Tag: کیف

کیف: یوکرین نے کہا ہے کہ روس نے 50 سے زائد میزائلوں سے کئی شہروں کو نشانہ بنایا جس کے بعد بجلی کا نظام متاثر ہو گیا-

باغی ٹی وی: یوکرین میں روسی فوجی آپریشن پیر کے روز جاری رہے یوکرین نے کہا کہ روس نے 50 سے زائد میزائلوں سے کئی شہروں کو نشانہ بنایا۔

یوکرین جنگ میں روس اور امریکا تنازعہ خلا تک پہنچ گیا

یوکرینی فوج نے ملک میں 50 سے زیادہ کروز میزائل” فائر کرنے کی تصدیق کی ہے یوکرین کی فضائیہ نے ٹیلی گرام پر کہا ہے کہ شمالی بحیرہ کیسپین اور روس کے روسٹوو کے علاقے سے Tu-95s اور Tu-160s سے 50 سے زیادہ X-101/X-555 کروز میزائل طیارے سے فائر کیے گئے۔

یوکرینی ایوان صدر نے اطلاع دی کہ کئی علاقوں میں توانائی کی تنصیبات پر”بڑے پیمانے پر روسی حملہ” ہوا ہےمقامی حکام نے رہائشیوں سے فضائی بمباری کی وارننگ ختم ہونے تک پناہ گاہوں میں رہنے کی اپیل کی ، جبکہ رہائشیوں کا کہنا تھا کہ انہوں نے شہر میں سلسلہ وار دھماکوں کی آوازیں سنی ہیں۔

کینیڈا میں دیوالی کی تقریبات میں بھارتی اور خالصتان کا پرچم لہرانے والے سیکڑوں…

یوکرین کے صدارتی مشیر کیریلو تیموشینکو نے کہا ہے کہ روسیوں نے ایک بار پھر کئی علاقوں میں توانائی کی تنصیبات پر بڑے پیمانے پر حملہ کیا۔ فضائی دفاع نے کچھ میزائلوں کو مار گرایا، جبکہ دیگر نے ہدف کو نشانہ بنایا۔

Ukrainian air-defenses intercepted a Russian cruise missile over Kyiv pic.twitter.com/snLVkZgdd7

— Giorgi Revishvili (@revishvilig) October 31, 2022

شہر کے میئر نے روسی حملوں کے بعد کیف کے محلّوں میں بلیک آؤٹ کا اعلان کیا ہے۔ روسی بمباری سے بجلی کا نظام بری طرح متاثر ہوا ہے۔ دارالحکومت میں پاور ٹرانسمیشن سینٹر بمباری سے متاثر ہوئے ہیں۔

واضح رہے کہ جہاں روسی فوج کے یونٹ یوکرین کے علاقوں پر مکمل کنٹرول بڑھانے اور کییف فورسز کے ٹھکانوں پر حملہ کرنے کی کوشش کر رہے ہیں وہیں دوسری جانب یوکرینی فورسز مزاحمت جاری رکھے ہوئے ہیں اوروہ کھوئے ہوئے علاقوں پر قبضہ دوبارہ حاصل کرنے کی کوشش کر رہے ہیں یوکرین کو روس کے خلاف مزاحمت میں امریکا اور مغرب کی مادی اور فوجی مدد بھی حاصل ہے-

دس سال سزا پانے والے للا دی سلوا دوبارہ برازیل کے صدر منتخب

واشنگٹن :روس یوکرین کے مفتوحہ علاقوں کوروس کا حصہ بنانے کا فیصلہ کرچکاجونامنظورہے،اطلاعات کےمطابق امریکہ کی قومی سلامتی کونسل کے کوآرڈینیٹر برائے سٹریٹجک کمیونیکیشن جان کربی نے منگل کو کہا کہ روس یوکرین کے اپنے زیر کنٹرول مفتوحہ علاقوں کو "الحاق” کرنے کا منصوبہ بنا رہا ہے۔

جان کربی نے منگل کو وائٹ ہاؤس کی پریس بریفنگ کے دوران صحافیوں کو بتایا کہ روس "اس کا ایک ورژن تیار کرنے کے درپے ہے جسے آپ الحاق پلے بک کہہ سکتے ہیں”، انہوں نے مزید کہا کہ یہ 2014 میں پیش آنے والے واقعات سے "مماثل” ہے، جب کریمیا کا دوبارہ اتحاد ہوا۔

روس ، یوکرین تنازعہ:جنگ عظیم دوم کے پہلی مرتبہ جرمنی کا تجارتی خسارہ 3کھرب روپے تک…

جان کربی نے یہ بھی دعویٰ کیا کہ "ہمارے پاس آج ایسی معلومات موجود ہیں جن میں درج ذیل انٹیلی جنس بھی شامل ہے جو ہم آپ کے ساتھ شیئر کرنے کے قابل ہیں کہ روس یوکرین کی سرزمین کو ضم کرنے کی بنیاد ڈال رہا ہے جسے وہ یوکرین کی خودمختاری کی براہ راست خلاف ورزی کے زمرے میں آتا ہے

جان کربی نے مزید کہا کہ "ہم کافی شواہد اور انٹیلی جنس اور عوامی ڈومین میں دیکھ رہے ہیں کہ روس یوکرین کے اضافی علاقے کو ضم کرنے کی کوشش کرنا چاہتا ہے۔”

کربی نے مزید الزام لگایا کہ روس کھیرسن، زپوریزہیا کے ساتھ ساتھ لوگانسک اور ڈونیٹسک کے تمام علاقوں کو ضم کرنے پر غور کر رہا ہے۔ انہوں نے ماضی کے ان الزامات کو دہرایا کہ ماسکو کا یوکرین میں "غیر قانونی پراکسی شروع کرنے کا فیصلہ کرچکا ہے

"روس ان علاقوں میں روبل کو ڈیفالٹ کرنسی کے طور پر قائم کرنے کے لیے روسی بینکوں کی شاخیں قائم کرنے اور شہریوں کی انٹرنیٹ تک رسائی کو سبوتاژ کرنے کے ذریعے حالات کو زمین پر کھڑا کرنے کی کوشش کر رہا ہے،” جان کربی کہتے ہیں کہ ایسی بھی اطلاعات ہیں کہ روسی حکام ان علاقوں کے رہنے والے لوگوں کومجبور کررہی ہیں کہ وہ روس کے ساتھ شامل ہونے کی درخواست دیں تاکہ اسے قانونی شکل دی جائے سکے

نووا کاخوو پریوکرین کی شیلنگ،بڑی تعداد میں شہری جابحق،درجنوں زخمی

واضح رہے کہ امریکا اور اس کے اتحادیوں نے روس کے خصوصی فوجی آپریشن کے آغاز سے قبل بھی ایسے ہی الزامات عائد کیے تھے۔ اس سے قبل روسی وزارت خارجہ نے یوکرین میں کٹھ پتلی حکومت کے قیام کے دعووں کو مسترد کرتے ہوئے اس بات پر زور دیا تھا کہ مغربی ممالک خطے میں کشیدگی کو بڑھانے کے لیے سرگرم عمل ہیں۔

کورونا کے بعد یوکرین روس تنازعہ:جرمنی معاشی بدحالی کا شکارہوگیا

تازہ ترین ریمارکس اس وقت سامنے آئے جب کربی نے یہ بھی تفصیل سے بتایا کہ جو بائیڈن انتظامیہ یوکرین کو ایک اور فوجی امدادی پیکج جاری کرنے کی تیاری کر رہی ہے – جس میں اضافی ہائی موبلٹی آرٹلری راکٹ سسٹم اور متعدد لانچ راکٹ سسٹم کے لیے گولہ بارود شامل ہوگا۔

کیف:روسی فوجی آپریشن کے آغاز سے لے کر اب تک 10,000 یوکرائنی فوجی ہلاک اور 30,000 کے قریب زخمی ہوچکے ہیں، یوکرین کے صدر ولادیمیر زیلنسکی کے دفتر کے مشیر الیکسی آریسٹووچ نے پیر کو تصدیق کرتے ہوئے یوکرین کے اتنے بڑے نقصان کی تفصیلات بتائیں

"تقریباً 10,000 مارے گئے۔اور ہر تین مین سے ایک فوجی زخمی ہورہا ہے ، اس حوالے سے یہ تفصیلات بتاتے ہوئے اریستووچ نے یوکرین کے صحافی دمتری گورڈن کے ساتھ ایک انٹرویو میں کہا اریستووچ نے نشاندہی کی کہ 96 سے 98 فیصد زخمی فوجی واپس فوج میں واپس آ جاتے ہیں۔

اس سے قبل یوکرائنی وزارت دفاع الیکسی ریزنیکوف نے کہا تھا کہ یوکرین کے ایک دن میں 100 فوجیوں کو ہلاک اور 500 کو زخمی ہورہے ہیں۔ اس کے بعد، یوکرین کے صدر کے دفتر کے سربراہ کے مشیر میخائل پوڈولیاک نے کہا کہ روزانہ 100 سے 200 یوکرائنی فوجی لڑائی میں مارے جا رہے ہیں۔جبکہ حکمران جماعت کے دھڑے کے سرونٹ آف پیپلز کے سربراہ ڈیوڈ اراکامیا نے یوکرین کی مسلح افواج کے روزانہ 200 سے 500 افراد کے نقصانات کا تخمینہ لگایا۔ 10 جون کو، اریستووچ نے پہلی بار یوکرائنی فوجیوں میں ہونے والے کل نقصانات کی تفصیلات بتائیں

یاد رہے کہ روسی صدر ولادیمیر پوتن نے 24 فروری کو ڈونباس جمہوریہ کے سربراہوں کی درخواست کے جواب میں، ایک خصوصی فوجی آپریشن کرنے کا فیصلہ کیا۔ انہوں نے زور دے کر کہا کہ ماسکو کے منصوبوں میں یوکرین کے علاقوں پر قبضہ شامل نہیں ہے۔ انہوں نے یقین دلایا کہ اس کا مقصد مشرقی یوروپی ملک کو غیر فوجی بنانا اور اسے ختم کرنا ہے۔

ماسکو :روسی افواج بڑی حکمت عملی سے آگے بڑھ رہی ہیں اور اب تو روس یوکرین کے ایک بڑے شہرپرقبضہ کرنے کی پوزیشن میں آگیا ہے ، اس حوالے سے معلوم ہوا ہے کہ روس اور یوکرین کے درمیان جاری جنگ میں اہم پیش رفت سامنے آئی ہے جس میں یوکرین کے ایک شہر میں فوجی پسپا پوگئے جن کو روسی فوج کی جانب سے آخری وارننگ دی گئی ہے۔

غیر ملکی خبر رساں ادارے کی رپورٹ کے مطابق روسی فوج نے سیورو دونیسک شہر میں محصور یوکرینی فوجیوں کو آخری انتباہ جاری کرتے ہوئے کہا ہے کہ وہ ہتھیار ڈال دیں۔روسی افواج بڑے بڑے اسپیکروں کے ذریعے شہر کے مختلف حصوں میں آوازیں دے رہے ہیں ، ادھر یہ بھی معلوم ہوا ہے کہ روسی افواج نے سیورو دونیسک کے صنعتی مرکز میں بچ جانے والے یوکرینی فوجیوں کا رابطہ منقطع کرنے کیلئے شہر کے تینوں پلوں کو تباہ کردیا ہے۔

یوکرینی حکام نے بھی تصدیق کی ہے کہ اس علاقے میں روس کی فوج نے یوکرین کے فوجیوں کو آخری انتباہ دیتے ہوئے کہا ہے کہ وہ ہتھیار ڈال کر دیں۔

یوکرین کی فوج نے اپنے فیس بک اکاؤنٹ کے پیج میں بھی اس بات کا اعتراف کیا ہے کہ اس کے فوجی سیورو دونیسک شہر سے پسپا ہوگئے ہیں اور تقریبا 500 سے زائد یوکرینی شہری آزوت کیمیائی کارخانے میں محصور ہوگئے ہیں۔علاوہ ازیں روسی افواج نے سیورو دونیسک کے صنعتی مرکز میں بچ جانے والے یوکرینی فوجیوں کا رابطہ منقطع کرنے کی کوششیں تیز کرتے ہوئے شہر کے تینوں پلوں کو تباہ کردیا ہے۔

دوسری طرف عالمی ذرائع ابلاغ کا کہنا ہے کہ یوکرینی صدر ولادیمیر زیلنسکی نے ایک ویڈیو بیان میں قوم سے خطاب کے دوران کہا ہے کہ وہ روس کے تباہ کن حملوں کے سامنے ڈٹے رہیں گے اورکبھی بھی ہتھیار نہیں‌ڈالیں گے ۔یوکرینی صدر نے اپنے بیان میں مزید کہا کہ مشرقی خطے میں ہونے والی لڑائی آنے والے چند ہفتوں میں باقاعدہ جنگ کا رخ طے کرے گی۔

کیف: یوکرین کے دارالحکومت کیف کے قریبی قصبے بوچا میں اجتماعی قبر سے 410 لاشیں برآمد ہوئی ہیں۔

باغی ٹی وی : غیرملکی میڈیا کے مطابق یوکرین کے قصبے بوچا میں ایک اجتماعی قبرسے 410افراد کی لاشیں برآمد ہوئی ہیں بوچا روسی فوج کے زیرقبضہ تھا جس کا کنڑول حال ہی میں یوکرینی فوج نے دوبارہ حاصل کیا ہے۔

روس نے امریکا و برطانیہ سمیت متعدد ممالک پر ویزہ پابندیاں عائد کردیں

یوکرینی وزیرداخلہ کا کہنا ہے کہ روسی فوجیوں نے بوچا میں سیکڑوں شہریوں کوقتل کیا ہے ہلاک شہریوں کی تعداد کا پتا لگانے کے لئے تحقیقات جاری ہیں۔

اجتماعی قبرسے لاشیں ملنے کے بعد یوکرین نے عالمی عدالت سے تحقیقات کا مطالبہ کیا ہے یوکرین کے صدرولادیمیرزیلنسکی نے بیان میں کہا ہے کہ روس یوکرین میں نسل کشی کررہا ہے۔

نیٹو کے سیکرٹری جنرل نے بوچا میں شہریوں کے قتل کو ہولناک اور ناقابل قبول قراردیا ہے فرانسیسی صدر نے بھی واقعے کی مذمت کرتے ہوئے کہا کہ روسی حکام کو ان جرائم کا جواب دینا ہوگا جبکہ روس کی جانب سے ابھی تک کوئی بیان سامنے نہیں آیا-

جبکہ امریکا اقوام متحدہ کی جنرل اسمبلی سے روس کو انسانی حقوق کونسل سے معطل کرنے پر زوردے گا اقوام متحدہ میں امریکی سفیر نے پیر کے روز کہا ہے کہ یوکرین کے روسی فوجیوں پر بوچا شہر میں درجنوں شہریوں کو قتل کرنے کے الزام کے بعدیہ فیصلہ کیا گیا ہے۔

یوکرینی افواج کا روسی آئل ڈپو پر حملہ، روس کا شدید ردِعمل

نیویارک میں اقوام متحدہ کی 193 ارکان پر مشتمل جنرل اسمبلی میں دو تہائی اکثریت سے ووٹ کے ذریعے انسانی حقوق کی مسلسل، سراسر اور منظم خلاف ورزیوں کے ارتکاب پر کسی ریاست کی کونسل کی رکنیت کو معطل کیا جاسکتا ہے۔

بخارسٹ میں نیوزکانفرنس میں خطاب کرتے ہوئے امریکی سفیر لنڈا تھامس گرین فیلڈ نے کہا اسانی حقوق کونسل میں روس کی شرکت ایک ڈھونگ ہے اوریہ غلط ہے، یہی وجہ ہے کہ ہم سمجھتے ہیں،اب وقت آگیا ہے کہ اقوام متحدہ کی جنرل اسمبلی اسے ہٹانے کے لیے ووٹ دے‘۔

روئٹرز کے مطابق لنڈا تھامس گرین فیلڈ کا کہنا ہے کہ امریکاروس کو معطل کرنے کے اقدام کو رواں ہفتے جنرل اسمبلی میں رائے شماری کے لیے پیش کرنا چاہتا ہے۔

واضح رہے کہ 24فروری کو یوکرین پر حملہ شروع ہونے کے بعد سے اسمبلی نے روس کی مذمت میں دو قراردادیں منظورکی ہیں کم سے کم 140ارکان نے ان کے حق میں ووٹ دیا ہےجبکہ روس کا کہنا ہےکہ وہ یوکرین کےفوجی بنیادی ڈھانچے کوتباہ کرنےکےلیے’’خصوصی فوجی آپریشن‘‘کررہا ہے۔

رومانیہ کا دورہ کرنے والی لنڈاتھامس گرین فیلڈ نے صحافیوں سے گفتگو کرتے ہوئے کہا کہ ان 140 ممالک کے لیے میرا پیغام ہے جو ہمت کے ساتھ اکٹھے کھڑے ہیں بوچا سے سامنے آنے والی تصاویراور یوکرین بھر میں تباہی اب ہم سے اپنے الفاظ کو عملی کارروائی سے ہم آہنگ کرنے کا تقاضا کررہی ہے۔

روس جنیوا میں قائم 47 رکن ممالک پر مشتمل انسانی حقوق کونسل کا تین سال کی مدت کے لیے رکن ہے اور یہ اس کی رکنیت کا دوسرا سال ہے۔ قوام متحدہ میں ماسکو کے مشن نے فوری طور پر امریکی سفیر کے اس بیان پر کوئی ردعمل جاری نہیں کیا ہے۔

بھارت نے روس سے روسی کرنسی میں تجارت کی تو نتائج بھگتنا ہوں گے، امریکا

کونسل قانونی طور پر پابند فیصلے نہیں کرسکتی لیکن اس کے فیصلے اہم سیاسی پیغامات کے حامل ہوتے ہیں اور وہ انسانی حقوق کی خلاف ورزیوں اور جنگی جرائم کی تحقیقات کو مجاز بنا سکتی ہے۔

اس نے گذشتہ ماہ روس کے حملے کے بعد یوکرین میں ممکنہ جنگی جرائم سمیت انسانی حقوق کی مبینہ خلاف ورزیوں کی تحقیقات کا اعلان کیا تھا 32 اراکین نے یوکرین کی طرف سے پیش کردہ قرارداد کے حق میں ووٹ دیا تھا روس اوراریٹیریا نے اس کی مخالفت میں ووٹ دیا جبکہ چین سمیت 13ممالک نے رائے شماری میں حصہ نہیں لیا تھا۔

دریں اثناء بوچا کے ڈپٹی میئر نے بتایا کہ روسی فوج کے انخلا کے بعد قریباً 50 لاشیں ایسی ملی ہیں، جنھیں روسی فوجیوں نے ماورائے عدالت ہلاک کیا تھا۔یوکرینی حکام نے بتایا کہ وہ وہاں ممکنہ جنگی جرائم کی تحقیقات کررہے ہیں۔ کریملن نے بوچاشہر میں شہریوں کے قتل عام سے متعلق کسی بھی الزام کی واضح طور پر تردید کی ہے۔

امریکا کا کہنا ہے کہ یوکرین میں جنگی جرائم کا ارتکاب کیا گیا ہے اور امریکی ماہرین اسے ثابت کرنے کے لیے شواہد اکٹھے کر رہے ہیں-

بھارت میں انتہا پسند ہندوؤں کا مسلمان صحافیوں پر حملہ

کیف: روسی حملوں کے باعث يوکرينی دارالحکومت کیف ميں ہلاکتوں کی تعداد 222 ہو گئی۔

باغی ٹی وی : عالمی خبررساں ایجنسی کے مطابق يوکرينی حکام نے بتایا کہ دارالحکومت کيف ميں روس کی جانب سے حملوں میں اب تک 4 بچوں سمیت 222 افراد ہلاک ہو چکے ہيں جن ميں 60 شہری شامل ہيں۔

حکام کے مطابق روسی حملوں کے باعث اب تک زخمی ہونے والوں کی تعداد 889 بنتی ہے ان ميں 241 شہری شامل ہيں۔

دوسری جانب اقوام متحدہ کے اعداد و شمار کے مطابق يوکرين ميں روسی حملے ميں اب تک مجموعی طور پر ہلاک ہونے والوں کی تعداد 780 ہے 1,252 افراد اب تک زخمی بھی ہو ئے ہيں۔

قبل ازیں جمعرات کو امریکی محکمہ دفاع کے ایک اہلکار نے تصدیق کی تھی کہ روسی افواج اپنے توپ خانے کو دارالحکومت کیف کی طرف منتقل کر رہی ہیں اور اس پر بمباری کی تیاری کی جا رہی ہے۔

انہوں نے کہا تھا کہ انٹیلی جنس اندازوں کے مطابق بحیرہ اسود میں جنگی بحری جہاز مشرقی یوکرین کے شہر اوڈیسا کے اطراف میں حملے کی تیاری کر رہے ہیں روسی فوجی قافلے ابھی تک کسی ٹھوس نقل و حرکت کے بغیر پھنسے ہوئے ہیں اور وہ دارالحکومت کیف سے 15 سے 25 کلومیٹر کے فاصلے پر ہیں۔

انہوں نے اس بات پر زور دیا کہ یوکرین کو ملنے والا نیا سامان اسے روسی افواج کا قریبی فاصلے سے مقابلہ کرنے کی سہولت دے گا جیسا کہ خارخیو، کیف اور چرنیف کے آس پاس ہوا تھا۔

نیٹو اور امریکی ہیلی کاپٹروں‌کی مرمت روسی انجینئرز کریں گے:افغان حکومت کااعلان

واضح رہے کہ 24 فروری کو روسی فوجی آپریشن کے آغاز کے بعد سے کیف کے اتحادی یورپی ممالک اور امریکا کی سربراہی میں بالعموم نیٹو ممالک نے یوکرین کو بہت سے دفاعی ہتھیار بھیجے ہیں ان میں سے بہت سے ممالک نے یوکرین کی حکومت اور بے گھر افراد کے لیے بھی مالی امداد مختص کی ہے۔

علاوہ ازیں امریکی صدر جو بائیڈن نے 80 کروڑڈالر کی اضافی حفاظتی امداد مہیا کرنے کی منظوری دینے کا اعلان کیا تھا امریکی صدر نے کہا تھا کہ امریکا اپنے اتحادیوں اور شراکت داروں کے ساتھ مل کر یوکرین کے لیے امدادی سرگرمیوں کی قیادت کررہا ہےاس کے تحت ہم آج بے پایاں سلامتی اور انسانی امداد مہیا کررہے ہیں ہم آنے والے دنوں اورہفتوں میں مزید کام جاری رکھیں گے ہم پابندیوں کی سزا کے ذریعے صدر ولادیمیرپیوٹن کی معیشت کو کمزورکررہے ہیں، یہ پابندیاں وقت کے ساتھ ساتھ مزید تکلیف دہ ثابت ہوں گی-

بائیڈن نے بتایا تھا کہ یوکرین کو 800 طیارہ شکن نظام، 9000 اینٹی آرمرسسٹم، 7000 چھوٹے ہتھیار، دوکروڑ گولیاں،گولہ بارود اور ڈرون مہیا کئے جائیں گے-

امریکہ کا یوکرین کیلئے مزید 80 کروڑ ڈالر،طیارہ شکن ہتھیار،ڈرون اور1 کروڑگولیاں…

یوکرین کے دارالحکومت کیف میں بڑھتی شیلنگ کے سبب 35 گھنٹے کا کرفیو نافذ کرنے کا اعلان کر دیا گیا ہے۔

باغی ٹی وی : غیر ملکی خبر رساں ادارے کے مطابق کیف کے میئر کا کہنا ہے کیف میں آج شام 8 بجے سے جمعرات کی صبح 7 بجے تک کرفیو نافذ رہے گا کرفیو کے دوران شہر میں اسپیشل پرمیشن کے بغیر گھومنے کی اجازت نہیں ہو گی، کیف یوکرین کا دل ہے، اس کا دفاع کریں گے۔

دوسری جانب یوکرین کے دارالحکومت کیف میں رہائشی بلاک پر حملے میں 2 افراد ہلاک ہو گئے یوکرین کی سرکاری ایمرجنسی سروس کا کہنا ہے کہ کیف کے ضلع سویا توشینسکی میں 16 منزلہ رہائشی عمارت پر حملےکے بعد ملبے سے 27 افراد کو ریسکیو کر لیا گیا ہے-

اس سے قبل یوکرینی دارالحکومت کیف کے وسطی علاقے میں 3 دھماکے سنے گئے تھے یوکرین کے ریجن دنیپرو میں روسی راکٹ حملے میں مرکزی سول ایئر پورٹ کا رن وے تباہ ہو گیا تھا گورنر دنیپرو کا کہنا تھا کہ روسی فوج نے رات کو مرکزی سول ایئر پورٹ پر راکٹوں سے حملہ کیا جس سے ایئر پورٹ کا رن وے تباہ ہو گیا اور ٹرمینل کی عمارت کو نقصان پہنچا ہے۔

یوکرین پر حملہ: روسی چینل پر براہ راست خبروں کے دوران خاتون ملازمہ کا انوکھا…

ادھر پولینڈ، جمہوریہ چیک، سلوانیہ کے وزرائے اعظم آج یوکرینی دارالحکومت کیف جائیں گے رپورٹ کے مطابق جمہوریہ چیک، پولینڈ اور سلوانیہ کے وزرائے اعظم یوکرینی دارالحکومت کیف میں یورپی یونین کے رہنماؤں کے نمائندوں کے طور پر صدر وولودومیر زیلنسکی سے ملاقات کریں گے۔

جمہوریہ چیک کے وزیرِ اعظم پیٹر فیالا کا کہنا ہے کہ یوکرین کے دورے کا مقصد یوکرین کی خود مختاری اور آزادی کے لیے یورپی یونین کی حمایت کی تصدیق اور یوکرین کے لیے حمایت کا وسیع پیکیج پیش کرنا ہے۔

دوسری جانب روسی وزارتِ دفاع نے دعویٰ کیا ہے کہ روسی فوج نے یوکرین کے ریجن خیر سون کے تمام علاقے کو اپنے کنٹرول میں لے لیا ہے-

یورپی یونین نے یوکرینی پناہ گزینوں کیلئے دروازے کھول دئیے

کیف: یوکرین اور روس نے شہریوں کے انخلا کے لیے 12 گھنٹوں کی جنگ بندی پر اتفاق کرلیا۔

باغی ٹی وی : تفصیلات کےمطابق یوکرین اورروس نے یوکرین کے 6 شہروں میں 12 گھنٹوں کی جنگ بندی پر اتفاق کرلیا ہے تاکہ شہریوں کےانخلا کی اجازت دی جاسکے سومی، شمال مشرقی یوکرین میں میئر نے کہا ہے کہ لوگ ذاتی کاروں اور بسوں کے ذریعے شہر چھوڑنے میں کامیاب ہوگئے ہیں اینر ہوڈر کے میئر نے کہا کہ زیادہ تر خواتین اور بچوں کے قافلے وہاں سے نکلنے میں کامیاب ہوگئے ہیں۔

روس کی بچوں کے ہسپتال پر بمباری،17 افراد زخمی،یوکرین کا دعویٰ

دوسری جانب یوکرین اور روس کے وزرائے خارجہ نے جمعرات کو ترکی میں مذاکرات کے لیے ملاقات پر اتفاق کرلیا ہے یہ حملہ شروع ہونے کے بعد پہلی بار ہوا ہے اس ملاقات کی تجویز ترکی کے وزیر خارجہ نے دی تھی۔

یو این ایچ سی آر کے ہائی کمشنر فلیپو گرینڈی نے کہا ہے ترجیح یہ ہے کہ سرحدوں پر موجود پناہ گزینوں کی مدد کی جائے، بجائے اس بات پر کے کہ وہ ممالک کے درمیان کیسے تقسیم ہوں گے-

پولینڈ کی یوکرین کو مگ 29 لڑاکا طیارے کی پیشکش،اس طرح تو روس کسی کو بھی نہیں چھوڑے گا:امریکہ

گرینڈی نے مزید کہا یوکرین پر روس کے حملے شروع ہونے کے بعد وہاں سے نکلنے والے پناہ گزینوں کی تعداد غالباً 2.1 سے لے کر 2.2 ملین تک پہنچ چکی ہے۔

واضح رہے کہ روسی فوج نے یوکرین کے مشرقی شہر ماریوپول میں بمباری کی ہے جس کی زد میں میٹرنٹی اسپتال بھی آیا۔ بمباری کے نتیجے میں معصوم بچے ملبے تلے دبے ہوئے ہیں جب کہ 3 ہزار سے زائد بچے بغیر خوراک اور ادویات متاثرہ علاقوں میں محصور ہوکر رہ گئے ہیں۔

امریکہ نے روس کے خلاف اقتصادی جنگ کا اعلان کیا ہے،ترجمان پیوٹن

کیف: یوکرین میں مقیم گری کمار پاٹل ڈونباس نامی بھارتی ڈاکٹر نے اپنے پالتو جانوروں کے بغیر ملک چھوڑنے سے صاف انکار کردیا ہے۔

باغی ٹی وی : غیرملکی خبررساں ادارے کی رپورٹ کے مطابق بھارت کی ریاست آندھرا پردیش سے تعلق رکھنے والا شہری گری کمار 15 سال قبل طب کی اعلیٰ تعلیم حاصل کرنے یوکرین گیا جہاں اس نے پڑھائی مکمل کی اور یوکرینی ریجن ڈون باس میں رہائش اختیار کرتے ہوئے بحیثیت ڈاکٹر اپنی خدمات فراہم کرنے لگا۔

رپورٹ میں بتایا گیا کہ روس کے یوکرین پر چڑھائی کے بعد عوام کو جنگی صورت حال کا سامنا ہے اور ہر کوئی اپنی جان بچانے کے لیے ملک سے انخلا کررہا ہے لیکن بھارتی ڈاکٹر نے اپنے پالتو جانوروں بلیک پینتھر اور جیگوار (جنگلی بلیاں) کے بغیر بھارت واپس جانے سے صاف انکار کردیا۔

گری کمار کا کہنا ہے کہ میں اپنی جان بچانے کے لیے پینتھر اور جیگوار کو کسی صورت چھوڑنے کے لیے تیار نہیں ہوں کیوں کہ یہ میرے بچے ہیں، میں آخری سانس تک ان کے ساتھ رہ کر حفاظت کروں گا۔

بھارتی ڈاکٹر نے بتایا کہ میرے والدین مجھے بھارت واپس بلا رہے ہیں لیکں میں نے انہیں صاف منع کردیا ہے، جیگوار ایک چڑیا گھر میں بیمار پڑا تھا جہاں سے میں نے اسے بچوں کی طرح گود لیا ڈاکٹر پاٹل نے جانور کا نام یاشا رکھا ہےاور پھر ساتھی کے طور پر بلیک پینتھر جس کا نام سبرینا ہے کا انتخاب کیا، جنگ کی وجہ سے آج کل اپنے جانوروں کے ساتھ بیسمنٹ میں رہ رہا ہوں۔

بی بی سی نے رپورٹ کیا کہ جنگ شروع ہونے کے بعد، مسٹر پاٹل صرف اپنی بلیوں کے لیے کھانا خریدنے کے لیے اپنے تہہ خانے سے باہر نکل رہے ہیں۔ بی بی سی کی رپورٹ میں مزید کہا گیا ہے کہ نر جیگوار کی عمر 20 ماہ ہے اور مادہ پینتھر چھ ماہ کا بچہ ہے۔

40 سالہ نوجوان نے بی بی سی کو بتایا کہ میری بڑی بلیاں میرے ساتھ تہہ خانے میں راتیں گزار رہی ہیں۔ ہمارے اردگرد بہت زیادہ بمباری ہو رہی ہے۔ بلیاں خوفزدہ ہیں، وہ کم کھا رہی ہیں۔ میں انہیں چھوڑ نہیں سکتا۔

ڈاکٹر پاٹل کے پاس تین کتے بھی ہیں – اطالوی ماسٹف – اور وہ اپنے یوٹیوب چینل کے ذریعے ان کے لیے فنڈ اکٹھا کرنے کی کوشش کرتے ہیں، جس کے 84,000 سے زیادہ سبسکرائبر ہیں۔

ڈاکٹر پاٹل کا تعلق آندھرا پردیش کے مغربی گوداوری ضلع کے تنکو سے ہے۔ اسے امید ہے کہ بھارتی حکومت اسے اپنے تمام پالتو جانوروں کو گھر لے جانے کی اجازت دے گی۔ پچھلے ہفتے، ہندوستانی طالب علم رشبھ کوشک – جو دہرادون کا رہائشی ہے – مرکزی حکومت کے آپریشن گنگا کے ایک حصے کے طور پر اپنے بچائے گئے پالتو جانور "مالیبو” کے ساتھ انڈیا واپس گیا-