Tag: baaghi

پروفیسر ڈاکٹر سید منظور حسین شاہ نے بحیثیت وائس چانسلر ہزارہ یونیورسٹی مانسہرہ کا چارج سنبھال لیا

مانسہرہ ۔ 29 جولائی (اے پی پی) ہزارہ یونیورسٹی مانسہرہ کے پرو وائس چانسلر پروفیسر ڈاکٹر سید منظور حسین شاہ نے بحیثیت وائس چانسلر ہزارہ یونیورسٹی چارج سنبھال لیا ہے ۔ اس سے قبل پروفیسر ڈاکٹر محمد ادریس جولائی 2016ء سے جولائی 2019ء تک بحیثیت وائس چانسلر ہزارہ یونیورسٹی اپنے فراءض منصبی سر انجام دے چکے ہیں ۔ نئے وائس چانسلر پروفیسر ڈاکٹر سید منظور حسین شاہ معروف ماہر تعلیم کے طور پر جانے جاتے ہیں اور اس سے قبل ہزارہ یونیورسٹی کے رجسٹرار، ڈین آرٹس اور پرو وائس چانسلر کے طور پر خدمات سر انجام دے چکے ہیں ۔ ہزارہ یونیورسٹی آمد سے قبل پروفیسر ڈاکٹر سید منظور حسین شاہ علامہ اقبال اوپن یونیورسٹی اسلام آباد میں مختلف پوزیشنوں پر خدمات سر انجام دیتے رہے ہیں جبکہ بین الاقوامی اداروں میں مختلف تعلیمی و تحقیقی پراجیکٹس میں بحیثیت کوآرڈینیٹر فراءض سرانجام بھی دیئے ہیں ۔

لاہور چیمبر کاتاجر برادری کے حقیقی تحفظات کو دور کرنے کا مطالبہ

لاہور ۔ 29 جولائی(اے پی پی )لاہور چیمبر کے سینئر نائب صدر خواجہ شہزاد ناصر اور نائب صدر فہیم الرحمن سہگل نے تاجر برادری کے حقیقی تحفظات کو دور کرنے کی ضرورت پر زور دیتے ہوئے مطالبہ کےا ہے کہ تاجروں کے مسائل حل کیے بغیر ریونیو ٹارگٹ سمیت دیگر اہداف حاصل کرنا ممکن نہیں ہوگا ۔ ایک بیان میں انہوں نے کہا کہ وفاقی بجٹ کے بعد سے اب تک صنعتی و تجارتی سرگرمیاں جمود کا شکار ہیں ، کاروباری حجم سکڑ رہے ہیں اور تاجروں کی تشویش میں اضافہ ہورہا ہے، پالیسیوں میں ترامیم کے ذریعے تاجر برادری کے تحفظات دور کیے جائیں ‘ انہوں نے کہا کہ ٹیکسوں کے پیچیدہ نظام، زیادہ پیداواری لاگت، غیرموافق کاروباری ماحول اور دیگر بہت سے مسائل کی وجہ سے معیشت سکڑ رہی ہے، انڈسٹری اور تجارت متاثر ہورہی ہے، ایسی پالیسیاں وضع اور موجودہ پالیسیوں میں ترامیم جو کاروبار دوست ماحول پیدا کےا جا نا چاہئے جو صنعت و تجارت کے فروغ میں مددگار ثابت ہوں ‘انہوں نے مطالبہ کےا کہ حکومت خریداروں کے لیے قومی شناختی کارڈ کی شرط واپس لے اور فکسڈ ٹیکس کی کیٹیگریز کو فائنل کرے تاکہ تاجروں کو ریلیف ملے‘لاہور چیمبر کے عہدیداروں نے کہا کہ دنیا کے کئی ممالک نے پسماندگی سے نکل کر معاشی استحکام حاصل کیا، پاکستان میں بھی معاشی لیڈر بننے کے لیے تمام وسائل موجود ہیں ‘ انہوں نے کہا کہ 1600 ;200;ءٹمز پر ڈیوٹی زیرو کی لیکن دوسری طرف تین ہزار ;200;ءٹمز پر ایڈیشنل کسٹمز ڈیوٹی عائد کی گئی جس کی وجہ سے مصنوعات مہنگی اور مقامی صارفین کی قوت خرےد مےں کمی آئی‘ انہوں نے کہا کہ ایکسپورٹ سے وابستہ سیکٹرز کے لیے زیر وریٹنگ کی سہولت کے خاتمے سے بر;200;مدی شعبہ متاثر ہوا ہے، حکومت کو اس فیصلے پر نظر ثانی کرنی چاہیے ۔ انہوں نے کہا کہ معیشت تب تک ترقی نہیں کرسکتی جب تک حکومت اور تاجر برادری کے درمیان اعتماد سازی نہ ہو ۔

سیکرٹری سپورٹس پنجاب کا مری میں زیرتعمیر دھوبی گھاٹ سپورٹس کمپلیکس کا دورہ کام کے معیار پرکوئی سمجھوتہ نہیں ہوگا اور تعمیراتی کام بر وقت مکمل کیا جائے، ندیم محبوب

لاہور ۔ 29 جولائی(اے پی پی ) سیکرٹری سپورٹس پنجاب ندیم محبوب نے مری میں زیرتعمیر دھوبی گھاٹ سپورٹس کمپلیکس کا دورہ اور تعمیراتی کام کا معائنہ کیا ، اس موقع پر ڈویژنل سپورٹس آفیسر ملک وقار اور ڈسٹرکٹ سپورٹس آفیسر شمس توحید عباسی بھی موجود تھے، دھوبی گھاٹ سپورٹس کمپلیکس میں والی بال، باسکٹ بال اور 7اے سائیڈ سینٹھک فٹ بال کی سہولیات کی فراہمی کےلئے سپورٹس کمپلیکس کی تعمیر جاری ہے ، سیکرٹری سپورٹس پنجاب ندیم محبوب نے اس موقع پرافسران کو ہدایت کی کہ کام کے معیار پرکوئی سمجھوتہ نہیں ہوگا اور تعمیراتی کام بر وقت مکمل کیا جائے ،انہوں نے مزید کہا کہ سپورٹس پنجاب حکومت کی اولین ترجیحات میں شامل ہے‘ سپورٹس کے فروغ کےلئے پنجاب کے تمام اضلاع میں بہترین انفراسٹرکچر قائم کیا جارہا ہے‘ سپورٹس گراوَنڈز اور کمپلیکس تعمیر ہورہے ہیں تاکہ دور درازکے علاقوں کے شہریوں کو بھی سپورٹس کے یکساں مواقع مل سکیں ۔

2روزہ پنجاب انٹر ڈویژن پاورلفٹنگ چیمپئن شپ (آج)سے شروع ہوگی

لاہور ۔ 29 جولائی(اے پی پی )سپورٹس بورڈ پنجاب کے زیر اہتمام 2روزہ پنجاب انٹرڈویژن پاورلفٹنگ چیمپئن شپ (آج) بروز منگل سے شروع ہوگی ۔ چیمپئن شپ کے مقابلے نشترپارک سپورٹس کمپلیکس کے جمنازیم ہال میں ہو ں گے ۔ ڈی جی سپورٹس پنجاب عدنان ارشد اولکھ نے اپنے ایک بیان میں کہا ہے کہ پنجاب انٹرڈویژن پاورلفٹنگ چیمپئن شپ کے تمام انتظامات مکمل کرلئے گئے ہیں ۔ صوبائی وزیرکھیل رائے تیمورخان بھٹی کی قیادت میں سپورٹس بورڈ پنجاب سپورٹس کےلئے بھرپور اقدامات کررہا ہے اور ہمارا مشن سپورٹس کا فروغ ہے ۔ پنجاب انٹرڈویژن پاورلفٹنگ چیمپئن شپ میں 9 ڈویژن کی ٹی میں شرکت کر رہی ہیں ۔ پنجاب انٹرڈویژن پاورلفٹنگ چیمپئن شپ کی افتتاحی تقریب کے مہمان خصوصی صوبائی وزیرکھیل ، امورنوجوانان و سیاحت رائے تیمورخان بھٹی ہونگے ۔ چیمپئن شپ میں 8ویٹ کیٹیگریز کے مقابلے ہونگے ۔

لاہور سمیت پنجاب بھر میں 774 ٹریفک حادثات میں 5 افراد جاں بحق، 893 زخمی

لاہور ۔ 29 جولائی(اے پی پی ) صوبائی دارالحکومت لاہور سمیت پنجاب بھرمیں 774ٹریفک حادثات میں 5ا فراد جاں بحق جبکہ893زخمی ہو گئے، زخمیوں کوفوری طور پر نزدیکی ضلعی و تحصیل کے ہسپتالوں میں منتقل کیا گیا جبکہ361معمولی زخمی لوگوں کو ریسکیومیڈیکل ٹیمز نے جائے حادثہ پر بروقت پہنچ کرطبی امداد فراہم کی جس کی وجہ سے ہسپتالوں پر بوجھ بھی کم ہوا،ان حادثات میں زیادہ تر تعداد (66فیصد )موٹر سائیکلز حادثات کی ہے، اس لیے وقت کی ضرورت ہے کہ ٹریفک حادثات کی بڑھتی ہوئی شرح کو کم کرنے کے لیے ٹریفک قوانین پر سختی سے عمل کیا جائے اوراولین کے نظم و ضبط کا خیال رکھیں ، اعداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 364ڈرائیورز،کم عمرڈرائیورز23،مسافر409اور125پیدل چلنے والے افراد متاثر ہوئے،اعدادو شمار سے ظاہر ہوتا ہے کہ187ٹریفک حادثات کی فون کالز لاہور کنٹر ول روم میں موصول ہوئیں جن میں صوبائی دارالحکومت لاہور218متاثرین کے ساتھ پہلے ،فےصل آباد 69حادثات میں 81متاثرین کے ساتھ دوسرے اورملتان52حادثات میں 56متاثرین کے ساتھ تیسرے نمبرپررہا ۔

ایل ڈی اے کرپشن کیس ، احد خان چیمہ کے جوڈیشل ریمانڈ میں مزید 11 روز کی توسیع

لاہور ۔ 29 جولائی(اے پی پی )احتساب عدالت لاہور نے ایل ڈی اے سٹی اربوں روپے کرپشن سکینڈل کیس میں سابق ڈی جی ایل ڈی اے احد خان چیمہ کے جوڈیشل ریمانڈ میں مزید 11 روزہ کی توسیع کر دی،احتساب عدالت کے جج چوہدری امیر محمد خان نے کیس کی سماعت کی، عدالتی سماعت کے دوران نیب تفتیشی افسر کی جانب سے احد چیمہ کے متعلق تفتیشی رپورٹ پیش کی گئی جس میں موقف اختیار کیا گیا کہ الفاء سٹیٹ کے مالک گرفتار ملزم آصف ملک اور عبدالرشید نے احد چیمہ وغیرہ کی ملی بھگت سے اربوں روپے کی خوردبرد کی ،ملزمان ایل ڈی اے سٹی میں ڈویلپمنٹ پارٹنر تھے لیکن غیر قانونی طور پر کروڑوں روپے کے پلاٹ فروخت کر دئیے، ابتدائی اندازے کے مطابق اربوں روپے کی فائلیں فروخت کی گئیں ، اب تک ایل ڈی اے سٹی میں سترہ سو بارہ فائلیں فروخت کیں اور پیسے اکٹھے کئے،عدالت نے احد چیمہ کو دوبارہ 9 اگست کو احتساب عدالت کے روبرو پیش کرنے کا حکم دے دیا ۔

لاہور پریس کلب کی گورننگ باڈی کا اجلاس صدر ارشد انصاری کی زیر صدارت منعقد ہوا جس میں سینئر نائب صدر ذوالفقار علی مہتو، نائب صدر ناصرہ عتیق، سیکرٹری زاہد عابد، جوائنٹ سیکرٹری حافظ فیض احمد، خزانچی سالک نواز، اراکین گورننگ باڈی عمران شیخ، محمد شاہد چوہدری، رانا طاہر، حسن تیمور جکھڑ، محمد حسنین چوہدری، گل نواز احمد، قاسم رضا اور فاطمہ مختار بھٹی نے شرکت کی۔ اجلاس کا آغاز تلاوت کلام پاک سے ہوا جس میں درج ذیل فیصلے کئے گئے،

صدر ارشد انصاری نے اجلاس میں بتایا کہ کلب گرانٹ میں اضافہ کی سمری وزیر اعلیٰ پنجاب عثمان بزدار کی جانب سے منظور ی کی جا چکی ہے اور جلد ہی گرانٹ ریلیز کر والی جائے گی۔ اجلاس میں سیکرٹری زاہد عابد نے کلب کے مالی اور دیگر معاملات پر بریفنگ دی۔

صدر ارشد انصاری نے اجلاس میں بتایا کہ صحافی کالونی کے رہائشیوں کے ذمہ واجب الادا ماہانہ بقایاجات ذمہ واجب الادا 1 کروڑ 24 لاکھ روپے کی معافی کا لیٹرجاری ہوگیاہے جبکہ پنجاب جرنلسٹس ہاﺅسنگ فاﺅنڈیشن نے بورڈ آف ڈائریکٹر ز کی تکمیل کیلئے بھی اقدامات شروع کر دیئے ہیں، کالونی میں پانی کی سپلائی اور سیوریج کا نظام واسا کے حوالے کرنے کیلئے اقدامات شروع کر دیئے گئے ہیں جلد ہی واسا کالونی کا نظام سنبھال لے گا جبکہ بجلی کا نظام لیسکو کے حوالے کرنے کیلئے بھی لیسکو حکام سے مثبت بات چیت جاری ہے،کالونی میں ہسپتال اور سکول کی تعمیر کیلئے وزیراعلیٰ پنجاب کی ہدایت پر صوبائی وزیر اطلاعات کی سربراہی میں کمیٹی قائم کر دی گئی ہے جبکہ وزیر اعلیٰ پنجاب نے ایف بلاک کے ترقیاتی کام شروع کرنے کیلئے منیجنگ کمیٹی کے اگلے اجلاس کے ایجنڈے میں شامل کر نے کا حکم دیدیاہے۔انھوںنے مزیدبتایا کہ صحافی کالونی فیز ٹو کی زمین کی خریداری کے حوالے سے محکمہ اطلاعات نے سمری وزیر اعلیٰ پنجاب کو ارسال کر دی ہے جہاں سے یہ کمشنر لاہور اور بورڈ آف ریونیو میں جائے گی ، امید واثق ہے کہ یہ کام بہت جلد عملی طور پر نظر آنا شروع ہو جائے گا۔

سینئرنائب صدر ذوالفقار علی مہتو نے بتایاکہ صحافی کالونی کی نورکنی مینجمنٹ کمیٹی نے صحافی کالونی میں حفاظتی انتظامات بہتر بنادیئے ہیں جبکہ جھاڑیوں کی صفائی اور عارضی ماڈل بازار کے قیام پر کام شروع ہو چکا ہے۔رہائشیوںکے لئے پلمبراور الیکٹریشن کی 24 گھنٹے کی سروس بھی شروع کردی گئی ہے۔ اجلاس میں میرٹ کے مطابق ممبرشپ سکروٹنی کے جاری عمل پراطمینان کا اظہارکرتے ہوئے اس کی جلد تکمیل کی یقین دہانی کرائی گئی۔  ممبرگورننگ باڈی قاسم رضا اور سینئر ممبر عطیہ زیدی کے مابین تنازع پر معاملہ افہام وتفہیم سے حل کرلیا گیا۔ 

اجلاس میں فیصلہ کیاگیاکہ ممبران کی فیملیز کے لئے فیملی روم تعمیرکیاجائے گا تاہم نئے کمرے کی تعمیر تک فیملیز صدر،سیکرٹری اور لیڈیزروم میں بیٹھ سکتی ہیں۔  سوشل میڈیاپر کردارکشی کرنے والوں کے خلاف سخت اقدامات اٹھانے کی قراردادمتفقہ طور پر منظورکرتے ہوئے گورننگ باڈی کے سابقہ اجلاس میں کئے گئے فیصلے کے مطابق نوٹس جاری کئے بغیر آئندہ مستقبل میں کلب کے کسی عہدیداریاممبرکی کردارکشی کرنے والے کی ممبرشپ ختم کردی جائے گی ۔
 

آمدن سے زائد اثاثہ جات کیس ، فواد حسن فواد کے جوڈیشل ریمانڈ میں مزید 11 روز کی توسیع

لاہور ۔ 29 جولائی(اے پی پی ) احتساب عدالت لاہور نے آمدن سے زائد اثاثہ جات کیس میں ملوث سابق وزیر اعظم نواز شریف کے پرنسپل سیکرٹری فواد حسن فواد کے مزید 11 روزہ جوڈیشل ریمانڈ میں توسیع کرتے ہوئے آئندہ سماعت پر تفتیشی افسر سے رپورٹ طلب کر لی، احتساب عدالت کے جج محمد وسیم اختر نے کیس کی سماعت کی، عدالت نے فواد حسن فواد کو دوبارہ 9 اگست کو عدالت میں پیش کرنے کا حکم دیا ہے، عدالتی سماعت کے موقع پرفواد حسن فواد کو کیمپ جیل لاہور سے احتساب عدالت کے روبرو پیش کیا گیا، آمدن سے زائد اثاثہ جات کیس میں نیب کی جانب سے فواد حسن فواد کے خلاف عدالت میں ریفرنس دائر کیا جا چکا ہے ،ریفرنس کے مطابق فواد حسن فواد کے 4 ارب 56 کروڑ 51 لاکھ 26 ہزار 904 روپے کے اثاثہ جات ہیں ، راولپنڈی 15 منزلہ لگژی شاپنگ مال، حیدر روڈ پلاٹ اور قرضہ جات پر انٹرسٹ شامل ہیں ،فواد حسن فواد نے جہانگیر صدیقی گروپ کے بنک سے 3 ارب 45 کروڑ کا قرض ظاہر کیا، فواد حسن فواد کی ایف بی آر ریکارڈ کے مطابق فیملی سیونگ 2 کروڑ 54 لاکھ 80 ہزار 822 روپے ہے ،فواد حسن فواد نیب کے روبرو 3 ارب 47 کروڑ 54 لاکھ 80 ہزار 822روپے کی وضاحت دے سکے، فواد حسن فواد نیب کو 1 ارب 8 کروڑ 96 لاکھ 46 ہزار 172 روپے سے متعلق وضاحت نہیں دے سکے ۔

حکومت ملک کی بہتری و ترقی کے مشن پر عمل پیرا ہے، رہنماء پی ٹی آئی مومنہ وحید

لاہور ۔ 29 جولائی(اے پی پی )پاکستان تحریک انصاف کی رہنماء مومنہ وحید نے کہا ہے کہ عوام نے پی ٹی آئی کو منتخب کیا، حکومت پاکستان کی بہتری اور ترقی کے مشن پر عمل پیرا ہے، پاکستان کو خوشحال بنائےں گے، سرمایہ کاری کے فروغ سے ملک کو اپنے پاءوں پر کھڑا ہونے میں مدد ملے گی ۔ ان خیالات کا اظہار انھوں نے اپنے ایک بیان میں کیا ۔ انہوں نے کہا کہ تمام طبقات ٹیکس نیٹ میں شامل ہو کر اپنا کردار ادا کریں ، طاقتور کا احتساب ہوگا تو ملک ہمیشہ کےلئے بدل جائے گا، قومی دولت لوٹنے والے اپنے بچاءو کے لئے اکٹھے ہو گئے ہیں لیکن انہیں این آر او نہیں ملے گا ۔ انھوں نے کہا کہ این آر او دینا ملک سے غداری کے مترادف ہو گا، کرپشن ختم ہو گی تو ملک ترقی کرے گا ۔

آئندہ چوبیس گھنٹوں کے دوران ملک کے بیشترعلاقوں میں گرج چمک کے ساتھ بارش کا امکان

لاہور ۔ 29 جولائی(اے پی پی )صوبا ئی دارالحکومت لاہور میں مون سون با رشوں کا سلسلہ وقفے وقفے سے جاری رہا، بارش کے بعد چلنے والی تیز ہوا کے با عث شہر کا موسم خوشگوار ہو گیا، محکمہ موسمیات کے مطابق آئندہ چوبیس گھنٹوں کے دوران ملک کے بیشترعلاقوں لاہورڈویژن،گوجرانوالہ ڈویژن،اسلام آباد اور کشمیر میں چند مقامات پر تیز ہواءوں اور گرج چمک کے ساتھ بارش کا امکان ہے اور زیادہ تر مطلع ابر آلود رہنے کی پیش گوئی ہے ۔ تاہم ملک کے دیگر علاقوں میں موسم ابر آ لود رہے گا ۔ گزشتہ 24 گھنٹوں کے دوران لاہورڈویژن ،راولپنڈی ،گوجرانوالہ، اسلام آباد اور کشمیر میں اکثرمقامات پر تیز ہواءوں اور گرج چمک کے ساتھ وقفے وقفے سے بارش کا سلسلہ جا ری رہا ۔ سب سے زیادہ بارش راولپنڈی02 ،نارووال 07،جہلم11،لاہور، ائیرپورٹ 26،سٹی22،سیالکوٹ ائیرپورٹ 09،سٹی08، گوجرانوالہ 25،گجرات میں 06 ملی میٹربارش ریکارڈ کی گئی ۔ سوموارکے روز لاہور شہر کا زیادہ سے زیادہ درجہ حرارت 30 اور کم سے کم28 سینٹی گریڈ ریکارڈ کیا گیا جبکہ ہوا میں نمی کا تناسب 82 فیصد رہا ۔