Tag: یو اے ای

کابل: طالبان حکومت،افغان ایئرپورٹس کےمعاملات چلانےکیلئے یو اے ای سے معاہدہ کرے گی ،اطلاعات کے مطابق متحدہ عرب امارات، ترکی اور قطر کے ساتھ مہینوں سے جاری گفتگو کے بعد قائم مقام نائب وزیر اعظم کے گروپ نے اعلان کیا ہے کہ یو اے ای کے ساتھ معاہدے پر دستخط کریں گے تاکہ وہ افغانستان میں ائیرپورٹ معاملات چلا سکیں۔

غیر ملکی خبر رساں ادارے ’رائٹرز‘ کی رپورٹ کے مطابق ملا عبد الغنی برادر نے اس معاملے کا اعلان ٹوئٹر کے ذریعے کیا تھا اور بعد ازاں کابل میں میڈیا سےگفتگو کرتے ہوئے کہا کہ ان کی انتظامیہ یو اے ای کے ساتھ معاہدے کے ذریعے ائیر پورٹ کی تجدید کرنے جا رہی ہے۔

یہ بات اب تک واضح نہیں ہے کہ کیا کہ معاہدہ انتظامات کی حد تک ہے یا اس میں ائیر پورٹ کی سیکیورٹی بھی شامل ہے، سیکیورٹی طالبان کے لیے ایک حساس مسئلہ ہے جنہوں نے دہائیوں تک امریکی زیر قیادت نیٹو افواج سے جنگ لڑی اور کہا ہے کہ ہم بین الاقوامی افواج کی واپسی نہیں چاہتے۔یو اے ای کی وزارت خارجہ کی جانب سے فوری طور پر معاملے پر تبصرہ نہیں کیا گیا۔

ذرائع نے مذاکرات کی تفصیل بیان کرتے ہوئے ’رائٹرز‘ کو بتایا کہ قطر کے ساتھ مذاکرات کا بنیادی نقطہ یہ تھا کہ دوحہ کی شرط پر قطری سیکیورٹی کے اہلکار ائیر پورٹ پر موجود رہیں گے۔

ترکی اور قطر نے گزشتہ سال کے وسط میں جب غیر ملکی افواج کے انخلا پر طالبان کے اقتدار سنبھالنے کے بعد ہوائی اڈے کی کارروائیوں اور سیکیورٹی میں مدد کے لیے عارضی تکنیکی ٹیمیں بھیجی تھیں۔

ائیر پورٹ سے متعلق ہونے والی گفتگو سے یہ ظاہر ہوتا ہے کہ کس طرح ممالک افغانستان میں اپنا اثر و رسوخ قائم کرنے کی کوشش کر رہے ہیں جبکہ سخت گیر گروپ کی حکومت کو کسی بھی ملک نے باضابطہ طور پر تسلیم نہیں کیا ہے۔

غیر ملکی خبر رساں ادارے’رائٹرز‘کےمطابق ذرائع نے گزشتہ سال گفتگو کے آغاز کے حوالے سے آگاہ کرتےہوئے بتایا تھا کہ اماراتی قطر کے سفارتی تسلط کا مقابلہ کرنےکے خواہاں ہیں۔قطر اور متحدہ عرب امارات کے تعلقات برسوں سے کشیدہ رہے ہیں کیونکہ وہ علاقائی اثرو رسوخ میں ایک دوسرے کے مدِ مقابل ہیں۔

برطانوی وزیر اعظم بورس جانسن متحدہ عرب امارات پہنچ گئے

برطانوی وزیر اعظم ابوظہبی میں شیخ محمد بن زاید اور دیگر حکام سے ملاقات کریں گے برطانوی وزیر اعظم سعودی عرب بھی جائیں گے اور ولی عہد سے بھی ملاقات کریں گے برطانوی وزیر اعظم کے دورے کا مقصدتیل کی پیداوار بڑھانے کے لیے تعاون کوفروغ دیناہے دورے میں روسی صدر پیوٹن پر دباؤ بڑھانے کی کوششیں بھی شامل ہوں گی

ترجمان بورس جانسن کا کہنا ہے کہ سعودی عرب میں 81 افراد کی پھانسی سمیت انسانی حقوق کے مسائل اٹھائیں گے،

برطانوی وزیراعظم بورس جانسن نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ہمیں ایک نئی حقیقت کا سامنا ہے، جس کا مقابلہ ہمیں اپنے اتحادیوں کے ساتھ مل کر کرنا ہے۔ میں سعودی عرب اور متحدہ عرب امارات کا دورہ کر رہا ہوں،

We face a new reality, which we have to confront together with our allies.

I'm visiting Saudi Arabia and the United Arab Emirates, who are key partners in ensuring regional security and stabilising global energy markets after Russia’s unprecedented, brutal and illegal invasion. https://t.co/ILNwWHnEtm

— Boris Johnson (@BorisJohnson) March 16, 2022

برطانوی وزیر اعظم کو اپنے دورے پر تنقید کا سامنا ہے کیونکہ یہ سعودی عرب کی طرف سے 81 مردوں کو اجتماعی پھانسی دینے کے چند دن بعد دورہ کر رہے ہیں، بورس جانسن سعودی عرب اور متحدہ عرب امارات کے رہنماؤں کے ساتھ بات چیت کریں گے کیونکہ وہ روس کے تیل اور گیس پر مغرب کے "نشے” کو ختم کرنے کی کوشش کریں گے

مسٹر جانسن بدھ کو ابوظہبی میں ولی عہد شہزادہ محمد بن زاید سے ملاقات کریں گے، وہ ولی عہد شہزادہ محمد بن سلمان سے بات کرنے کے لیے ریاض جائیں گے۔وسیع پیمانے پر توقع کی جارہی ہے کہ برطانوی وزیر اعظم اس دورے کو خلیجی ریاستوں کو تیل اور گیس کی اپنی پیداوار بڑھانے کی کوشش کرنے اور قائل کرنے کے لیے استعمال کریں گے۔

سعودی ولی عہد کو بھی 2018 میں صحافی جمال خاشقجی کے قتل کے بعد سے مغرب کی طرف سے بڑی حد تک نظر انداز کیا گیا ہے، صرف تین سال قبل، مسٹر جانسن نے خود خاشقجی کے قتل کو "وحشیانہ فعل” قرار دیا تھا

وفاقی وزیر دفاع پرویز خٹک سے سعودی سفیر کی ملاقات،کیا ہوئی بات؟

سعودی سفیر اچانک وزیر خارجہ کو ملنے پہنچ گئے

بڑی تبدیلی، سعودی عرب میں کس کو سفیر مقرر کر دیا گیا؟

پاکستان سے انتہائی اہم شخصیت سعودی عرب پہنچ گئی

سعودی عرب کے دو ایئر پورٹس پر ڈرون حملے،فضائی آپریشن معطل

جمال خاشقجی کے قاتلوں کو کیفرِ کردار تک پہنچانے کیلیے ہر ممکن کوشش کرینگے،منگیتر کا عدالت میں بیان

امریکی صدر جوبائیڈن نے دیا محمد بن سلمان کو بڑا جھٹکا

جمال خاشقجی قتل،سعودی ولی عہد نے خاموشی توڑ دی

بھارت اور متحدہ عرب امارات نے وسیع تجارت اور سرمایہ کاری کے معاہدے پر دستخط کرلیے-

باغی ٹی وی : غیر ملکی کے مطابق دونوں ممالک کے درمیان معاہدوں پر دستخط کی تقریب آن لائن ہوئی جو متحدہ عرب امارات کا گزشتہ برس ستمبر میں خود کو کاروباری مرکز کے طور پر مضبوط کرنے کے لیے کیے گئے معاہدے کے بعد پہلا بڑا معاہدہ ہے جس کے تحت ایک دوسرے کی مصنوعات پر ٹیرف میں کمی لانے کے ساتھ ساتھ 5 سال میں تجارتی حجم 100 ارب ڈالر تک پہنچایا جائے گا۔

اپنے تبصروں میں، مودی نے ہندوستان اور متحدہ عرب امارات کے درمیان تعلقات کے مختلف پہلوؤں کا ذکر کیا اور کہا کہ ہم متحدہ عرب امارات میں حالیہ دہشت گردانہ حملوں کی شدید مذمت کرتے ہیں ہندوستان اور متحدہ عرب امارات دہشت گردی کے خلاف کندھے سے کندھا ملا کر کھڑے ہوں گے۔

The #IndiaUAECEPA is the 1st bilateral trade accord concluded by the #UAE🇦🇪, and 1st bilateral trade agreement signed by #India🇮🇳 in the MENA region. It deepens the economic &trading relations of both strategic partners, and unlocks a new phase of global cooperation. https://t.co/sNzknVosOC

— Afra Al Hameli (@AfraMalHameli) February 18, 2022

مودی نے یہ بھی کہا کہ دونوں ممالک مشترکہ انکیوبیشن اور مشترکہ فنانسنگ کے ذریعے اسٹارٹ اپس کی حوصلہ افزائی کرسکتے ہیں، انہوں نے مزید کہا کہ لوگوں کی مہارت کی ترقی میں بھی تعاون کی گنجائش موجود ہے۔

بھارت کے وزیراعظم نریندر مودی اور متحدہ عرب امارات کے شیخ محمد بن زید النیہان نے دونوں ممالک کے عہدیداروں کے دستخطوں کی تقریب میں موجود رہے بھارتی وزیرخارجہ ایس جے شنکر نے کہا کہ معاہدے پر دستخط دونوں ممالک کے درمیان ‘دوطرفہ تعلقات میں ایک سنگ میل’ ہے۔

بھارتی وزیراعظم کے دفتر نے بیان میں کہا کہ کمپری ہینسو اکنامک پارٹنرشپ اگریمنٹ (سی ای پی اے) معاہدے سے اگلے تین سے 5 برسوں میں دوطرفہ سالانہ تیل کے علاوہ تجارتی حجم 60 ارب ڈالر سے 100 ارب ڈالر تک پہنچ جانے کی توقع ہے۔

تجارتی معاہدے پر وزیر تجارت پیوش گوئل اور متحدہ عرب امارات کے وزیر اقتصادیات عبداللہ بن توق المری نے دستخط کیے۔

I was pleased to meet with Prime Minister of India Narendra Modi today during an online summit aimed at strengthening the partnership between our two countries. We are committed to building upon our longstanding ties and exploring new opportunities for cooperation & development. pic.twitter.com/UUSUvqFLlr

— محمد بن زايد (@MohamedBinZayed) February 18, 2022

ابو ظبی کے ولی عہد شیخ محمد بن زید النیہان نے ٹوئٹر پر کہا کہ مجھے آج ایک آن لائن سربراہی اجلاس کے دوران ہندوستان کے وزیر اعظم نریندر مودی سے مل کر خوشی ہوئی جس کا مقصد ہمارے دونوں ممالک کے درمیان شراکت داری کو مضبوط کرنا ہے۔ ہم اپنے دیرینہ تعلقات کو استوار کرنے اور تعاون اور ترقی کے نئے مواقع تلاش کرنے کے لیے پرعزم ہیں۔

اماراتی وزیر مملکت برائے خارجی تجارت ثانی الزیودی نے رائٹرز کو بتایا کہ ‘اس سے دونوں ممالک کے درمیان تجارت اور سرمایہ کاری کا وسیع بہاؤ ہوگا اور اس سے مزید کاروباری مواقع کے دروازے کھلیں گے معاہدے سے متحدہ عرب امارات اور بھارتی اشیا پر 80 فیصد ٹیرف کم ہوجائے جبکہ 10 برسوں میں تمام ٹیرف ختم کردیئےجائیں گےتاہم معاہدےکی تفصیلات فوری طورپرجاری نہیں کی گئیں المونیم، کاپر اور پیٹروکیمیکل جیسی متحدہ عرب امارات کی مصنوعات ٹیرف کے خاتمے سے مستفید ہوں گی۔

معاہدے میں سروسز، سرمایہ کاری، انٹیلیکچوئل پراپرٹی سمیت متحدہ عرب امارات کی جانب سے 2030 تک بھارت سے انتہائی ماہر عملے کو روزگار کے ایک لاکھ 40 ہزار ویزے جاری کرنے کا وعدہ بھی شامل ہے۔

خیال رہے کہ متحدہ عرب امارات پہلے ہی بھارت سے کاروباری میں جڑا ہوا ہے اور دوسرا بڑا شراکت دار جہاں سے بھارت کے 30 لاکھ سے زیادہ بھارتی شہری اربوں ڈالرز سالانہ بھیجتے ہیں جو خلیجی ممالک میں کام کرتے ہیں۔

متحدہ عرب امارات کے اقتصادی امور کے وزیر کا کہنا تھا کہ سی ای پی اے سے متحدہ عرب امارات کی مصنوعات، برآمدات میں 2030 تک بالترتیب 9 ارب ڈالر یا 1.7 فیصد، 7.6 ارب ڈالر یا 1.5 فیصد برآمدات اور 14.8 ارب ڈالر یا 3.8 فیصد میں اضافے کا باعث ہوگاسی ای پی اے پر عمل درآمد میں متوقع طور پر ڈیڑھ سے 2 سال کا عرصہ لگے گا۔

متحدہ عرب امات اسی طرح کے تجارتی اور سرمایہ کاری کے معاہدے ترکی اور جنوبی کوریا کے ساتھ کر رہا ہے اور جلد ہی اسرائیل اور انڈونیشیا کے ساتھ بھی دوطرفہ معاہدوں کو حتمی شکل دیے جانے کا امکان ہے۔

حالیہ برسوں میں سماجی اور دیگر سطح پر اصلاحات کا اعلان کیا گیا تھا تاکہ کاروبار اور معمولات زندگی کو آسان بنانا ہے جہاں کی ایک کروڑ آبادی غیرملکیوں پر مشتمل ہے ثانی الزیودی نے تجارتی معاہدوں اور پالیسی کے اعلانات کا حوالہ دیتے ہوئے کہنا تھا کہ ‘ہم علاقائی سے عالمی سطح پر مرکز بننے جا رہے ہیں۔