Tag: baaghi

قصور
حضرت بابا بلھے شاہؒ کے 268ویں عرس پر فول پروف سکیورٹی انتظامات مکمل

تفصیلات کے مطابق قصور میں حضرت بابا بلھے شاہؒ کے 268 ویں سالانہ عرس کے موقع پر ڈسٹرکٹ پولیس قصور کی جانب سے فول پروف سکیورٹی انتظامات مکمل کر لیے گئے ہیں۔ ڈی پی او قصور محمد عیسیٰ خاں نے مزار پر حاضری دی اور سکیورٹی انتظامات کا جائزہ لیا
ڈی پی او قصور کے مطابق زائرین کو احاطہ دربار میں داخلے کے لیے تحصیلدار چوک والا گیٹ استعمال کرنا ہوگا جبکہ ایگزٹ کے لیے ریلوے روڈ گیٹ مختص کیا گیا ہے۔ دربار کے احاطہ میں 120 کلوز سرکٹ کیمرے نصب کر کے سکیورٹی مانیٹرنگ کو یقینی بنایا گیا ہے

عرس کے موقع پر 2 ہزار پولیس اہلکار تین شفٹوں میں سکیورٹی کے فرائض سرانجام دیں گے۔ زائرین کی چیکنگ واک تھرو گیٹس اور میٹل ڈیٹکٹر کے ذریعے کی جائے گی جبکہ مزار میں داخلے کے لیے تین لیئر پر مشتمل سکیورٹی ڈیوٹی لگائی گئی ہے

ڈی پی او نے مزید بتایا کہ دربار کے گردونواح کو 25 پکٹس کے ذریعے کارڈن آف کیا گیا ہے اور احاطہ کو جدید آلات سے سرچ اینڈ سویپ جبکہ اطراف کو سنیفر ڈاگز سے چیک کیا گیا ہے۔ شہر بھر کی مانیٹرنگ کے لیے سیف سٹی کیمروں کی مدد سے کنٹرول روم قائم کیا گیا ہے

زائرین کی سہولت کے لیے گاڑیوں اور موٹرسائیکلوں کی پارکنگ کے 8 مقامات مخصوص کیے گئے ہیں جن پر پولیس سکیورٹی کے ساتھ ساتھ کلوز سرکٹ کیمرے بھی نصب ہیں۔ موٹرسائیکل چوری کی روک تھام کے لیے خصوصی انتظامات کیے گئے ہیں جبکہ ٹریفک کی روانی برقرار رکھنے کے لیے 300 سے زائد ٹریفک اہلکار تعینات ہوں گے۔

ڈی پی او قصور محمد عیسیٰ خاں نے زائرین سے اپیل کی ہے کہ سکیورٹی کے فول پروف انتظامات کو کامیاب بنانے میں پولیس کے ساتھ تعاون کریں

قصور
بدنام زمانہ 02 منشیات فروش گرفتار، لاکھوں روپے مالیت کی منشیات برآمد
تفصیلات کے مطابق ڈی پی او محمد عیسیٰ خاں کی ہدایت پر تھانہ الہ آباد پولیس کی کاروائی ایس ایچ او غلام صابر چھینہ کی سربراہی میں پولیس ٹیم نے بدنام زمانہ 02 منشیات فروشوں کو گرفتار کر لیا ملزمان کے قبضہ سے لاکھوں روپے مالیت کی ایک کلوگرام سے زائد آئس اور ڈیڑھ کلوگرام چرس برآمد ملزمان قصبہ الہ آباد اور گردونواح میں منشیات کے مکروہ دھندے سے نوجوان نسل کو تباہ کر رہے تھے ملزمان کے خلاف امتناع منشیات کی دفعات کے تحت الگ الگ مقدمات درج ڈی پی او محمد عیسیٰ خاں کی ہدایت پر جرائم پیشہ ملزمان کے خلاف بھرپور کاروائیاں جاری ہیں

قصور
نواحی گاؤں میں ایک شحض کو چھریوں کے وار کرکے قتل کر دیا،علاقہ بھر میں خوف و ہراس،ڈی او سی سی ڈی قصور سے فوری نوٹس کا مطالبہ

تفصیلات کے مطابق قصور کے نواحی گاؤں موضع مان کی نزدیکی بستی میں آج ایک خوفناک ترین واقعہ پیش آیا ہے جس میں ایک شخص نے چھریوں کے وار کرکے دوسرے آدمی سکنہ گاؤں نئی بستی موضع مان کو چھریوں کے وار کر کے شہ رگ کاٹ کر قتل کر دیا ہے
اس واقعے کے بعد پورے علاقے میں شدید خوف و ہراس پھیل گیا ہے
پولیس نے موقع پر پہنچ کر لاش کو ہسپتال منتقل کیا جبکہ ملزم کی گرفتاری کے لئے چھاپے مارے جا رہے ہیں
مقتول کے ورثاء اور اہلیان علاقہ نے ڈی او سی سی ڈی قصور سے فوری نوٹس لے کر فوری انصاف کا مطالبہ کیا ہے

قصور
دریائے ستلج میں نچلے درجے کا سیلاب،نشیبی علاقوں میں رہنے والوں کو الرٹ رہنے کی ہدایت

تفصیلات کے مطابق دریائے ستلج میں پانی کی سطح میں اضافے کے بعد فیروزپور ،گنڈہ سنگھ والا کے مقام پر گیج 19.10 فٹ اور پانی کا اخراج 64 ہزار 554 کیوسک ریکارڈ کیا گیا ہے
فلڈ کنٹرول حکام کے مطابق اس وقت دریا میں نچلا سیلاب جاری ہے
فلڈ رپورٹ کے مطابق دیگر مقامات پر بھی پانی کی سطح کی پیمائش کی گئی ہے جس میں تلوار پوسٹ پر 7.30 فٹ، بکارکے پوسٹ پر 624.20 جبکہ فتح محمد پوسٹ پر 10.90 فٹ پانی ریکارڈ کیا گیا ہے
ریسکیو اور فلڈ کنٹرول حکام نے نشیبی علاقوں کے رہائشیوں کو الرٹ رہنے کی ہدایت کی ہے

قصور
دریائے ستلج میں بڑے سیلاب کا خطرہ،25 سے 30 دیہات کے کھیت کھلیان سیلاب سے متاثرہ،مذید برسات ہوئیں تو 2023 کی طرح بڑا سیلاب آئے گا

تفصیلات کے مطابق دریائے ستلج کے ارد گرد کے 25 سے 30 دیہات زیر آب آگئے ہیں
سیلابی پانی کھیتوں کھلیانوں اور کچھ گاؤں دیہات میں داخل ہو گیا ہے
محکمہ موسمیات اور فلڈ فورکاسٹنگ ڈویژن کے مطابق دریائے ستلج قصور میں بڑے سیلاب کا امکان ہے اور
یہ خطرہ 20 سے 30 اگست کے دوران پیدا ہو سکتا ہے
ماہرین کا کہنا ہے کہ اگر مذید برسات ہوئیں تو صورتِ حال 2023 کے سیلاب جیسی بن سکتی ہے
پی ڈی ایم اے نے دریائے ستلج کے گنڈا سنگھ والا مقام پر کم درجے کے سیلاب کا خطرہ ظاہر کیا ہے اس خطرے کی بنیاد انڈیا کے بھااکڑہ و دیگر دو ڈیمز میں پانی کی بڑھتی ہوئی سطح ہے جو اگلے چند دنوں میں پانی چھوڑ سکتے ہیں جس کے باعث ضلع قصور،اوکاڑہ،پاکپتن،بہاولنگر اور ملتان متاثر ہو سکتے ہیں
ان اضلاع کو ہائی الرٹ کرکے ایمرجنسی کنٹرول رومز میں 24 گھنٹے عملہ تعینات کیا گیا ہے
ریسکیو 1122 کی ٹیمیں اور پاک فوج بھی الرٹ پر ہیں
اس وقت ہیڈ سلیمانکی
پر پانی کا بہاؤ 60,000 کیوسک تک پہنچ چکا ہے جس میں گزشتہ 24 گھنٹوں میں اضافہ ہوا ہے جبکہ گنڈا سنگھ والا قصور ہیڈ ورکس پر ڈسچارج 75,000 کیوسک ریکارڈ ہوا ہے
ضلع وہاڑی اور لودھراں کو بھی خطرات لاحق ہیں

قصور
تھانہ صدر کی حدود میں گونگی بہری معذور لڑکی سے زیادتی کی کوشش،پولیس نے کاروائی کرتے ہوئے ملزمان گرفتار کر لئے

تفصیلات کے مطابق علی رضا ولد معراج دین سکنہ موضع نتھے والا نے
ایس ایچ او تھانہ صدر قصور کو درخواست گزاری کہ ملزمان محمد شفیع ولد دلاور ،بشیر ولد عیسی قوم آرائیں ساکن الو آنہ نے مورخہ 2025-08-11 کو میرے گھر میں میری غیر موجودگی میں داخل ہو کر گھر میں موجود اکیلی میری گونگی بہری ہمشیرہ مقدس بی بی کے ساتھ چھیڑ چھاڑ کی اور بوس و کنار کیا اور زناء کرنے کی کوشش شروع کر دی
جس پر میری بہن نے چیخ و پکار کی
شور واویلہ کی آواز سن کر غلام حیدر ولد محمد شریف، عثمان ولد محمد دین موقع پر پہنچے جنہیں دیکھ کر ملزمان موقع سے فرار ہو گئے
ملزمان نے میری بہن کے ساتھ چھیڑ چھاڑ کر کے اور زناء کرنے کی کوشش کر کے زیادتی کی ہے لہذا ملزمان کو گرفتار کرکے کاروائی کی جائے
تھانہ صدر پولیس کے ایس ایچ او کے حکم پر پولیس پارٹی نے ملزمان کو گرفتار کرکے کاروائی کا آغاز کر دیا ہے

قصور
مسلح ہو کر جان سے مار دینے کی دھمکیاں،شہری کی ایس ایچ او سٹی اے ڈویژن سے درخواست،کاووائی کا مطالبہ

تفصیلات کے مطابق قصور کے تھانہ سٹی اے ڈویژن کے محلہ ڈنگی پورہ کے رہائشی فہد حسین ولد عابد حسین سکنہ ڈنگی پورہ قصور نے ایس ایچ او سٹی اے ڈویژن قصور کو درخواست گزاری کہ میں ایک عزت دار فیملی سے تعلق رکھتا ہوں اور میرار ریکارڈ بالکل درست ہے میں کسی بھی کرائم کا آج دن تک حصہ نہیں بنا ایک عزت دار اور محنت کش شہری ہوں
میں مورخہ 10 اگست 2025 رات 8 سے 9 بجے کے دوران اپنے گھر سے نکل رہا تھا کہ اچانک حسیب اور ابوبکر جو کہ تسنیم احمد کے بیٹے ہیں، اپنے چار سے پانچ مسلح اسلحہ بردار لڑکوں کے ساتھ میرے گھر کے سامنے آکر مجھے اور میرے گھر والوں کو جان سے مارنے کی دھمکیاں دیتے رہے اور گالم گلوچ کرتے رہے جس کے چشم دید گواہ میرا بڑا بھائی واحد حسین اور میری والدہ ہیں
ملزمان نے علاقہ میں خوف و ہراس پھیلایا اور ہمیں جان سے مارنے کی دھمکیاں دیتے ہوئے چلے گئے
لہذا ان کے خلاف قانون کے مطابق کاروائی کرتے ہوئے مقدمہ درج کیا جائے
ان لوگوں کی طرف سے ڈرانے دھمکانے کا یہ سلسلہ کئی دنوں سے جاری ہے
میں نے ریسکیو 15 پر کال کی کوشش کی مگر رابطہ نہ ہو سکا

قصور
ضلع بھر کے بیشتر دیہی علاقوں میں شدید حبس اور گرمی کے دوران غیر اعلانیہ لوڈشیڈنگ کی انتہا، عوام سراپا احتجاج
تفصیلات کے مطابق ضلع قصور اور گردونواح کے دیہی علاقے ان دنوں شدید حبس اور گرمی کی لپیٹ میں ہیں
دن کے وقت درجہ حرارت 40 ڈگری سینٹی گریڈ سے تجاوز کر چکا جاتا ہے اور حبس زیادہ ہونے کے باعث گرمی کا احساس درجہ حرارت 46 سے بھی زیادہ ہوتا ہے
ایسے میں لیسکو قصور واپڈا کی جانب سے غیر اعلانیہ لوڈشیڈنگ کا سلسلہ حد سے بڑھ گیا ہے خاص کر بیشتر دیہاتوں کے لوگوں کو شاید واپڈا والوں نے انسان نہیں سمجھ رکھا
دیہاتیوں کے مطابق 18 سے 20 گھنٹے روزانہ بجلی بند رہتی ہے جس سے زندگی مفلوج ہو گئی ہے
بجلی نہ ہونے کے باعث سرکاری و نجی ٹیوب ویل بند ہیں اور پانی کی شدید قلت پیدا ہو گئی ہے جبکہ گھروں اور کھیتوں میں شدید مشکلات کا سامنا ہے
اہلیان علاقہ کا کہنا ہے کہ
ہم گرمی اور پیاس سے تڑپ رہے ہیں جبکہ بچوں اور بزرگوں کی حالت خراب ہو رہی ہے
بجلی کی بحالی کے لئے بار بار شکایات درج کرائی جاتی ہیں مگر کوئی شنوائی نہیں ہوتی
رات کو مچھر اور حبس کی وجہ سے نیند نہیں آتی، دن میں دھوپ اور پیاس نے جینا مشکل کر دیا ہے
واپڈا والوں کا اگر یہ سلسلہ نہ رکا تو ہم سڑکوں پر نکلیں گے

عوامی نمائندوں اور مقامی تنظیموں نے لیسکو حکام سے فوری نوٹس لینے کا مطالبہ کیا ہے اور خبردار کیا ہے کہ اگر صورتحال نہ بدلی تو بڑے پیمانے پر احتجاجی مظاہرے کیے جائیں گے

قصور
تھانہ الہ آباد میں لڑکے کو ناجائز تھپڑ مارنے کا معاملہ، ڈی پی او قصور نے دونوں اہلکاروں کو معطل کر کے کلوز لائن کر دیا
تفصیلات کے مطابق گزشتہ روز سوشل میڈیا پر ایک ویڈیو وائرل ہوئی جس میں قصور کی تحصیل چونیاں کے قصبہ الہ آباد کے تھانہ الہ آباد کے رہائشی محمد عدنان کی ویڈیو وائرل ہوئی
ویڈیو میں عدنان نے دو پولیس اہلکاروں سب انسپکٹر سلیم اور کانسٹیبل راشد گل پر تھپڑ مارنے کا الزام عائد کیا ڈی پی او محمد عیسیٰ خاں نے نوٹس لیتے ہوئے ڈی ایس پی چونیاں کو انکوائری کے احکامات جاری ہے
ڈی پی او قصور نے انکوائری میں الزام ددست ثابت ہونے پر دونوں اہلکاروں کو معطل کر کے کلوز لائن کر دیا
ڈی پی او قصور کے مطابق محکمانہ کاروائی کیلئے ایس پی انویسٹی گیشن کو ریگولر انکوائری کے بھی احکامات جاری کر دئیے گئے ہیں محکمہ پولیس ڈسپلن فورس ہے اختیارات سے تجاوز کسی صورت برداشت نہیں
بیگناہ شہریوں کیساتھ بدتمیزی اور تشدد کرنے والے اہلکار کسی معافی کے مستحق نہیں ہیں