Tag: baaghi

سی ٹی او کی ڈی ایس پی صاحبان کو نشیبی شاہراہوں کا دورہ کرنے کی ہدایت

لاہور ۔ یکم اگست(اے پی پی )سی ٹی او کیپٹن(ر) لیاقت علی ملک نے ڈی ایس پی صاحبان کو نشیبی شاہراہوں کا دورہ کرنے کی ہدایت کردی، نشیبی اور مصروف شاہراہوں پر وارڈنز کی اضافی نفری تعینات ہوگی ۔ انہوں نے کہا ہے کہ بارش کے دوران ڈی ایس پیز وارڈنز کے ہمراہ مصروف چوکوں میں موجود رہیں ، پلوں ،انڈرپاسز کے نیچے موٹرسائیکلسٹ کھڑے نہ ہونے دیں ‘ سی ٹی اونے بارش کے دوران چھتری، رین کوٹ اور رین بوٹ استعمال کرنے کی بھی ہدایت کی ہے ۔ وارڈنز بارش کی پرواہ کیے بغیر ٹریفک کی روانی کو یقینی بنائیں ، شہری مناسب حد رفتار اور فاصلہ رکھتے ہوئے محتاط ڈرائیونگ کریں ۔ انہوں نے کہا ہے کہ ٹریفک افسران واسا انتظامیہ سے مسلسل رابطے میں رہیں ۔

حکومت تندروں کو گیس کی فراہمی کےلئے ڈیڑھ ارب روپے کی سبسڈی دے رہی ہے، روٹی کی قیمت 6 روپے برقرار رہے گی،صوبائی وزیر صنعت وتجارت

لاہور ۔ یکم اگست(اے پی پی)صوبائی وزیر صنعت وتجارت ،اطلاعات وثقافت میاں اسلم اقبال نے کہا ہے کہ تندروں کےلئے گیس کے پرانے ٹیرف بحال کر دیئے گئے ہیں اور وفاقی حکومت تندروں کو سستی گیس کی فراہمی کے لئے ڈیڑھ ارب روپے کی سبسڈی دے رہی ہے ۔ 100گرام روٹی کی قیمت 6 روپے ہی برقرار رہے گی ۔ من مانی کرنے والوں کے خلاف سخت کارروائی عمل میں لائی جائے گی ۔ یہ بات انہوں نے یہاں یہاں اپنے کیمپ آفس میں مختلف وفود سے ملاقات کے دوران گفتگو کرتے ہوئے کہی ۔ صوبائی وزیر نے کہا کہ حکومت عام آدمی کو ریلیف کی فراہمی کے لئے گندم پر 42 ارب روپے کی سبسڈی دے رہی ہے اس لئے آٹے کی قیمت بڑھنے نہیں دیں گے ۔ صوبائی وزیر نے کہا کہ روٹی اور نان کی پرانی قیمت پرفراہمی کو یقینی بنائینگے ۔ روٹی و نان کی قیمت میں خود ساختہ اضافہ برداشت نہیں کیا جائےگا ۔ انہوں نے کہا کہ پنجاب واحد صوبہ ہے جس نے سرکاری طور پر گندم خریدی ہے اور کاشتکاروں کو ان کی محنت کا معاوضہ یقینی بنایا گیا ہے ۔

ڈی آئی جی آپریشنز لاہور اشفاق خان کی زیر صدارت ڈویژنل ایس پیز کا ویڈیو لنک اجلاس۔

ایس ایس پی آپریشنز لاہور اسماعیل الرحمٰن کھاڑک،ایس پی سکیورٹی محمد نوید،ایس پی وی وی آئی پی سکیورٹی محمود الحسن گیلانی،اے ڈی آئی جی،ڈی ایس پی لیگل و دیگر افسران کی اجلاس میں شرکت۔
تمام ڈویژنل ایس پیز،ایس پی ہیڈ کوارٹرز،ایس پی ڈولفن سکواڈ،ایس پی مجاہد کی ویڈیو لنک کے ذریعے اجلاس میں شرکت۔ کرائم کنٹرول کے لئے موثر انسدادی کاروائیوں میں تیزی لائی جائے۔ڈی آئی جی آپریشنز لاہور

عید الاضحٰی کے لئے قائم مویشی منڈیوں،مارکیٹوں اور دیگر اہم مقامات کی سکیورٹی بڑھا دیں۔اشفاق خان. عید الاضحٰی پر نماز یوں،عید گاہوں کی سکیورٹی یقینی بنانے کے لئے ایس او پیز پر عملدرآمد کیا جائے۔ڈی آئی جی آپریشنز لاہور.امن و امان کے قیام کے لئےایس پیز،ڈی ایس پیز اور ایس ایچ اوز امن کمیٹیوں، تاجروں کے نمائندوں سے مشاورت کریں۔اشفاق خان. چینی اور دیگر غیر ملکی باشندوں اور انکی رہائش گاہوں کی سکیورٹی پر خصوصی فوکس کریں۔ڈی آئی جی آپریشنز لاہور

موٹر سائیکل اور گاڑی چوری کی وارداتوں کے تدارک کے لئے موثر لائحہ عمل اپنائیں۔اشفاق خان
قمار بازوں اور منشیات فروشوں کے خلاف خصوصی کریک ڈاون کیا جائے۔ڈی آئی جی آپریشنز لاہور
لڑائی جھگڑے اور گینگ وار میں ملوث افراد سے ضمانتی مچلکے لئے جائیں۔اشفاق خان. یوم شہداء پولیس کے موقع پر شہداء کو بھرپور خراج تحسین پیش کریں گے،اہل خانہ کے ساتھ اظہار یکجہتی کیا جائےگا۔ڈی آئی جی آپریشنز لاہور

آئی جی پنجاب کیپٹن (ر) عارف نواز خان کی ہدایت پر ون ویلنگ،ہوائی فائرنگ،پولیس کے زیر حراست ملزم کی ہلاکت اور فرار کے واقعات پر زیرو ٹالرنس ہو گا۔اشفاق خان

پولیس افسران اور اہلکار مجرموں کے خلاف کسی بھی ایکشن سے پہلے مکمل حفاظتی اقدامات کریں۔ڈی آئی جی آپریشنز لاہور. تھانوں میں لگے تمام کیمروں کو فنکشنل اور ریکارڈنگ محفوظ بنائی جائے ورنہ سخت کاروائی ہو گی۔اشفاق خان. ملزمان کی سرکوبی کے لئے ہاٹ سپاٹس اور نوٹ پوائنٹس کے مطابق سرچ اینڈ کومبنگ آپریشنز کریں۔ڈی آئی جی آپریشنز

ناجائز اسلحہ کے خلاف بھرپور کاروائی کریں،ہوائی فائرنگ میں لائسنسی اسلحہ کے استعمال پر منسوخی کے لئے متعلقہ اداروں کو تواتر سے خط لکھیں۔اشفاق خان. کیٹیگری اے کے اشتہاری ملزمان کی گرفتاری کے اہداف پورے کرنے کے حوالے سےاس ماہ کے آخر میں افسران کی کارکردگی کا تعین ہو گا۔اشفاق خان. پولیس سٹیشنز کی صفائی ستھرائی اور انہیں کلین اینڈ گرین بنانے کے لئے تمام ممکنہ وسائل استعمال میں لائیں۔اشفاق خان

صوبائی وزیر بہبود آبادی کا دارالسلام انٹرنیشنل کادورہ، ادارہ کے مختلف شعبوں کا جائزہ لیا

لاہور ۔ یکم اگست(اے پی پی )صوبائی وزیر بہبود آبادی کرنل(ر)ہاشم ڈوگر نے لاہور میں دارالسلام انٹرنیشنل کادورہ کیا اور ادارہ کے مختلف شعبوں کا جائزہ لیا، دارالسلام انٹرنیشنل کے ایم ڈی عبدالمالک مجاہد نے صوبائی وزیر کا استقبال کیا اور دارالسلام انٹرنیشنل کے متعلق بریفنگ دی،عبدالمالک مجاہد نے صوبائی وزیر کوبتایا کہ دارالسلام انٹرنیشنل دنیا کی 26 عالمی زبانوں انگلش، جرمن، فرانسیس، عربی، اردو، البای، ہندی، چائنیز، گورمکھی اور دیگر زبانوں میں کتابیں ، قرآن مجیدکے تراجم اور تفاسیر شاءع کررہاہے،اپنے اعلی معیار اورخوبصورت طباعت کی وجہ سے دارالسلام کی کتابیں یورپ سمیت دنیاکے تمام ممالک میں بہت پسند کی جاتی ہیں ، انہوں نے بتایا کہ یورپ کی لائبریریوں میں دارالسلام کی کتب ریفرنس کے طور پر استعمال ہوتی ہیں اور یہ کتابیں پڑھ کرغیرمسلم حلقہ اسلام میں داخل ہورہے ہیں ،اس موقع پر گفتگو کرتے ہوئے صوبائی وزیر کرنل( ر) سردارہاشم ڈوگر نے دارالسلام کے قیام پر عبدالمالک مجاہد اور عکاشہ مجاہد کو خراج تحسین پیش کیا، انہوں نے کہا کہ ہ میں دارالسلام انٹرنیشنل کے قیام پر فخر ہے اس لئے کہ یہ ادارہ پوری دنیا میں پاکستان کانام روشن کر رہا ہے، صوبائی وزیر نے کہا کہ دارالسلام کا دورہ کرنا میرے لئے باعث سعادت ہے، دارالسلام انٹرنیشنل کی انتظامیہ کی جانب سے صوبائی وزیر کرنل( ر) ہاشم ڈوگر کواسلامی کتب کا تحفہ بھی پیش کیا گیا ۔

وزیراعظم سٹیزن پورٹل نے ایف جی ای آئی (سی/جی)ڈائریکٹوریٹ،ریجنل دفاتراورسکولوں میں اساتذہ سے غیرتدریسی کام لئے جانے کا دوبارہ نوٹس لے لیا۔

ذرائع کے مطابق متعددوالدین نے وزیراعظم شکایت سیل پر شکایت کی تھی کہ ایف جی ای آئی(سی/جی) کے اساتذہ کوروزانہ ایسے احکامات دے جاتے ہیں جن سے سرکاری سکولوں میں تدریس میں رکاوٹیں پیدا ہو رہی ہیں۔ اساتذہ کرام‘ پرنسپل‘ محکمہ تعلیم کے افسران چاہتے ہیں کہ تعلیم کا معیار بڑھے لیکن ڈائریکٹوریٹ اورحکومتی احکامات پر عملدرآمد کرنا ان کی مجبوری ہے۔ اساتذہ کرام سے غیر تدریسی کام کثرت سے لئے جا رہے ہیں اور ان میں روز بروز اضافہ ہوتا جا رہا ہے۔والدین نے اپنی شکایت میں کہاکہ ڈائریکٹوریٹ،علاقائی دفاتر،سکولوں اورکالجوں میں غیرتدریسی کام،کلریکل کام، پولیو کے قطرے پلانا‘ مردم شماری کرانا،امتحانات،الیکشن کی ڈیوٹیاں دینا جن میں ووٹر لسٹوں سے لے کر الیکشن کرانا تک شامل ہے۔

دیکھنے میں آرہا ہے کہ کسی سکول میں ٹیچر بچوں کو پڑھانے کے بجائے پرنسپل کی اشیرباد حاصل کرنے کیلئے دفتری کام کرتے نظر آتے ہیں جبکہ سکول کا کلرک کمپیوٹر پر فیس بک سے مستفید ہو رہا ہوتا ہے یا گیمز کھیل رہا ہوتا ہے۔ اگر اسے کوئی کام کہا جائے تو کہتا ہے مجھے کمپیوٹر چلانا نہیں آتا۔ والدین نے مطالبہ کیاکہ حکومت کو تمام اداروں کا سروے کرانا چاہئے کہ خواتین کے سکولوں میں کلرک ان سے لوٹ مار کر رہے ہیں۔ ان کا تھوڑا سا بھی جائز کام کرنے کے لئے بھاری رشوت طلب کرتے ہیں اگر حکومت اس پر خصوصی توجہ دے تو لاکھو ں اساتذہ کا بھلا ہو جائے گااور ٹیچر بچوں کو تعلیم دیں گے اور تمام اساتذہ سکول میں موجود کلرک کی لوٹ مار سے بھی بچ جائیں گے۔ والدین نے وزیراعظم پاکستان سے مطالبہ کیاہے کہ ایف جی ای آئی ڈائریکٹوریٹ کو حکم جاری کیاجائے کہ اساتذہ کوصرف تدریسی کام میں مصروف رکھاجائے اور تمام اساتذہ کی سکولوں میں حاضری یقینی بنائی جائے تاکہ طلباء حقیقی معنوں میں علم کی روشنی سے مستفیدہوسکیں۔

وزیراعظم پورٹل پرشکایت پر ٍڈائریکٹرجنرل فیڈرل گورنمنٹ ایجوکیشنل انسٹی ٹیوشنزکینٹ گیریژن ڈائریکٹوریٹ راولپنڈی میجرجنرل محمداصغرکی واضح ہدایات کے باوجودایف جی ای آئی ڈائریکٹوریٹ،ریجنل دفاتراورسکولوں میں اساتذہ سے غیرتدریسی کام لیاجارہاہے۔ذرائع کے مطابق والدین کی وزیراعظم شکایت سیل پردرج شکایت پرڈائریکٹرجنرل فیڈرل گورنمنٹ ایجوکیشنل انسٹی ٹیوشنزکینٹ گیریژن ڈائریکٹوریٹ میجرجنرل محمداصغرنے ہدایات جاری کیں تھیں کہ اساتذہ سے دفاترمیں کام نہیں کروایاجائے گااورایسے تمام اساتذہ جوسکولوں اورکالجوں سے ڈائریکٹوریٹ اورعلاقائی دفاترمیں اٹیچ ہیں انہیں فوری واپس اپنے اداروں میں بھیج دیاجائے تاہم اس پرتاحال عملدرامدنہیں کیاگیاہے۔

ڈائریکٹوریٹ کے جانب سے اٹیچمنٹ ختم کرنے کے مراسلے مورخہ 26جولائی اور29جولائی کوجاری کئے گئے تاہم ڈائریکٹوریٹ میں موجود اساتذہ کو واپس ان کے تعلیمی اداروں میں نہیں بھیجاگیاہے اوروہ ڈائریکٹوریٹ،علاقائی دفاتراورسکولوں کالجوں میں کلیریکل کام کرنے پرمجبورہیں۔ذرائع کے مطابق ڈائریکٹوریٹ میں 2سینئرپرنسپل،ایس ایس ٹی، ٹی جی ٹی،کمپیوٹرانسٹرکٹرزاورای ایس ٹی اساتذہ،اسی طرح علاقائی دفاترمیں بھی اساتذہ کواٹیچ کیاہواہے جہاں ان سے کلیریکل کام لئے جارہے ہیں۔وزیراعظم پورٹل نے ایف جی ای آئی ڈائریکٹوریٹ سے فوری جواب طلب کرلیاہے اورحکم دیاگیاہے کہ تمام زبانی اورتحریری طورپراٹیچ اساتذہ کوسکولوں،کالجوں،علاقائی دفاتراورڈائریکٹوریٹ سے فوری واپس اپنے اپنے اداروں میں بھیجاجائے۔

جمہوریت کی فتح ہوئی،صمصام بخاری کی صادق سنجرانی کو مبارکباد.

 جمہوری اداروں کے خلاف سازشیں کرنے والوں کو آئندہ بھی منہ کی کھانا پڑے گی.  ذاتی مفادات کی تکمیل کے لئے جمہوری اداروں کی توڑپھوڑ پر یقین رکھنے والے عناصر ملک و قوم کے دوست نہیں ہو سکتے.

لاہوریکم اگست:صوبائی وزیرسید صمصام علی بخاری نے تحریک عدم اعتماد کی ناکامی پرچیئرمین سینٹ سردار صادق سنجرانی کو مبارکباد دی ہے اور کہا ہے کہ آج جمہوریت کی فتح ہوئی ہے۔انہوں نے کہا کہ جمہوریت کے خلاف سازشیں ناکام ہو گئی ہیں۔چیئرمین سینٹ صادق سنجرانی سینٹ کے جمہوری ادارے کو کامیابی سے چلاتے رہیں گے۔صمصام بخاری نے کہا کہ جمہوری اداروں کے خلاف سازشیں کرنے والوں کو آئندہ بھی منہ کی کھانا پڑے گی۔انہوں نے مزید کہا کہ جمہوری نظام کے استحکام کے لئے اداروں کا استحکام بہت اہم ہے اور ذاتی مفادات کی تکمیل کے لئے جمہوری اداروں کی توڑپھوڑ پر یقین رکھنے والے عناصر ملک و قوم کے دوست نہیں ہو سکتے۔ انہوں نے کہا کہ عمران خان کی قیادت میں ملک میں کرپشن کے خلاف کھلی جنگ شروع کی جا چکی ہے۔ کچھ عناصر کرپشن کے اسی سلسلے کو جاری رکھتے ہوئے ارکان کی خرید و فروخت جیسی قبیح حرکت کے ذریعے سسٹم کو عدم استحکام کا شکار کرنا چاہتے تھے۔ تاہم جمہوریت پر اعتماد رکھنے والے ارکان نے اس ٹولے کی سازش کو ناکام بنا دیا ہے۔
٭٭٭

وزیر اعظم اور وزیر اعلی کی ہدایات کی روشنی میں پنجاب کے تمام اداروں میں اصلاحات کا عمل جاری ہے، آصف نکئی

لاہور ۔ یکم اگست(اے پی پی )صوبائی وزیربرائے مواصلات وتعمیرات سردار محمد آصف نکئی نے کہا ہے کہ وزیر اعظم عمران خان اور وزیر اعلی عثمان بزدارکی ہدایات کی روشنی میں پنجاب کے تمام اداروں میں اصلاحات کا عمل جاری ہے، ان اصلاحات کی بدولت عوام کو بہتر سہولیات میسر ہوں گی اور اداروں کی کارکردگی میں بھی بہتری آئے گی، ورثے میں ملے بحرانوں سے نجات کے ساتھ ساتھ حکومت معاشی استحکام کے لئے ہر ممکن اقدامات اٹھا رہی ہے، ملکی حالات میں بہتری اسی صورت آئے گی جب حکومت اور عوام ایک پیج پر ہوں گے جس کے آثار نمایاں ہیں کیونکہ پوری قوم عمران خان کے ساتھ کھڑی ہے ۔ آصف نکئی نے کہا کہ کرپشن نے اس ملک کی جڑوں کو کھوکھلا کر کے معیشت کو تباہی کے دہانے تک پہنچادیا ہے ۔ تحریک انصاف کی حکومت عمران خان کی قیادت میں کرپشن کا خاتمہ کر کے ملک کو سنوارنے کا عزم رکھتی ہے، بدعنوانی کے مرتکب افراد کی کوئی چال کامیاب نہیں ہو گی اور انہیں حساب دینا ہوگا ۔ صوبائی وزیر نے کہا کہ بلا امتیاز احتساب کے باوجود بھی اپوزیشن کی چیخیں بند نہیں ہو رہیں ۔ لوٹ مار، ذاتی مفادات اور چہیتوں کو نوازنے کی سیاست کی وجہ سے پاکستان ترقی کی بجائے تنزلی کا شکار ہوا ۔ انہوں نے کہا ملک میں بلاتفریق احتساب کے بغیر ترقی ناممکن ہے اگر اپوزیشن لیڈروں کے ہاتھ صاف ہیں تو چیخنے چلانے کی بجائے عدالتوں کا سامنا کریں ۔

ابی ذخائر میں پانی کی صورتحال

لاہور ۔ یکم اگست(اے پی پی )تربیلا ، منگلا اور چشمہ کے ;200;بی ذخائر میں جمعرات کے روز پانی کی ;200;مد و اخراج ، ان کی سطح اور بیراجوں میں پانی کے بہاءو کی صورت حال حسب ذیل رہی ۔ دریائے سندھ میں تربیلاکے مقام پر پانی کی ;200;مد297800کیوسک اور اخرج 242000کیوسک، دریائے کابل میں نوشہرہ کے مقام پر) پر پانی کی ;200;مد75600 کیوسک اور اخراج75600 کیوسک، دیائے جہلم میں منگلاکے مقام پر پر پانی کی;200;مد56200کیوسک اور اخراج10000کیوسک، دریائے چناب میں مرالہ کے مقام پر پر پانی کی ;200;مد134100 کیوسک اور اخراج 107900کیوسک ۔ جناح بیراج میں پر پانی کی ;200;مد288000 کیوسک اور اخراج 280000 کیوسک ۔ چشمہ بیراج میں پر پانی کی;200;مد311300کیوسک اوراخراج 299900کیوسک، تونسہ بیراج پر پانی کی;200;مد305700 کیوسک اور اخراج284000 کیوسک، پنجند میں ;200;مد22000 کیوسک، اور اخراج 6000 کےوسک،گدو بیراج پر پانی کی;200;مد 222900کیوسک اور اخراج 190700 کیوسک، سکھربیراج میں پانی کی ;200;مد188200 کیوسک اور اخراج136400 کیوسککوٹری بیراج میں پانی کی;200;مد84200 کیوسک اور اخراج 64100 کیوسک ۔ ریزروائرز :تربیلا;58;ریزروائر کا کم از کم ;200;پریٹنگ لیول 1392فٹ،ریزروائر میں پانی کی موجودہ سطح1532;46;04 فٹ،ریزروائر میں پانی ذخیرہ کرنے کی انتہائی سطح 1550فٹ اور قابلِ استعمال پانی کا ذخیرہ 5;46;039 ملین ایکڑ فٹ ۔ منگلا;58;ریزروائر کا کم از کم ;200;پریٹنگ لیول 1050فٹ،ریزروائر میں پانی کی موجودہ سطح 1190;46;66 فٹ،ریزروائر میں پانی ذخیرہ کرنے کی انتہائی سطح 1242فٹ اور قابلِ استعمال پانی کا ذخیرہ 3;46;767 ملین ایکڑ فٹ ۔ چشمہ;58;ریزروائر کا کم از کم ;200;پریٹنگ لیول 638;46;15فٹ،ریزروائر میں پانی کی موجودہ سطح 640;46;00 فٹ،ریزروائر میں پانی ذخیرہ کرنے کی انتہائی سطح 649 فٹ اور قابلِ استعمال پانی کا ذخیرہ 0;46;024 ملین ایکڑ فٹ ۔ تربیلا اور چشمہ کے مقامات پر دریائے سندھ، نوشہرہ کے مقام پر دریائے کابل اور منگلا کے مقام پر دریائے جہلم میں پانی کی ;200;مد اور اخراج 24گھنٹے کے اوسط بہاءو کی صورت میں ہے جبکہ دیگر مقامات پر پانی کی ;200;مد و اخراج کی تفصیل جمعرات صبح 6 بجے کی ہے ۔

50 لاکھ گھروں کی تعمیر کا منصوبہ اہم سنگ میل ، کم آمدنی والے طبقہ کو اپنے گھر ملیں گے،مومنہ وحید

لاہور ۔ یکم اگست(اے پی پی )چیئر پرسن سٹیڈنگ کمیٹی فار چیف منسٹر انسپیکشن ٹیم مومنہ وحید نے کہا ہے کہ 50 لاکھ گھروں کی تعمیر کا منصوبہ ایک اہم سنگ میل ہے، 10 سالہ لوٹ مار کی وجہ سے ملک میں پیسے کی کمی ہے، اس منصوبے سے جہاں کم آمدنی والے طبقہ کو اپنے گھر ملیں گے وہاں ملک کی 40 صنعتوں کو براہ راست فائدہ ہو گا اور نوجوانوں کوروزگار ملے گا، نیا پاکستان ہاءوسنگ و ڈویلپمنٹ اتھارٹی ون ونڈو آپریشن کے تحت تعمیراتی کمپنیوں سمیت دیگر کے مسائل حل کر رہی ہے ۔ پاکستان میں گھر بنانے کے لئے بینکوں کی جانب سے قرضے دیئے جانے کی شرح 0;46;2 فیصد ہے، گزشتہ دس سال کی لوٹ مار کے باعث ملکی خزانہ میں پیسے نہیں ہیں ، ہمارے پاس کیش کی کمی ہے، پچاس لاکھ گھروں کی تعمیر کا بہت بڑا منصوبہ ہے ۔ یو این او پی ایس اور ایس ایچ ایس کی شمولیت سے اس منصوبے میں بہت مدد ملے گی ۔ یہ منصوبہ بڑے پیمانے پر شروع ہو گا ۔ انہوں نے کہا کہ نیا پاکستان ہاءوسنگ سکیم کے تحت جو منصوبہ شروع کئے جائیں گے ان میں پاکستانی وسائل استعمال ہوں گے ۔ محنت کش بھی پاکستانی ہوں گے اور تعمیراتی سامان بھی کوشش کی جائے گی کہ پاکستان کا ہی ہو ۔ وزیراعظم عمران خان نے کہا کہ اس منصوبے سے ہ میں دو فوائد حاصل ہوں گے، ایک یہ کہ بے گھر لوگوں کو گھر ملیں گے اور دوسرا اس سے ہاءوسنگ سے متعلقہ تمام صنعتوں کو فروغ حاصل ہو گا ۔ انہوں نے کہا کہ صرف وہی لوگ گھر بناسکتے ہیں جن کے پاس نقد رقم موجود ہو، عوام کی اکثریت کے پاس گھر بنانے کیلئے پیسہ نہیں ہے، ملک میں سوا کروڑ گھروں کی قلت ہے، ملکی قوانین ایسے ہیں کہ بینک اس سلسلے میں عام آدمی کو قرض فراہم نہیں کرتے اس لئے ہم نے قوانین کو بھی بہتر بنایا ہے ۔ اس حوالے سے تمام قانونی رکاوٹوں کو دور کیا جائے گا تاکہ بینکنگ کا شعبہ گھر بنانے کیلئے لوگوں کو قرضے دے ۔