Tag: baaghi

تربیلا۔غازی بروتھا کے متاثرین کے مسائل کو حل کرنے کے لیے خصوصی اقدامات اُٹھائے جارہیے ہیں۔ اسپیکر قومی اسمبلی

اسلام آباد؛اسپیکر قومی اسمبلی نے کہا ہے کہ تربیلا۔غازی بروتھا کی مقامی آؓبادی کے مسائل کا ازالہ کیا جا رہا ہے۔ انہوں نے کہا کہ علاقے کی مقامی آبادی کی قربانیوں کو فراموش نہیں کیا جا سکتا ہے۔انہوں نے کہا کہ غا زی بر وتھا پا ور پر وجیکٹ کے متا ثرین کو معاوضے کی ادائیگی کو جلد از جلد ممکن بنایا جائے گا۔ ان خیالات کا اظہار انہوں نے جمعہ کے زوز پارلیمنٹ ہاؤس میں تربیلا۔غازی بروتھا کے متاثرین کے مسائل کو حل کرنے سے متعلق ایک اعلی سطحی اجلاس کی صدارت کے دوران گفتگو رکرتے ہوئے گیا۔

اجلاس میں وفاقی وزیر برائے تونانی عمر ایوب کے علاوہ ارکان صوبائی اسمبلی فیصل زمان، زنگیزخان اور تحصیل ناظم ٹوپی سہیل خان بھی شریک تھے۔اسپیکر نے کہا کہ زراعت اورر فیشریز کے شعبے پانی کی سطح کم ہونے سے مسائل کا شکار ہیں ان شعبوں کے مسائل کو ختم کرنے کے لیے ترجیحی بنیادوں پر خصوصی اقدامات اُٹھانے کی ضرورت ہے۔ انہوں نے کہا کہ غازی بروتھا پاور پروجیکٹ کی تعمیر سے علاقے میں زیر زمین پا نی کی سطح گرنے کی وجہ سے علاقے میں آبپاشی کا نظام بری طرح متاثر ہوا ہے۔ انہوں نے کہا کہ ملک سے پانی کی قلت کے خاتمے کے لیے نئے ڈیموں کی تعمیر ناگزیر ہے۔ انہون نے مزید کہا کہ ملک میں جنگلات اور جھیلوں کی بحالی کے لیے خصوصی اقدامات کرنے کی ضرورت ہے۔
اسپیکر نے کہا کہ تربیلا واٹر پارک سے علاقے میں تفریحی گاہوں میں اضافہ ہو گا اور سیاحت کے شعبے کو فروغ ملے گا جس سے علاقے کی عوام کو روزگار کے نئے مواقع میسر آئیں گے۔ انہوں نے کہا کہ غازی بروتھا پاور پروجیکٹ کے متاثرین کو معا وضے کی ادائیگی کے حصول میں ہر ممکن تعاون کو یقینی بنا یا جائیگا۔اسپیکر کی متعلقہ اداروں کو لارنس پور روڈ کی بحالی کے لیے کام کو جلد شروع کرانے کی ہدایت کی ہے۔ اسپیکر نے متعلقہ محکموں کو علاقے میں درپیش مسائل کو فوری حل کرنے کی ضرورت پر زور دیا۔ اجلاس میں شریک واپڈا سمیت دیگر اداروں کے اعلی حکام نے علاقے کو درپیش ضروری مسائل کو حل کرنے کی یقین دہانی کروائی۔

لاہور( پ ر) آل پاکستان انجمن تاجران کے مرکزی سیکرٹری جنرل نعیم میر ریٹیلرز کے لئے جاری کردہ ایف بی آر کی فکسڈ ٹیکس سکیم کے حوالے سے ہنگامی پریس کانفرنس ہوئے.

کہا ہے کہ فکسڈ ٹیکس سکیم تضادات کا مجموعہ ہے جو چھوٹے تاجروں کی امنگوں کے برعکس ہے۔ہم سے مشاورت کے بغیر فکس ٹیکس کا مسودہ جاری کیا گیا جس پر شدید تحفظات ہیں۔لہذا پاکستان بھر کے تاجر فکس ٹیکس کا لولی پاپ تسلیم نہیں کرتے ،نعیم میر نے پریس کانفرنس میں فکس ٹیکس کا مسودہ بھی پھاڑ دیا۔وہ گزشتہ روز لاہور پریس کلب میں سہیل محمود بٹ، ملک امانت ، عبدالودود علوی ،ملک کلیم ، ذوالفقار بھٹی، شاہد بلال، میاں خلیل عبیر، رضوان بٹ، شیخ عرفان و دیگر کے ہمراہ پریس کانفرنس کررہے تھے۔

انہوں نے مزید کہا جب ملکی معیشت ہچکولے کھا رہی ہو تو ایسے میں تاجروں سے مذاق سوجنا افسوسناک ہے۔فکس ٹیکس مسودہ ملک بھر کے 31 لاکھ ریٹیلرز سے سنگین مذاق ہے۔ رقبے کے لحاظ ٹیکسیشن نہیں کی جا سکتی، رقبے کو بنیاد بنا نے پر تحفظات ہیں۔ فکسڈ ٹیکس مسورہ کے مطابق جیولرز، رئیل سٹیٹ ایجنٹس، چارٹرڈ اکا?نٹنٹس اور کریڈٹ کارڈ مشینیں رکھنے والے دوکاندار شامل نہیں۔ سکیم سے نان چنے کی ریڑھی والا، پنچر لگانے والا، آلو چنے اور بریانی والے آتے ہیں جو پہلے ہی بجلی بلوں پر ٹیکس دے رہے ہیں۔ فکسڈ ٹیکس سکیم تضادات کا مجموعہ ہے جو چھوٹے تاجروں کی امنگوں کے برعکس ہے۔ فکس ٹیکس چھوٹے تاجروں کیلئے ایک نا قابل عمل دستاویز ہے، ہمیں فکس ٹیکس کا لولی پاپ دیا گیا جسے ڈبے میں پیک کرکے واپس کر رہے ہیں۔

انہوں نے مزید کہا تاجر برداری احتجاج کررہی ہے اور حکومت تاجروں کے ساتھ مذاق کررہی ہے۔ہم اس فکسڈ ٹیکس مسودے کو مسترد کرچکے ہیں۔رقبے کے لحاظ سے کبھی ٹیکسوں کا نفاذ نہیں کیا جا سکتا۔شاپنگ پلازوں کو اس فکسڈ ٹیکس مکمل چھوٹ دے دی گئی ہے۔

جوائنٹ ایکشن کمیٹی کا اجلاس

ملک کی مختلف صحافتی تنظیموں نے لاہور پریس کلب کے صدر ارشد انصاری کی سربراہی میں قائم جوائنٹ ایکشن کمیٹی پر ایک بارپھر مکمل اعتماد کا اظہار کیا ہے اور کہا ہے کہ جو صحافتی ادارے کارکنوں کو عید سے قبل تنخواہیں ادا نہیں کریں گے ان کے خلاف سخت احتجاج کے تحت دفاتر اور گھروں کا گھیراو کیا جائے گا۔ صحافتی اداروں سے چھانٹیوں کا سلسلہ بند کیا جائے جو ادارے اس پر عمل نہیں کریں گے ان کے ٹی وی چینل کے مائیک پریس کانفرنسز سے ہٹادیئے جائیں گے۔ یہ فیصلے لاہور پریس کلب میں ہونے والے اجلاس میں کیئے گئے اجلاس صدر لاہور پریس کلب ارشد انصاری کی صدارت میں ہوا جس میں سیکرٹری جنرل پی ایف یو جے رانا محمد عظیم، صدر پی یو جے شہزاد حسین بٹ سابق صدر لاہور پریس کلب اعظم چوہدری، پی یو جے کے صدر نعیم حنیف،پریس گیلری کمیٹی پنجاب اسمبلی کے صدر میاں اسلم ،سیکرٹری فیضان بنگش، ایمرا کے رہنما آصف بٹ، ایمرا کے رہنما شوکت علی سمیت فوٹوگرافر ایسوسی ایشن، اینکا، کے عہدداران نے شرکت کی ۔

اجلاس میںمتفقہ طور پر فیصلہ کیا گیا کہ صحافتی اداروں میں صحافیوں کے ساتھ ہونے والی زیادتیوں پر متحد ہو کر بھرپور تحریک چلائی جائے اجلاس میں تمام صحافتی اداروں سے یہ مطالبہ کیا گیا کہ عید سے قبل کارکنوں کی تنخواہیں ادا کی جائیں تا کہ کارکن بھی عید کی خوشیوں میں شامل ہو سکیں۔ اجلاس میں فیصلہ کیا گیا کہ اگر جو بھی ادارہ عید سے قبل تنخواہ نہیں دے گا اس ادارے کے باہر اور ادارے کے مالک کے گھر کے باہر احتجاج کیا جائے گا اور اس ادارے کا مائیک تقریبات سے ہٹایا جائے گا۔ متفقہ طور پر فیصلہ کیا گیا کہ تمام تنظیمیں اور گروپ مل کر جوائنٹ ایکشن کمیٹی کے پلیٹ فارم سے بھرپور احتجاجی تحریک کو تیز کریں گے۔ اجلاس میں یہ بھی فیصلہ کیا گیا کہ 3 اگست کی احتجاج کی کال کو سینئر صحافی حنیف عاصم مرحوم کی وفات اور ان کے تین اگست کو نماز جنازہ کی وجہ سے ملتوی کر دیا گیا ہے اور نئی تاریخ کا اعلان بعد میں کیا جائے گا۔

لاہور2 اگست :….صوبائی وزیر ملک محمد انور نے کہا ہے کہ115 نئے اراضی ریکارڈ سنٹر ز اگلے دسمبر تک فعال ہو جائیں گے جس کے نتیجے میں زمینداروں اور کسانوں کو زرعی اراضی سے متعلق تمام سہولیات باآسانی حاصل ہو سکیں گے۔

صوبائی وزیر مال ملک محمد انور نے آج اپنے دفتر میں پنجاب لینڈ ریکارڈ اتھارٹی کی جانب سے دی گئی بریفنگ کے دوران ڈی جی پی ایل آر اے کو ہدایت کی کہ بارہ اراضی ریکارڈ سنٹر فوری شروع کرنے کے لئے تمام اقدامات کیے جائیں اس سلسلہ میں کوئی غفلت اور سستی برداشت نہیں کی جائے گی۔اس موقع پر سینئر ممبر بورڈ آف ریونیو شوکت علی اور ڈی جی پنجاب لینڈ ریکارڈ اتھارٹی حافظ شوکت علی بھی موجود تھے۔صوبائی وزیر مال نے کہا کہ صوبہ بھر میں اس وقت 142 اراضی ریکارڈ سنٹر ز کام کر رہے ہیں جوکسانوں اور زمینداروںکو زرعی اراضی کے متعلق سہولیات فراہم کرنے میں مصروف ہیں تاہم مزید 115 نئے اراضی ریکارڈ سنٹر و کے قیام سے سے نہ صرف زرعی زمینوں کا ریکارڈ کمپیوٹرائز ہوجائے گا بلکہ زمینداروں کو ریونیو افسران کی پیچھے خوار ہونا نہیں پڑے گا۔

وطنِ عزیز کا 72واں یومِ آزادی دھوم دھام سے منانے کی تیاریاں شروع

پنجاب فوڈ اتھارٹی ”ملاوٹ سے پاک نیا پاکستان“ کے عزم سے جشنِ آزادی منائے گی.  یونیورسٹیز طالبعلموں کے مابین غیر نصابی سرگرمیوں کے مقابلوں کا انعقاد کیا جائے گا،پہلے مرحلے میں تقریری مقابلوں کے آڈیشنزمکمل. ”ملاوٹ سے پاک نیا پاکستان“ کے عنوان سے تقریری مقابلے،ڈرامے اور ملی نغموں کے مقابلہ جات کروائے جائیں گے 

ملاوٹ مافیا کی سرکوبی کے ساتھ ساتھ غیر نصابی سرگرمیوں کا انعقاد آگاہی مہم کا حصہ ہے۔ڈی جی فوڈ اتھارٹی. صحت مند پنجاب،صحت مند پاکستان کا خواب شرمندہ تعبیر کرنے کیلئے ہر ممکن اقدامات کیے جارہے ہیں۔کیپٹن(ر) محمد عثمان. لاہور2اگست:”ملاوٹ سے پاک نیا پاکستان“وطنِ عزیز کا 72واں یومِ آزادی دھوم دھام سے منانے کی تیاریاں شروع کر دی گئیں۔پنجاب فوڈ اتھارٹی ”ملاوٹ سے پاک نیا پاکستان“ کے عزم سے جشنِ آزادی منائے گی۔مختلف یونیورسٹیزکے طالبعلموں کے مابین غیر نصابی سرگرمیوں کے مقابلوں کا انعقاد کیا جائے گا۔پہلے مرحلے میں تقریری مقابلوں کے آڈیشنز پنجاب فوڈ اتھارٹی ہیڈکوارٹر میں لیے گئے۔تفصیلات کے مطابق پنجاب فوڈ اتھارٹی نے وطنِ عزیز کا 72واں یومِ آزادی دھوم دھام سے منانے کی تیاریاں شروع کر دی۔پاکستان کا 72واں یومِ آزادی پنجاب فوڈ اتھارٹی   "ملاوٹ سے پاک نیا پاکستان  "کے عزم سے جشن آزادی منائے گی۔

مختلف یونیورسٹیزکے طالبعلموں کے مابین غیر نصابی سرگرمیوں کے مقابلوں کا انعقاد کیا جائے گا۔اس حوالے سے پہلے مرحلے میں تقریری مقابلوں کے آڈیشنز پنجاب فوڈ اتھارٹی ہیڈکوارٹر میں لے لیے گئے۔ آڈیشنز میں ڈی جی فوڈ اتھارٹی،اے ڈی جی آپریشنز،ٹیکنیکل،ڈائریکٹر ویجیلنس اور پبلک ریلیشنز نے ججز کے فرائض سرانجام دیے۔”ملاوٹ سے پاک نیا پاکستان“ کے عنوان سے تقریری مقابلے،ڈرامے اور ملی نغموں کے مقابلہ جات کروائے جائیں گے۔ڈی جی فوڈ اتھارٹی نے بتایا کہ تمام کیٹگریز میں پہلے،دوسرے اور تیسرے نمبر پر آنیوالے طلباء میں نقد انعامات تقسیم کیے جائیں گے۔ کیپٹن(ر)محمد عثمان کا میز ید کہنا تھا کہ ملاوٹ مافیا کی سرکوبی کے ساتھ ساتھ غیر نصابی سرگرمیوں کا انعقاد آگاہی مہم کا حصہ ہے۔صحت مند پنجاب،صحت مند پاکستان کا خواب شرمندہ تعبیر کرنے کیلئے ہر ممکن اقدامات کیے جارہے ہیں۔

فیصل آباد، ٹرک تیز رفتاری کے باعث سڑک کنارے کھڑی بس سے ٹکر ا گیا، ایک شخص جاں بحق، ایک زخمی

فیصل آباد ۔ 2 اگست (اے پی پی)فیصل آباد کے قریب سبحان ٹرکنگ سٹیشن و شیل پٹرول پمپ کھرڑیانوالہ شیخوپورہ روڈ پر جمعہ کی صبح ایک تیز رفتار مزدا ٹرک سڑک کے کنارے کھڑی بس سے ٹکرا گیا جس کے نتیجہ میں سمندری کا رہائشی 35سالہ محمد صادق موقع پر ہی جاں بحق جبکہ سیالکوٹ کا رہائشی 48سالہ شخص محمد عباس شدید زخمی ہو گیا ۔ واقعہ کی اطلاع ملتے ہی پولیس حکام اور ریسکیو 1122کی امدادی ٹی میں جائے حادثہ پر پہنچیں اور جاں بحق و زخمی کو دیہی مرکز صحت کھرڑیانوالہ منتقل کر دیا ۔ دریں اثناء پو لیس تھانہ کھرڑیانوالہ نے مزدا ٹرک ڈرائیور کے خلاف مقدمہ درج کر کے تفتیش شروع کر دی ہے ۔