Tag: ہیٹ ویو

وفاقی وزیراطلاعات مریم اورنگزیب نے کہا کہ ملک میں لوڈ شیڈنگ سے متعلق رپورٹ کابینہ کو پیش کی گئی ،30جون تک لوڈشیڈنگ کا دورانیہ 2 گھنٹے تک ہوجائے گا-

باغی ٹی وی : وفاقی وزیر نے کہا کہ ملک میں بجلی کی طلب پیدوار سے زیادہ ہے،گرمی کی شد ت میں اضافے کے باعث ملک میں غیر معمولی ہیٹ ویو ہے ،ملک میں بجلی کی طلب اور رسد میں فرق 4 ہزار سے زائد میگاواٹ ہے ، بجلی کی طلب 28 ہزار 400 ہے 25 ہزار 800میگاواٹ بجلی سسٹم میں موجود ہے، پی ٹی آئی کی حکومت میں بجلی کے منصوبے نامکمل رہے،دو دن کے اندر ہنگامی ٹاسک دیا گیا تھا، جس پر یہ کام کیا گیا ہے-

انہوں نے کہا کہ مسلم لیگ نے اپنے دور میں بجلی کے منصوبوں کو مکمل کیا،گزشتہ حکومت میں بدقسمتی سے بجلی کے منصوبوں پر توجہ نہیں دی گئی،30جون تک لوڈشیڈنگ کا دورانیہ 2گھنٹے تک ہوجائے گا،15جون تک بجلی کی لوڈ شیڈنگ کا دورانیہ ساڑھے 3 گھنٹے ہوگا، گرمی کی شدیدلہرکی وجہ سےبجلی کی طلب بڑھ گئی، لوڈشیڈنگ کم کرنےکیلئےتجاویزآئی ہیں،غیرمعمولی ہیٹ ویوسےنمٹنےکی کوشش کررہےہیں-

مریم اورنگزیب نے کہا کہ میونسپل ادارے کےساتھ اسٹریٹ لائٹس سے متعلق بھی بات کریں گے،سوئچنگ آف آلٹرنیٹ اسٹریٹس لائٹس پر بھی تجویز آئی،نیشنل اکنامک کونسل کی میٹنگ ہوگی جس میں تمام وزرائے اعلیٰ شامل ہوں گے16سے24ون تک ساہیوال کول پاورپلانٹ کی بجلی سسٹم میں شامل کی جائےگی،مریم اورنگزیب25سے29جون تک لوڈشیڈنگ کادورانیہ ڈھائی گھنٹےرہ جائےگا-

وفاقی وزیر نے کہا کہ رواں سال بجلی گزشتہ سال سےزیادہ پیداکی گئی،سرکاری اجلاسوں کو بھی زیادہ سے زیادہ ورچوئل اور ویڈیو پر منتقل کرنےکا فیصلہ کیا گیا تمام وہیکلزکی پری کیورمنٹ اورپرچیزپرپابندی لگادی گئی ہے،گاڑیوں کی خریداری میں پابندی پر ایمبولینسز وغیرہ شامل نہیں،سرکاری افسران اور کابینہ اراکین کے بیرون ممالک غیرضروری سفر پر پابندی لگادی گئی –

مریم اورنگزیب نے کہا کہ الیکشن کمیشن کی رپورٹ کابینہ میں پیش کی گئی اور اس پر بحث کی گئی، مختلف محکموں کے الیکشن کی رپورٹ بھی پیش کی گئی، یہ رپورٹ سائیلنٹ ہے،غیر معمولی صورتحال کے پیش نظر کچھ اہم فیصلے کیے گئے ہیں،حکومت نے سرکاری استعمال میں ہر طرح کی گاڑیوں کی خریداری پر پابندی لگا دی گئی ،ڈسکہ میں الیکشن کمیشن کا عملہ اغوا ہوگیا تھا، اس کی رپورٹ پیش کی گئی-

لاہور: دوسری ہیٹ ویو کا زور ٹوٹ گیا۔ آج بھی درجہ حرارت 42 ڈگری سینٹی گریڈ رہا۔ محکمہ موسمیات نے بدھ سے تیسری ہیٹ ویو شروع ہونے کے امکانات ظاہر کر دئیے۔

شہریوں کا خوب امتحان لینے کے بعد دوسری ہیٹ ویو کا زور ٹوٹ گیا ہے۔ پیر کی طرح آج بھی لاہور میں بادلوں کی موجودگی اور ہوا نے گرمی کو پچھلے قدموں پر دھکیل دیا ہے۔ آج بھی شہر میں زیادہ سے زیادہ درجہ حرارت 42 ڈگری سینٹی گریڈ رہا۔ ماہرین موسم اِس وقتی کروٹ کو نعمت قرار دے رہے ہیں۔

ایک طرف سے اگر دوسری ہیٹ ویو کمزور پڑ گئی ہے تو دوسری جانب تیسری ہیٹ ویو بھی آنے کے لیے پوری طرح سے تیار ہے۔ بتایا گیا ہے کہ بدھ سے لاہور سمیت پنجاب کے میدانی علاقوں میں تیسری ہیٹ ویو شروع ہونے کے قوی امکانات ہیں جو زیادہ شدید ہوگی۔ خدشہ یہ بھی ظاہرکیا جا رہا ہے کہ آنے والے سالوں کے دوران گرمی کی شدت میں مزید اضافہ ہوسکتا ہے۔
محکمہ موسمیات کے مطابق آج موسم گرم جبکہ ملک بھر میں دن کے درجہ حرات میں اضافہ ہوسکتا ہے۔

محکمہ موسمیات کا کہنا ہے کہ اسلام آباد میں آج موسم گرم رہے گا جبکہ آندھی، گرد آلود ہوائیں چلنے اور گرج چمک کے ساتھ بارش ہو سکتی ہے۔

محکمہ موسمیات نے بتایا کہ صوبہ پنجاب کے بیشتر اضلاع میں گردآلود ہوائیں اور جھکڑ چلنے کا امکان ہے تاہم مری، گلیات اور گردو نواح میں گرج چمک کے ساتھ ہلکی بارش بھی ہو سکتی ہے۔

صوبہ خیبرپختونخوا اور سندھ کے بیشتر اضلاع میں بھی موسم گرم اور خشک رہےگا جبکہ بالائی اور وسطی اضلاع میں شدید گرم رہے گا۔اسکے علاوہ صوبہ بلوچستان کے بیشتر اضلاع میں بھی موسم گرم اور خشک رہے گا۔

محکمہ موسمیات نے مزید بتایا کہ گلگت بلتستان اور کشمیر میں مطلع جزوی ابر آلود رہنے کے علاوہ تیزہواؤں اورگرج چمک کے ساتھ چند مقامات پر ہلکی بارش ہو سکتی ہے۔

اسلام آباد::محکمہ موسمیات کا کہنا ہے کہ شہر میں ہوا میں نمی کے تناسب میں اضافے کے باعث دن میں حبس بھی ہوگا جبکہ گرد آلود ہوائیں چلنے کا بھی امکان ہے۔

محکمہ موسمیات نے بتایا کہ شہر کا موجودہ درجہ حرارت 30 ڈگری سینٹی گریڈ ہے جبکہ دن میں درجہ حرارت 36 سے 38 ڈگری سینٹی گریڈ تک رہے گا۔

محکمہ موسمیات کا کہنا ہے کہ شہر میں 12 کلومیٹر فی گھنٹے کی رفتار سے ہوا چل رہی ہے البتہ دن میں ہوا 15 سے 20 کلومیٹر فی گھنٹے کی رفتار سے چلے گی۔محکمہ موسمیات نے مزید بتایا کہ شہر قائد میں گرمی کی شدت مزید تین سے چار دن تک رہے گی۔

ملک کے بیشترعلاقوں میں آج بھی موسم شدید گرم رہے گا، میدانی علاقے ہیٹ ویو کے زیر اثر رہیں گے، رات کو خیبرپختونخوا، کشمیر اور گلگت بلتستان میں بارش کا امکان ہے۔

موسم کا حال بتانے والوں نے ملک میں ہیٹ ویو کا سلسلہ آج بھی جاری رہنے کی پیشگوئی کی ہے، لاہور اور فیصل آباد میں درجہ حرارت سینتالیس، بہاولپور، ڈی جی خان ،سرگودھا ،ساہیوال میں پارہ اڑتالیس تک جانے کی پیشگوئی ہے۔

سندھ میں گرمی حدوں کو چھو رہی ہے، موہنجو داڑو، دادو اور نوابشاہ میں درجہ حرارت پچاس سے بھی اوپر جانے کا امکان ہے، بلوچستان کے علاقے سبی میں بھی پارہ پچاس تک جانے کی توقع ہے۔

گرمی سے کیسے بچا جائے؟

طبی ماہرین کا کہنا ہے کہ شہری خود کو ہیٹ ویو سے بچائیں، ساتھ ہی پانی اور مشروبات کا استعمال زیادہ کریں، سر کو ڈھانپ کر رکھیں اور دن کے اوقات میں غیر ضروری طور پر گھروں سے باہر نہ نکلیں۔

ماہرین نے کہا ہے کہ ضرورت کےتحت گھر سے نکلنا ہو تو سر کو ڈھانپ کر نکلیں ، محنت کش افراد مشقت کم کردیں ، ہلکے رنگوں والے کپڑے پہنیں ، جہاں تک ممکن ہو رش سے دور اور سایہ دار مقام پر رہیں۔
ماہرین کا کہنا ہے کہ جسم کا عام درجہ حرارت 37 ڈگری سینٹی گریڈ ہوتا ہے اور اگر اس سے زیادہ ہو تو اعضا درست انداز میں کام نہیں کرتے ، لو اسی وقت لگتی ہے جب جسم کا درجہ حرارت 40 ڈگری سینٹی گریڈ سے زیادہ ہوجائے اور پھر انسان ہیٹ اسٹروک کا شکارہوجاتا ہے۔

ماہرین کے مطابق ہیٹ اسٹروک جسم میں خون گرم کرتا ہے جس سے خون میں موجود پروٹین پگھلنے لگتے ہیں ، جسم کے اندرونی درجہ حرارت کو کم رکھنے کےلیے تیزی سے پسینہ خارج ہوتا ہے ، جسم کا پانی کم ہونے سے خون گاڑھا ہونے لگتا ہے اور بلڈ پریشر گرنے لگتا ہے۔