Tag: کھیل

افغانستان کرکٹ بورڈ (اے سی بی) نے نئی ٹی ٹوئنٹی لیگ افغانستان پریمیئر لیگ کا اعلان کر دیا۔

افغانستان کرکٹ بورڈ کی جانب سے جاری پریس ریلیز میں کہا گیا ہے افغانستان پریمیئر لیگ کے افتتاحی سیزن میں 5 شہروں پر مشتمل فرنچائزز شامل ہوں گی، جن میں افغانستان کے نمایاں قومی کھلاڑیوں کے ساتھ ساتھ بین الاقوامی اسٹارز اور ابھرتے ہوئے مقامی ٹیلنٹ کو بھی شامل کیا جائے گا۔

اے سی بی کے چیئرمین میر واعظ اشرف نے دبئی میں ہفتے کے روز لیگ کی افتتاحی تقریب کے موقع پر کہا کہ افغانستان پریمیئر لیگ ہمارے کرکٹ سفر میں ایک اہم پیش رفت ہے یہ ہمارے کھلاڑیوں کے لیے نئے مواقع پیدا کرے گی، نئی نسل کو متاثر کرے گی اور افغانستان کرکٹ کو عالمی سطح پر اجاگر کرے گی،اس ٹورنامنٹ کا پہلا سیزن اکتوبر 2026 میں متحدہ عرب امارات میں شروع کیے جانے کا منصوبہ ہے جبکہ پلیئر ڈرافٹ یا آکشن جون یا جولائی 2026 میں متوقع ہے۔

بنگلہ دیش ، بھارت کشیدگی میں اضافہ، دہلی میں قونصلر اور ویزا سروس معطل

واضح رہے کہ افغانستان کرکٹ بورڈ نے اس سے قبل 2018 کے اوائل میں بھی افغانستان پریمیئر لیگ کے نام سے ٹورنامنٹ کا آغاز کیا تھا، تاہم اس لیگ کا صرف ایک ہی سیزن کھیلا گیا تھا اس ایڈیشن میں کرس گیل، برینڈن میک کولم، شاہد آفریدی سمیت کئی عالمی شہرت یافتہ کھلاڑیوں نے شرکت کی تھی، لیکن فیس کی ادائیگیوں کے مسائل اور لیگ کی شفافیت سے متعلق خدشات کے باعث اسے بند کر دیا گیا تھا جبکہ افغانستان ہر سال جولائی سے اگست کے دوران اپنی ڈومیسٹک ٹی ٹوئنٹی لیگ شپگیزہ کرکٹ لیگ بھی منعقد کرتا ہے، جس میں 5 ملکی ٹیمیں حصہ لیتی ہیں۔

بنگلادیش میں ایک اور طالبعلم رہنما قاتلانہ حملے میں شدید زخمی

دفاعی چیمپئن اور آئی سی سی مینز ٹی ٹوئنٹی ورلڈ کپ 2026کے شریک میزبان بھارت نے میگا ایونٹ کے لیے اپنے 15 رکنی اسکواڈ کا باضابطہ اعلان کر دیا ہے۔

بھارتی کرکٹ بورڈ کی جانب سے جاری کردہ اسکواڈ کے مطابق اسٹار بیٹر سوریاکمار یادیو کو ٹیم کی قیادت سونپی گئی ہے،آل راؤنڈر اکشر پٹیل کو نائب کپتان مقرر کیا گیا ہے، جو بیٹنگ اور بولنگ دونوں شعبوں میں ٹیم کے لیے اہم کردار ادا کریں گے،اسٹار اوپنر شبھمن گل اس اسکوا ڈ کا حصہ نہیں ہیں، جس پر شائقین اور ماہرین کرکٹ کی جانب سے مختلف آرا سامنے آ رہی ہیں۔

ابھشیک شرما، تلک ورما اور رنکو سنگھ جیسے نوجوان بیٹرز ٹیم کو جارحانہ آغاز اور مڈل آرڈر میں استحکام فراہم کریں گے وکٹ کیپنگ کے لیے سنجو سیمسن اور ایشان کشن کو شامل کیا گیا ہے،آل راؤنڈرز میں ہاردک پانڈیا، شیوَم دوبے اور واشنگٹن سندر بھی ٹیم کا حصہ ہیں، جبکہ فاسٹ بولنگ اٹیک کی قیادت جسپریت بمراہ کریں گے ان کا ساتھ ارشدیپ سنگھ اور ہرشِت رانا دیں گے اسپن میں کلدیپ یادیو اور ورون چکرورتی شامل ہیں-

انٹرنیشنل کرکٹ کونسل ٹی 20 ورلڈ کپ ٹرافی ٹور کا آغاز کردیا گیا۔

ٹی 20 ورلڈ کپ ٹرافی ٹور کا آغاز بھارت اور سری لنکا کو ملانے والے مشہور ایڈم برج سے کیا گیا۔ٹی 20 ورلڈکپ ٹرافی بھارت کے علاوہ میزبان ملک سری لنکا سمیت، عمان، قطر، نیپال، بحرین اور منگولیا میں نمائش کے لیے پیش کی جائے گی،ٹی 20 ورلڈ کپ ٹرافی کو ٹی 20 لیگز، مخصوص دو طرفہ سیریز، اسکولز اور تاریخی مقامات پر لےجایا جائے گا،ٹی 20 ورلڈ کپ آئندہ سال 7 فروری سے 8 مارچ تک بھارت اور سری لنکا میں کھیلا جائے گا۔

قبل ازیں آئی سی سی مینز ٹی 20 ورلڈ کپ 2026 کے لیے ٹکٹس کی آن لائن فروخت کا آغاز ہوگیا، ایونٹ کے پہلے مرحلے میں 20 لاکھ سے زائد ٹکٹس شائقین کے لیے جاری کیے جائیں گے،میچز کی ٹکٹوں کی کم سے کم قیمت بھارت میں 100 روپے جبکہ سری لنکا میں 1000 سری لنکن روپے مقرر کی گئی ہے۔ پاکستان اور بھارت کے ہائی وولٹیج میچ کے لیے ٹکٹ کی کم سے کم قیمت 1500 سری لنکن روپے رکھی گئی ہے۔

ٹی ٹوئنٹی ورلڈ کپ 7 فروری سے 8 مارچ 2026 تک بھارت اور سری لنکا میں منعقد ہوگا، ایونٹ کا افتتاحی میچ 7 فروری کو کولمبو میں پاکستان اور نیدرلینڈز کے درمیان کھیلا جائے گا،شائقین کرکٹ اپنی نشستیں یقینی بنانے کے لیے آن لائن پلیٹ فارم کے ذریعے ٹکٹس خرید سکتے ہیں۔

ارجنٹینا کے عالمی شہرت یافتہ فٹبال اسٹار اور ورلڈ کپ فاتح کپتان لیونل میسی (leo messi)بھارت کے چار شہروں پر مشتمل دورے کے آخری مرحلے میں نئی دہلی پہنچ گئے ہیں-

میڈیا رپورٹس کے مطابق دورے کے دوران میسی سے مصافحہ کرنے کے خواہش مند افراد کے لیے ایک کروڑ بھارتی روپے کی فیس مقرر کی گئی ہے، جس نے کھیلوں کے حلقوں میں خاصی توجہ حاصل کر لی ہے۔

لیونل میسی کا بھارت کا یہ دورہ کلکتہ سے شروع ہوا، جہاں انہوں نے فٹبال سے وابستہ مختلف تقاریب میں شرکت کی اور نوجوان کھلاڑیوں سے ملاقات کی، اس کے بعد وہ حیدرآباد پہنچے، جہاں ان کے اعزاز میں خصوصی تقریب کا اہتمام کیا گیا اور شائقین نے اپنے پسندیدہ اسٹار کو قریب سے دیکھنے کا موقع حاصل کیا۔

ممبئی میں بھی میسی کی موجودگی فٹبال مداحوں کے لیے کسی تہوار سے کم نہ تھی، اس موقع پر فٹبال سے متعلق سرگرمیوں اور تقاریب کا انعقاد کیا گیا،میڈیا رپورٹس کے مطابق نئی دہلی میں میسی کے شیڈول میں محدود مگر خصوصی ملاقاتیں شامل ہیں، جن کے لیے فیس مقرر کی گئی ہے بتایا جا رہا ہے کہ اس رقم کے عوض شرکا کو میسی سے مصافحہ کرنے کا موقع دیا جائے گا۔

فٹبال تجزیہ کاروں کا کہنا ہے کہ لیونل میسی کی بھارت میں مقبولیت اس بات کا واضح ثبوت ہے کہ فٹبال کا کھیل جنوبی ایشیا میں بھی تیزی سے مقبول ہو رہا ہے،شائقین کا کہنا ہے کہ میسی جیسے لیجنڈ کھلاڑی کو قریب سے دیکھنا اور ان سے ملاقات کرنا ان کے لیے ایک یادگار لمحہ ہوگا۔

سری لنکا کے سابق ٹیسٹ کرکٹر اور منتظم ڈی ایس ڈی سلوا انتقال کر گئے۔

سری لنکن کرکٹ بورڈ نے ای ایس ڈی سلوا کے انتقال کی تصدیق کرتے ہوئے گہرے رنج و غم کا اظہار کیا ہے،کرکٹ بورڈ کے مطابق ڈی ایس ڈی سلوا کا شمار ان کھلاڑیوں میں ہوتا تھا جنہوں نے سری لنکن کرکٹ کی بنیاد رکھنے میں اہم کردار ادا کیا۔

ڈی ایس ڈی سلوا نے 1982 میں سری لنکا کی جانب سے ٹیسٹ کرکٹ میں ڈیبیو کیا اور وہ اس تاریخی ٹیم کا حصہ تھے جس نے ملک کا پہلا ٹیسٹ میچ کھیلا، سری لنکن کرکٹ اس دور میں بین الاقوامی سطح پر اپنی پہچان بنانے کی جدوجہد کر رہی تھی اور ڈی ایس ڈی سلوا جیسے کھلاڑیوں نے اپنی کارکردگی اور عزم سے ٹیم کو مضبوط بنیاد فراہم کی۔

https://x.com/OfficialSLC/status/2000854118315745636

انہوں نے اپنے بین الاقوامی کیریئر میں 12 ٹیسٹ اور 41 ون ڈے انٹرنیشنل میچز میں سری لنکا کی نمائندگی کی بطور آل راؤنڈر ان کی خدمات کو ہمیشہ یاد رکھا جائے گاوہ میدان میں نظم و ضبط اور کھیل کے تئیں سنجیدہ رویے کے لیے مشہور تھے ساتھی کھلاڑیوں اور کوچز کے مطابق ڈی ایس ڈی سلوا نوجوان کرکٹرز کے لیے ایک مثال تھے۔

ریٹائرمنٹ کے بعد بھی ڈی ایس ڈی سلوا سری لنکن کرکٹ سے وابستہ رہے اور انتظامی امور میں اہم کردار ادا کیا، وہ 2009 سے 2011 تک سری لنکا کرکٹ کے عبوری ایڈمنسٹریشن کے چیئرمین رہے، اس دوران انہوں نے بورڈ کے انتظامی ڈھانچے کو مستحکم کرنے اور کرکٹ کے فروغ کے لیے مختلف اقدامات کیے۔

سری لنکا کرکٹ بورڈ، سابق اور موجودہ کرکٹرز سمیت کھیلوں سے وابستہ شخصیات نے ڈی ایس ڈی سلوا کے انتقال پر تعزیت کا اظہار کیا ہے ان کا کہنا ہے کہ ڈی ایس ڈی سلوا کا انتقال سری لنکن کرکٹ کے لیے ایک ناقابلِ تلافی نقصان ہے۔