Tag: ہالی ووڈ

معروف ہالی ووڈ اداکار ال پچینو نے تصدیق کی ہے 82 سال کی عمر میں وہ دوبارہ باپ بننے والے ہیں، اور ان کی 29 سالہ ساتھی نور الفلاح امید سے ہیں۔

باغی ٹی وی: غیر ملکی میڈیا رپورٹس کے مطابق فلم ’گاڈ فادر کے ہیرو ال پچینو نے منگل کو یہ اعلان کر کے اپنے مداحوں کو شدید طور پر حیران کر دیا ہے کہ نور الفلاح ان کے بچے کی ماں بننے والی ہیں۔

سلمان خان نے نئی گاڑی کیوں خریدی ؟‌

82 سالہ ال پچینو کا اپنی ساتھی نور الفلاح کے ساتھ محبت کا رشتہ 2020 میں کورونا وبا کے دوران شروع ہوا تھا، لیکن میڈیا میں یہ اس وقت منظر عام پر آیا جب وہ اپریل 2022 میں ایک ریسٹورنٹ میں رومانوی ڈنر پر اکٹھے دیکھے گئے تھے معمر اداکار نے بتایا کہ نور کا حمل آٹھویں ماہ میں ہے، اداکار کی ٹیم کے ایک نمائندے نے بتایا کہ بچے کی پیدائش کسی بھی وقت متوقع ہے۔

بجرنگی بھائی جان 2 میں‌ ہیروئین کون ہو گی ؟‌

اداکارکے پچھلے رشتوں سے تین بچےہیں- 22 سالہ دو جڑواں بچے امریکی اسٹار بیورلی ڈی اینجیلو سے اور امریکی ایکٹنگ کوچ جین ٹیرنٹ سے بڑی بیٹی جولی میری، جس کی عمر 33 سال ہے یہ اداکار کا چوتھا بچہ ہے۔

اداکار کی ساتھی نورالفلاح کویتی نژاد امریکی پروڈیوسر ہیں اوران کی والدہ امریکی ہیں انہوں نے جنوبی کیلیفورنیایونیورسٹی سے سنیمیٹک آرٹس میں ڈگری حاصل کی جس کے بعد انہوں نے 1991 میں کیلیفورنیا یونیورسٹی سے فلم اور ٹیلی ویژن پروڈکشن میں ماسٹر کی ڈگری حاصل کی۔

رانی مکھر جی سوشل میڈیا استعمال کیوں نہیں‌ کرتیں ؟‌

2014 میں انہوں نے اپنی پہلی دستاویزی فلم ”دی ہوم لیس“ ریلیز کی، جو سڑکوں پر بے گھر افراد کی زندگیوں پر روشنی ڈالتی ہے۔ انہوں نے 2016 میں ”پروسا نوسترا“ نامی ایک مختصر فلم بھی تیار کی، جو ایک ایسے شخص کے بارے میں ہے جو اپنے بھائیوں کے کیلیفورنیا میں کالج واپسی کے خواب دیکھتا ہے۔

نیویارک: آسکر ایوارڈ یافتہ ہالی ووڈ ہدایتکار ایلکس گبنی نے دنیا کے امیر ترین شخص، ٹیسلا، اسپیس ایکس اور ٹوئٹر کے سی ای او ایلون مسک کی زندگی پر فلم بنانے کا اعلان کر دیا۔

باغی ٹی وی :"دی گارڈین” کی رپورٹ کے مطابق مذکورہ دستاویزی فلم امریکی پروڈکشن کمپنی ’Jigsaw Productions‘ کے بینر تلے بنائی جارہی ہے جس کی شوٹنگ کا آغاز بھی کیا جا چکا ہے۔

مسجد نبوی ﷺ میں پاکستانی عازم کے دل کی دھڑکن 10 منٹ کیلئے رک گئی

ہالی ووڈ ہدایتکار نے اس فلم کے حوالے سے میڈیا سے بات کرتے ہوئے انکشاف کیا کہ فلم کی شوٹنگ کا آغاز کئی ماہ پہلے ہی کردیا گیا تھا اور وہ کچھ عرصے سے اس فلم پر کام کر رہے ہیں جس کیلئے وہ کافی پُرجوش بھی ہیں وہ اس غیر معمولی گروپ سے بہت خوش ہیں جو ان کے ساتھ کام کر رہا ہے۔

فلم کے پروڈیوسر نے اپنے پیغام میں کہا کہ اب ایلون مسک کی ایک سخت تصویر پیش کرنے کا لمحہ ہے، جو بلاشبہ ہمارے وقت کی سب سے زیادہ بااثر شخصیات میں سے ایک ہیں۔ تاہم ایلون مسک کا کہنا ہے کہ انہیں خدشہ ہے کہ آنے والی دستاویزی فلم ان کی ساکھ کو نقصان پہنچا سکتی ہے۔

سعودی عرب کا ترکیہ کے مرکزی بینک میں 5 ارب ڈالر جمع کرانے کا معاہدہ

It’s a hit piece

— gorklon rust (@elonmusk) March 7, 2023

دوسری جانب ایلون مسک نے ٹوئٹر پر اس خبر پر اپنا ردِعمل دیتے ہوئے اس فلم کو’ہٹ‘ قرار دے دیا۔

واضح رہے کہ ہدایتکار گبنی اپنی 2007 کی فلم ٹیکسی ٹو دی ڈارک سائیڈ کے لیے آسکر ایوارڈ حاصل کر چکے ہیں۔

پاکستانی نژاد خاتون امریکی شیزا شاہد نے حال ہی میں سپر اسٹار سیلینا گومز کے ساتھ ایک کوک ویئر لائن کے لیے تعاون کیا۔

باغی ٹی وی : شیزا آور پلیس کی بانی ہیں،جہاں مختلف ثقافتوں سےتعلق رکھنےوالے لوگوں کےکھانے پکانےکی تراکیب شئیر کی جاتی ہیں ان کے انسٹا گرام پر آور پلیس نامی اکاؤنٹ میں مختلف ثقافتی پس منظرسےتعلق رکھنے والے افراد اور ترکیبیں شامل ہیں ان کی ٹیم لاس اینجلس فوڈ پالیسی کونسل کے ساتھ ایسے اقدامات میں کام کرتی ہے جو جنوبی لاس اینجلس میں اچھے، صحت مند کھانے تک رسائی کو بڑھاتے ہیں۔

پاکستان کے 2 کوہ پیماوں نے دنیا کی پانچویں بلند ترین چوٹی سرکرلی

"آور پلیس” کوک ویئر کی ایک رینج بھی فروخت ہوتی ہے۔ انہوں نے سیلینا گومز کے ساتھ مل کر اپنی کچھ اشیاء بشمول ان کے فلیگ شپ Always Pans اور Perfect Pots کو دو نئے رنگوں میں جاری کیا۔

"آور پلیس” کا اصل کک ویئر خوبصورت پیسٹل شیڈز میں پایا جا سکتا ہے، لیکن سیلینا گومز مجموعہ ایک روشن نیلے Azul رنگ اور ایک دلکش گلابی روزا رنگ میں دستیاب ہے مجموعی طور پر ہونے والے منافع کا 10فیصد سیلینا کے ذہنی صحت کے اقدام، دی ریئر امپیکٹ فنڈ میں عطیہ کیا جائے گا۔

شیزا ملالہ فنڈ کی شریک بانی بھی ہیں، جو دنیا بھر کی لڑکیوں کے لیے تعلیم کو قابل رسائی بنانا چاہتی ہے۔

بھارت میں جسم فروشی قانونی قرار،جسم فروش خواتین کو تحفظ کا حکم

ہا لی ووڈ فلمساز جیمز کیمرون کی 2009 میں ریلیز ہونے والی شہرہ آفاق فلم ’اوتار‘ کے سیکوئل کا پہلا ٹیزرجاری فلم کو رواں برس دسمبر میں ریلیز کرنے کا اعلان کیا گیا ہے-

باغی ٹی وی : اوتار: دی وے آف واٹر‘ کا مختصر دورانیے کا ٹیزر 9 مئی کو جاری کیا گیا، جس میں فلم کے مرکزی کرداروں کی جھلک دکھائی گئی ہے ٹیزر سے فلم کی کہانی کو سمجھنا مشکل ہے، تاہم عندیہ ملتا ہے کہ اس بار پہلی فلم کے کردار اپنے خاندان کو بچانے کی جدوجہد کرتے دکھائی دیں گے۔

مختصر ٹیزر میں فلم کے کرداروں کو زیر آب زندگی گزارتے اور سمندری حیات پر سواری کرتے دکھایا گیا ہے فلم میں فنٹیسی دنیا اور جنگلات سمیت سمندروں کی دنیا کی جھلک دکھائی گئی ہے ’اوتار: دی وے آف واٹر‘ کو رواں برس دسمبر میں ریلیز کیا جائے گا۔

سیریز کی دوسری فلم میں پہلی فلم کے تمام کرداروں کے علاوہ مزید نئے کردار بھی شامل کئے گئے ہیں اور نئی فلم میں کیٹ ونسلیٹ بھی دکھائی دیں گی نئی فلم میں سام ورتھنگٹن، زوئی سلڈانا، گیووانی ریبیس اور سیگورنی ویور اپنے پہلے کردار ادا کرتے دکھائی دیں گے۔

مذکورہ فلم کو پہلے 2020 میں ریلیز کرنے کا اعلان کیا گیا تھا مگر کورونا کی وبا آنے کے بعد اس کی ریلیز موخر کردی گئی تھی مذکورہ فلم کی شوٹنگ کئی سال تک یورپ،افریقہ اور نیوزی لینڈ سمیت دنیا کے دیگر خطوں میں جاری رہی اور اس میں بھی جیمز کیمرون نے پہلی فلم کی طرح جدید اور انوکھی ٹیکنالوجی کا استعمال کیا ہے۔

پاکستانی فلموں کی ریلیز کا معاملہ :جاوید شیخ کا وزیر اعظم سے معاملے پر ایکشن لینے…

سیریز کی دوسری فلم کےبعد سیریز کی تیسری فلم بھی چند سال بعد ریلیز کی جائے گی کیوںکہ فلم ساز پہلے ہی ’اوتار‘ کو ٹرائلوجی سیریز میں بنانے کا اعلان کر چکے ہیں جیمز کیمرون نے 2018 میں ایک انٹرویو میں بتایا تھا کہ ’اوتار‘ سیریز کو ٹرائلوجی کی صورت میں بنایا جائے گا، جس لیے پہلی ٹرائلوجی میں کم سے کم 5 فلمیں بنائی جائیں گی جس کے لیے اس فلم کے 4 سیکوئل بنائے جائیں گے اور ہر فلم کی کہانی وہیں سے شروع ہوگی جہاں پہلی فلم کی کہانی ختم ہوگی۔

سیکوئل فلم کے بعد ’اوتار 3‘ کو 2024 جب کہ ’اوتار 4‘ کو 2026 اور ’اوتار 5‘ کو 2028 تک ریلیز کئے جانے کا امکان ہے۔

جیمز کیمرون نے ’اوتار‘ کو 2009 میں ریلیز کیا تھا، جس نے دنیا بھر میں کمائی کے نئے ریکارڈز بناتے ہوئے ان کی 1999 کی فلم ’ٹائی ٹینک‘ کو کمائی میں پیچھے چھوڑ دیا تھا ’اوتار‘ ایک دہائی تک یعنی 2019 تک دنیا کی ہر وقت کی سب سے زیادہ کمائی کرنے والی فلم رہی تھی مگر اس کے بعد اس کی کمائی کا ریکارڈ ’اوینجرز اینڈ گیم‘ نے توڑا تھا اس سے قبل جیمز کیمرون کی فلم ’ٹائی ٹینک‘ ایک دہائی تک سب سے زیادہ کمائی کرنے والی فلم رہی تھی، جسے 1999 میں ریلیز کیا گیا تھا-

پہلی پاکستانی سپرہیرو لڑکی کی ویب سیریز ’مس مارول‘ پاکستان بھر کے سینماؤں میں…

یوکرین پر حملے کے بعد روس میں ہا لی وڈ فلموں کی ریلیز کو روک دیا گیا ہے۔

باغی ٹی وی : روس اور یوکرین کے درمیان 5 روز سے جنگ جاری ہے اور روسی افواج نے یوکرینی دارالحکومت کیف سمیت کئی شہروں کا محاصرہ کر رکھا ہے امریکا، برطانیہ اور یورپ سمیت کئی ممالک نے روسی صدر، بینکوں اور اداروں پر مالی پابندیاں عائد کی ہیں۔

جلد ہی عالمی سطح پر ریلیز ہونے والی دیگر بڑی فلمیں بشمول وارنر برادرز کی سپر ہیرو فلم دی بیٹ مین کی ریلیز بھی روک دی گئی ہے۔

وارنر برادرز کی جانب سے جاری بیان کے مطابق یوکرین کے انسانی بحران کے پیش نظر وارنر میڈیا نے دی بیٹ مین کی روس میں ریلیز روک دی ہے، ہم صورتحال پر نظر رکھیں گے اور توقع ہے کہ اس سانحے کا فوری اور پرامن حل نکلے گا۔

ہا لی وڈ اسٹوڈیو ڈزنی نے بھی روس میں اپنی تمام فلموں کی ریلیز روک دی ہے ڈزنی کے مطابق یوکرین پر بلاجواز حملے اور المناک انسانی بحران کے پیش نظر یہ فیصلہ کیا گیا۔

ڈزنی کا جانب سے جاری بیان میں کہا گیا کہ ہم مستقبل کے کاروباری فیصلے صورتحال کے مطابق کریں گے، اس وقت تک ابھرتے پناہ گزینوں کے بحران کے پیش نظر ہم نے اپنے این جی او شراکت داروں کے ساتھ مل کر فوری امداد اور دیگر معاونت فراہم کرنے پر کام شروع کردیا ہے ڈزنی کی انیمیٹڈ فلم ٹرننگ ریڈ 10 مارچ کو ریلیز ہونا تھی جسے اب روک دیا گیا ہے-

یوکرین پر حملہ: فیفا نے روس پر فٹبال کے عالمی ورلڈکپ میں شرکت پر پابندی لگادی

ڈزنی اور وارنر برادرز کے بعد سونی پکچرز نے بھی اعلان کیا کہ وہ اپنی فلموں میں روس میں ریلیز نہیں کرے گی اس اسٹوڈیو کی سپر ہیرو فلم موربیوس 24 مارچ کو روس میں ریلیز ہونا تھی۔

سونی پکچرز کی جانب سے جاری بیان کے مطابق یوکرین میں جاری فوجی کارروائی اور اس کے نتیجے میں پیدا ہونے والے غیریقینی صورتحال اور انسانی بحران کے پیش نطر ہم نے اپنی فلموں کی روس میں ریلیز روک دی ہے۔

روس،یوکرین جنگ :زیر زمین پناہ گاہوں میں بچوں کی پیدائش

دوسری جانب نیٹ فلیکس نے تصدیق کی ہے کہ اس نے روس کے ریاستی پروپگینڈا کو نشر کرنے سے انکار کردیا ہے جو روس میں یکم مارچ سے نافذ ہونے والے قانون کے مطابق کرنا تھا اس قانون کے تحت ایک لاکھ سے زیادہ صارفین والی اسٹریمنگ سروسز کو روس کے 20 بڑے ٹی وی چینلز کو بھی دکھانا تھا۔

نیٹ فلیکس کے ایک ترجمان کے مطابق موجودہ صورتحال کے باعث ہمارا اپنی سروس میں ان چینلز کو شامل کرنے کا کوئی منصوبہ نہیں۔

اقوام متحدہ کی ماحولیاتی کانفرنس میں روسی وفد نے یوکرین حملے پر معافی مانگ لی

نیویارک :ہالی ووڈ کی جاسوس فلم فرنچائز میں کون ہو گا نیا ‘جیمز بانڈ’؟نام سامنےآگیا،اطلاعات کے مطابق ہالی وڈ کی مقبول جاسوس فلم فرنچائز ‘جیمز بانڈ’ کے اگلے حصے کے لیے پہلی بار کسی سیاہ فام اداکار کے نام پر غور کیا جا رہا ہے۔

میکرز فلم کے اگلے حصے میں ‘دی سوسائیڈ اسکواڈ’ سے شہرت پانے والے اداکار ادریس ایلبا کو ‘007’ کا کردار ادا کرنے کے لیے کاسٹ کر سکتے ہیں۔ اگر ایسا ہوتا ہے تو 49 سالہ ادریس ایلبا فرنچائز کے لیے ‘بانڈ’ کا کردار ادا کرنے والے 7ویں اداکار بن جائیں گے۔

فرنچائز کی پروڈیوسر باربرا بروکولی اور مائیکل جی ولسن نے ایک حالیہ انٹرویو میں اس بات کا اشارہ بھی دیا ہے۔

ادریس ایلبا کے علاوہ، ٹام ہارڈی، رچرڈ میڈن، سیلین مرفی، لاشانہ لنچ، ہنری کیول، ٹام ہلڈلسٹن، اور سیم ہیوگن بھی سیکوئل میں MI6 ایجنٹ کا کردار ادا کرنے کے لیے سامنے آئے ہیں۔ تاہم فلم کے اگلے حصے کے لیے باضابطہ کاسٹنگ کا عمل ابھی شروع نہیں ہوا۔

فرنچائز کا آخری حصہ ‘جیمز بانڈ: نو ٹائم ٹو ڈائی’ 30 ستمبر 2021 کو ریلیز ہوا۔ جس میں ڈینیئل کریگ بانڈ کے کردار میں نظر آئے۔ یہ ‘جیمز بانڈ’ فرنچائز کی 25ویں فلم تھی۔ ڈینیئل کریگ 2006 سے جیمز بانڈکا کردار ادا کر رہے ہیں ۔

ہالی ووڈ اداکار 65 سالہ ایلک بولڈون کا کہنا ہے کہ فلم ’رسٹ‘ کی شوٹنگ کے دوران سیٹ پر جان بوجھ کر فائرنگ نہیں کی تھی بلکہ حادثاتی طور پر گولی چلی۔

باغی ٹی وی : برطانوی خبر رساں ادارے رائٹرز کے مطابق ایلک بولڈون نے حال ہی میں دیئے گئے ایک ٹی وی انٹرویو میں رواں برس 21 اکتوبر کو ہونے والے واقعے کے بعد خود پر لگائے جانے والے الزامات کو مسترد کرتے ہوئے دعویٰ کیا کہ ان سے حادثاتی طور پر گولیاں چل گئیں۔

انٹرویو کے دوران ایلک بولڈون جذباتی ہوگئے اور کہا کہ ان کے حوالے سے کی جانے والی باتیں غلط ہیں، انہوں نے جان بوجھ کر فائرنگ نہیں کی اور ان کے خلاف کرمنل کیس دائر نہیں کیا جانا چاہیے اگر ان کے خلاف یہ بات ثابت ہوجائے کہ انہوں نے جان بوجھ کر فائرنگ کی ہے تو وہ اپنی جان دے دیں گے، کیوںکہ وہ ایک ذمہ دار اور انتہائی حساس شخصیت کے مالک ہیں۔

فلم کی شوٹنگ کے دوران فائرنگ سے خاتون کی ہلاکت:اداکار ایلک بالڈون مشکل میں پھنس…

اداکار کا کہنا تھا کہ اس دن وہ بھی معمول کی طرح شوٹنگ میں مصروف تھے تو اس دوران انہوں نے اسلحہ اٹھایا اور ہلاک ہونے والی فلم ساز سے پوچھا کہ کیا وہ بھی بندوق کو دیکھنا چاہتی ہیں، جس پر انہوں نے رضامندی ظاہر کی اور انہوں نے بھی ہتھیار کو دیکھا۔

ایلک بولڈون نے دعویٰ کیا کہ ہلاک ہونے والی فلم ساز خاتون 42 سالہ ہیلینا ہچنس اور وہ بندوق دیکھ ہی رہے تھے کہ نہ جانے کیسے گولی چل گئی میں نے جان بوجھ کر گولی نہیں چلائی اور اگر یہ ثابت ہوجائے کہ میں نے منصوبہ بندی کے ساتھ فائرنگ کی تو میں اپنی جان لے لوں گا اور ساتھ ہی کہا کہ ان پر کے خلاف فوجداری مقدمات دائر نہیں کیے جانے چاہیے۔

یہ پہلا موقع ہے کہ ایلک بولڈون نے مذکورہ واقعے پر بات کی ہے، اس سے قبل ان کی جانب سے جاری بیان میں فائرنگ کے واقعے پر اظہار افسوس کیا گیا تھا۔

واضح رہے کہ ایلک بولڈون نے رواں برس 21 اکتوبر کو امریکی ریاست نیو میکسیکو میں شوٹنگ کے دوران فائرنگ کی تھی، جس سے فلم کی ڈائریکٹر فوٹوگرافی 42 سالہ ہیلینا ہچنس موقع پر ہلاک جبکہ ہدایت کار 48 سالہ جول سوزا زخمی ہوگئے تھے۔

کنگنا رناوت کو جان سے مارنے کی دھمکیاں

ایلک بولڈون کے خلاف 11 نومبر کو ’رسٹ‘ کے ہیڈ آف لائٹنگ Serge Svetnoy نے سول مقدمہ دائر کیا تھاعلاوہ ازیں ایلک بولڈون کے خلاف 18 نومبر کو فلم کی ٹیم میں شامل دوسری خاتون رکن اسکرپٹ سپروائیزر ممی مشیل نے بھی لاس اینجلس کی سپریم کورٹ میں سول مقدمہ دائر کیا تھا۔

بھارتی اداکارہ پر شوہر کا تشدد،زخمی حالت میں اسپتال منتقل، شوہر گرفتار

مذ کورہ واقعے سے قبل بھی ایلک بولڈون متنازع واقعات کر چکے ہیں، انہیں کچھ سال قبل پرواز کے اڑان بھرنے کے وقت موبائل فون استعمال کرنے کے الزام میں طیارے سے بھی اتارا گیا تھا جب کہ اس کے علاوہ بھی وہ ساتھی اداکاروں کے ساتھ نامناسب رویہ اختیار کرنے کی وجہ سے خبروں کی زینت بن چکے ہیں۔

جیکولین فرنینڈس اورنورا فتیحی کا جیل میں قید مجرم سے کروڑوں روپے کے تحائف لینے کا انکشاف

لاس اینجلس: امریکہ میں ہالی ووڈ اداکارہ جونشل الیگزینڈر کو قتل کر دیا گیا۔

باغی ٹی وی : غیر ملکی خبر رساں ایجنسی کے مطابق ہالی ووڈ اداکارہ جونشل الیگزینڈر کے قتل کا واقعہ امریکی ریاست لوزیانا میں پیش آیا 22 سالہ اداکارہ جونشل الیگزینڈر ہالی ووڈ فلموں میں بطور چائلڈ آرٹسٹ کام کر رہی تھیں اور انہیں نامعلوم ملزمان نے فائرنگ کر کے قتل کیا۔

ماہرہ خان کی نانی انتقال کر گئیں

پولیس کے مطابق مقتولہ اپنے دوست کے ساتھ گاڑی میں جا رہی تھیں کہ اچانک نامعلوم افراد نے گاڑی پر فائرنگ کر دی جس کے نتیجے میں ہالی ووڈ اداکارہ موقع پر ہی ہلاک ہو گئیں جبکہ ان کے دوست کو زخمی حالت میں اسپتال منتقل کر دیا گیا۔

کنگنا رناوت کو جان سے مارنے کی دھمکیاں

امریکی پولیس نے اپنی ابتدائی رپورٹ میں بتایا ہے کہ حملہ آور اداکارہ جونشل الیگزینڈر کو نہیں بلکہ ان کے دوست کو قتل کرنا چاہتے تھے۔

واضح رہے جونشل الیگزینڈر نے 2012 میں 12 برس کی عمر میں آسکر ایوارڈ کے لیے نامزد یافتہ فلم ’’بیسٹس آف دی سدرن وائلڈ‘‘ میں بطور چائلد آرٹسٹ کام کیا تھا بعدازاں انہوں نے فلمی دنیا کو چھوڑ کر ہوٹل میں ملازمت شروع کردی تھی۔

جیکولین فرنینڈس اورنورا فتیحی کا جیل میں قید مجرم سے کروڑوں روپے کے تحائف لینے کا انکشاف