Baaghi TV

Tag: کرکٹ

  • پاکستان جونیئرلیگ کے تمام میچز پی ٹی وی اسپورٹس پر نشر ہوں گے

    پاکستان جونیئرلیگ کے تمام میچز پی ٹی وی اسپورٹس پر نشر ہوں گے

    لاہور:پاکستان کرکٹ بورڈ اور پی ٹی وی اسپورٹس کے اعلیٰ حکام نے رواں ہفتے اسلام آباد میں منعقدہ ایک اجلاس میں پی جے ایل کے تمام میچز پی ٹی وی اسپورٹس پر براہ راست نشر کرنے پر اتفاق کیا ہے۔اکتوبر میں کھیلی جانے والی فرنچائز لیگ کے تمام میچز لاہور میں منعقد ہوں گے۔

    فیصل حسنین، چیف ایگزیکٹو پی سی بی:

    پاکستان کرکٹ بورڈ کے چیف ایگزیکٹو فیصل حسنین کا کہنا ہے کہ کرکٹ اس قوم کو متحد کرتی ہے۔ خوشی ہے کہ نیشنل براڈکاسٹر، پی ٹی وی اسپورٹس نے پاکستان جونیئر لیگ کے تمام میچز براہ راست نشر کرنے پر اتفاق کیا ہے۔

    انہوں نے کہا کہ پی ٹی وی اسپورٹس کی جانب سے ایونٹ کی نمایاں کوریج پی جے ایل کی پروفائل میں اضافہ کرے گی۔ خطے میں کرکٹ کے فروغ اور پذیرائی کے لیے پی سی بی کو پی ٹی وی اسپورٹس جیسے شراکت داروں کی ضرورت ہے۔

    فیصل حسنین نے کہا کہ ملک بھر میں موجود پی ٹی وی اسپورٹس کے ناظرین تک پہنچنے والے پاکستان جونیئر لیگ کے براہ راست مناظر باصلاحیت نوجوانوں کو اس لیگ کی جانب راغب کریں گے۔

    انہوں نے مزید کہاکہ جب سے کرکٹ میں براڈکاسٹ کوریج متعارف ہوئی ہے پی سی بی اور پی ٹی وی اس وقت سے ہی شراکت داروں کی حیثیت سے مل کر کام کررہے ہیں اور گزشتہ چند برسوں میں یہ رشتہ اور بھی مضبوط ہوا ہے۔

    مبشر توقیر شاہ، منیجنگ ڈائریکٹر پی ٹی وی :

    ایم ڈی پی ٹی وی مبشر توقیر شاہ کا کہنا ہے کہ پی ٹی وی اسپورٹس اپنی کوریج کے ذریعے کرکٹ سمیت تمام کھیلوں کے فروغ میں اپنا بھرپور کردار ادا کرتا ہے جو معاشرے پر مثبت اثرات مرتب کررہا ہے۔ پاکستان جونیئر لیگ ایک دلچسپ پراجیکٹ ہے اور وہ حکومت کی نوجوانوں کی حوصلہ افزائی سے متعلق پالیسی کے تحت پی سی بی کی مکمل حمایت کرتے ہوئے اپنے پلیٹ فارمز کے ذریعے پی جے ایل کی بھرپورکوریج کو یقینی بنائیں گے۔

    انہوں نے کہاکہ سیزن 23-2022 کے دوران پاکستان کرکٹ کےمداحوں کو بہت سنسنی خیز مقابلے دیکھنے کو ملیں گے۔ اس دوران پی سی بی کو پاکستان جونیئر لیگ کے انعقاد کے علاوہ انگلینڈ ، نیوزی لینڈ اور ویسٹ انڈیز کی ٹیموں کی میزبانی بھی کرنی ہے۔ فروری 2023 میں ایچ بی ایل پاکستان سپرلیگ کے مقابلے بھی شائقین کرکٹ کو ٹی وی اسکرینز سے جوڑے رکھیں گےجبکہ اسی سیزن میں قومی کرکٹ ٹیم نے اے سی سی ایشیا کپ اور آئی سی سی مینز ٹی ٹوئنٹی ورلڈ کپ 2022 میں میں بھی شرکت کرنی ہے۔

  • پشاورزلمی یو کےٹیلنٹ کا دوسرے مرحلےکا گلاسکومیں انعقاد

    پشاورزلمی یو کےٹیلنٹ کا دوسرے مرحلےکا گلاسکومیں انعقاد

    پشاور:پشاور زلمی یو کے ٹیلنٹ کا دوسرے مرحلے کا گلاسکومیں انعقاد،اطلاعات کے مطابق زلمی یو کے ٹیلنٹ کا دوسرا مرحلہ گلاسگو میں منعقد ہوا،پشاور زلمی کے صدر اور سابق کپتان انضمام الحق اور ڈائریکٹر کرکٹ محمد اکرم نے ٹرائلز لیے

    اس حوالے سے یہ بھی معلوم ہوا ہے کہ سابق ٹیسٹ کرکٹر نوشاد علی اور گلاسگو میں پاکستان کے قونصل جنرل سید زاہد رضا ٹرائلز کے موقع پر موجود تھے

    برطانیہ میں جاری پشاور زلمی یو کے ٹیلنٹ کا دوسرا مرحلہ گلاسگو میں منعقد ہوا۔پشاور زلمی کے صدر اور سابق کپتان انضمام الحق اور ڈائریکٹر کرکٹ محمد اکرم نے ٹرائلز لیے ،سابق ٹیسٹ کرکٹر نوشاد علی بھی اس موقع پر موجود تھے

    گلاسگو میں پاکستان کے قونصل جنرل سید زاہد رضا ٹرائلز کے موقع پر موجود تھے ،نوشاد علی نے کہا کہ پشاور زلمی کرکٹ کے فروغ کے لئے بہترین کام کر رہی ہے اور ان ٹرائلز سے نیا ٹیلنٹ سامنے آئے گا

    گلاسگو میں پاکستان کے قونصل جنرل سید زاہد رضا نے کہا کہ پشاور زلمی مقبول فرنچائز ہیں اور کرکٹ کے فروغ کے لئے ان کی خدمات قابل تعریف ہیں ، ٹرائلز کا تیسرا مرحلہ برمنگھم میں منعقد ہوگا برمنگھم کے بعد لٹن ، برسٹل لندن اور بریڈ فورڈ میں بھی ٹرائلز ہوں گے

     

  • پی سی بی نےسینٹرل کنٹریکٹ کا اعلان کردیا

    پی سی بی نےسینٹرل کنٹریکٹ کا اعلان کردیا

    لاہور:پی سی بی نےسینٹرل کنٹریکٹ کا اعلان کردیا،اطلاعات کے مطابق پاکستان کرکٹ بورڈ ( پی سی بی) نے سینٹرل کنٹریکٹ 23-2022 کا اعلان کر دیا جس کا اطلاق یکم جولائی سے ہو گا۔

    پی سی بی کے نئے سینٹرل کنٹریکٹ میں مجموعی طور پر 33 کھلاڑیوں کو شامل کیا گیا ہے جبکہ کپتان سمیت 5 کھلاڑیوں کو ریڈ اور وائٹ بال دونوں فارمیٹ کے کنٹریکٹ مل گئے ہیں۔

    10 کھلاڑیوں کو صرف ریڈ بال کنٹریکٹ دیا گیا ہے اور 11 کھلاڑیوں کو صرف وائٹ بال کنٹریکٹ ملا ہے۔ ڈومیسٹک کرکٹ میں اچھی کارکردگی والے 7 کھلاڑی ایمرجنگ کیٹگری کا حصہ ہیں جبکہ اظہر علی ریڈ بال کنٹریکٹ کی اے اور فواد عالم بی کٹیگری میں شامل ہیں۔

    چیف سلیکٹر محمد وسیم نے کہا کہ سینٹرل کنٹریکٹس میں 12 ماہ کی کارکردگی کو مدنظر رکھا گیا ہے۔ بابر اعظم، محمد رضوان اور شاہین شاہ آفریدی ریڈ اینڈ وائٹ دونوں کی اے کیٹیگری میں شامل ہیں اور اکٹھے کنٹریکٹس سے چند کھلاڑیوں کو اہمیت نہیں دی جاتی۔ ریڈ اور وائٹ بال میں فارمیٹ کو ترجیح دی جائے گی۔

    اظہر علی ریڈ بال کنٹریکٹ کی اے اور فواد عالم بی کٹیگری میں شامل ہیں۔ عبداللہ شفیق، نسیم شاہ اور نعمان علی ریڈ بال کی سی کٹیگری کا حصہ ہیں جبکہ ڈی کٹیگری میں عابد علی، سرفراز احمد، سعود شکیل، شان مسعود اور یاسر شاہ شامل ہیں۔

    فخر زمان اور شاداب خان وائیٹ بال کنٹریکٹ کی کٹیگری اے میں شامل ہیں اور حارث رؤف بی اور محمد نواز کٹیگری سی کا حصہ ہیں۔ آصف علی، حیدر علی، خوشدل شاہ، محمد وسیم جونیئر کٹیگری ڈی میں شامل ہیں اور شاہنواز دھانی، زاہد محمود اور عثمان قادر بھی کٹیگری ڈی میں شامل ہیں۔علی عثمان، حسیب اللہ، کامران غلام، محمد حارث، محمد حریرہ، قاسم اکرم اور سلمان علی آغا ایمرجنگ کنٹریکٹ کا حصہ ہوں گے۔

  • ٹی ٹوئنٹی میچز کی میزبانی لاہور اور کراچی کو ملنے کا امکان:ذرائع

    ٹی ٹوئنٹی میچز کی میزبانی لاہور اور کراچی کو ملنے کا امکان:ذرائع

    لاہور:مختلف ویب سائٹ کی رپورٹس کے مطابق ٹی ٹوئنٹی ورلڈ کپ سے قبل ٹی ٹوئنٹی میچز کے لئے لاہور اور کراچی کا میزبانی ملنے کا امکان ہے۔تفصیلات کے مطابق مختلف سائٹس کی رپورٹس میں کہا گیا ہے کہ اس سال آسٹریلیا میں ہونے والے ٹی ٹوئنٹی ورلڈ کپ سے قبل لاہور اور کراچی انگلینڈ کی سات ٹی ٹوئنٹی میچوں کی میزبانی کرنے کا امکان ہے.

    انگلینڈ کی مرد اور خواتین دونوں ٹیموں کو اصل میں وائٹ بال میچز کے لیے گزشتہ سال پاکستان کا دورہ کرنا تھا لیکن کھلاڑیوں کی ذہنی اور جسمانی صحت کی وجہ سے دورہ منسوخ کر دیا گیا۔تاہم، اس دورے کو دوبارہ شیڈول کیا گیا تھا کیونکہ انگلینڈ کو اب ورلڈ کپ سے قبل سات ٹی ٹوئنٹی میچز میں پاکستان سے کھیلنے والا ہے۔

    رپورٹ کے مطابق بورڈ نے میچز ملتان اور فیصل آباد سمیت دیگر مقامات پر کرانے کا منصوبہ بنایا تھا لیکن پھر یہ منصوبہ ختم کر دیا گیا۔“کراچی اور لاہور سیریز کے دو اہم مقامات ہیں اور راولپنڈی کو بھی بیک اپ کے طور پر شامل کیا گیا ہے۔سائٹس کی رپورٹ کے مطابق کراچی اور لاہور میں شائقین 17 سال بعد انگلینڈ کو پاکستان میں کھیلتا دیکھنا چاہتے ہیں اس لیے کراچی اور لاہور کو ممکنہ طور پر میزبانی کے لئے منتخب کیا گیا ہے۔

    واضح رہے کہ ٹی ٹوئنٹی ورلڈ کپ کے بعد انگلینڈ کی ٹیم پاکستان میں تین ٹیسٹ میچز کھیلے گی۔ رپورٹس کے مطابق ٹیسٹ میچوں کی میزبانی کے لیے فیصل آباد، ملتان جیسے مقامات پر غور کیا جائے گا۔

  • پاکستان کرکٹ بورڈ نے20 نئےفاسٹ بولرز کا پتہ لگا لیا:ندیم خان

    پاکستان کرکٹ بورڈ نے20 نئےفاسٹ بولرز کا پتہ لگا لیا:ندیم خان

    این ایچ پی سی کے ڈائریکٹر ندیم خان کا کہنا ہے کہ پی سی بی 20  نئے فاسٹ بولرز کا پتہ لگایا ہے جو 140 کلومیٹر فی گھنٹہ کی رفتار سے چل سکتے ہیں. پاکستان کرکٹ بورڈ  کے ڈائریکٹر نیشنل ہائی پرفارمنس سینٹر ندیم خان نے کہا کہ حالیہ ٹیلنٹ اسکاؤٹنگ میں، 20 کے قریب تیز فاسٹ بولرز کو دیکھا گیا ہے جو 140 کلومیٹر فی گھنٹہ سے زیادہ کی رفتار سے چل سکتے ہیں۔

    پی سی بی کا کھلاڑیوں کی پینشن میں فی کس ایک لاکھ روپے اضافے کا اعلان

    ندیم خان نے کہا کہ پی سی بی نے ہائی پرفارمنس سینٹر میں ایک خصوصی کیمپ لگانے کا فیصلہ کیا ہے کیونکہ کنڈیشنگ کیمپ کا تجربہ کامیاب رہا ہے۔ اب ہم ایک خصوصی کیمپ کی منصوبہ بندی کر رہے ہیں.ندیم خان کے مطابق پہلے ہی 20 سے زائد بولرز موجود ہیں جو 140 کلومیٹر فی گھنٹہ کی رفتار سے گیند کر سکتے ہیں۔ ان تیزبولرز کی عمریں 19 سے 24 سال کے درمیان ہیں”۔

    عدم اعتماد کی کامیابی: رمیز راجا سمیت پی سی بی میں بڑے پیمانے پر تبدیلیوں کا امکان

    ڈائریکٹر ندیم خان نے کہا کہ ایک غیر ملکی کوچ کا تقرر کیا جائے گا تاکہ نوجوان تیز فاسٹ بولرز کی مدد کی جا سکے اور اگلے دو سالوں تک فاسٹ باؤلنگ کے خدشات کو دور کیا جا سکے۔ندیم خان کے خیال میں کوششیں تیز رفتار پیس بیٹری  کو بہتر بنائے گی اور فرنٹ لائن فاسٹ بولرز کے زخمی ہونے یا فارم کھونے کی صورت میں بہت سے بیک اپ فراہم کرے گی۔

    جاوید میانداد باضابطہ طور پر پی سی بی ہال آف فیم کا حصہ بن گئے

    ندیم خان نے نیشنل ہائی پرفارمنس سینٹر کے کوچنگ سٹاف کی کوششوں کی تعریف کی جنہوں نے محمد حسنین کے باؤلنگ ایکشن کو دوبارہ ترتیب دینے کے لیے انتھک محنت کی جو اس سال کے شروع میں بگ بیش لیگ میں رپورٹ ہوئی تھی۔ندیم خان نے مزید کہا کہ ماضی میں، ایکشن کو درست کرنے کے لیے باہر کے کنسلٹنٹس کی خدمات حاصل کی جاتی تھیں، لیکن اس بار عمر رشید نے محمد حسنین کے ساتھ کام کیا.

     

    ندیم خان کا کہنا تھا کہ ان کے ساتھ مزید کام کرنے کی ضرورت ہے کیونکہ حسنین نے اپنا ایکشن کلیئر کر دیا تھا، لیکن اب انہیں اس کی عادت ڈالنی ہوگی۔

  • انگلینڈ نے ون ڈے کرکٹ کی تاریخ کا سب سےبڑا سکور 498 بناکراپنا ہی ریکارڈ توڑڈالا

    انگلینڈ نے ون ڈے کرکٹ کی تاریخ کا سب سےبڑا سکور 498 بناکراپنا ہی ریکارڈ توڑڈالا

    ایمسٹیلوین: انگلینڈ کی ٹیم نے ون ڈے کرکٹ کی تاریخ کا سب سے بڑا سکور بنا کراپنا ہی ریکارڈ توڑ ڈالا جس پرکرکٹ کی دنیا بھی حیران ہے،اطلاعات کے مطابق نیدرلینڈز کے شہر ایمسٹیلوین میں انگلینڈ اور میزبان ٹیم کے مابین پہلے ون ڈے میچ میں بابائے کرکٹ نے جارحانہ کرکٹ کھیلتے ہوئے ون ڈے کرکٹ میں سب سے بڑے سکور کا اپنا ہی ریکارڈ توڑنے کا اعزاز حاصل کیا۔

    ویسٹ انڈیز کرکٹ ٹیم ملتان پہنچ گئی

    انگلینڈ نے نیدر لینڈز کے خلاف پہلے بیٹنگ کرتے ہوئے مقررہ 50 اوورز میں 4 وکٹ کے نقصان پر 498 رنز بنائے۔

    برطانوی اننگز میں تین سنچریاں بنیں، جوز بٹلر نے سب سے زیادہ 70 گیندوں پر لاٹھی چارج کرتے ہوئے 14 چھکوں اور 7 چوکوں کی مدد سے 162 رنز بنائے اور ناقابل شکست رہے، دوسرے سنچری سکور کرنے والے بیٹر فل سالٹ تھے جنہوں نے 93 گیندوں پر 3 چھکوں اور 14 چوکوں کی مدد سے 122 رنز بنائے۔

    اس فہرست میں تیسرے سنچری بنانے والے بیٹر ڈیوڈ ملان تھے جن کی اننگز میں 3 چھکے اور 9 چوکے شامل تھے اور انہوں نے 109 گیندوں پر 125 رنز بنائے جبکہ لیام لیونگسٹون 66 سکور بناکر ناٹ آؤٹ رہے۔

    دوسری طرف جوز بٹلر نے نیدر لینڈز کے خلاف 47 گیندوں پر تیز ترین سنچری بنائی، اس سے قبل انہوں نے دو بار پاکستان کے خلاف 50 اور 46 گیندوں سنچریاں بنائی تھیں۔

    ایشیا کپ کی میزبانی کے لیے سری لنکا کی حالت اچھی نہیں،صدر بنگلادیش کرکٹ بورڈ

    اس سے پہلے بھی ون ڈے کرکٹ کا سب سے بڑے سکور کا ریکارڈ انگلینڈ کے ہی پاس تھا، 2018 میں آسٹریلیا کے خلاف 6 وکٹ کے نقصان پر 481 رنز بنائے، 2016 میں پاکستان کے خلاف 3 وکٹ پر 444 رنز بنائے جبکہ اس فہرست میں سری لنکا کا نام بھی شامل ہے جس نے 2006 میں نیدر لینڈز کے خلاف ہی 9 وکٹ کے نقصان پر 443 رنز بنائے تھے۔

    ڈیپارٹمنٹل کرکٹ نہ ہونے کی وجہ سے میچ فکسنگ بڑھنے کا خدشہ ہے:جاوید میانداد

  • ویسٹ انڈیز کو53 رنز سے شکست، پاکستان کا سیریز میں کلین سویپ

    ویسٹ انڈیز کو53 رنز سے شکست، پاکستان کا سیریز میں کلین سویپ

    ملتان:پاکستان نے تینوں ایک روزہ میچ جیت کرکلین سویپ کردیا ،اطلاعات کے مطابق پاکستان نے ویسٹ انڈیز کو تیسرے اور آخری ون ڈے میچ میں شکست دیکر سیریز میں کلین سویپ کردیا۔

    ملتان کرکٹ سٹیڈیم میں کھیلے گئے تیسرے ون ڈے میچ میں پاکستان نے ٹاس جیت کر پہلے بیٹنگ کا فیصلہ کیا۔ قومی ٹیم کی جانب سے شاہین شاہ آفریدی کو آرام کرایا گیا جبکہ ان کی جگہ شاہنواز دھانی کو ون ڈے کرکٹ میں ڈیبیو کرایا گیا۔ آندھی کے باعث میچ روک دیا گیا تھا جس کے بعد ہر اننگز کو 48 اوورز تک محدود کردیا گیا تھا۔

    ویسٹ انڈیز اننگز

    270 رنز ہدف کے تعاقب میں مہمان ٹیم 37 اعشاریہ 2 اوورز میں پویلین لوٹ گئی، شائی ہوپ 21، کائل مائیرز 5، شامرہ بروکس 18، کیاسی کارٹی 33، نکولس پوران 11، روومین پاول 10، عقیل حسین 60، کیمو پال 21، روماریو شیفرڈ 16، ہیڈن والش 3 اور جیڈن سیلز صفر پر آؤٹ ہوئے۔

    شاہینوں کی جانب سے شاداب خان نے شاندار آل راؤنڈ کارکردگی کا مظاہرہ کیا اور چار کھلاڑیوں کو پویلین کی راہ دکھائی، محمد نواز اور حسن علی نے 2،2 جبکہ شاہنواز دھانی اور محمد وسیم جونیئر نے 1،1 وکٹ اپنے نام کی۔

    پاکستان اننگز

    ویسٹ انڈیز کے خلاف پاکستان کی جانب سے فخر زمان اور امام الحق نے اننگز کا آغاز کیا، فخر 35، امام الحق 62، کپتان بابر اعظم صرف 1، محمد رضوان 11، محمد حارث صفر، خوشدل شاہ 34 اور محمد نواز 8 رنز بنا کر آؤٹ ہوئے، شاداب خان نے 3 چھکوں اور 4 چوکوں کی مدد سے 78 گیندوں پر 86 رنز کی اننگز کھیلی اور عقیل حسین کی گیند پر کلین بولڈ ہوگئے، محمد وسیم جونیئر 6 سکور بناکر آؤٹ ہوئے، شاہنواز دھانی اور حسن علی ناٹ آؤٹ رہے۔

    مہمان ٹیم کی جانب سے کپتان نکولس پوران نے سب سے زیادہ 4 وکٹ حاصل کیں، کیمو پال نے 2، جیڈن سیلز، ہیڈن والش اور عقیل حسین نے 1،1 کھلاڑی کو پویلین کی راہ دکھائی۔

    اس طرح قومی ٹیم نے مقررہ 48 اوورز میں 9 وکٹ کے نقصان پر 269 رنز بنائے۔

     

    ویسٹ انڈیز پلیئنگ الیون

    پاکستان کے خلاف تیسرے ون ڈے میچ کے لئے ویسٹ انڈیز کی پلیئنگ الیون میں کپتان نکولس پوران، شائی ہوپ، کائیل مائیرز، شامرہ بروکس، روومین پاول، کیاسی کارٹی، کیمو پال، روماریو شیفرڈ، عقیل حسین، ہیڈن والش اور جیڈن سیلز شامل تھے۔

    پاکستان پلیئنگ الیون

    مہمان ٹیم کے خلاف تیسرے ون ڈے میچ کے لئے پاکستان کی پلیئنگ الیون میں کپتان بابر اعظم، شاداب خان، فخر زمان، امام الحق، محمد رضوان، محمد حارث، خوشدل شاہ، محمد نواز، محمد وسیم جونیئر، حسن علی اور شاہنواز دھانی شامل تھے۔

    مین آف دی میچ/ سیریز

    78 گیندوں پر 86 رنز بنانے اور 62 سکور کے عوض 4 کھلاڑیوں کو پویلین کی راہ دکھانے والے شاداب خان کو میچ کا بہترین کھلاڑی قرار دیا گیا جبکہ تین میچوں میں 199 رنز بنانے پر امام الحق کو مین آف دی سیریز کا ایوارڈ دیا گیا۔

  • شعیب اختر کے ساتھ 2011 کے سیمی فائنل میں کیا ہوا ؟

    شعیب اختر کے ساتھ 2011 کے سیمی فائنل میں کیا ہوا ؟

    شعیب اختر کے ساتھ 2011 کے سیمی فائنل میں کیا ہوا ؟

    باغی ٹی وی کی رپورٹ کے مطابق سابق ٹیسٹ کرکٹر شعیب اختر جو بہت اچھے فاسٹ بولر بھی تھے۔ شعیب اختر کو سب جانتے ہیں ۔وہ کسی بھی تعارف کے محتاج نہیں ۔ماضی میں بچے بھی ان کے ساتھ بہت پیار کرتے تھے اور ان کا میچ بہت شوق سے دیکھتے تھے۔ شعیب اختر جہاں جاتے ہیں ۔لوگ ان کے ساتھ تصاویر بہت شوق سے بنواتے ہیں ۔
    مزید تفصیلات سے اگاہ کرتے ہوۓ بتایا جاتا ہے کہ حال ہی میں انہوں نے اپنے ماضی میں ہونے والے 2011 کے ورلڈ کپ سیمی فائنل میں ان کے ساتھ کیا ہوا انہوں نے بتا دیا ۔
    اس حوالے سے انہوں نے ماضی کے ورلڈ کپ سیمی فائنل میں ہونے والے اپنے واقعے کے متعلق بتایا ۔ انہوں نے بتایا کہ میرے پاس صرف 2 میچ ہی رہ گے تھے ۔اور میری یہ بہت خواہش تھی کہ پاکستان فائنل میں جاۓ اور فائنل کھیلیں ۔ میں اس بات کا اندازہ کر سکتا تھا کہ بھارت پر بہت پریشر ہے ۔لیکن میں یہ چاہتا تھا کہ پاکستان اس پریشر کا حصہ نہ بنے ۔اور پاکستان کسی بھی قسم کا سیمی فائنل کا پریشر نہ لے ۔
    اپنے حوالے سے بھی ان کا یہ کہنا تھا کہ میرے حوالےسے جو کہا جاتا تھا مجھے سب معلوم تھا ۔ میرے بارے میں یہ کہا جاتا تھا کہ میں فٹ نہیں ہوں لیکن میچ سے پہلے میں نے 8 اوورز وارم اپ کے دوران کیے تھے ۔ شعیب اختر نے مزید کہا کہ میں اس میچ کے دوران 2 بندوں کے پیچھے پر گیا تھا ۔انہوں نے کہا کہ میں اس میچ میں سہواگ اور سچن ٹنڈولکر کے پیچھے پڑ جاتا تھا میں نے سیمی فائنل کے دوران 6 سات گھنٹے ڈریسنگ روم میں بہت مشکل سے گزارے تھے ۔

    قومی ٹیم کے سابق فاسٹ بولر شعیب اختر نے مزید کہا کہ میں نے غصے میں ڈریسنگ روم میں چند چیزیں بھی توڑ ڈالیں میں بہت غصے میں تھا اگر مجھے بھارت کے خلاف کھلایا جاتا تو بھارت پریشر میں ہوتا اور پاکستان نے بہت آسانی سے بھارت کو 2011 ورلڈکپ سیمی فائنل دے دیا ۔انہوں نے اس پر افسوس کا اظہار بھی کیا ۔ خیال رہے کے شعیب اختر نے ماضی میں جتنے بھی میچز کھیلیں ہیں ان میں انہوں نے کامیابی حاصل کی ہے ۔ ان کی اولین ترجیحات میں میچ جیتنا شامل رہا تھا ۔ نیز اب یہ باقی کرکٹر کی مشاورت کرتے رہتے ہیں ۔ان کے ساتھ ماضی میں 2011 کے ورلڈ کپ میں جو ہوا ان کو ابھی تک نہیں بھولا۔

  • بابراعظم کی طرح نام بنانا چاہتا ہوں، قاسم اکرم:

    بابراعظم کی طرح نام بنانا چاہتا ہوں، قاسم اکرم:

    بابراعظم کی طرح نام بنانا چاہتا ہوں، قاسم اکرم:

    باغی ٹی وی کی رپورٹ کے مطابق محدود طرز کی عالمی درجہ بندی میں صف اول کے بیٹر اور پاکستان کے کپتان بابراعظم دنیائے کرکٹ کے نوجوانوں کے لیےایک مثال ہیں۔ دنیا بھر میں موجود لاتعداد پرستاروں کی طرح قومی انڈر 19 کرکٹ ٹیم کے سابق کپتان قاسم اکرم بھی بیٹنگ میں بابراعظم کو اپنے لیے مشعل راہ سمجھتے ہیں ۔

    19 سالہ نوجوان کرکٹر کا کہنا ہے کہ بابراعظم ان کے پسندیدہ بیٹر ہیں اور وہ انہی کی طرح دنیائے کرکٹ میں نام کما نا چاہتے ہیں۔

    بابراعظم کی طرح قاسم اکرم کا تعلق بھی لاہور سے ہے۔دونوں نے اپنے کرکٹ کا سفر کا آغاز دائیں ہاتھ کے مڈل آرڈر بیٹر اور آف اسپن باؤلنگ سے کیا۔ قاسم اکرم سینٹرل پنجاب اور کراچی کنگز میں بابراعظم کی زیرقیادت کھیل رہے ہیں۔

    قاسم اکرم کا کہنا ہے کہ بابراعظم کے ساتھ سینٹرل پنجاب اور کراچی کنگز کے ڈریسنگ رومز شیئر کرنے کا تجربہ ناقابل فراموش ہے۔ ایک بیٹر کی حیثیت سےانہوں نے پاکستان کے کپتان سے لمبی اننگز کھیلنے کے لیے کریز پر ٹھہرے رہنے، کؤر ڈرائیو کھیلنے اور پل شاٹ میں بہتری لانے کے لیے مفید مشورے لیے ہیں۔

    قاسم اکرم کے والد لاہور میں لُنڈا بازار کی دکان پر کام کرتے ہیں۔ نوجوان آلراؤنڈرنے آئی سی سی انڈر 19 کرکٹ ورلڈکپ 2022 کے 6 میچز میں 203 رنز بنانے کے ساتھ ساتھ 10 وکٹیں بھی حاصل کیں۔ انہوں نے نیشنل ٹی ٹونٹی میں سینٹرل پنجاب کی نمائندگی کرتے ہوئے 11 وکٹیں حاصل کیں جبکہ ایچ بی ایل پی ایس ایل 7 میں کراچی کنگز کی نمائندگی کرتے ہوئے انہوں نے ایک نصف سنچری بھی بنائی تھی۔گزشتہ سیزن میں کھیلے گئے پاکستان کپ میں بھی انہوں نے 285 رنز بنائے اور 10 وکٹیں حاصل کی تھیں۔

    نوجوان کرکٹر نے کہا کہ بابراعظم نے دنیابھر میں شاندار بیٹنگ کا مظاہرہ کیا ہے اور وہ ان کی بیٹنگ صلاحیتوں کے مداح ہیں۔ وہ دنیا کے نمبر ون بیٹر کے ہمراہ ڈریسنگ روم کا تبادلہ کرنے پر خود کو خوش قسمت سمجھتے ہیں۔ انہوں نے کہا کہ بابراعظم نے اپنی بیٹنگ کے ذریعےدنیا بھر میں پاکستان کرکٹ کا جو معیار مقرر کیا ہے وہ اسے حاصل کرنے کی خواہش رکھتے ہیں۔

    قاسم اکرم کا تعلق ان 107 نوجوان کھلاڑیوں میں سے ہے، جو پی سی بی پاتھ ویز پروگرام کا حصہ ہیں۔ ان باصلاحیت نوجوان کھلاڑیوں کا تربیتی کیمپ 14 جون سے مریدکے میں شروع ہوگا، جو چار ہفتے تک جاری رہے گا۔

    ان کا کہنا ہے کہ پی سی بی پاتھ ویز پروگرام نوجوان کھلاڑیوں کے لیے ایک زبردست اقدام ہے، جس کے تحت نوجوان کھلاڑیوں کو مکمل تعلیمی اسکالرشپ اور 30 ہزار روپے ماہوار وظیفہ دیا جائے گا۔

    قاسم اکرم اب تک 9 فرسٹ کلاس میچز میں 14 وکٹیں حاصل کرچکے ہیں۔ ان کا کہنا ہے کہ وہ شعیب ملک اور محمد حفیظ کی طرح ایک آلراؤنڈرکی حیثیت سے اپنے کیرئیر کو طول دینا چاہتے ہیں۔ وہ فی الحال اپنی آف اسپن باؤلنگ میں بہتری لانے کی ہر ممکن کوشش کررہے ہیں۔

  • پاکستان میں امریکی قونصل جنرل کرکٹرز سے ملاقات کے لیے قذافی سٹیڈیم پہنچ گئے

    پاکستان میں امریکی قونصل جنرل کرکٹرز سے ملاقات کے لیے قذافی سٹیڈیم پہنچ گئے

    لاہور: امریکی قونصل جنرل ویلیم ماکانیولے قومی کرکٹرز سے ملاقات کے لیے لاہور کے قذافی سٹیڈیم پہنچ گئے۔اطلاعات کے مطابق ویلیم ماکانیولے نے قذافی اسٹیڈیم میں بابر اعظم اور شاہین شاہ آفریدی سے ملاقات کی۔ انہوں نے امریکی قونصل جنرل خانے کے آفیشل ٹوئٹر ہینڈل سے ٹویٹ کرتے ہوئے کہا کہ پنجاب کے لوگوں نے مجھے ہمیشہ حیرت زدہ کیا ہے۔ بہترین لوگ اور ثقافت کے ساتھ ساتھ پنجاب میں بہترین کرکٹ بھی کھیلی جاتی ہے۔

    امریکی سفارتکار نے کہا کہ شاہین شاہ آفریدی اور بابر اعظم اس وقت اپنی پرفارمنس کے ذریعےعروج پر ہیں۔انہوں نے ویسٹ انڈیز کے خلاف قومی ٹیم کی مجوزہ سیریز کے متعلق کہا کہ بابر اعظم کے بلے سے چھکے لگنے والے ہیں، شاہین شاہ آفریدی ویسٹ انڈیز کے خلاف تیز رفتار باؤلنگ دکھانے والے ہیں۔ میں ویسٹ انڈیز کے دورہ پاکستان کے دوران مزید پش اپس لگانے کے لیے تیار ہوں۔

    یاد رہے کہ گزشتہ پی ایس ایل کے دوران ویلیم ماکانیولے کی پش آپ ویڈیو وائرل ہوئی تھی، انہوں نے پی ایس ایل سیزن 7 میں لاہور قلندرز کو سپورٹ کیا تھا۔

    ادھرشاہین شاہ آفریدی جن کی بیٹنگ ویڈیوز حال ہی میں سوشل میڈیا پر وائرل ہوئیں تھیں، انہوں نے 45 گیندوں پر نصف سنچری اسکور کر ڈالی، ان کی اننگز میں 5 چوکے اور 2 چھکے شامل تھے۔ویسٹ انڈیز کے خلاف ون ڈے سیریز کیلئے لاہور میں لگایا جانے والا پاکستان کرکٹ ٹیم کا ٹریننگ کیمپ ختم ہوگیا.آخری دن بھی کرکٹرز نے پریکٹس کی، قومی اسکواڈ آج لاہور سے ملتان پہنچ جائے گا۔

    قومی کرکٹ ٹیم کے تربیتی کیمپ کے آخری روز بھی ایل سی سی اے گراؤنڈ میں سیناریو بیسڈ میچ کھیلا گیا۔پریکٹس میچ میں ٹیم منیجمنٹ نے بیٹرز اور بولرز کو ٹارگٹ د یے، قومی کرکٹر خوشدل شاہ نے 64 ، عبداللہ شفیق نے 51 ، شاہین شاہ آفریدی نے 50 ،محمد رضوان نے 33، افتخار احمد نے 32 اور محمد وسیم جونیئر نے24 رنز بنائے۔

    حسن علی ، شاداب خان اور خوشدل شاہ نے دو، دو کھلاڑیوں کو آؤٹ کیا، شاہنواز دھانی اور افتخار احمد نے بھی ایک، ایک وکٹ لی۔قومی اسکواڈ اب ملتان پہنچے گا جہاں پہلے ون ڈے کے آغاز سے قبل دو دن مزید پریکٹس کرے گا۔

    دوسری جانب مہمان ویسٹ انڈین ٹیم 6 جون کو اسلام آباد پہنچے گی اور خصوصی پرواز کے ذریعے ملتان آئے گی، پاکستان اور ویسٹ انڈیز کے درمیان تین ون ڈے میچوں کی سیریز کا پہلا میچ آٹھ جون کو کھیلا جائے گا۔

    سوئی سدرن کےلیےگیس کی قیمت میں44 فیصد اضافے کی منظوری

    بھارت میں کورونا نے پھرسراُٹھا لیا

    ہمارے ملک میں مداخلت کیوں:کویت نے امریکی سفیرکوطلب کرکےسخت پیغام بھیج دیا

    اگست سے پٹرول کی قیمتیں کم ہونےکا امکان:اوپیک نے روس سے مدد مانگ لی