Baaghi TV

Tag: کھیل

  • ٹی20 ورلڈ کپ: پاکستان اور نیوزی لینڈ سیمی فائنل میں آج مدمقابل

    ٹی20 ورلڈ کپ: پاکستان اور نیوزی لینڈ سیمی فائنل میں آج مدمقابل

    ٹی20 ورلڈ کپ 2022 میں پاکستان اور نیوزی لینڈ پہلے سیمی فائنل میں آج مدمقابل ہوں گے-

    باغی ٹی وی: سڈنی کے میدان میں دونوں ٹیموں کے درمیان آئی سی سی مینز ٹی 20 ورلڈ کپ کا میچ پاکستانی وقت کے مطابق دوپہر ایک بجے شروع ہوگا۔

    پاکستان اور نیوزی لینڈ کی ٹیمیں سڈنی کرکٹ گراؤنڈ پہنچ چکی ہیں اور آٹھویں ٹی20 ورلڈ کپ کے پہلے سیمی فائنل کے لیے تیاریوں کو حتمی شکل دے چکی ہیں۔


    سپر12 کے گروپ ون سے نیوزی لینڈ اور انگلینڈ جبکہ گروپ ٹو سے روایتی حریف ٹیمیں پاکستان اور بھارت نے سیمی فائنل میں جگہ بنائی، پاکستان اور نیوزی لینڈ کے درمیان پہلا سیمی فائنل آج سڈنی میں کھیلا جائے گا جبکہ بھارت اور انگلینڈ کے درمیان 10 نومبر کو ایڈیلیڈ میں کھیلا جائے گا۔

    ٹی20 ورلڈ کپ 2022 کے پہلے سیمی فائنل میں اپنی ٹیموں کی قیادت کرنے والے کین ولیمسن اور بابراعظم دونوں اپنی اپنی کامیابی کے لیے پرامید ہیں –

    پاکستان کو ٹی20 مقابلوں نیوزی لینڈ سے واضح برتری حاصل ہے، دونوں ٹیموں کے درمیان اب تک 28 ٹی20 میچ کھیلے جاچکے ہیں، پاکستان نے 17 اور نیوزی لینڈ نے 11 فتوحات حاصل کیں اب تک کھیلے گئے ٹی20 ورلڈ کپ مقابلوں میں دونوں ٹیمیں 6 مرتبہ مدمقابل آئیں اور پاکستان کو 4 جبکہ نیوزی لینڈ کو 2 میچوں میں کامیابی نصیب ہوئی۔

    آئی سی سی نے پاکستان کے معیاری وقت کے مطابق دوپہر ایک بجے شروع ہونے والے سیمی فائنل کے لیے میچ آفیشلز کا اعلان کردیا ہے، جس میں ماریسس ایراسمس اور رچرڈ ایلنگ ورتھ فیلڈ امپائرز، رچرڈ کیٹل برگ تھرڈ امپائر ہوں گے۔

    بھارت اور انگلینڈ کی ٹیموں کے درمیان جمعرات کو دوسرا سیمی فائنل ہوگا جس میں سری لنکن کما دھرناسینا اور آسٹریلین پال رائفل فیلڈ امپائر اور کرس کیفنی تھرڈ امپائر ہوں گے۔

    خیال رہے کہ سیمی فائنل مقابلوں میں بارش کی صورت میں مقابلہ دوبارہ ہوگا، جس کے لیے اضافی دن مختص ہے جبکہ ایونٹ کا فائنل 13 نومبر کو میلبرن کرکٹ گراؤنڈ میں ہوگا۔

  • ون ڈے انٹرنیشنل کرکٹ میں پہلی وکٹ لینے والے بولر ایلن تھامسن انتقال کر گئے

    ون ڈے انٹرنیشنل کرکٹ میں پہلی وکٹ لینے والے بولر ایلن تھامسن انتقال کر گئے

    ون ڈے انٹرنیشنل کرکٹ میں پہلی وکٹ لینے والے بولر ایلن تھامسن 76 برس کی عمر میں انتقال کر گئے۔

    باغی ٹی وی : دنیائے کرکٹ کی سب سے بڑی آسٹریلیا سے تعلق رکھنے والے ایلن تھامسن اپنے غیر معمولی بالنگ اسٹائل کی وجہ سے مشہور تھے، وہ 1970-71 میں 7 ٹیسٹ میچوں پر مشتمل ایشز سیریز کے 4 ٹیسٹ میچز میں بھی کینگروز ٹیم کا حصہ تھے۔

    انجری کے باعث پاکستانی ٹیم کے اہم کھلاڑی جنوبی افریقا کیخلاف میچ سے باہر

    فروگی کے نام سے مشہور ایلن تھامسن نے پہلے دو ٹیسٹ میچز میں اپنی ٹیم کی نمائندگی گی لیکن میلبرن میں شیڈول تیسرا ٹیسٹ بارش کے باعث ملتوی ہو گیا، اس سے پہلے کہ وہ پانچواں اور چھٹا ٹیسٹ میچ کھیلتے انہوں نے تاریخ رقم کر دی جب میلبرن ٹیسٹ بارش کے باعث متاثر ہوا تو دونوں ٹیموں کے درمیان 5 جنوری 1971 کو 40 اوورز پر مشتمل ایک روزہ میچ کھیلا گیا۔

    لاہور پولو کلب کے زیراہتمام دو میچز، لاٹینم ہومزاورماسٹر پینٹس بلیک کی ٹیمیں رہیں فاتح

    اس میچ میں ایلن تھامسن نے انگلینڈ کے سابق کپتان جیفری بائیکاٹ کو اسکوائر لیگ پر بل لاؤری کے ہاتھوں کیچ آؤٹ کرایا۔ ایلن تھامسن نے اس میچ میں 8 اوورز میں 22 رنز دیکر ایک وکٹ حاصل کی اور میچ آسٹریلیا 5 وکٹوں سے جیت گیا۔

    ایلن تھامسن نے 1969 میں اس وقت شہرت حاصل کی جب شیفلڈ شیلڈ ٹرافی میں وکٹوریا کی طرف سے کھیلتے ویسٹ انڈیز کے خلاف کھیلتے ہوئے شاندار پرمارمنس کا مظاہرہ کرتے ہوئے 11 وکٹیں حاصل کیں انہوں نے 4 ٹیسٹ میچز میں صرف 12 وکٹیں حاصل کی تاہم 44 فرسٹ کلاس میچز میں انہوں نے 184 وکٹیں حاصل کیں۔

    جسٹس نورمسکانزئی قتل کیس؛گرفتارملزم کا ایران میں تربیت لینےکاانکشاف

  • تائیکوانڈو چیمپئین شپ کے پہلے روزجونیئرز کی 10 کیٹیگریز کے مقابلے ہوں گے

    تائیکوانڈو چیمپئین شپ کے پہلے روزجونیئرز کی 10 کیٹیگریز کے مقابلے ہوں گے

    چوتھی کومبیکس ایشین انٹرنیشنل اوپن تائیکوانڈو چیمپئین شپ کے پہلے روز منگل کو جونیئرز کی 10 کیٹیگریز کے مقابلے ہوں گے جن میں میزبان پاکستان مصر،عمان،ایران،اورنیپال سمیت دیگر ممالک کے کھلاڑی ایکشن میں ہوں گے

    گذشتہ روز کھلاڑیوں کے وائنگ ((weighting ا ور ڈراز(draws) کا مرحلہ مکمل کیا گیا دریں اثناء پاکستان تائیکو انڈ و فیڈریشن کے صدر کرنل (ر) وسیم جنجوعہ اور سی ای او عمر سعید نے قومی ہیڈ کوچ یوسف کرامی کے ہمراہ پی ایس بی کے لیاقت جمنازیم میں ایشین چیمپئین شپ کیلئے پاکستانی ٹیم میں آفیشل کٹس اورٹریک سوٹس تقسیم کئے اس موقع پر -58 کیٹیگری کیلئے قومی اسکواڈ میں شامل ہارون خان کا کہنا تھا کہ چیمپئین شپ کیلئے بھرپورتیاریاں کی ہیں ایونٹ میں ہمارا مقابلہ دنیا کے بہترین رینکنگ پلیئرزسے ہے کسی بھی فائٹ کو آسان نہیں لیں گے اس میگا ایونٹ کے حوالے سے ہمارے کوچز نے کھلاڑیوں کوتائیکوانڈو کے کھیل کی جدید ٹریننگ اور کھیل سے متعلق نئے قواعد و ضوابط سے مکمل آگاہی فراہم کی ہے پاکستان کیلیے میڈلزجیتنے کی ہرممکن کوشش کریں گے

    فیمیل کی-53 کیلئے قومی کھلاڑی نقش ہمدانی کا کہنا تھا کہ صرف ملک کیلئے جیت کے جذبے کے ساتھ لڑیں گے اور اپنی سو فیصد کارکردگی کا مظاہرہ کر کے وکٹری اسٹینڈ تک پہنچنے کی بھرپور کوشش کریں گے جونیئرکیٹیگری میل کی +73 کیلئے سعد آصف نے کہا کہ ایشیاء کے سب سے بڑے ایونٹ میں پاکستان کی نمائندگی میرے لئے اعزاز کی بات ہے ٹریننگ سیشنز میں کوچز کی بھرپورمعاونت اور سینیئرکھلاڑیوں کاسپورٹ حاصل ہے اس انٹرنیشنل ایونٹ میں شرکت سے مجھ سمیت دیگر جونیئرکھلاڑیوں کے کھیل میں نکھار اور تجربے میں اضافہ ہوگا

    مینار پاکستان، لڑکی سے دست درازی،میڈیکل مکمل،سینے، کمر پر خراشوں کے ملے نشانات

    مینار پاکستان، لڑکی سے دست درازی،عثمان بزدار نے اہم اجلاس کیا طلب

    مینار پاکستان، لڑکی سے دست درازی، ایک اور ملزم کی ضمانت،شناخت پریڈ کب ہو گی؟

    مینار پاکستان، لڑکی سے دست درازی کیس ، پولیس نے سب کی دوڑیں لگوا دیں

    مینار پاکستان، لڑکی سے دست درازی، ملزم کی درخواست ضمانت پر عدالت نے سنایا فیصلہ

  • لاہور سمارٹ سٹی پولو ان پنک ٹورنامنٹ شروع

    لاہور سمارٹ سٹی پولو ان پنک ٹورنامنٹ شروع

    لاہور پولو کلب کے زیراہتمام لاہور سمارٹ سٹی پولو ان پنک ٹورنامنٹ شروع ہوگیا۔

    لاہور پولو کلب کے صدر عمر صادق، سیکرٹری آغا مرتضی علی خان نے سپانسرز کے ہمراہ پریس کانفرنس میں میڈیا کو تفصیلات سے آگاہ کیا۔ اس موقع پر لاہور سمارٹ سٹی کے چیف آپریٹنگ آفیسر عمران زاہد، چیف فنانس آفیسر زاہد عارف، پنک ربن پاکستان کے ہیڈ عمر آفتاب، ایگزیکٹو کمیٹی ممبر عثمان حئی  مختلف ممالک سے آئی ہوئی خواتین بھی موجود تھیں۔ لاہور پولو کلب کے صدر عمر صادق نے بتایا کہ لاہور پولو کلب ہر سال پولو ان پنک ایک نیک مقصد کیلئے آرگنائز کرتا ہے جس کا مقصد خواتین میں چھاتی کے کینسر سے متعلق آگاہی فراہم کرنا ہوتا ہے۔ سیکرٹری آغا مرتضی علی خان کا کہنا تھا کہ ٹورنامنٹ میں 11 ٹیموں کو دو پولز میں تقسیم کیا گیا ہے۔ ہر ٹیم میں غیرملکی کھلاڑی بھی شامل ہیں۔ امریکہ سے دو کھلاڑی لورال ہاؤی  اور ڈینیل لوسی، بلجیم سے مارئیون ڈیرک، آسٹریلیا سے فلپ ہنری، کینیڈا سے جیسکا شیرنڈر اور جین بکان شامل ہیں جبکہ پاکستان سے ایشا حئی، فاطمہ مظہر، اسرا ذیشان، راقیہ منصورجبکہ ایک کھلاڑی پاکستان اور یورکرائن دونوں سے تعلق رکھتی ہیں جن کا نام صوفیہ دین خان ہے۔ پول اے کی ٹیموں میں حئی سکواڈ، ذکی فارمز ریپئرز، ایف جی/دین پولو، دی ایگلز اور لاور سمارٹ سٹی جبکہ پول بی میں  پلاٹینم ہومز، لوٹو کارپٹس سنگاپور، نیوایج کیبلز، پیبل بریکرز، بلیک ہارس پینٹس اور ریمنگٹن فارما/ گارڈ گروپ شامل ہیں۔

    پارلیمنٹ لاجز میں مریم اورنگزیب کے فلیٹ میں آتشزدگی

    پارلیمنٹ ہاؤس میں جلد سے جلد بیوٹی پارلر قائم کرنے کی ہدایت

    لاجزمیں غیرمتعلقہ افراد کا رش،خواتین سینیٹرزکا سرکاری گھروں میں عدم تحفظ کا اظہار

    عمران زاہد سی او او لاہور سمارٹ سٹی کا کہنا تھا کہ ہم ہمیشہ ہی نیک مقاصد کو سپورٹ کرتے ہیں۔ پنک ربن اور لاہور پولو کلب ایک اچھے کاز کو پرموٹ کر رہے ہیں جس کو ہم ہر طرح سے بھرپور سپورٹ کر رہے ہیں۔  عمر آفتاب پنک ربن پاکستان کا کہنا تھا کہ پنک ربن نے لاہور میں ایک بریسٹ کینسر ہسپتال کی او پی ڈی کا آغاز کر لیا ہے۔ جلد مکمل ہسپتال آپریشنل ہو جائے گا۔ لاہور پولو کلب اور سمارٹ سٹی کے تعاون کا شکریہ جو پاکستانی خواتین میں ایک مقصد اجاگر کر رہے ہیں۔ گزشتہ روز دو اہم میچز کھیلے گئے۔ پورا ہفتہ مقابلے جاری رہیں گے ٹورنامنٹ کا فائنل اتوار 30 اکتوبر کی سہ پہر کھیلا جائے گا۔

  • چوتھی ایشین اوپن انٹرنیشنل تائیکوانڈو چیمپئن شپ پاکستان میں ہوگی

    چوتھی ایشین اوپن انٹرنیشنل تائیکوانڈو چیمپئن شپ پاکستان میں ہوگی

    چوتھی ایشین اوپن انٹرنیشنل تائیکوانڈو چیمپئن شپ پاکستان میں ہوگی

    کومبیکس چوتھی ایشین اوپن انٹرنیشنل تائیکوانڈو چیمپئن شپ پاکستان میں ہوگی جس میں 23 ​​ممالک سے 165 غیر ملکی کھلاڑیوں شرکت کریں گے پاکستان پہلی بار ایشین چیمپئن شپ کی میزبانی کررہا ہے

    پاکستان تائیکوانڈو فیڈریشن کے صدر لیفٹیننٹ کرنل (ر) وسیم احمد جنجوعہ کے مطابق یکم سے چار نومبر تک کومبیکس چوتھی ایشین اوپن انٹرنیشنل تائیکوانڈو چیمپئن شپ اسلام آباد میں کھیلی جائے گی جس میں 23 ممالک کے 165 کھلاڑی شرکت کریں گے پاکستان سے بھی 418 کھلاڑیوں نے رجسٹریشن کرائی ہے یوں چیمپئن شپ میں 500 سے زاہد کھلاڑی ایکشن میں نظر آئیں گے پاکستان پہلی بار ایشین چیمپئن شپ کی میزبانی کررہا ہے چیمپئن شپ میں میں 38 بین الاقوامی ریفریز بھی پاکستان آئیں گے

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    کرنل (ر) وسیم جنجوعہ کا کہنا ہےکہ اس طرح کے ایونٹس ہمارے کھلاڑیوں کی پیشہ ورانہ ترقی کے لیے فائدہ مند ہیں۔ یہ ایونٹس قومی کھیلوں کی فیڈریشنز کی تنظیمی صلاحیتوں کو بہتر بناتے ہیں،

  • گواجرنوالہ فٹ بال گراؤنڈ 31 دسمبرتک مکمل کرنے کی ہدایت

    گواجرنوالہ فٹ بال گراؤنڈ 31 دسمبرتک مکمل کرنے کی ہدایت

    سیکرٹری سپورٹس اینڈ یوتھ افیئرز پنجاب احسان بھٹہ نے اعلیٰ حکام کے ہمراہ جمعۃ المبارک کو گوجرانوالہ اور گجرات ڈویژنز میں کھیلوں کے مختلف مقامات کا دورہ کیا او زیر تعمیر کھیلوں کے ترقیاتی منصوبوں کا جائزہ لیا،انہوں نے ورلڈ چیمپئن انعام بٹ اور دیگر عہدیداران کے ہمراہ ریسلنگ کمپلیکس گوجرانوالہ کی جگہ اور اکھاڑہ رستم پاک و ہند عمر پہلوان کا بھی معائنہ کیا، گجرات کے نئے ڈویژنل سپورٹس کمپلیکس اور ظہور الٰہی سٹیڈیم کی اپ گریڈیشن سمیت جاری اور نئی ترقیاتی سکیموں کا تفصیلی جائزہ لیا،ڈویژنل سپورٹس آفیسرز اور دیگر متعلقہ حکام نے زیر تعمیر کھیلوں کے ترقیاتی منصوبوں کے بارے میں تفصیلی بریفنگ دی،

    سیکرٹری سپورٹس اینڈ یوتھ افیئرز پنجاب احسان بھٹہ نے متعلقہ افسران کو ہدایت کی کہ گوجرانوالہ میں فٹ بال گراؤنڈ کو 31 دسمبر،سیڑھیوں اور پلیئر رومز کا کام 31 مارچ 2023 تک مکمل کیاجائے،اس موقع پر ڈپٹی ڈائریکٹر پلاننگ رؤف باجوہ، ڈویژنل سپورٹس آفیسر گوجرانوالہ ڈویژن منظر شاہ فرید، گجرات، سیالکوٹ، نارووال کے ڈی ایس اوز، محکمہ پی ایم یو کے افسران، ورلڈ چیمپئن انعام بٹ اور دیگر حکام بھی ان کے ہمراہ تھے،سیکرٹری سپورٹس اینڈ یوتھ افیئرز پنجاب احسان بھٹہ نے کمشنر اور ڈپٹی کمشنر گوجرانوالہ سے بھی ملاقات کی اور گوجرانوالہ ڈویژن کے کھیلوں کے منصوبوں کی تکمیل کے حوالے سے تبادلہ خیال کیا اور ترقیاتی منصوبوں پر پیشرفت کا جائزہ لیا،سیکرٹری سپورٹس اینڈ یوتھ افیئرز پنجاب احسان بھٹہ نے گجرات ڈویژن کا بھی دورہ کیا اور زیر تعمیر کھیلوں کے منصوبوں کا جائزہ لینے کے لیے اجلاس کی صدارت کی، اس موقع پر کمشنر، ڈپٹی کمشنر اور ایڈیشنل کمشنر گجرات ڈویژنل سپورٹس آفیسر اور ڈسٹرکٹ سپورٹس آفیسر بھی موجود تھے، اجلاس میں گجرات کے نئے ڈویژنل سپورٹس کمپلیکس اور ظہور الٰہی سٹیڈیم کی اپ گریڈیشن سمیت جاری اور نئی ترقیاتی سکیموں کا تفصیلی جائزہ لیا۔

    میزائل گرنے کے واقعے پر بھارت کے غلطی کا اعتراف،پاکستان کا مشترکہ تحقیقات کا مطالبہ

    بھارتی میزائل کا پاکستانی حدود میں گرنے کا واقعہ،چین کا تحقیقات کا مطالبہ

    انسداد دہشت گردی جنگ تقریبا ختم ہو چکی،نیشنل امیچورشارٹ فلم فیسٹیول سے ڈی جی آئی ایس پی آر کا خطاب

    افغان امن عمل، افغان فوج نے کہیں مزاحمت کی یا کرینگے یہ دیکھنا ہوگا، ترجمان پاک فوج

    وطن کی مٹی گواہ رہنا، کے نام سے یوم دفاع وشہداء منانے کا اعلان

  • قومی اسکواڈ ٹی ٹونٹی ورلڈ کپ میں شرکت کے لئے 15 اکتوبر کو روانہ ہوگا

    قومی اسکواڈ ٹی ٹونٹی ورلڈ کپ میں شرکت کے لئے 15 اکتوبر کو روانہ ہوگا

    قومی اسکواڈ ٹی ٹونٹی ورلڈ کپ میں شرکت کے لئے 15 اکتوبر کو کرائسٹ چرچ سے برسبین روانہ ہوگا

    اسکواڈ برسبین میں دو وارم اپ میچز کھیلنے کے بعد 20 اکتوبر کو میلبرن پہنچے گا ،پاکستان ٹورنامنٹ میں اپنا پہلا میچ 23 اکتوبر کو بھارت کے خلاف میلبرن میں کھیلے گا قومی کرکٹ ٹیم کے کپتان بابر اعظم فائنل کے بعد کرائسٹ چرچ سے میلبرن روانہ ہوں گے وہ کل میلبرن میں تمام ٹیموں کے کپتانوں کے ساتھ ٹرافی کے فوٹو شوٹ میں شرکت کریں گے شاہین شاہ آفریدی اور فخر زمان بھی 15 اکتوبر کی شام کو برسبین میں قومی اسکواڈ کو جوائن کرلیں گے ٹیم مینٹور میتھیو ہیڈن بھی کل رات کو ہی قومی اسکواڈ کو جوائن کریں گے

    ڈاکٹر جاوید ان دونوں کھلاڑیوں کے ہمراہ قومی اسکواڈ کو بطور سیکنڈ فزیو جوائن کریں گے ٹیم ڈاکٹر نجیب سومرو کرائسٹ چرچ سے میلبرن میں اپنے گھر روانہ ہوجائیں گے وہ بھارت کے خلاف میچ سے قبل میلبرن میں قومی اسکواڈ کو جوائن کریں گے اس دوران مقامی ڈاکٹر شمائل قومی کرکٹ ٹیم کے ساتھ ذمہ داریاں نبھائیں گے

    زرتاج گل نے مہلت مانگ لی،کیوں نہ ذمہ داروں کو جانوروں کے پنجروں میں بند کر دیں؟ عدالت

    قدرت نے جانوروں کو انسانوں کی انٹرٹینمنٹ کے لیے پیدا نہیں کیا،عدالت

    جانوروں کے مسائل اجاگر کرنیوالی این جی اوز اپنے رشتے داروں کا بھی خیال رکھیں،عدالت میں کس نے ایسا کہا؟

  • یواے ای کی لیگ آئی ایل ٹی 20 کی ٹرافی کی رونمائی

    یواے ای کی لیگ آئی ایل ٹی 20 کی ٹرافی کی رونمائی

    یواے ای کی لیگ آئی ایل ٹی 20 کی ٹرافی کی رونمائی
    یواے ای کی کرکٹ لیگ آئی ایل ٹی 20 کی ٹرافی کی رونمائی کردی گئی۔ متحدہ عرب امارات کے وزیر رواداری اور ہم آہنگی اور امارات کرکٹ بورڈ کے چیئرمین عزت مآب شیخ نھیان بن مبارک آل نھیان نے ٹرافی کی نقاب کشائی کی۔ تقریب میں جے مہتا (ابوظبی نائٹ رائیڈرز)، پال ووئٹ (ڈیزرٹ وائپرز)، کرن گراندھی (دبئی کیپٹلز)، پرانوو اڈانی (گلف جائنٹس)، نکھیل میسوانی (ایم آئی امارات)، راجیش شرما (شارجہ واریئرز) کے علاوہ کرکٹ کے عظیم کھلاڑیوں ڈوین براوو، وسیم اکرم، سائمن ڈول، رابن اتھپا، اور بریٹ لی نے شرکت کی۔

    چاندنی سے بنی اس ٹرافی میں متحدہ عرب امارات کے بھرپور ورثہ اور ثقافت کی عکاسی کی گئی ہے۔ امارات کے قومی پرندے صقر کے آنسو کو ٹرافی کی شکل دی گئی ہے۔ اس پرایک 7 نکات کا تاج سجایا گیا ہے جو یواے ای کی 7 ریاستوں کی عکاسی کرتا ہے۔ اس کی تاج کی شکل الظفرہ میں واقع تل موریب کے ریت کے ٹیلوں کی ہے جسے دنیا کے سب سے طویل ریت کے ٹیلے تصور کیا جاتا ہے۔ ٹرافی کی اونچائی 830 ملی میٹر ہے جو ملک کی سب سے بڑی عمارت برج خلیفہ کی 830 میٹر بلندی کی علامت ہے۔

    امارات کرکٹ بورڈ کے جنرل سیکریٹری مبشر عثمانی نے کہا کہ آئی ایل ٹی 20 ٹرافی نے اپنے سفر کا آغاز کردیا ہے یہ اہم سنگ میل ہے۔

    سعودی ولی عہد کے خلاف بغاوت کے الزام میں شاہی خاندان کے 20 مزید افراد گرفتار

    سعودی عرب میں بغاوت ، کون ہوگا اگلا بادشاہ؟ سینئر اینکر پرسن مبشر لقمان نےبتائی اندر کی بات

    امریکی جیل میں قید ڈاکٹر عافیہ صدیقی کی رہائی ممکن، کیسے؟ سینئر صحافی و اینکر پرسن مبشر لقمان نے بتا دیا

    یواے ای کے ولی عہد کی اسرائیلی صدر کو دورے کی دعوت

  • آئرلینڈ ویمنز کرکٹ ٹیم کے دورہ پاکستان کا شیڈول جاری

    آئرلینڈ ویمنز کرکٹ ٹیم کے دورہ پاکستان کا شیڈول جاری

    آئرلینڈ ویمنز کرکٹ ٹیم کے دورہ پاکستان کا شیڈول جاری

    آئرلینڈ کی ویمنز کرکٹ ٹیم تین ون ڈے انٹرنیشنل اور تین ٹی ٹونٹی انٹرنیشنل میچز پر مشتمل سیریز کھیلنے 4 سے 16 نومبر تک پاکستان کا دورہ کرے گی۔

    آئی سی سی ویمنز چیمپئن شپ میں شامل اس سیریز میں قومی خواتین کرکٹ ٹیم اپنا پہلا ایک روزہ انٹرنیشنل میچ 4 نومبر کو قذافی اسٹیڈیم لاہور میں کھیلے گی۔مہمان اسکواڈ 29 اکتوبر کو لاہور پہنچے گا، جہاں وہ چار روز ٹریننگ کے بعد 4، 6 اور 9 نومبر کو تین ون ڈے انٹرنیشنل میچز کھیلے گا۔تین میچز پر مشتمل ٹی ٹونٹی انٹرنیشنل سیریز 12، 14 اور 16 نومبر کو کھیلی جائے گی۔

    ہیڈآف ویمنز کرکٹ پی سی بی تانیہ ملک کا کہنا ہے کہ رواں سال کراچی میں کامیابی سے سری لنکا کی میزبانی کے بعد وہ اب لاہور میں آئرلینڈ ویمنز کرکٹ ٹیم کی میزبانی کے لیے پرجوش ہیں۔انہوں نے ویمنز کرکٹ فینز سے درخواست کی ہے کہ وہ یہ میچز دیکھنے کے لیے زیادہ سے زیادہ تعداد میں اسٹیڈیم کا رخ کریں۔سیریز میں شامل تمام ون ڈے اور ٹی ٹونٹی انٹرنیشنل میچز صبح دس بجے شروع ہوں گے۔

  • امریکی کرکٹ بورڈ کروڑوں روپے کی مقروض،قومی مینز چیمپئن شپ منسوخ کر دی

    امریکی کرکٹ بورڈ کروڑوں روپے کی مقروض،قومی مینز چیمپئن شپ منسوخ کر دی

    امریکی کرکٹ بورڈ( یو ایس اے کرکٹ) نےکروڑوں روپے کے مقروض ہونے کے باعث قومی مینز چیمپئن شپ منسوخ کر دی۔

    باغی ٹی وی : کرکٹ ویب سائٹ کرک انفو کے مطابق یو ایس اے کرکٹ کی تشویش ناک مالی صورتحال کی تفصیلات اتوار کو لاس اینجلس میں سالانہ جنرل میٹنگ کے دوران سامنے آئیں۔

    پاکستان آرمی کا سیکورٹی دستہ فیفا ورلڈ کپ 2022 کی سیکیورٹی کیلئے قطر روانہ

    رپورٹس کے مطابق جنرل میٹنگ میں بتایا گیا کہ مالیاتی آڈٹ رپورٹ سے پتہ چلا ہے کہ یو ایس اے کرکٹ بورڈ کی گورننگ باڈی 2021 کے آخر تک تقریباً ساڑھے 6 لاکھ 50 ہزار ڈالرز( یعنی ساڑھے 14 کروڑسے زائد پاکستانی روپے) کی مقروض تھی۔

    موجودہ مالی صورتحال کے پیش نظر یہ اعلان کیا گیا کہ مینز کرکٹ کی سینیئر اور انڈر 19 نیشنل چیمپئن شپ 2022 منسوخ کر دی گئی اور جلد از جلد 2023 تک دوبارہ شروع نہیں ہوں گی۔

    رپورٹ سے معلوم ہوا کہ یو ایس اے کرکٹ بورڈ کے پاس 2021 کے آغاز میں 8 لاکھ 68 ہزار ڈالرز موجود تھے لیکن سال کے دوران 15 لاکھ ڈالر سے زیادہ خرچہ کیا گیا۔

    گلگت بلتستان میں دنیا کے بلند ترین کرکٹ گراؤنڈ کا افتتاح

    اس میں دسمبر 2021 میں آئرلینڈ کی میزبانی کے لیے 400,000 ڈالر خرچ کرنا بھی شامل ہے، ایک ایسی سیریز جس کے لیے سال کے آغاز میں بجٹ نہیں رکھا گیا تھا اور صرف نومبر 2021 میں اس کا اعلان عجلت میں کیا گیا تھا۔

    رپورٹ میں یہ بھی ظاہر کیا گیا کہ یو ایس اے کرکٹ کو 2021 کے لیے 11 لاکھ ڈالر اسپانسر شپ رقم ملنے کی توقع تھی لیکن وہ صرف8 لاکھ 29 ہزار ڈالر ہی حاصل کرسکا۔

    ماضی میں یہ اخراجات خاص طور پر بہت زیادہ تھے کیونکہ یہ صرف دو T20Is کے بعد ہوئے تھے۔ کووڈ-19 کی وجہ سے تین میچوں کی ون ڈے سیریز منسوخ ہو گئیں-

    رپورٹ کے ایک اور حصےسے پتہ چلتا ہےکہ یو ایس اے کرکٹ نےانتظامی اخراجات میں 136,000 ڈالرز کا بجٹ رکھا تھا، لیکن مجموعی طور پر انتظامی اخراجات میں 800,000 ڈالر کی کمی تھی۔ یہ اضافی انتظامی اخراجات کیا تھے اس بارے میں کوئی وضاحت فراہم نہیں کی گئی۔ رپورٹ میں یہ بھی ظاہر کیا گیا ہے کہ یو ایس اے کرکٹ کو 2021 کے لیے 1.1 ملین ڈالر کی سپانسرشپ رقم ملنے کی توقع تھی، لیکن وہ صرف 829,000 ڈالر وصول کر پائے۔

    فیفا ورلڈکپ کا ساؤنڈ ٹریک ‘لائٹ دی اسکائے’ جاری