Tag: کینیڈا

امریکا اور کینیڈا کے درمیان تجارتی مذاکرات ناکام ہوگئے، جس کے بعد کینیڈا نے امریکا کے ساتھ تجارتی مذاکرات ختم کرنے کا اعلان کردیا۔

برطانوی خبر رساں ادارے رائٹرز کے مطابق کینیڈا نے امریکی اشیا پر 50 فیصد جوابی ٹیرف عائد کرنے کا اعلان کرتے ہوئے کہا ہے کہ امریکا کے نئے محصو لات کے جواب میں اسی شرح سے اقدامات کیے جائیں گے،کینیڈین وزیراعظم مارک کارنی نے کہا کہ امریکا کی جانب سے عائد کیے گئے محصولات کا ’’ایک ایک ڈالر کا حساب‘‘ لیا جائے گا تجارت کے معاملے پر امریکا کے ساتھ ’’حالت جنگ‘‘ میں ہیں۔

کینیڈین وزیراعظم نے کہا کہ مذاکرات کے آخری مرحلے میں امریکا کی جانب سے شرائط تبدیل کرنا غیر منصفانہ اور ناقابل قبول ہے امریکا نے بہت زیادہ مطالبات کیے اور بدلے میں بہت کم پیشکش کی،امریکا کے نئے محصولات کینیڈا کو نقصان پہنچانے کے لیے ہیں، تاہم کینیڈا اپنے قومی مفادات اور ملکی معیشت کے تحفظ کے لیے ضروری اقدامات جاری رکھے گا۔

کینیڈین وزیراعظم کے مطابق امریکی نئے محصولات میں شراب، فرنیچر، ڈیری مصنوعات، سیمنٹ، کپڑے، فشنگ راڈز اور ہاکی کا سامان سمیت تقریباً 20 ارب ڈالر مالیت کی کینیڈین برآمدات متاثر ہوں گی،کینیڈا کی جانب سے امریکی اسٹیل، ڈیری مصنوعات، گھریلو آلات، زرعی سامان، پلپ اینڈ پیپر اور الیکٹر انکس سمیت دیگر مصنوعات پر بھی جوابی ٹیرف عائد کیا جائے گا۔

مارک کارنی نے کہا کہ کینیڈا آئندہ ہفتے ان صنعتوں کے لیے امدادی اقدامات کا اعلان کرے گا جو نئے امریکی محصولات سے متاثر ہوں گی، جبکہ یہ امداد کئی سال تک جاری رہ سکتی ہے امریکا کی نئی شرائط میں کینیڈا کی نئے تجارتی معاہدے کرنے کی صلاحیت محدود کرنے کی تجاویز بھی شامل تھیں بڑی گاڑیوں کے معاملے پر بھی دونوں ممالک کے درمیان اختلاف برقرار رہا، جس میں کینیڈا نے درمیانے اور بھاری ٹرکوں کے لیے بھی سازگار ٹیرف شرائط کا مطا لبہ کیا تھا۔

امریکی تجارتی نمائندے جیمیسن گریئر نے مذاکرات کی ناکامی کو کینیڈا کے لیے امریکا کے ساتھ شراکت داری کا ایک ضائع ہونے والا موقع قرار دیا، انہوں نے کہا کہ کینیڈا کی جانب سے جوابی اقدامات کے بعد امریکا بھی ان کے جواب میں اقدامات کرے گا۔

کینیڈین چیمبر آف کامرس کی چیف ایگزیکٹو کینڈیس لائنگ نے کہا کہ کینیڈا کو مشکل صورتِ حال کا سامنا ہے اور کاروباری اداروں کو اس کے اثرات سے نمٹنے کے لیے تیار کیا جائے گا،اونٹاریو کے وزیراعلیٰ ڈگ فورڈ نے مارک کارنی کے جوابی ٹیرف کے فیصلے کی حمایت کرتے ہوئے کہا کہ وہ خوش ہیں کہ وزیراعظم نے معاہدے پر دستخط نہیں کیے، کیونکہ ان کے بقول یہ اونٹاریو، گاڑیوں، اسٹیل اور مینوفیکچرنگ کے شعبوں کے لیے برا معاہدہ تھا۔

اپوزیشن جماعت کنزرویٹو پارٹی کے رہنما پیئر پوئیلیور نے کہا کہ کینیڈین عوام کو ملک کے خلاف ان ’’غیر منصفانہ حملوں‘‘ سے روزگار اور کاروبار کے تحفظ کے لیے متحد رہنا چاہیے،کینیڈا اپنے قومی مفادات اور ملکی معیشت کے تحفظ کے لیے ضروری اقدامات جاری رکھے گا۔

امریکی صدر ڈونلڈ ٹرمپ نے کینیڈا کی مخصوص مصنوعات پر آدھی رات سے لاگو ہونے والے 50 فیصد اضافی ٹیرف کو 3 روز کے لیے معطل کرتے ہوئے اوٹاوا کے ساتھ تجارتی معاہدہ طے پانے کا اعلان کر دیا ہے۔

یہ پیشرفت کینیڈین وزیراعظم مارک کارنی اور امریکی صدر کے درمیان ہونے والے اہم مذاکرات کے بعد سامنے آئی، جس کے تحت فی الوقت 20 ارب ڈالر کا دوطرفہ تجارت متاثر ہونے سے بچ گیا ہے،امریکی صدر ڈونلڈ ٹرمپ نے سماجی رابطے کی سائٹ ‘ٹروتھ سوشل’ پر جاری ایک پیغام میں تصدیق کی کہ دستاویزات کو حتمی شکل دینے کی شرط پر دونوں ممالک کے درمیان ‘ڈیل’ طے پا گئی ہے،ٹرمپ نے اپنے بیان میں یہ اشارہ بھی دیا کہ کینیڈا اور امریکا کے درمیان متنازع ’کی اسٹون ایکس ایل‘ پائپ لائن منصوبے کو دوبارہ فعال کیا جا سکتا ہے۔

اس سے قبل امریکی انتظامیہ نے کینیڈا پر موٹر گاڑیوں، الکحل اور ڈیری انڈسٹری میں امریکی تجارت کے ساتھ امتیازی سلوک کا الزام عائد کرتے ہوئے ہاکی اسٹکس، وائن اور دیگر مصنوعات پر 50 فیصد ٹیرف عائد کرنے کا اعلان کیا تھا،یہ تجارتی پابندیاں ٹیرف ایکٹ 1930 کی شق 338 کے تحت لگائی جا رہی تھیں، جو کہ کسادِ بازاری کے دور کا ایک شاذ و نادر استعمال ہونے والا قانون ہے۔

واضح رہے کہ صدر ٹرمپ نے اپنے پہلے دورِ حکومت میں اس منصوبے کی منظوری دی تھی، تاہم بعد میں سابق امریکی صدر جو بائیڈن نے 2021 میں اس کے پرمٹ منسوخ کر دیے تھے۔

امریکی دفتر برائے تجارتی نمائندہ (یو ایس ٹی آر) کے مطابق 50 فیصد ٹیرف سے تقریباً 20 ارب ڈالر کا کینیڈین برآمداتی حجم متاثر ہونا تھا، جو کہ دونوں ممالک کے درمیان سالانہ 382 ارب ڈالر کی مجموعی تجارت کا چھوٹا حصہ ہونے کے باوجود چھوٹے تاجروں کے لیے تباہ کن ثابت ہو سکتا تھا۔

کینیڈین فیڈریشن آف انڈیپنڈنٹ بزنس کے صدر ڈین کیلی نے خبردار کیا تھا کہ اتنی بھاری شرح سے کینیڈا کی امریکا کو ہونے والی فروخت مکمل طور پر معطل ہو سکتی تھی۔

امریکی چیمبر آف کامرس نے بھی ٹیرف میں اضافے پر تشویش کا اظہار کرتے ہوئے کہا تھا کہ ایسے اقدامات سے سپلائی چین متاثر ہوگی، قیمتیں بڑھیں گی اور ‘یو ایس ایم سی اے’ کے تحت قائم 13 ملین امریکی ملازمتیں خطرے میں پڑیں گی۔

واضح رہے کہ ٹرمپ انتظامیہ اس سے قبل اسٹیل، ایلومینیم، لکڑی اور آٹو پارٹس پر بھی ٹیرف عائد کر چکی ہے، جبکہ ’یو ایس ایم سی اے‘ تجارتی معاہدے کی تجدید نہ کرنے کا اشارہ دے کر خطے کی اقتصادی پالیسیوں میں غیر یقینی صورتحال پیدا کر چکی ہے۔

کینیڈا میں فائرنگ سے 2 افراد ہلاک ہوگئے، یہ واقعہ دوپہر کے وقت پیش آیا جب علاقے میں مسلح شخص کی موجودگی کی اطلاع ملی اطلاع ملتے ہی پولیس کی بھاری نفری موقع پر پہنچی مشتبہ شخص اور اہلکاروں کے درمیان شدید فائرنگ کا تبادلہ ہوا، ایک شہری بھی ہلاک ہوا۔

غیر ملکی میڈیا کے مطابق کینیڈا کے شہر مانٹریال میں فائرنگ کا افسوسناک واقعہ پیش آیا جس کے نتیجے میں 2 افراد ہلاک اور ایک شخص زخمی ہوگیا،پولیس کی جوابی کارروائی میں مشتبہ حملہ آور بھی مارا گیا،ہلاک ہونے والوں میں ایک 34 سالہ پولیس اہلکار بھی شامل ہے 2021 سے فورس میں اپنی خدمات انجام دے رہا تھا جب کہ شہری کی شناخت مائیکل میزراہی کے نام سے ہوئی ہے فائرنگ کا واقعہ یہودی بستی میں پیش آیا، تاہم تاحال اس بات کے شواہد نہیں ملے کہ حملہ مذہبی بنیادوں پر کیا گیا تھا یا کسی مخصوص کمیونٹی کو نشانہ بنایا گیا تھا۔

حکام نے شہریوں سے اپیل کی ہے کہ غیر مصدقہ اطلاعات اور افواہوں سے گریز کریں کیونکہ حملے کے محرک کا تعین ابھی نہیں ہو سکا مونٹریال پولیس کے مطابق حملہ آور کی شناخت، اس کے پس منظر، اسلحے کے ذرائع اور حملے کے مقصد سمیت تمام پہلوؤں کی تفتیش جاری ہےجیسے ہی مزید مصدقہ معلومات دستیاب ہوں گی، انہیں عوام کے ساتھ شیئر کیا جائے گا۔

کینیڈا کے صوبہ کیوبیک کے ایک چھوٹے سے قصبے نے درختوں کو باقاعدہ طور پر زندہ مخلوق تسلیم کرتے ہوئے انہیں بنیادی حقوق دینے کا تاریخی فیصلہ کرلیا ہے۔

کینیڈا کے صوبہ کیوبیک کے قصبے ٹیراس-ووڈروئل (Terrasse-Vaudreuil) نے 9 جون 2026 کو ایک تاریخی قرارداد منظور کی ہے، جس کے تحت درختوں کو باقاعدہ طور پر زندہ مخلوق تسلیم کرتے ہوئے انہیں اپنے بنیادی حقوق دیئے گئے ہیں،اس چھوٹے سے قصبے نے بین الاقوامی ماحولیاتی مہم "یونیورسل ڈیکلریشن آف دی رائٹس آف دی ٹری” (Universal Declaration of the Rights of the Tree) کی باقاعدہ توثیق کی ہے کیوبیک اور کینیڈا میں اس طرح کا اعلان کرنے والا یہ پہلا قصبہ ہے-

قصبے Terrasse-Vaudreuil کی میونسپل کونسل نے ایک قرارداد منظور کی ہے جس کے تحت درختوں کے ’حقِ زندگی، قدرتی نشوونما، جسمانی سالمیت اور دوبارہ افزائش‘ کو تسلیم کیا گیا ہے، اس اقدام کے ساتھ یہ کینیڈا کی پہلی بلدیہ بن گئی ہے جس نے درختوں کے حقوق کے عالمی اعلامیے کی حمایت بھی کی ہے،قرارداد کے بعد مقامی انتظامیہ درختوں کے تحفظ سے متعلق اپنے قواعد و ضوابط کا ازسرنو جائزہ لے گی اور اگر کسی درخت کو کاٹنا ناگزیر ہوا تو اس کے متبادل شجرکاری کو یقینی بنایا جائے گا۔

اس تاریخی دستاویز میں واضح کیا گیا ہے کہ انسانوں کو بقائے باہمی اور یکجہتی کے اصولوں کے تحت درختوں کی حفاظت کرنی چاہیے کیونکہ کرہ ارض پر زندگی کا انصار انہی پر ہے، اس اقدام کی تحریک کیوبیک کے فلمساز آندرے ڈیسروچرز (Andre Desrochers) کی دستاویزی فلم سے حاصل کی گئی،اس عالمی پٹیشن پر اب تک دنیا بھر سے 87,000 سے زائد دستخط ہو چکے ہیں،یہ فیصلہ ماحولیاتی تحفظ اور قدرتی حقوق (Rights of Nature) کے عالمی قانونی تحریک کا ایک نمایاں حصہ بن چکا ہے۔

میئر مشیل بوردو کے مطابق درخت انسانی زندگی، ماحولیاتی تحفظ، فضائی آلودگی میں کمی، پانی کے بہتر انتظام اور حیاتیاتی تنوع کے لیے ناگزیر ہیں، اس لیے ان کے تحفظ کو قانونی اور انتظامی سطح پر مزید مضبوط بنایا جائے گا،ماحولیاتی ماہرین نے اس فیصلے کو فطرت کے حقوق کے عالمی تصور کی جانب ایک اہم پیشرفت قرار دیا ہے۔

کینیڈا کے مسسگا شہر میں ایک اہم عوامی مقام کو خدمات کے اعتراف میں معروف سماجی رہنما ہارون خان کے نام سے منسوب کر دیا گیا ہے۔

کینیڈا کے شہر مسسگا کی سٹی کونسل نے اپنے 5 نومبر کے اجلاس میں فیصلہ کیا تھا کہ ٹلز ڈاؤن پارک سے گزرنے والی کثیر المقاصد پگڈنڈی کو ‘ہارون خان ٹریل’ کا نام دیا جائے یہ اعزاز ہارون خان کی 4 دہائیوں پر محیط انسان دوست خدمات کے اعتراف میں دیا گیا ہے۔

ہارون خان نے پاکستان، بنگلہ دیش، بوسنیا اور صومالیہ سمیت مختلف ممالک میں فلاحی سرگرمیوں میں نمایاں کردار ادا کیا، جبکہ انہوں نے پسماندہ بچوں کے لیے تعلیمی ادارے بھی قائم کیے وہ مقامی سطح پر بھی مختلف تنظیموں کے ساتھ رضاکارانہ خدمات انجام دیتے رہے ہیں تقریب کے دوران پارک میں باضابطہ طور پر نئے نام کی تختی نصب کی گئی۔ اس موقع پر شہر کی میئر کیرولین پیرش، مقامی کونسلرز اور پولیس حکام نے شرکت کی اور ہارون خان کی خدمات کو خراج تحسین پیش کیا۔

واضح رہے کہ ہارون خان کو ماضی میں متعدد اعزازات سے بھی نوازا جا چکا ہے جن میں کینیڈا کی 125ویں سالگرہ کی یادگاری تختی اور اونٹاریو والنٹیئر سروس ایوارڈ شامل ہیں۔

کینیڈا کے شہر ٹورنٹو میں امریکی قونصل خانے پر فائرنگ کی گئی ہے جسے دہشت گردی کا واقعہ قرار دیا جا رہا ہے۔

غیر ملکی میڈیا کے مطابق فائرنگ کا واقعہ ٹورنٹو کے ڈاؤن ٹاؤن علاقے میں واقع امریکی قونصل خانے کے باہر علی الصبح پیش آیا پولیس کو اطلاع ملنے پر اہلکار فوری طور پر موقع پر پہنچے تو عمارت کے باہر گولیوں کے خول اور فائرنگ کے شواہد ملے۔

ابتدائی تفتیش کے مطابق دو نامعلوم افراد ایک سفید گاڑی میں آئے اور گاڑی سے نکل کر قونصل خانے کی عمارت پر متعدد گولیاں چلائیں اور پھر فرار ہو گئے،فائرنگ سے عمارت کے دروازے اور شیشے کو جزوی نقصان پہنچا تاہم کسی شخص کے زخمی ہونے کی اطلاع نہیں ملی۔

دبئی میں معاشی و سیکیورٹی بحران: مالی مشکلات اور غیر یقینی صورتحال نے جانوروں کی دیکھ بھال کو مشکل بنا دیا

کینیڈین پولیس اور رائل کینیڈین ماؤنٹڈ پولیس اس واقعے کو قومی سلامتی کے زاویے سے دیکھتے ہوئے مشترکہ تحقیقات کر رہی ہیں تفتیشی حکام نے حملے میں ملوث مشتبہ گاڑی کی تصویر بھی جاری کر دی ہے اور عوام سے معلومات فراہم کرنے کی اپیل کی ہے، واقعے کے بعد ٹورنٹو اور اوٹاوا میں امریکی اور اسرائیلی سفارتی عمارتوں کے اطراف سیکیورٹی مزید سخت کر دی گئی ہے۔

سعودی عرب اور یو اے ای سے ہمیں پیٹرول کی ترسیل میں مدد مل رہی ہے،علی پرویز ملک

وزارت خارجہ کے ترجمان نے بھارت اور کینیڈا کے درمیان یورینیم کی طویل المدتی فراہمی کے معاہدے اور جوہری ری ایکٹروں کی جدید ٹیکنالوجی میں ممکنہ تعاون پر تشویش کا اظہار کیا ہے۔

ترجمان کے مطابق یہ انتظام سول جوہری شعبے میں ایک ملک کے لیے متعصبانہ استثنیٰ کی مثال ہے بھارت نے 1974 میں جوہری تجربہ اس پلوٹونیم سے کیا تھا جو کینیڈا نے پرامن مقاصد کے لیے فراہم کیا تھا، اور یہ تجربہ جوہری فراہم کنندگان کے گروپ کے قیام کا سبب بنا تھا اب وہی ریاست تر جیحی رسائی حاصل کر رہی ہے۔

وزارت خارجہ نے بتایا کہ بھارت نے اپنی تمام سول جوہری تنصیبات کو بین الاقوامی جوہری توانائی ایجنسی کے حفاظتی نظام کے تحت نہیں رکھا اور نہ ہی ایسا کرنے کا پابند عہد کیا ہے، متعدد تنصیبات اب بھی بین الاقوامی معائنہ کے دائرۂ کار سے باہر ہیں ساتھ ہی یہ بھی واضح نہیں کہ اس معاہدے کے ساتھ جوہری عدم پھیلاؤ کی کوئی ضمانت منسلک ہے یا نہیں۔

اکاؤنٹ آفس قصور میں لوگوں کو سخت ترین مشکلات کا سامنا ،نوٹس کی اپیل

ترجمان نے کہا کہ اس انتظام کے تزویراتی مضمرات بھی تشویش ناک ہیں، کیونکہ بیرونی ذرائع سے یورینیم کی دستیابی بھارت کے داخلی ذخائر کو عسکری مقاصد کے لیے دستیاب بنا سکتی ہے، جس کے نتیجے میں قابل انشطار مواد میں اضافہ، جوہری ہتھیاروں کے ذخائر میں تیزی سے توسیع، اور جنوبی ایشیا میں پہلے سے موجود تزویراتی عدم توازن میں مزید اضافہ ہو سکتا ہے۔

ہم افغان طالبان کے ساتھ تعمیری انگیجمنٹ چاہتے ہیں،پاکستان

پاکستان نے دوہرایا کہ سول جوہری تعاون کو غیر امتیازی اور معیاری طریقہ کار کے تحت ہونا چاہیے، جو ان تمام ریاستوں پر یکساں طور پر نافذ ہو جو جوہری عدم پھیلاؤ کے معاہدے کی فریق نہیں ہیں،متعصبانہ استثنائی انتظامات عالمی عدم پھیلاؤ کے نظام کی ساکھ کو مجروح کرتے ہیں اور خطے میں مزید عدم استحکام کا خطرہ پیدا کر سکتے ہیں۔

آذربائیجان کے نخچیوان ائیرپورٹ پر ایرانی ڈرون حملہ، 2 افراد زخمی

کینیڈا کے قصبے ٹمبلر رج میں منگل کے روز ایک سیکنڈری اسکول میں فائرنگ کا واقعہ پیش آیا ہے جس میں حملہ آور خاتون سمیت کم از کم 10 افراد ہلاک جبکہ 25 افراد زخمی ہوئے جنہیں طبی امداد دی جا رہی ہے۔

یہ واقعہ 10 فروری کی دوپہر کو واقعہ ایک اسکول اور گھر میں پیش آیا مقامی پولیس کو اسکول میں ایک مسلح شخص کی موجودگی کی اطلاع ملی اطلاع ملتے ہی علاقے میں ہنگامی صورتحال نافذ کر دی گئی اور لوگوں کو اپنے گھروں میں رہنے کی ہدایت جاری کی گئی۔

پولیس کا کہنا ہے کہ اسکول کے اندر سے چھ افراد کی لاشیں ملی ہیں جبکہ زخمیوں میں سے دو کی حالت تشویش ناک ہے جنہیں ہیلی کاپٹر کے ذریعے اسپتال منتقل کیا گیا ایک زخمی اسپتال لے جاتے ہوئے راستے میں ہی دم توڑ گیا اور دو مزید افراد رہائش گاہ سے برآمد ہوئے-

پولیس کو تفتیش کے دوران اسکول سے باہر ایک رہائشی مکان سے بھی دو لاشیں ملی ہیں جن کے بارے میں خیال کیا جا رہا ہے کہ ان کا تعلق بھی اسی واقعے سے ہےجہاں تک حملہ آور کا تعلق ہے تو پولیس نے بتایا کہ مشتبہ حملہ آور ایک خاتون تھی جس نے فائرنگ کے بعد بظاہر خود کو گولی مار کر اپنی زندگی کا خاتمہ کر لیا تفتیشی افسران اب اس بات کا جائزہ لے رہے ہیں کہ آیا اس کارروائی میں کوئی دوسرا شخص بھی شامل تھا یا نہیں۔

اس واقعے کے بعد پورے علاقے میں خوف و ہراس پھیل گیا اور موبائل فونز پر ہنگامی پیغامات بھیجے گئے تاکہ شہری گھروں سے باہر نہ نکلیں مقامی انتظا میہ اور پولیس کے اعلیٰ حکام کا کہنا ہے کہ یہ ایک انتہائی مشکل اور جذباتی دن ہے اور وہ متاثرہ خاندانوں کے غم میں برابر کے شریک ہیں قصبے کی سیکیو رٹی سخت کر دی گئی ہے اور قریبی علاقوں سے بھی اضافی پولیس نفری بلا لی گئی ہے تاکہ اسکول اور دیگر مقامات کی مکمل تلاشی لی جا سکے۔

بھارتی منظم جرائم پیشہ گروہ کینیڈا سمیت دنیا کے مختلف ممالک میں عوام کے جان و مال کے لیے سنگین خطرہ بنتے جا رہے ہیں۔

آسٹریلوی جریدے اسپیکٹیٹر آسٹریلیا کی ایک تازہ رپورٹ میں انکشاف کیا گیا ہے کہ کینیڈا، امریکا اور آسٹریلیا جیسے ترقی یافتہ ممالک میں بھارتی جرائم پیشہ نیٹ ورکس بھتہ خوری، بلیک میلنگ اور منظم جرائم میں ملوث پائے گئے ہیں ان گروہوں کی سرگرمیوں کے باعث مقامی کمیونٹیز میں خوف اور عدم تحفظ کی فضا پیدا ہو چکی ہے۔

اسپیکٹیٹر آسٹریلیا کے مطابق کینیڈا کے شہر سرے میں رواں سال جنوری سے اب تک بھارتی جرائم پیشہ گروہوں کی جانب سے بھتہ خوری کے 35 واقعات رپورٹ ہو چکے ہیں، جبکہ صوبہ اونٹاریو میں گزشتہ تین برسوں کے دوران 1500 سے زائد بلیک میلنگ کیسز سامنے آ چکے ہیں، کینیڈا میں سرگرم بدنام زمانہ بھارتی بشنوئی گروہ منظم جرائم اور بھتہ خوری میں ملوث ہے بعض سکھ تنظیموں نے الزام عائد کیا ہے کہ یہ گروہ بھارتی حکومت کی ایما پر کینیڈا میں خالصتان حامی کارکنوں کو نشانہ بنا رہا ہے۔

کینیڈین صحافیوں کے مطابق رائل کینیڈین ماؤنٹڈ پولیس کی رپورٹس میں بھی متعدد بار یہ انکشاف کیا گیا ہے کہ بھارتی حکومت اپنے مفادات کے لیے ان جرائم پیشہ گروہوں کو استعمال کر رہی ہے۔

عالمی ماہرین کا کہنا ہے کہ بیرونِ ممالک کی خودمختاری کو نظرانداز کرتے ہوئے جرائم پیشہ نیٹ ورکس کا استعمال بھارت کے لیے عالمی سطح پر شرمندگی کا باعث بن رہا ہے بھارتی شہریوں کے جرائم میں ملوث ہونے کے بڑھتے واقعات میزبان ممالک کے لیے ایک سنجیدہ سیکیورٹی چیلنج بن چکے ہیں۔