Baaghi TV

Tag: کھیل

  • افتخار احمد نے ساتھی کھلاڑیوں میں عیدی تقسیم کردی،سب سے زیادہ عیدی کس کھلاڑٰی کو ملی؟

    افتخار احمد نے ساتھی کھلاڑیوں میں عیدی تقسیم کردی،سب سے زیادہ عیدی کس کھلاڑٰی کو ملی؟

    قومی کرکٹر افتخار احمد نے ساتھی کھلاڑیوں میں عیدی تقسیم کردی۔

    باغی ٹی وی: چند روز قبل پاکستان کرکٹ بورڈ کی جانب سے سوشل میڈیا پر ڈریسنگ روم کی ایک ویڈیو شیئر کی گئی تھی جس میں قومی ٹیم کے کپتان بابراعظم اور وکٹ کیپر بیٹر محمد رضوان کو مڈل آرڈر بیٹر افتخار احمد سے عیدی دینے کا مطالبہ کرتے دیکھا گیا تھا-

    بعد ازاں افتخار احمد کی جانب سے سوشل میڈیا صارفین سے مشورہ مانگا گیا تھاکہ کیا میرا ان لوگوں کو عیدی دینا بنتا ہےاب پاکستان کرکٹ بورڈ کی جانب سے ایک اور ویڈیو شیئر کی گئی ہے جس میں افتخار احمد کو پاکستانی ٹیم کے تمام کھلاڑیوں کو عیدی دیتے دیکھا جا سکتا ہے۔


    ویڈیو میں دیکھا جا سکتا ہے کہ افتخار احمد نے ہاتھ میں کافی سارے لفافے تھام رکھے ہیں اور وہ ڈریسنگ روم میں آتے ہی کہتے ہیں جسے عیدی چاہیے وہ ادھر آ جائے اور پھر وہ باری باری تمام کھلاڑیوں کو عیدی دیتے ہیں، افتخار احمد نے پانچویں ٹی ٹوئنٹی سے پہلے ڈریسنگ روم میں عیدی کے لفافے تقسیم کیےاس موقع پر قومی کرکٹرز کافی خوش نظر آئے اور کھلاڑیوں نے افتخار احمد سے ہنسی مذاق بھی کیا۔

    شاداب خان نے افتخار احمد کی جانب سے ملنے والی عیدی کا لفافا کھولتے ہوئے دکھایا کہ اس میں 500 روپے ہیں جبکہ فہیم اشرف نے افتخار احمد سے اپنا لفافا لینے کے بعد ایک اور لفافا چالاکی سے حاصل کیا، اس طرح وہ افتخار احمد سے سب سے زیادہ عیدی لینے والے قومی کھلاڑی رہے۔

  • شعیب ملک نے اہلیہ ثانیہ مرزا سےعلیحدگی کی افواہوں پر بالآخرخاموشی توڑدی

    شعیب ملک نے اہلیہ ثانیہ مرزا سےعلیحدگی کی افواہوں پر بالآخرخاموشی توڑدی

    پاکستان کرکٹ ٹیم کے سابق کپتان شعیب ملک نے اہلیہ اور سابق بھارتی ٹینس اسٹار ثانیہ مرزا سے علیحدگی کی افواہوں پر بالآخر خاموشی توڑدی-

    باغی ٹی وی: گزشتہ سال نومبر سےثانیہ مرزا اور پاکستانی کرکٹر شعیب ملک کےدرمیان علیحدگی کی افواہیں گرم ہیں خلیجی اخبار نے اپنی رپورٹ میں لکھا تھا کہ شعیب ملک اور ثانیہ مرزاکی شادی 12 سال رہنے کے بعد ختم ہونے کی اطلاعات سامنے آرہی ہیں۔

    بابر اعظم نے عید الفطر اپنے پرانے محلےمیں منائی

    نجی خبررساں ادارے کے اسپورٹس شو اسکور میں میزبان یحییٰ حسینی نے کرکٹ کے علاوہ شعیب ملک کی نجی زندگی کے حوالے سے بھی سوال کیے جن کے جواب میں شعیب نے واضح کیا کہ ثانیہ اور ان کے درمیان اختلافات نہیں ہیں۔

    شعیب کا کہنا تھا کہ صرف ان کے اور اہلیہ کے نہیں بلکہ دنیا بھرمیں جوڑوں کے تعلقات میں اتارچڑھاؤ آتا رہتا ہے اورشاید ہی کوئی ایساشادی شدہ جوڑا ہو جن کے درمیان کبھی اختلافات نہ ہوئے ہوں۔

    ثانیہ سے اختلافات اورعلیحدگی کے حوالے سے سوال پر شعیب نے مبہم انداز اپناتے ہوئے کہا کہ ایسی کوئی بات نہیں، مصروفیات کی وجہ سے وہ ایک ساتھ نہیں،عید کے موقع پر میں اور ثانیہ ساتھ ہوتے تو اچھا ہ وتا لیکن ثانیہ کا تعلق دوسرے ملک سے ہے تو ان کی وہاں بھی مصروفیات ہوتی ہیں، اسی لیے ایسا ہرسال ممکن نہیں ہوپاتا کہ وہ دونوں عید کے موقع پرایک ساتھ ہوں تاہم انہوں نے یہ واضح نہیں کیا کہ علگی یا طلاق کی خبروں کی حقیقت کیا ہے۔

    انشا اور شاہین آفریدی کی شادی کس مہینے ہو گی؟شاہد آفریدی نےبتا دیا

    شعیب ملک نے کہا کہ لیکن ہمیشہ کی طرح دونوں کے درمیان پیار اور محبت موجود ہے،اس موقع پر پاکستانی کرکٹر نے اہلیہ کے لیے خصوصی پیغام میں کہا کہ میں ثانیہ کو عید مبارک بولوں گا،میں انہیں مسِ ضرور کرتا ہوں، عید کے دن ہم اپنے سب سے قریبی لوگوں کو ہی یاد کرتے ہیں بیٹے اذہان سے دن میں 2 بار ویڈیو کال پر بات ہوجاتی ہے۔

    ایک اور سوال کے جواب مین شعیب کا کہنا تھا کہ نواز شریف کا بہت بڑا پرستارہوں حتیٰ کہ میری فیملی بھی ان کی پرستار ہے لیکن اگر بات ووٹ دینے کی ہو تو میں عمران بھائی کو ووٹ دوں گاعمران خان اور مریم نواز کے ٹی وی پر ایک ساتھ انٹرویو نشرہونے کی صورت میں بھی شعیب نے کہا کہ وہ عمران بھائی کا ہی انٹرویو دیکھیں گے۔

    سعودی عرب نے پاکستان کو 2ارب ڈالر دینے کی تصدیق کر دی،اسحاق ڈار

    واضح رہےکہ شعیب ملک اور ثانیہ کے درمیان گزشتہ 6 ماہ سے کشیدہ تعلقات اورطلاق کی افواہیں زیرگردش ہیں شعیب ملک اور ثانیہ مرزا کافی عرصے سے ساتھ دکھائی نہیں دے رہے،اس دوران ثانیہ مرزا بیٹے کے ہمراہ اکیلے ہی عمرہ پر گئیں جبکہ انہوں نے کئی تقریبات میں شوہر شعیب ملک کے بغیر ہی شرکت کی جس کے بعد مداحوں کا خیال ہے کہ دونوں کے درمیان معاملات کشیدہ ہیں تاہم دونوں کی ہی جانب سے اس حوالے سے کھل کر تصدیق یاتردید نہیں کی گئی

    یاد رہے کہ شعیب ملک اور ثانیہ مرزا کی شادی اپریل 2010 میں ہوئی تھی اور ان کا ایک بیٹا اذہان بھی ہے۔

    کوشش کریں سندھ کےہرگھر میں سولرسسٹم لگوایا جائے،آصف زرداری کی وزیر توانائی کو تاکید

  • بابر اعظم نے عید الفطر اپنے پرانے محلےمیں منائی

    بابر اعظم نے عید الفطر اپنے پرانے محلےمیں منائی

    قومی کرکٹ ٹیم کے کپتان بابر اعظم عید الفطر منانے کے لیے اپنے پرانے محلے پہنچے جہاں انہیں دیکھ کر پڑوسیوں نے خوشی کا اظہار کیا –

    باغی ٹی وی: بابر اعظم نے سماجی رابطے کی سائٹ ٹویٹر پر اپنی تصاویر شیئر کیں اور لکھا کہ وقت میرے سر پر سے تیزی سے گزر رہا ہے، اس سال اپنے بچپن والے گھر میں عید منانے کا موقع ملا، اس محلے سے میری بہت ساری یادیں وابستہ ہیں اس کے ساتھ ہی بابر نے سب کو عید کی مبارک باد بھی دی۔

    آئی پی ایل ٹیم کے غیر ملکی کھلاڑیوں کے بلے اور دیگر سامان غائب


    قومی کرکٹ ٹیم کے کپتان کا بچپن لاہور کے علاقے گلبرگ میں واقع فردوس مارکیٹ میں گزرا ہے، وہ چند برس قبل ڈیفنس شفٹ ہوچکے ہیں تاہم ابھی وہ پرانے پڑوسیوں سے رابطے میں ہیں۔


    دوسری جانب کرکٹر افتخار احمد نے اپنے آبائی علاقے میں اہل خانہ کے ساتھ عید منائی اور ٹویٹر پر تصویر بھی شیئر کی۔


    قومی کرکٹ ٹیم کے وکٹ کیپر محمد رضوان نے عید الفطر کی مناسبت سے ویڈیو پیغام جاری کیا جس میں انہوں نے عید کی مبارک باد دیتے ہوئے کہا کہ آئین ہم سب مل کر عہد کریں جس طرح اللہ نے ہمیں رمضان میں توفیق دی آئندہ گیارہ ماہ بھی ہم ویسے ہی گزاریں گے-

    آئی سی سی ورلڈ ٹیسٹ چیمپئن شپ ٹیم آف دی ٹورنامنٹ کا اعلان،بابر اعظم بھی …

    واضح رہے کہ قومی کرکٹرز کو عید گھر والوں کے ساتھ منانے کے لیے چھٹیاں ملی ہوئی ہیں، بابر اعظم سمیت قومی کرکٹرز کل اسلام آباد میں اکٹھے ہوں گے پاکستان اور نیوزی لینڈ کے درمیان پانچواں ٹی ٹوئنٹی میچ 24 اپریل کو کھیلا جائے گا، پانچ ٹی ٹوئنٹی میچز کی سیریز میں پاکستان کو 1-2 کی برتری حاصل ہے۔

    ملک بھر میں آج عید الفطر مذہبی عقیدت و احترام کے ساتھ منائی گئی ملک میں نماز عید کے ہزاروں چھوٹے بڑے اجتماعات منعقد ہوئے جن میں امت مسلمہ اور ملک کی سلامتی، ترقی اور خوشحالی کیلئے دعائیں مانگی گئیں۔

    صدر مملکت عارف علوی نے اسلام آباد کی شاہ فیصل مسجد میں نماز عید ادا کی۔ وزیراعظم شہباز شریف نے لاہور میں نماز عید ادا کی، دونوں بیٹے سلیمان شہباز اور حمزہ شہباز بھی موجود تھے چیئرمین سینیٹ صادق سنجرانی نے عید کی نماز کوئٹہ میں ادا کی چیئرمین پی ٹی آئی عمران خان نے زمان پارک میں نماز عید ادا کی-

    آئی سی سی نےشرٹس پرجوا کمپنیز کے لوگولگانے پرپابندی اٹھالی

    وزیر خارجہ بلاول بھٹو زرداری نےگڑھی خدا بخش میں نماز عید ادا کی، وزیر داخلہ نے فیصل آباد میں عیدکی نماز پڑھی پشاور میں گورنر خیبر پختونخوا غلام علی اور نگران وزیراعلیٰ اعظم خان نے نماز عید گورنر ہاؤس میں ادا کی۔

    سابق وزیراعظم یوسف رضا گیلانی نے ملتان میں عیدکی نماز ادا کی، امیر جماعت اسلامی سراج الحق نے منصورہ لاہور میں عیدکی نماز پڑھائی سابق وزیرداخلہ شیخ رشید نے لیاقت باغ میں عید نماز ادا کی کراچی کے پولوگراؤنڈ (باغ جناح) میں گورنر سندھ اور ایڈمنسٹریٹر کراچی نے عید کی نماز ادا کی، نماز عید میں سیاسی اور سماجی شخصیات سمیت شہریوں کی بڑی تعداد شریک ہوئی۔

    آئی پی ایل میں ڈیبیو،ارجن ٹنڈولکر نے منفرد اعزاز اپنے نام کر لیا

  • آئی سی سی ورلڈ ٹیسٹ چیمپئن شپ ٹیم آف دی ٹورنامنٹ کا اعلان،بابر اعظم بھی شامل

    آئی سی سی ورلڈ ٹیسٹ چیمپئن شپ ٹیم آف دی ٹورنامنٹ کا اعلان،بابر اعظم بھی شامل

    کرکٹ آسٹریلیا ویب سائٹ نے آئی سی سی ورلڈ ٹیسٹ چیمپئن شپ ٹیم آف دی ٹورنامنٹ کا اعلان کردیا۔

    باغی ٹی وی : آئی سی سی ورلڈ ٹیسٹ چیمپئن شپ کےفائنل میں آسٹریلیا اور بھارت کی ٹیمیں مقابل ہوں گی جس کا فائنل 7 سے 11 جون تک انگلینڈ میں شیڈولڈ ہے پاکستان کےکپتان بابراعظم کو ورلڈٹیسٹ چیمپئن شپ ٹیم آف دی ٹورنامنٹ میں شامل کیا گیا ہے۔

    آئی سی سی نےشرٹس پرجوا کمپنیز کے لوگولگانے پرپابندی اٹھالی


    اس کے علاوہ ٹیم میں آسٹریلیا کے عثمان خواجہ، ٹریوس ہیڈ اور پیٹ کمنز شامل ہیں، ٹیم کے کپتان پیٹ کمنز ہیں ہیں آئی سی سی ورلڈ ٹیسٹ چیمپئن شپ کے دیگر کھلاڑیوں میں بھارت کے رویندرا جڈیجا، ریشبھ پنت، روی چندرن ایشون،انگلینڈ کے جوروٹ ،جیمزاینڈرسن اورسری لنکا کےڈیمتھ کرونارتنے اور جنوبی افریقا کےکگیسوربادابھی شامل ہیں۔

    مکی آرتھر پاکستان پہنچ گئے

    ٹیم کا اعلان ورلڈ ٹیسٹ چیمپئن شپ کی دو سالہ مدت کے دوران بہترین کارکردگی کی بنیاد پر کیا گیا۔

    بابر اعظم نے چیمپئن شپ کے دوران 14 ٹیسٹ میچز کھیلے اور 08. 61 کی اوسط سے 1527 رنز بنائے جس میں 4 سنچریاں اور 10نصف سنچریاں بھی اسکور کیں چیمپئن شپ کے دوران قومی ٹیم کے کپتان بابر اعظم نے سب سے بڑی اننگز آسٹریلیا کے خلاف کھیلی تھی جس میں انہوں نے 196 رنز بنائے تھے۔

    وضح رہے کہ انٹرنیشنل کرکٹ کونسل (آئی سی سی) نے ٹیسٹ ٹیم آف دی ایئر میں بابر اعظم کو شامل کیا تھا۔

    نیوزی لینڈ ٹیم کی اسلام آباد آمد. ہائی الرٹ جاری

  • مکی آرتھر پاکستان پہنچ گئے

    مکی آرتھر پاکستان پہنچ گئے

    اسلام آباد: پاکستان کرکٹ ٹیم کے سابق کوچ مکی آرتھر اسلام آباد پہنچ گئے۔

    باغی ٹی وی:پی سی بی حکام اور کوچنگ اسٹاف سے ملاقاتوں کے بعد آئندہ کی حکمت عملی پر غور کیا جائے گا تاہم ذرائع کے مطابق مکی آرتھر 20 اپریل تک پاکستان ٹیم کے ہمراہ ہوں گے مکی آرتھر کو پاکستان ٹیم کے ڈائریکٹر کی ذمے داریاں دی جائیں گی-

    آئی پی ایل میں ڈیبیو،ارجن ٹنڈولکر نے منفرد اعزاز اپنے نام کر لیا

    مکی آرتھر پاکستان ٹیم کے ساتھ دوبارہ کام کرنے پر خوشی کا اظہار کرچکے ہیں گزشتہ ماہ مکی آرتھر کا کہنا تھا کہ پاکستان کرکٹ بورڈ (پی سی بی) کی جانب سے پھرموقع ملنے پر خوشی ہے، پاکستان کے ساتھ ڈربی شائر بھی مجھے بہت عزیز ہے نجم سیٹھی کو کہتا رہا ہوں کہ ڈربی شائرمیرے لیے بہت اہم ہے، ڈربی شائرکے ساتھ میرا چار سال کا معاہدہ ہے، ابھی ایک سال ہوا ہے-

    انہوں نے کہا تھا کہ میں پاکستان کے تمام کھلاڑیوں کے ساتھ رابطے میں رہا ہوں، پاکستان ٹیم کو مینج کرنا اہم ہے، میرے تعلقات ان کے ساتھ اچھے ہیں۔

    آسٹریلوی کرکٹر کا پی ایس ایل کھیلنے کی خواہش کا اظہار

    واضح رہے کہ مکی آرتھر ماضی میں پاکستان کرکٹ ٹیم کی کوچنگ کر چکے ہیں،ان کے دور میں پاکستان نے چیمپئنز ٹرافی جیتی تھی، مکی آرتھر ڈربی شائرکےساتھ بھی کام کرتے رہیں گےمکی آرتھر صرف ڈاربی شائر کی نوکری سےفراغت کےدنوں میں ذاتی طور پاکستان ٹیم کو دستیاب ہوں گے۔

  • آئی پی ایل میں ڈیبیو،ارجن ٹنڈولکر نے منفرد اعزاز اپنے نام کر لیا

    آئی پی ایل میں ڈیبیو،ارجن ٹنڈولکر نے منفرد اعزاز اپنے نام کر لیا

    بھارتی معروف کرکٹر سچن ٹنڈولکر کے بیٹے رجن ٹنڈولکر نے انڈین پریمیئر لیگ میں اپنا ڈبییو کر لیا۔

    باغی ٹی وی : بھارتی میڈیا کے مطابق ارجن ٹنڈولکر نے اپنا پہلا میچ کلکتہ نائٹ رائیڈرز کے خلاف کھیلا، اس طرح دونوں نے آئی پی ایل کھیلنے والے پہلے باپ بیٹا ہونے کا منفرد اعزاز حاصل کر لیا ہے۔

    ارجن ٹنڈولکر نے ممبئی انڈینز کی جانب سے دو اوورز کرائے اور بغیر کوئی وکٹ حاصل کئے انہوں نے 17 رنز دیے۔ اس میچ میں ممبئی انڈینز نے کلکتہ نائٹ رائیڈرز کو 5 وکٹوں سے شکست دی۔


    اس سے قبل سچن ٹنڈولکر ممبئی انڈینز کی 2008ء سے 2013ء کے درمیان نمائندگی کر چکے ہیں، 78 میچز کھیلے اور 2 ہزار 334 رنز بنائے، جبکہ 51 میچز میں کپتانی کے فرائض بھی سر انجام دئیےارجن ٹنڈولکر کے ڈیبیو کرنے پران کے لئے بھارتی کرکٹرز کی جانب سے نیک خواہشات کا اظہار کیاجا رہاہے۔


    والد کے بعد اب ارجن ٹنڈولکر بھی آئی پی ایل کھیل رہے ہیں ،جس کے ساتھ ہی انہوں نے آئی پی ایل کھیلنے والے پہلے باپ بیٹے کی جوڑی کا اعزاز حاصل کرلیابیٹے کے آئی پی ایل میں ڈیبیو کرنے پر سچن ٹنڈولکر نے ارجن کے لیے نیک خواہشات کا اظہار کیا-

  • ٹی20 میں پاکستان کو شاہین آفریدی کی طرح جارح مزاج کپتان کی ضرروت ہے،عاقب جاوید

    ٹی20 میں پاکستان کو شاہین آفریدی کی طرح جارح مزاج کپتان کی ضرروت ہے،عاقب جاوید

    لاہور قلندرز کے ہیڈکوچ اور سابق فاسٹ بولر عاقب جاوید کا کہنا ہے کہ ٹی20 میں قومی ٹیم کی قیادت شاہین کے سپرد کرنی چاہیے-

    باغی ٹی وی: لاہور قلندرز کے ہیڈکوچ عاقب جاوید نے کہا کہ بابر بڑے فارمیٹ کی کرکٹ میں اچھی کارکردگی کا مظاہرہ کررہے ہیں اور انہیں طویل فارمیٹ کی کرکٹ یعنی ون ڈے اور ٹیسٹ کرکٹ میں ٹیم کی قیادت جاری رکھنی چاہیے،تاہم ٹی20 فارمیٹ میں پاکستان کو شاہین آفریدی کی طرح جارح مزاج کپتان کی ضرروت ہے۔

    نیوزی لینڈ کی کرکٹ ٹیم پاکستان پہنچ گئی

    سابق کرکٹر نے کہا کہ کرکٹ کے نقطہ نظر سے بات کروں تو مستقبل میں ہمارے پاس زیادہ ٹی20 کرکٹ نہیں، ورلڈکپ کو مدنظر رکھتے ہوئے ہمیں شاہین کو بطور ٹی20 کپتان قومی ٹیم کی قیادت کرنی چاہیے،پی ایس ایل میں شاہین آفریدی کی قائدانہ صلاحیتیں سب کے سامنے ہیں-

    سابق کرکٹر نے کہا کہ میرے خیال میں شاداب اور بابراعظم کی کپتانی میں قومی ٹیم جارح مزاج انداز میں نہیں کھیل رہی شاہین دلیر فیصلے کرنے کیلئے جانے جاتے ہیں، ان فیصلوں کی وجہ سے اسی وجہ سے وہ بعض اوقات تنقید کی زد میں بھی رہتے ہیں۔

    آسٹریلوی کرکٹر کا پی ایس ایل کھیلنے کی خواہش کا اظہار

  • آسٹریلوی کرکٹر کا پی ایس ایل کھیلنے کی خواہش کا اظہار

    آسٹریلوی کرکٹر کا پی ایس ایل کھیلنے کی خواہش کا اظہار

    آسٹریلوی بیٹر اسٹیو اسمتھ نے ایچ بی ایل پاکستان سپر لیگ (پی ایس ایل) کھیلنے کی خواہش کا اظہار کر دیا۔

    باغی ٹی وی: پاکستان کی ٹی ٹوئنٹی لیگ پی ایس ایل کی مقبولیت میں ہر سیزن کے بعد اضافہ ہوتا جا رہا ہے، یہی وجہ ہے کہ دنیا کے ٹاپ کھلاڑی اس لیگ کا حصہ بننا چاہتے ہیں اس بارے میں نجم سیٹھی کابھی کہنا تھا کہ پی ایس ایل آئی پی ایل سے زیادہ مقبول ہوتی جا رہی ہے۔

    نیوزی لینڈ کی کرکٹ ٹیم پاکستان پہنچ گئی

    دنیا کے نامور کھلاڑی اب پی ایس ایل کھیلنے کے خواہاں ہیں، ان میں اب آسٹریلوی کرکٹر اسٹیو اسمتھ بھی شامل ہو گئے ہیں جو پی ایس ایل کھیلنے کے لئے بے تاب ہیں۔

    پی ایس ایل کی مقبولیت کو دیکھتے ہوئے آسٹریلوی کرکٹر اسٹیو اسمتھ بھی پاکستانی ٹی ٹوئنٹی لیگ کھیلنے کے لیے بے تاب ہیں اسٹیو اسمتھ نے پی ایس ایل کھیلنے کی خواہش کا اظہار اپنے انسٹاگرام پر سوال و جواب کے سیشن میں اس وقت کیا جب ایک صارف کی جانب سے ان سے پاکستانی ٹی ٹوئنٹی لیگ سے متعلق سوال کیا گیا۔

    ہرکوئی حقیقت سے واقف ہےکہ عمرکو ٹیم کا حصہ کیوں نہیں بنایا جارہا،بھائی کامران اکمل

    صارف نے اسمتھ سے سوال کیا کہ آپ پی ایس ایل کب کھیلیں گے؟ جس کا جواب دیتے ہوئے آسٹریلوی کرکٹر نے کہا کہ مجھے لگتا ہے کہ پی ایس ایل واقعی ایک شاندار ٹورنامنٹ ہے، میں اس میں شرکت کرنا پسند کروں گا-

  • نیوزی لینڈ کی کرکٹ ٹیم پاکستان پہنچ گئی

    نیوزی لینڈ کی کرکٹ ٹیم پاکستان پہنچ گئی

    نیوزی لینڈ کی کرکٹ ٹیم پاکستان پہنچ گئی۔

    باغی ٹی وی: نیوزی لینڈ ٹیم کا پی سی بی عہدیداران ائیرپورٹ پر استقبال کیا، کھلاڑیوں کو پھولوں کے ہار پہنائے گئےجبکہ سخت سکیورٹی حصار میں مہمان ٹیم کو ہوٹل پہنچایا گیا مہمان ٹیم 2 دن آرام کے بعد 13 اپریل کو پہلا ٹریننگ سیشن کرے گی ، ٹی ٹوئنٹی سیریز کی ٹرافی کی رونمائی بھی اسی روز ہوگی۔

    نیوزی لینڈ کرکٹ ٹیم کا ٹی ٹوئنٹی اسکواڈ دورہ پاکستان کے لیے روانہ


    کیوی ٹیم دورہ پاکستان کے دوران 5 ون ڈے اور 5 ٹی ٹوئنٹی میچز کھیلے گی، نیوزی لینڈ کی قیادت ٹام لیتھم کر یں گے،پاکستان اور نیوزی لینڈ کے درمیان پہلا ٹی20 میچ 14 اپریل سے قذافی اسٹیڈیم لاہور میں کھیلا جائے گا، دوسرا میچ 15 اور تیسرا میچ 17 اپریل کو ہوگا جب کہ 2 ٹی20 راولپنڈی میں 20 اور 24 اپریل کو کھیلے جائیں گے۔

    تین میگا ایونٹ آئندہ برس ہونا ہیں،اس کےمطابق کمبی نیشن بنانےکی کوشش کررہے ہیں،ہارون رشید

    ون ڈے سیریز کیلیے پاکستان اور نیوزی لینڈ کے درمیان 2 میچز 27 اور 29 اپریل کو راولپنڈی میں ہی شیڈول ہیں، جس کے بعد دونوں ٹیمیں باقی تین ون ڈے میچز کیلیے کراچی کے نیشنل اسٹیڈیم میں 3، 5 اور 7 مئی کو آمنے سامنے آئیں گی۔

  • نیوزی لینڈ کرکٹ ٹیم کا ٹی ٹوئنٹی اسکواڈ دورہ پاکستان کے لیے روانہ

    نیوزی لینڈ کرکٹ ٹیم کا ٹی ٹوئنٹی اسکواڈ دورہ پاکستان کے لیے روانہ

    نیوزی لینڈ کرکٹ ٹیم کا ٹی ٹوئنٹی اسکواڈ دورہ پاکستان کے لیے روانہ ہوگیا۔

    باغی ٹی وی: نیوزی لینڈ کا ٹی ٹوئنٹی اسکواڈ کرائسٹ چرچ سے پاکستان کے لیے روانہ ہوا،نیوزی لینڈ ٹیم دورہ پاکستان میں پانچ ٹی ٹوئنٹی میچز کی سیریز کھیلے گی-

    نیوزی لینڈ کرکٹ ٹیم کا دورہ پاکستان،اسلام آباد پولیس کی سکیورٹی فراہم کرنے سے معذرت

    پاکستان اور نیوزی لینڈ کے درمیان پہلا ٹی ٹوئنٹی 14 دوسرا اور تیسرا ٹی ٹوئنٹی بالترتیب 15 اور 17 اپریل کو لاہور میں کھیلا جائے گا چوتھا اور پانچواں ٹی ٹوئنٹی بالترتیب 20 اور 24 اپریل کو راولپنڈی میں کھیلا جائے گا –

    اس کے بعد پانچ میچز کی ون ڈے سیریز شروع ہوگی، پہلا اور دوسرا ون ڈے 27 اور 29 اپریل کو راولپنڈی میں کھیلا جائے گا تیسرا ، چوتھا اور پانچواں ون ڈے بالترتیب تین ، 5 اور 7 مئی کو کراچی میں کھیلا جائے گا۔

    برطانوی شاہی خاندان نے تحائف میں ملے گھوڑے بیچ دیئے