قصور
زہریلی شراب کی 969 بوتلیں برآمد،ایک ملزم گرفتار،مقدمہ درج
تفصیلات کے مطابق قصور پولیس نے منشیات فروشوں کے خلاف کاروائیاں جاری رکھی ہیں اور زہریلی شراب کی 960 بوتلیں برآمد کی ہیں
تھانہ سٹی پتوکی کے ایس ایچ او راحیل خاں کی سربراہی میں کاروائی کرتے ہوئے پولیس ٹیم نے پتوکی میں فروخت کی جانیوالی زہریلی شراب کی 960 بوتلیں برآمد اور ایک ملزم گرفتار کیا ہے
ملزم کی شناخت ظہیر عباس قوم جٹ سکنہ کمالیہ ضلع ٹوبہ ٹیک سنگھ کے نام سے ہوئی
ہے
ملزم ایک پک اپ پر زہریلی شراب کے 16 کاٹن لاہور سے پتوکی منتقل کر رہا تھا
تھانہ سٹی پتوکی نے ملانوالا بائی پاس کے قریب ناکہ بندی کے دوران ملزم کو شراب سمیت گرفتار کیا
پولیس نے امتناع منشیات کی دفعات کے تحت مقدمہ درج کیا ہے
ڈی ایس پی پتوکی طاہر صدیق کی ہدایت پر پولیس کی پتوکی سرکل میں جرائم پیشہ ملزمان کے خلاف بھرپور کاروائیاں جاری ہیں
Tag: baaghi
960 شراب کی بوتلیں برآمد ،ایک ملزم گرفتار،مقدمہ درج
روز پولیس مقابلے،کریمنلز چن چن کر قتل،شہریوں کا ڈی پی او کو پھولوں کے ہات
قصور
خطرناک ڈاکوؤں کی ہلاکت اور انصاف کی جلد فراہمی پر کوٹرادھاکشن کے علاقہ مکینوں کا قصور پولیس کو خراج تحسین،ڈی پی او قصور کو پُھولوں کے ہار پہنائےتفصیلات کے مطابق قصور کوٹرادھاکشن کے علاقہ مکین خطرناک ڈاکوؤں کی ہلاکت اور جلد انصاف کی فراہمی پر ڈی پی او آفس پہنچ گئے علاقہ مکینوں نے ڈی پی او محمد عیسیٰ خاں کو پھولوں کے ہار پہنائے اور قصور پولیس زندہ آباد کے نعرے لگائے دو ماہ قبل کوٹرادھاکشن کے علاقہ میں ڈاکوؤں نے ڈکیتی مزاحمت پر ایک شہری کو ناحق قتل کیا تھا ڈکیتی معہ قتل کی واردات میں ملوث دو خطرناک ڈاکو دوران پولیس مقابلہ ہلاک ہوئے جبکہ تیسرے ملزم کو گرفتار کر لیا گیا واردات کے دوران ناحق قتل ہونے والے شہری کی والدہ نے ڈی پی او قصور کا فوری انصاف کی فراہمی پر شکریہ ادا کیا مقتول کی والدہ نے ڈی پی او قصور کا ماتھا چوما اور شکریہ ادا کرتے ہوئے ہار پہنائے
ڈی پی او عیسیٰ خان مے کہا کہ شہریوں کی جان و مال کی حفاظت اور کریمنلز کا خاتمہ قصور پولیس کی اولین ترجیح ہے عوام کے تعاون سے کریمنلز اور جرائم پیشہ کا خاتمہ کر کے ضلع کو امن کا گہوارہ بنایا جائے گا
واضع رہے کہ گزشتہ چند دنوں سے تقریباً ہر روز پولیس مقابلوں میں کئی پیسہ ور مجرمان پولیس کے ہاتھوں زخمی و قتل ہو چکے ہیں جس پر کرائم میں کم کمی واقع ہوئی ہے
شہریوں کا کہنا ہے کہ کریمنلز کو چن چن کر قتل کیا جائےمنشیات فروشوں کے خلاف آپریشن،درجنوں گرفتار
قصور
منشیات فروشوں کے خلاف گھیرا تنگ ،درجنوں منشیات فروش پولیس کے شکنجے میں،کاروائیاں مذید تیز کرنے کی استدعاتفصیلات کے مطابق قصور ضلع بھر میں منشیات فروشوں کے گرد گھیرا تنگ کر دیا گیا ہے
ڈی پی او قصور محمد عیسیٰ کی ہدایات پر عمل کرتے ہوئے ضلع بھر کے مختلف تھانوں نے اپنے اپنے علاقوں میں آپریشن کرکے درجنوں منشیات فروشوں کو پکڑا ہے جن سے چرس،افیون،پاؤڈر آئس وغیرہ پکڑی گئی ہے
واضع رہے کہ قصور کے صحافی مقصود سرور کیفی،امجد نزیر،میاں خلیل صدیق آرائیں،صابر چوہدری،رفیق ساجد مہر،سہیل بھٹی,رانا ناصر،سعید احمد بھٹی،سردار شریف سوہڈل،سردار سعید سوہڈل،ملک عبدالعزیز،ظفر قبال چوہدری،مہر نوید،افتخار سلطانی،رانا جنید،خان ،غنی محمود قصوری،ڈاکٹر شفیق ارشد،رانا عدنان خان بوبی و دیگر صحافیوں نے ڈی پی او قصور کو منشیات فروشوں کے خلاف کاروائیاں کرنے کی استدعا کی تھی جس پر ڈی پی او قصور نے ضلع بھر کے ایس ایچ اوز کو فوری احکامات جاری کئے تھے
گزشتہ دنوں تھانہ راجہ جنگ نے سب سے بڑی کاروائی کرتے ہوئے موضع میر محمد سے کئی منشیات فروش پکڑے
ڈی پی او قصور سے تھانہ صدر کے علاقے کھارا،نقیب آباد بھلو،تھانہ مصطفیٰ آباد کے علاقے دفتوہ،وڈانہ،لکھنیکی و ملحقہ علاقوں اور تھانہ راجہ جنگ کے علاقے اوراڑہ نو،جبومیل،راؤ خانوالہ و دیگر علاقوں میں بھی آپریشن کرنے کی استدعا کی گئی ہے
ملک بھر کے صحافی اور وکلاء ایک پیج پر،انتخابات اگست میں ہونگے
قصور
آل پاکستان جرنلسٹس اینڈ لائرز فورم رجسٹرڈ کے انتخابات برائے پنجاب اگست میں ہونگے،پاکستان کے سینئیر صحافی اور وکلاء ایک پیج پر ہو کر مظلوم و دکھی انسانیت کی آواز بنیں گےتفصیلات کے مطابق آل پاکستان جرنلسٹس اینڈ لائرز فورم (رجسٹرڈ) صحافیوں اور وکلاء کی ایک بہت بڑی نمائندہ جماعت بن کر سامنے آئی ہے جس کا مقصد صحافی اور وکلاء برادری کو ایک پیج پر لانا اور دکھی و مظلوم انسانیت کی آواز بننا ہے
تنظیم کے بانی سینئیر جرنلسٹ پاکستان جناب منور قادری نے تنظیم کا پہلا اجلاس 7 جولائی کو فیصل آباد میں بلایا جس میں ملک بھر سے صحافیوں اور وکلاء حضرات نے شرکت کی
تنظیم کے زیر سایہ پنجاب باڈی کے لئے انتخابات اگست میں کروائے جائیں گے جس کے بعد منتخب کابینہ ضلعی سطح پر انتخابات کروائے گی
اس تنظیم کا حصہ صرف صحافی اور وکیل حضرات ہی بنیں گے جو کہ صحافتی اور وکلاء حضرات کے اتحاد کیساتھ دکھی اور مظلوم انسانیت کی آواز بنیں گے اور اعلی حکام تک مسائل پہنچائے جائیں گے
تنظیم کی طرف سے عہدیداروں کو اپنی کمپین کی ہدایت کی گئی ہے تاکہ اگست تک انتخابات کی تیاریاں مکمل کی جا سکیںکئی روز سے مین ہول بند،سڑک تالاب،شہریوں گھروں میں مقید
قصور
کھارا چونگی چوک میں سڑک پر پانی تالاب کی شکل اختیار کر گیا،لوگوں کا گزرنا محال،نمازیوں کو مشکلات کا سامناتفصیلات کے مطابق قصور کے مشہور چوک، کھارا چوک چونگی کھارا نزد پیٹرول پمپ کے مین بازار میں سڑک تالاب کا منظر پیش کرنے لگی ہے
سڑک پر مین ہول کئی دنوں سے بند ہے جس کے باعث پانی سڑک پر کھڑا ہے اور شہریوں کا گزرنا دشوار ہے شہری اپنے گھروں میں قید ہو کر رہ گئے ہیں
مقامی شہریوں نے اس بابت کئی بار متعلقہ حکام کو آگاہ کیا ہے تاہم کوئی شنوائی نہیں ہوئی ہے
پانی سڑک پر کھڑا رہنے سے نمازیوں کو سخت مشکلات کا سامنا ہے اور بزرگوں کا گزرنا بہت مشکل ہے
مقامی شہریوں کا کہنا ہے کہ ایم پی اے،ایم این اے و ٹی ایم اے کو بار بار آگاہ کیا گیا ہے مگر ہر بار بے سود رہا ہے لہذہ ڈپٹی کمشنر قصور ہماری مشکل کا حل نکالیںاربوں روپیہ کی لاگت سے حالیہ مرمت ہونے والی منی موٹر وے برباد
قصور
حالیہ مرمت ہونے والی منی موٹر وے لاہور قصور روڈ المعروف فیروز پور روڈ پر نکاسی آب نا ہونے سے پانی کھڑا رہنا معمول،سڑک پر بنے نالے میں گندگی سے پانی کی روانی میں مشکلاتتفصیلات کے مطابق لاہور قصور منی موٹر وے المعروف فیروز پور روڈ اربوں روپیہ کی لاگت سے حال ہی میں مرمت کیا گیا ہے جس پر نکاسی آب کے لئے بنے نالے میں ہر وقت گندگی رہتی ہے جس کی وجہ نالے کی صفائی نا ہونا ہے
نالے میں صفائی نا ہونے سے پانی گزر نہیں پاتا اور برسات کا پانی سڑک پر کھڑا رہتا ہے جس کے باعث سڑک بھی ٹوٹ پھوٹ کا شکار ہو رہی ہے اور دوسری جانب پانی سڑک پر کھڑا رہنے سے گاڑیوں و موٹر سائیکلوں کے ایکسیڈنٹ بھی ہو رہے ہیں
ارباب اختیار سے گزارش ہے کہ سڑک پر بنے نالے کی صفائی باقاعدگی سے کروائی جائے تاکہ سڑک ٹوٹنے سے محفوظ رہے اور لوگ باحفاظت رہ کر سڑک پر سفر کر سکیںسپرمز ڈونیشن کی آڑ میں فحاشی کا نیا منصوبہ،نوٹس کی اپیل
قصور
sperm donation
کے نام پر پاکستانی قوم کو برباد کرنے کا نیا منصوبہ،حلال حرام کی تمیز ختم کرنے کی تیاری،سوشل میڈیا پر سرعام اشتہارات،گورنمنٹ سے نوٹس کی اپیل،گینگ کو پکڑنے کا مطالبہ،ایم پی اے،ایم این ایز سے اسمبلیوں میں اس کام کے خلاف قرار داد لانے کی استدعاتفصیلات کے مطابق پاکستان میں Sperm Donation کے نام پر بے حیائی کا نیا منصوبہ دیکھنے کو مل رہا ہے
جس میں سوشل میڈیا پر سرعام اشتہارات دیئے جا رہے ہیں اور اپنے موبائل نمبرز تک بڑے دھڑلے سے دیئے جا رہے ہیں یعنی کہ کوئی روک ٹوک کا خطرہ نہیں ہے نوجوانوں نسل کیستاھ پوری قوم کو اس بے حیائی میں دھکیلا جا رہا ہے
ان اشتہارات میں مختلف عمروں کے مردوں کو اپنے سپرم ڈونیٹ کرنے پر مختلف قسم کی ادائیگی کا لالچ دیا گیا ہے
یہ بات بہت قابل تشویش ہے
اس قوم میں بے حیائی پھیلانے کا نیا منصوبہ بنایا جا رہا ہے
جس طرح گورنمنٹ نے ہیومن ملک بینک پر پابندی لگائی ہے اسی طرح جلد سے جلد سپرم ڈونیشن گینگ کے لوگوں کو پکڑ کر قانون کے کٹہرے میں لایا جانا ضروری ہے وگرنہ نوجوان نسل پیسے کے لالچ میں اپنے سپرمز بیچے گی جس کا استعمال شاید ہمارے ہی ملک میں کرکے حلال و حرام کی تمیز ختم کرنے کی تیاری کی جا رہی ہے
ہو سکتا ہے آئی وی ایف میں یہی سپرمز استعمال کئے جائیں
پاکستانی قوم کا مطالبہ ہے کہ نا صرف یہ اشتہارات بند کئے جائیں بلکہ اس گینگ کو پکڑ کر نشان عبرت بنایا جائے
اگر دنیا میں ایسا کوئی قانون ہے تو پاکستان کے ایم پی ایز،ایم این ایز سے عوام کی اپیل ہے کہ اسمبلیوں میں اس کام کے خلاف قرار داس پاس کروائی جائے اور مملکت پاکستان میں شروع ہونے والی اس بے حیائی کو رکوایا جائے
تنخواہ پوری مانگنے پر نوکری سے فارغ کر دیا،نوٹس کی اپیل
قصور
ڈی ایچ کیو ہسپتال قصور میں تعینات پرائیویٹ سیکیورٹی کمپنی کی طرف سے سیکیورٹی گارڈز پر ظلم کی حد،تنخواہ پوری مانگنے پر گارڈز نوکری سے فارغ،تفصیلات کے مطابق قصور ڈسٹرکٹ ہیڈ کوارٹرز ہسپتال المعروف بابا بلہے شاہ ہسپتال قصور میں سیکیورٹی کا ٹھیکہ سیفٹی سیکیورٹی نامی پرائیویٹ کمپنی کے پاس ہے جس نے ظلم کی حد پار کر دی ہے
ہسپتال کے سیکیورٹی گارڈ وسیم راجہ نے میڈیا نمائندگان کع بتایا کہ ہماری تنخواہ 33800 روپیہ فی سیکیورٹی گارڈ مقرر ہے جبکہ نجی سیکیورٹی کمپنی کا ایریا سپروائز پرویز اور ہسپتال کا سپروائز جمیل ہمیں 27000 روپیہ فی کس گارڈ ماہانہ تنخواہ دیتا ہے یعنی کہ 7000 روپیہ ماہانہ فی گارڈ کو کم دیا جاتا ہے
ہماری تنخواہیں جب بینک اکاؤنٹ میں آ جاتی ہیں تو ہمیں ساتھ لیجایا جاتا ہے اور ہمیں فی گارڈ 27000 روپیہ دیا جاتا ہے جبکہ باقی خود ہڑپ کر لئے جاتے ہیں اس بابت جب میں نے پوری تنخواہ کا تقاضہ کیا تو مجھے اور کچھ اور گارڈز کو نوکری سے فارغ کر دیا گیا
جبکہ اس بات کا انکشاف بھی ہوا کہ گارڈوں کو کئی کئی مہینے تنخواہیں نہیں دی جاتیں جس کے باعث غریب سیکیورٹی گارڈوں کے گھروں کے چولہے نہیں چلتے اور قرض لینے پر مجبور ہوتے ہیں
متاثرہ گارڈوں نے ڈپٹی کمشنر قصور،وزیر اعلی پنجاب اور وزیر داخلہ پنجاب سے نوٹس لے کر رحم کی اپیل کی ہے اور سیکیورٹی کمپنی کی بے ضابطگیوں پر ان کا احتساب کرنے کی استدعا کی ہے
پولیس گردی جاری،طالب علم کو مارا ،نقدی و موبائل چھین لیا
قصور
پولیس کے نام پر محافظ سرعام لوگوں کو لوٹنے اور مارنے پیٹنے لگے،جعلی مقدمات کی دھمکیاں،ڈی پی او قصور اور آئی جی پنجاب سے نوٹس کی اپیلتفصیلات کے مطابق قصور پولیس میں چند کالی بھیڑوں نے اپنی اجارہ داری قائم کرکے لوگوں کا جینا حرام کر رکھا ہے
اور آئے روز لوگوں کو ناجائز مارنا پیٹنا اور چیزیں چھیننا معمول بنا لیا ہے
ایسے دو واقعات پرسوں پیش آئے جس میں تھانہ صدر چونیاں پولیس نے محافظوں کی بجائے دشمنوں کا کردار ادا کیا
جمشیر کلاں کے رہائشی ایف اے کے طالب علم کو اکیڈمی سے پڑھ کر الہ آباد سے واپس جاتے ہوئے نور پور کے مقام پر روک کر مارا پیٹا اور 9750 روپیہ نقدی اور قیمتی موبائل فون چھین لیا طالب علم کو لوگوں نے اکھٹے ہو کر پولیس کے چار اہلکاروں سے بچایا اور جب طالب علم نے اپنے اوپر تشدد کی وجہ پوچھی تو اسے کہا گیا کہ تمہارے اوپر منشیات کا مقدمہ ڈال کر جیل بھیج دیں گے خاموش رہو ورنہ انجام کے لئے تیار رہنا
اسی طرح پرسوں رات تھانہ صدر قصور پولیس کے چار اہلکاروں نے غنی محمود قصوری صحافی کو روکا اور بدتمیزی کی اور شعبہ صحافت کو برے القابات سے نوازا اور بدتمیزی کی
شہریوں نے بڑھتی ہوئی پولیس گردی پر ڈی پی او قصور اور آئی جی پنجاب سے نوٹس لینے کی اپیل کی ہے
سڑک کنارے پولیس نے صحافی کو حراساں کیا،شعبہ صحافت پر برے جملے بولے گئے
قصور پولیس کی جانب سے صحافی کو حراساں کیا گیا،کہا کہ اپنا تعارف نا کرواؤں ہمیں پتہ ہے صحافی کس قابل ہوتے ہیں،لوگوں کو بلیک میل کرتے ہیں،ڈی پی او قصور سے پولیس رویہ پر نوٹس لینے کی اپیل
تفصیلات کے مطابق ڈسٹرکٹ پریس کلب قصور کے کونسل ممبر غنی محمود قصوری اپنی بائیک سی جی ون ٹو فائیو پر آج بتاریخ 2 جولائی 2024 کو ایک ضروری کام سے اوکاڑہ سے قصور آ رہے تھے کہ قصور بائی پاس پر ریلوے پھاٹک پر بوقت رات 8:30 ناکہ لگائے پولیس اہلکاروں نے روکا جس پر صحافی نے بریک لگائی اور موٹر سائیکل سے اتر کر پولیس وین کے قریب جا کر کہا جناب کیا حکم ہے اور ایک پولیس اہلکار کے قریب آ کر تلاشی کرنے پر اپنا لائسنسی و پرمٹڈ پستول پولیس اہلکار کو تھما دیا جس نے پسٹل پکڑتے ہی دوسرے ساتھیوں کو کہا کہ آجاؤ بھئی بندا پکڑا گیا ہے
جس پر صحافی نے کہا جناب پستول نا صرف لائسنسی ہے بلکہ پرمٹڈ ہے اور میں ایک شریف آدمی اور صحافی و کالم نگار ہوں جس نے ہمیشہ حق سچ پر خبر شائع کی اور اپنے ملک و ملت بارے کالم لکھے ہیں
اس پر پولیس اہلکار نے کہا کہ کسی بھی سول بندے کو پسٹل پاس رکھنے کی اجازت نہیں
جس پر صحافی نے اپنا اصل لائسنس معہ ہوم منسٹر سے جاری پرمٹ نکال کر دکھلایا اور کہا کہ جناب میں خود آپ کے پاس آکر آپ کو پسٹل پکڑا رہا ہوں اور تلاشی بھی دے رہا ہوں
جبکہ آپ میرا ڈرائیونگ لائسنس،شناختی کارڈ،موٹر سائیکل ڈاکومنٹس اور میڈیا سرونگ کارڈ بھی دیکھ لیں
پولیس اہلکار نے شناختی کارڈ موبائل پر چیک کیا اور کہا کہ ٹھیک ہے آپ کی تصویر اتار کر گروپ میں ڈالتے ہیں کہ اس بندے سے پسٹل پکڑا گیا ہے
یہ کہہ کر حوالدار نے پسٹل پکڑا اور صحافی کو قریب کھڑے کرکے ویڈیو بنائی
پولیس ٹیم میں تین سپاہی اور ایک حوالدار شامل تھا جہنوں نے تصویر اتاری اور گروپ میں ڈال دی
جب صحافی نے کہا جناب جو گولی آپ نے میرے زیگانا ایف نائن پسٹل 30 بور سے نکالی ہے وہ مجھے واپس کر دیں کیونکہ میرے پاس 21 گولیاں ہیں جو کہ امپورٹڈ ہیں اور مہنگی ہیں
تو اس پر ایک اہلکار نے کہا کہ کونسی وہ گولی آپ کو مار دی گئی ہے مل جائے گی وہ گولی بھی
صحافی اپنے گھر آ گیا اور جب پسٹل چیک کیا تو پسٹل کے اندر سے نکالے جانی والی میگزین میں ایک گولی کم تھی باقی فاصل میگزین میں 10 گولیاں پوری تھیں جبکہ پسٹل کے اندر والی میگزین میں 11 گولیاں تھیں
پولیس اہلکار نے صحافی برادری کو کہا کہ تم لوگ کونسا حلال کماتے ہو گولی اور خرید لینا
تمہیں کونسا فرق پڑتا ہے تم لوگوں کو بلیک میل کرکے پیسے کماتے ہو
اس پر صحافی نے کہا جناب میں الحمدللہ فی سبیل اللہ صحافت کرتا ہوں اور اپنا ذاتی کاروبار کرتا ہوں اس پر ایک اہلکار نے غصے سے کہا کہ بار بار تعارف نا کرواؤ ہمیں پتہ ہے تم لوگ لوگوں کو بلیک میل کرتے ہو اور مال بناتے ہو
صحافی نے پولیس رویے ،حراساں کرنے اور امانت میں خیامت کرنے پر ڈی پی او قصور سے نوٹس لینے کی اپیل کی ہے
