Tag: baaghi

واشنگٹن (اے پی پی) امریکا نے پانچ چینی کمپنیوں پر پابندی عائد کردی.

تفصیلات کے مطابق امریکی انتظامیہ نے پانچ چینی کمپنیوں پر پابندیاں عائد کردیںجن کا اطلاق آئندہ منگل سے ہو گا۔نئی امریکی پابندیوں کا نشانہ بننے والی چینی کمپنیوں میں چین کی ٹیلی کام کمپنیاں ہواوےاور زیڈ ٹی ایاور نگران کیمرے بنانے والی کمپنیاں ہِک وژن اور داہوا اور وائرلیس آلات بنانے والی کمپنی ہائی ٹیرا شامل ہیں۔جاپانی ذرائع ابلاغ کے مطابق نئی پابندیوں کے تحت امریکیاداروں کو دنیا بھر کی ایسی کمپنیوں کے ساتھ بھی لین دین سے روک دیا ہے جو ان پانچ چینی کمپنیوں کے آلات استعمال کرتی ہیں تاہم یہ اقدام اگلے سال اگست سے نافذ العمل ہو گا۔حکومت نے امریکی کمپنیوں کو پہلے ہی بغیر اجازت ہواوے کو الیکٹرانک پارٹس فروخت کرنے پر پابندی عائد کر رکھی ہے۔

جدہ (اے پی پی) جدہ کے نئے ائیرپورٹ سے پروازوں کا آغاز کردیا گیا ہے.

تفصیلات کے مطابق جدہ شہرکے نئے کنگ عبدالعزیز انٹرنیشنل ائیرپورٹ سے جمعہ کے روز ابوظبی ، مسقط اور بحرین کےلئے پروازوں کی آمد و رفت شروع ہوگئی ہیں۔ سعودی محکمہ شہری ہوابازی کی جانب سے جاری کردہ اعلان میں کہا گیا ہے کہ 9 اگست بروز جمعہ کو جدہ کے نئے کنگ عبدالعزیز انٹرنیشنل ائیرپورٹ کے ٹرمینل نمبر۔1سے ابوظبی انٹرنیشنل ائیرپورٹ ، بحرین انٹرنیشنل ائیرپورٹ اور مسقط انٹرنیشنل ائیرپورٹ کےلئے پروازوں کی آمد و رفت کا باقائدہ آغاز کر دیا گیا ہے۔ محکمہ شہری ہوابازی کے مطابق جدہ کے نئے ائیرپورٹ سے بین الاقوامی پروازوں کا سلسلہ بتدریج بڑھایا جائے گا۔ ابوظہبی اور بحرین انٹرنیشنل ائیرپورٹ کےلئے جمعہ سے یومیہ ایک پرواز چلائی جائے گی جبکہ مسقط ائیرپورٹ کےلئے ہفتے میں 4 پروازیں چلائی جائیں گی۔

واضح رہے کہ مذکورہ نئے ائیرپورٹ سے 21 داخلی ہوائی اڈوں باحہ ، دوادمی ، القیصومہ، تبوک ، ینبع ، القریات ، عرعر، الوج، العلاءالہفوف ، طریف، جیزان، شرورہ، طائف ، الجوف ، بیشہ ، حائل ، رفحائ، وادی الدواسر ، ابہا اور نجران کےلئے پروازیں چلائی جا چکی ہیں۔

لندن: لندن سمیت انگلینڈ کے کئی علاقوں میں بجلی کا بڑا بریک ڈاؤن سامنے آگیا ہے. جس کی وجہ سے لندن شہر تاریکی میں ڈوب گیا ہے.

تفصیلات کے مطابق انگلینڈ میں بڑے پیمانے پر بجلی کا بڑا بریک ڈاؤن سامنے آیا ہے. بریک ڈاؤن سے نہ صرف لندن کے گھروں میں‌ بجلی چلی گئی ہے بلکہ سڑک پر موجود ٹریفک سگنلز بھی بند ہوگئے ہیں جس کی وجہ سے ٹریفک میں بہت سے مسئلے دیکھنے کو آرہے ہیں. جبکہ ریلوے کا نظام بھی بڑے پیمانے پر درہم برہم ہوگیا ہے. اس حوالے سے حکام نے اپنے ٹویٹر پیغام میں کہا کہ "بجلی کا مسئلہ گرڈ اسٹیشن سے ہے اور ہم یہ بھی جانتے ہیں کہ ہمارے صارفین کو کافی مسئلے درپیش آرہے ہیں جس کیلئے ہم معذرت خواہ ہیں، لیکن کچھ دیر بعد یہ مسلئہ ٹھیک کردیا جائے گا”.

ساتھ ہی حکام نے اپنے صارفین کو ہدایت جاری کی ہے غیر ضروری نقل و حرکت کو محدود کردیا جائے.