Tag: baaghi

قصور
مہنگائی کو پر لگ گئے ،سبزیوں کے ریٹ ہم ہوئے ٹو چینی ،گھی،ایل پی جی کی قیمتیں بڑھ گئیں،موجودہ مہنگائی مثل قانون جنگل
تفصیلات کے مطابق قصور میں مہنگائی کا راج برقرار ہے چند دنوں میں سبزیوں کی قیمتیں کم ہوئیں تو منافع خوروں نے گھی،چینی،ایل پی جی و دیگر ضروریات زندگی کی اشیاء میں اضافہ کر کے عوام کی کمر توڑ دی ہے دو سال قبل تک 125 روپیہ فی کلو والا کرن گھی اس وقت 250 روپیہ صوفی گھی دو سال قبل 145 کا تھا جو کہ اب 270 روپیہ میں فروخت ہو رہا ہے جبکہ ایل پی جی کی قیمت میں 10 روپیہ فی کلو کا اضافہ کر دیا گیا ہے
شہریوں نے اظہار خیال کرتے ہوئے کہا کہ موجودہ حالات میں جس طرح گورنمنٹ مہنگائی کو کنٹرول کرنے میں مکمل ناکام ہے اس سے یہی پتہ چلتا ہے کہ اس وقت ملک میں جنگل کا قانون چل رہا ہے

قصور کے علاقہ نقیب آباد میں پتنگ بازی پر چار بہنوں کے اکلوتے بھاٸی سمیع اللہ کویوسف گجر کے بیٹے احمدنے اپنے 3ساتھیوں سے ملکر قتل کر دیا
تفصیلات کے مطابق تھانہ صدر قصور کے علاقہ نقیب آباد میں ڈیڑھ ماہ قبل پتنگ بازی پر سمیع اللہ اور یوسف گجر کے بیٹے احمد کے درمیان معمولی تلخ کلامی ہوٸی جس کو لیکریوسف گجر کے بیٹےنے اپنے دل میں بغض رکھا اور موقع پا کر سمیع اللہ کو اپنے ساتھیوں عرفان۔ آصف اور ایک عدد نامعلوم کے ساتھ مل کر ڈنڈوں اور سوٹوں سے بری طرح مضروب کر دیا اور اس کے اُوپر سے موٹر ساٸیکل گزار کر وقوعہ کو ایکسیڈینٹ کا روپ دینے کی کوشش کی جب کہ سمیع اللہ کو زخمی حالت میں ریسکیو 1122 کی گاڑی پر جنرل ہسپتال لاہور پہنچایا گیا جہاں پر سمیع اللہ نے اپنا بیان دیا کہ مجھے یوسف گجر کے بیٹے احمد نے اپنے ساتھیوں سے ملکر مارا ہے جس پر علاقہ تھانہ صدر قصور میں جرم 324 کو شامل کرتےہوۓ ملزمان کے خلاف FIR کا اندراج کیا گیا تاہم کل زخموں کی شدت کی وجہ سے سمیع اللہ جان بر نا ہو سکا اور اللہ کو پیارا ہو گیا مقتول کے لواحقین نے سمیع اللہ کی لاش کو سڑک پر رکھ کر لاہور قصور روڈ کو دونوں جانب سے بند کر دیا اور احتجاج کرتے رہے اور آٸی جی پنجاب اور ڈی پی او قصور سے مطالبہ کیا کے ہمیں انصاف دیا جاۓاور ملزمان کو فوری طور پر کیفر کردار تک پہنچایا جاۓ اور ڈی پی او قصور کے آنے تک احتجاج جاری رکھنے کا اعلان کیا ڈی پی او قصور جناب عمران کشور صاحب کی خصوصی ہدایات پر ڈی ایس پی صدر سرکل جناب اشفاق حسین کاظمی صاحب اور ایس ایچ او تھانہ صدر قصور فوری طور پر موقع پر پہنچے اور مقتول کے لواحقین سے ملاقات کی اور مقامی میڈیا کے نماٸندوں سے بات کرتے ہوۓ مقتول کے لواحقین کو ہر طرح کی قانونی مدد فراہم کرنے کی یقین دہانی کرواٸی جس پر مقتول کے لواحقین نے ڈی پی او قصور ۔ڈی ایس پی صدر سرکل اور ایس ایچ او تھانہ صدر قصورپر پورے اطمینان کا اظہار کرتے ہوۓ احتجاج ختم کردیا مقتول کے لواحقین اور علاقہ نقیب آبادکے مقامی لوگوں نے ڈی ایس پی صدر سرکل سید اشفاق حسین کاظمی صاحب کی ضلع قصور کے لیے خدمات کو خراجِ تحسین پیش کیا اور مقتول کے لواحقین کو فوری انصاف کی یقین دہانی پر دعاٸیں دیں

قصور
ایس ایچ او تھانہ راجہ جنگ راحیل خان کی کاروائی میں بین الاضلاعی خطرناک ڈکیٹ گینگ کے 6 ارکان گرفتار
تفصیلات کے مطابق ایس ایچ او تھانہ راجہ جنگ راحیل خان نے کاروائی کرتے ہوئے ملزمان کے قبضہ سے لوٹی گی دو لاکھ روپے کی نقدی موٹرسائیکل 2 عدد موبائل فون 10 عدد اور ناجائز اسلحہ پسٹل 30 بور 3 عدد گولیاں پسٹل 30 بور 20 عدد بندوق 12 بور یک نالی 12 بور1 عدد رپیٹر12بور 1عدد کارتوس 12بور 30 عدد برآمد گینگ کے سرغنہ رمضان عرف جانی ولد صدیق ، بلال حسین عرف لالو شاہ ولد ریاض حسین وسیم اکرم عرف مستو ولد محمد اکرم محمد ذیشان ولد اللہ رکھا محمد ارسلان ولد انور عرفان عرف پھانا ولد عبد اللہ نئےوپرانے درج و ٹریس 19مقدمات میں ملوث حوالات میں بند کر دیا ملزمان راجہ جنگ رائیونڈ کے علاقے میں واردتوں کا بازار گرم کر رکھا تھا ملزمان چھوٹے بڑے اسلحہ سے لیس ہوکر دن کے وقت چھوٹی بڑی ٹولیوں میں موٹر سائیکل پر فیک نمبر کی نمبرپلیٹ لگاکر روڈ رابری کرکے موٹرسائیکل موبائل فون نقدی ر قم اور قیمتی اشیاء چھیننے کی وارداتیں کرتے ہیں رات کی تاریخی میں اکٹھے ہو کر ہاؤس ڈکیتی اور روڈرابری کی وارداتیں کرتے ہیں مزاحمت کرنے پر فائر مارنے سے گریز نہ کرتے ہیں گرو کا سرغنہ سابقہ ریکارڈ یافتہ ہے انتہائی خطرناک گروہ ہے ملزمان نے دوران تفتیش ڈیڑھ درجن سے زائد وارداتوں کا انکشاف کیا ہے مزید تفتیش جاری ایس ایچ او کا مزید کہنا تھا ملزمان پہلے بھی19 مقدمات میں ملوث پائیے گئے ہیں ایس ایچ او نے میڈیا سے گفتگو کرتے ہوئے کہا کہ علاقے کو جرائم پیشہ افراد سے پاک کرنا میری اولین ترجیح ہے جس کے لیے میں رات دن کوشاں ہوں۔
تھانہ راجہ جنگ کی اس کامیاب کاروائی پر سماجی حلقوں نے ایس ایچ او راحیل خان کو خراج تحسین پیش کیا اور کہا کہ ایسے ایماندار اور بہادر افسر کی موجودگی سے علاقے میں جرائم پیشہ افراد کیلئے جگہ نہیں

قصور میں تجاوزات کے خلاف آپریشن جاری

تفصیلات کے مطابق قصور میں ڈپٹی کمشنر کی ہدایات پر تجاوزات کے خلاف گرینڈ آپریشن جاری ہیں بلدیہ کارپوریشن قصور سی ای او چیف ایگزیکٹو آفیسر چوہدری محمد زبیر اور ایم او آر شیخ عرفان نے سٹی قصور کو تجاوزات سے پاک کرنے کا عزم کیا ہے لینڈ آفیسر سردار اسد جٹ کی سرپرستی میں خصوصی ٹیم تشکیل دی ہوئی ہے جو کہ ریلوے روڈ سٹیل باغ چوک قادر آباد روڈ نیشنل بینک چوک اور کوٹ مراد خان کوٹ علی گڑھ اور دوسرا راؤنڈ رائیونڈ روڈ کھارا روڈ اور دیگر علاقوں میں تجاوزات کے خلاف آپریشن کیا اور بھاری جرمانے کیے
ڈپٹی کمشنر قصور کی ہدایات پر سی ای او کارپوریشن بلدیہ قصور چوہدری زبیر کی سربراہی میں گرینڈ آپریشن جاری ہے تجاوزات کے خلاف شہریوں کو بھی چاہیے اپنی آواز بلند کریں اور نشاندہی کریں اور تجاوزات کے خلاف آپریشن کیا جا رہا ہے میڈیا کے نمائندوں سے گفتگو کرتے ہوئے سردار اسد جٹ میں مزید بتایا شہر میں ناجائز تجاوزات کے خلاف آپریشن کیا جا رہا ہے اور غیر قانونی اور غیر نقشہ جات پر بلڈنگوں کے خلاف بی کاروائی کی جا رہی ہے اور بھاری جرمانے کیے جا رہے ہیں یہ سب ڈپٹی کمشنر قصور اور سی ای او کارپوریشن بلدیہ قصور چودھری زبیر کی ہدایات پر ہو رہا ہے کیا جا رہا ہے اور ان شاء اللہ تعالی شہر کو تجاوزات سے پاک کریں گے شہر کو بہتر بنائیں گے

قصور
چونیاں کے شہر ہنگن پور میں ن لیگی راہنما کی آمد
چونیاں کے شہر کنگن پور میں چوہدری احسن اقبال مرکزی رہنماء مسلم لیگ ن اور عطاءاللہ تارڑ رہنماء پنجاب کی آمد ہوئی چوہدری احسن اقبال اور عطاء اللہ تارڑ کا ن لیگی کارکنان نے بھرپور استقبال کیا ن لیگی رہنماؤں کی آمد پر کارکنوں نے نواز شریف مریم نواز کے حق اور عمران خاں کے خلاف نعرے بازی کی ن لیگی کارکنوں نے رہنماؤں کی آمد پر ڈھول کی تھاپ پر بھنگڑے ڈالے
احسن اقبال اور عطاء اللہ تارڑ چوہدری احسن رضا خاں سابقہ ایم پی اے کی اسیری پر اظہار یکجہتی کے لئے کنگن پور پہنچے تھے
چوہدری احسن اقبال نے ن لیگی ورکروں سے خطاب کرتے ہوئے عمران خاں کی حکومت کی مہنگائی اور عوام دشمن پالیسیوں پر کڑی تنقید کی چوہدری احسن اقبال نے اپنے خطاب میں اپنی حکومت کے منصوبوں اور ملکی ترقیاتی کاموں کو ملکی سنہرا دور قرار دیا پی ڈی ایم اے کے پلیٹ فارم سے سیلیکٹڈ حکومت کو گھر بھیج کر دم لیں گے پاکستان کے پاسپورٹ اور کرنسی کو قدر دلوانے کی بجائے بے حال کردیا ہے
ن لیگی کارکنوں کو خوشخبری دینا چاہتا ہوں کہ جلد ہی عمران خاں کی حکومت کو گھر جاتے دیکھیں گے
۔عمران حکومت کی پالیسیاں کشمیر کو پلیٹ میں رکھ کر دشمنوں کے حوالے کر دینے کے مترادف ہیں اور حکومت نے پاکستان کے کسانوں اور مزدوروں کو بد حال کر دیا اور ملک کو دوبارہ اندھیروں میں دھکیلا جارہا ہے
پنجاب میں عثمان بزدار کی حکومت کی کارکردگی کی مثال آئی فون لیکر نوکیا 3310 دے دیا گیا والی ہے

قصور
الہ آباد کے نواحی گاؤں بھاگیوال کی چھ دن کی نومولود بچی کو زمین کھا گئی یا آسمان نگل گیا
نواحی گاؤں بھاگیوال سے چھ دن کی نومولود بچی کو اغواء ہوئے چار ماہ گزر گئے ابھی تک کوئی سراغ نہ مل سکا۔ والدین غم سے نڈھال، اہل علاقہ نےپولیس کی کارکردگی پر سوال اٹھا دیے
تفصیلات کے مطابق الہ آباد کے نواحی گاؤں بھاگیوال سے چارماہ پہلے اغواء ہونے والی نومولود ںچی کا تاحال کوئی سراغ نہ مل سکا محمد عباس کی چھ دن کی بیٹی کو دو نامعلوم مرد اور عورت نے اغواء کر لیا تھا پولیس نے ایف آئی آر تو درج کر لی مگر آج تک بچی کا کچھ پتا نہ چل سک ۔میڈیا پر خبریں نشر ہونے کے بعد پولیس چند دن تک حرکت میں آئی لیکن بچی کا کوئی سراغ نہ مل سکا بچی کے والد محمد عباس کا کہنا ہے کہ پولیس مجھے کہتی ہے کہ آپ معاوضہ لے کر خاموش ہو جائیں جبکہ قصور شہر کوٹ فتح دین کے رہائشی عبدالرحمن کا ایک دن کا بچہ 30 اگست کو ڈی ایچ کیو قصور سے اغواء ہوا تھا جسے ابھی تک پولیس بازیاب کروانے میں ناکام ہے
اغواء ہونے والے بچوں کے والدین غم سے نڈھال ہو چکے ہیں اور ان والدین نے پولیس کی کارکردگی پر سوالات اٹھا دئیے ہیں وزیر اعلیٰ پنجاب اور آئی جی پنجاب سے اپیل کی ہے نوٹس لیا جائے اور ہماری بچوں کو بازیاب کروایا جائے

قصور
چند روز قبل ہونے والے پولیس مقابلے کو لواحقین نے جعلی قرار دے دیا ،میڈیا سے گفتگو کرتے کہا کہ قصور پولیس بھی اسلام آباد پولیس کے نقش قدم پر چل رہی ہے
تفصیلات کے مطابق قصور پولیس بھی اسلام آباد پولیس کے نقش قدم پر’چونیاں تھانہ سٹی چونیاں کی حدود گاوں ڈھوس کے قریب ہونے والے پولیس مقابلہ کا ڈراپ سین ورثاء نے مقابلہ کو جعلی قرار دے دیا،پولیس کے مطابق ایک ڈاکو اپنے ہی ساتھیوں کی فائرنگ سے ہلاک اور ایک زخمی حالت میں فرار ہو گیا تھا اور دونوں ڈاکو پولیس کانسٹیبل کے مقدمہ میں گرفتار تھے،ورثاء نے لاہور ہائی کورٹ میں 22AB کی رٹ دائر کر دی ورثاء کا کہنا ہے کہ پولیس نے اشفاق کو قتل جبکہ غلام رسول کو خود ہی غائب کر دیا ہے ہمیں خدشہ ہے اسے بھی مار دیا جائے گا تفصیلات کے مطابق چونیاں تھانہ سٹی پولیس نے ظلم کی انتہا کر دی نواحی گاوں کوڑے سیال کے متعدد رہائشیوں نے مشترکہ پریس کانفرنس کے دوران میڈیا کو بتایا کہ پولیس تھانہ الہ آباد نے ہمارے گاوں کے نوجوانوں اشفاق اور غلام رسول کو گندم چوری کے الزام میں گرفتار کیا اور پولیس تھانہ سٹی چونیاں کے حوالہ کر دیا پتہ کرنے پر پولیس تھانہ سٹی چونیاں نے ورثاء کو بتایا کہ آپ کے بچوں نے پولیس کانسٹیبل صغیر عباس کو شہید کیا ہے ورثاء نے فوری سیشن جج چونیاں کے ہاں رٹ دائر کی کہ پولیس آئی جی کو نوٹس پر کانسٹیبل کے مقدمہ میں ناجائز ہمارے لڑکوں کو پھنسا رہی ہے اور جعلی پولیس مقابلہ میں پار کرنا چاہتی ہے تو پولیس نے جج کے سامنے 70 ہزار روپے برآمدگی شو کروا کر ملزمان کا چودہ روزہ ریمانڈ حاصل کر لیا اور عدالت کو یقین دہانی کروائی کہ ایسی کوئی بات نہیں ہے 12 تاریخ کی رات پولیس کے مطابق پولیس ملزمان کو لے کر جا رہی تھی ساتھی ڈاکوؤں نے فائرنگ کر دی جس سے اشفاق ہلاک ہو گیا اور غلام رسول زخمی حالت میں فرار ہو گیا فوری گاوں میں دو سو کے قریب اہلکاروں کو تعینات کر کے خفیہ طریقے دے اشفاق کی تدفین کر دی ورثاء نے لاہور ہائی کورٹ میں رٹ دائر کی ہے پولیس نے جعلی پولیس مقابلہ کر کےاشفاق کو قتل کر دیا یے اور غلام رسول کو خود ہی غائب کر دیا ہے خدشہ ہے کہ اسے بھی مار دیا جائے گا ورثاء نے اپنے وکیل کے ہمراہ پریس کانفرنس میں کہا کہ اگر انہیں انصاف نہ ملا تو وہ وزیر اعلی ہاوس اور گورنر ہاوس کے سامنے دھرنا دیں گے انہوں نے چیف جسٹس سے فوری نوٹس اور آئی جی پنجاب سے اس سارے معاملہ پر جے آئی ٹی تشکیل دینے کا مطالبہ کیا ہے

قصور
تھانہ صدر پتوکی کے ایس ایچ او حافظ عاطف نذیر اکی کاروائی میں ناجائز اسلحہ رکھنے والے دو ملزمان رنگے ہاتھوں گرفتار، اسلحہ بر آمد مقدمہ درج
تفصیلات کے مطابق ڈی پی او قصور کی ہدایت اور ڈی ایس پی سرکل پتوکی کے حکم پر تھانہ صدر پتوکی کے ایس ایچ او حافظ عاطف نذیر نے اپنی ٹیم کے ہمراہ اپنے تھانہ کی حدود میں جرائم پیشہ عناصر کیخلاف کریک ڈاؤن کیا جس میں مختلف دیہاتوں سے دو ملزمان یاسر ولد رفیق اور حمزہ ولد ریاض کو رنگے ہاتھوں گرفتار کر کے انکے قبضہ سے 223بور رائفل ،دو عددپسٹل 9MMاور درجنوں گولیاں بر آمد کر لیں دونوں ملزمان کیخلاف مقدمہ درج کر کے انہیں سلاخوں کے پیچھے دھکیل دیا گیا ، ایس ایچ او حافظ عاطف نذیر کا کہنا تھا کہ جرائم پیشہ عناصر معاشرے میں ناسور کی مانند ہیں جن سے آہنے ہاتھوں نمٹا جا رہا ہے ہر وہ شخص جیل کی ہوا ضرور کھائے گا جو کرائم سے وابسطہ ہے میں میڈیا کے توسط کریمینل لوگوں کو یہ پیغام پہنچا رہا ہوں کہ جلد از جلد وہ اپنا قبلہ درست کر لیں ورنہ انہیں قانونی شکنجے سے کوئی بھی نہیں بچا سکے گا

قصور
پرسوں ہوئی وارداتوں کے باوجود پیٹرولنگ پولیس چک ڈھڈہ قصور کا گشت نا بڑھ سکا ، لوگ غیر محفوظ
تفصیلات کے مطابق جمعرات کو قصور رائیونڈ نلکا سٹاپ پر صبح 5 بجے ڈاکوؤں نے فیکٹری کی بسوں اور موٹر سائیکل سواروں کو ناکہ لگا کر ایک گھنٹہ تک لوٹا تھا جس پر لٹنے والوں نے پولیس کے خلاف احتجاج کرتے ہوئے رائیونڈ قصور روڈ کو بند کئے رکھا تھا
اس واردات کے بعد بھی پیٹرولنگ پولیس چک ڈھڈہ رائیونڈ قصور روڈ کی پیٹرولنگ کا دائرہ کار نا بڑھ سکا ہے پولیس گشت پارٹی دن کو منہ دکھلا کر سرشام ہی غائب ہو جاتی ہے جس سے ڈاکوؤں کو لوگوں کو لوٹنے کا موقع ملتا ہے
پولیس کے عدم گشت کے باعث لوگ خود کو غیر محفوظ کر رہے ہیں اور ڈی پی او قصور سے پیٹرولنگ پولیس کا گشت بڑھانے کا مطالبہ کر رہے ہیں

قصور
الہ آباد گیلانی ہاؤس میں ایک روزہ فری میڈیکل کیمپ کا انعقاد کیا گیا سیکنڑوں افراد نے اس میڈیکل کیمپ سے استعفادہ حاصل کیا فری میڈیکل کیمپ میں بہترین نظم و ضبط دیکھنے کو آیا اہلیان علاقہ نے انتظامیہ کو خراج تحسین پیش کیا
تفصیلات کے مطابق گیلانی ہاؤس بھاگیوال ٹبہ میں معروف قانون دان سردار اعجاز حسین ڈوگر ایڈووکیٹ، سردار محمد حسین ڈوگر ایڈووکیٹ، سردار سجاد ڈوگر اور سید ابرار حسین گیلانی کے اشتراک سے ایک روزہ میڈیکل کیمپ کا انعقاد کیا گیا جس میں میڈیکل شعبہ جات کے ڈاکٹر اور پیرا میڈیکل سٹاف نے اپنی خدمات سر انجام دیں دن بھر مرد ،خواتین اور بچوں سمیت سینکڑوں مریضوں کا فری میڈیکل چیک اپ، ٹیسٹ اور فری ادو یات فراہم کیں مہنگائی کے اس دور میں اس قسم کے میڈیکل کیمپ کے انعقاد پر تحصیل بھر سے سیاسی و سماجی،مذہبی اور اہلیان علاقہ کی طرف سے پوری ٹیم کو خراج تحسین پیش کیا گیا اور اس امید کا اظہار کیا گیا کہ یہ سلسلہ جاری رہے گا۔ اہلیان علاقہ نے مخیر حضرات سے اپیل بھی کی کہ وہ فری میڈیکل کیمپ میں اپنا حصہ ضرور ڈالا کریں تاکہ اس سے مستحق افراد کا علاج معالجہ اور فری ادویات مہیا ہو سکیں اور سلسلہ جاری و ساری رہ سکے