Tag: کھیل

بھارتی،میڈیا پر مودی سرکار سے ایشیاکپ کے بائیکاٹ کا مطالبہ بڑھ رہا ہے-

ایشین کرکٹ کونسل کے صدر محسن نقوی کے اجلاس کے انعقاد اور ایونٹ کے اعلان کے بعد سے بھارتی بورڈ کو آڑے ہاتھوں لیا جارہا ہےبھارتی میڈیا دعویٰ کررہا ہے کہ مودی سرکار ایشیاکپ میں پاکستان کو واک اوور دینے کے حق میں نہیں ہے، پاکستان کو کسی صورت واک اوور نہیں دیا جائے گا، اگر واک اوور دیا تو پاکستان جیت جائےگا-

بھارتی میڈیا کا کہنا ہے کہ ایشیاکپ بھارت کا ٹورنامنٹ ہے اس میں پاکستان کے ساتھ نہیں کھیلنا چاہیے، بھارت نہیں کھیلے گا تو ٹورنامنٹ بھی نہیں ہوسکتا، بھارت کی میزبانی میں ہونے والے ٹورنامنٹ میں پاکستان کا کھیلنا کسی صورت قبول نہیں،اس کے علاوہ بھارتی ایوانوں میں بھی ایشیاکپ کے بائیکاٹ کی ڈیمانڈ ہورہی ہے،بھارتی ایوانوں میں اپوزیشن نے مودی سرکار پر تنقید کرتے ہوئے کہا کہ پاکستان کے ساتھ تجارت سمیت سب کچھ بند ہے تو کرکٹ کیوں ہو رہی ہے۔

واضح رہے کہ ایشیاکپ بھارت کی میزبانی میں یو اے ای میں 9 ستمبر سے کھیلاجائے گا، ایشیاکپ میں پاک بھارت کم از کم دو جب کہ زیادہ سے زیادہ تین مرتبہ آمنے سامنے آ سکتے ہیں۔

اولڈ ٹریفورڈ مانچسٹر میں بھارت اور انگلینڈ کے ٹیسٹ میچ کے دوران پاکستانی ٹیم کی شرٹ پہنے شخص کو گراؤنڈ سے نکال دیا گیا۔

ٹیسٹ میچ کے پانچویں دن بھارت نے ناقابلِ یقین مزاحمت کرتے ہوئے ایک یقینی شکست کو ڈرا میں تبدیل کر دیا 5 میچوں کی سیریز میں انگلینڈ کو 1-2 کی برتری حاصل ہے،دورانِ میچ ایک شائق، جو روایتی سبز رنگ کی پاکستانی کرکٹ جرسی پہنے ہوئے تھا، کو سیکیورٹی اہلکاروں نے جرسی اتارنے کا مطالبہ کیا،ابتدائی طور پر، ایک بھارتی نژاد سیکیورٹی اہلکار نے اس مداح سے رجوع کیا، تاہم مداح نے جرسی اتارنے سے انکار کر دیا۔ بعدازاں مزید سیکیورٹی اہلکاروں کو طلب کیا گیا تاکہ صورتحال کو قابو میں رکھا جا سکے۔

https://x.com/Crystal_J10c/status/1949713656570368278

مداح کا مؤقف تھا کہ گراؤنڈ میں موجود کسی بھارتی تماشائی کو اس کی پاکستانی جرسی سے کوئی اعتراض نہیں تھا کچھ ہی دیر بعد مقامی پولیس موقع پر پہنچ گئی اور مداح کو اسٹیڈیم سے باہر لے جا کر مختصر گفتگو کے بعد واپس جانے کی اجازت دے دی گئی۔

حقیقی کامیابی کیلئے والدین کی عزت،اساتذہ کا احترام بے ضروری ہے،سبیل اکرام

اس حوالے سے شائق فاروق نذر نے کہا کہ میں میچ دیکھ رہا تھا، سکیورٹی والوں نے پاکستانی شرٹ ڈھانپنے کو کہا،سکیورٹی والوں نے بولا شرٹ تبدیل کر لو یا گراؤنڈ سے چلے جاؤ،واقعے کی انگلش کرکٹ بورڈ اور مقامی انتظامیہ کو شکایت کر دی ہے۔

تاہم، یہ معاملہ حساس نوعیت اختیار کر گیا ہے، دونوں ہمسایہ ممالک کے درمیان تعلقات پہلے ہی نازک موڑ پر ہیں، اور اس طرح کے واقعات کشیدگی کو مزید ہوا دے سکتے ہیں، بھارت چیمپئنز بمقابلہ پاکستان چیمپئنز کا میچ سیاسی اختلافات کی وجہ سے منسوخ کر دیا گیا تھا-

کولمبیا کا اسرائیل کو کوئلہ برآمد کرنے پر پابندی کا اعلان

انگلینڈ کے کپتان بین اسٹوکس نے بھارت اور آئی سی سی پر شدید تنقید کی-

بین اسٹوکس بھارت کے خلاف مانچسٹر میں چوتھے ٹیسٹ سے قبل پریس کانفرنس میں شرکت کی اور اپنے دبنگ بیانات سے ایک بار پھر انٹرنیٹ پر دھوم مچا دی ہےانہوں نے انٹرنیشنل کرکٹ کونسل (آئی سی سی) پر متضاد قوانین بنانے کا الزام عائد کرتے ہوئے کہا کہ کھیل کی مختلف کنڈیشنز کے مطابق قوا نین میں تبدیلی ہونی چاہیے۔

پریس کانفرنس کے دوران بین اسٹوکس سے لارڈز ٹیسٹ کی دوسری اننگز میں انگلینڈ کی جانب سے استعمال کی جانے والی مائنڈ گیمز پر بھی سوال کیا گیا جس پر اسٹوکس نے روایتی انداز میں ہلکے پھلکے انداز میں جواب دیا،اس سیریز میں بین اسٹوکس کی کارکردگی اور ان کی حکمت عملی خاصی نمایاں رہی ہے، خاص طور پر گیند بازی میں انہوں نے ٹیم کو دو مشکل اور اہم میچ جتوا کر سیریز میں برتری دلائی۔

انگلینڈ کے کپتان بین اسٹوکس کو لارڈز ٹیسٹ کی دوسری اننگز میں سست اوور ریٹ کے باعث جرمانے کا سامنا کرنا پڑا تھا لارڈز ٹیسٹ میں دونوں ٹیموں نے روایتی ٹیسٹ کرکٹ کا انداز اپناتے ہوئے دفاعی حکمت عملی اختیار کی، جس کے باعث بولرز کو لمبے اسپیل کرانے پڑے اور تھکن کی وجہ سے اوورز مکمل کر نے میں وقت زیادہ لگا۔

بین اسٹوکس کی آئی سی سی پر تنقید

بین اسٹوکس نے اس حوالے سے کہا کہ ایشیائی کنڈیشنز اور انگلینڈ یا نیوزی لینڈ جیسی جگہوں پر ایک ہی قوانین لاگو نہیں کیے جاسکتے کیونکہ ایشیا میں 70 فیصد اوورز اسپنرز کرواتے ہیں جبکہ انگلینڈ اور دیگر مغربی ممالک میں زیادہ تر اوورز فاسٹ بولرز کراتے ہیں،آپ ایشیا میں وہی قوانین لاگو نہیں کر سکتے جہاں 70 فیصد اوورز اسپنر ز کراتے ہیں، جبکہ یہاں انگلینڈ، نیوزی لینڈ اور دیگر ممالک میں فاسٹ بولرز زیادہ اوورز کراتے ہیں۔

لارڈز میں بھارت کی جانب سے دن کے اختتام پر وقت ضائع کرنے پر غصے کا اظہار کرنے کے بعد انگلینڈ نے نفسیاتی جنگ کا ہنر خوب استعمال کیا ہےبین اسٹوکس نے واضح کیا کہ انگلینڈ سلیجنگ کا آغاز نہیں کرنا چاہتا، تاہم اگر بھارت کی جانب سے کوئی حرکت ہوئی تو انگلینڈ پیچھے نہیں ہٹے گا۔

امریکی صدر نے پانچ طیارے گرانے کا بیان ایک بار پھر دہرا دیا

انگلینڈ جو کبھی آئی سی سی ورلڈ ٹیسٹ چیمپئن شپ کے فائنل میں جگہ نہیں بنا سکا، لارڈز ٹیسٹ میں 22 رنز سے فتح کے باوجود سست اوور ریٹ کی وجہ سے دو پوائنٹس سے محروم ہوگیا، دو میچز جیتنے کے بعد انگلینڈ کے پوائنٹس 24 سے کم ہو کر 22 رہ گئے اور پوائنٹس کا تناسب 66.67 فیصد سے کم ہو کر 61.11 فیصد رہ گیا، جس کے بعد انگلینڈ پوائنٹس ٹیبل پر سری لنکا سے نیچے تیسرے نمبر پر چلا گیا۔