وزیراعظم شہبازشریف نے خضدار کچاک قومی شراہ کے سیکشن ون اور ٹو کا سنگ بنیاد رکھ دیا
تعمیر نو اور دو رویہ کرنے سے بلوچستان کے اہم شہروں کے درمیان آمدورفت میں آسانی ہوگی کراچی،کوئٹہ، چمن شاہراہ کے حصے خضدار کچلاک قومی شاہراہ کی تعمیر نوکیساتھ ساتھ دورویہ کیا جائیگا
وزیر مواصلات اسعد محمود کا کہنا تھا کہ بلوچستان میں ترقی کے سفر کا آغاز کرنے پر وزیراعظم کے مشکور ہیں، منصوبے کے افتتاح میں وزیراعظم کے ساتھ ہیں،
وزیراعظم شہباز شریف نے تقریب سے خطاب کرتے ہوئے کہا کہ آج میرے لیے انتہائی اہم دن ہے،یہاں قائد اعظم نے عمائدین بلوچستان سے خطاب کیا تھا،بلوچستان رقبے کے لحاظ سے پاکستان کا سب سے بڑا صوبہ ہے، بلوچستان ترقی اور خوشحالی میں باقی ملک سے کافی پیچھے رہ گیا ،بلوچستان کے عوام کو قدرتی گیس کا جو حصہ ملنا تھا وہ نہیں مل سکا، اللہ تعالیٰ نے بلوچستان کو بے شمار نعمتوں سے نوازا ہے،بلوچستان میں بنیادی سہولیات نہیں ہیں، بلوچستان دیگرصوبوں سے پیچھے رہ گیا ہے،سوئی کی گیس سے پورا پاکستان مستفید ہوتا ہے بلوچستان اور خیبرپختونخوا کے عوام نے دہشتگردی کیخلاف جنگ میں بہت قربانیاں دی ہیں،
وزیراعظم شہباز شریف کا مزید کہنا تھا کہ بلوچستان میں بے پناہ معدنی وسائل موجود ہیں ،بلوچستان میں پن بجلی کے منصوبے بن سکتے ہیں،بلوچستان میں بے شمار کوئلہ موجود ہے ،کیا ہم ماضی کی طرف ہی دیکھتے رہیں گے اور افسوس کرتے رہیں گے، بلوچستان کے وسائل کا فائدہ نہیں اٹھایا گیا ،ریکوڈک کیس میں اربوں روپے ضائع ہوگئے ریکوڈک کیس میں ہم ناکام ہوئے،ہمیں ماضی سے سبق حاصل کرکے اتفاق سے آگے بڑھنا ہوگا،
وزیراعظم شہباز شریف کا مزید کہنا تھا کہ حالیہ دنوں میں دہشت گردی نے پھرسراٹھایا ہے ،باہمی اتفاق سے دہشت گردی کودوبارہ شکست دیں گے،بلوچستان کی محرومیوں سے کوئی اختلاف رائے نہیں،بلوچستان مختلف وجوہات کی بنا پر پیچھے رہ گیا ،خدارا شمالی اورجنوبی بلوچستان کے بیانیے کوترک کردیں،بلوچستان میں جہاں بھی مسائل ہیں، حل کریں گے،وکلا برادری نے آج مسنگ پرسن کے معاملے کو اٹھایا وکلا برادری نے کہا مسنگ پرسن اور دیگر مسائل کو حل کریں، اختر مینگل بھی بار بار اس معاملے کا ذکر کرتے ہیں، یقین دلاتاہوں جو بااختیار ہیں ان کے سامنے میرٹ پر معاملہ اٹھائیں گے،یقین دہانی کراتا ہوں کہ مسنگ پرسن کا مسئلہ حل کرانے کی پوری کوشش کرینگے،
وزیراعظم شہباز شریف کی زیر صدارت بلوچستان میں امن و امان کی صورتحال پر اعلی سطح اجلاس ہوا ،اجلاس میں وزیر اعلی بلوچستان عبدالقدوس بزنجو،سردار اختر مینگل اور اسعد محمود شریک تھے اجلاس میں صوبے کی امن وامان کی صورتحال پر بریفنگ دی گئی،وزیراعظم شہباز شریف کا کہنا تھا کہ صوبے میں امن کی صورتحال باعث اطمینان ہے امن واستحکام کے لئے وفاقی حکو مت بلوچستان حکومت کو بھرپور معاونت فراہم کرے گی،بلوچستان کی ترقی حکومت کی اولین ترجیحات میں شامل ہے،بلوچستان کی باصلاحیت افرادی قوت ملک کا قیمتی اثاثہ ہے،بلوچستان میں جاری ترقیاتی منصوبوں کی مانیٹرنگ یقینی بنائی جائے،آف دی گرڈ منصوبوں سے بلوچستان میں بجلی کی قلت کا مسئلہ حل کیا جائے گا،جب تک بلوچستان ترقی میں باقی صوبوں تک نہیں پہنچ جاتا، چین سے نہیں بیٹھوں گا،بلوچستان کابینہ کا تعاون درکار ہے، منصوبوں پر عمل تعاون سے یقینی ہو سکے گا معدنی وسائل پر سب سے پہلا حق بلوچستان کی عوام کا ہے بلوچستان کے طلبہ و طالبات کیلئے وظائف کا سلسلہ دوبارہ شروع کرونگا،ہمیں بلوچستان کے پسماندہ علاقوں اور مجموعی ترقی کیلئے کام کرنا ہے،وزیراعظم نے بلوچستان کابینہ کے ممبران کے ممبران کا شکریہ ادا کیا.
وزیر اعظم شہباز شریف کی زیر صدارت بلوچستان کی انتظامی صورتحال پر جائزہ اجلاس ہوا اجلاس میں ترقیاتی منصوبوں اور امن و امان کی صورتحال پر بریفنگ دی گئی ،بریفنگ میں بتایا گیا کہ بلوچستان میں اس وقت آبادی کا ایک بڑا حصہ خطِ غربت سے نیچے ہے بلوچستان میں روزگار کے مواقع کم ہونا غربت کی وجہ ہےترقیاتی منصوبوں میں مقامی لوگوں کو روزگار کی فراہمی میں ترجیح دی جا رہی ہے،اجلاس میں شرکاکی طرف سے تجاویز بھی پیش کی گئیں اجلاس میں بلوچستان کےلیے ایک جامع پیکج کے اعلان کی تجویز دی گئی کوسٹل ہائی وے کے اطراف سیاحت کا فروغ تجویز میں شامل ہے مقامی افرادی قوت کی تعلیم اور پیشہ ورانہ تربیت کے اداروں کا قیام بھی تجاویز میں شامل ہے
وزیراعظم شہباز شریف سے وزیر اعلیٰ بلوچستان عبدالقدوس بازنجو کی ملاقات ہوئی ہے ،وزیراعلیٰ نے وزیراعظم کو بلوچستان میں انتظامی امور اور امن و امان کی صورتحال پر آگاہ کیا . وزیراعظم نے رمضان المبارک میں اشیاء ضروریہ کی مقرر کردہ نرخوں میں فراہمی کو یقینی بنانے کی ہدایات جاری کیں
قبل ازیں وزیراعظم شہبازشریف ایک روزہ دورے پر کوئٹہ پہنچ گئے قائم مقام گورنر بلوچستان میر جان محمد جمالی وزیراعلیٰ قدوس بزنجو نے وزیراعظم کا استقبال کیا وزیر مواصلات مولانا اسد محمود، احسن اقبال اور اختر مینگل وزیر اعظم کے ہمراہ ہیں ،وزیر اعظم شہباز شریف نے کوئٹہ جاتے ہوئے بلوچستان کی ترقی پر بریفنگ لی، طیارے میں ہی اجلاس ہوا جس میں وزیراعظم شہباز شریف کو بریفنگ دی گئی وزیراعظم شہبازشریف کی کوئٹہ میں وزیراعلیٰ سیکریٹریٹ آمد ہوئی وزیراعظم کو وزیراعلیٰ سیکریٹریٹ آمد پرگارڈ آف آنر پیش کیا گیا
وزیراعظم خضدار کچلاک قومی شاہراہ کے سیکشن ون اور ٹو کا سنگ بنیادرکھیں گے وزیراعظم شہبازشریف خصوصی ریلیف پیکج پر عملدرآمد کا جائزہ لیں گے جبکہ کوئٹہ میں جگر کے اسپتال کا افتتاح اور کراچی ٹو کوئٹہ روڈ کا سنگ بنیاد رکھیں گے
شہباز شریف کا بطور وزیراعظم بلوچستان کا پہلا دورہ ہے ، شہباز شریف نے وزیراعظم بننے کے بعد کراچی کا دورہ کیا تھا اور مزار قائد پر حاضری دی تھی، اسکے بعد وزیرستان کا دورہ کیا اور آج کوئٹہ کا کر رہے ہیں، شہباز شریف نے وزیراعظم بننے کے بعد ابھی تک لاہور کا دورہ نہیں کیا
دوسری جانب کوئٹہ شہر کے مختلف علاقوں میں موبائل فون سنگنلز بند کردیئے گئے جبکہ آج بروز ہفتہ اکیس رمضان المبارک کو حضرت علی رضی اللہ عنہ کے یوم شہادت کے سلسلے میں شہر میں جلوس نکالا جائے گا۔اس حوالے سے ٹریفک و جلوس پلان اور ساتھ میں موٹر سائیکل کی ڈبل سواری پر گزشتہ روز پابندی عائد کی تھی۔
قبل ازیں وزیراعظم شہباز شریف نے ملک میں 15ماہ بعد پہلا پولیوکیس رپورٹ ہونے پر تشویش کا اظہار کیا وزیراعظم نے پیر کوقومی ٹاسک فورس برائےانسداد پولیو کا اجلاس طلب کرلیا وزیراعظم شہبازشریف نے پولیو کے خاتمے کے لیے لائحہ عمل مرتب کرنے کی ہدایت کر دی
قومی اسمبلی کی طرف سے مراسلہ سپریم کورٹ کو بھیج رہے ہیں،ڈپٹی سپیکر
پریشان کن معاشی اعشاریوں پر وزیرِ اعظم نے کیا تشویش کا اظہار
امپورٹڈ حکمران پارلیمان کی توہین،قوم غدار گٹھ جوڑ کیخلاف کھڑی ہوچکی ہے،عمران خان
جمعیت علما اسلام شیرانی گروپ کے سربراہ کی عمران خان سے ملاقات
ایم کیو ایم کی جانب سے وزیر اعظم شہباز شریف کو مکمل حمایت کی یقین دہانی
عام انتخابات مقررہ وقت پر ہوں گے،حکومت نے اعلان کر دیا
