تنظیم اساتذہ پاکستان خیبر پختونخوا کا مانسہرہ میں تین روزہ صوبائی اجلاس اختتام پذیر ہوا ۔اجلاس کی صدارت صوبائی صدر ڈاکٹر محمد ناصر نے کی ۔
جبکہ مرکزی ذمہ داران مصباح الاسلام اور فیاض احمد کاکاخیل نے بھی اجلاس میں شرکت کی ۔
اجلاس میں صوبہ بھر کے 30 اضلاع کے صدور اور سیکرٹریوں نے شرکت کی اور اپنی اضلاع کی ششماہی کارکردگی رپورٹس پیش کی ۔ فیاض کاکا خیل نے اجلاس میں قراردادیں پیش کی جس میں ملک میں یکساں نظام تعلیم کا نفاذ ، اُردو زریعہ تعلیم , اساتذہ اپگریڈیشن ، چار درجاتی فارمولے کا اطلاق اور ملک میں تعلیم و تحقیق کے لیے سہولیات کی فراہمی کی قراردادیں شامل تھیں۔ فورم نے متفقہ طور پر تمام قراردادیں منظور کیں ۔
مرکزی سیکرٹری فنانس تنظیم اساتذہ مصباح الاسلام نے اجلاس کے اختتام پر ھدایات دیتے ہوئے کہا کہ تنظیم اساتذہ پاکستان عطیہ خداوندی ہے۔ صوبائی نظم اور منتظمین ضلع مانسہرہ کو اس سہ روزہ کامیاب اجلاس کے انعقاد پر مبارکباد پیش کرتے ہیں ۔انہوں نے کہا کہ صدور اضلاع و زمہ داران اضلاع اپنی ذات پر، اپنے گھروں میں بچوں پر اور سکولوں میں طلباء کے تربیت پر خصوصی توجہ دیں
اس ششماہی میں جو کام وہ نہ کرسکے اگلی ششماہی میں پورا کرنے کی کوشش کریں ۔ سکولوں میں غریب ، نادار اور یتیم طلباء کی تعلیمی کفالت کریں اور پاکستان کی دل و جان سے خدمت کریں ۔ اجلاس کے آخر میں سویڈن میں قرآن پاک کی بے حرمتی کے خلاف احتجاجی مظاہرہ بھی کیا گیا اور حکومت پاکستان سے مطالبہ کیا گیا کہ سویڈن کے سفیر کو ملک بدر کیا جائے،
Tag: کے پی کے
-
مانسہرہ میں تین روزہ تنظیم اساتذہ پاکستان خیبر پختونخوا کا اجلاس
-
تعلیم اور صحت اولین تر جیح ہے ،گورنر کے پی کے
گورنر خبیر پختونخواہ حاجی غلام علی نے ایم ایم سی میں زخمی ڈی ایس پی فاروق زمان کی عیادت کے لئے مردان کا دورہ کیا،ڈی ایس پی گزشتہ شب شرپسندوں کی فاِئرنگ سے زخمی ہوئیں تھے،انگران صوبائی وزیر فضل الہی اور چیمبر کے صدر ظاہر شاہ بھی گورنر کے ہمراہ تھے گورنر غلام علی نے ہسپتال انتظامیہ کو ڈی ایس پی کے بہترین علاج کی ہدایت کرتے ہوئے کہا کہ ڈی ایس پی نے قوم کی خاطر سینے پر گولی کھائیں،ان کا بہترین علاج کیا جائے،گورنر کے پی کے نےایم ایم سی مردان میں میں جلد کیتھ لیب نصب کرنے کا ارادہ ظاہر کیا، انہوں نے کہا کہ تعلیم اور صحت اولین ترجیح ہے،ان کی شعبوں کی ضروریات پوری کرینگے،گورنر غلام علی نے کہا کہ ہم نالیوں گلیوں کی بجائے تعلیم اور صحت پر توجہ دے رہے ہیں اور صوبے میں امن و امان کی صورتحال پہلے سے بہتر ہے،انہوں نے کہا کہ دوسروں پر زمہ داری ڈالنے کی بجائے اپنی زمہ داریاں نبھائیں گئے، گورنر کے پی کے نے کہا کہ پولیس فورس ہمارے ماتھے کا جھومر ہے،پولیس قوم کی خاطر جانیں نچھاور کررہی ہے،اور پورے قوم کو متحد ہوکر ملک اور صوبے کو دہشگردی کے ناسور سے پاک کرنا ہوگا،غلام علی نے کہا کہ الیکشن کے حوالے سے میرے موقف کو سب نے تسلیم کیا،اب ایک دن پورے ملک میں الیکشن ہونگے،
-
پشاور،بچے کو جنسی زیادتی کا نشانہ بنانے والا ملزم گرفتار
پشاور میں بچے کے ساتھ جنسی ذیادتی کرنے والا ملزم گرفتار کر لیا گیا،پشاور تھانہ بھانہ ماڑی کی حدود ملک احمد گڑھی میں ایک بچے کے والد نے پولیس کو جنسی تشدد کی رپورٹ دی جس پر ملزم کے خلاف مقدمہ درج کیا گیا،
ایس پی سٹی عبدالسلام خالد نے واقعہ کا سختی سے نوٹس لیتے ہوئے ڈی پی او سبرب مختیار خان اور ایس ایچ او تھانہ بھانہ ماڑی مدثر حیات کو فوری طور ملزم کو گرفتار کرنے کا ٹاسک حوالہ کیا،
ایس ایچ او تھانہ بھانہ ماڑی مدثر حیات نے دیگر نفری پولیس کے ہمراہ فوری کاروائی کرتے ہوئے ملزم علی ولد شہنشاہ کو گرفتار کرلیا،
جس سے مزید تفتیش جاری ہے، -
مردان کاٹلنگ چوکی پر نامعلوم دہشتگردوں کی فائرنگ ،ڈی ایس پی زخمی
مردان کاٹلنگ چوکی غنڈو پر نامعلوم ملزمان کی فائرنگ سے ڈی ایس پی کاٹلنگ فاروق زمان شدید زخمی ہو گئے، ڈی ایس پی کاٹلنگ فاروق زمان خان روٹین گشت پر تھے کے اس دوران نامعلوم دہشتگردوں نے فائرنگ کی۔
زخمی ڈی ایس پی فاروق زمان خان کو ایم ایم سی ہسپتال منتقل کر دیا گیا ،جہاں انکو طبی امداد دی جا رہی ہےمردان پولیس آر آر ایف،آر آر یو ودیگر پولیس نفری جائے وقوعہ پہنچ گئے، -
پشاور،جرگے کے دوران فائرنگ کر کے 4 افراد کو قتل کرنے والے ملزم گرفتار
تھانہ رحمان بابا کی حدود میں پیش آنے والا واقعہ میں ملوث ملزمان کو گرفتار کر لیا گیا ہےایس پی صدر ڈویژن ملک حبیب کی سربراہی میں ڈی ایس پی صدر محمد علی اور ایس ایچ او تھانہ رحمان بابا یوسف شاہ کی فوری کاروائی کے نتیجے میں ملوث ملزمان کو در لیا گیا، واضح رہے کہ ہزار خوانی کے علاقہ غفور آباد میں جرگہ کے دوران فائرنگ کرکے چار افراد کو قتل کرنے اور دو کو زخمی کرنے کا واقعہ گزشتہ رات سامنے آیا تھا ، پولیس کے مطابق گرفتار ملزمان میں زرعلی ولد عبدلقیوم اور فریداللہ ولد عبدلغفور ساکنان غفوراباد دیر کالونی شامل ہیں ملزمان کے قبضے سے اسلحہ بھی برآمد کر لیا گیا ہے جن سے مزید تفتیش جاری ہے
-
پاڑا چنار میں زمین کے تنازعے پر فائرنگ میں 6 افراد جاں بحق،29 زخمی
خیبر پختونخوا کے ضلع پاراچنار میں زمین کے تنازع پر فائرنگ و گولا باری کے نتیجے میں چھ افراد جاں بحق اور انتیس زخمی ہوگئے۔زمین پر تنازع کے نتیجے میں تصادم پارا چنار کے علاقے اپرکرم شاملاتی میں ہوا۔ فائرنگ اور گولہ باری سے علاقہ لرز اٹھا اور لوگوں میں خوف و ہراس پھیل گیا۔ آج نیوز کے مطابق تصادم کے بعد علاقے میں فائرنگ کا سلسلہ وقفے وقفے سے جاری ہے۔ قبائلی عمائدین، جرگہ انتظامیہ سیکیورٹی فورسز اور پولیس علاقے میں پہنچ گئی۔انتظامیہ اور قبائلی عمائدین کی فائر بندی کیلئے کوششیں جاری ہیں۔ زمین پر تنازع چند ماہ پہلے بھی ہوا تھا جس میں درجن سے زائد افراد جاں بحق اور زخمی ہوگئے تھے۔اراضی تنازعات میں خونریزی کا سلسلہ تھم نہیں سکا۔ صوبائی و مقامی حکومت کی جانب سے قائم لینڈ کمیشن تاحال کوئی حل نکالنے میں ناکام ہے۔
-
پشاور پلاٹ کے تنازعے پر فائرنگ،4 بھائی قتل
پولیس حکام کے مطابق پشاور میں دیرکالونی کے علاقے میں واقع ایک پلاٹ کے تنازع پر جرگہ بلایا گیا تھا، تاہم فریقین نے فائرنگ کرکے 4 افراد کو قتل اور دو کو زخمی کردیا، پولیس کے مطابق واقعے کی اطلاع ملتے ہی پولیس اور ریسکیو کی ٹیمیں جائے وقوعہ پر پہنچ گئیں اور لاشوں اور زخمیوں کو اسپتال منتقل کردیا گیا۔حکام نے بتایا کہ فائرنگ کا واقعہ تھانہ رحمان بابا کی حدود غفور آباد میں پیش آیا، اور جاں بحق ہونے والے چاروں سگے بھائی ہیں، جن میں پی ٹی آئی کے ناظم وحید خان شامل ہیں۔
-
پشاور پولیس کا سرچ اینڈ سٹرائیک آپریشن
محرم الحرام کے پیش نظر پشاور کے اور اسکے مضافاتی علاقوں میں ٹارگٹڈ اور سرچ اینڈ سٹرائیک آپریشنز جاری ہے،پولیس حکام کے مطابق آپریشن کے دوران متعدد گھروں کے چیکنگ کے دوران مختلف جرائم میں ملوث درجنوں ملزمان کو گرفتار کر لیا گیا ،گرفتار ملزمان میں مجرمان اشتہاریوں کے سہولت کار، آئس اور دیگر منشیات فروش، غیررجسٹرڈ کرایہ داروں اور دیگر جرائم میں ملوث بھی شامل ہیں۔
پولیس کے مطابق ملزمان سے آپریشن کے دوران 3 عدد کلاشنکوف، 13 عدد پستول، متعدد میگزینز، مختلف بور کے کارتوس، منشیات اور شراب بھی برآمد کر لئے گئے،گرفتار ملزمان میں مشکوک اور مشتبہ بھی شامل ہیں جن سے مختلف پہلوؤں پر تفتیش شروع کردی گئی ہے، سرچ اینڈ سٹرائیک کا مقصد امن وامان کی صورتحال کو برقرار رکھنا ہے۔ -
شندور پولو فیسٹیول ،رنگا رنگ تقریبات کا آغاز
صوبہ خیبر پختونخوا میں تین روزہ شندور پولو فیسٹیول کا رنگا رنگ تقریبات کے ساتھ آغاز ہوگیا۔شندور پولو فیسٹیول 12,500 فٹ بلندی پر دنیا کے بلند ترین پولو گراونڈ میں کھیلا جانے والا اپنی نوعیت کا منفرد ایک فیسٹول ہے، فیسٹیول 9 جولائی تک جاری رہے گا۔
افتتاحی تقریب میں چترال اور گلگت بلتستان کی پولو ٹیموں نے مارچ پاسٹ کیا بینڈز نے مختلف دھنوں پر مشتمل قومی نغمے پیش کئے، اس موقع پر مقامی فنکاروں نے بھی اپنے فن کا مظاہرہ کرتے ہوئے وزیرستانی، کالاش, چترال اور خٹک ڈانس پیش کیا ۔شندور پولو فیسٹول کو دیکھنے کے لئے بڑی تعداد میں ملکی اور غیر ملکی سیاحوں نے علاقے کا رخ کیا، اعلی سول اور ملٹری حکام سمیت, انتظامیہ کے عہدیداران، بڑی تعداد میں علاقے کی عوام اور دیگر مہمانوں نے شرکت کر رہے ہیں ۔
تین روزہ فیسٹول میں پولو کے میچز کے ساتھ ساتھ شرکاء کے لئے رات کے وقت خصوصی طور پر آتش بازی اور کیمپ فائر کا بھی اہتمام کیا گیا ہے۔ -
وادی تیرہ میں پولیس اہلکار کو فائرنگ کر کے شہید کر دیا گیا ہے
باڑہ خیبر پختونخوا کے قبائیلی علاقے خیبر کے باڑہ تحصیل میں نامعلوم ملزمان نے پولیس اہلکار کو فائرنگ کر کے شہید کر دیا ہے،پولیس کے مطابق پولیس اہلکار کو وادی تیرہ کے حدود میں گولی مار کر شہید کر دیا ہے پولیس کے مطابق شہید پولیس اہلکار کو گزشتہ رات نامعلوم ملزمان اغوا کے لے گئے تھے جن کو بعد میں گولی مار دی گئی ہے ،پولیس اہلکار کی لاش صبح ملی ہے جس کو پوسٹ مارٹم کے لئے ہسپتال منتقل کر دیا گیا ہے پولیس کے مطابق ملزمان کے گرفتاری کے لئے کاروائیاں جاری ہے،