Tag: ہسپتال
-
ڈرگ مافیا کے خلاف مل کر کام کیا جائے گا،وزیراعلیٰ سندھ
وزیراعلیٰ سندھ سید مراد علی شاہ سے وفاقی وزیر برائے نارکوٹکس شاہ زین بگٹی نے اپنے وفد کے ساتھ ملاقات کیا ہے
ملاقات میں صوبے میں منشیات کے خاتمے کے حوالے سے کیے گئے اقدامات اور آپریشن پر تبادلہ خیال کیا گیا، ملاقات میں وزیراعلیٰ سندھ کے ساتھ صوبائی وزیر سردار شاہ، مکیش چاولہ، ساجد جوکھیو، مشیر اعجاز جکھرانی، پارلیمانی سیکریٹری قاسم سومرو، چیف سیکریٹری سہیل راجپوت، آئی جی پولیس غلام نبی میمن، ایڈیشنل آئی جی کراچی جاوید اوڈھو، پرنسپل سیکریٹری فیاض جتوئی اور دیگر افسران شریک تھے،وزیراعلیٰ سندھ نے وفد کو آگاہی دی کہ منشیات کے خاتمے کیلئے میری سربراہی میں ٹاسک فورس بنائی گئی ہے، چیف سیکریٹری نارکوٹکس کنٹرول کمیٹی چیئر کرتے ہیں، ڈی جی رینجرز بارڈر اورسائیٹ کمیٹی کے سربراہ ہیں،آئی جی پولیس شہروں اور ٹائونز کی کمیٹیز کو دیکھتے ہیں،
مکیش کمار چاولہ کا کہنا تھا کہ ایکسائیز پولیس کی صوبے بھر میں 46 فیلڈ آپریشن کمیٹیز کام کرتی ہیں، گزشتہ چار سالوں سے صوبے میں نارکوٹکس کے 509 مقدمات زیر سماعت ہیں، 370 مقدمات کے عدالتوں نے فیصلے دیئے ہیں، وزیراعلیٰ سندھ سید مراد علی شاہ کا کہنا تھا کہ کراچی میں نشہ کے عادی لوگوں کی بحالی کیلئے 60 بستروں کی اسپتال، حیدآباد اور سکھر میں 45 بستروں کے اسپتال ہیں، ڈاکٹروں کے نشہ کے عادیوں کے 5 بیچز کو تربیت دی گئی ہے ، وفاقی وزیر برائے نارکوٹکس کا کہنا تھا کہ ہر سینٹرل جیل میں نشے کے عادی لوگوں کی بحالی کا یونٹ قائم کرنا چاہتا ہوں،صوبائی مشیر جیلز کا کہنا تھا کہ جیلوں میں نشے کے عادی افراد کا علاج کروایا جاتا ہے، آئی جی پولیس نے کہا کہ شہروں میں منشیات مافیا کے خلاف مسلسل آپریشن جاری ہے، سپلائی لائن کو کسی حد تک کنٹرول کیا جائے،وزیراعلیٰ سندھ سید مراد علی شاہ کا کہنا تھا کہ بارڈر پر مزید سختی کی جائے تاکہ منشیات ملک میں داخل نہ ہوسکے، اجلاس میں اتفاق کیا گیا کہ ڈرگ مافیا کے خلاف مل کر کام کیا جائے گا ڈرگ مافیا کے خلاف وفاقی اور صوبائی ایجنسیز رابطے کے ساتھ آپریشن جاری رکھیں گی تعلیمی اداروں کو ہر صورت منشیات سے پاک رکھا جائے گا منشیات کے عادی لوگوں کی بحالی کے لئے صوبائی حکومت کے علاوہ وفاقی حکومت بھی مزید ادارے قائم کرے گی
آئی جی ہو سپاہی یا کوئی بھی ہمارے لئے قابل احترام ہے
حاملہ خواتین کو سموگ سیزن میں خصوصی احتیاط کی ضرورت
طالبعلم کے ساتھ گھناؤنا کام کرنیوالا قاری گرفتار،قبرستان میں گورکن کی بچے سے زیادتی
پسند کی شادی جرم بن گئی، سفاک ملزمان نے بچوں،خواتین سمیت سات افراد کو زندہ جلا ڈالا
-
وزیراعلیٰ سندھ نے کورنگی میں چلڈرن ہسپتال کا افتتاح کردیا
وزیراعلیٰ سندھ سید مراد علی شاہ نے کورنگی نمبر 5 میں چلڈرن اسپتال کا افتتاح کردیا
ترجمان کے مطابق وزیراعلیٰ سندھ نے ہسپتال کے مختلف وارڈز،لیبارٹری اور او پی ڈی کا دورہ کیا اورہسپتال انتظامیہ نے وزیراعلیٰ سندھ کو ہسپتال سے متعلق بریفنگ بھی دی ،اس موقع پر وزیراعلیٰ سندھ سید مراد علی شاہ کا کہنا تھا کہ آج یہاں عذرا پیچوہو کے ساتھ کورنگی میں بچوں کے اسپتال کا افتتاح کرنے آیا ہوں ہم نے ایک ایکٹ کے تحت یہ ادارہ قائم کیا ہے ۔یہ ہمارا پہلا اسپتال ہے، اس اسپتال میں جو سہولیات ہیں، نجی اسپتال کی اگر سہولیات جمع کرلیں لیکن پھر بھی اس کا مقابلہ نہیں کرسکتے ہیں یہاں 52 انکیوبیٹر ہیں، پورے سندھ میں بات کی ہے سب اس اسپتال کے ڈاکٹرز کو دعائیں دے رہے تھے اس اسپتال میں وہ بچہ آتا ہے جس کا بچنا مشکل ہوتا ہے 89 فیصد بچہ یہاں سے ٹریٹ ہوکر جاتا ہے سکھر، لاڑکانہ ،میرپور خاص شہید بے نظیر آباد میں بھی ایسے اسپتال بنانے کا شروع کردیا ہے۔ ہمیں ابھی بہت کام کرنا ہے،کورنگی میں اسپتال ہے ، ہم نے کورنگی میں دو فلائی اوورز بنائے ہیں۔ ہم ضرورت کے مطابق چل رہے ہیں، یہاں پنچاب سے بھی لوگ آتے ہیں افغانستان سے بھی لوگ آتے ہیں۔
وزیراعلیٰ سندھ نے کورنگی کے لوگوں کو چلڈرن اسپتال کے قیام پر مبارک باد دی اور کہا کہ پیپلز پارٹی کی حکومت کی جانب سے یہ اسپتال ضلع کورنگی کےعوام کیلئے تحفہ ہے سندھ حکومت نےکورنگی کیلئے بہترین روڈ انفرااسٹرکچر اورٹرانسپورٹ کی سہولت دی ہے نوزائیدہ اموات کی شرح کو کم کرنے کےلیے سسٹم تجویز کیا گیا ہے نوزائیدہ بچوں کی دیکھ بھال کیلئے مزید کوششیں کرنا ہوں گی
عمران خان سے شادی کا خواہشمند نوجوان سامنے آ گیا
بھارت اور امریکا کا خوفناک منصوبہ بے نقاب ،پاکستان کو میدان جنگ بنانے کی تیاری
بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف
-
پاکستان میں منکی پاکس کے 2 کیسز ،پنجاب میں علاج کے لئے 6 رکنی کمیٹی تشکیل
حکومت پنجاب کی ہدایت پر پرنسپل پوسٹ گریجویٹ میڈیکل انسٹی ٹیوٹ و امیر الدین میڈیکل کالج پروفیسرڈاکٹر سردار محمد الفرید ظفر نے ملک میں منکی پاکس کیس رپورٹ ہونے پر لاہور جنرل ہسپتال کے سینئر پروفیسرز/کنسلٹنٹ پر مشتمل 6 رکنی کمیٹی تشکیل دے دی جس کے فوکل پرسن پروفیسر آ ف میڈیسن ڈاکٹر طاہر صدیق ہوں گے۔ کمیٹی کے ارکان میں پروفیسر انیلہ اصغر، پروفیسرمحمد فہیم افضل، ڈاکٹر محمد عرفان ملک، ڈاکٹر غزالہ روبی، اور ڈاکٹر سید جعفر حسین شامل ہیں۔پروفیسر الفرید ظفر کا کہنا تھا کہ مذکورہ کمیٹی صورتحال پر کڑی نگاہ رکھے گی اور کسی بھی ایمرجنسی صورتحال میں منکی پاکس کے کیسز کی تشخیص اور علاج معالجے کے بھرپور ا نتظامات کی ذمہ دار ہوگی۔
پروفیسر الفرید ظفر نے اس حوالے سے امید ظاہر کی کہ محکمہ سپیشلائزڈ ہیلتھ کئیر اینڈ میڈیکل ایجوکیشن کے بر وقت اقدامات کی وجہ سے انشا ء اللہ منکی پاکس کی بیماری کے پھیلاؤ کو ابتدا ہی میں کنٹرول کر لیا جائے گا تاہم کسی ایمرجنسی صورتحال سے عہدہ برآ ہونے کیلئے ایل جی ایچ کی انتظامیہ نے سینئر پروفیسرز ، کنسلٹنٹ اور پیتھیالوجسٹ پر مشتمل کمیٹی تشکیل دے دی ہے جو ایس او پیز کے مطابق مرض کی تشخیص، کیس مینجمنٹ اور مریض کے علاج معالجے کے انتظامات کو حتمی شکل دینے اور بہترین دیکھ بھال کے اقدامات کو ممکن بنائے گی۔ پرنسپل پی جی ایم آئی نے لوگوں سے بھی اپیل کی کہ وہ بیرون ملک سفر کرتے ہوئے احتیاطی تدابیر پر عملدآمد یقینی بنائیں، ماسک پہنیں، ایک دوسرے سے مصافحہ اور بغل گیر ہونے سے اجتناب برتیں اورصابن سے ہاتھ دھونا نہ بھولیں تاکہ بیماری ایک سے دوسرے میں منتقل نہ ہو سکے اور اپنے ساتھ ساتھ دوسرو ں کی زندگیاں بھی محفوظ بنائی جا سکیں۔
دوسری جانب نگران صوبائی وزراء صحت ڈاکٹرجاوید اکرم اور ڈاکٹرجمال ناصرکی زیرصدارت ڈی جی ہیلتھ کے دفتر میں اجلاس منعقد ہوا جس میں ڈی جی ہیلتھ سروسزڈاکٹرالیاس گوندل،عالمی ادارہ صحت کے ڈاکٹر جمشید ،یونیسف کے ڈاکٹر قرۃالعین،ایڈیشنل سیکرٹری محکمہ پرائمری اینڈسیکنڈری ہیلتھ کئیرڈاکٹریونس،ڈاکٹرعاصم الطاف ،ڈین انسٹی ٹیوٹ آف پبلک ہیلتھ ڈاکٹرزرفشاں طاہر،کنگ ایڈورڈمیڈیکل یونیورسٹی کے پروفیسر ڈاکٹر اعجاز حسین،رجسٹراریونیورسٹی آف چائلڈہیلتھ سائنسزپروفیسرڈاکٹرجنیدرشید،ڈاکٹریداللہ،محکمہ سپیشلائزڈہیلتھ کئیراینڈمیڈیکل ایجوکیشن کے ڈپٹی سیکرٹریزڈاکٹربختیار اور ڈاکٹرعبدالرحمان،بریگیڈئیروحید، لاہورایئرپورٹ کے نمائندہ ڈاکٹرسکندرودیگرحکام نے وڈیولنک کانفرنس کے ذریعے شرکت کی۔نگران صوبائی وزراء صحت ڈاکٹر جاوید اکرم اور ڈاکٹرجمال ناصرنے صوبہ میں منکی پاکس پرقابوپانے کیلئے اقدامات کاتفصیلی جائزہ لیا جبکہ متعلقہ افسران نے نگران صوبائی وزراء کو اس حوالہ سے بریفنگ دی۔
نگران صوبائی وزیرمحکمہ سپیشلائزڈہیلتھ کئیراینڈمیڈیکل ایجوکیشن ڈاکٹرجاویداکرم نے اجلاس سے اظہارخیال کرتے ہوئے کہا کہ صوبہ بھرکے سرکاری ہسپتالوں کو منکی پاکس کے حوالہ سے الرٹ جاری کردیا گیا ہے۔لاہور میں منکی پاکس کے حوالہ سے بچوں کیلئے چلڈرن ہسپتال اور بڑوں کیلئے جنرل ہسپتال کو مختص کردیا گیا ہے پاکستان میں ابھی تک منکی پاکس کے 2 کیسز رپورٹ ہوئے ہیں۔ڈین انسٹی ٹیوٹ آف پبلک ہیلتھ ڈاکٹرزرفشاں طاہرکو منکی پاکس کے الرٹس ودیگرمعلومات کے حوالہ سے فوکل پرسن بنا دیا گیا ہے۔ڈاکٹرجاویداکر م نے کہا کہ ایئرپورٹ حکام کو منکی پاکس کے حوالہ سے الرٹ رہناہوگا۔ عوام کیلئے منکی پاکس کی معلومات حاصل کرنے کیلئے ہیلپ لائن بھی قائم کی جارہی ہے پنجاب میں منکی پاکس کی ٹیسٹنگ کی سہولت بھی موجودہے۔لاہورکے علاوہ تمام اضلاع میں منکی پاکس کے حوالہ سے ہسپتالوں میں بستروں کو مختص کردیا جائے گا۔منکی پاکس پرقابوپانے کیلئے احتیاطی تدابیراپنانے کی ضرورت ہے اور اس حوالے سے تمام ایئرلائنزکو گائیڈلائنزبھی جاری کردی گئی ہیں۔
نگران صوبائی وزیرمحکمہ پرائمری اینڈسیکنڈری ہیلتھ کئیرڈاکٹرجمال ناصر نے اظہارخیال کرتے ہوئے کہا کہ ہمیں منکی پاکس کے حوالہ سے عوام کوہراساں نہیں کرنا بلکہ معلومات فراہم کرنی ہیں۔جہازکے اندرہی اس حوالہ سے مسافروں کی سکریننگ کرنی چاہئے۔تمام اضلاع میں ہسپتالوں کو منکی پاکس کے حوالہ سے بستروں کو مختص کرنے اور ڈی ایچ کیوہسپتالوں میں پی سی آرکٹس اورضروری ٹیسٹنگ سہولیات فراہم کرنے کیلئے ہدایات جاری کردی گئی ہیں۔ڈاکٹر جمال ناصر نے کہا کہ دونوں محکمہ جات کے ہسپتالوں میں علیحدہ وارڈزمختص کئے جائیں گے۔منکی پاکس کی روک تھام کیلئے ادویات کی خریداری اور سپلائی چین کیلئے جامع لائحہ عمل تیارکیاجائے گا۔ اس حوالے سے ویکسین کی خریداری کی تجویزبھی زیرغورہے۔
واضح رہے کہ پاکستان میں منکی پاکس کا پہلا کیس سامنے آگیا، سعودی عرب سے بے دخل شخص میں منکی پاکس کی تصدیق ہوئی ہے وفاقی وزارت صحت کے حکام کا کہنا ہے کہ سعودی عرب سے 17 اپریل کو پاکستان آنے والے شخص میں منکی پاکس کی علامات تھیں، متاثرہ شخص کے نمونے قومی ادارہ برائے صحت اسلام آباد بھیجےگئے، گزشتہ روز قومی ادارہ برائے صحت اسلام آباد نے متاثرہ شخص میں منکی پاکس کی تصدیق کی۔
ممکنہ منکی پاکس کیسز اور بارڈر ہیلتھ سروسز ہدایات کی روشنی میں ایئرپورٹس پر حفاظتی انتظامات
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
برطانوی وزیرداخلہ کا پاکستانیوں کو جنسی زیادتی کا مجرم کہنا حقیقت کے خلاف ہے،برٹش جج
جماعت اسلامی سےمذاکرات،عمران خان کی ہدایات پر پی ٹی آئی کی تین رکنی کمیٹی قائم
بھارتی مسلمان رکن اسمبلی کوبھائی سمیت پولیس حراست میں ٹی وی کیمروں کے سامنے گولیاں ماردی گئیں -
گوجرہ :تلخ کلامی اور معمولی جھگڑا 2افراد قتل
گوجرہ ، باغی ٹی وی( نامہ نگارعبدالرحمن جٹ) گوجرہ میں آج دو قتل ہوئے ہیں ذرائع سے معلوم ہوا ہے کہ چک نمبر 363ج ب باہمنی والا میں معمولی جھگڑے پر نوجوان کا قتل ہے اطلاع کے مطابق عاشر نوروالدنور قوم راجپوت اور آجو وہ رشید قوم راجپوت جو آپس میں قریبی عزیز بھی ہیں کی کچھ دن قبل آپس میں معمولی بات پر تلخ کلامی ہوئی تھی آج پھر دوبارہ تلخ کلامی ہونے پر عاشر کو اجو والد رشید نے فائرنگ کر کے قتل کردیا اور موقع سے سے فرار ہونے میں کامیاب ہو گیا تاحال وجہ عناد سامنے نہ سکی اسی طرح دوسرا قتل کاواقعہ ستارہ سٹی کے قریب رونما ہواہے جوکہ محمد بلا ل والد محمد اقبال قوم آرائیں جو وزیر پارک گوجرہ کا رہائشی معلوم ہوا ہے ستارہ سٹی کے پاس جا رہا تھا کونامعلوم افراد نے فائرنگ کرکے کے قتل کر دیا پولیس نے دونوں افراد کی لاشوں کو تحویل میں لے کر سول ہسپتال گو جرہ پہنچا کر ضروری کارروائی شروع کر دی ہے اور ملزمان کی گرفتاری کے لیے چھاپے مارے جا رہے ہیںل
-
منظور جونیئر کی لاش اسپتال انتظامیہ نے بل کی عدم ادائیگی پر2 گھنٹے تک روکے رکھی
ہاکی اولمپیئن منظور جونیئر کی میت نجی اسپتال انتظامیہ نے بل کی ادائیگی نہ ہونے پر لواحقین کے حوالے کرنے سے انکار کردیا اور دو گھنٹے تک میت کو روکے رکھا۔ اسپتال انتظامیہ پانچ گھنٹے کی ٹریٹمنٹ پر چار لاکھ روپے کا بل مانگ رہی تھی، انتظامیہ کا موقف تھا کہ منظور جونیئر کو اسٹنٹ ڈالے گئے تھے۔
بعد میں پاکستان ہاکی فیڈریشن کی مداخلت پر اسپتال انتظامیہ نے منظور جونیئر کی ڈیڈ باڈی لواحقین کے حوالے کردی۔ منظور جونیئر کو آج صبح دل کا دورہ پڑا، انہیں فوری طور پر مقامی اسپتال لایا گیا تھامگر وہ نجی اسپتال میں انتقال کرگئے، ڈاکٹروں کے مطابق منظورجونیئرکو تین اسٹنٹ ڈالے گئے تھے۔
ہاکی کی دنیا کے لیجنڈ، اولمپیئن منظور حسین جو نیئر کے انتقال پر گہرا دکھ اور افسوس ہوا. اللہ تعالی مرحوم کے درجات بلند کریں اور سوگواران کو صبرِ جمیل عطا کریں. گولڈ میڈلسٹ منظور حسین جونیئر قوم کا سرمایہ تھے، پاکستان ہاکی کیلئے انکی خدمات نا قابلِ فراموش رہیں گی.
— Shehbaz Sharif (@CMShehbaz) August 29, 2022
وزیر اعظم شہباز شریف کا کہنا تھا کہ ہاکی کی دنیا کے لیجنڈ، اولمپیئن منظور حسین جونیئر کے انتقال پر گہرا دکھ اور افسوس ہوا۔شہباز شریف کا کہنا تھا کہ اللّٰہ تعالیٰ مرحوم کے درجات بلند کرے اور سوگواران کو صبرِ جمیل عطا کرے۔
وزیر اعظم کا کہنا تھا کہ گولڈ میڈلسٹ منظور حسین جونیئر قوم کا سرمایہ تھے، پاکستان ہاکی کیلئے ان کی خدمات نا قابلِ فراموش رہیں گی۔
General Qamar Javed Bajwa, COAS is deeply grieved on the sad demise of hockey legend and a personal friend Olympian Manzoor Hussain, Junior. “May Allah bless his soul & give strength to the bereaved family to bear this irreparable loss, Ameen.” COAS.
— DG ISPR (@OfficialDGISPR) August 29, 2022
منظور جونیئر کی وفات پر آرمی چیف جنرل قمرجاوید باجوہ نے بھی اظہار تعزیت کیا۔پاکستان کرکٹ ٹیم کے سابق کپتان اور ٹیسٹ کرکٹرو وسیم اکرم نے بھی منظور جونیئر کی وفات پر دکھ کا اظہار کیا۔اولمپیئن منظور حسین جونیئر پاکستان ہاکی کا سرمایہ تھے۔ ان کو اپنے زمانے میں گولڈن پلیئر کے خطاب سے نوازا گیا۔
منظور حسین جونیئر کی قیادت میں پاکستان نے واحد جونیئر ورلڈ کپ 1979ء میں جیتا۔انہوں نے قومی ٹیم کی نمائندگی کرتے ہوئے 1984 کے لاس اینجلس اولمپکس میں گول میڈل کا اعزاز حاصل کیا۔منظور جونیئر نے بارسلونا اور لاس اینجلس اولمپکس میں بالترتیب کانسی اور سونے کے تمغےجیتے، وہ لاس اینجلس اولمپکس میں قومی ہاکی ٹیم کے کپتان بھی رہے۔
1978 اور 1982 کی فاتح قومی ہاکی ٹیم کا بھی حصہ رہے۔ 1982 کے ورلڈ کپ فائنل کے ہیرو کے طور پر دنیائے ہاکی آج بھی پہچانتی ہے.منظور جونیئر کو 1984ء میں صدارتی تمغہ برائے حسن کارکردگی سے بھی نوازا گیا۔
تحریک منہاج القرآن کے قائد شیخ الاسلام ڈاکٹر محمد طاہر القادری نے ہاکی کے عظیم کھلاڑی،اولمپئین منظور حسین جونئیر کے انتقال پر افسوس کا اظہار کرتے ہوئے اپنے تعزیتی پیغام میں کہا ہے کہ اللہ تعالیٰ مرحوم منظور حسین جونئیر کی بخشش و مغفرت فرمائے جملہ پسماندگان کو صبر جمیل کی توفیق دے۔ڈاکٹر طاہر القادری نے کہا کہ منظور حسین جونئیر پاکستان ہاکی کے ایک بڑے کھلاڑی اور عظیم انسان سے محروم ہو گیا ہے۔
-
شہباز گل کی ہسپتال سے ایک اور ویڈیو سامنے آ گئی
باغی ٹی وی کی رپورٹ کے مطابق تحریک انصاف کے چیئرمین عمران خان کے چیف آف سٹاف شہباز گل کی ہسپتال سے ایک اور ویڈیو سامنے آئی ہے
شہباز گل کی ویڈیوز تحریک انصاف کے پروپیگنڈے اور جھوٹ کو بے نقاب کر رہی ہیں، دھوکہ دہی، جھوٹ کی سیاست کرنے والے اب غداری کے ملزم کو بچانے کے لئے بھی مسلسل جھوٹ بول رہے ہیں حتیٰ کہ جنسی زیادتی کا الزام تک لگا دیتے ہیں ، اب شہباز گل کی دو روز میں یہ تیسری ویڈیو ہسپتال سے سامنے آئی ہے
Deny this too pic.twitter.com/5OEFeQuoL7
— Mubasher Lucman (@mubasherlucman) August 22, 2022
ویڈیو میں دیکھا جا سکتا ہے کہ شہباز گل ہشاش بشاس ہیں اور جوس پی رہے ہین، جوس خود انہوں نے اپنے ہاتھ میں پکڑا ہوا ہے اور وہ کسی قسم کے پریشان نہیں لگ رہے، دو روز قبل شہباز گل کی عدالت پیشی کے موقع پر جو وہیل چیئر پر حالت تھی وہ سب بے نقاب ہو چکی ہے، ڈرامے ختم ہو چکے، ویڈیو نے سب بھانڈا پھوڑ دیا ہے
شہباز گل کی تصاویر بھی سامنے آئی ہیں جن میں دیکھا جا سکتا ہے کہ شہباز گل صوفے پر بیٹھے ہیں اور انکے سامنے کھانا پڑا ہوا ہے،شہباز گل کپ میں کچھ پی بھی رہے ہیں وہ بالکل ہشاش بشاش ہیں، انہیں اب ہسپتال میں آکسیجن کی ضرورت نہیں رہی جو عدالت پیشی کے موقع پر تھی، عدالت پیشی کے موقع پر شہباز گل کو سانس نہیں آ رہا تھا اور ہسپتال میں کھانوں کے علاوہ کوئی کام نہیں ہے ،
ہسپتال ذرائع کے مطابق شہباز گل صحت مند ہیں اور تمام رپورٹس کلیئر ہیں،شہباز گل کھا پی رہے ہیں، انہوں نے بھوک ہڑتال نہیں کی، بھوک ہڑتال کی خبر بھی پی ٹی آئی کی جانب سے پروپیگنڈہ اور جھوٹ پر مبنی تھی
شہبازگل ڈرامہ،یہ لوثبوت،!ویڈیومنظرعام پر:مبشرلقمان نےشہبازگل کا پول کھول دیا
اس سے پہلے بھی شہبازگل کی ویڈیوز منظر عام پر آئی تھیں ایک ویڈیو میں انہیں اسپتال میں اپنے کمرے میں ہشاش بشاش دیکھا جا سکتا ہے
ویڈیو میں شہباز گِل پمز اسپتال میں اپنے کمرے میں ہشاش بشاش نظر آ رہے ہیں
شہبازگل کے ڈرائیور کے بھائی کی عبوری ضمانت منظور
سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام
عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش
شہباز گل کی گرفتاری، پی ٹی آئی کے ڈنڈا بردار کارکن بنی گالہ پہنچ گئے
شہباز گل کی گرفتاری پی ٹی آئی نے عدالت سے رجوع کرنے کا فیصلہ کر لیا
نعرے ریاست مدینہ کےاورغلامی امریکہ کی واہ شہبازگل باجوہ
شہباز گل پر ایسا تشدد ہوا جو بتایا جا سکتا اور نہ دکھایا جا سکتا ہے، بابر اعوان
شہباز گل کا عدالت نے جسمانی ریمانڈ دیا تو وہ بیمار ہو گئے عدالت پیش کیا گیا تو عدالت نے انہیں ہسپتال منتقل کرنے کا حکم دے دیا۔ عدالت پیشی کے موقع پر شہباز گل کو وہیل چیئر پر پیش کیا گیا تھا اور وہ چیخ و پکار کر رہے تھے اس سے قبل جب انہیں جیل سے ہسپتال منتقل کیا گیا تھا تو شہباز گل کو سٹریچر پر لایا گیا تا ہم اب ہسپتال کے اندر سے ملنے والی فوٹیج و تصاویر نے صورتحال واضح کر دی ہے
عدالت پیشی کے موقع پر وہیل چیئر پر ہسپتال جانے والے شہباز گل ہسپتال کے اندر بالکل صحت مند ہیں۔ انہوں نے نیلے رنگ کا سوٹ پہن رکھا ہے اور وہ چل پھر رہے ہیں اسلام آباد پولیس کے اہلکار بھی ہسپتال کے اندر موجود ہیں جو شہباز گل کے پاس کھڑے ہیں شہباز گل کو جب ہسپتال لایا گیا تھا تب انکی حالت دیکھنے والوں کو خراب لگ رہی تھی لیکن اب ہسپتال کے اندر کی ویڈیو نے سب بھانڈا پھوڑ دیا یوں لگتا ہے کہ دو روز قبل کی میڈیکل رپورٹ جس میں شہباز گل کو تندرست کہا گیا تھا وہ بالکل ٹھیک تھی۔ شہباز گل فائل بھئ چیک کر رہے ہیں اور چل پھر بھی رہے ہیں شہباز گل کی ویڈیو نے سب حقیقت آشکار کر دی ہے
وفاقی دارالحکومت کی پولیس نے کہا ہے کہ شہباز گل پر تشدد کی من گھڑت مہم چلائی جا رہی ہے۔اسلام آباد پولیس نے کہا ملزم شہباز گل پر کوئی تشدد نہیں کیا گیا ہے۔ شہباز گل پر تشدد اور جنسی زیادتی سے متعلق بعض افراد کی طرف سے من گھڑت مہم چلائی جارہی ہے۔ عدالتی حکم پر تشدد سے متعلق ابتدائی رپورٹ پر کام شروع ہوچکا ہے اور بیانات کا جائزہ لیا جا رہا ہے۔
-
وزیراعلیٰ پنجاب نے ہسپتالوں میں ایمرجنسی مینجمنٹ ماڈل اپنانے کی منظوری دے دی
وزیراعلیٰ پنجاب چودھری پرویز الٰہی نے ہسپتالوں میں ایمرجنسی مینجمنٹ ماڈل اپنانے کی منظوری دے دی
پنجاب کے ہسپتالوں میں ایمرجنسی کو مکمل طورپرالگ شعبہ قراردینے کی تجویز دے دی گئی، ہسپتالوں کے ایمرجنسی وارڈز میں ڈسپوزیبل بیڈ شیٹ کے استعمال کی اصولی منظوری دی گئی، وزیراعلیٰ چودھری پرویز الٰہی نے ایمرجنسی ڈیوٹی ڈاکٹرز کوخصوصی الاؤنس دینے کے فیصلے کی توثیق کردی ،پنجاب میں انتھیسیالوجسٹ کی خالی آسامیوں پر بھرتی کی منظوری دی گئی، وزیرآباد انسٹی ٹیوٹ آف کارڈیالوجی کے نئے بورڈ آف گو رنر کی اصولی منظوری دی گئی،
وزیراعلیٰ پنجاب چودھری پرویز الہیٰ کا کہنا تھا کہ ایمرجنسی ڈیوٹی سرانجام دینے والے ڈاکٹرز اورسٹاف کو خصوصی مراعات دیں گے وزیرآباد انسٹی ٹیوٹ آف کارڈیالوجی کے ڈاکٹرز کو آمدورفت اوررہائش کی سہولتیں دیں گے وزیر آباد کارڈیالوجی انسٹی ٹیوٹ کیلئے پی آئی سی کے ڈاکٹرزکی خدمات مستعارلی جائیں گی وزیرآباد میں 400بیڈ کا نیا ہسپتال بھی بنائیں گے
وزیراعلیٰ کو بریفنگ میں بتایا گیا کہ وزیر آباد کارڈیالوجی انسٹی ٹیوٹ کو 125سے 200 بیڈ توسیع دینے کیلئے کام کا آغاز کردیاہے انسٹی ٹیوٹ میں 16پی جی آر کی خدمات حاصل کی جائیں گی۔ صوبائی وزیر صحت ڈاکٹر یاسمین راشد،سابق چیئرمین پلاننگ اینڈ ڈویلپمنٹ سلمان غنی،سابق پرنسپل سیکرٹری وزیراعلیٰ جی ایم سکندر،پرنسپل سیکرٹری وزیراعلیٰ محمدخان بھٹی ،چیئرمین پلاننگ اینڈ ڈویلپمنٹ،سیکرٹری ہیلتھ،سیکرٹری خزانہ،ڈی جی ریسکیو1122 ڈاکٹر رضوان نصیر،وزیر آباد کارڈیالوجی انسٹی ٹیوٹ کے ہیڈ نے اجلاس میں شرکت کی
فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج
فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر
ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’
دوسری جانب وزیر اعلی پنجاب چودھری پرویزالٰہی آج گجرات کا دورہ کریں گے وزارت اعلی کا منصب سنبھالنے کے بعد چودھری پرویزالٰہی کا یہ اپنے آبائی شہر کا پہلا دورہ ہوگا وزیر اعلی پنجاب چودھری پرویزالٰہی گجرات میں مختلف وفود سے ملاقاتیں کریں گے وزیر اعلی پنجاب چودھری پرویزالٰہی ظہور الٰہی پیلس میں لوگوں سے خطاب بھی کریں گے
-
شہباز گل اسلام آباد پولیس کے حوالے،پمز ہسپتال منتقل،میڈیکل بورڈ تشکیل
پاکستان تحریک انصاف کے رہنما اور سابق وزیر اعظم عمران خان کے چیف آف اسٹاف شہباز گل کو جیل سے اسلام آباد کے پمز ہسپتال منتقل کر دیا گیا ہے.شہباز گل کے میڈیکل کے لئے بورڈ تشکیل دے دیا گیا،میڈیکل بورڈ میں 5 پروفیسر ڈاکٹرز شامل ہیں، پانچ شعبات سے پروفیسرز شہباز گل کا میڈیکل کریں گے،بورڈ میں پروفیسر آف سرجری ،پروفیسر آف میڈیسن،پروفیسر آف کارڈیک ،نیورو میڈیسن اور ارتھوپولک پروفیسرز شامل ہیں،،جو شہباز گل کا معائینہ کرے گی،ڈاکٹرز پمزاسپتال کا کہنا ہے کہ شہباز گل کو پہلے سے سانس کی تکلیف ہے.
پی ٹی آئی کے کارکن اور رہنما بھی پمز ہسپتال پہنچ گئے ہیں جہاں پی ٹی آئی کارکنوں اور رہنماوں کی جانب سے حکومت کے خلاف نعرے لگائے جا رہے ہیں.
اس سے قبل پاکستان تحریک انصاف کے رہنما اور سابق وزیر اعظم عمران خان کے چیف آف اسٹاف شہباز گل کوہسپتال منتقل کرنے کے معاملے پر پنجاب پولیس اور وفاقی پولیس میں ٹھن گئی تھی .تاہم پنجاب پولیس کی جانب سے رینجرز اور ایف سی کے اڈیالہ جیل پہنچنے کی اطلاعات پر شہباز گل کو اسلام آباد پولیس کے حوالے کر دیا تھا .شہباز گل کو ایمبولینس کے ذریعے اسلام آباد کے پمز ہسپتال منتقل کر دیا گیا ہے.
اس سے پہلے وفاقی حکومت نے عدالتی احکامات پر عملدرآمد کرانے کیلئے ایف سی اوررینجرز کو طلب کیا گیا تھا.پنجاب پولیس کی مزید نفری کو سینڑل جیل اڈیالہ راولپنڈی پہنچایا گیا تھا،سنٹرل جیل اڈیالہ کے گیٹ نمبر پانچ کا داخلی راستہ بھی بند کر دیا گیا تھا،قبل ازین ڈی ایچ کیو ہسپتال میں سیکورٹی سخت کر دی گئی تھی.ہسپتال میں موجود مریضوں اور انکے لواحقین کو شدید مشکلات کا سامنا کرنا پڑا.
ذرائع کا کہنا ہے کہ تحریک انصاف عدالتی احکامات پر عملدرآمد کرنے کو تیار نہیں تھی، تحریک انصاف امن و امان خراب کرنے کی صورتحال پیدا کر رہی ہے۔ پنجاب حکومت نے شہباز گل کو اسلام آباد پولیس کے حوالے کرنے سے انکار کردیا تھا، اسلام آباد پولیس شہباز گل کو لینے اڈیالہ جیل پہنچی مگر پنجاب پولیس نے حوالے نہیں کیا جبکہ پمز اسپتال کی میڈیکل ٹیم بھی جیل کے باہر موجود تھی۔
ذرائع کا کہنا ہے کہ عمران خان کا آئی جی جیل خانہ جات، ایڈیشنل چیف سیکریٹری اور سیکریٹری ہیلتھ پر شدید دباؤ تھا، عمران خان نے شہباز گل کی جعلی میڈیکل ایمرجنسی اور راولپنڈی کے اسپتال میں منتقلی کے لیے دباؤ ڈالا۔سابق وزیراعظم و پاکستان تحریک انصاف کے چیئرمین عمران خان نے اپنے چیف آف اسٹاف شہبازگل کو جسمانی ریمانڈ پر دینے سے روکنے کیلئے ایڈیشنل چیف سیکرٹری اور انسپکٹر جنرل (آئی جی) پولیس جیل خانہ جات کو احکامات جاری کئے تھے۔ ذرائع کے مطابق عمران خان نے حکم دیا تھا کہ ایمرجنسی پیدا کرکے شہباز گل کو فوری راولپنڈی کے کسی سرکاری اسپتال بھیج دیں۔
ذرائع کا کہنا ہے کہ عمران خان کو بتایا گیا تھا کہ یہ غیرقانونی ہے اور ایسا نہیں کیا جاسکتا،عمران خان نے اصرار کیا تھا کہ نتائج کچھ بھی ہو ایسا کیا جائے۔
یاد رہے کہ ایڈیشنل سیشن جج اسلام آباد نے آج شہباز گل کا دو روزہ جسمانی ریمانڈ منظور کیا تھا۔
-
شہبازگل کو ہماری مرضی کے ہسپتال لیجاو،فواد چوہدری،حماد اظہر،غیر قانونی کام نہیں کرتا ،آئی جی جیل
پی ٹی آئی رہنماوں فواد چوہدری اور حماد اظہر کی کھلے عام کار سرکار میں مداخلت کی کوشش.
پی ٹی آئی چیئرمین اور سابق وزیراعظم عمران خان کے چیف آف سٹاف شہباز گل کی اپنی مرضی کے ہسپتال منتقل ہونے پر پی ٹی آئی کے لیڈروں اور آئی جی جیل خانہ جات پنجاب مرزا شاہد سلیم بیگ میں ٹھن گئی.
پی ٹی آئی کے رہنماوں فواد چوہدری، حماد اظہر، حافظ حیات نے آئی جی جیل خانہ جات پنجاب کو شہباز گل کو اپنی مرضی کے ہسپتال منتقل کرنے کا زبانی حکم دے دیا، پی ٹی آئی کے رہنماوں نے آئی جی جیل خانہ جات کے ساتھ انتہائی بدتمیزی کی .
ذرائع کے مطابق پی ٹی آئی کے رہنماوں نے آئی جی جیل خانہ جات پنجاب کو لاہور بلا کر شہباز گل کو اپنی مرضی کے ہسپتال منتقل کرنے کے احکامات دئیے،پی ٹی آئی رہنماوں فواد چوہدری، حماد اظہر، حافظ حیات نے پی ٹی آئی چئیرمن عمران خان کی طرف سے احکامات دئیے
آئی جی جیل خانہ جات پنجاب نے کہا کہ قانون کے مطابق شہباز گل وفاقی حکومتی ادارے کا ملزم ہے، ہم اس معا ملے میں مداخلت نہیں کرسکتے، آئی جی جیل خانہ جات پنجاب کے موقف پر پی ٹی آئی رہنما فواد چوہدری اور حماد اظہر شدید برہم ہوگئے اور آئی جی جیل خانی جات کو کہا کہ ہمیں قانون نا سکھائیں.
آئی جی جیل خانہ جات پنجاب کا پی ٹی آئی رہنماوں کو کہنا تھا کہ وہ غیرقانونی حکم نہیں مان سکے، آئی جی جیل خانہ جات پنجاب کے انکار پر پی ٹی آئی راہنما غصے میں آگئے اور آپے سے باہر ہو گئے اور آئی جی جیل خانہ جات کو دحمکیان دینا شروع کر دیں.
پی ٹی آئی رہنماوں نے آئی جی سے کہا کہ ہمیں قانون نے پڑھائیں جو کہا ہے وہ کریں، آپ کے لئے یہی بہتر ہوگا، جس پر آئی جی جیل خانہ جات نے پی ٹی آئی رہنماوں کی دھمکیاں پس پشت ڈال کر غیر قانونی حکم مانے سے انکار کرتے ہوئے کہا کہ آپ وزیراعلی سے بات کر لیں، مجھے مجبور نہ کریں.
ترجمان پنجاب پولیس کی جیو نیوز کے سینیئر صحافی حامد میر کے آئی جی پنج جیل خانہ جات سے منسوب کیے جانے والے بیان کی تردید کی گئی ہے. ترجمان پنجاب پولیس کا کہنا ہے کہ پی ٹی آئی راہنما شہباز گل کیس میں آئی جی پنجاب کی کسی سے کوئی بات نہیں ہوئی۔ اسلام آباد پولیس، عدالت اور جیل خانہ جات پنجاب کا معاملہ ہے، پنجاب پولیس کا اس کیس سے کوئی تعلق نہیں۔
اس سے قبل 22 جولائی کو راؤ سردار علی خان نے بھی پنجاب کے آئی جی کے طور پرفرائض انجام دینے سے معذوری ظاہر کی تھی.
