Tag: گورنر پنجاب

سینئر قانون دان سلمان اکرم راجہ کا کہنا ہے کہ گورنر پنجاب عمر سرفراز کی جانب سے عثمان بزدار کا استعفیٰ آئینی اعتراض لگا کر مسترد کرنا قانونی طور پر غلط ہے-

باغی ٹی وی : تفصیلات کے مطابق سلمان اکرم راجہ کا کہنا ہے کہ گورنر پنجاب کے پاس آج کوئی استعفیٰ نہیں کہ اس پر غور کرے اور اسے مسترد کرے گورنر کی طرف سے استعفیٰ مسترد کرنے کی کوئی آئینی حیثیت نہیں گورنر کے پاس استعفیٰ کا معاملہ تھا ہی نہیں گورنر کو آئین کے تحت تحفظ حاصل ہے –

سلمان اکرم راجہ کا کہنا تھا کہ گورنر آئینی تحفظ کا فائدہ اٹھا رہےہیں،گورنر شائد آئینی تصاد م کی جانب جارہے ہیں گورنر پنجاب کے پاس اختیار نہیں تھا کہ وہ کہیں الیکشن نہیں ہوا، گورنر عدالت نہیں بلکہ الیکشن کا معاملہ دیکھے اور تصحیح کرے۔

گورنر پنجاب نے عثمان بزدار کا استعفیٰ مسترد کر دیا

عثمان بزدار کی جانب سے صوبائی کابینہ کا اجلاس بلانے کی قانونی حیثیت سے متعلق سوال پر سلمان اکرم راجہ کا کہنا تھا کہ عثمان بزدار نے کابینہ اجلاس اس لیے بلایا کہ وہ خود کو منتخب وزیراعلیٰ ظاہر کریں۔

سلمان اکرم راجہ کا کہنا ہے کہ عثمان بزدار استعفیٰ دینے کے بعد بطور عبوری وزیراعلیٰ کام کر رہے ہیں لیکن حلف اٹھاتے ہی حمزہ شہباز وزیراعلیٰ پنجاب بن جائیں گے اور حمزہ شہباز کے حلف اٹھانے کے بعد کسی اور کا خود کو وزیراعلیٰ کہنا غیر آئینی ہو گا۔

اسپیکر قومی اسمبلی آج نومنتخب وزیراعلیٰ حمزہ شہباز سے حلف لیں گے

دوسری جانب جسٹس (ر)شائق عثمانی نے کہا کہ گورنر جو بات آج کررہے ہیں وہ عدالت میں کرنی چاہیے تھی ، عدالتی حکم پر عمل نہیں ہوگا تو خلاف ورزی ہوگی ملک میں موجود ہ صورتحال افسوسناک ہے صورتحال کشیدہ ہوگی تو فوج کو مداخلت کرنا پڑے گی-

انہوں نے کہا کہ موقع تھا عدالتی فیصلے سے پہلے اپنا موقف پیش کرتے جو نہیں کیاگیا پی ٹی آئی کو چاہیےتھا کہ عدالتی فیصلے پر نظر ثانی کی اپیل دائر کرتے جب عدالت کا فیصلہ آگیا تو اب تسلیم نہ کرنا خلاف ورزی ہوگی

آرمی چیف اور بِل گیٹس کے درمیان ٹیلی فونک رابطہ، پولیو مہم میں تعاون پر پاک فوج کی تعریف

گورنر پنجاب عمر سرفراز چیمہ نے سابق وزیراعلیٰ پنجاب عثمان بزدار کا استعفی مسترد کر دیا۔

باغی ٹی وی : تفصیلات کے مطابق گورنر پنجاب نے عثمان بزدار کا استعفیٰ آئینی اعتراض لگا کر مسترد کر کے اسپیکر پنجاب اسمبلی پرویز الٰہی کو خط لکھ دیا ہے۔

وزیراعظم شہباز شریف کی یوم القدس پر فلسطینیوں سے اظہاریکجہتی

اسپیکر پنجاب اسمبلی چوہدری پرویز الہٰی نے بھی گورنر کا خط موصول ہونے کی تصدیق کر دی ہے۔

گورنر پنجاب کی جانب سے لکھے گئے خط میں کہا گیا ہے کہ عثمان بزدار کا استعفیٰ آرٹیکل 130کے سب سیکشن 8 کے تقاضے پورے نہیں کرتا، عثمان بزدار نے استعفیٰ گورنر کے نام دیا ہی نہیں عثمان بزدارنےاستعفیٰ وزیراعظم کےنام دیاجوآئینی طورپرغلط ہے-

خط کے متن میں کہا گیا کہ مبینہ استعفیٰ ٹائپ کر کے وزیر اعظم کو لکھا گیا تھا اور مذکورہ دفتر میں جمع کرایا گیا آئین آرٹیکل 130 (8) 1973 کے مطابق مواصلت کو استعفیٰ کا خط نہیں سمجھا جا سکتا وزیر اعلیٰ کا استعفیٰ کا ہاتھ سے لکھا ہو-

خط میں کہا گیا کہ استعفیٰ میں گورنر پنجاب سے مخاطب ہونا ضروری ہوتا ہے اس وقت کے گورنر پنجاب نے آرٹیکل 130 (8) کے مضمرات کو مدنظر نہیں رکھا-

دوسری جانب پی ٹی آئی کا دعویٰ ہے کہ عثمان بزدار بحیثیت وزیراعلیٰ پنجاب بحال ہو گئے ہیں۔

اقوام متحدہ سلامتی کونسل کا کراچی میں دہشتگرد حملے پر مذمتی اعلامیہ جاری

پی ٹی آئی حکام کا کہنا ہے کہ وزیراعلیٰ کا استعفیٰ مسترد ہونے کے بعد پنجاب کابینہ بھی بحال ہو گئی ہے، عثمان بزدار کو فوری پنجاب کابینہ کا اجلاس بلانے کی تجویز دے دی گئی ہے پنجاب کابینہ کا اجلاس پنجاب اسمبلی میں بلایا جائے گا، پنجاب کابینہ کا اجلاس عثمان بزدار کی زیر صدارت آج ہو گا۔

واضح رہے کہ عثمان بزدار نے 28 مارچ کو اپنے عہدے سے استعفیٰ دیا تھا جسے اس وقت کے گورنر چوہدری محمد سرور نے یکم اپریل کو منظور کر لیا تھا تاہم بعد ازاں سابق وزیر اعظم عمران خان نے چوہدری محمد سرور کو عہدرے سے برطرف کر دیا تھا-

سعودی عرب میں گرفتاریوں کی ویڈیو

لاہور: سابق گورنر پنجاب چوہدری محمد سرور کا کہنا ہے کہ اللہ کا شکر ہے کہ غیر آئینی کام کرنے سے بچ گیا۔

باغی ٹی وی : میڈیا سے غیر رسمی گفتگو کرتے ہوئے چوہدری محمد سرور کا کہنا تھا کہ میں نے ہمیشہ آئین کی پاسداری کو ترجیح دی، میں غیر آئینی کام کیسے کر سکتا ہوں۔

عمران خان پر غداری کا مقدمہ ہو گا ، شہباز شریف

ان کا مزید کہنا تھا کہ غیر آئینی کام سے بچنے کے لیے چند روز قبل استعفے کی پیشکش کر دی تھی۔

انہوں نے بتایا کہ ساتھیوں کی مشاورت سے آئندہ کی حکمت عملی کا اعلان کروں گا میرے خلاف گالی گلوچ کی گئی تو اینٹ کا جواب پتھر سے دوں گا یہ باز نہ آئے تو میرے سینے میں جو راز ہیں وہ سارے کھول دوں گارات کو مجھے کہا گیا پرویز الہٰی ہار رہا ہے،اسمبلی اجلاس ملتوی کردیں میں غیر قانونی کام نہیں کرنا چاہتا تھا –

انہوں نے کہا کہ جب میں نے خود استعفیٰ دینے کی پیشکش کی تھی تو برطرف کرنے کا کیا مطلب تھا، شاہ محمود قریشی اور پرویز خٹک اس چیز کے گواہ ہیں، میری پارٹی نے میرے مشورے مانے ہوتے تو آج یہ حالات نہ ہوتے۔

اپوزیشن کو بڑا جھٹکا عدم اعتماد کی تحریک مسترد

ا نہوں نے کہا کہ انہوں نے رات کے اندھیرے میں مجھے ہٹایا،میں نے اپنے ضمیر کے خلاف دستخط کیے،میرے پاس استعفیٰ آتا تو منظور کرتا،میرے اوپر الزام لگایا گیا کہ میں پنجاب اسمبلی اجلاس بلانے میں تاخیر کی میں نے کہا برطانوی پارلیمان کا رکن رہا ہوں غیر آئینی کام نہیں کر سکتاپرویز خٹک میرے پاس کاغذکا ٹکڑا لائے کہا دستخط کریں،میں شاہ محمود قریشی، فواد چودھری اور جہانگیر ترین وزیراعلیٰ کے امیدوار تھے وزیراعظم نے کہا کہ صرف عثمان بزدار ہی نیا پاکستان بنا سکتا ہے-

چوہدری سرور نے کہا کہ عمران خان 9 ایم پی ایز والے شخص سے بلیک میل ہوئےہم نے عمران خان کو جتوانے کے لیے بھرپور کوشش کی ہمارا خواب تھا کہ پی ٹی آئی عوام اور قانون کی حکمرانی قائم کرے، مجھے کبھی عہدوں کی خواہش نہیں رہی ہے ایک طرف عمران خان اور دوسری طرف پوری پی ٹی آئی کھڑی تھی-

پنجاب کے برطرف گورنر کا کہنا تھا کہ آزاد خارجہ پالیسی سب کا حق ہے لیکن ہمیں اپنی حدود میں رہنا چاہیے، دنیا بھر میں تعلقات ملک کی معاشی حیثیت دیکھ کر بنائے جاتے ہیں، ہم امریکا کی مخالفت مول نہیں لے سکتے، خدا کیلئے عالمی سیاست کو قومی سیاست میں مت لیکر آئیں، ہمیں ایک کیساتھ تعلق بنا کر دوسرے سے بگاڑنا نہیں چاہیے –

قوم کوتاریخ کی بدترین حکومت سے نجات مبارک ہو،مریم نواز

گورنر پنجاب چوہدری محمد سرور نے کہا کہ پاکستان،پنجاب اور پی ٹی آئی ورکر روتے رہے عثمان بزدار کو تبدیل کر دو عمران خان کو 184 ارکان میں سے کوئی بندہ پسند نہیں آیا مجھ پر الزام لگایا جا رہا ہے میں ڈبل پلے کر رہا تھا، وزیراعظم نے کہا 3 اپریل کو ہرصورت اسمبلی کا اجلاس بلائیں۔

واضح رہے کہ فاقی حکومت نے گورنر پنجاب چوہدری محمد سرور کو ان کے عہدے سے برطرف کر دیا تھا بعد ازاں وفاقی حکومت کی جانب سے عمر سرفراز چیمہ کو نیا گورنر پنجاب مقرر کر دیا گیا ہے –

عمر سرفراز چیمہ نئے گورنر پنجاب مقرر

وفاقی وزیر فواد چوہدری کا کہنا تھا کہ چوہدری سرور اچھے آدمی ہیں، ہمارا ان کے لئے بڑا احترام ہے، چوہدری سرور کی پرویز الہی کے ساتھ بن نہیں رہی تھی، اس لئے ہٹا دیا اورعمر سرفراز چیمہ کو نیا گورنر پنجاب بنادیا۔

گورنر پنجاب نے صوبائی خاتون محتسب نبیلہ حاکم علی خان کی زیر نگرانی لاہور میں ہونیوالی ”ویمن کانفر نس فار پیس 2022“سے خطاب کرتے ہوئےکہا کہ خواتین کو بااختیار بنانے اور صنفی مساوات کے حوالے سے پاکستان کی سمت، عزم اور اقدامات بڑے واضح ہیں-

باغی ٹی وی : اس موقع پر لاہور میں امر یکی قونصل جنرل ولیم کے‘سماجی کارکن فرزانہ باری‘صوبائی خاتون محتسب نبیلہ حاکم علی خان‘ڈاکٹر صبور احمد سمیت دیگر بھی موجود تھے –

پی ٹی آئی میں ورکر کی تذلیل کی جاتی ہے۔لیلی پروین نے پی ٹی آئی کو خیرباد کہہ دیا

”ویمن کانفر نس فار پیس 2022“سے خطاب کرتے ہوئے گورنر پنجاب چوہدری محمد سرور نے کہا کہ ہم پورے عزم کے ساتھ خواتین کے حقوق کی فراہمی کے لئے سرگرم عمل ہیں اور انشا اللہ ہم اس مشن میں کامیاب بھی ہوں گے‘قیام پاکستان میں فاطمہ جناح سمیت دیگر خواتین فر نٹ لائن پر کام کرتی رہی ہیں جن پر ہمیں فخر ہے‘ملک میں دہشت گردی کے خاتمے اور امن کے قیام میں خواتین کے کردار کو کسی صورت نظر انداز نہیں کیا جاسکتا ملک میں آئین وقانون کی حکمرانی حکومت کی اولین تر جیح ہے اس پر کوئی سمجھوتہ نہیں کریں گے۔

گورنر پنجاب چوہدری محمد سرورنےکہا کہ کسی بھی ملک کی ترقی کے لئے وہاں خواتین کی ترقی اور ان کا تحفظ لازم ہوتا ہے ہمیں درپیش سماجی ومعاشی مشکلات کے باوجود پاکستان میں قیادت کے کلیدی مناسب پر خواتین کی تعداد میں بتدریج اضافہ ہوا ہے ہمارے ملک میں ایک خاتون وزیراعظم رہیں،کم عمر ترین نوبل پرائز جیتنے والی خاتون کا تعلق بھی پاکستان سے ہے وزیر اعظم عمران خان کی قیادت میں موجودہ حکومت خواتین کو مضبوط بنانے اور ان کو زیادہ سے زیادہ روزگار کی فراہمی پر کام کر رہی ہے ہم خواتین کسی صورت تنہا نہیں چھوڑ یں گے۔

چوہدری محمد سرور نے کہا کہ گورنر سٹیٹ بنک اور قومی اسمبلی کی سپیکر کے علاوہ ایک بڑی تعداد میں خواتین وزرا، سفارت کار، ججز، اعلیٰ سطح کی سول سرونٹس اور ڈپلومیٹس ہیں ہماری خواتین لڑاکا طیارے اڑاتی ہیں، اقوام متحدہ کے امن دستوں میں خدمات انجام دیتی ہیں جبکہ ایک خاتون آرمی میں تھری سٹار جنرل بھی بنی ہیں خواتین کو بااختیار بنانے اور صنفی مساوات کی منزل ابھی دور ہے ہمیں اس راہ میں آنے والی مشکلات کا پورا ادراک ہے لیکن ہم اپنے آہنی عزم سے اس ضمن میں اب تک حاصل ہونے والی کامیابیوں سے آگے بڑھتے ہوئے اپنے اہداف حاصل کرکے رہیں گے۔

گور نر پنجاب نے کہا کہ موجودہ حکومت احساس پروگرام سمیت ہر منصوبے میں خواتین کو انکا حق دے رہی ہے پاکستانی خواتین میں ٹیلنٹ کی کمی نہیں الحمد للہ آج پاکستانی خواتین تعلیم،صحت،سپورٹس اور بزنس سمیت ہر شعبے میں کامیابی سے آگے بڑ ھ رہی ہے اور دنیا میں پاکستان کا نام روشن کر رہی ہے خواتین کے ساتھ ہونیوالے مظالم اور ناانصافی کو کسی صورت برداشت نہیں کیا جاسکتا۔

اسحاق ڈار کی ویڈیو لنک کے ذریعے حلف لینے کے درخواست سماعت کے لیے مقرر

صوبائی خاتون محتسب نبیلہ حاکم علی خان نے کہا کہ موجودہ حکومت نے خواتین کے تحفظ عملی اقدامات کیے ہیں اور اب خواتین کو جائیداد میں بھی حصہ مل رہا ہے جہاں خواتین کو ہر اساں کرنے سمیت کوئی بھی واقعہ ہمارے نوٹس میں آتا ہے تو ہم سخت ایکشن لیتے ہیں خواتین کے ساتھ ظلم اور ناانصافی کر نیوالے کسی صورت سزاؤں سے اب بچ نہیں سکیں ہم نے خواتین کو مضبوط بنانا ہے کیونکہ پاکستان کی مضبوطی کے لیے خواتین کا مضبوط ہونا بھی ضروری ہے۔

لاہور میں امر یکی قونصل جنرل ولیم کے نے کہا کہ مجھے خوشی ہے کہ پاکستان میں حکومت کے ساتھ ساتھ دیگر ادارے اور این جی اوز بھی خواتین کے تحفظ کیلئے بھر پور کام کر رہی ہیں جہاں بھی خواتین کے تحفظ کے لیے کام ہوگا ہم انکو مکمل سپورٹ کرتے ہیں اور کسی بھی معاشرے میں امن اور مضبوطی کے لئے خواتین کو انکے حقوق کی فراہمی لازم ہے۔

گورنر خیبر پختونخوا، وزیر اعلیٰ اور کور کمانڈر پشاور کی کوہاٹی گیٹ امام بارگاہ آمد

گورنر پنجاب چوہدری محمد سرور نے چِھیپا فاؤنڈیشن کے سربراہ ، ممتاز سماجی رہنما، خادِمِ اِنسانیت محمد رمضان چِھیپا کو پاکستان بھر میں اُن کی بے مثال سماجی وفلاحی خدمات کے اعتراف میں گورنر ایوارڈ سے نوازا ہے۔

باغی ٹی وی تفصیلات کے مطابق گورنر ہاؤس لاہور میں منعقدہ ایک خصوصی تقریب میں گورنر پنجاب چوہدری محمد سرور نے معروف سماجی رہنما محمد رمضان چِھیپا کی پاکستان بھر میں دُکھی اِنسانیت کی خدمت کیلئے نمایاں کردار اور خدمات کو سراہتے ہوئے بھرپور تالیوں کی گونج میں انہیں گورنرایوارڈ سے نوازا ۔

فنکاروں کو رائلٹی دینے کے متعلق پالیسی، سیینٹر فیصل جاوید خاموش نہ رہ سکے

اس موقع پررمضان چِھیپا کی ملک گیر سماجی وفلاحی خدمات کا بھرپور تذکرہ بھی کیا گیا کہ رمضان چِھیپا کی قیادت میں چِھیپا فاؤنڈیشن اِنسانیت کی خدمت میں شبانہ روز مصروف عمل ہے اورر مختلف فلاحی شعبوں کے تحت اپنا انسانی فریضہ شاندار طریقے سے سرانجام دے رہی ہے-

ملک بھر میں پھیلا ہوا وسیع و عریض ایمبولینس نیٹ ورک کے ذریعے خدمات کی انجام دہی اورلاکھوں مستحقین اور ضرورت مندوں کی امداد چِھیپا فاؤنڈیشن کے کارہائے نمایاں ہیں ، پاکستان کی عوام کیلئے محمد رمضان چِھیپا اور چِھیپا فاؤنڈیشن کی خدمات قابل تعریف ہیں جس پر رمضان چِھیپا خراج تحسین کے مستحق ہیں اور اسی بناء پر انہیں گورنر ایوارڈ سے نوازا گیا ہے۔

اقرارالحسن پر تشدد، مولانا طارق جمیل کی ویڈیو کال پرعیادت

قبل ازیں گورنر وچانسلر جامعات پنجاب چودھری محمد سرور نے یو ایم ٹی کے کانوکیشن میں بطور مہمان خصوصی شرکت کی گورنر پنجاب نے طلبا و طالبات میں اسناد اور میڈلز تقسیم کیے اس موقع پر تقریب سے انہوں نے خطاب کرتے ہوئے کہا تھا کہ یونیورسٹیز میں میرٹ کے نفاذ کو یقینی بنارہے ہیں تاکہ تعلیمی معیارمیں بہتری آٸے۔

گورنر پنجاب کا کہنا تھا کہ جب بھی اس یونیورسٹی سے کانووکیشن کی دعوت آتی ہے تو فخر محسوس کرتا ہوں ڈاکٹر حسن شعیب مراد کے ویژن کو ان کا بیٹا بہتر انداز میں پورا کررہا ہے یہ ایک عظیم انسان تھے جن کو اپنی طرح دوسروں کے بچوں کی فکر رہتی تھی جب ہم نے چیلنج لینا قبول کیا تو بہت مخالفت کی گئی. انسان کی کامیابی کا معیار عہدے اور دولت پر نہیں ہوتا۔

وزیراعظم کا بیان دھمکی،اس سے بڑی توہین عدالت نہیں ہوسکتی ،لطیف کھوسہ

گورنر پنجاب کا کہنا تھا کہ تاریخ نے آج تک کسی بادشاہ یا امیر کا نام کبھی زندہ نہیں رکھا بلکہ تاریخ میں انسانیت کی خدمت کرنے والوں کا نام یاد رکھا جاتا ہے، ہم پر فرض ہے کہ ضرورت مند افراد کی مدد کریں۔گولڈ میڈل حاصل کرنے والے طلباء و طالبات مبارکباد کے مستحق ہیں، بچوں کی تعلیم اور ترقی میں والدین کا بہت بڑا کردار ہوتا ہے-

گورنر پنجاب کی یو ایم ٹی کے کانوکیشن میں بطور مہمان خصوصی شرکت