Tag: baaghi

مرتضیٰ جاوید عباسی اور محمد سجاد کے استعفوں کا معاملہ ،سینٹر فیصل جاوید کا نون لیگ کی پسپائی پر ردعمل دیتے ہوئے کہا کہ پہلے ہی کہا تھا یہ استعفے نہیں لطیفے ہیں، جب استعفے منظور کرنے لگے تواپنے دیے ہوئے استعفوں سے انکاری ہیں، انہیں سمجھ نہیں آرہی کدھر ٹکریں ماریں،

سینٹر فیصل جاوید نے مزید کہا کہ فلاپ جلسے , فلاپ استعفے، فلاپ این آر او، ابھی بھی موقع ہے نیا سال شروع ہونے سے پہلے پہلے استعفےدے دیں،
یہ استعفےٰ دیں تاکہ نئے سال میں اسمبلیوں سے گند صاف ہو، سیاسی قیادت کو آرمی چیف کی دعوت پر بلایا گیا ، اس میں اتفاق رائے ہوا کہ گلگت بلتستان کی صوبائی حیثیت کے حوالے سے کوئی بات نہیں کرے گا ،عمران خان نے اس بات کے برعکس گلگت بلتستان کی صوبائی حیثیت کی بات کی
انھوں نے سیاسی قیادت ، سیکورٹی اداروں کی توہین کی

تفصیلات کے مطابق انٹرنیشنل ایئرپورٹ پر سیرین ائیرلائن کا طیارہ لینڈنگ کے دوران ونڈ اسکرین پر پرندہ ٹکرانے سے خوفناک حادثے کا شکار ہونے سے بال بال بچ گیا۔حادثے میں پائلٹ کے سامنے ونڈ اسکرین بری طرح متاثر ہوئی جس کے باعث طیارے کو گراونڈ کرکے اگلی پرواز منسوخ کردی گئی۔

باغی ٹی وی کی رپورٹ کے مطابق کراچی سے اسلام آباد آنے والی سیرین ایئر کی پرواز نمبر ER 500 کا حامل طیارہ لینڈنگ پوزیشن پر تھا کہ اچانک طیارے کے عین پائلٹ کے سامنے کی ونڈ اسکرین پر پرندہ آکر ٹکرایا جس سے شیشے کو شدید نقصان پہنچا اور پوری اسکرین پر دراڑیں پڑگئیں۔ پائلٹ نے مہارت کا مظاہرہ کرتے ہوئے طیارے کو بحفاظت رن وے پر اتار لیا۔ بعدازاں طیارے کو ایئرپورٹ پر ہی گراؤنڈ کرکے آئندہ پرواز کو منسوخ کردیا گیا۔

آئندہ پرواز پر روانگی کے انتظار میں بیٹھے کچھ مسافر پرواز منسوخ ہونے پر واپس گھروں کو روانہ ہوگئے جبکہ چند مسافر ایئرپورٹ پر ہی اگلی پرواز کے انتظار میں بیٹھے رہے۔

کیا کیماڑی میں زہریلی گیس کوئی جن یا بھوت پھینک کر چلے جاتے ہیں؟ الطاف شکور
پچھلی ہلاکتوں کو ایک سال گزر گیا اور تازہ سانحہ رونما ہوگیا،چیف جسٹس نوٹس لیں، خدانخواستہ اگر کوئی دہشت گرد زہریلی گیس چھوڑ گیا تو کیا حکومت ہاتھ پر ہاتھ رکھے بیٹھی رہے گی؟دنیا بھرکو جگ ہنسائی کا موقع نہ دیا جائے، واقعہ کی غیر جانبدارانہ تحقیقات، ذمہ داران کو گرفتار اور متاثرین کو انصاف فراہم کیا جائے

کراچی ، پاسبان ڈیموکریٹک پارٹی کے چیئرمین الطاف شکور نے گذشتہ روز ایک مرتبہ پھر کیماڑی میں زہریلی گیس سے شہریوں کی ہلاکتوں اور متاثر ہونے کے واقعہ پر شدید تشویش کا اظہار کرتے ہوئے کہا ہے کہ تحقیقاتی ادارے اور واقعات کی روک تھام کی ذمہ دار اتھارٹیزایک سال سے کیا کررہی ہیں؟ رواں سال ماہ فروری میں بھی زہریلی گیس سے متعدد شہریوں کی ہلاکت اور 500سے زائد افراد کے متاثر ہونے کا واقعہ ہوا اور پولیس آج تک صرف نامعلوم شخص،نامعلوم جگہ اور نامعلوم گیس پھینکنے کی رپورٹ تک محدود رہی ہے اور آج ایک مرتبہ پھر کیماڑی میں زہریلی گیس سے دو جانیں ضائع ہوگئیں اور22سے زائد شہری متاثر ہوئے مگر حکومت ٹس سے مس نہ ہوئی جبکہ ماہ فروری میں اس واقعہ میں سویا بین آئل سے لدے جہاز کا معاملہ بھی سامنے آیا تھا مگر حکومت نے ملوث جہاز کو قبضے میں لینے کے بجائے پورٹ چھوڑنے کی اجازت دیدی۔ حکومت اور تحقیقاتی اداروں کے کردار سے دنیا بھر میں ملک کی جگ ہنسائی ہورہی ہے۔

خدانخواستہ اگر کوئی دہشت گرد زہریلی گیس چھوڑ گیا تو کیا حکومت ہاتھ پر ہاتھ رکھے بیٹھی رہے گی؟اگر سویا بین کے جہاز کے آنے سے یہ واقعات نہیں ہورہے توزہریلی گیس آخر کہاں سے آرہی ہے۔پچھلے واقعہ کوتقریباً ایک سال ہوتے ہی اور ایک تازہ سانحہ بھی رونما ہوچکا ہے، اب تک درست سمت پر تحقیقات کیوں نہیں کی گئی؟غفلت اور نااہلی کا یہ سلسلہ جاری رہا تو خدشہ ہے کہ کسی دن کیماڑی کے ہزاروں مکین زہریلی گیس سے موت کے منہ میں چلے جائیں گے۔ پاسبان ڈیموکریٹک پارٹی چیف جسٹس سپریم کورٹ آف پاکستان سے استدعا کرتی ہے کہ وہ اس واقعہ کا فوری ازخود نوٹس لیں اور جواب طلبی کرکے انسانی جانوں کے ضیاع کو روکیں۔ زہریلی گیس کے پھیلاؤ کے ذمہ داران کی گرفت کرکے انصاف کے تقاضے پورے کئے جائیں۔

پاسبان ڈیموکریٹک پارٹی پریس انفارمیشن سیل سے جاری کردہ بیان میں الطاف شکور نے کہا کہ کیا حکومت نے شہریوں کو لاوارث چھوڑدیا ہے؟ تحقیقاتی اداروں کو جب معلوم ہی نہیں کہ قاتل کون ہیں اور کس چیز سے شہریوں کا اجتماعی قتل کیا جارہاہے تو یہ صورتحال نہ صرف لمحہ فکریہ ہے بلکہ حکومت کے لئے سوالیہ نشان ہے اورنت نئے شکوک و شبہات کو جنم دے رہی ہے۔کیا زہریلی گیس کوئی جن یا بھوت پھینک کر چلے جاتے ہیں؟۔ انہوں نے مزید کہا کہ پاسبان ڈیموکریٹک پارٹی متاثرہ مظلوم شہریوں کو انصاف دلانا چاہتی ہے اور اس معاملے پر متاثرین کو انصاف کی فراہمی کے لئے ہر ممکن تعاون کے لئے بھی تیارہے

پاسبان ڈیموکریٹک پارٹی کراچی کی بلدیاتی کمیٹی کے رکن سردار ذوالفقار نے قائد اعظم محمد علی جناحؒ کے یوم ولادت کے موقع پر شہر بھر میں ریلیاں نکالنے کا اعلان کرتے ہوئے کہا ہے کہ پی ڈی پی کے زیر اہتمام ضلعی سطح پر ریلیاں نکالی جائیں گی اور ریلیوں میں امریکی جیل میں قید پاکستانی قوم کی بیٹی ڈاکٹر عافیہ صدیقی کی رہائی کے لئے بھی آواز بلند کی جائے گی۔ پاکستانی قوم کی بیٹی عافیہ صدیقی امریکی جیل میں قید ہے اور حکمران اس کی رہائی کے لئے عملی اقدامات نہیں کررہے جو کہ افسوسناک ہے۔ وہ پاسبان ڈیموکریٹک پارٹی کراچی سیکریٹریٹ گلشن اقبال میں پاسبان ایگزیکٹیو کونسل کے اجلاس سے خطاب کررہے تھے۔ اس موقع پر حامد صدیقی،کلیم اللہ ملک،زمان خان انقلابی،میاں ریاض، خالد صدیقی ایڈوکیٹ و دیگر بھی موجود تھے۔

سیکریٹری اطلاعات پیپلز پارپارلیمنٹیرینز ڈاکٹر نفیسہ شاہ نے اپنے بیان میں کہا کہ کسی ٹیکس چور کو وزیراعظم بناناملک کیلئے المیہ ہے عمران خان نے ایمنیسٹی حاصل تھی ، عمران خان نے پیسے کے لالچ میں پی سی بی کو دھوکا دیکر کیری پیکر ٹیم میں شامل ہوئے ،

عمران خان کے والد کو کرپشن ثابت ہونے پر نوکری سے نکالا گیا تھا،عمران خان نے کرپشن کے نئے طریقے ایجاد کیئے ، عمران خان نےایل این جی سکینڈل ، آٹا چینی اسکینڈل ، بلین ٹری اسکینڈل کے تمغے سجا رکھے ہیں،

،ڈاکٹر نفیسہ شاہ نے مزید کہا کہ بی آر ٹی اور مالم جبہ اسکینڈل بھی عمران خان کے تاج پر سجے ہوئے ہیں ،عمران دور میں ہونے والی نجکاری کرپشن کی داستان بیان کرتی ہے ،خان صاحب آپ کو سلیکٹڈ کے نام سے پکارا جائے یا ٹیکس چور یا کرپشن خان کے نام سے ،

‏ڈاکٹر نفیسہ شاہ کا پیر نور محمد شاہ جیلانی کے لواحقین سے اظہار ہمدردی اور تعزیت، پارٹی کے سینیئر رہنماء پیر نور محمد شاہ جیلانی کے انتقال کا سن کر دلی صدمہ پہنچا ہے، پیر نور محمد شاہ قومی اسمبلی میں پیپلزپارٹی کی ایک موثر آواز تھے،

وفاقی وزیر اطلاعات سینیٹر شبلی فراز کا ٹویٹ۔۔۔

‏ڈس انفو لیب نےبھارتی جھوٹ کےکاروبار کا پول کھولا۔ توبرطانوی ریگولیٹر آف کام نے بھارتی چینل ری پبلک ٹی وی کے پاکستان کے خلاف نفرت انگیز بیانیےکاپردہ چاک کردیا۔

۔ وفاقی وزیر اطلاعات سینیٹر شبلی فرازآف کام کانوٹس بھارت کی عالمی سطح پررسوائی کامظہر ہےسیکولرزم کا پرچارک بھارت انتہاپسندی اوردھشت گردی کا مرکز بن چکا ہے ۔

مریم نواز کاجلسوں سے ریلیوں اور کارنر میٹنگز تک کا سفر انکے تاریک سیاسی مستقبل کی نشاندہی کرتا ہے۔ عوام کاز کے ساتھ کھڑے ہوتے ہیں،وہ مفادپرست سیاست کا ایندھن بننے کیلئے تیار نہیں۔ انکی سیاست شروع ہونے سے پہلے ہی ختم ہو گئی۔
"حسرت ان غنچوں پہ ہے جو بن کھلے مرجھا گئے"

— Senator Shibli Faraz (@shiblifaraz) December 24, 2020

‏وفاقی وزیر اطلاعات سینیٹر شبلی فراز نے مزید کہا کہ مریم نواز کاجلسوں سے ریلیوں اور کارنر میٹنگز تک کا سفر انکے تاریک سیاسی مستقبل کی نشاندہی کرتا ہے۔ عوام کاز کے ساتھ کھڑے ہوتے ہیں،وہ مفادپرست سیاست کا ایندھن بننے کیلئے تیار نہیں۔
انکی سیاست شروع ہونے سے پہلے ہی ختم ہو گئی۔
"حسرت ان غنچوں پہ ہے جو بن کھلے مرجھا گئے”

سول سروس آف پاکستان رولز 1954 میں اکتوبر 2020 میں ایس آر 1046 کے تحت خفیہ ترمیم کی کوشش کی گئی- ترمیمی ایس آر او پشاور ہائی کورٹ میں چیلنج- وفاقی حکومت کو نوٹس – کمنٹس طلب کر لیے گئے ، درخواست صوبائی افسر فرحت خان مروت کی جانب سے وکیل عمر اعجاز گیلانی نے دائر کی گئی –

ترمیم کے نتیجے میں خدشہ ہے کہ وفاق صوبائی پوسٹوں پر بڑی تعداد میں اپنے ڈی ایم جی اور پی ایس پی افسر تعینات کرے گا، جو صوبائی خود مختاری پر حملے کے مترادف ہے – 1973 کے آئین میں صوبائی اور وفاقی بیوروکریسی کو علیحدہ علیحدہ کر دیا گیا- درخواست گزار نے موقف اپنایا

آرٹیکل 240(ب) کے مطابق صوبائی پوسٹوں پر صوبائی افسر تعینات ہوں گے، اور وفاقی پوسٹوں پر وفاقی افسر تعینات ہوں گے- ڈیم ایم جی اور پی ایس پی افسران کو صوبائی پوسٹوں پر لگانا غیر آئینی ہے-صوبائی پوسٹوں پر وفاقی افسران لگانا سامراجی نظام میں ہوتا تھا – اب یہ نہیں ہو سکتا-

سامراج کے دور میں 1915 کے آئین میں اس چیز کی گنجائش تھی- آزادی کے بعد پاکستان کے آئین میں ڈی ایم جی اور پی ایس پی راج کی کوئی گنجائش نہیں – صوبائی افسران آئین ِپاکستان اور 18ویں ترمیم کا دفاع کریں گے- آئین کے دیباچہ میں لکھا ہے کہ صوبے خود مختار ہوں گے-

آئین کا دفاع صرف سیاست دانوں کا کام نہیں، ہر سرکاری افسر آرٹیکل 5 کے تحت آئین کا سپاہی ہے-
ترمیمی ایس آر او غیر آئینی ہے- اسے کالعدم قرار دیا جائے – صوبائی خود مختاری قائد اعظم کے 14 نکات کا پہلا نکتہ تھا-

مگر 1954 سے آج تک اسے نظرانداز کیا جاتا رہا -ڈ ی ایم جی اور پولیس سروس آف پاکستان کی نالائقی کی وجہ سے مشرقی پاکستان بنگلہ دیش بنا اور ان کی نااہلی کی وجہ سے سندھو دیش آزاد بلوچستان مہاجر وطن اور دیگر پاکستان مخالف تحریکیں چل رہی ہیں پاکستان بچانے کے لئے ڈی ایم جی اور پی ایس پی کا خاتمہ اب بہت ضروری ہو گیا ہے