Tag: baaghi

قصور
13 ستمبر سے لاپتہ ہونے والے بچے کا تاحال کوئی سراغ نا مل سکا،والدین شدت غم سے نڈھال،چائلڈ پروٹیکشن بیورو قصور اور ڈی پی او قصور سے نوٹس کی اپیل

تفصیلات کے مطابق قصور کے تھانہ صدر کے علاقہ ڈنگی پورہ کے رہائشی محنت کش فروٹ فروش عبدالمجید ولد محمد اصغر نے ایس ایچ او تھانہ صدر کو درخواست دی کہ اس کا بیٹا حیدر علی عمر تقریباً 8 سے 9 سال مورخہ 13 ستمبر دن گیاراں سے باراں بجے گھر سے لاپتہ ہے جس کے اغواء ہونے کا خدشہ ہے لہذا اس بابت ایف آئی آر درج کرکے کاروائی کی جائے تاہم آج 10 دن گزرنے کے باوجود گمشدہ بچے کا کوئی سراغ نہیں مل سکا
بچے کے والدین سخت پریشان ہیں اور ڈی پی او قصور اور چائلڈ پروٹیکشن بیورو قصور سے فریاد کرتے ہیں کہ ان کے بچے کو ڈھونڈ کر ان کے حوالے کیا جائے

قصور
ایس ڈی او سب ڈویژن بہادر پورہ لیسکو قصور لوگوں کے فون سننے سے قاصر،لوگوں کے دفتر پہنچنے پر ذاتی جان پہچان والے لوگوں سے گپ شپ میں مصروف،لوگ مجبور ہو کر واپڈا سب ڈویژن بہادر پورہ کی بجائے عدالت سے رجوع کرنے لگے،ایس ایکسئین بہادر پورہ،ایس ای قصور و ڈپٹی کمشنر قصور سے نوٹس کی اپیل

تفصیلات کے مطابق قصور لیسکو کی سب ڈویژن بہادر پورہ نے اپنے صارفین کو اپنے ناروا رویہ کی وجہ سے ذلیل کرنا شروع کر دیا ہے جس کے بجائے لوگ واپڈا دفتر کے عدالت سے رجوع کرنے لگے ہیں
ایس ڈی او سب ڈویژن بہادر پورہ اس قدر مصروف رہتے ہیں کہ صارفین کی نا تو کال سنتے ہیں نا ہی واٹس ایپ میسجز و کال صارفین تھک ہار کر واپڈا دفتر پہنچتے ہیں تو ایس ڈی او صاحب ذاتی لوگوں سے گپ شپ میں مصروف ہوتے ہیں اور لوگوں کی درخواستیں تک پڑھ نہیں پاتے اور بیٹھے ہی حکم صادر فرما دیتے ہیں کہ فلاں کمرے میں چلے جائیں وہاں پہنچنے پر مذید کسی اور کمرے میں بیجھا جاتا ہے اور پھر وہاں سے کبھی کسٹمر کئیر کاؤنٹر تو کبھی آر او آفس تو کبھی کہیں تو کبھی کہیں جس پر تھک ہار کر سب ڈویژن بہادر پورہ کے صارفین نے انصاف کیلئے عدالت سے رجوع کرنا شروع کر دیا ہے
صارفین نے ایس ڈی او و دیگر عملہ سب ڈویژن بہادر پورہ کے خلاف احتجاج کیا ہے اور ایکسئین سب ڈویژن بہادر پورہ،ایس ای لیسکو واپڈا قصور اور ڈپٹی کمشنر قصور سے نوٹس لے کر کسی ذمہ دار ایس ڈی او و دیگر عملہ کی تعیناتی کا مطالبہ کیا ہے
صارفین کا کہنا ہے کہ اگر ہم نے عدالت سے ہی کام کروانا ہے تو پھر ایس ڈی او و دیگر عملہ کس بات کی کروڑوں روپیہ ماہانہ کی تنخواہیں لے رہے ہیں
لہذہ ان کی جگہ کسی اور کو تعینات کیا جائے

قصور
ٹریفک پولیس کی لاپرواہی ایک اور قیمتی جان نگل گئی، جوان بچہ موت کی آغوش میں چلا گیا،ڈی ایس پی ٹریفک ودیگر اہلکار شجر کاری مہم میں اس قدر مصروف کہ لوگوں کی زندگیاں داؤ پر لگا چھوڑیں،شہریوں کا ڈی پی او قصور و آئی جی پنجاب سے ازخود نوٹس کا مطالبہ

تفصیلات کے مطابق ٹریفک پولیس قصور کی غفلت نے آج ایک اور انسانی زندگی کو نگل لیا ہے
ڈی ایس پی ٹریفک پولیس قصور و عملہ ٹریفک شجر کاری مہم میں اس قدر مصروف ہے کہ انسانی شجر کٹنے لگے ہیں
آج صبح ملتان ٹائم نے فقیرئیے والا بائی پاس پر ایک راہ گیر موٹر سائیکل سوار باپ بیٹے کو شدید کچل ڈالا جس کے باعث نوجوان زخموں کی تاب نا لاتے ہوئے جاں بحق ہو گیا اور اس کا باپ شدید زخمی ہو گیا
جبکہ بس کا شرابی ڈرائیور موقع سے فرار ہونے میں کامیاب ہو گیا
لوگوں نے پولیس کو اطلاع کی تو پولیس پورے دو گھنٹہ بعد جلوہ افروز ہوئی
ٹریفک پولیس ٹریفک کنٹرول کرنے میں ناکام ہے اور خود کو لائیسنس برانچ تک محصود کرکے مال بنا بنا کر انجان لوگوں کو ڈرائیونگ لائسنس جاری کئے گئے ہیں جس کے باعث آئے روز انسانی جانیں ضائع ہو رہی ہیں
نیز قصور شہر سمیت ضلع بھر کی سڑکوں پر ٹریفک کنٹرول کرنے کا کوئی خاص نظام نہیں محض موٹر سائیکل سوار شہریوں کی چیکنگ اور ان سے مال لینے کے علاوہ کوئی خاص کارکردگی نظر نہیں آتی
آئے روز قیمتی جانوں کے ضیاع پر شہریوں نے ڈی پی اور قصور اور آئی جی پنجاب سے ازخود نوٹس لینے کی اپیل کی ہے

قصور
ڈپٹی کمشنر کیپٹن ریٹائرڈ اورنگزیب حیدر خان کے زیر صدارت عرس حضرت بابا بلھے شاہ ؒ کے انتظامات کے حوالے سے جائزہ اجلاس،عرس حضرت بابا بلھے شاہ 30 اگست سے شروع ہو گا‘عرس پر آنیوالے زائرین کو تمام سہولیات دی جائینگی

تفصیلات کے مطابق ڈپٹی کمشنر قصور کیپٹن ریٹائرڈ اورنگزیب حیدر خان کے زیر صدارت تین روزہ 267 ویں سالانہ عرس حضرت بابا بلھے شاہؒؒ کی تقریبات کے انتظامات کا جائزہ لینے کے حوالے سے اجلاس گزشتہ روز ڈی سی کمیٹی روم میں منعقد ہوا
جس میں ایس پی انویسٹی گیشن راؤ طاہر علی، ایڈیشنل ڈپٹی کمشنر جنرل محمد جعفر چوہدری،حاجی صفدر انصاری، چیئرمین و ممبران دربار حضرت بابا بلھے شاہ امور مذہبیہ کمیٹی،سی ای او ایجو کیشن، ڈپٹی ڈائریکٹر آپریشنز فوڈ اتھارٹی، منیجر اوقاف‘ڈی ایس پی سٹی،ڈی ایس پی ٹریفک، ڈی او سول ڈیفنس،ایکسئین واپڈا، سی او میونسپل کمیٹی اور دیگر نے شرکت کی
اجلاس میں عرس حضرت بابا بلھے شاہؒ کی تقریبات،سیکورٹی و دیگر انتظامات کا حتمی جائزہ لیا گیا
ڈپٹی کمشنر نے اس موقع پر کہا کہ حضرت بابا بلھے شاہ رحمۃ اللہ علیہ کے سالانہ عرس مبارک کی تقریبات 30 اگست تا یکم ستمبر منعقد ہو رہی ہیں اور اس حوالے سے تمام محکمہ جات کو ذمہ داریاں سونپ دی گئی ہیں پولیس، میونسپل کارپوریشن، واپڈا‘ہیلتھ، اوقاف، سول ڈیفنس اور دیگر متعلقہ محکموں کے افسران کو ہدایت کی ہء کہ وہ عرس مبارک کے موقع پر اپنی اپنی ذمہ داریاں احسن طریقے سے سر انجام دیں انہوں نے چیف آفیسر میونسپل کمیٹی اور دیگر متعلقہ افسران کو ہدایت کی کہ دربار کے ارد گرد کے علاقوں‘سٹرکوں‘دربار سے ملحقہ قبرستان اور دیگر جگہوں پر زائرین کی سہولت کیلئے لائٹس کا انتظام کریں اور عرس مبارک کے موقع پر صفائی ستھرائی کیلئے خصوصی اقدامات کئے جائیں ان کا کہنا تھا کہ زائرین کی سہولت کیلئے دوسہرا گراؤنڈ سمیت شہر کے تین مقامات پر پارکنگ اسٹینڈز قائم کئے جائینگے عرس مبارک کے تمام انتظامات سے ہر وقت آگاہی رکھنے کیلئے سینٹرل کنٹرول روم قائم کیا جائیگا جہاں جدید سی سی ٹی وی کیمروں کی مدد سے مانیٹرنگ کی جائیگی
زائرین کی سہولت کیلئے دربار کے احاطہ میں محکمہ ہیلتھ، سول ڈیفنس، پولیس، فوڈ اتھارٹی، واپڈا سمیت دیگر محکموں کے کیمپ لگائے جائینگے اور عرس کے موقع پر سیکورٹی کے فول پروف انتظامات کئے جائینگے
آنیوالے زائرین کو تمام سہولیات دی جائینگی اور شہر میں ٹریفک کی روانی کو ہر قیمت پر یقینی بنایا جائیگا

قصور
گزشتہ دن ڈاکٹر پر قاتلانہ حملہ پر ینگ ڈاکٹرز ایسوسی ایشن قصور کی تشویش،وقوعہ پر ایف آئی آر درج کرکے جلد ملزمان کی گرفتاری کا مطالبہ،بصورت دیگر احتجاج کیا جائے گا

تفصیلات کے مطابق کل بروز بدھ مورخہ 21 اگست صبح کے وقت بلھے شاہ ہسپتال کے ڈاکٹر عدیل پر دو موٹر سائیکل سواروں نے اس وقت فائرنگ کردی جب وہ ڈیوٹی کے لئے ہسپتال آ رہے تھے وقوعہ تھانہ صدر قصور کے علاقے میں پیش آیا جو کہ مین شاہراہ اور پر رونق علاقہ ہے
گاڑی پر پے درپے کئی فائر کئے گئے جو گاڑی کو متعدد جگہ پر لگیں تاہم ڈاکٹر معجزانہ طور پر قاتلانہ حملے میں بچ گیا
ینگ ڈاکٹرز ایسوسی ایشن قصور نے او وقوعہ کی سخت مذمت کی ہے اور ان کا کہنا ہے کہ قصور شہر میں لاقانونیت، اور غنڈہ گردی کا جو عالم ہے وہ سی سی ٹی وی فوٹیج میں دیکھا جا سکتا ہے کہ کسطرح دن دیہاڑے شہر کی شاہراہوں پر اسلحہ لئے کرائے کے قاتل گھوم رہے ہیں جن کو کوئی پوچھنے والا نہیں یہ قصور پولیس، ضلعی انتظامیہ اور قانون نافذ کرنے والے اداروں کی کارکردگی پر سوالیہ نشان ہے
ینگ ڈاکٹرز ایسوسی ایشن قصور نے واقعہ پر سخت تشویش کا اظہار کیا اور ڈی پی او قصور سے ایف آئی آر درج کرکے ملزمان کی فوری گرفتاری کا مطالبہ کیا اور خبردار کیا ہے کہ بصورت دیگر انتہائی سخت ردعمل دینے اور احتجاج پر مجبور ہونا پڑے گا

قصور
زہریلی شراب کی 969 بوتلیں برآمد،ایک ملزم گرفتار،مقدمہ درج
تفصیلات کے مطابق قصور پولیس نے منشیات فروشوں کے خلاف کاروائیاں جاری رکھی ہیں اور زہریلی شراب کی 960 بوتلیں برآمد کی ہیں
تھانہ سٹی پتوکی کے ایس ایچ او راحیل خاں کی سربراہی میں کاروائی کرتے ہوئے پولیس ٹیم نے پتوکی میں فروخت کی جانیوالی زہریلی شراب کی 960 بوتلیں برآمد اور ایک ملزم گرفتار کیا ہے
ملزم کی شناخت ظہیر عباس قوم جٹ سکنہ کمالیہ ضلع ٹوبہ ٹیک سنگھ کے نام سے ہوئی
ہے
ملزم ایک پک اپ پر زہریلی شراب کے 16 کاٹن لاہور سے پتوکی منتقل کر رہا تھا
تھانہ سٹی پتوکی نے ملانوالا بائی پاس کے قریب ناکہ بندی کے دوران ملزم کو شراب سمیت گرفتار کیا
پولیس نے امتناع منشیات کی دفعات کے تحت مقدمہ درج کیا ہے
ڈی ایس پی پتوکی طاہر صدیق کی ہدایت پر پولیس کی پتوکی سرکل میں جرائم پیشہ ملزمان کے خلاف بھرپور کاروائیاں جاری ہیں