Tag: baaghi

انضمام الحق کے بطور چیف سلیکٹر عہدے کی معیاد ختم، پی سی بی حکام نئے چیف سلیکٹر کی تقرری کرینگے

لاہور ۔ یکم اگست(اے پی پی ) انضمام الحق کے بطور چیف سلیکٹر کے عہدے کی معیاد ختم ہوگئی ۔ اب قومی کرکٹ ٹیم کے چیف سلیکٹر کا عہدہ خالی ہوگیا اور پی سی بی کے حکام نئے چیف سلیکٹر کی تقرری کرینگے ۔ انضمام الحق کا کنٹریکٹ 31 جولائی تک تھا ۔ انضمام الحق نے اپریل 2016ء میں قومی کرکٹ ٹیم کے چیف سلیکٹر کا عہدہ سنبھالا تھا ۔ انضمام الحق نے پاکستانی ٹیم کی آخری سلیکشن ورلڈ کپ کےلئے کی تھی لیکن پاکستانی ٹیم ورلڈ کپ سیمی فائنل تک رسائی حاصل نہیں کرسکی ۔ انضمام الحق کے دور میں پاکستان ٹیسٹ ٹیم نے مجموعی طور پر 28 ٹیسٹ میچز کھیلے جن میں میں 10جیتے ،17 ہارے اور ایک برابر رہا جبکہ 68 ون ڈے میچز میں سے 32 میں فتح ،34 میں ناکامی اور 2 کا نتیجہ نہیں نکلا ۔ انضمام الحق کے دور میں پاکستان نے بھارت کو چیمپئنز ٹرافی کے فائنل میں ہرایا ۔ ٹیسٹ میں پاکستان کی ٹیم ساتویں ، ون ڈے میں چھٹے اور ٹی ٹونٹی میں پہلے نمبر پر رہی ۔

محکمہ توانائی کی سالانہ کارکردگی رپورٹ جلد وزیر اعلیٰ کو پیش کروں گا، ڈاکٹر اختر ملک

لاہور ۔ یکم اگست(اے پی پی )محکمہ توانائی نے پاکستان تحریک انصاف حکومت کے آنے کے بعد اپنی پہلی سالانہ رپورٹ تیار کر لی ۔ وزیر توانائی پنجاب ڈاکٹر اختر ملک نے کہا کہ وہ رپورٹ کا جائزہ لے رہے ہیں اور جلد وزیر اعلی پنجاب سردار عثمان بزدار کو پیش کریں گے ۔ انہوں نے کہا کہ وہ بہت جلد پریس کانفرنس کر کے اپنی پہلی سالانہ کارکردگی رپورٹ عوام کے سامنے رکھیں گے ۔ ڈاکٹر اختر ملک نے پنجاب’’سولرائزیشن پراجیکٹ‘‘ پر بات کرتے ہوئے کہا کہ یہ منصوبہ تعلیم اور صحت کے میدان میں واقعی ایک گیم چینجر ثابت ہوگا ۔ انہوں نے کہا کہ15ہزار پرائمری سکول،28سو بنیادی مراکز صحت کے علاوہ یونیورسٹیوں اور دوسرے سرکاری ادارے اس منصوبے سے شمسی توانائی پر منتقل کر دیئے جائیں گے ۔ اس منصوبے سے اسلامیہ یونیورسٹی بہاولپور کوتقریباً10 کروڑ تک سالانہ بجلی کے اخراجات کی مد میں فائدہ ہوگا ۔ ان کا مزید کہنا تھا کہ تقریباً 17 سو ایسے پرائمری سکول بھی اس منصوبے سے فائدہ اٹھا سکیں گے جہاں پچھلے بہتر سالوں میں بجلی نہیں آئی ۔ یہ منصوبہ مکمل عوامی فلاح کا ہے جس سے ماحول دوست بجلی کی فراہمی کے علاوہ شرح خواندگی میں بھی اضافہ ہوگا ۔

پٹرولیم مصنوعات کی قیمتوں میں اضافے کو لاہور ہائیکورٹ میں چیلنج کر دیا گیا

لاہور ۔ یکم اگست(اے پی پی ) وفاقی حکومت کی جانب سے یکم اگست کو پٹرولیم مصنوعات کی قیمتوں میں اضافے کو لاہور ہائیکورٹ میں چیلنج کر دیا گیا، یہ درخواست شہری منیر احمد کی طرف سے اظہر صدیق ایڈووکیٹ نے دائر کی،جس میں وفاقی حکومت ،اوگرا اور وزارت پٹرولیم سمیت دیگر کو فریق بنایا گیا،درخواست میں یہ بھی موقف اختیار کیا گیاکہ پٹرولیم مصنوعات کی قیمتوں میں اضافہ غیر قانونی ہے،پٹرولیم مصنوعات کی قیمتوں کے خلاف درخواستیں پہلے سے ہی لاہور ہائیکورٹ میں زیر سماعت ہیں ، جب تک زیر سماعت درخواستوں کا فیصلہ نہیں ہو جاتا پٹرولیم مصنوعات کی قیمتوں میں اضافہ نہیں ہو سکتا ۔ درخواست میں یہ بھی کہا گیا ہے کہ حکومت نے پٹرولیم مصنوعات کی قیمتیں بڑھانے کی منظوری کابینہ سے نہیں لی ۔ ;46; درخواست گزار نے کہا کہ سیاسی جماعتوں کی طرف سے پٹرولیم مصنوعات کی قیمتوں میں متوقع اضافہ کو مسترد کرتے ہوئے کہا گیا ہے کہ عالمی منڈیوں میں تیل کی قیمتوں میں کمی واقع ہورہی ہے اور پاکستانی حکومت ٹیکس اور ایڈجسٹمنٹ کے نام پر قیمتیں بڑھا رہی ہے ۔ واضح رہے کہ اوگرا نے رواں ماہ اگست کیلئے پٹرولیم مصنوعات کی قیمتوں میں اضافہ کر دیا ہے جس کے مطابق اوگرا نے ہائی سپیڈ ڈیزل کی قیمت میں 5;46;65 روپے فی لیٹر، پٹرول کی قیمت میں 5;46;15 روپے فی لیٹر، مٹی کے تیل کی قیمت میں 5;46;38 روپے فی لیٹر اور لاءٹ ڈیزل کی قیمت میں 8;46;90 روپے فی لیٹر اضافہ کیا ہے ۔

رمضان شوگرملزکیس ، حمزہ شہباز کے جوڈیشل ریمانڈ میں 9 اگست تک توسیع

لاہور ۔ یکم اگست(اے پی پی ) احتساب عدالت لاہور نے رمضان شوگرملزکیس میں پنجاب اسمبلی میں اپوزیشن لیڈر و مسلم لیگ ن کے رہنما حمزہ شہباز کے جوڈیشل ریمانڈ میں 9 اگست تک توسیع کردی ہے،احتساب عدالت کے جج وسیم اختر نے کیس کی سماعت کی، عدالتی سماعت کے موقع پر حمزہ شہباز کو سخت سکیورٹی میں عدالت کے رو برو پیش کیا گیا جبکہ مسلم لیگ ن کے صدر و قومی اسمبلی میں اپوزیشن لیڈر شہباز شریف سینیٹ انتخابات کی وجہ سے عدالت میں پیش نہ ہوئے، عدالت نے شہباز شریف کی حاضری سے معافی کی درخواست منظور کرلی، دوران سماعت حمزہ شہباز نے عدالت میں بیان دیتے ہوئے کہا کہ میں عام شہری ہوں لیکن نیب کے نزدیک میں بڑا گنہگار ہوں مجھ پرلگائے گئے کرپشن کے الزامات بے بنیاد ہیں ‘انہوں نے کہا کہ میں نے کیا جرم کیا ہے،یہ سوال چھوڑ کے جا رہا ہوں ،قیامت تک یہ میرے سوال کا جواب نہیں دے سکیں گے، عدالت نے حمزہ شہباز کے جوڈیشل ریمانڈ میں 9 اگست تک توسیع کردی،یاد رہے کہ رمضان شوگرملزریفرنس میں شہباز شریف اور حمزہ شہباز کو نامزد کیا گیا ہے، نیب ریفرنس میں کہا گیا تھا کہ ملزمان نے رمضان شوگرملزکےلئے10کلومیٹرطویل نالہ بنوایا، شہبازشریف نے بطور وزیراعلیٰ پنجاب اختیارات کا ناجائزاستعمال کیا اور اپنے خاندان کی ملز کو فائدہ پہنچانے کےلئے عوامی مفاد کا نام لیا، ریفرنس کے مطابق شہباز شریف کے اس فیصلے سے سرکاری خزانے کو 213 ملین کا نقصان ہوا، سرکاری خزانے کا نقصان شہباز شریف اور حمزہ شہباز کی ملی بھگت سے ہوا، اتنے شواہد موجود ہیں کہ ریفرنس دائر کیا تاکہ کیس چلایا جا سکے،نیب ریفرنس میں کہا گیا حمزہ شہباز کے خلاف انکوائری جاری ہے، مکمل ہونے پر ضمنی ریفرنس دائر کیا جائے گا، شہباز شریف اور حمزہ شہباز کے خلاف ٹرائل جلد مکمل کر کے قانون کے مطابق سزا دی جائے;46; ۔

صوبائی دارالحکومت لاہور میں فی کلو سبزیوں کی قیمتیں

لاہور ۔ یکم اگست(اے پی پی )مقامی مارکیٹ میں جمعرات کو سبزیوں کی جاری کردہ قیمتیں اس طرح رہیں ۔ آلو نیا کچہ چھلکا 21 سے23 روپے فی کلو، پیاز41سے43 روپے اور ٹماٹر43 سے45 روپے فی کلو فروخت ہوا ۔ اسی طرح ادرک چائنہ 258 سے 264 روپے، پالک20 سے21، بینگن46سے48 ، بھنڈی توری43 سے45،کریلہ58 سے60، گھیا کدو46 سے48، مٹر110 سے115، اروی58سے 61 ، شملہ مرچ70سے73، پھول گوبھی62 سے 64، بند گوبھی46 سے48، شلجم31 سے33 اور مولی12سے13روپے فی کلو رہی ۔

1 لاکھ 55 ہزار پاکستانی عازمین حج سعودی عرب پہنچ چکے ہیں . 1 لاکھ 10 ہزار سرکاری جبکہ 45 ہزار عازمین نجی حج سکیم کے ذریعے پہنچے

سرکاری حج سکیم کے 52 ہزار عازمین مدینہ منورہ کی زیارت مکمل کر کے مکہ پہنچ گئے. سرکاری حج سکیم کے 8 ہزار عازمین حج ابھی مدینہ منورہ میں موجود ہیں. سرکاری حج سکیم کے تحت مکہ پہنچنے والے عازمینِ حج کی تعداد ایک لاکھ ہو گئی .پاکستان سے حج فلائٹ آپریشن 6 اگست تک جاری رہے گا

وزارتِ مذہبی امورکا سیزنل سٹاف ، حج میڈیکل مشن ، معاونین ہمہ وقت حجا ج کی خدمت میں مصروف عمل. مذہبی امور کی مانیٹرنگ ٹیموں کے ذریعے نجی حج کمپنیوں کی مانیٹرنگ جاری. حرم گائڈز کے ذریعے راستہ بھولنے والے عازمینِ حج کی رہائش گاہوں تک رہنمائی جاری ہے . 9 رہائشی سیکٹرز میں ڈسپنسریاں جبکہ 40 بیڈ کا مرکزی ہسپتال حجاج کو ایمرجنسی طبی سہولیات کیلئے قائم . بزرگ عازمین حج کیلئے وہیل چیئرز کا خصوصی انتظام

کسی بھی ہنگامی صورتحال کیلئے 24 گھنٹے مفت ہیلپ لائن 8001166622 کام کر رہی ہے