Tag: baaghi

قصور
مرغی کی قیمت تاریخ کی بلند ترین سطح پہ،سوشل میڈیا پہ 15 روزہ مرغی کے گوشت کی بائیکاٹ کی مہم جاری،شہری سخت پریشان

تفصیلات کے مطابق قصور میں مرغی کے گوشت کی قیمت تاریخ کی بلند ترین سطح پہ پہنچ گئی ہے
آج قصور میں مرغی کے فی کلو گوشت کی سرکاری قیمت 671 روپیہ فی کلو ہے جبکہ بیشتر مرغی فروش 700 روپیہ فی کلو تک فروخت کر ہے ہیں
مہنگائی کے اس دور میں مرغی کا گوشت کھانا بھی غریب کے لئے خواب بن گیا ہے
مہنگے ترین مرغی گوشت کے خلاف سوشل میڈیا صارفین نے 15 روزہ مہم شروع کی ہے جس میں لوگوں سے استدعا کی گئی ہے کہ 15 روز تک مرغی کا گوشت ہرگز نا خریدیں تاکہ مہنگی مرغی گوشت کی قیمتیں نیچے آئیں
ماضی میں بھی عوامی طور پہ ایسی بائیکاٹ کی مہم چلائی گئی تھی جس کے بہتر نتائج نکلے تھے

قصور
سب ڈویژن لیسکو راجہ جنگ میں عرصہ دراز سے ہائی و لو وولٹیج کا مسئلہ،لوگوں کی الیکٹرانکس و الیکٹرک اشیاء خراب،محکمہ واپڈا کے لوگ خواب خرگوش میں

تفصیلات کے مطابق لیسکو قصور کی سب ڈویژن راجہ جنگ کے گاؤں اوراڑہ نو،اوراڑہ کلاں،میر محمد ،ستوکی و دیگر دیہات میں عرصہ دراز سے بجلی وولٹیج ہائی و لو رہتے ہیں
اچانک وولٹیج بہت زیادہ بڑھ جاتے ہیں تو کبھی بہت زیادہ لو ہو جاتے ہیں جس کی وجہ سے لوگوں کی الیکٹرانکس و الیکٹرک اشیاء خراب ہوتی ہیں
اس بابت سب ڈویژن راجہ جنگ کے ذمہ داران کو مطلع بھی کیا گیا ہے تاہم کوئی عمل درآمد نہیں ہوتا جس کی وجہ سے صارفین سخت پریشان ہیں اور حکام بالا سے مطالبہ کرتے ہیں کہ وولٹیج پرابلم جلد ٹھیک کی جائے اور غفلت کے ذمہ دار ملازمین و افسران کے خلاف کاروائی کی جائے

قصور
تاجروں کے وفد کی ڈی پی او سے ملاقات،امن و امان کی صورتحال پہ تبادلہ خیال

تفصیلات کے مطابق ڈی پی او قصور طارق عزیز سندھو سے شہر قصور کے تاجروں کے وفد نے ملاقات کی جس میں شہر میں امن و امان کی صورتحال اور پولیس کی کارکردگی پر بات چیت کی گئی اور امن و امان کی صورتحال کو کنٹرول کرنے پہ گفتگو ہوئی
وفد میں ایس ایچ او تھانہ سٹی اے ڈویژن افتخار احمد جوئیہ اور ایس ایچ او بی ڈویژن وحید عارف بھی
شامل تھے
ڈی پی او نے امن وامان کی صورتحال کو قائم رکھنے، جرائم پیشہ عناصر سے آہنی ہاتھوں سے نمٹنے اور تاجر برادری کو تحفظ فراہم کرنے کی یقین دہانی کروائی

قصور
کئی دنوں سے برسات کا سلسلہ جاری،برسات آتے ہی واپڈا کی نااہلی سے بجلی غائب رہنا معمول بن گیا،شہری سخت پریشان

تفصیلات کے مطابق گزشتہ کئی دنوں سے قصور میں وقفے وقفے سے برسات اور تیز ہواؤں کا سلسلہ جاری ہے اور زیادہ تر برسات اور تیز ہواؤں کا یہ سلسلہ رات کے وقت شروع ہوتا ہے
بارش آتے ہی اور تیز ہوا چلتے ہی بجلی غائب ہو جاتی ہے اور مسلسل کئی گھنٹے بجلی غائب ہی رہتی ہے جس کے باعث شہریوں کی زندگیاں اجیرن بن چکی ہیں اور لوگوں کے معمولات زندگی متاثر ہوتے ہیں
خاص طور پہ بجلی غائب رہنے کا یہ سلسلہ دیہاتی علاقوں میں یہ مسلسل جاری ہے
کل رات بھی ہلکی بارش آنے سے بجلی غائب ہو گئی اور تاحال بجلی غائب ہی ہے
بجلی کی آئے روز خرابی واپڈا کی نااہلی کو ثابت کرتی ہے دوسری طرف عرصہ دراز سے ہائی ٹرانسمیش تاریں بدلی نہیں کی گئیں جس کے باعث ٹرانسمیشن لائنز میں خرابی پڑتی ہے اور بجلی بند ہو جاتی یے
شہریوں نے ڈی سی قصور و ایس ای لیسکو واپڈا قصور سے نوٹس لینے کا مطالبہ کیا ہے

قصور
ٹیوب ویل کنویں سے دو لاشیں برآمد،علاقے میں خوف و ہراس

تفصیلات کے مطابق گزشتہ رات تھانہ کھڈیاں کے علاقے موضع چراغ دین والا میں ٹیوب ویل کے کنواں سے دو افراد کی لاشیں اہلیان علاقہ نے دیکھ کر پولیس کو اطلاع دی
وقوعہ کی اطلاع پاکر پولیس موقعہ پر پہنچی اور
مقتولین کی شناخت اختر سکنہ بھسر پورہ قصور اور رمضان سکنہ رکن پورہ قصور کے ناموں سے کی گئی
لاشیں ملنے سے علاقے میں خوف ہراس کی فضاء قائم ہو گئی ہے
مقتولین کو نامعلوم ملزمان نے گولیاں مار کر قتل کیا اور لاشوں کو موٹر سائیکل سمیت کنوئیں میں پھینک دیا
پولیس نے لاشوں کو قبضہ میں لے کر ڈی ایچ کیو ہسپتال روانہ کیا اور شواہد اکٹھے کرنے کیلئے فرانزک لیب اور کرائم سین یونٹ کو طلب کر لیا جنہوں نے شواہد اکھٹے کئے اور پولیس نے تفتیش کا دائرہ کار شروع کیا
تفتیش سے یہ بات سامنے آئے گی کہ آیا مقتولین کو کنویں میں پھینک کر قتل کیا گیا ہے یا قتل کرکے کنویں میں پھینکا گیا ہے
ڈی پی او قصور نے ایس پی انویسٹی گیشن کی سربراہی میں تحقیقاتی ٹیم تشکیل دے دی ہے

قصور
معروف عالم دین مفسر قرآن و شیخ الحدیث حضرت مولانا عبدالسلام بن محمد بھٹوی کی نماز جنازہ مریدکے میں ادا کر دی گئی،

تفصیلات کے مطابق کل مریدکے سب جیل زیر انتظام شیخوپورہ جیل میں نظر بند معروف عالم دین،ہزاروں جید علما کرام کے استاد،شیخ الحدیث حضرت مولانا عبدالسلام بن محمد بھٹوی اچانک حرکت قلب بند ہونے سے وفات پا گئے جن کی نماز جنازہ آج مورخہ 30 مئی کو مرکز مریدکے میں صبح 9 بجے ادا کر دی گئی
ان کی نماز جنازہ پروفیسر ڈاکٹر عبدالرحمن مکی حفظہ اللہ نے پڑھائی جس میں ہر مکتبہ فکر کے ہزاروں لوگوں نے شرکت کی
مرحوم کی نماز جنازہ میں نا صرف پورے پاکستان بلکہ دنیا کے بیشتر ممالک سے بھی لوگوں نے شرکت کی
مرحوم انتہائی سادہ مزاج اور درویش صفت انسان تھے جنہوں نے اپنی 77 سالہ زندگی میں 50 سال تک درس و تدریس کے فرائض سر انجام دیئے
ان کے شاگردوں میں ہزاروں جید علماء کرام شامل ہیں اور آپ نے تفسیر قرآن و کئی احادیث کتب کی شرح بھی لکھی ہے
مرحوم کا تعلق موضع بھٹہ محبت ،گوہر چک تحصیل پتوکی ضلع قصور سے تھا
ان کو مریدکے قبرستان میں سپرد خاک کیا گیا ہے

قصور
کل شام مینار پاکستان لاہور میں مرکزی مسلم لیگ کے زیر سایہ ہونے والی ،تکبیر کانفرنس، میں قصور سمیت ملک بھر سے لوگوں کی کثیر تعداد میں شرکت،یوم تکبیر ایٹمی دھماکوں پہ اظہار تشکر،9 مئی واقعات کی مذمت اور ملوث افراد کو سزا دینے کا مطالبہ

تفصیلات کے مطابق کل لاہور مینار پاکستان میں مرکزی مسلم لیگ پاکستان کے زیر سایہ ،تکبیر کانفرنس، کا انعقاد کیا گیا جس میں قصور سمیت پورے ملک سے کثیر تعداد میں لوگوں نے پرجوش شرکت کی
تکبیر کانفرنس میں چاروں مسالک کے علماء ،تمام سیاسی جماعتوں کے رہنماؤں سمیت ہر مکتبہ فکر کے قائدین نے خطاب کیا جن میں سے سب سے پرجوش خطاب قرآن و سنہ موومنٹ کے سربراہ علامہ ابتسام الہٰی ظہیر نے کیا جن کے خطاب پہ شرکاء نے پرجوش نعرے بازی کی
کانفرنس شام 6 بجے شروع ہوئی اور رات 12 کے بعد تک جاری رہی
مقررین نے 28 مئی یوم تکبیر کے حوالے سے ایٹمی طاقت بننے پہ اظہار تشکر کیا اور اس عزم کا اعادہ کیا کہ اپنے ملک و ملت اور اداروں کیساتھ ربط مضبوط کیا جائے گا اور ہر طرح کی قربانیاں پیش کی جائیں گیں
شرکاء نے کہا کہ نفرت کی سیاست نے پاکستان کا امن و سکون برباد کیا ہے ایسے افراد کا محاسبہ ضروری ہے اور ایسے لوگوں کا بائیکاٹ کرے
تمام مقررین نے سانحہ 9 مئی کی بھرپور مزمت کی اور پاک فوج کے حق میں نعرے بازی کی اور مطالبہ کیا کہ 9 مئی کے ملزمان سمیت ان حملوں کے ماسٹر مائنڈ کو سخت سزا دی جائے

کانفرنس سے بلوچستان سے آئے قبائلی سرداروں نے بھی خطاب کیا اور پاکستان سے اظہار محبت کرتے کہا کہ پاکستان ہمارا گھر ہے جس کا امن و سکون بھارت خراب کر رہا ہے تاہم بلوچ اپنے گھر اور اپنے اداروں کیساتھ ڈٹ کر کھڑے ہیں اور ہر طرح کی قربانیاں پیش کرتے رہیں گے
کانفرنس میں ملک بھر سے آئے میڈیا نمائندگان نے بھرپور کوریج کی