سرگودھا۔ (نمائندہ سرگودہا) حکومت نے فیصل آباد کو سی پیک منصوبہ سے منسلک کرنے کیلئے سرگودھا فیصل آباد روڈ کو دو رویہ کرنے کی ہدایت جاری کردی ہے پہلے مرحلہ میں سرگودھا فیصل آباد روڈ کو چنیوٹ اور دوسرے مرحلہ میں چنیوٹ سے لالیاں جبکہ تیسرے مرحلہ میں لالیاں سے سرگودھا تک روڈ کو دو رویہ کیا جائیگا جبکہ سرگودھا سے میانوالی تک دو رویہ سڑک کیلئے پہلے ہی 10 ارب کے فنڈز کے اجراء کا عندیہ دیا جا چکا ہے اس طرح سرگودھا‘ فیصل آباد‘ چنیوٹ‘ خوشاب کے اضلاع ان دو رویہ سڑکوں کے ذریعہ سی پیک منصوبہ سے منسلک ہوجائینگے جس سے کاروباری سرگرمیوں کو فروغ ملے گا۔
Tag: baaghi
ملک کو مقروض کرنیوالوں سے حساب مانگا جائے تو جمہوریت خطرے میں پڑ جاتی ہے
سرگودھا۔ 30 جولائی (اے پی پی) 24 ہزار ارب کا ملک کو مقروض کرنیوالوں سے حساب مانگا جائے تو جمہوریت خطرے میں پڑ جاتی ہے اگر ان سے حساب نہ لیا گیا تو ملک خطرے میں پڑ جائیگا اس لئے ملک کو مقروض کرنیوالوں سے ایک ایک پائی کا جواب لیا جائیگا تاکہ پاکستان کو مقروض کرنیوالے آئندہ اس قسم کی حرکت نہ کرسکیں ان خیالات کا اظہار پاکستان تحریک انصاف کے رہنما رکن صوبائی ا سمبلی منیب سلطان چیمہ نے میڈیا سے گفتگو کرتے ہوئے کیا انہوں نے کہا کہ 10 سال اقتدار میں رہنے والوں نے جس طرح قومی دولت کو لوٹا وہ کسی سے پوشیدہ نہیں بدقسمتی سے ہمارے ملک میں جو جتنا بڑا مجرم ہے اس کی اتنی ہی مراعات ہیں سابقہ صدر اور وزیر اعظم رہنے والے خود کو عدالتوں میں بے قصور ثابت کرنے کی بجائے واویلا کررہے ہیں کہ انتقامی کاروائیاں کی جارہی ہیں حالانکہ جن مقدمات میں یہ جیلوں میں ہیں یہ مقدمات ان لوگوں نے خود ایکدوسرے پر کررکھے ہیں اب ان سے لوٹی گئی دولت واپس لینے کا وقت آگیا ہے۔
سرکاری ہسپتالوں میں مزید بہتری لا کر انہیں مثالی علاج گاہ بنایا جائے گا،ڈپٹی کمشنرخانیوال
سرکاری ہسپتالوں میں مزید بہتری لا کر انہیں مثالی علاج گاہ بنایا جائے گا،ڈپٹی کمشنرخانیوال
خانےوال ۔ 30 جولائی (اے پی پی) ڈپٹی کمشنر اشفاق احمد چوہدری نے کہا ہے کہ ضلع خانیوال کے سرکاری ہسپتالوں کے انتظامی امور اور سروسز میں مزید بہتری لا کر انہیں مثالی علاج گاہ بنایا جائے گا، محکمہ صحت کے افسران ہیلتھ کونسلوں کے فنڈز کو استعمال میں لاکر بنیادی ضروریات اورطبی سہولتوں کی فراہمی کو یقینی بنائیں تاکہ مریضوں کو علاج معالجہ کے دوران کسی قسم کی دشواری کا سامنا نہ کرنا پڑے ۔ ا نہوں نے یہ بات ہیلتھ کونسل ڈی ایچ کیو ہسپتال خانیوال کے اجلاس کی صدارت کرتے ہوئے کہی، جس میں ڈی ایچ او ڈاکٹر بلال ، ایم ایس ڈاکٹر زاہد اختر چوہدری ، ڈاکٹرمحمد رفیع سمیت دیگر ممبران نے شرکت کی ۔ اجلاس میں نئی او پی ڈی کے عقب میں قائم باءونڈری وال پر خار دار لگانے،ٹوٹی ہوئی ٹائلوں کی مرمت ، ہسپتال کی روشوں پر سفید اور زرد مارکنگ ;47; لائننگ،طبی آلات کی معمولی مرمت سمیت دیگر کاموں کی منظوری دی گئی ۔
شہریوں کی طرف سے ویڈیو کے ذریعے کی گئی شکایات کے ازالے کا سلسلہ شروع
شہریوں کی طرف سے ویڈیو کے ذریعے کی گئی شکایات کے ازالے کا سلسلہ شروع
ملتان ۔ 30 جولائی (اے پی پی)ڈپٹی کمشنر عامر خٹک نے شہریوں کی طرف سے ویڈیو کے ذریعے کی گئی شکایات کے ازالے کا سلسلہ شروع کر دیا گیا ہے ۔ ڈپٹی کمشنر نے ایک شہری کے ویڈیو پیغام میں کچرے اور گندگی کی شکایت کا سخت نوٹس لیتے ہوئے سالڈ ویسٹ کمپنی کو فوری طور پر ہیڈ محمد والا روڈ سے کوڑا کرکٹ کے ڈھیر اٹھانے اور کچرا پھینکنے اور اسے آگ لگانے والوں کے خلاف کارروائی کی ہدایت جاری کیں ۔ ہدایت ملنے پر کمپنی انتظامیہ نے بھاری مشینری کا استعمال کرتے ہوئے کچرا اٹھا کرگندگی سے متاثرہ جگہ کو ہموار کر دیا ہے ۔ یاد رہے کہ تنویر نانڈلہ نامی نوجوان نے ویڈیو میں نادرن بائی پاس سے ہیڈ محمد والا جانے والے روڈ پر گندگی کی شکایت کی تھی ۔ یہ وائرل ویڈیو ڈپٹی کمشنر تک پہنچی جس کا نوٹس لیا گیا ۔ شکایت کا ازالہ ہونے پر تنویر نانڈلہ نے اپنے فیس بک پیج پر ڈپٹی کمشنر عامر خٹک کو زبردست خراج تحسین پیش کیا ہے ۔
سی ای او ہیلتھ کا تحصیل ہیڈکوارٹر ہسپتال سلانوالی اور دیہی مرکز صحت فروکہ کا دورہ
سرگودھا۔30جولائی (اے پی پی)چیف ایگزیکٹو آفیسر ڈسٹرکٹ ہیلتھ اتھارٹی ڈاکٹر راؤسلیمان زاہد نے تحصیل ہیڈکوارٹر ہسپتال سلانوالی اور دیہی مرکز صحت فروکہ کا اچانک دورہ کیا۔ انہوں نے ایمر جنسی، زچہ بچہ وارڈ،گائنی، آؤٹ ڈور وارڈ، این سی ڈی روم، آئی ٹی لیب اور داخل مریضوں کے مختلف وارڈ کا بھی دورہ کیا۔ انہوں نے ایمر جنسی میں فراہم کی جا نے والی طبی سہولیات کاجائزہ لیا اور داخل خارج مریضوں کا رجسٹرڈ چیک کیا۔انہوں نے عملہ کی حاضری اور ڈیوٹی روسٹر کاجائزہ لیااور لیبر روم میں آپریشن کی سہولیات، مشینوں کی کارکردگی بارے دریافت کیا۔ انہوں نے ادویات کا رجسٹراوران کی معیاد چیک کی۔انہوں نے ٹی بی ڈاٹ پروگرام کی سہولیات اور مریضوں کی تفصیلات کاجائزہ لیا۔ بعد ازاں انہوں نے ای پی آئی پروگرام اور بنیادی مرکز ِصحت چک نمبری124 شمالی کا بھی اچانک دورہ کیا اور ڈاکٹروں اورطبی عملہ کی حاضری چیک کی اوردستیاب سہولیات پر اطمینان کا اظہار کیا۔
آبادی میں اضافہ پاکستان کا بہت بڑا مسئلہ ہے، ایڈیشنل ڈپٹی کمشنر جنرل
سرگودھا۔30جولائی (اے پی پی) ایڈیشنل ڈپٹی کمشنر جنرل بلال فیروز نے کہا ہے کہ آبادی میں اضافہ پاکستان کا بہت بڑا مسئلہ ہے۔ محکمہ بہبود آبادی سماجی، شہری تنظیموں، علماء اور معززین علاقہ کے تعاون سے دیہی علاقوں میں آبادی کے کنٹرول کے لئے خصوصی مہم چلائیں۔مساجد اور منبر ومحراب کو استعمال کرتے ہوئے علماء کے تعاون کے ذریعہ لوگوں میں آبادی کو وسائل کے مطابق متوازن بنانے کا شعور بیدار کریں۔ ان خیالات کااظہار انہوں نے محکمہ بہبود آبادی کی ضلعی کوارڈینیشن کمیٹی کے اجلا س کی صدارت کرتے ہوئے کیا۔ اس موقع پر ڈائریکٹر سوشل ویلفیئر حسین احمد گوندل، علماء، محکمہ صحت، تعلیم، اوقاف ودیگر متعلقہ محکموں کے افسران اور نمائندے بھی موجود تھے۔ بلال فیروز نے کہاکہ اس وقت ملک آبادی اور وسائل کے لحاظ سے عدم توازن کا شکار ہے۔انہوں نے کہاکہ سخت قانون سازی کے باوجود روایتی اذہان نوعمری کی شادیوں کے شیدا ہیں اور اسلامی طرز زندگی کے برعکس اپنی ضروریات کو بڑھا کر اپنے لئے مسائل پیدا کرنے کے رجحان دم نہیں توڑ رہا۔ انہوں نے محکمہ بہبود آبادی کو گاؤں گاؤں قریہ قریہ پاپولیشن ویلفیئر کا پیغام پہنچانے کی ضرورت پر زور دیا۔
ایڈیشنل ڈسٹرکٹ اینڈ سیشن جج کا سول جج کے ہمراہ ڈسٹرکٹ جیل کا دورہ، 5اسیران رہا
سرگودھا۔30جولائی (اے پی پی) ایڈیشنل ڈسٹرکٹ اینڈسیشن جج سرگودھا محمدافضل فہیم اور سول جج سرگودھا الباسط مدثرنے ڈسٹرکٹ جیل سرگودھا کادورہ کیا۔اس موقع پرانہیں چاک و چو بند د ستے نے سلا می دی، ان کے ہمراہ سپرنٹنڈنٹ سید محمد انجم شاہ، ڈپٹی سپرنٹنڈنٹ رانامحمد نا صر (ای)اور ڈپٹی سپرنٹنڈنٹ جاوید رشید بھی تھے۔ تمام جیل بشمول اسیران، نو عمر وارڈ اور ہسپتال کا دورہ کیااور صفائی و سیکیورٹی کے انتظامات کو سراہا۔ دورانِ دورہ ایڈیشنل ڈسٹرکٹ اینڈسیشن جج سرگودھا محمدافضل فہیم نے چھوٹے کیسوں میں ملو ث5اسیران کو رہا کیا۔
ادارے کے استحکام کے لیے سیلف انکم میں اضافہ ناگزیر ہے، ڈائریکٹر جنرل پی ایچ اے
ادارے کے استحکام کے لیے سیلف انکم میں اضافہ ناگزیر ہے، ڈائریکٹر جنرل پی ایچ اے
ملتان ۔ 30 جولائی (اے پی پی)ڈائریکٹر جنرل پی ایچ اے ڈاکٹر زاہد اکرام نے کہا ہے کہ پارکس میں بحالی اور سہولیات کی فراہمی تیزی سے جاری ہے، اس سلسلے میں زیب النساء پارک کا بجلی میٹر بحال کردیا گیا ہے ۔ امیرآباد پارک میں گھاس اور پودوں کی شجرکاری، تراش خراش اور ڈینگی سروے مکمل کر لیا گیا ہے جبکہ دولت گیٹ گرین بیلٹ پر صفائی اور مٹی کی بھرائی کا عمل جاری ہے ۔ اس موقع پر ڈائریکٹر جنرل نے مزید کہا کہ پارکس میں بحالی و سہولیات کی فراہمی مشن ہے جس کو مشن سمجھ کر سرانجام دے رہے ہیں ۔ پارکس بتدریج بہتری کی جانب گامزن ہیں ۔ انہوں نے مزید کہا کہ مون سون اور شجرکاری کے لیے موافق موسم کی آمد آمد ہے جس کے لیے مکمل تیاری کر لی گئی ہے اور اب بھرپور انداز سے شجرکاری کریں گے ۔ گرین بیلٹس کو شجرکاری کے لیے موافق بنانے کے لیے صفائی اور تراش خراش کا عمل جاری ہے ۔ ڈائریکٹر جنرل نے مزید کہا کہ ادارے کے استحکام کے لیے سیلف انکم میں اضافہ ناگزیر ہے جس کے لیے مربوط حکمت عملی تیار کر لی گئی ہے ۔ ادارے کی بہتری کے لیے تمام وسائل بروئے کار لائیں گے ۔ اگست میں پبلسٹی ٹھیکہ 2019-20ء کی کامیاب بولی کے لیے پر امید ہیں آمدنی سے ادارے کو مالی تقویت ملے گی ۔
سول ڈیفنس کی تربیت حاصل کرنے والے طلباء کا ریسکیو 1122 فیصل آباد کے مرکزی دفتر کا دورہ،
سول ڈیفنس کی تربیت حاصل کرنے والے طلباء کا انسٹرکٹرز کے ہمراہ ریسکیو 1122 فیصل آباد کے مرکزی دفتر کا دورہ، ورکنگ امور کے بارے میں آگاہی حاصل کی
فیصل آباد ۔ 30 جولائی (اے پی پی) سول ڈیفنس کی تربیت حاصل کرنے والے طلباء نے منگل کے روز انسٹرکٹرز کے ہمراہ ریسکیو1122 فیصل آباد کے مرکزی دفتر کا دورہ کیا اور ریسکیو 1122کے ورکنگ امور کے بارے میں آگاہی حاصل کی ۔ اس موقع پر ریسکیو ایمرجنسی آفیسر، سیفٹی آفیسر اور انسٹرکٹرز نے سول ڈیفنس کے طلباء کو بریفنگ بھی دی ۔ اپنے دورہ کے دوران 100 کے قریب طلباء نے سول ڈیفنس فیصل آباد کے لیڈنگ فائرمین، فائرپریوینشن اینڈ سیفٹی کے شعبہ کے حوالے سے بھی تبادلہ خیال کیا ۔ معلوماتی دورے کے دوران طلباء کےلئے ایمرجنسی آلات کی نمائش کے اہتمام کے ساتھ ساتھ انہیں کنٹرول روم ، وہاں موصول ہونے والی ایمر جنسی اطلاعات اور فوری ریسکیو سروس کے حوالے سے بھی آگاہی فراہم کی گئی ۔ اس دوران ریسکیو ایمرجنسی آفیسر سلطان محمود ریسکیو سیفٹی آفیسر طارق صدیق اور ریسکیو انسٹرکٹرز نے طلباء کو ایمرجنسی میں آلات کے استعمال اور ایمرجنسی حالات میں نبرد آزما ہونے سے متعلق آگاہ کیا ۔ بعد ازاں سول ڈیفنس کے انسٹرکٹرز اور طلبہ نے ریسکیو1122 کے ایمرجنسی آلات اور ایمرجنسی ہینڈلنگ پر بریفنگ کو انتہائی مفید قرار دیتے ہوئے کہا کہ مذکورہ دورہ سے انہیں اپنی سکل کو مزید بہتر بنانے میں مدد ملے گی ۔
فیصل آباد پولیس، رواں سال کے پہلے چھ ماہ کے دوران 19228 مقدمات درج
فیصل آباد پولیس، رواں سال کے پہلے چھ ماہ کے دوران 19228 مقدمات درج
فیصل آباد ۔ 30 جولائی (اے پی پی) فیصل آباد پولیس نے رواں سال کے پہلے چھ ماہ کے دورا ن جنوری سے جون تک19228مقدمات درج کئے ہیں ۔ سٹی پولیس فیصل آباد کے ترجمان نے منگل کے روز اے پی پی کو بتایاکہ ماہ جنوری میں 2711 ، فروری میں 4219 ، مارچ میں 3342 ، اپریل میں 3124 ،مئی میں 2929 اور جون میں 2903مقدمات کا اندراج کیا گیا ۔ انہوں نے بتایاکہ مذکورہ عرصہ کے دوران کرائم برخلاف اشخاص کے مجموعی طور پر 2024مقدمات درج کئے گئے جن میں جنوری میں 250 ، فروری میں 302 ، مارچ میں 375 ، اپریل میں 334 ،مئی میں 349 اور جون میں 414مقدمات درج کئے گئے ۔ انہوں نے بتایاکہ اسی عرصہ کے دوران کرا ئم برخلاف پراپرٹی کے مجموعی طور پر 3205مقدمات درج کئے گئے جن میں جنوری میں 505 ، فروری میں 472 ، مارچ میں 3577 ، اپریل میں 519 ،مئی میں 570 اور جون میں 562مقدمات درج کئے گئے ۔ انہوں نے بتایاکہ فیصل آباد پولیس نے لوکل اینڈ سپیشل لا ء کے تحت مجموعی طو ر پر 8227مقدمات کا اندراج کیا جن میں جنوری کے 894 ، فروری کے2609 ، مارچ کے1387 ، اپریل کے1217 ،مئی کے1103 اور جون کے1017مقدمات شامل ہیں ۔ انہوں نے بتایاکہ متفرق کرائم کے کھاتے میں مجموعی طور پر 5772مقدمات درج ہوئے جن میں جنوری میں 1062 ، فروری میں 836 ، مارچ میں 1003 ، اپریل میں 1054 ،مئی میں 907 اور جون میں 910مقدمات کا اندراج کیا گیا ۔
