Tag: کھیل

بنگلا دیش کرکٹ بورڈ (بی سی بی) نے انٹرنیشنل کرکٹ کونسل (آئی سی سی) کو تفصیلی خط ارسال کیا ہے جس میں بھارت میں سکیورٹی خدشات اور دیگر اہم معاملات پر روشنی ڈالی گئی ہے۔

ذرائع کے مطابق خط میں آئی سی سی کی جانب سے اٹھائے گئے تمام سوالات کا شواہد کے ساتھ جواب دیا گیا اور ٹیم کے علاوہ میڈیا پرسنز، فینز اوردیگر اسٹیک ہولڈرز کی سکیورٹی اورویزوں کے امورکو بھی اجاگر کیا گیا ہےبی سی بی نے خط میں حکومتی موقف اوربیانات کو بھی شامل کیا ہے اورسکیورٹی کے حوالے سے خدشات، حکومتی پالیسی اورٹیم کے تحفظات پرزوردیا گیا ہے۔

یہ خط اس پس منظرمیں آیا ہے کہ چند روز قبل بھارت میں انتہا پسندوں کی دھمکیوں اور بھارتی کرکٹ بورڈ کے احکامات کے تحت آئی پی ایل میں کولکتہ نائٹ رائیڈرزنے بنگلا دیشی فاسٹ بولرمستفیض الرحمان کو اپنی ٹیم سے خارج کردیا تھا اس واقعے کے بعد بنگلا دیش کرکٹ بورڈ نے واضح کیا تھا کہ بھارت محفوظ نہیں ہے اور ان کی ٹیم کسی صورت بھارت نہیں جائے گی۔

رواں مالی سال کے پہلے 6 ماہ میں کتنی کمپنیاں جسٹر ہوئیں؟

علاوہ ازیں بنگلا دیش کی حکومت نے بھی مؤقف اختیار کیا ہے کہ سکیورٹی خدشات کی وجہ سے ورلڈ کپ کے دوران ٹیم بھارت کا دورہ نہیں کرے گی، بی سی بی کے مطابق یہ اقدام کھلاڑیوں اور اسٹیک ہولڈرز کی حفاظت اور کھیل کے شفاف ماحول کو یقینی بنانے کے لیے ضروری ہے۔

تجزیہ کاروں کے مطابق بی سی بی کی یہ سخت پوزیشن بین الاقوامی کرکٹ میں ٹیم کے تحفظ اور بھارت میں موجود خطرات کے حوالے سے ایک اہم سنگ میل ہے۔

پی ایس ایل کی 8ویں ٹیم ‘سیالکوٹ’ خریدنے والے حمزہ مجید کون ہیں؟

میلبرن: آسٹریلوی آل راؤنڈر بیٹر گلین میکس ویل نے بھی انڈین پریمیئر لیگ (آئی پی ایل) کے 19ویں ایڈیشن کے لیے نیلامی میں اپنا نام نہ دینے کا اعلان کر دیا۔

آسٹریلوی آل راؤنڈر 37 سالہ گلین میکس ویل نے نے اس فیصلے کی کوئی واضح وجہ بیان نہیں کی، سوشل میڈیا پر جاری بیان میں کہا کہ آئی پی ایل کے کئی ناقابل فراموش سیزنز کے بعد انہوں نے اس سال نیلامی سے دستبردار ہونے کا فیصلہ کیا ہےیہ ایک بڑا فیصلہ ہے جسے وہ لیگ کی جانب سے ملنے والے مواقع اور تجربات پر شکرگزاری کے جذبے کے ساتھ کر رہے ہیں۔

میکس ویل نے کہا کہ آئی پی ایل نے انہیں ایک کرکٹر اور ایک انسان کے طور پر نکھرنے میں مدد دی، انہوں نے دنیا کے بہترین کھلاڑیوں کے ساتھ کھیلنے، شاندار فرنچائزز کی نمائندگی کرنے اور پرجوش شائقین کے سامنے کھیلنے کو اپنے کیریئر کے یادگار لمحات قرار دیاانہوں نے شائقین کی حمایت پر شکریہ ادا کرتے ہوئے کہا کہ امید ہے جلد دوبارہ ملاقات ہو گی بھارت کی توانائی، یادیں اور چیلنجز ہمیشہ ان کے ساتھ رہیں گے۔

پنجاب کا پہلا اعزازیہ کارڈ برائے امام مسجد لانچ کردیا گیا

گلین میکس ویل آئی پی ایل میں چار مختلف فرنچائزز ممبئی انڈینز، رائل چلنجرز بنگلور، دہلی ڈیئرڈیولز اور پنجاب کنگز کی نمائندگی کر چکے ہیں۔

واضح رہے کہ میکس ویل کا یہ اعلان ایسے وقت میں سامنے آیا ہے جب سابق جنوبی افریقی کپتان فاف ڈوپلیسیس اور سابق انگلینڈ آل راؤنڈر معین علی نے آئی پی ایل کے بجائے پاکستان سپر لیگ (پی ایس ایل) کو ترجیح دینے کا فیصلہ کیا۔

معروف بھارتی اداکار کی مودی حکومت پر شدید تنقید

دمبولا: پاکستان نے سری لنکا کے خلاف تین میچز پر مشتمل ٹی ٹوئنٹی سیریز کے پہلے میچ میں ٹاس جیت کر پہلے فیلڈنگ کا فیصلہ کیا تاہم پہلے بیٹنگ کرت ہوئے سری لنکا نے پاکستان کو جیت کے لیے 129 رنز کا ہدف دے دیا ،پاکستان نے ہدف17 ویں اوورمیں 4 وکٹوں کے نقصان پر پورا کرلیا اور سری لنکا کو 6 وکٹوں سے شکست دے کر سیریز میں 0-1 کی برتری حاصل کرلی۔

دمبولا میں کھیلے جارہے پہلے ٹی 20 میچ میں پاکستان کی دعوت پر پہلے بیٹنگ کرتے ہوئے سری لنکن ٹیم 19.2 اوورز میں 128 رنز بناکر ڈھیر ہوگئی،جانتھ لیانگے 31 گیندوں پر 40 رنز بنا کر نمایاں رہے، چرتھ اسالنکا اور وینندو ہسارانگا 18، 18 رنز بنا کر پویلین لوٹ گئےاوپنر کامل مشارا کو صفر پر سلمان مرزا نے آؤٹ کیا، دھننجیا ڈی سلوا 10 رنز بنا کر شاداب خان کا نشانہ بنے، کپتان داسن شناکا نے 12 رنز بنائے،پاکستان کی جانب سے ابرار احمد اور سلمان مرزا نے تین، تین کھلاڑیوں کو آؤٹ کیا، شاداب خان اور محمد وسیم جونیئر نے دو، دو وکٹیں حاصل کیں۔

پاکستان نے سری لنکا کا 129 رنز کا ہدف صاحبزادہ فرحان کی شاندار بیٹنگ کی بدولت با آسانی 4 وکٹوں کےنقصان پر حاصل کرلیاپاکستان کی جانب سے صاحبزادہ فرحان 36 گیندوں پر 51 رنز کے ساتھ نمایاں رہے۔ صائم ایوب 24 رنز بناسکےاس کے علاوہ سلمان علی آغا 16 اور فخر زمان 5 رنز بناکر آؤٹ ہوئے۔شاداب خان 18 اور عثمان خان 7 رنز بناکر ناقابل شکست رہے۔

میچ رنگیری دمبولا انٹرنیشنل اسٹیڈیم میں کھیلا جا رہا ہے پاکستانی ٹیم کی قیادت سلمان علی آغا کر رہے ہیں، پاکستان کی فا ئنل الیون میں آل راؤنڈر شاداب خان کی واپسی ہوئی ہےجبکہ پلیئنگ الیون میں صائم ایوب، صاحبزادہ فرحان، فخر زمان، عثمان خان، شاداب خان، محمد نواز، فہیم اشرف، محمد وسیم جونیئر، سلمان مرزا اور ابرار احمد شامل ہیں۔

سری لنکا کی ٹیم کی کپتانی داسن شناکا کے سپرد ہے سری لنکن الیون میں پاتھم نسانکا، کامل مشارا، کوسل مینڈس، دھننجایا ڈی سلوا، چریتھ اسالنکا، جنتھ لیاناگے، ونندو ہسرنگا، دشمنتھا چمیرا، مہیش تھیکشانا اور نووان تھشارا شامل ہیں۔

پاکستان اور سری لنکا کے درمیان اب تک 27 ٹی ٹوئنٹی میچز کھیلے جاچکے ہیں، جن میں پاکستان نے 16 جبکہ سری لنکا نے 11 میچز جیتے ہیں دونوں ٹیمیں آخری بار پاکستان میں کھیلی گئی سہ فریقی سیریز کے فائنل میں آمنے سامنے آئی تھیں، جہاں پاکستان نے 6 وکٹوں سے کامیابی حاصل کی تھی،گرین شرٹس نے اپنی آخری 5 ٹی20 میچز میں صرف ایک شکست کھائی ہے، جو اتفاقاً سری لنکا کے خلاف ہی تھی۔ دوسری جانب سری لنکا کو آخری 5 میچز میں صرف 2 فتوحات حاصل ہو سکیں۔

سری لنکا کرکٹ بورڈ نے پاکستان کے خلاف 3 ٹی20 میچز پر مشتمل سیریز کے لیے 18 رکنی اسکواڈ کا اعلان کردیا ہے، جس میں ایک اہم کھلاڑی کی واپسی ہوئی ہے۔

آئی سی سی مینز ٹی20 ورلڈ کپ سے قبل ہونے والی اس سیریز میں سری لنکن ٹیم کی قیادت داسن شناکا کریں گے، جبکہ ٹیسٹ ٹیم کے کپتان دھننجیا دے سلوا کو دوبارہ ٹی20 اسکواڈ میں شامل کیا گیا ہےدھننجیا دے سلوا نے جون 2024 میں نیدرلینڈز کے خلاف آخری ٹی20 میچ کھیلا تھا اور اب وہ ورلڈ کپ سے پہلے ایک بڑے موقع پر ٹیم کا حصہ بنے ہیں۔

سری لنکا کےاسکواڈ میں داسن شناکا (کپتان)، پاتھم نسانکا، کامیَل مشارا، کُسال مینڈس، کُسال پیریرا، دھننجیا دے سلوا اور چریتھ آسلنکا شامل ہیں،اس کے علاوہ جینتھ لیاناج، کامندو مینڈس، ونیندو ہسارنگا، ڈنیتھ ویلا لیج، مہییش تھیکشانا، دُشن ہیمّنٹھا، ٹریوین میتھیو، دُشمنتا چمیرا، متھییشہ پاتھیرانہ، نُوان تُوشارا اور ایشان ملکنگا کو بھی اسکواڈ کا حصہ بنایا گیا ہے۔

ترک صدر کی توہین کے الزام میں اپوزیشن رہنما کو قید کی سزا

پاکستان اور سری لنکا کے درمیان یہ سیریز 7، 9 اور 11 جنوری کو رنگیڑی ڈمبلا انٹرنیشنل کرکٹ اسٹیڈیم، ڈمبلا میں کھیلی جائے گی یہ مقابلے آئی سی سی مینز ٹی20 ورلڈ کپ 2026 کی تیاریوں کے سلسلے میں نہایت اہم تصور کیے جا رہے ہیں، جس کی میزبانی بھارت اور سری لنکا مشترکہ طور پر فروری سے مارچ کے دوران کریں گے۔

محکمہ موسمیات کی شعبان المعظم کے چاند سے متعلق پیشگوئی