Tag: baaghi

قصور
کوٹ اسلام پورہ قصور میں بلدیہ نے لوگوں کو بیمار کرکے ڈاکٹروں کے کاروبار چلانے کا فیصلہ کر لیا 3 ہفتوں سے گندگی کوڑا کرکٹ سڑکوں پر ،انتظامیہ سو گئی، پورے محلے میں بدبو کا راج بیماریاں جنم لینے لگیں
تفصیلات کے مطابق کوٹ اسلام پورہ سٹی قصور میں بلدیہ قصور نے لوگوں کو بیمار کروا کر ڈاکٹروں کے کاروبار تیز کرنے کا فیصلہ کیا ہوا ہے
اہلیان محلہ نے نمائندہ باغی ٹی وی سے گفتگو کرتے ہوئے کہا کہ گزشتہ 3 ہفتوں سے صفائی کا عملہ گندگی اٹھانے نہیں آیا جس سے ہر طرف بدبو پھیل رہی ہے اوپر سے برسات کا موسم ہے جس سے گندگی میں کیڑے بننا شروع ہو گئے ہیں بلدیہ کا عملہ چائے پانی کے بغیر کام نہیں کرتا اور اوپر سے مہنگائی و لاک ڈاؤن سے لوگ مالی مشکلات کا شکار ہیں ایسے میں بلدیہ اہلکاران کو رشوت کیسے دی جائے آئے روز کی بارش سے کوڑا کرکٹ لوگوں کے گھروں میں برسات کے پانی کے ساتھ داخل ہو جاتا ہے
اہل محلہ نے ڈی سی قصور منظر علی جاوید سے مطالبہ کیا ہے کہ ان کی صحت کا خیال کرتے ہوئے کوڑا کرکٹ اور گندگی کے ڈھیر اٹھوائے جائیں اور کرپٹ و راشی عملہ صفائی کو معطل کرکے نئے ایماندار عملہ کو تعینات کیا جائے

قصور
سانحہ چونیاں کے ملزم کو سزا سنا دی گئی لوگوں کا سزا پر اظہار اطمینان لوگوں کی طرف سے سرعام پھانسی کا بھی مطالبہ
تفصیلات کے مطابق انسداد دہشت گردی عدالت لاہور کے جج اعجاز احمد بٹر نے سانحہ چونیاں کے ملزم سہیل شہزاد کو بچے علی حسنین سے زیادتی اور قتل کیس میں 3 بار سزائے موت کی سزا سنا دی ہے
ملزم کا فیصلہ کوٹ لکھپت جیل لاہور میں سنایا گیا انسداد دہشت گردی کی خصوصی عدالت میں چونیاں پولیس نے بچوں سے زیادتی اور قتل کے الزام میں چالان پیش کر رکھا تھا اس کیس کی پوری سماعت کوٹ لکھپت جیل میں کی گئی عدالت نے گواہوں کے بیانات اور وکلاء کے دلائل کے بعد ملزم پر جرم ثابت ہونے پر اس کو تین بار سزائے موت کی سزا سنا دی ۔فیصلہ جیل میں سنایا گیا ملزم کو اس سے قبل زیادتی فیضان نامی بچے کے ایک کیس میں تین دفعہ سزائے موت اور تیس لاکھ جرمانہ کی سزا ہو چکی ہے ملزم کے خلاف چونیاں پولیس نے دوہزار انیس میں مقدمہ درج کیا تھا۔

قصور
ڈی جی چائلڈ پروٹیکشن بیورو بینش فاطمہ اور ڈی سی قصور منظر جاوید علی کے زیر صدارت چائلڈ پروٹیکشن کے حوالے سے جائزہ اجلاس ہوا جس میں ڈائریکٹر جنرل چائلڈ پروٹیکشن بیورو بینش فاطمہ ڈپٹی کمشنر قصورمنظر جاوید علی کے زیر صدارت چائلڈ پروٹیکشن کے حوالے سے جائزہ اجلاس گزشتہ روز ڈی سی کمیٹی روم میں منعقد ہوا جس میں ڈائریکٹر ایڈمن چائلڈ پروٹیکشن بیورو حمیرا ارشاد، ایڈیشنل ڈپٹی کمشنر جنرل محمد کاشف ڈوگر،ڈی ایس پی لیگل شیخ فیاض، ڈی ایس پی ہیڈ کوارٹر محمد جواد، ڈسٹرکٹ انچارج چائلڈ پروٹیکشن محمد عدنان لقمان، فوکل پرسن زرتاب راجہ اور دیگر نے شرکت کی۔ اجلاس میں چائلڈ رائٹس اور چائلڈ ابیوز کے خاتمے کے حوالے سے مختلف تجاویز پر غور کیا گیا اورآئندہ کیلئے لائحہ عمل طے کیا گیا۔اجلاس میں فیصلہ کیا گیا کہ ضلع قصور میں تمام محکمہ جات ملکر چائلڈ ابیوز اور چائلڈ رائٹس کیلئے کام کرینگے تا کہ بچوں کے تحفظ کو یقینی بنایا جا سکے اور اس کے علاوہ شہریوں کو چائلڈ پروٹیکشن کے حوالے سے زیادہ سے زیادہ آگاہی فراہم کی جائیگا

قصور
کاروباری پریشانیاں،مہنگائی بے روزگاری اور امن و امان کی خراب صورتحال کے پیش نظر ملک میں خود کشیوں میں اضافہ ہو گیا کل پتوکی میں پیٹرول پمپ مالک نے خود کو گولی مار کر زندگی کا خاتمہ کر لیا
تفصیلات کے مطابق کل پتوکی میں واں آدھن روڈ پر نزد سنیارہ والا بھٹہ کے قریب واقع پی ایس او پیٹرول پمپ کے مالکان نے خودکشی کرلی
پتوکی پٹرول پمپ کے مالکان نے اپنے دفتر کے اندر اپنے سر میں اپنے ہی پسٹل سے گولی ماری
ذرائع سے پتہ چلا ہے کہ مذکورہ شحض کافی دنوں سے پریشان تھا

قصور
تھانہ الہ آباد کی حدود میں دن دیہاڑے ڈکیتیوں کا سلسلہ تھم نہ سکا آئے روز ڈاکو تاجروں سمیت عوام کو لوٹنے میں مصروف کل الہ آباد کے نواح تلونڈی غلہ منڈی میں ڈکیتی کی واردات ہوئی ،تاجر برادری نے ڈاکو راج کے خلاف قصور دیپالپور روڈ بلاک کر دیا
تفصیلات کے مطابق گذشتہ دنوں سے تھانہ الہ آباد کی حدود میں دن دیہاڑے موٹر سائیکل سوار مسلح افراد نے تاجروں اور عوام کا جینا محال بنا دیا ہے آئے روز ڈکیتی و چوری ہونا معمول بن گیا ہے کل بھی غلہ منڈی تلونڈی کے آڑھتی یاسر اور خالد الہ آباد کے نجی بینک سے رقم لیکر تلونڈی آرہے تھے کہ 3 مسلح نامعلوم موٹر سائیکل سواروں نے غلہ منڈی کی حدود میں لوٹ لیا ڈاکو ہزاروں روپے نقدی لوٹ کر دندناتے فرار ہوگئے 15 پر کال کرنے سے مقامی پولیس موقع پر پہنچ گئی تاجر برادر ی کا آئے روز ڈکیتی چوری نہ رکنے پر روڈ بلاک کرکے احتجاج

قصور
ایس ایچ او تھانہ مصطفی آباد رائے ناصر عباس کی بڑی کاروائی ولائتی شراب کی بہت بڑی کھیپ پکڑ لی
تفصیلات کے مطابق ایس ایچ اور مصطفی آباد اور چوکی انچارج بیدیاں محمد طیب نے سرحدی گاؤں میں ولائتی شراب سپلائی کرنے والے گروہ کے پانچ افراد کو گرفتار کرکے ان کے قبضہ سے چار لاکھ روپے مالیت کی مہنگے برانڈ کی ولائتی شراب بر آمد کر لی
ملزمان لاہور سے رکشہ پر سرحدی دیہات میں شراب کی سپلائی کرتے تھے جس سے کئی لوگ شراب کے عادی ہو چکے تھے
پولیس نے ملزمان کے خلاف مقدمہ درج کرکے حوالات میں بند کر دیا ہے

قصور
بارش نے میونسپل کمیٹی الہ آباد کی ناقص کارکردگی کا پول کھول دیا سڑکیں اور گلیاں بازار ندی نالوں کا منظر پیش کرنے لگیں کرپٹ اور نااہل عملہ کے خلاف کاروائی کا مطالبہ
تفصیلات کے مطابق گزشتہ روز الہ آباد میں ہونے والی بارش نے میونسپل کمیٹی کے نااہل اور کرپٹ ملازمین کی نااہلی اور سستی کا پول کھول دیا سیوریج اور صفائی کی ناقص صورتحال اور ٹوٹی پھوٹی سڑکوں کی وجہ سے الہ آباد شہر ندی نالوں کا منظر پیش کر رہا ہے دیپالپور روڈ اور کنگن پور روڈ کی سڑکیں پانی سے بھری پڑی ہیں گلی محلوں میں پانی کھڑا ہے میونسپل کمیٹی کا عملہ پانی نکالنے میں ناکام ہو چکا ہے میونسپل کمیٹی کے ملازمین کرپشن کی دلدل میں پھنسے ہوئے ہیں شہر کی بہتری کے لئے ان کے پاس وقت نہیں ہے مقامی شہریوں محمد اقبال، سہیل احمد، مدثر رشید ،محمد طارق وغیرہ نے نے اعلیٰ حکام سے نوٹس لینے کا مطالبہ کیا ہے

قصور
پتوکی کے نواحی گاوں سہجووال کے رہائشی بابا عبدلکریم پر زمین کے تنازعہ پر تین حقیقی بیٹوں علی محمد وزیر محمد نے مسلحہ ساتھیوں سلیم شبیر حسین عرف لالی محمد اصغر محمد افضل کیساتھ ملکر قاتلانہ حملہ کیا
تفصیلات کے مطابق پتوکی کے گاؤں سہجووال میں عبدالکریم نامی شخص فصلوں کو پانی لگا رھا کہ اسکے تین حقیقی بیٹوں نے اپنے مسلح ساتھیوں سمیت اپنے ہی حقیقی باپ عبدالکریم پر حملہ کر دیا اور اسے کلہاڑیوں کے وار کرکے شدید زخمی کردیا اور خود موقع سے فرار ہوگئے انکے ایک بیٹے نے میڈیا سے بات کرتے ہوئے بتایا کہ انہوں نے اس سے پہلے چوکی حبیب آباد کو ان ملزمان بیٹوں کے خلاف متعدد بار درخواستیں بھی دی ہیں کہ ملزمان بیٹوں نے عبدلکریم کو جان سے مارنے دھمکیاں بھی دی ہیں لیکن پولیس والوں نے ان کیساتھ سازباز کر رکھی اور ہمیں کوئی تحفظ نہیں دیا
لہذا ڈی پی او قصور سے اپیل ہے کہ ہمیں ان سے تحفظ دیا جائے اور ان کے خلاف کاروائی کی جائے

قصور
ظلم کی انتہاہ زمین پھٹی نا آسمان گرا سگا باپ ہی قاتل نکلا
تفصیلات کے مطابق کل کھڈیاں بی آر بی نہر سے مردہ ملنے والے تین سالہ بچے کا باپ ھی قاتل نکلا
ایس پی انویسٹیگیشن قصور نے بتایا کہ کل کھڈیاں نہر سے ایک بچے کی لاش ملی جس پر پولیس نے موقع پر پہنچ کر لاش کو تحویل میں لے کیا اور تفتیش شروع کر دی اور یہ بات سامنے آئی کہ تین سالہ سبحان کو حقیقی والد نے سابقہ بیوی کے کہنے پر قتل کیا تھا اور لاش نہر میں پھینک دی تھی ندیم نامی شخص کی اپنی موجودہ بیوی سے ناراضگی چل رھی تھی جس پر پرسوں شام ندیم نے غصے میں اپنے بیٹے کو لیکر باھر گیا اور واپس آکر اسکے گم ھونے کا شور ڈال دیا
پولیس نے ملزم کو گرفتار کرکے مقدمہ درج کر لیا ہے اور مذید تفتیش کر رہی ہے