Tag: baaghi

قصور
پاکستان رینجرز کی قصور منڈی عثمان والا میں بڑی کاروائی ،انٹرنیشنل بارڈر کراس کرنے والے ملزمان کے ساتھ فائرنگ کے تبادلے کے بعد دو اسمگلر مارے گئے لاکھوں کی انڈین شراب برآمد
تفصیلات کے مطابق پاکستان رینجرز نے انٹرنیشنل بارڈر منڈی عثمان والا ضلع قصور میں انڈین کی طرف سے پاکستان منڈی عثمان والا میں داخل ہونے والے اسمگلروں کو روکنا چاہا تو اسمگلروں نے فائرنگ شروع کر دی جس پر پاکستان رینجرز کے جوانوں سب انسپیکٹر غلام حسین اور سب انسپیکٹر شاہد حسین اور ان کی ٹیم نے جوابی فائرنگ کی جس کی بدولت دو اسمگلر مارے گئے جن کے قبضے سے لاکھوں روپیہ کی انڈین شراب کی 25 بوتلیں برآمد ہوئیں جو کہ وہ انڈیا سے لے کر پاکستان میں داخل ہو رہے تھے
پاکستان رینجرز نے کاروائی کے بعد متعلقہ تھانے کو اسمگلروں کی لاشیں دے دی ہیں جس پر پولیس مصروف کاروائی ہے

قصور میونسپل کارپوریشن، ضلعی انتظامیہ کی سموگ اور فضائی آلودگی کی روک تھام بری طرح ناکام ہو گئی عوام کو مطمئن کرنے کیلئے دوہری پالیسی اپنائی گئی، ایک طرف انفارمیشن ڈیپارٹمنٹ تشہیری مہم کے ذریعے عوام کو آگاہی دے رہے ہیں تو دوسری طرف شہر بھر میں کوڑے کرکٹ کے ڈھیروں کو جا بجا آگ لگا کر فضائی آلودگی پھیلائی جارہی ہے ضلعی حکومت کی اس دوہری پالیسی پرشہری سخت حیران و پریشان ہیں اور متاثرین عوام کا پنجاب حکومت سے قصور شہر میں سموگ اور فضائی آلودگی کے خاتمے کیلئے عملی اقدامات کا مطالبہ کیا ہے
حکومت کی طرف سے اقدامات کی بجائے مسائل کو تشہیر، میٹنگز اور فوٹو سیشن کے ذریعے حل کرنے والی میونسپل کارپوریشن اور ضلعی حکومت کی سموگ اور فضائی آلودگی کی روک تھام پر دوہری پالیسی سامنے آئی ہے ایک طرف انفارمیشن ڈیپارٹمنٹ تشہیری مہم کے ذریعے سموگ اور فضائی آلودگی کی روک تھام کے حوالے سے شہریوں میں آگاہی کیلئے پمفلٹ تقسیم کیے جارہے ہیں تو دوسری طرف اس حوالے سے میٹنگز، فوٹو سیشن اور سرکاری ہینڈ آؤٹ بھی جاری کیے جارہے ہیں مگر عملی اقدامات اس کے برعکس ہیں شہر بھر میں صفائی کے نظام کی صورتحال انتہائی ابتر ہے اور کوڑے کرکٹ کے ڈھیروں کو اٹھانے کی بجائے ان کو وہیں پر آگ لگا کر خطرناک قسم کی سموگ اور فضائی آلودگی پھیلائی جارہی ہے کوڑے کرکٹ کے ڈھیروں سے اٹھنے والا خطرناک دھواں عوام میں سانس، دمہ، پھپڑوں سمیت دیگر موذی امراض پھیلانے کا سبب بن رہا ہے جس پر محکمہ ماحولیات اور ضلعی انتظامیہ نے آنکھیں بند کر رکھی ہیں شہریوں کا کہناہے کہ اگر سموگ اور فضائی آلودگی اسی طرح پھیلانی ہے تو پھر تشہیری مہم پر حکومتی خزانے سے لاکھوں روپے ضائع کیوں کیے جارہے ہیں قصور میں تعینات ہونیوالے افسران اپنے کمروں اور میٹنگز ہال سے باہر نکل کر شہر کو دیکھنے کی زحمت بھی گواراہ نہیں کرتے اور دفتروں میں بیٹھے ہی ”سب اچھا“ کی رپورٹ دے دیتے ہیں اور ان کو کوئی پوچھنے والا نہیں ضلعی انتظامیہ فوٹو سیشن کے ذریعے کارکردگی دکھانے کی بجائے کمیٹی روم سے نکل کر زمینی حقائق کو دیکھے اور شہر کے مسائل حل کرنے کیلئے عملی اقدامات اٹھائے شہر کی سیاسی، سماجی، فلاحی اور شہری تنظیموں اور ڈسٹرکٹ بار کے سینئر وکلاء نے وزیر اعلی پنجاب، گورنر پنجاب، چیف سیکرٹری، کمشنر لاہور، صوبائی وزیر صحت، دیگر حکام بالا سے سموگ اور فضائی آلودگی کی روک تھام میں غفلت برتنے والی ضلعی انتظامیہ،محکمہ ماحولیات اور میونسپل کارپوریشن کے ذمہ داران کے خلاف کارروائی عمل میں لاتے ہوئے عملی طور پر سموگ اور فضائی آلودگی کی روک تھام کیلئے عملی اقدامات اٹھائے جائیں

قصور
لیسکو سب ڈویژن بہادر پورہ کے علاقے میں بجلی تیزی رفتاری نے عوام کو ذلیل کر دیا ،الیکٹرونکس اشیاء خراب ہونے کا خدشہ
تفصیلات کے مطابق قصور لیسکو کی سب ڈویژن بہادر پورہ کے علاقے کھارا میں مین بازار کے 200 کے وی ٹرانسفارمر سے 240 وولٹ کی بجائے 315 وولٹ آنا شروع ہو گئے ہیں جس سے لوگوں کے بلب وغیرہ جل گئے فریج اے سی آٹو میٹک وولٹیج کنٹرول ہونے کی بدولت نہیں چل رہے ٹرپ کر جاتے ہیں تاہم ان کے نقصان کا خدشہ ہے
ایل محلہ نے لائن مین،ایس ڈی او ،اور ایکسیئن سے استدعا کی ہے کہ اس خرابی کو فوری دور کیا جائے تاکہ ان کی قیمتی الیکٹرونکس اشیاء خراب ہونے سے بچ جائیں
مذید ایل محلہ کا کہنا ہے کہ لیسکو ذمہ داران فون سننا گوارا ہی نہیں کرتے جب بھی فون ملایا جائے یا تو بزی جاتا ہے اگر بزی نا جا رہا ہو تو بارہا کال کرنے کے کوئی بھی ریسیو نہیں کرتا

قصور
تھانہ کنگن پور کی کاروائی گرفتار ملزمان سے ریکوری کرکے اصل ورثاء تک پہنچا دی گئی
لوگوں کا پولیس کو خراج تحسین
تفصیلات کے مطابق SHO نصراللہ بھٹی کے زیر نگرانی Si افتخار بخاری نے
سرقہ بالجبر کے مقدمہ نمبر217/20 میں ملوث ملزمان سے ایک لاکھ روپے کی ریکوری کی جو کہ حاصل ہونے کے بعد اصل مالکان کے حوالے کی گئی پولیس کی اس کاوش پر انجمن تاجران کنگن پور اور الہ آباد نے ایس ایچ او نصراللہ بھٹی کو خراج تحسین کیا اور کہا کہ پولیس کا ایس رویہ ایک مثال ہے

قصور
خود ہی آگاہی خود ہی خود ہی شور اور خود ہی چور ، چور مچائے شور
تفصیلات کے مطابق قصور ضلعی انتظامیہ نے ایک طرف تو سموگ کی روک تھام کیلئے تشہیری مہم کا آغاز کر رکھا ہے تو دوسری جانب خود ہی اس تشہیری مہم کی دھجیاں بکھیر رہی ہے قصور شہر بھر میں کوڑے کے ڈھیروں کو اٹھانے کی بجائے ان کو آگ لگا کر سموگ کا موجب بنارہے ہیں سیف سٹی کیمروں کی فوٹیج میں صاف دیکھا جاسکتا ہے مین فیروز پور روڈ ،ڈیرہ مقصود صابر انصاری ،کالی پل، شہباز خان روڈ و دیگر علاقوں میں کوڑے کے ڈھیروں کو آگ لگا کر شہر میں زہریلا دھواں اور سموگ پھیلا کر شہریوں کو بیماری کی جانب دھکیلا جارہا ہے جو کہ ضلعی انتظامیہ کی نااہلی اور غفلت کا نتیجہ ہے شہر قصور کے باسیوں کی وزیر اعلی پنجاب سے نوٹس لیکر ڈی سی قصور کو فوٹو سیشن سے باہر نکل کر عملی اقدامات کرنے اور شہر کو صاف ستھرا رکھنے میں اپنا کردار ادا کرنے کی اپیل کی ہے

قصور
اپنوں کے کرم غیروں پہ ستم ،باپ کے اختیار کا ناجائز استعمال بیٹے نے شروع کر دیا من پسند لوگوں کو بچانا اور منتھلیںاں نا دینے والے افراد کو پھنسانا شروع کر دیا
تفصیلات کے مطابق طاقت کے نشے میں سی ای او ہیلتھ قصور ڈاکٹر جاوید اقبال کے بیٹے عامر اقبال نے محکمہ ہیلتھ کئیر کمیشن سے منظور شدہ پرائیویٹ لیبارٹریز ، میڈیکل سٹورز اور پرائیوٹ کلینکس کو تنگ کرنا شروع کر دیا کیونکہ موصوف کے ہیلتھ کیئر کمیشن سے بڑے اچھے تعلقات ہیں اس بابت تحصیل چونیاں کے گردونواح نواح اور خصوصی الہ آباد میں عامر اقبال کی ہاں میں ہاں ملانے والے مزے کر رہے ہیں جبکہ اس کو ناں کہنے والے آئے روز ہیلتھ کیئر کمیشن کے زیر عتاب رہتے ہیں
متاثرہ میڈیکل سٹور، کلینکس و لیب مالکان نے وزیر صحت،وزیر اعلی پنجاب اور ڈی سی قصور سے نوٹس لے کر کاروائی کا مطالبہ کیا ہے

قصور
یوٹیلٹی سٹور کا عملہ عوام کے لیے جلاد بن گیا آنے والے شہریوں سے بدتمیزی کرنا اور ان سے بد اخلاقی کرنا اپنا معمول بنا لیا شہری یوٹیلٹی سٹور کے عملے کے رویے سے تنگ ہو گئے ہیں اور اعلی حکام سے نوٹس لینے کی اپیل کرتے ہوئے کہا کہ اس عملے کو تبدیل کیا جائے اور اچھا و با اخلاق عملہ تعینات کیا جائے
مہنگائی کے دور میں یوٹیلیٹی اسٹورز شہریوں کے لیے حکومت کی طرف سے ایک چھوٹی سی امید کی کرن ہیں جس کی وجہ سے مہنگائی سے ستائے شہریوں کی کثیر تعداد یوٹیلٹی سٹور کا رخ کرتی ہیں لیکن وہاں پر موجود یوٹیلٹی سٹور کا عملہ آنے والے شہریوں سے بدتمیزی اور بد اخلاقی سے پیش آتا ہیں شہریوں کا کہنا ہیں کہ یہاں جب بھی آتے ہیں آٹا یا چینی پوچھنے پر جواب نفی ملتا ہے اور مذید پوچھنے پر بدتمیزی کی جاتی ہے شہریوں کا یہ بھی کہنا تھا کہ یوٹیلٹی سٹور کا عملہ آٹا چینی اور گھی وغیرہ جس پر حکومت نے سبسٹڈی دے رکھی ہے یہ لوگ ان چیزوں کو اپنے من پسند لوگوں کو دیتے ہیں جس سے وہ انہیں مارکیٹ ریٹ پر فروخت کر تے ہیں جس سے غریب عوام کی حق تلفی ہورہی ہیں شہریوں نے ڈی سی قصور اور وزیر اعلی پنجاب اور وزیر اعظم سے اپیل کی ہیں کہ یوٹیلٹی سٹور پر ایک ایماندار اور بااخلاق عملے کو رکھا جائے تا کہ حکومت کی طرف سے ملنے والی ہر سہولت غریب عوام تک پہنچ سکے

قصور
تحصیل قصور کے سب سے قریبی اور سب سے بڑے گاؤں کھارا کی بجلی رات 12 بجے سے معطل،ایس ڈی او ،ایکسیئین سٹی اور لائن میں صارفین کے فون سننے کے بھی رودار نہیں
تفصیلات کے مطابق قصور تحصیل کے سب سے قریبی گاؤں کھارا جس کی آبادی تقریبآ 28 ہزار ہے اور فاصلہ قصور بائی پاس سے محض ڈیڑھ کلومیٹر ہے،کی بجلی رات 12 بجے سے معطل ہے اس بابت جب سب ڈویژن بہادر پورہ اور ایکسیئین کا نمبر ملایا تو بار بار صارفین کے ملانے کے باوجود کسی نے فون سننے کی زحمت نہیں کی اور بجلی کے بارے معلوم کرنے پر دفتر جا کر ہی معلوم کیا جا سکتا ہے کیونکہ سب ڈویژن بہادر پورہ کے افسران کا فون نا سننے کا ریکارڈ پہلے بھی قائم ہے
رات گئے سے لوگ عزیت میں مبتلا ہیں جب کہ واپڈا حکام صارفین کو بجلی کے تعطل کی وجہ بتانے سے بھی گریزاں ہیں اس پر اہل دیہہ نے ڈی سی قصور،ایس ای لیسکو قصور سے استدعا کی ہے کہ ان افسران کی انکوائری کرکے اہل دیہہ کو بتایا جائے کہ فون سننا ان کو کیوں نا گوار ہے اور بجلی کی فراہم کو یقینی بنایا جائے

قصور
تحصیل چونیاں میں سوئی گیس ملازمین کی من مانیاں تحصیل بھر میں سوئی گیس کے بل صارفین کو نہ مل سکے آخری تاریخ قریب صارفین کو میٹر کٹنے اور کروڑوں روپے لیٹ فیس کی مد میں کروڑوں کے نقصان کا خدشہ
تفصیلات کے مطابق چونیاں تحصیل کے چھوٹے بڑے شہروں اور دیہاتوں میں ہزاروں صارفین سوئی گیس کے بل آج تک بھی نہ مل سکے ہیں
ہر ماہ کی19 تاریخ بل جمع کروانے کی آخری ہوتی ہے مگر بل جمع کروانے کی تاریخ قریب پہنچنے کے باوجود بل ڈسٹری بیوٹر نے بل تقسیم نہیں کئے جبکہ محکمہ سوئی گیس صارفین کو بل لیٹ ادا کرنے پر کروڑوں روپے جرمانہ کی مد میں ڈال دے گا
سوئی گیس صارفین کے مطابق ان کو بلاوجہ لیٹ فیس کی مد میں جرمانہ ادا کرنا پڑے گا اور اپنے میٹر کٹنے کی بھی پریشانی لاحق ہو گئی ذرائع کے مطابق لاہور ڈویژن کے بل ڈسٹری بیوشن کا ٹھیکہ کسی نئی فرم کو ملنا بتایا جا رہا ہے
گیس بل ڈسٹری بیوشن کی نئی کمپنی کے پاس بل تقسیم کرنے کے لئے ابھی تک عملہ ہی نہیں ہے سوئی گیس اور نئی ڈسٹری بیوٹر کمپنی کی غفلت کی وجہ سے گیس صارفین کو کروڑوں کا ٹیکہ لگایا جائے گا عوام پہلے ہی مہنگائی کے عذاب سے پریشان ہے اور اب محکمہ سوئی گیس نے پریشان کر رکھا ہے

قصور
ڈی پی او کے حکم کے باوجود 10 دن گزرنے کے باوجود تھانہ اے ڈویزن قصور ایف آئی آر پر ملزم گرفتار کرنے سے قاصر
تفصیلات کے مطابق 10 دن قبل مقامی تاجر اور فلاحی،سماجی کارکن چوہدری خاور مسعود کا ڈگری کالج گراونڈ قصور میں نماز جنازہ پڑھتے ہوئے نامعلوم چور جیب سے موبائل لے اڑا جس پر تاجر اندراج مقدمہ کیلئے تھانہ اے ڈویژن گیا تو مقامی ایس ایچ او کو موجود نہ پاتے ہوئے محرر کے دفتر میں چلا گیا تو آگے منشی محرر دفتر ٹائم مین حقہ کے کش لگانے میں مصروف تھا اور ایس ایچ او کے بارئے لاعلمی کا اظہار کر رہا تھا جس پر تاجر نے قصور ڈی پی او کے دفتر پیش ہوکر آپنا موقف بیان کیا تو ڈی پی او نے ذاتی طور پر مقامی پولیس کو ایف آی آر اندراج کا حکم دیا جو جلد ہی درج تو ہوگئی مگر آج تک مقامی پولیس کی موبائل ریکوری اور ملزم کی گرفتاری میں بے بس نظر آرہی ہے جس پر مقامی سماجی، فلاحی افراد، ووکلا نے حکام بالا سے ملزم کی گرفتاری اور موبائل ریکوری کاروائی کا مطالبہ کیا ہے