Tag: کے پی کے

پاڑہ چنار صدہ میں فائرنگ کے نتیجے میں 3 افراد جاں بحق جبکہ ایک شدید زخمی ہوا ہے،کرم صدہ میں دو فریقین کے درمیان زمین کے تنازعے پر فائرنگ کے نتیجے میں 3 افراد جان سے گئے ہے.ایک شخص شدید زخمی ہوا ہے،جسکو ہسپتال پہنچا دیا گیا ہے،پولیس نے واقعے کا مقدمہ درج کر کے تحقیقات شروع کر دی ہے تاہم ابتدائی اطلاعات کے مطابق فائرنگ زمین کے تنازعے پر دو گروہوں کے درمیان ہوئی ہے،

ٌمردان تھانہ جبر چوکی ساولڈھیر میں پولیس کی کامیاب کارروائی کے دوران اسلحے کی نوک پر عوام کو لوٹنے والے گروہ کا مرکزی ملزم گرفتار کر کے مال مسروقہ اور اسلحہ بھی برآمد کر لیا،راہزن گروہ کی وجہ سے علاقہ ساولڈھیر میں واردتوں سے شہریوں میں خوف و ہراس پھیلا ہوا تھا، جس پر شہریوں نے سوشل میڈیا پر پولیس سے نوٹس لینے کا مطالبہ کیا ، گرفتار ملزم کے دیگر شریک واردات ساتھیوں کی گرفتاری کیلئے پولیس ٹیمیں تشکیل دی گئی ،ڈی ایس پی رورل سرکل فضل شیر خان نے پریس بریفنگ دیتے ہوئے کہا کہ، علاقہ تھانہ جبر چوکی ساولڈھیر پولیس کو مدعی مقدمہ انعام اللہ سکنہ سورے غر ساولڈھیر نے شکر تنگی مقبرہ کے قریب اسلحے کی نوک پر نامعلوم ملزمان نے اس سے اسلحے کی نوک پر نقدی، موٹرسائیکل، موبائل فون چھیننے کی رپورٹ درج کرائی، رپورٹ موصول ہوتے ہی ڈی ایس پی رورل سرکل فضل شیر خان کی نگرانی میں تھانہ جبر چوکی ساولڈھیر پولیس کی آپریشن و تفتیشی پولیس ٹیموں نے ایس ایچ او فواد خان اور انچارج چوکی اے ایس آئی فاروق خان کی قیادت میں جدید سائنسی ذریعوں اور پیشہ ورانہ حکمت عملی و تفتیش کی بدولت واردات میں ملوث راہزن گروہ کے مرکزی ملزم فیاض احمد سکنہ بابو کلے سخاکوٹ ضلع مالاکنڈ تک رسائی حاصل کرکے گرفتار کرلیا،
اس حوالے سے ڈی ایس پی فضل شیر خان نے سرکل آفس میں میڈیا کو پریس بریفنگ دیتے ہوئے مزید کہا کہ گرفتار ملزم نے دوران انٹاروگیشن اعتراف جرم کرلیا جس کی نشاندہی پر مختلف واردتوں میں لوٹی گئی مال مسروقہ، 04عدد موٹرسائیکل، 15700نقدی، 15عدد مختلف اقسام کے موبائل فونز، ایک بنک چیک اور موٹرسائیکلوں کے سپیئرپارٹس (جن میں پیٹرول ٹینکی، فریم و دیگر اشیاء شامل ہیں) سمیت ایک پستول معہ کارتوس بھی برآمد کر لیا گیا ہے، گرفتار راہزن نے اپنے دیگر شریک واردات ساتھیوں کے نام بھی بتا دیئے ہے جن کی گرفتاری کیلئے پولیس ٹیمیں کاروائی میں مصروف ہے،

تحریک انصاف کے رہنما اور سابق وفاقی وزیر مراد سعید کے بھائی کو گرفتار کر لیا گیا، جبکہ پولیس کا کہنا ہے کہ مراد سعید کے بھائی کلیم سعید کے خلاف مختلف مقدمات درج ہیں، لہذا کلیم سعید کو ٹاؤن میونسپل آفس سے پولیس نے حراست میں لیا ہے تاکہ ان کے خلاف مزید کاروائی کا آغاز کیا جاسکے۔ دوسری جانب پی ٹی آئی رہنما مراد سعید تاحال رپوش ہیں، اور پولیس کی جانب سے ان کی گرفتاری کے لئے چھاپے مارے جارہے ہیں۔ جبکہ ذرائع کا بتانا ہے کہ کلیم سعید کے خلاف 10 مئی کو مینگورہ تھانے میں ایس ایچ او مجیب عالم کی مدعیت میں مختلف دفعات کے تحت مقدمہ درج کیا گیا تھا۔
واضح رہے کہ 9 مئی کے واقعات کے بعد مراد سعید مختلف مقدمات میں مطلوب اور روپوش ہیں جبکہ پولیس اُن کی گرفتار کرنے کے لیے متعدد چھاپے بھی مار چکی ہے ، گزشتہ دنوں خیبرپختونخوا کے نگراں وزیر اطلاعات نے امکان ظاہر کیا تھا کہ خیبرپختونخوا اور بالخصوص سوات سے تعلق رکھنے والی پی ٹی آئی قیادت کا افغانستان میں روپوش ہونے کا امکان ہے کیونکہ ان کے کالعدم ٹی ٹی پی کے اراکین کے ساتھ اچھے تعلقات تھے۔
ادھر آج پولیس نے سابق گورنر پنجاب عمر سرفراز چیمہ کی اہلیہ رابعہ سلطان کو بھی انسداد دہشت گردی کی عدالت سے اس وقت گرفتار کیا ہے جب وہ عمر سرفراز چیمہ سے ملنے عدالت آئی تھی۔