیجنے کے لیے تیار
جی ڈی اے کے رہنما صفدر عباسی نے بھی کہا کہ جب تک نئی حلقہ بندیاں نہیں ہوں گی مسائل حل نہیں ہو سکتے، ہم چاہتے ہیں صاف و شفاف انتخابات ہوں ایم کیو ایم کے رہنماؤں سے ملاقات کے بعد میڈیا سے گفتگو کرتے ہوئے صفدر عباسی نے کہا کہ جی ڈی اے اور ایم کیو ایم شفاف انتخابات کیلئے جدوجہد جاری رکھیں گی جو نگراں حکومت بنی ہماری رضا مندی سے بنی، ہم چاہتے ہیں صاف و شفاف انتخابات ہوں حیدرآباد، سکھر، لاڑکانہ اور میرپورخاص کی آبادی میں کمی ہوئی ہے۔
مودی حکومت کا آئین میں "انڈیا” کا نام تبدیل کرنے کا فیصلہ
صفدر عباسی نے کہا کہ سندھ کے اندر لوگ اغوا ہو رہے ہیں، ہمیں نگراں حکومت سےامیدہےوہ اغواکاروں کو عبرت کا نشان بنائےگی ایم کیو ایم سے آئندہ ہونے والے ہر احتجاج میں شامل ہونے کی درخواست ہے، کل کے دھرنے میں بھی ایم کیو ایم شامل ہو، ہم آگے ایک مشترکہ لائحہ عمل اپنائیں گے۔
